رواية أحببتك رغم انتقامك الفصل السادس والعشرون 26 بقلم منه محمد

رجعت بعد فسحتها الممتعه مع طارق قد ايه جددت نشاطها خرجتها من خنقتها لقته واقف منتظرها سم بدنها بكام كلمه من كلامه الي دايما يزعجها بيه بس بسرعه كملت طريقها لحد جوه وهو وراها قابلتها وسألتها

سعاد بقلق:ست عاليا راجعه ليه وشك  احمر كدا انتي كنتي بتعيطي مين الي أذاكي قوليلي وانا اشوف شغلي معاه

عاليا بسخريه:مفيش يا سعاد حتي لو قولتلك مش هتجرئي تضربيه

سعاد بشجاعه:لا والله لو يطلع كلمبوه نفسه لضربه ولا يهمني مهما كانت قوته او يكون ما يكون انا مش خايفه

كريم بصوت خشن :سعاد

سعاد: ايه

كريم بلهجه أمر: حالا تنقلي هدوم عاليا وكل حاجاتها اوضتنا

سعاد ببتسامه واسعه :حاضر

عاليا : ليه تنقلها انا هفضل في اوضتي القديمه

كريم: اظن انتي متجوزه وعندك زوج ولا نسيتي

عاليا بعناد: اه نسيت

كريم عقد حواجبه:انتي نسيتي بس انا منستش ومش مسمحولك بعد اللحظه تنعزلي في اوضه تانيه لازم تبقي معايا

عاليا: ليه عاوز تعمل كدا ايه قررت تخنقني وانا نايمه وتخلص مني

كريم: مظبوط عشان كدا عايزك تنامي جنبي

سعاد حاسه بحبهم وان الخناق ملح الحياه طلعت علي السلم: انا رايحه انقلهم حالا

عاليا: سعاد استني (لفتله) اسمع انا مش هتحتح من اوضتي

كريم: وانا مش مهتم بس انتي مراتي بالفعل وواجبك تنامي جنبي في نفس السرير تتألمي بقي قلبك يتكسر ده يخصك انتي!!!!!

عاليا نفخت بملل … لانها عارفه الظاهر مستحيل يسيبها في حالها !!!! جايه تتحرك تمشي

كريم شدها عليه: لازم تبقي جنبي

عاليا بتحرر نفسها: سبني

نهله الي واقفه فوق ومتابعه الجدال الي حاصل بينهم بقهره!!!!

نزلت علي السلم بسرعه ومثلت انها دايخه : كريم الحقني

كريم بخضه ساب عاليا وجري عليها بلهفه: نهله انتي بخير

نهله بخبث: حسيت بدوخه جامده كريم خدني علي اوضتي ارجوك

كريم بص لعاليه 

نهله بتحاول تشتته عنها : كريم طلعني علي اوضتي ارجوك

كريم رفع عيونه علي عاليا الي واقفه ولا تعابير علي ملامحها: قومي معايا 

بدئت نهله تتحرك معاه وبصت لعاليا بنظرات من تحت لتحت

…………منه محمد…………..

دخلها ونايمها علي السرير وغطاها بأحكام وقعد جنبها: ها حاسه انك كويسه

نهله هزت دماغها

كريم: ليه رافضه نروح المستشفي

نهله: مش مستهله انا هرتاح شويه وابقي كويسه

كريم: حاسه انك احسن (جث جبينها) جسمك مش دافي حاولي تنامي شويه بس لو فضلتي كدا هنروح المستشفي (قام)

نهله شدته من ايده: كريم خليك معايا لو سمحت مش عايزه اكون لوحدي

عاليا واقفه عند عتبه الباب تتفرج عليهم!!!!!

…………..منه محمد…….

اريد واجهل ماذا اريد **** اريد وعاطفتي لا تريد

احب السماء ولون النجوم**** وامقتها كل فجر جديد

اريد واشعر اني احس*** ويسخر مما احس الوجود

ارغب في حلم غامض*** فليس له هيكل او حدود

عاليا رجعت غرفتها لقت سعاد بتجمع هدومها !!!

سعاد لفت شافتها: ست عاليا ليه رجعتي هنا تاني روحي انا هلمهملك بنفسي انتي روحي اوضتك مع كريم بيه

عاليا :ملوش داعي يا سعاد انا مش هتنقل من هنا (وغمضت عيونها بتعب)

سعاد: لكن كريم بنفسه طلب مني انـ

عاليا قطعتها :نهله مش بخير وكريم قاعد يراعيها فمش هيرجع اوضته علي الاقل الليله هو قال ده عشان بس يستعرض قوته

سعاد: لا مش كدا فعلا واضح انه عاوزك

عاليا: لا هو دايما بيحب يفوز ضدي

سعاد :ست عاليا اظن

عاليابضيق: سعاد سبيني لوحدي لو سمحتي

……منه محمد………

قاعد جنبها علي الفوتيه العريض!!!!

نهله: شكرا انك جنبي

كريم ببتسامه مغتصبه: ولا يهمك حاسه انك احسن

نهله: اه  علي الاقل دلوقت افضل من امبارح بس لسه حاسه بالدوخه والتعب

كريم: طب يله خليني ادخلك السرير

نهله: لا مش عايزه انام عايزه أأعد هنا

كريم: براحتك بس لو مقدرتيش تتحملي قوليلي (قرب الملعقه) يله اخر معلقه

نهله : لا شبعت خلاص

كريم: تمام! ممكن تنامي شويه

…………..منه محمد…….

كانت متمدده في سريرها هتنام تهرب في عالم الاحلام  لقت الباب بيخبط بعنف قامت وفتحته 

كريم  بسيطره بقسوه جبروت:مش قولتلك تروحي تنامي في اوضتي ليه مستهتره بكلامي

عاليا :لاني مش محتاجه اسمع كلامك لاني مش هبقي ضحيتك بعد النهارده وبعدين متقدرش تجبرني وبطل تستخدم نغمه مراتي وانا جوزك لانك متعرفش يعني ايه زوج فخليك عقلاني وقفلت الباب في وشه

كريم هبد جامد :عاليا افتحي الباب

عاليا  قفلت النور وصدرتله الطناش

كريم جز علي اسنانه بغيظ:والله لربيكي يا جزمه

………..منه محمد……….. 

الصبح علي السفره بصلها لقاها قاعده سرحانه

عاصم : اتفضلي يا قمرحته اللنشون دي ( مسد علي ايدها) مالك يا قلب بابا ليه مش بتاكلي كتير لو قلقانه بخصوص طارق انا خلاص اصدرت قرار تعينه لانه دكتور هايل وممتاز والسي في بتاعه يقول كدا وكمان عايزك تعرفيه بنفسك علي باقي الزملاء وانا يومين وهعمل اجتماع نتعرف فيه علي الدكاتره الجديده 

عاليا  اكتفت ببتسامه: انا كمان متأكده انه ممتاز وانا بخير وباكل اهو

عاصم بهتمام: طيب مالك بقي ليه مبوزه

عاليا: ابدا بس حاسه ان معدتي وجعاني ومحتاجه ارتاح

عاصم: اهتمي بصحتك عارف انك متوتره للوضع كله بس عادي فيه امور هنتكلم فيها فيما بعد

عاليا حطت قدامه نفس ما عمل: وانت كلي زي اظن خسيت يجي حوالي خمسه كيلو فكل كتير

عاصم ضحك: شكرا يا اموره يافرفوره

عاليا ضحكت اوي انه بيقولها نفس طارق لما بيلقبها!!!

عاصم التفتلها: سعاد

سعاد: افندم

عاصم: فين كريم؟؟؟

سعاد بغيظ: ابدا قاعد مع الست نهله اصلها عيانه فقاعد جنبها يراعيها

عاصم: سعاد انتي الي تهتمي بيها عارفه كدا ولا مش عارفه بلاش تسيبي كريم معاها لوحدهم

سعاد: اطمن هتولي الامر ولا تقلق هخالي بالي منها اوي

عاصم لف تاني لطبقه واكل بستمتاع لانه عارف الي هتعمله سعاد

………….منه محمد……..

قاعد بيعملها كمدات بصتله وابتسمتله بادلها ابتسامه بس مكسوره!!!

نهله: مصمم تروح النهارده الشغل مش عايزه اكون لوحدي

كريم: هرجع علي طول بس لو حالتك سائت اتصلي بيا او اندهي لسعاد يله لازم امشي 

نهله : كريم انت بتحبني انا مش بتحب عاليا

كريم لف وبصلها وسكت

نهله :كريم قولي انك بتحبني

كريم مازال ساكت

نهله اتحركت ببطئ وقربت ومسكت كف ايده: بحبك كتير

كريم ابتسم ومسد علي ايدها

نهله: انت مش بتحب عاليا مش كدا!!!!

كريم بصوت مهزوز: انا لا انا بكرها

نهله: طيب امبارح قابلتها فين؟؟

كريم: مفيش قبلتها راجعه من برا فكنت بتكلم معاها 

نهله بفضول: في ايه 

كريم :كانت فين وسايبه الشغل

نهله بشك :بس كدا

كريم :ايوه ومش حاجه تانيه

نهله شدته يقعد جنبها:متاكد

كريم :متأكد ويله ارتاحي لاني لازم اروح الشغل

نهله :كريم خليك معايا انا تعبانه 

كريم :عايز افضل بس ورايا شغل مهم لازم اعمله 

نهله حضنته من وسطه بأيدها الاتنين: يعني متقدرش تسيب شغلك ليوم واحد حكون بعده كويسه عشان خاطري كريم

…….منه محمد…..

رايحه ناحيه الغرفه بصنيه اكل وقفت تكلم نفسها….عاصم بيه قالي اكبس علي نفسهم وانا هنفذ كلامه لحد ما اتأكد انها قربت تتخنق وخبطت علي الباب بعنف: انا داخله حد خالع راسه (دخلت لقتها نايمه في حضنه) ياقوم حضرت فطار مريض وركنت الصنيه علي جنب 

سعاد: يانهاري هي نهله محتاجه اسعاف

نهله بتكشيره: لا انا بخير مفيش داعي تهتمي

كريم كأنه مصدق قام واتحرك

سعاد: ولا يهمك بس لازم تكوني راقده في المستشفي  لان الامر ممكن يبقي زلابيه لو حصلك حاجه هنا

كريم بتحذير: سعاد

سعاد: انا قصدي نجيب دكتور يبقي جنبها يدخل في الوقت المناسب لو لقدر الله حصلها حاجه وهي لوحدها هنا انا مش هعرف اعمل ايه

كريم: في الوقت الحالي هي كويسه بس من فضلك اعتني بيها

سعاد :من عيوني

كريم لف لنهله: لو احتاجتي اي حاجه اتصلي هرجعلك طوالي

نهله جايه تقوم وراه سعاد اتحركت بالصنيه ووقفت في وشها: لالالا متتحركيش كتير انتي مريضه يله روحي ارتاحي يله

نهله  بكل قوتها دفعتها:سبيني لوحدي

سعاد بسخريه: لا والله تعبانه وفيكي صحه تزقيني الزقه الجامده دي  معني كدا انك احسن مني لازم ابلغ كريم بيه عشان ميفضلش قلقان عليكي 

نهله بهجوم: اخرسي انا عارفه انك من انصار عاليا مفكره انك تقدري توقفيني 

سعاد: انا هنا مجرد خدامه مش من حقي ادخل لكن لازم ادخل لاني مش قادره اتحمل الوضع اكتر من كدا انا عندي دين مقدرش اتحمل اشوف ناس بيعملوا افعال ضد الاخلاق خاصه الزنا اصل عيب الست تلعب مع زوج ست تانيه

نهله بتصرخ بحقد: انتي اخرجي برا

سعاد فضلت واقفه

نهله: قلت اخرجي برا وراحت جابت طبق الشوربه تدلقه عليها 

سعاد جريت علي عتبه الباب: متسيش تاكلي

وجريت من قدامها سمعت صرخه نهله وكسر الطبق!!!!

سعاد: وقحه (مسكت دماغها)  اه لا مش قادره انضف بس مش مهم المهم انها اتنرفزت وصقفت بنصر

………منه محمد…….

نازله علي السلم لقته واقف علي اخره منتظرها قلبت عيونها بضجر وكملت نزول بلا مبالاة

كريم بهدوء: هنروح سوي

عاليا من غير ما حتي تبصله كملت طريقها وطنشته !!!

خرج وراها بندفاع ومسك ايدها لفاها له: لو رايحه الشغل روحي معايا

عاليا: وانا مش عايزه اوعي

كريم رفع حاجب : قلت روحي معايا

عاليا بعصبيه مفرطه: ليه اروح معاك انا راشده كفايه اقدر اروح لوحدي

كريم :لا متقدريش

عاليا: احسن لك خد الطريق المختصر

كريم  بسخريه: هو نفعنا لما استخدمنا الطريق المختصر

عاليا بزهق: من الاخر انت عايز ايه

كريم ابتسم ع جنب: عايزك تروحي معايا

عاليا شخطت فيه: بس انا مش عايزه اروح معاك 

كريم  :وانا قلت تروحي يعني تروحي

عاليا اتعصبت جدا: انت ايه مش بتفهم بقولك مش هروح معاك اوعي خليني اروح شغلي

كريم كتفها بأيده من وسطها يضمها لصدره بقوة وتملك: لا اتفضلي حاربي فيا بس عارفه عجبني قسوتك

عاليا بصتله اوي وهو ميل عليها محتاج يقطف شفايفها

 بكل غل داست علي رجله وهو صرخ ورجعت ضربته بالشلوط وهو اتألم

عاليا بتعدل نفسها: مش هروح معاك ممكن تروح مطرح ما انت عايز ولوحدك

كريم ماسك رجله بألم: عربجيه 

عاليا مشت تضحك بخبث واستمتاع بألمه!!!!!! 

…….منه محمد……..

قابلها في المول جاي يلف يمشي وقفت قدامه قعد مكانه

نهله قعدت جنبه بسؤال : ليه رافض تبص في وشي لسه زعلان؟

حسن كشر: انا مش زعلان انا قرفان

نهله بحمقه: ممكن اعرف ليه؟؟!!

حسن اتنهد: ليه لانك قابله علي نفسك تكوني مجرد لعبه اشتراها بالمجان وانا هستني واشوف اليوم الي هيحطمك فيه كريم وتضطري تسيبي المكان

نهله: انت صديقي المفروض تقف معايا

حسن: مستحيل اقف معاكي لاني مش متفق معاكي وانا شايفك كل يوم بتنجري في طريق اسود بسبب خطته للانتقام كريم حب يوقعك في شباكه عشان يرجع حق امه

نهله: تمام وانا موافقه حتي لو كنت لعبه

حسن بلوم وعتاب: وليه تبلعي الطعم الغي القرف ده بدل ما تندمي

نهله: انا مش مهتمه سواء كانت لعبه او العكس انا بس بهتم بكريم وحابه اشاركه اللعبه

حسن: العبي بس كريم الي هيقرر امتي تنتهي اللعبه

نهله وشها اصفر وهرب منه الدم: ليه واثق في كلامك

حسن بثقه: لاني عارف صاحبي مهما كانت البدايه كريم هو الي هيقرر النهايه

نهله نفخت: اطمن كريم بيحبني زي ما انا بحبه وده لـ اخلاصي له

حسن: واثقه

نهله: واثقه جدا

حسن بصلها بعصبيه: انتي حره وتبقي تستاهلي كل الي هتقبليه وسابها وغادر المكان

………منه محمد……..

دخلت الشركه وطلبت منه يجلها مكتبها يروح معاها تعرفه علي باقي الموظفين عشان يرحوله العياده ويتعملوا معاه كدكتور ممارس بعد ما خلصوا جوله التعارف حاطه ايدها في ايده ومقضينها ضحك وهزار قابلهم جاي عليهم وحس انه فضله تكه وينفجر

كريم وجهه نظراته الناريه له : اممم شكلك دكتور ممتاز زي ما سمعت وهتشتغل بجد عشان كدا هيحبك السيد عاصم اوي

طارق ابتسم بسماجه: ده مش هيكون السبب الوحيد السيد عاصم عارف الي الناس بتحس بيه اتجاه

كريم بصله بشراسه: الي اقصده لو كنت معتقد انك تبقي من اصحاب المنفعه  يبقي انت متعرفهوش كويس

طارق بتحدي: مش مهم لسه عندي وقت طويل اعرفه عن قرب وقريب يمكن ابقي اقربله من ضله عاليا تعتقدي والدك ممكن يقبلني ابن تالت

عاليا : معرفش لكن بالنسبه لي فأنا مستعده لاني واثقه فيكي اكتر من اي شخص تاني اقدر اعتمد عليه 

طارق ابتسملها: تمام يا فرفوره اسيبك تكملي شغلك واشوفك وقت البريك (بص لكريم) فرصه سعيده ومشي

عاليا دخلت الاسانسير دخل وراها ماعطاهاش مجال لأنه وقف قدامها ووشه متحول بلون الدم وعروق جسمه اتتشددت :حلو اوي العرض الي عملتهوه

عاليا بلعت ريقها: قصدك ايه؟؟!!

كريم بغل: قصدي الاهتمام بالدكتور الي شكلك مبهوره بيه دي غير الاحتفاليه العظيمه والورد الي عمال يتوزع في كل مكان

عاليا بصتلو بنظرات تستفزه : طبعا لازم اهتم بيه لانه شخص مهم بالنسبه لي

كريم بستفزاز ممماثل: حلو جهزي نفسك بقي ياحلوه لاني ربما اطلب مساعدتك تنظمي البوفيه يوم خطوبتي علي نهله

عاليا : مبروك ده هيكون قريب لانكم لايقين علي بعض اوي 

كريم بسخريه وقف قدامها وحرك صوابع ايده في شعره بغرور : بس اعملي حسابك هخليكي تلمي الكوبيات وبواقي الجاتوه 

عاليا ابتسمت بصفار: وانا هخليك تلم الزباله بأيدك ومتخافش هخالي نهله تبقي المساعد بتاعك تلموهم سوي (وضحكت اوي)

كريم عطل الاسانسير وذقها للحيط وحاصرها

عاليا بتوتر: سبني ولا عاوز مشكله

كريم بنظرات كحد الجحيم : مين التافهه ده بس بحذرك ابعدي عنه لانك لو بتحبي الراجل ده  فملكيش دعوه بشؤني رغم اني عارف الحقيقه انتي مجروحه وعايزه تنتقمي

عاليا: انت مغرور بنفسك زياده عن اللزوم انا بس عايزاك تفهم ان شخص حقير وضيع زيك مينفعش يقارن نفسه بـ

كريم قطعها لما سحب شفايفها بين شفايفه يلتهمهم كأنه بيطحنهم لدرجه وجعوها وحرقوها

عاليا تحاول تبعده: ابعد يا مجنون

كريم حضنها بكل قوته :والمجنون مش عايز يخف ومستعد يديكي اكتر من البوسه حتي لو هيدفع فيها دم قلبه

عاليا دفعته بقرفه وحقد وكرهه: انا بكرهك وبشمئز منك وخرجت من الاسانسير 

وهو خرج وراها بعيون كلها حقد وشر ومسَك ايده واتك عليهم : والله لربيكي

…………….منه محمد………

ابحت عن ارض وعن هوايه ابحث عن بيتي الذي هناك عن وطن المحاط بالاسلاك ابحث عن طفولتي  وعن رفاق حارتي عن كتبي عن صوري عن كل ركن دافئ وكل مزهريه (نزار قباني)

قاعده ممدده علي الشزلونج بكل اريحيه وبتسمع شريط صوتي ليهم مع بعض قد ايه اشتاقت لـ ايام زمان لما كانت في فتره المراهقه حياتها مفهاش غير اللعب مع طارق والدلع من نبيله رن موبيلها بصوت مسدج فتحته وابتسمت ابتسامه واسعه رن ردت بسرعه

طارق:انتي اول واحده عاوزها تشاركني فرحتي

لقت الفون اتشد من علي ودنها وهي اتخضت وهو بصلها ورد بالنيابه عنها: لا عاليا معايا ومش هسمحلها تروح اي مكان ولو حاسس بالوحده اتصل بأي واحده تانيه افرح معاها لو مصمم هجيلك انا اسحلك و لو فضلت مصمم تفضل حوالين مراتي حموتك وقفل(خدي)

عاليا زعقتله: مالك انت

كريم زعق قصادها: ابقي بعيده عنه من دلوقت

عاليا بنفعال: ليه اسمع كلامك دي حياتي اقدر اعمل كل الي نفسي فيه انت مفكر نفسك مين

كريم: ابدا جوزك مش بطه بلدي واملك الحق متشوفيش راجل تاني وده أمر

عاليا: انا مبخدش اوامر منك

كريم: الي زيك لازم يتصرف بحكمه وطالما انا موجود عمرك ما هتبقي مع راجل تاني لان انا رقم واحد وهفضل رقم واحد مفهوم ولو اي راجل حاول يقرب هقتله

عاليا بتريقه: طيب ما بدال ما تستخدم صحتك في مشاكل استخدمها في امور مفيده 

كريم مسكها من دراعها: مفيش داعي تديني دروس اتصرف ازاي في حياتي ولاني شخص مجنون فبحذرك هدمرك

عاليا: تصور عندي فضول اشوف كل مواهبك مع اني متأكده انك خلصت ومعندكش اي حاجه تانيه تقدر تعملها  عشان كدا انا الي بحذرك لاني هلعب في حياتك واشربك من نفس الكاس 

قطع خناقهم نغمه موبيلها!!!

كريم كور كف ايده: اياكي تردي

عاليا بصتله ببرود و لسه هترد

كريم شد منها الفون: مش مسمحولك تردي

عاليا بتشده منه : هات

كريم : لاورماها في البسين وضحك عليها!!!!! وغني بصوته وحرف في كلمات الاغنيه اصل خلاص هعملك ايه ولا حاجه فيك بتأثر وتحذيري  ليك ياحبيبى استهترت بيه ودخل بعتلها سعاد تطلعها بسرعه!!!!

تاني يوم راحو الشركه فجأو بمصيبه كبيره فيها طوق النجاه لعاليه للخلاص من كريم ياتري عاليا هتنتهز الفرصه وتخلص منه للابد ولا القدر له رأي تاني