Uncategorized

رواية نور حياتي الفصل العشرون 20 بقلم بسمة شعبان

 رواية نور حياتي الفصل العشرون 20 بقلم بسمة شعبان

رواية نور حياتي الفصل العشرون 20 بقلم بسمة شعبان

رواية نور حياتي الفصل العشرون 20 بقلم بسمة شعبان

أحبسوا أنفسكوا عشان لسه اللى جاي أحلى ????❤
نور بغضب : بسسس بقى ، انت ايه مش بتفهم ، انا بكرهك ، فاهم يعني ايه بكرهكككك ابعد عنى بقى
قام جاسر من مكانه وقام بتقبيلها وهى أغمضت عيونها سريعا …..
ماذا لو بقينا هكذا ؟! …. ماذا سوف يحدث ؟!….
أبتعد جاسر عنها ببطء ووضع جبينه على جبينها وقال بحنو : ممكن تسمعيني ، ممكن تفهمي ايه اللى حصل بالظبط
نور بتوهان وبكاء : أرجوك متكدبش عليا ، قولى انك ملكش علاقه بموت أهلى ولا تعرفهم ، أرجوك قولى كدا ، انا حبيتك متخلنيش أندم واكرهك ياجاسر
جاسر بإرتياح : يبقى لازم تقعدي وتسمعيني
أمسك يدها وأجلسها على الاريكه
جاسر : انا فعلا أعرف ابوكي وشوفته فعلا ، بس أكيد مش انا السبب فى قتله ولا حتى قتل مامتك …
فى اليوم دا تاليا كانت مختفيه بقالها يومين تقريبا وأحنا قلبنا عليها الدنيا وعمي تعب جدا ، المهم تاليا بعد يومين اتصلت بيا وانا رديت عالطول وهى كانت بتتكلم بتعب وقالتلى انها عملت حادثه وان هى كويسه بس العربيه عشان متخبطش فيها لفت الناحيه التانيه بسرعه و عشان كدا العربيه اتقلبت وهما بيلفوا وهى مش عارفه تعمل ايه وطبعا انا روحت ومن غير ما اقول لعمي عشان كان تعبان ف أكيد هيتعب أكتر ، وفعلا روحت وأتصلت بالاسعاف أو معنى اصح هى اللى اتصلت بالاسعاف ووصلت فى نفس الوقت اللى وصلت انا فيه والإسعاف خدت تاليا للمستشفي بسرعه عشان كانت بتولد ودى كانت صدمه بالنسبالي لان انا الوحيد اللى مكنتش أعرف و عشان كدا هربت من عمي ، ولما روحت عشان أشوف العربيه اللى اتقلبت وأشوف مين فيها ، انا فعلا شوفتهم بس كنت بحسبهم ميتين واتحركت بس أبوكي مسك أيدى وبصلي أكن انا اللى خبطه او هو أفتكر كدا فعلا ولما عرفت انه لسه صاحي انا حاولت اساعده وأتصلت بالإسعاف بدل اللى مشيت بسرعه عشان يلحقوا تاليا اللى كانت هتموت فعلا هى والبيبي ، وانا حاولت أخرجه من العربيه المقلوبه بس حديده من العربيه دخلت فى جنبي ورغم الوجع انا مستسلمتش وبرده حاولت اطلعه بس مقدرتش أتحمل الوجع أكتر من كدا وأبوكي حس بكدا ، منعني انى احاول تاني أخرجه ، وهو خرج صورة من جيب قميصه وحطها فى ايدى وقالي ان أخلي بالي منكوا عشان ملكوش حد من بعده وكلمني عنك وقال انك غلبانه ومش بتعرفي تأخدى حقك وانك بتخافي من كل حاجه وكلمني عن ريم انها جريئه وعنيدة ومش بتسيب حقها وأتكلم كتير عنكوا وبعد كدا … صمت قليلا ثم أكمل بحزن : وبعد كدا مات  وانا أغمى عليا عشان نزفت كتير  ولما فوقت لقيت نفسي فى المستشفي ، وعرفت ان الحديده دخلت فى كليتي وطبعا كانت ملوثه ف كان لازم أشيل كليتي وبعدها بمدة تعبت تاني وروحت للدكتور وعرفت ان عندى فشل كلوي ، صدقيني انا خرجت من المستشفى زى المجنون وفعلا دورت عليكوا كتير بس معرفتش أوصل لأى حاجه خاصه لما خالتك هى اللى دفنتهم وخلصت كل الورق وأختفيتوا على كدا وانا مكنش معايا اي حاجه ليكوا إلا الصورة اللى أبوكي ادهاني وبالصدفه ببص فى الصورة ولفتها لقيت عنوان المصور واللى كان فى المنصورة وروحت المنصورة ولحسن حظي ان المصور صاحب ابوكي وكان عارفكوا كويس وفعلا عرفت عنوانكوا وكنت بطمن عليكوا من بعيد وخصوصا بعد ما كان لازم اتجوز تاليا عشان اللى خلفيتوا وكمان عشان عمي ميتفضحش ودا كان سبب ان مازن بيكرهني طبعا ، واتجوزت تاليا فعلا وخصوصا لما الحيوان هرب ومعرفناش مكانه وهى مقلتش أي حاجه عنه ، وانا مكنش ينفع أقول لا طبعا عشان عمي وحالته الصحيه اللى كانت بتدهور
نور ببكاء : يعني آدم مش أبنك ؟
جاسر بإبتسامة : آدم إبني ، الاب اللى بيربي يا نور ، وانا آدم حبيته أكنه أبني بالظبط ، بس دا ميمنعش كرهي من تاليا طبعا ، وعرفت انك مخطوبه وهتتجوزى خلاص قولت يبقى أكيد خالتك كويسه واختك هتكون مبسوطه بس لما عرفت انها طردتكوا من البيت انا فضلت وراكوا وعرفت مكانكوا ومكنتش عارف هقولك ايه بس لما لقيتك بتدخلى مكتب التوظيف ، انا فى الاول مكنتش واخد بالي منك وكنت فعلا رايح مكتب توظيف وبالصدفه والله شوفتك هناك وخصوصا ان تلفوني فصل ف مكنتش عارف من اللى بيراقبكوا انتو فين بالظبط ، بس واضح ان القدر جمعنا ببعض من غير ما نعرف ولما شوفتك مصدقتش نفسي ودا اللى خلاني أزعق اول يوم أكلمك فيه عشان انا شوفتك كتير فى المنصورة ، بس طبعا انتى كنتي أول مرة تشوفيني و…
قاطعته نور : بس انا كنت ممكن أمشي لو ريم مكنتش كلمتني و…
أكمل جاسر :  وانا أكيد كنت هوصلك ومش هسيبك كدا ، وطبعا كانت بتحجج على حوار الإقامة وكدا عشان كنت عاوز كدا فعلا ، كنت عاوز تفضلوا قدام عيني عالطول عشان هى دى وصية أبوكي الله يرحمه
كل هذا كانت نور مصدومه من كل ما أخبرها به وسبقتها دموعها على وجنتها
جاسر بمرح : بس تصدقي أبوكي كان عنده حق ، انتى فعلا مش بتعرفي تأخدى حقك عكس ريم تمام ، دى البت كانت هتضربني أول ما اتكلمت معها قدام بوابه الفيلا والله البت دى شكلها ولد وبتشتغلنا
نور بأبتسامه : لا هى عالطول كدا ، لسانها اطول منها
( حاسه انهم بيوصفوني انا مش عارفه ليه ????????)
ثم أكملت نور بحزن وأمسكت يده : أرجوك ياجاسر ، رجعلي أختي أرجوك
جاسر بحب : ششش متخافيش ، ريم هترجع يعني هترجع متخافيش ، و دلوقتي يلا عشان نمشي من هنا انا بكره المستشفيات من ساعة اليوم المشئوم دا ….
ثم أكمل بحب : بس عارفه انا بشكر اليوم دا عشان كانت اول مرة اشوف صورتك فيها و..
قطع كلامه رنين هاتفه جاسر بجديه : ايوة وصلت لأي ، انا عايزه من تحت الارض ، 5 دقايق وتكون عرفت عنوانه بالظبط ، انت فاااهم
( محدش يسألني هو كان بيكلم مين ???? دول أكيد عصافير جاسر السويسي ????????)
نور بتوتر : أحم بس احنا مش هينفع نمشي
جاسر بإستغراب : ليه
نور : عشان العمليه ، المفروض تعملها دلوقتي
جاسر بتعب : لا يانور انا مش هعمل عمليات ، صحيح مين المتبرع ، أوعي تقولي انتى
نور بتوتر : لا لا مش أنا دا واحد كدا
جاسر : نور أنتى بتكدبي ، وانا مستحيل أعرض حياتك للخطر حتى لو انى هعيش ، ف انا مش هقدر أعمل كدا وياريت منتكلمش فى الموضوع دا تاني ، يلا نمشي من هنا… وبالفعل خرج كلاهما من المستشفي ….
فى الفندق
مازن بخوف : خير يا دكتور ، هى كويسه ؟
الدكتور : انا اسف بس لازم أبلغ البوليس ..
مازن بصدمه : ايه ، انت بتقول ايه دى مراتي
الدكتور : بس دا شبه أعتداء بالضرب يعني لازم أبلغ البوليس
مازن بسخريه : انت متأكد ان حضرتك دكتور ، كل اللى فيها دا عشان عندها حساسيه مش أكتر يا…يا دكتور
الدكتور ببرود : وانا مقولتش حاجه ، دى كلت كميه موز رهيبه حتى لو متعرفش انها عندها حساسيه منها وكلت منها واحدة بس هتعرف أنها عندها حساسيه ومش هتكمل أكل ، بس واضح انها كلت الكميه دى غصب عنها يامازن باشا ولازم أبلغ البوليس لانها كانت ممكن تموت لولا انى لحقتها
مازن بغضب : بس تخاريف هى وبقيت كويسه ملهاش لزوم بقى تكبر الموضوع وبعدين دى مراتي وانا أكيد مش عاوز أموتها يعنى ودلوقتى اتفضل يلا
الدكتور بإعتراض : بس يامازن باشا…
مازن بتهديد : لو لسه عاوز تبقى دكتور تمشي دلوقتى قبل ما اخليك تندم أنك وقفت قدامى حتى ، انت فااااهم ، يلا غووور …
دخل مازن للغرفه ووجدها نائمه وظل يتأملها
مازن بحزن : عارف ان اللى بعمله دا غلط ، بس أعمل ايه ، على قد حبي ليكى على قد ما بعذبك … سمحيني ياريم أوعدك انى هتغير تمام صدقيني هتغير …. ثم أقترب من آذانها وهمس : هتغير .. عشان بحبك ، ايوة بحبك و من أول ما شوفتك كمان …سامحيني ، فوقي انتى بس وانا هعوضك عن كل دا …..ثم وضع راسه على يدها وهى نائمه …
فى سيارة جاسر
جاسر : الو ، أنت متأكد من العنوان دا وليه مش فى الفيلا بتاعته
المتصل : مش عارف ياجاسر بيه بس فى حاجه
جاسر : انطق فى ايه
المتصل : الدكتور لسه خارج من الجناح بتاعه
جاسر : ايه ووصل امتي ، يعنى بعد مازن ما جه عالطول ولا
المتصل : بعد دخوله بدقيقتين بس
جاسر بقلق : طب خليك عندك لحد ما اجي ولو حصل اى حاجه اتصل بيا انت فاااهم
واغلق جاسر الهاتف وحاول ان يكون طبيعيا  …
نور بخوف : ها ياجاسر لقيت ريم ، عرفت مكنها فين
جاسر : ايوة يا نور و احنا دلوقتي رايحين نجيبها ومتخافيش هى كويسه ….
فى شركه جاسر السويسي
خرج عز من مكتب حسام وهو يتوعد له ولم يرا هذا الذى كان يراقبه منذ البدايه
مراد : باشا ، ياباشا .. ممكن نتكلم شويه
عز بإستحقار : نعم ، انت بتكلمني انا ، وهتكلم معاك بمناسبه ايه إن شاء الله
مراد : انا أعرف حاجه عن حسام باشا انت متعرفهاش وممكن تدمره خالص
عز بإنتباه : وانا المفروض اصدقك ، عبيط انا بقى
مراد ببرود : والله براحتك انت اللى خسران فكر و دا الرقم بتاعي لما تفكر رن عليا  بس خليك فاكر هدفنا واحد وهو تدمير حسام الدمنهورى ، سلام يا باشا
ظل عز يفكر كثيرا ولم يهتم لهذا الكائن وقرر انه سيجد خطه حتى يدمر حسام ….
تفتكروا ليه عز بيكره حسام الدمنهورى اوى كدا ؟! ..
حسام بفرحة وهو يتحدث فى الهاتف  : ايوة ياجاسر بقولك كل حاجه بقيت تمام وانا متابع الشغل كله متقلقش ، وفى خبر حلو جدا كمان
جاسر بتعب : أخيرا خبر حلو ، قول بدل النكد اللى انا فيه دا
حسام بضحك : شوفت من كتر النكد اللى انت فيه اهو طبع على حياتك أحسن
جاسر : لما أجي هظبطك متخفش
حسام بضحك : انا قررت أفتح شركة هندسه أخيرا
جاسر : تاني ياحسام انت ايه مشكلتك انك تشتغل معايا وبعدين هو انت هتهتم بشركتك وشغلنا ازاى بقى إن شاء الله …
حسام : جاسر انا مش عيل صغير عشان تقول الكلام دا ، وانا أكيد قد المسؤليه متخفش ، انت ايه كل الغيبه دى ، انت فين كدا
جاسر : دا حصل معايا العجب ، هقولك كل حاجه لما اشوفك ، سلام دلوقتى
حسام : اشطا سلام
حسام بصوت عالى : يااااااشهد
شهد بمرح : ايه يا باشا فى ايه ، وربنا ما انا اللى كلت الجبنه
حسام بضحك : جبنه ايه يامجنونه انتى ، حددي معاد مع الحج عشان أخلص بقى
شهد بمرح : ليه يا باشا هطلعه الحج ولا ايه
حسام : يابنتي اتكلمى جد شويه ، انا بتكلم جد احنا مستنين ايه
شهد بمرح : قرب اقولك ، اصل بصراحه الشاي والسكر خلصوا من عندنا ف عليك بخير بقى لما نجيب الشاي والسكر سمعليكووو عشان الملفات شويه كدا من كترها هسيبلها المكتب عشان تأخد راحتها
حسام بضحك : والله مش عارف اللى ف البيت مستحملين تفاهتك كدا ازاى ، انا عايزك فى موضوع تاني
شهد : خير ، ضرب مش هضرب اتخانق لوحدك ياسطا
حسام بضحك : ياسطا ، واطيه اوى ، لا انا عاوزك معايا فى الشغل ، انا هفتح شركه هندسه واعتقد دا مجالك ف هيبقى كويس ليكى
شهد : بس انا هندسه ميكانيكا يعني مش هفيدك
حسام بمرح : طب اشطا اشوف سكيرتيرة تانيه و اهي تكون ذكيه شويه ومش بتفطر مع عم أيمن
شهد بغضب : لا والنبي ، دا على اساس انك أحمد عز ولا توم كروس ياخويا
حسام : والله انا قمر تقدري تنكرى دا
شهد بغيظ : انا همشي احسن ، سلام يا ميكل چاكسين
كادت ان تذهب ولكن شدها لحضنه بسرعه
حسام بحب : هتصدقى لو قولتلك انك أحلى واحدة عيني شافتها
شهد بتوتر : احم ط…طب ممكن تبعد شويه عشان كرونا و كدا وانا بخاف على نفسي
حسام بضحك : عاوزة اقولك ان معندكيش ادنى احساس ، فين يا بنتي الرومانسيه ،منك لله ياشيخه ، امشي امشي ايه القرف دا
وظلوا يضحكون …..
أنا عشقي ليك عشق القمر للنجم والليل والسهر وشوقي ليك فوق الخيال .. فوق أحتمال كل البشر …من يوم لقاك حلوة الحياااااة ❤
وصل جاسر ونور أمام الفندق
نور : هى أختي هنا ياجاسر
جاسر : ايوة يانور ، هتستني هنا ولا….
نور بإسراع : أكيد هاجى معاك ،لازم اشوفها يلا
وبالفعل نزل كلاهما وعلموا رقم الغرفه وذهبوا لها
ليتنا نحافظ على من نحب … لا نتركه يتعذب … لا نعذبه … حتى يظل معنا للأبد ????
فى الداخل
مازال مازن نائم على يد ريم
طرق باب الغرفه
مازن : ياترى مين اللى يعرف مكانى .. أمسك هاتفه وقام بإتصال على أحدهم
مازن بغضب : ايوة يامتخلف ، مين اللى عرف مكاني وعرفه ازاى
كانت الطرقات تزداد
ذهب مازن ناحيه الباب وفتح
مازن بصدمه : جاسر
نور بغضب : ريم فين …. ثم دخلت وظلت تبحث عنها ووجدتها نائمه
نور بصدمه : يالهوى ، ايه اللى حصل وجسمها كله ازرق كدا ليه ، انطق عملت فيها ايه و….
صمتت عندما رأت قشر الكثير من الموز
نور ببكاء : اختى كلت مووووز ياحيوان وأكيد انت اللى أجبرتها ، هى عارفه ان عندها حساسيه منه ، انطق  عملت ايه فى اااااااختى
تقدم منه جاسر وامسك مقدمه قميصه : ورحمه ابويا لو حصلها حاجه لهدمرك يا مازن ، انا لحد دلوقتي عامل اعتبار انك ابن عمى ، لكن لحد ريم وكفايه كدا
مازن بغيرة : انت مهتم اوى كدا ليه بيها ، ايه عاوز تاخد الاتنين مش مكفيك أختها
قام جاسر بلكمه بقوة : انا بس سكتلك عشان مش فى قوتك ولو ضربتك دلوقتي صدقني هموتك يا مازن ، انت هطلقها و دلوقتي حالا
مازن بغضب وزعيق : وانا مستحيل اسيبها ، انا بحبها وهى بتحبني وانا مستحيل اطلقها ، انت فاااااااهم
نور بعصبيه : ولما انت بتحبها كدا ليه عملت كدا ، ليه بتعذبها كدا ، انت عارف انها ممكن تموت بسبب اللى انت عملته دا 
مازن بحزن : انا مكنتش اعرف ان هيحصل كل دا
جاسر بعصبيه : ولا كنت تعرف بس عملت كدا عشان ترد اللى هى كانت سبب فيه ، مقدرتش تأخد حقك من الحيوان اللى ضربك ف قولت هى احسن
مازن : قصدك ايه ، باخد حقي منها عشان بقيت  مشلول  …. ثم أكمل ببرود : انا مش هطلق ريم ولو ايه اللى حصل
_ هطلقني يا مازن ولو موفقتش هرفع قضيه خلع ….
كل اللى بيني وبينك أعتبره ماضى ونسيت
إذا قلبي بدو ياك وماشي بدمي هواك …بوقف قلبي بأيدى وبصفي دمي لأنساااك ???? ادهم النابلسي
يتبع….
لقراءة الفصل الحادي والعشرون : اضغط هنا
لقراءة باقي الفصول : اضغط هنا

اترك رد