Uncategorized

رواية فريق فستق الفصل الرابع والعشرون 24 بقلم ملك الصباغ

 رواية فريق فستق الفصل الرابع والعشرون 24 بقلم ملك الصباغ

رواية فريق فستق الفصل الرابع والعشرون 24 بقلم ملك الصباغ

رواية فريق فستق الفصل الرابع والعشرون 24 بقلم ملك الصباغ

ركبت بجواره في السياره وهي تقول بغيظ: 
_ ممكن افهم حضرتك خلتني انزل ليه واسيب المستشفى. 
أركان ببرود: 
_ انتي صدقتني انك تعبانه. 
كتفت كارما يديها بغيظ وقالت: 
_ انا اغمي عليا وبعدين كان المفروض يجيبولي 
شوربه سخنه وبطتين وفرخه زي مستشفيات في أمريكا والله الامريكان دول شعب كريم مش بيستخسر حاجه في المرضي بتوعه. 
قاد السياره بهدوء وهو ينظر أمامه بانتباه للطريق 
بينما هي تنهدت بحزن وحولت نظرها إلي الطريق 
لاحظ علامات الحزن الباديه علي وجهه الذي تغيرت ملامحه إلي حد لايوصف فصارت أجمل مما كانت حيث لم تعد تمتلك تلك البثور اللعينه وأصبحت بشرتها صافيه وأصحبت هادئه عن ذي قبل ولاترتدي 
مهلا..!! 
هل كارما لم تعد ترتدي بناطيل..؟!! 
ظل نظره معلقاً بالطريق ليهتف قائلا دون النظر إليها: 
_ عامله ايه يا كارما.
ابتسمت كارما بسخريه وهتفت قائله: 
_ كويسه يا حضره الرائد. 
تجاهل أركان سخريتها وهتف قائلا: 
_تعرفي انا بقيت…… 
أشارت له كارما بيدها بالصمت ثم وجهت نظرها للنافذه الزجاجيه وأردفت قائله: 
_مش هيفرق يا حضره الرائد بقيت فين دلوقتي المهم دلوقتي لازم انزل هنا. 
تبدلت ملامح أركان للغضب وهتف قائلا بهدوء شديد ومرعب: 
_ كارما بلاش دلع عيال انا شرحتلك كل حاجه في المستشفى يعني مش هينفع تنزلي لوحدك كل يوم لازم حد من الضباط يجي يوصلك. 
حاولت كارما فتح الباب بجوارها ليقبض علي يدها وينظر لها ثم هتف قائلا: 
_ بلاش تخليني اتعصب عليكي. 
كارما برفعه حاجب: 
_سياده الرائد انا عاقله مبقتش المراهقه الصغيره وبعدين انت فكرك اني مضايقه من حاجه حصلت في الماضي لا بالعكس هضايق ليه حضرتك تقربلي بحاجه ولو سمحت مش هينفع كل يوم توصلني لحد البيت بصفتك ايه يعني تخيل سيرتي تبقي علي كل لسان اني باجي في العربيه مع واحد كل يوم. 
تنهد أركان ثم أردف قائلا: 
_ كارما انتي اتغيرتي كتير. 
ابتسمت كارما بتهكم ثم أردفت قائله: 
_ كويس انك عرفت. 
ليتابع قائلا: 
_ دلوقتي قدامك خيارين ياهاجي اوصلك ياهتبقي تحت مراقبتي. 
أوقف السياره علي بعد من كليتها لتترجل من السياره وتهتف قائله: 
_ لاافضل تحت المراقبه احسن ماقعد معاك في مكان واحد. 
ثم أغلقت باب السياره بقوه وغادرت. 
تنهد أركان ثم هتف قائلا: 
_ اتغيرتي كتير ياكارما وشكل السحر اتقلب علي الساحر انا اللي فكرتك بتحبني لا مبقتيش كده خالص انتي بقيتي مش بتحبيني وانا بقيت اعشقك. 
ليرتدي نظارته الشمسيه ثم قاد السياره بهدوء وهتف لنفسه قائلاً: 
_ وانا عمري مااسيب حاجه بتاعتي تبقي لحد تاني. 
              *******************
دخلت كارما  إلي المحاضره التي كانت تأخرت عليها بسبب أركان. 
كارما: 
_ ٱسفه يا دكتور بس والله غصب عني. 
سامح: 
_ اتفضلي ياٱنسه كارما اتمني تلتزمي بمواعيدك دي  أول وٱخر مره تتأخري. 
جلست كارما بجوار صديقتها حبيبه وبدأت المحاضره،بينما كارما شارده وتضع القلم في فمها وهي تمضغه بتوتر.
سامح:
_ ٱنسه كارما
انتبهت له كارما له لتهتف قائله:
_ نعم يا مس….قصدي يا دكتور.
سامح:
_ كنت بقول ايه يا ٱنسه كارما.
كارما بهدوء:
_ ٱسفه يا دكتور انشغلت شويه  فمركزتش مع حضرتك.
أومأ سامح بهدوء ثم أردف قائلا:
_ اتفضلي اقعدييا ٱنسه وعايزك تركزي.
أومأت كارما ثم جلست لتهمس لها حبيبه قائله:
_ مالك يا كارما مش علي بعضك.
همست لها كارما هي الاخري قائله:
_ مليش انا كويسه.
حبيبه برفعه حاجب:
_ هو ايه اللي مليش بقولك ايه انا مش خطيبك عشان اتحايل عليكي وفي الاخر تقوليلي زهلانه منك يابيبي اخلصي قولي مالك.
كارما:
_ هبقي احكيلك لما نتطلع.
انتبت كارما للدكتور الذي بدأ شرحه مره أخري وصبت تركيزها معه بينما عقله الباطني مازال شارداً
في شخص واحد فقد وهو…أركان.♡
                 *****************
جلست علي مقعد بجواره لتضع يدها وتمسد علي ظهره ثم هتفت قائله: 
_مالك.. سرحان ليه؟؟ 
معتز: 
_ قابلت كارما بعد السنين دي كلها يا ميرڤت. 
شهقت ميرڤت ثم هتفت قائله بحزن: 
_هي لسه زي ماهي بتفكر فيه. 
ابتسم معتز بسخريه ثم أردف قائلا: 
_كارما شافته يا ميرڤت ولما شافته اغمي عليها 
لكن لما روحت المستشفى ودخلت واتكلمت مع أركان  شويه وشوفتها بتتكلم معاه حسيت انها بتتعامل مع أركان بجفاءمش بحب خالص. 
ليتنهد ثم تابع قائلاً: 
_كارما  حبها راح مع الزمن يا ميرڤت. 
ميرڤت بعيون تلمع ببريق غريب: 
_ سؤال بس ايه اللي خلي أركان ميتجوزش لحد دلوقتي. 
نهض معتز ثم هتف قائلا: 
_أركان بيحبها ومش بيحبها بس أركان بيعشقها. 
انتفضت ميرڤت قائله: 
_ ازاي يا معتز. 
معتز: 
_ مالك عادي واحد وحب زي أي واحد. 
ميرڤت: 
_بس كارما أصغر منه. 
معتز برفعه حاجب: 
_ ميرڤت انتي هبله البنت عندها ٢٢ وهو عنده٣٤.
ميرڤت: 
_طب ممكن افهم ليه أركان فضل مستخبي السنين دي كلها وليه طلب منا نخبي عليها وليه ظهر دلوقتي  بالذات. 
تثائب معتز بكسل ثم أردف قائلا: 
_أي حد قريب من أركان بيتأذي وخصوصاً لو عرفوا انه نقطه ضعف لان الحب دايما نقطه ضعف الشخص. 
خبينا علي كارما اننا نعرف مكانه عشان كارما لسانها فالت زيك وهتقول هنا وهنا وممكن الاخبار توصل لأي حد. 
أركان مكنش هيظهر هي اللي ظهرت أركان كان قاعد في المطعم عادي فجأه قابلته وانتي عارفه الباقي. 
تنهدت ميرڤت بأسي وقالت: 
_ طب دلوقتي أركان هيعمل ايه معاها يعني. 
معتز: 
_ دلوقتي المفروض أركان يحمي كارما 
لان متولي اللي قبضنا عليه من سنين 
هرب من السجن ونفرين من رجالته. 
شهقت ميرڤت بصدمه وأردفت قائله: 
_ واشمعنا كارما الوحيده اللي هتتعرض للخطر. 
معتز: 
_ لان لولا كارما انها كانت حلقه الوصل بينا وبينهم
كان زمانه باع البنات دلوقتي هو هرب وأكيد عايز ينتقم منها. 
كادت ميرڤت  ان تجيب لولا رنين هاتف معتز ليجب معتز قائلا: 
_ الو…. حاضر….. اها يعني انهارده ضروري…. طيب تمام. 
أغلق معتز الهاتف لتنظر له ميرڤت  بتسأل ليهتف قائلا: 
_ جهزي نفسك والاولاد هنروح انهارده زياره لحد غالي اوي. 
ميرڤت: 
_ هو مين؟؟ 
معتز بشرود: 
_أركان 
ميرڤت:
_ ليه!! 
معتز: 
_ هتعرفي كل حاجه بليل
أومأت ميرڤت ثم اتجهت إلي غرفتها لتجهز نفسها وأولادها وتنتقي بعض الملابس المناسبه لهم. 
بينما أمسك معتز هاتفه وأجري اتصال ليجيب الطرف الاخر قائلا: 
_زومبه اللي واحشنا فينك مش  بتسأل. 
تنهد معتز ثم قال: 
_اسمعني كويس في اللي هقوله. 
                 ********************
جلست بمقعد قريب منها لتلكز يدها برفق وهي تقول: 
_ مالك يا كارما مش علي بعضك انهارده. 
نظرت لها كارما بصدمه وهتفت قائله: 
_ مش علي بعضي ازاي ده انا حته واحده اهو مش دراع في ناحيه ورجل في ناحيه. 
ضحكت حبيبه وأردفت قائله: 
_ متحاوليش تغيري الموضوع وقولي مالك. 
تنهدت كارما بحزن ثم أمسكت كوب القهوه الذي يوجد علي الطاوله وقالت: 
_ فاكره اللي حكتلك عليهم. 
أومأت حبيبه لتهتف كارما قائله: 
_ رجع يا حبيبه. 
ثم اجهشت في البكاء وهي تقول: 
_ رجع يا حبيبه ولسه زي ماهو بارد وملامحه زي ماهي وبنفس الهيبه كل حاجه فيه زي ماهي. 
ضمت حبيبه وهي تقول بشفقه علي حالتها: 
_ متزعليش يا كوكو انتي مش عارفه هو كان مختفي ليه. 
لتتابع وهي تربت علي ظهرها قائله: 
_ بتحبيه يا كارما. 
 ابتسمت بسخريه  ثم ابتعدت عنها كارما وهتفت قائله: 
_  بحبه ده انا بعشقه. 
حبيبه: 
_ طب هو بيحبك.
ابتسمت كارما بسخريه ثم أردفت قائله: 
_ انتي بتتكلمي علي أركان  أركان معندوش قلب عشان يحب. 
لتتابع وهي تنظر أمامها قائله: 
_بس بارد اووي 
_ مين اللي بارد يا  ٱنسه كارما 
جاءها صوت الدكتور سامح من خلفها لتهتف كارما قائله: 
_ مفيش ده انا بتكلم عن القط بتاعي. 
لتهتف حبيبه بحرج: 
_ نستأذن احنا يا دكتور. 
أومأ الدكتور بصمت لتغادر الفتاتين بينما نظر في ظلهم بشرود وأردف قائلا: 
_ امته تبقي ليا يا كارما. 
ثم غادر المقهي هو الاخر. 
(سامح دكتور كارما في الكليه يبلغ من العمر٢٩ يحب كارما منذ شهرين ويريد أن يطلب يدها ليتزوجها
 * ربنا يرحمك يابني أركان هيظبطك????*) 
                    *******************
جلست بجواره وهي تناوله طبق الفشار وتقول: 
_ خد سلي نفسك ياحبيبي بدل مانت قاعد كده. 
قبل يدها وهتف قائلا: 
_ ربنا يديمك ياحبيبي وميحرمنيش منك. 
ابتسمت ميار له بحب وأردفت قائله: 
_ اخويا وحشني اوي يا عمر نفسي اشوفه بقالي ٥ شهور مش بشوفه. 
التمعت عيني عمر لأنه اتته فكره ليهتف قائلا: 
_طب ايه رأيك نعمله مفاجأة. 
ميار:
_ مش فاهمه. 
 هز عمر كتفيه وهتف قائلا: 
_ببساطه هنرح نزور أركان يا ميار. 
احاطت ميار بعنقه وقبلت وجنته وهتفت قائله:
_ بحبك وهفضل احبك وهدعي ربنا دايما انك تفضل معايا وميحرمنيش منك. 
ضمها عمر لصدره ثم تنهد وأردف قائلا: 
_ وميحرمنيش منك ياحبيبتي بعشقك والله 
                    ****************
كان يخرج من الخزانه بعض الملابس
ليصدر هاتفه صوت معلناً وصول اتصال
ليتجه إلي الهاتف ويجيب
_ فينك يا هدهد وحشني. 
ابعد مهند الهاتف عن اذنه ليسبه بأفظع الشتائم.
ليجيبه قائلا: 
_ عايز ايه يا معتز ومتقوليش كده تاني. 
ضحك معتز ثم أردف قائلا: 
_حاضر يا…… هدهد هدهد هدهد. 
مهند: 
_ عبو شكلك جتك القرف في ام غلاستك. 
ليتابع معتز بجدية قائلا: 
_ المهم هات مراتك وتعالوا علي العنوان ****
عشان في موضوع مهم. 
أومأ مهند قائلا: 
_ تمام يا معتز هبقب اجيبها واجي بس هو في حاجه؟؟ 
معتز:
_ مفيش حاجه بس لازم تيجوا وتعالوا علي الساعه ٨ بالضبط. 
أومأ مهند ثم ودعه وأغلق الهاتف ليلتف إلي الخلف ليجد سلينا تدخل إلي الغرفه وهي تزفر بضيق. 
مهند: 
_ ايه اللي مزعل حبيبي. 
سلينا: 
_ ابنك مش راضي يشرب شربه الخضار. 
قبلها مهند وهتف قائلا: 
_ حبيبي متزعليش نفسك وسبيه براحته. 
اتسعت حدقتيها بصدمه وهي تراه يدافع عن ابنه 
كادت ان تهم بالصراخ ليسبقها بدخوله لدوره المياه حتي يستحم. 
لتهتف سلينا قائلة: 
_ هتشلوني في يوم. 
               *********************
جلس بجوارها ووضع قدم فوق الاخر لتلكزه الاخري في كتفه وتهتف قائله: 
_ يااخ ايه الانتكه اللي في اهلك دي نزل رجلك. 
سنمار برفعه حاجب: 
_ والله اتأنتك براحتي 
ليهمس بجواره اذنها: 
_ بقولك ايه البنات عند ماما صح. 
هتفت قائله:
_ اه صحيوا وقالولي عايزين يروحوا بعتهم.
أومأ سنمار ليرن هاتفه ليرد علي هاتفه 
ليأتي صوت الاخر قائلا:
_زومبا اللي وحشنا فينك.
معتز بجدية:
_اسمعني هقولك ايه.
استمع سنمار بتركيز لحديث معتز ليهتف قائلا بتعجب:
_ ليه يا معتز الزياره الغريبه دي وليه.
معتز:
_ مش وقته يا سنمار ابقي تعال بس وهتشوف.
أغلق الهاتف لتأتي ألين وهي تمسك  حبه طماطم
بيدها وتأكلها ليهتف قائلا: 
_ حبيبي  جهزي نفسك  عشان  هنخرج في مشوار. 
ألين: 
_ فين 
لتتابع بحماس: 
_ اوعي يا حبيبي  تكون اتهورت وقررت تفسحني. 
سنمار  بسخريه: 
_ لا ياحبيبتي  انا لسه في كامل قواي العقليه
ألين: 
_ كويس. 
سنمار  بضيق: 
_ هقتلك يا ألين. 
ضحكت  ألين وأخرجت له لسانها وقالت: 
_ مش هتقدر. 
                 ******************
الساعه ٧ مساءاً
وصلت إلي المنزل  لتركض الفتاتين ( خديجه وماريا)  لها وتضمانها بحب لتهتف كارما قائله: 
_ ايه ياختي انتي وهي جايه من السفر وانا معرفش. 
نظرت حولها لتلاحظ جلوس سنمار  وهو يرتدي بدله ويستعد للخروج. 
كارما: 
_ رايح فين يا سنمار. 
سنمار: 
_ رايح مشوار. 
كارما: 
_ تمام بقولك  ماما فين 
سنمار: 
_. طلعت تستريح شويه. 
كادت كارما ان تهم بالرد عليه ليصدح صوت رنين هاتف سنمار ليبتعد سنمار عنهم ليجيب. 
لتعقد كارما حاجبيها بشك وتتبعه حتي تتصنت عليه. 
سنمار: 
_ ماشي جاي… هجبها معايا… لوحدها والله… متخافش. 
اغلق الخط لتصعد كارما  إلي الغرفه الخاصه بها وهي تقول لنفسها: 
_ معقول رايح يتجوز علي مراته ولا رايح يبيع اعضاء حد وهو تاجر مخدرات. 
لتحسم أمرها بمنعه من الرحيل. 
خرجت من غرفتها لتجد الصاله فارغه لتسأل فتياته ليخبرها بخروجه.
لتهتف كارما بحماس: 
_ يالا يابنات تعالوا معايا نروح مشوار صغنن. 
خديجه: 
_ بس انا خايفه بابي يزعقلي. 
كارما بخبث: 
_ متخافيش احنا راحين نقفش ابوكي. 
ماريا: 
_ يعني ايه نقفث (نقفش.) 
كارما: 
_ البسوا بس وهقولكم. 
صعدت الفتيات لغرفتهم وارتدوا ملابس مناسبه وعدلت كارما حجابها وخرجت من الڤيلا لتري سنمار ياخذ ألين ويركب سيارته لتوقف تاكسي وتطلب من السائق اللحاق به. 
جلست الفتيات بجوارها ينظرون للطريق من النافذه الخاصه بالتاكسي. 
أردفت كارما قائله: 
_ حاسب حاسب يا عمو. 
توقف الرجل لتعطيه حسابه وتنزل هي والفتيات لتري توقف سياره سنمار أمام احدي الڤيلل. 
لتتبعه كارما بعينيها 
لتراه يدلف إلي الفيلا 
لتتسلل خلفه ببطأ وتقف بالقرب من باب الڤيلا وتضع أذنها علي الباب بينما فعلت الفتيات مثلها. 
ليفتح الباب فجأه لتتسمر كارما في مكانها ليهتف الشخص قائلا: 
_ التشكيل العصابي كمل كده بكارما. 
انتفض جميع من بالداخل وهتفوا قائلين بذهول: 
_ كارمااااااا. 
كارما بضحك: 
_ هاي جماعه. 
يتبع…..
لقراءة الفصل الخامس والعشرون : اضغط هنا
لقراءة باقي فصول الرواية : اضغط هنا

اترك رد