رواية المخادع الفصل الثالث 3 بقلم سما محمد

صحي ادهم ولسه عند قراره انه هيعتذر لفيروز وخبط علي اوضتها و في ايدها شنطه 

_فيروز بجمود: نعم حضرتك عايز تقول اي كلام جارح تاني لو هتقول اي كلام مهين ف عن اذنك عشان الحق امشي 

_ادهم باستغراب: تمشي؟ تمشي فين وليه 

_فيروز بسخريه: امشي فين اكيد هرجع القاهره اما ليه دي ف اظن تعرفها.. عن اذنك 

_ادهم: استني انا كنت جاي اعتذرلك علي طريقتي واسلوبي معاكي انا اسف يا فيروز 

لحظات من صدمة الاتنين ازاي هو اعتذرلها صريحه كده، وبالنسبه ليها هي مصدومه لانها متوقعتش طب تعمل ايه دلوقتي تمشي؟ ولا تقعد يهينها اكتر 

_فيروز:….. 

_أدهم: قولي اي حاجه طيب 

_فيروز: ا اقول ايه اصل انا كنت ماشيه دلوقتي ومش عارفه اعمل ايه حاليا 

_ادهم: مفيش حاجه تتعمل غير ان حضرتك تفضلي انا مكنتش اقصد اللي قولته امبارح انا بس لما بتعصب بقول كلام خارج عن ارادتي 

_فيروز بإنفعال: وانا مش مطلوب مني استحمل عصبيتك انت ولا شئ بالنسبالي عشان استحمل عصبيتك  

_ادهم: فعلا عندك حق انا عملت اللي عليا والقرار في النهايه ليكي 

جه يتحرك ف قالت فيروز 

_فيروز: طب حضرتك رايح فين دلوقتي 

_ادهم: رايح اوضتي اشمعنا 

_فيروز: طيب تعالى هاجي معاك 

_ادهم: عارف الطريق كويس متقلقيش 

_فيروز بسخريه: كويس انك فهمت قصدي صح ودماغك مراحتش بعيد زي امبارح 

_ادهم: بلاش تلوميني علي شئ خارج ارادتي انا قولت كده من عصبيتي 

_فيروز: بس عصبيتك مش كتير هيتقبلها محدش مضطر يتقبلها ولا يسمع اهانته عشان ده شئ خارج عن ارادتك مش كل الناس هتتهاون معاك وتحط نفسها مكانك خلي بالك من كلامي عشان متزعلش بعدين عن اذنك 

دخلت فيروز اوضتها تفكر هتعمل ايه هل هتمشي تاني ولا هتكمل في الشغل ده 

ـــــــــــــــــــــــــــــــــــــــ

في شركة أدهم اللي بيديرها مازن 

_موظف: الشركه انهارت خلاص من بعد باشمهندس أدهم 

_موظف2: هموت واعرف باعها ليه دي كانت شركه كبيره وهو تعب فيها جدا عشان يأسسها كده ازاي يبيعها بالسهوله دي 

_موظف بتفكير: تفتكري يكون معندوش علم ببيع الشركه 

_موظف2: بس ازاي اكيد من غير امضته مينفعش اي حاجه تمشي 

_موظف: مش عارفه يبنتي بس لازم نشوف الحوار ده ونعرف هل عنده علم او لا عشان ممكن يكون حد بيستغفله بعد تعبه 

ـــــــــــــــــــــــــــــــــــــــ

_مجهول: هتبعهالي خلاص 

_شخص بتردد: انا مش مطمن ادهم لو رجع في اي وقت هينهينا من عالدينا اصلا 

_مجهول: ميبقاش قلبك رهيف كده وبعدين اطمن مش هيرجع ابدا وهيفضل كده 

_شخص: هنتدخل في قدره ربنآ 

_مجهول بخبث: لا طبعا اعوذ بالله بس الطب هيحلهالنا 

_شخص بعدم فهم: مش فاهم

_مجهول: افهمك 

ــــــــــــــــــــــــــــــــــــــــ

اخيرا فيروز فكرت وقررت انها هتقعد بس لو حصل اي حاجه تانيه هتمشي على طول(بفكر اسمي البطله منه عشان تبقى منه المهزقه) 

راحت عشان تشوف ادهم وتشوف معاد الدوا بتاعه خبطت علي اوضته مفتحش واستنت فتره مفتحش برضو فقررت تدخل

_فيروز بتردد: استاذ ادهم انت فين شكله مش هنا 

نزلت عشان تشوفه تحت بس اول ما نزلت اتفاجئت 

_فيروز بصدمه وخوف: ادهم! 

يتبع ……