رواية عشقي الفصل الخامس 5 بقلم شيرين زكي

-نزلت يارا من على السلم تقول لأدم:-  هى مين دى يا خويا اللى هتعيش هنا الخدامه بتاعت المطعم لامستحيل…وقربت يارا من عشق ومسكتها وكانت عايزه تخرجها برا الفيلا بس اتدخل ادم وضرب يارا بالقلم على وشها…

-وقال:- دا عشان تفوقى واياكى تقربي من عشقى تانى وإلا قسما بالله هتشوفى ادم عمرك ما تعرفيه يايارا،،،،

-جده:- آدم ايه اللى انت بتعمله دا ازاى تمد ايدك على بنت عمك انت اتجننت

-ادم:- ما انت شايف ياجدى عايزه تعمل ايه ف عشق

-جده:يبنى الامور مش بتتاخد بالشكل دا على الاقل احترمنى ومتنساش إن زى ما عشق بنت خالتك يارا بنت عمك

-ادم:- ايوا يا جدى بس…

-قاطعه جده:- مبسش يا آدم اعتذر لبنت عمك يلا

-يارا:- مش عايزه حد يعتذرلى يا جدى واعمل حسابك يا آدم بيه انك انت اللى هتشوف يارا عمرك ما شفتها،،،،،،،،،وبخبث قربت من عشق وبهمس قالت:- ادم ليا لوحدى يا عشق هانم وسابتهم وطلعت

-حسن:- خد يا آدم عشق طلعها اوضتها 

-ادم:- حاضر يا جدى….تعالى ياعشقى

-يارا طلعت اوضتها منهاره حرفيا ومش شايفه قدامها للدرجه انها بدأت تشرب وتكسر ف كل حاجه وهتموت من التفكير ف عشق اللى هتاخد منها ادم وبعد يأس وتعب نامت بمهدئ….

-ادم:- تعالى ياعشقى دى اوضتك هتكون جنب اوضتى وقريب ياقلبي هاخدك من هنا خالص ومش هسمح لحد يبعدك عنى تانى او تغيبى عنى لحظه… بقلمي شيرين ذكى

-عشق بتنهيده:-  ويارا يا آدم…ومنال…وخالد…وناهد…و…

-قاطعها ادم:- انا هنا ياقلبي متخافيش من حاجه محدش هيقرب منك ابدا ياعشقى ولا هيجى جنبك طول منا بتنفس 

يلا بقا عشان ترتاحى انتى لسه تعبانه ومش عايزك تفكرى ف حاجه انا موجود

-عشق بتهز راسها بالموافقة وسابها وخرج وعشق كانت فعلا تعبانه فغيرت هدومها ونامت

-منال لما فتحت الباب شافت ناهد شبه كانت فاقده النطق

-ناهد:- مش هتقوليلى اتفضلى ولا ايه يامنال

-منال:- ها…لا طبعا اكيد اتفضلى

-خالد:- من دى ياماما

-منال:- دى ناهد هانم ياخالد

-ناهد:- ماشاء الله يامنال خالد كبر اهو

-منال:- ادخل انت اوضتك دلوقتي ياخالد

-ناهد:- مش ناهد عبد الرحمن اللى يضحك عليها يامنال بعد السنين دى كلها تطلع عشق لسه عايشه…

-منال بخبث:- عشق ايه ياناهد انتى بتقولى ايه

-ناهد:- متلعبيش عليا يامنال عشق عايشه وانا عارفه،،،،،انتى ازاى تضحكى عليا انتى مش قولتى ماتت….انا لما جبتها هنا وهى عمرها سبع سنين صالح جوزك وصابرين قالوا إنهم مش بيخلفوا وهيربوها بس لما صابرين ماتت وعشق عندها عشر سنين وصالح اتجوزك انا رجعت هنا تانى واتفقت معاكى وانتى اخدتى التمن وقولتى انك موتيها بالسم يبقى ازاى

 هى عايشه ….

-منال متنحه ومستغربه ازاى ناهد عرفت ان عشق عايشه وايه رجعها بعد السنين دى كلها تسأل عن عشق تانى

-ناهد بحدة:- متردى عليا يامنال هتفضلى ساكته كدا كتير

-منال بشهقه:- بصى ياناهد هانم انا لما اتجوزت صالح كان نفسي اخلص من البت دى اكتر منك وحاولت كذا مره بس صالح كان روحه فيها وكمان خالد ابنى اتعلق بيهاوانا قولت انها عمرها ما هتخرج من البيت اصلا حتى لما صالح مات ومن قبل ما يموت كمان وانا قعدتها من التعليم عشان ما تخرجش خالص وكمان كنت هكتب كتابها على خالد لانه بيحبها بس هى هربت بقالها اسبوعين بس ومن ساعتها وخالد قالب الدنيا عليها… بقلمي شيرين ذكى

-ناهد بخبث:- قولتيلى خالد عايزها وبيحبها

-منال:- اه دا هيجنن عليها

-ناهد:- وانا بقا هجبهاله لحد عنده 

-منال:- انتى تعرفى مكانها يا ناهد هانم

-ناهد:- ايوا يامنال اعرف 

-كان ف الوقت دا خالد معدى من قدام الباب ولما سمع اسم عشق وقف واول ما قالت ايوا اعرف مكانها خبط الباب برجله ودخل…

-خالد بغضب:- فين عشق انتى تعرفى مكانها صح

-منال:- ايوا وهجهالك لحد عندك بس انتى لازم تساعدنى عشان ادم مش هيسيبها بالسهوله دى….

-خالد:- وانا من ايدك دى لايدك دى بس اهم حاجه عشق ترجعلى ومتكنش لحد غيرى

-ناهد بابتسامة انتصار وخبث:- متقلقش مهو ادم بيه لما هيشوفها ف حضنك مش هيفكر فيها تانى،،،،وبدأوا يتفقوا على خطه هينفذوها… بقلمي شيرين ذكى

&ف الفيلا&

-أدم قام من النوم وجهز وراح لاوضه عشق لاقها لسه نايمه قرب منها وباسها من جيبنها وقالها مش هسيبك تبعدى عنى تانى ياعشقى،،،،صحيح انا دلوقتي يحل ليا اخدك ف حضنى واخبيكى من الدنيا كلها بس لا ياعشقى لازم استحمل لحد ما اخد حقى وحقك….. ونزل راح الشركة وهناك قابل مروان…..

-عشق قامت من النوم وأدت فرضها ولبست دريس وعليه حجاب ونزلت لقت جدها ويارا وناهد بيفطروا

-عشق: صباح الخير

-جدها: صباحك ورد ياعشق تعالى يبنتى اقعدى

-ناهد: انتى بقا عشق ماشاء الله كبرتى ياعشق

-يارا: هو ايه القرف اللى انتى لابسها دا شكلك معفن فيه

-عشق: الحجاب دا فرض وعمره ما يخلى حد وحش فيه وحتى لو وحش كفاية انى برضى ربي

-يارا: ماشى يا ستنا الشيخه

-الجد: وبعدهالك يايارا…

-يارا: هو فيه ايه ياجدى هى سحرالكم البت دى كل ماهتكلم مع ست الحسن والجمال كلمه هتتخانقوا معايا امبارح ادم والنهاردا انت….دى ما بقتش عيشه وسابتهم يارا وطلعت وورا منها ناهد

-عشق: انا اسفه والله يا جدى انا مقصدتش

-حسن: متعتذريش يبنتى ومتزعليش من يارا وكلامها

-عشق: انا مش زعلانه منها والله يا جدى بالعكس انا حاسه بيها وزعلان كمان عليها هى ليه كدا

-حسن:- يينتى يارا مش وحشه بس ناهد اللى زرعت فيها كل الكره دا منها لله….ويكمل حسن ناهد يبنتى هى السبب ف كل حاجه حصلت ف الماضى انانيتها وحبها لنفسها هما اللى دمروا طفولتك انتى وادم ويارا كمان وبدأ يحكيلها…..

“ناهد واسماء اللى هى ام عشق الحقيقية وخالت ادم كانوا صحاب ومعاهم مديحه ام ادم اللى هى اخت اسماء….اسماء ومصطفى والد عشق حبوا بعض وقرروا يتجوزا بس ناهد كمان. كانت بتحب مصطفى وكانت بتغير من اسماء وبدأ كرهها يزيد واحده واحده وحاولت اكتر من مره توقع بينهم بس مقدرتش وبالفعل اتجوزوا وخلفوا عشق بس ناهد مستسلمتش حاولت بكل الطرق انها تفرقهم و ف يوم رنت على مصطفى وقالتله ان اسماء تعبانه وخلته يروح المكان اللى قالت عليه وقدرت انها تخليه يشرب مع المياه اللى اخدها كميه مخدر واتصورت معاه كذا صوره ف اوضاع مخلة وورت الصور لاسماء وحصل بينهم مشاكل واحداث كتير بس لما الحقيقة انكشفت وعرفوا انها كانت لعبه من تدبير ناهد طلعوها من حياتهم للأبد بس برضو مستسلمتش قدرت انها تخطفك ياعشق وانتى عمرك سبع سنين…وكمل حسن الكلام اللى قالته ناهد لمنال….”

-عشق بدأت تبكى 

-اخدها حسن ف حضنه وحاول يهديها وقالها:- يبنتى أبوكى وامك عاشوا عمرهم كله مخلصين وحبهم كان حقيقى وناهد مقدرتش انها تفرق بينهم حتى بعد ما قدرت تاخد روحهم بخطفك فضلوا مع بعض بس غيابك هو اللى قتلهم ياعشق

-ناهد اتجوزت صديق ابنى،،،،،، من وقت ما اسماء ومصطفى اتجوزوا عشان تحس بانتصار وانها مخسرتش وضحكت عليه بمكرها وخبثها ولما كشف حقيقتها حاول يتخلص منها بس كانت نقطة ضعفه هى يارا ولحد النهارده مستحملها عشان يارا وكمان لانها معاها ورق يودينا كلنا ف داهيه……

&ف الشركه&…….. بقلمي شيرين ذكى

-مروان: وبعدين يا آدم ناوى على ايه

-ادم: مش عارف يامروان بس احنا لازم نوصل للورق اللى مع ناهد والا جدى وعمى هيدخلوا السجن وكمان انا لازم ابعد عشق عن عيون ناهد ويارا

-مروان:- يعنى انت مصر على اللى ف دماغك ياصاحبى…

-ادم:- مش لاقى لها حل تانى يامروان

&ف مكان تانى &

-مروان:- أدم انت هتفضل تشرب كدا كتير يلا كفاية عشان تروح

-ادم:- سيبنى يامروان مش عايز مش هقدر اشوف عشق قدام عينى ومااخدهاش ف حضنى

-مروان:- ادم وهو اللى انت بتعمله دا حل يلا عشان نمشى وفعلا اخده مروان ووصله الفيلا دخل ادم وهو طالع على السلم كان شبه مغمى عليه ومش شايف قدامه ودخل عند عشق….. بقلمي شيرين ذكى

-عشق بفزع:- أدم انت ايه اللى جابك هنا مالك فيه ايه

-ادم:-وحشتينى ياعشقى وحشتينى اوى خلاص مبقتش قادر

-عشق:- أدم انت شارب ليه كدا بس يا آدم واخدته من دراعه وقاعدته على السرير وراحت تجيب مايه،،فوق يا آدم ايه بس اللى خلاك تشرب

-أدم بهلوسه:- محتاجك ياعشقى 

-بدأ ادم يقرب على عشق ويحاوطها وهى بتحاول تتفاداه ومش عارفه وكل مدى كل ما بيقرب اكتر حط ايده على وشها ولمس بايده شافيفها وهمس وهو قريب منها وقالها…بحبك ياعشقى

ولسه برضو بيقرب منها ادم وهى بتحاول تبعده لحد ما ادم لمس شفايفها وباسها وقالها انتى مراتى ياعشق دا مش غلط انا بجد محتاجك….بدأت عشق تستسلم تماما لادم

#فلاااااش_باااااك

-ادم بعد ما خرج من المستشفى هو وعشق كلمه شخص مجهول 

-الشخص: ناهد راحت عند منال البيت يا آدم بيه

-ادم : تمام خليك وراها وتابعنى اول باول

-أدم كلم مروان وقاله يجيب مأذون وعبدالله الشفير ويجيله عشان هيكتب كتابه على عشق وهى دى الطريقة الوحيده اللى يحمى بيها عشق من خالد وناهد ومنال وبالفعل كتب كتابه هو وعشق وبعدها راحوا الفيلا وهى مراته وكان جده عارف وعشان كدا رحب بوجود عشق بس آدم مكنش عايز يارا وناهد يعرفوا دلوقتي..

يتبع ……