Uncategorized
رواية حبي وعشقي وغرامي الفصل الخامس 5 بقلم كاريمان باسم
رواية حبي وعشقي وغرامي الفصل الخامس 5 بقلم كاريمان باسم
 |
| رواية حبي وعشقي وغرامي الفصل الخامس 5 بقلم كاريمان باسم |
رواية حبي وعشقي وغرامي الفصل الخامس 5 بقلم كاريمان باسم
– زعلانة منك.
أوس / زعلانه ليه بس يا حبى.
غزل بحزن / بقى تخلى البنت الصفرا دى تقرب منك تانى.. لأ و كمان الرخمة بتمثل و كأنها وقعت فى حضنك من غير ما تقصد و هى افعى اصلا و تقصد كل حاجه و عنيها عليك.
واخذت غزل تتحدث و تتحدث لا تتوقف عن الكلام بسبب غيرتها على أوس من هذه الفتاة التى تسمى(ريناد) فهى جميلة جدا ولكن هذا لا يمانع انها قبيحة جداً من داخلها.. لم تتوقف غزل عن الكلام فقبلها أوس من خدها حتى تخجل و تهدأ قليلا.
تثمرت غزل و توقفت عن الكلام واصبح وجهها كالطماطم حرفيا.. نظر لها اوس و ابتسم وقال/ وانا عمرى ما احب حد غيرك و لا عينى هتشوف غيرك انتى وبس لانك انتى كل ما ليا و مستعد والله اخبيكى جوا قلبى و اقفل عليكى..خليكى واثقة ان لو حتى ملكة جمال جت هنا ولا هتفرق معايا لان معايا ملكة قلبى و عقلى و روحى و كل حاجه.
غزل بخجل شديد / ياريت تخبينى جوا قلبك يا أوس.
أوس/ انتى جايه منين يا غزل.
غزل /انت رايك ايه.
أوس و هو يلعب بخصلات شعرها/ رأى انك جاية من السما.
غزل / انا بحبك اوى يا أوس.
اخذها أوس فى حضنه و قال و هو ينظر للنيل / وانا بعشقك يا قلب أوس.
غزل و قد لمحت شئ بجانبها فوجدت شاب يركب موتسيكل و يركنه بجانبهم.. ففكرت غزل بالأمر ثم نظرت لأوس ببرائة و قالت له / أوس حبيبى ينفع اطلب منك طلب و توافق.
أوس / اطلبى يا قلبى.
غزل / لو ينفع يعنى تطلب من الشاب ده و نأجر الموتسيكل ده منه نركبه شوية و نرجعه لى تانى.
أوس باستغراب وتعجب / بس يا غزل مش المفروض ان النهارده الخطوبة بتاعتنا و كمان ده احنا خارجين من ورا اهلنا و يادوب نرجع قبل ما يصحوا.
غزل / ونبى يا أوس هى نص ساعه ونروح علشان خاطري نفسي اركب موتسيكل مرة.
أوس /مش هتخافى يا طفلتى منه .
غزل / لا مش هخاف يلا بقى علشان خاطري مش انت بتحبنى و مستعد تعمل اى حاجة علشانى.
أوس / طب حاضر بس بشرط.
غزل /ايه هو.
أوس و هو يضع رجل على رجل / انى اخد بوسة.
غزل بخجل / لا طبعا.
أوس /خلاص براحتك مفيش ركوب موتسيكل بقى.
اخذت تنظر غزل للموتسيكل و تنظر لأوس بحيرة فقررت ثم قبلت أوس بسرعه شديده من خده ثم وقفت بخجل و قالت /يلا بقى قوم قول للشاب قبل ما يمشى.
أوس / مع ان مخدتش البوسه عدل بس حاضر علشان خاطر عيونك دول بس.
غزل بخجل / ميرسى.
ذهب أوس و اتفق مع الشاب انه سيأجره منه قليلا و اعطاه بعض المال و بعد ذلك اخذ الموتسيكل و ذهب لغزل و هو فى طريقه وجد بعض الشباب يعاكسوا غزل التى تنظر لهم بخوف.
فامسك أوس الموتسيكل وذهب لهم بسرعة
شديدة.. نظر للشباب بنظرات جحيمية وقال و هو يشمر كم قميصه/ هاا تحبوا ابدأ بمين.
الشباب ببعض الخوف / فى ايه يا عم انت احنا كنا بنكلم القمر دى مش انت.
أوس بغضب شديد و هو يلكمه / دى تبقى مراتى يا حيوان منك لي.
واخذ يضربهم هم الثلاثة بغضب شديد حتى كاد ان يقتلهم تحت يده.
فاخذت غزل تبكي بخوف و تقول / علشان خاطري يا أوس كفاية ضرب.. يا أوس كفاية انا خايفه.
توقف أوس عن ضربهم و تجمع الناس حول الشباب و طلبوا الاسعاف لهم اما غزل ذهبت وعانقت أوس بخوف واخذت تبكي.
اخذها أوس بعيد عن تجمع الناس واخذ الموتسيكل ايضا و اخذ يهدأها حتى توقفت عن البكاء.. فقال لها/ بعد كده يا قلبى اى حد يقرب من منك تكلمينى او تنادى عليا تمام.
غزل / تمام.. بس انت ضربتهم جامد اوى يا أوس
أوس بعصبية / يعنى انتى خايفه عليهم.
غزل /ابدا والله ده عليك انت.. كنت خايفة تتأذى.
أوس وقد هدأ قليلا / متخافيش يا قلبى.. انا بغير عليكي بجنون و بعدين انتى بتاعتى انا وبس مش من حق اى حد تانى انه يبصلك حتى.
غزل / وانا كمان بغير عليك بس خلاص متقلقش لو حصل معايا كده تانى هتصرف و ابلغك.
أوس و هو يملس على خدها بحب / ايوة كده يا حبى و عشقى وغرامى.. يلا بينا بقى نركب بقى يا طفلتى.
غزل و قد تناست حزنها بسرعة و جرت و ركبت الموتسيكل بسعادة شديدة و هى تقول / يلا بسرعه اركب يا أوس ورايا وسوق.
ركب أوس و هو يبتسم على طفولتها و قال /جاهزة.
غزل و هى تسقف كالاطفال / ايوة جاهزة يلا.
أوس و هو يضحك عليها / تمام يا طفلتى.
بدأ أوس يسوق و يتحرك بين السيارات بمهارة.. اخذت غزل ترفع يديها و تقول /هيييييييييييه
فاخذ الناس تنظر لها باعجاب فقال له أوس بعصبية / انتى يا طفلة اسكتى الناس بتبصلك و هنزل اقتلهم كلهم دلوقتي.
غزل/ خلاص خلاص هسكت اهو.
أوس / لا برضه متسكتيش اوى.
غزل و هى ترفع يديها فى الهواء و تقول بصوت مرتفع و بحب / بحبك يا أوس مووووووت يا حب عمرى .
فرد عليها أوس هو ايضا بصوت عالى /
وانا بحبك يا حبى وعشقى وغرامى.
اخذ الناس تنظر لهم و هم يبتسموا على هولاء العشاق بل المجانين…..
اخذت غزل تغنى و هى تقف و تضحك /
حبيبي بالبُنط العريض
غالي واقرب م الوريد
حالتي تتشخص جُنون
بيقولولي أنا بيك مريض
أتاري كُل ما أحب فيك
بدمنك وبقيت مزاج
أتلحق بقى دي في إيديك
ما أنت في لُقاك العلاج
آه لقيت الطبطبة
وأقوى لو منتش بعيد
ضحكتك فيها كهربا
ببقى زي واحد جديد
اخذ أوس يضحك عليها وقال/ اقعدى يا مجنونة.
جلست غزل و اخذ شعرها يتطاير على وجه أوس من الهواء.. فقالت له غزل /سوق بسرعة اكتر يا أوس.
أوس وقد سحره رائحة شعرها/ يا مجنونة ممكن نعمل حادثة.. ريحة شعرك جميلة اوى يا طفلتى.
و فجأة اخذت سيارة تميل عليهم و أوس لم يرى من شعر غزل و لكنه فى اخر لحظة لاحظ و لكنه للاسف لم يستطيع ان يسيطر على الأمر و كان اخر صوت يسمعه صراخ غزل و هى تقول/
يا أوووووووووووس!
ثم اصدمت السيارة بهم…………………………………….