رواية عشق المراد 2 الفصل الاول 1 بقلم فاطمة جودة

وبعد 7 شهور ليليان خلفت ولد والكل كان مبسوط

ومرام كانت حامل واسر فرحان جدا

مراد وداليدا اجلو الخلفه شويه بس عملو فرح اسطوري بمعني الكلمة وداليدا كانت حلوه جدا والكل كان مصدوم من شكلها وحلاوتها ومراد كان قمر وغني في الفرح صوته حلو اوي

وفريده كانت مبسوطه جدا مع ادهم

كيان كبر جدا في الشغل وبقي من أهم راجل الأعمال في العالم 

وفرح سابت الشغل عشان حامل 

مراد .. حمدالله على سلامتك يا لي لي 

ليليان .. الله يسلمك 

عز .. معلش يا مراد مراتي محدش يدلعها غيري 

مراد ضحك .. حاضر يا عز 

داليدا .. هتسموه اي 

ليليان .. عاصم 

عز .. اشمعنا عاصم في أسماء كتير 

ليليان .. انا بحب الاسم من وانا صغيره 

عز بحب .. خلاص بما انك بتحبي الاسم يبقي احبو انا كمان 

كلهم ضحكو 

مامت عز .. شبهك يا عز 

ليليان .. عندي قمرين 

ادهم .. خلاص يا جماعه انتو بتغنو وتردو علي بعض 

فرح .. كفايا عليها كدا عشان متتعبش 

عز .. ماشي 

فريده .. صحيح يا فرح انتي في الشهر الكام 

فرح .. في اخر السابع 

كيان .. هبقي اب اخيرا 

ادهم .. هانت عقبالنا يارب 

عز .. هتفضلي مأجله الخلفه يا داليدا انتو متجوزين بقالكو فتره وانت يا ادهم 

ادهم .. ادهم اي يا عم هو انا اللي هخلف 

عز .. قصدي مش ناويين 

ادهم غمز لفريده .. ناويين انشاء الله 

فريده .. طب يلا بقي عشان ليليان ترتاح مكنش ليه لزوم تيجي يا مرام انتي تعبانه 

مرام .. ازي بقي مشوفش البيبي والا اطمن علي ليليان 

ليليان .. ربنا يطمنا عليكي انتي وفرح 

مرام ..  يارب 

                   ******

(مرام كانت تعبانه بسبب الحمل هي في الشهر الثامن ) 

فريده .. مرام الحقي في دم بينزل منك 

مرام بصت  علي رجلها واغم عليها 

اسر بصريخ هز المستشفي .. مراااااااااااااااام 

فرح مكانش قادره تتحرك كتير بسبب الحمل .. لازم تتدخل عمليات حالا 

دخلوها العمليات 

اسر وقف مصدوم مش عارف يتصرف غير دموعه اللي بتنزل زي الشلالات  

مراد .. وحد الله يا اسر ادعيلها 

اسر .. هي في خطر 

مراد بص لفرح بمعني هي في خطر 

فرح .. اسر اهدي هي في الغالب سقطت 

الدكتور خرج من العمليات وكلهم جريو عليه 

الدكتور .. هي للأسف عملت مجهود كبير وجسمها ضعيف 

اسر بصدمه  .. ي يعني اي ماتت 

الدكتور .. لا الجنين مات 

اسر .. مرام كويسه 

الدكتور .. حالتها لسه مستقرتش وهتتنقل اول ما الحاله تستقر غرفه عاديه 

اسر قعد علي الارض .. طب لي انا عملت اي عشان اول فرحه في حياتي تروح 

نانسي وداليدا وفريده كانو بيعيطو علي المنظر 

ليليان .. عز مرام حصلها اي 

عز .. البيبي مات 

ليليان عيطت .. ربنا يرحمه طب وهي 

عز .. حالتها لسه مستقرتش 

ليليان .. انا مش هعرف اقوم صح 

عز .. تقومي فين انتي لسه والده ارتاحي بس وانا هشوف اللي بيحصل برا 

                  ******

بعد مرور ست ساعات توتر 

عمر .. الدكتور قال حالتها استقرت وهتفوق كمان شويه 

اسر .. 

عمر .. اجمد يا اسر هي لما تشوفك كدا بعد اللي حصلها هتنهار

الدكتور .. المدام فاقت

اسر جري علي الاوضه .. مرام انتي كويسه 

مرام بتعب .. ابني ابني يا اسر 

اسر .. الله يرحمه يا حبيبتي 

مرام .. ابني مات قبل ما يجي علي وش الدنيا اااااااااه قلبي قلبي  هيوقف يا اسر 

الدكتور .. يا مدام اهدي الزعل مش كويس علشانك 

مرام .. اسر قلبي مش قادره اخد نفسي 

وفقدت الوعي 

الدكتور .. اتفضلو برا  بعد اذنكم 

كلهم خرجوا وبعد شويه الدكتور خرج 

اسر .. حصل اي 

الدكتور .. صدمه عصبيه انا عملت اللازم وان شاء الله هتكون كويسه بس لازم العامل النفسي عشان صحتها 

اسر .. في امل تخلف تاني 

الدكتور بص لمراد  واللي واقفين .. بصراحه النسبه ضعيفه اوي 

اسر .. يعني مفيش خلفه 

الدكتور .. كل شيء بأمر ربنا هو قادر على كل شيء 

الدكتور مشي 

اسر .. انا مش عايز اطفال انا عايزها  تقوم بالسلامه انا عايزها هي بس 

كيان .. انشاء الله هتخلف ويتربي في عزكم بس ادعي ربنا 

اسر .. يارب الصبر من عندك يارب 

                   ******

كلهم مشيو ماعدا عز عشان قاعد مع ليليان واسر مع مرام 

                  ******

عمر .. مالك يا حبيبتي 

نانسي .. زعلانه عليهم جدا الفرحه انقلبت غم

عمر .. اكيد ربنا هيعوضهم ربنا عادل و روؤف بيهم  يا نانسي 

نانسي .. ربنا معاهم يا حبيبي 

                 ******

مراد .. داليدا مش كفايا كدا 

داليدا .. كفايا اي 

مراد .. نخلف بقا 

داليدا بصتلو واتكلمت بزعيق .. انت بتهزر انت شايف أن دا توقيت تتكلم فيه عن الخلفه مرام بتموت والحمل راح وانت بتقولي نخلف دلوقت انت اناني مبتفكرش الا في نفسك 

مراد .. تمام انا اسف 

داليدا .. مراد انا اسفه بس انا خايفه 

مراد .. متتكلميش لحد ما نوصل 

داليدا .. 

وصلو البيت 

داليدا .. اي مش هتكلمني 

مراد .. داليدا ابعدي عني طول ما انا متعصب 

داليدا .. لا مش هبعد من امته وانا ببعد انت مش فاهم والا مقدر حجم الخوف اللي انا فيه غلط  في اي شوفت المنظر كمية آلم منظر مرام ودم نازل منها ومنظرها وهي بتصوت ومنظر اسر  انا غلط  في اي  اني خايفه وبعدين احنا مش قد مسؤليه زي دي 

مراد .. اتهمتيني اني اناني ومبفكرش إلا في نفسي دا حقيقي لما اتجوزنا من اول يوم قولتي انا خايفه من الخلفه ومش عايزه اخلف غير وانا قد المسؤلية دي وانا قولتلك موافق وتفهمت دا خدتي برشام منع الحمل وانتي متأكده انك اول ما توقفيه الحمل هيتأخر شويه وانا تفهمت خوفك ورهبتك ابقي اناني في اي بقي 

داليدا .. مراد انا اسفه انا انا

مراد .. انتي اي مين فينا اللي اناني 

داليدا .. سامحني عشان خاطري انا اسفه لو بتحبني 

مراد .. انتي عارفه نقطة ضعفي للاسف بحبك وبموت فيكي كمان 

داليدا .. يعني مش زعلان 

مراد. .. لا خلاص 

داليدا طبعت قبله علي خده .. ربنا يخليك ليا 

                   ******

اسر .. عامله اي دلوقت 

مرام بتعب .. انا مش هخلف تاني صح 

اسر دمع .. انا مش عايز اطفال انتي كفايا عليا وكمل بضحك وبعدين هو انا مش كفايا عليكي والا عايزه حد يشاركني فيكي 

مرام .. هتطلقني 

اسر .. هو في حد يستغني عن روحه 

مرام .. بجد مش هتسيبني 

اسر .. انا كاتب في عقد الجواز  اني مش هتجوز غيرك 

مرام ضحكت .. هزر بقي

اسر .. خلاص عندي حل كل ما ازهق منك اتجوز وانبسط  وارجعلك 

مرام .. يا راجل 

اسر ..  اعمل فرح واجبلك فستان وانا البس بدله واتجوزك تاني 

مرام .. بحبك اوي 

اسر .. وانا بعشقك كلمه قليله