Uncategorized
رواية عشق المراد 2 الفصل السادس 6 بقلم فاطمة جودة
رواية عشق المراد 2 الفصل السادس 6 بقلم فاطمة جودة
 |
| رواية عشق المراد 2 الفصل السادس 6 بقلم فاطمة جودة |
رواية عشق المراد 2 الفصل السادس 6 بقلم فاطمة جودة
كارمن .. يا جماعه انا اللي عامله الاكل والله
وليد ضرب كارمن في كتفها بخفه .. منا قولتلك والا انا مش مالي عينك
كارمن .. ايديك يا عسل
وليد .. هي مش طالعه زيك لي يا ديدا
داليدا .. معرفش والله يا وليد
كارمن .. ما تتلم بقي دا انت رزل
الكل ضحك
والشباب قعدو في البلاكونه
عاصم كان مركز في الفون
في شات علي الواتساب
سهر .. مجتش لي
عاصم .. مش فاضي
سهر .. وحشتني
عاصم .. ماشي
سهر .. مالك يا عاصم انا اتخنقت بقي انت مبتحنش عليا بكلمه
عاصم .. انتي هبله والا اي هحن عليكي بأمارة اي اني عاشقك لقدر الله فوقي يا سهر انتي شمال وانتي عارفه كدا ومتحاوليش تضحكي عليا تبقي بتلعبي في عداد عمرك لو متعرفيش مين عاصم عز الألفي انتي مجرد وقت
سهر .. انا مجرد وقت
عاصم .. اه والا انتي شايفه غير كده واظن انا معرفك من الاول انتي اي
سهر .. خلاص يا عاصم
عاصم بغموض .. ركزي في الكلام قبل ما تقوليه عشان المره الجايه هتزعلي اوي
******
Fatma goda
يوسف .. مالكو قاعدين ساكتين لي
كارمن .. بس بس يا جماعه اتفضل يا يوسف الميك مع حضرتك
يوسف رش عليها ميه بهزار .. دا انتي بارده
وليد .. دي بارده دي سكر
حازم و عاصم .. دا اي دا
وليد .. اي يا جدعان بهزر
ادم .. متسيب يا عم التليفون شويه
عاصم ضحك .. حاضر شوف موبايلك بيرن
كل اللي قاعد .. المزه صح
ادم بضيق .. اهدو شويه
زين .. بس يا جماعه عشان نسمع روميو
حور .. يلا الطبله اهي اتكلم واحنا هنطبل وراك يا ادم
ادم .. دا انتو باردين
هيدي .. انا ساكته يا عم الله طبلي يا حور
حور ضربت بالطبله عشان تطبل لهيدي
عمر جه علي الصوت .. اي المرادي بترزلو علي مين
كلهم في صوت واحد .. ادم
عمر .. بركاتك يا سي ادم
ادم .. حتي انت يا اونكل
عمر بضحك .. معلش يا ميرا بس هما كل اسبوع يعملو كدا ويحفلو علي حد فيهم المره اللي فاتت كان زين
زين .. مش فاهم بتحفلو علي اي وابتسم لميرا وقال دا انا حتي سنجل
ادم بضيق .. خلاص يا اونكل
هيدي .. ادم زعلت مننا
ادم .. لا هتكلم في التليفون واجي
زين .. مالك يا ميرا
ميرا .. انا كويسه اهو
زين شد الكرسي وقعد جمبها بعد ما ادم كان قاعد جمبها
عاصم .. كملو تحفيل علي ادم والا شوفو حد تاني
حور .. وليد وكارمن أو حازم
كارمن كانت بتشرب شرقت .. كح كح ارحميني يا حور
حور .. يبقي حازم
حازم .. ابهرينا
حور .. كل واحد يسألو سؤال
حازم .. تصدقي بالله دا انا هنفخك لما يجي دورك
حور بفخر .. اصلا انا اللي بطبل محدش يقدر يتكلم
عاصم .. اه ومالو
حور .. الا عاصم يتكلم براحتو
حازم .. اشمعنا انا
حور .. انتو باردين لي اختارو حد طيب
كارمن .. خلاص حازم
حازم .. اسألو
حور .. انا الاول .. بتكلم بنات ؟
حازم .. صدقات وكده لا إنما في شغلي اه .. وانتو طبعا
حور .. انت محترم يا ابني
كارمن .. ارتبط كام مره يا زومه ؟
حازم .. والا مره
عاصم .. من غير تحوير بتحب مين
حازم بتوتر .. لا مبحبش حد
زين .. اول حاجه انت اتوترت تبقي بتكدب
حازم ضحك .. دا عيب انك ظابط اه معجب بواحده بس لسه متأكدتش من مشاعري
ميرا .. اشمعنا كلية صيدله ؟
حازم .. عادي دخلتها وانا هدفي ان أكون دكتور في الجامعه
*******
ساره .. مبتردش لي
ادم .. في اي انتي عارفه أن انهارده الجمعه والعيله متجمعه
ساره .. انتو بتضحكو علي بعض عيلة مين انتو صحاب عشان اهلكو
ادم بزهق .. ساره اهلنا كانو صحاب جدا وهما صغيرين وبقو عيله لبعض بعد وفاة تيتا وجدو
ساره .. انا عرفت ان صاحبت ليان اختك جت عندكو البيت
ادم .. اي بتتجسسي علينا
ساره .. لا بس عرفت هي ازي عايشه معاكو طب وانت وعاصم
ادم ..ساره اقفلي عشان عاصم عايزني
*********
ادم رجع قعد معاهم
يوسف .. ايوه بقي عملت اي يا روميو
ادم .. ما خلاص يا جماعه
يوسف .. نهارك اسود بتزعق كمان .. حور ماسكه الطبله خلي بالك
ادم ضحك
حور .. خلاص سيبكو من حازم واسألو ادم
ادم .. انتي عايزه اي
حور .. بص بقي مش هنسألك غير سؤال واحد قاتل فضولنا كلنا ماعدا عاصم لأنو تقريبا عارف
ادم .. اسألي
حور .. اللي كلمتك دي صحبتك والا مرتبط بيها ؟
ادم .. السؤال ملوش لزوم
ليان وهيدي وكارمن .. جاوب
ادم .. اه مرتبط بيها
حور .. احبك وانت صريح
زين .. اسألي حد تاني
حور .. طب ما تجاوب يا زين انا سألت امبارح وطردتني من الاوضه
يوسف .. احسن
حور .. كده دا انا سألت عليك امبارح
يوسف .. لا لو كدا خلاص
زين .. ماشي هي سألتني انت مرتبط وبتكلم بنات؟
كارمن .. جاوب يا عم
زين بص لميرا .. لا بس تقريبا هرتبط قريب
(عاصم كان متفق مع زين يعمل كده عشان ادم يعرف حقيقة مشاعرو إنما زين مش بيحب ميرا )
ادم .. هترطبت يعني اي
زين وهو باصص لميرا و مبتسم .. يعني قربت القيها يا ادم
ادم بضيق .. ما تركز معايا
عاصم قاعد ومركز مع الكل بس ساكت بيتابع بس
يوسف .. خلاص يا جماعه انتو هتتخانقو خلاص
*********
داليدا .. وحشتوني اوي
فرح .. وانتي وحشتيني اوي
فريده .. مين يصدق أن عيالنا بقو اطول مننا
ليليان .. متهزروش انا اصغر واحده فيكو
مرام .. اه ياختي
مراد .. انتو بتقولو اي
اسر .. يا عم سيبهم
عز .. انا عايز اعمل حاجه كبيره
كيان .. بس عز هيعمل اختراع
عز .. هو انا عايز بس مش عارف
عمر .. دي هرمونات ما قبل الساعة 12
ضحكو واليوم كل جميل ليهم كلهم
والكل روح بيته
(سليم ابن كيان مكانش موجود عشان في المستشفى )
*******
Fatma goda
في امريكا
عهد .. انشاء الله هتخفي يا ماما انا واثقه أن ربنا مش هيخذلني
روان .. يارب يا حبيبتي اهي العمليه بعد اسبوع ومن بكره هتحجز في المستشفى
عهد .. انا معاكي يا حبيبتي
******
عز .. مبسوطه يا ميرا
ميرا .. جدا يا اونكل وحبيتهم جدا
عز .. هما دول عيلتي بجد كلنا بنحب بعض واكتر من الاخوات احنا طول عمرنا مع بعض
ميرا .. ربنا يخليكم لبعض
عز .. ويخليكي لينا يا حبيبتي
عاصم .. هو ابوكي عرف انك هربتي
ميرا بخوف .. اه وكلمني كتير بس مردتش
عز .. بصي متقلقيش خالص انا هحميكي منو
ميرا .. ياريت يا اونكل انا تعبت وزهقت
عز .. متقلقيش يا حبيبتي
*******
في بيت ادهم
فريده ..اي يا يوسف سرحان في اي
يوسف .. مفيش يا حبيبتي
فريده .. قولي يا قلب ماما انت هتحكي لمين يعني
يوسف .. بحب
فريده بفرحه .. مين حد من بنات العيله
يوسف .. انا قولت بحب سيبني يا فيري ابقي براحتي
فريده .. حاضر يا حبيبي
*******
حور .. زين انت بجد هترتبط
زين .. حور واحنا قاعدين مع بعض اسألي زي ما انتي عايزه سيبيني دلوقتي عشان ارتاح
حور بزعل .. حاضر
زين حضنها .. مش قصدي ازعلك والله انا مش هرتبط والا حاجه انا كنت بهزر
حور .. ماشي تصبح على خير
*******
بعد مرور ثلاثة ايام بدون احدأث
حازم .. ماما انا خارج
داليدا .. هتتأخر
حازم .. انا رايح ليوسف
داليدا .. ماشي
********
عاصم .. في محامي برا
عز .. خليه يدخل
المحامي دخل
عز .. اتفضل
المحامي .. انا هاني محامي مدام روان
عز .. هي حصلها حاجه
المحامي .. هي كويسه بس أهل جوزها عرفو أنها في امريكا وهيسافرو كمان يومين عشان ياخدو عهد
عز .. دلوقتي انا عايز طريقه اجيب عهد هنا
المحامي .. هي هتوصل من الطياره كمان ساعه
مدام روان هتدخل العمليات بكره واحتمال نجاح العمليه قليل وحتي لو نجحت لازم تفضل هناك تقريبا شهرين عشان يشوفو العمليه وأضرارها وفي جلسات هتاخدها
عز .. يعني روان في امريكا والخطر علي عهد وهي في الطياره دلوقت
المحامي .. مدام روان هي اللي أصرت أنها تنزل وتيجي لحضرتك أول ما عرفت أن هما حجزوا وجايين كمان يومين
عز .. عرفت منين
المحامي .. ليا زميل في المطار وكنت متفق معاه اول ما يحجزو يبلغني
عز .. قلبك كان حاسس يا روان
المحامي .. فعلا يا فندم
عز .. تعالي نجيب عهد من المطار الاول ونشوف هنعمل اي
عاصم .. هي روان بنت عمتك يا بابا
عز .. ايوه
عاصم .. انا كده فهمت بس في مشكله
عز .. عاصم مش وقته يلا نروح المطار
راحو المطار وعهد وصلت وفعلا اتصدمو من جمالها
(عهد 22 سنه في غاية الجمال عيونها رصاصي وعندها غمازات وجسمها كرڤي وزي القمر ومحجبه)
عاصم متهزش من جمالها بس في سرو كان معجب جدا بشكلها
عهد .. حضرتك اونكل عز
عز حضنها .. ايوه يا حبيبتي
عهد .. انا مش عارفه المفروض اعمل اي بس ماما قالتلي اسمع كلام حضرتك في كل حاجه
عز .. متقلقيش يا حبيبتي دا عاصم ابني
عهد مدت ايديها .. ازيك انا عهد
عاصم بهدوء سلم عليها .. الحمدلله انا عاصم
المحامي .. طب نروح مكتبي والا اي لازم نتفق هنعمل اي
عز .. حضرتك شوف حل للموضوع يحميها منهم وبالقانون
المحامي .. تمام عن اذنكم
عز .. يلا يا عهد
راحو البيت ورحبو بيها
ليان .. انتي قمر .. شبهي يا ماما صح
ليليان بحب .. هي زي القمر وانتي قمر وميرا قمر
ادم رجع من برا .. اي دا عندنا ضيوف
ليليان .. دي عهد بنت عمت عز
ادم .. ازيك يا عهد
عهد .. الحمدلله
عز .. ادم عاصم تعالو ورايا
دخلو المكتب
عز .. احنا ملناش حكم عليها وهما أهلها كدا هيقدرو يخدوها
عاصم .. انا كلمت يوسف وهو جاي عشان يقولنا حل قانوني
يوسف وصل
*********
Fatma goda
ليليان .. حبيبي نورتنا
يوسف .. البيت منور بيكي يا لي لي
عز .. نهارك اسود بتلعب في عداد عمرك
يوسف .. خلاص خلاص مش هدلعها تاني
دخلو المكتب
يوسف .. اللي انا فهمتو منكو ان هي في خطر وانتم ملكوش سلطه عليها
عز .. ايوه
يوسف .. طب طنط روان معملتش اي ورق أن حضرتك وصي عليها
عاصم .. هي عايشه يا ابني مامتتش وصي اي
يوسف .. عادي
عز .. معملتش وللأسف مش هنعرف نتواصل معاها الفتره دي خالص
يوسف .. انا مش عارف اقولك اي بس هما كدا يعتبرو وصايا عليها لو خدوها عادي
عز .. لو اتجوزت هيعرفو يخدوها
عاصم ضحك .. هتجوزها كمان
عز .. رد يا يوسف
يوسف .. لا طبعا لأنها مع زوجها
عز .. ماشي سيبوني افكر وهكلمك الصبح
يوسف مشي
عز .. عهد الاوضه بتاعتك جمبك ميرا
عهد .. ماشي
ادم .. ميرا عايزك ثانيه
عز .. في حاجه والا اي
ادم .. لا هسألها علي حاجه
ميرا .. ماشي
خدها ودخلو البلكونه
ادم .. هو انتي زعلانه مني في حاجه
ميرا .. لي
ادم .. بسأل حاسك زعلانه مني
ميرا .. منك هو انت عملت حاجه
ادم بضيق .. في اي
ميرا .. يا ابني هو انا كلمتك الله انت اللي قولت أنك عايزني في حاجه بتقولي انتي زعلانه قولتك لي
ادم مسك ايديها وقبلها وهي انصدمت من جرأته وسحبت ايديها
ادم .. حاسس انك زعلانه مني متزعليش
ميرا خرجت من البلاكونه وهي متلغبطه بين كل حاجه واكنها في دوامه وطلعت اوضتها
******
يوسف راح لحازم في كافيه
حازم .. مالك حاسس انك زهقان
يوسف ضحك بزعل .. عارف احساس انك بتحب حد وهو مش شايفك
حازم .. ما تقول بتحب مين انا زهقت
يوسف .. مش لازم
حازم .. بتحبها اوي كدا
يوسف .. هي مين
حازم غمز .. حور
Fatma goda
في مستشفي الجوهري
(المستشفى بتاعت كيان اسمها بإسم العيله )
كريم .. انت خلصت
سليم .. للأسف لا
كريم .. ارتاح شويه
سليم .. انت شايف وعارف اللي فيها
كريم .. ربنا معانا انا طالع عشان عندي عمليه
*********
يوسف .. عرفت منين
حازم .. مش هقول لحد والله عرفت من نظرتك ليها ولمعة عيونك
يوسف .. بس هي بتعتبرني اخوها
حازم .. بس انت مش اخوها
يوسف .. عارف أما تحب حد اوي وهو مش شايفك اصلا
حازم .. بس اهدي انت قلبتها دراما لي
*********
ليليان …بتفكر في اي
عز اتنهد .. عايز أوصلها لبر الامان
ليليان .. ربنا يعدل الحال
********
ليان .. احكيلي اي حاجه يا عهد
عهد ضحكت .. انا هو انا عندي حاجه احكيها أنا نفسي بس ماما تقوم بالسلامه عشان ماليش غيرها
ليان .. ربنا يشفيها يارب خلاص احكي انا عشان معنديش حد احكيلو ميرا عارفه عني كل حاجه انا عمتا حياتي تافهه
عهد ضحكت
عاصم كان شايف الموقف
ليان .. بسم الله الرحمن الرحيم مالك واقف كده لي
عاصم بغموض .. عادي اومال ميرا فين
عهد .. طلعت اوضتها
ليان .. هو انت ضايقتها تاني
عاصم .. هو اتكلمت يا بنتي اسألي ادم
ادم وهو مركز في الفون
ادم .. انا معملتش حاجه
ليان .. هي زعلانه طب حد يطلع يشوفها عشان مش قادره اقوم والله
ادم .. اطلع انا
عاصم .. بركاتك يا سي ادم اطلع
ادم طلع وخبط بس مردتش فتح الباب وهو بيشوفها هي فين لقها خارجه من الحمام بالبرنس وشعرها الطويل مفرود وبينقط ميه
ميرا شهقت وجريت علي الحمام وادم خرج برا الاوضه عشان ميحرجهاش
********
Fatma goda
عز .. مفيش غير حل واحد
ليليان .. قول
عز .. هقولك ومتقوليش لحد دلوقتي
ليليان .. مش هقول
عز .. عاصم يتجوزها
ليليان لطمت .. هتجبرها علي الجواز من ابنك وتجبر ابنك علي الجواز منها في اي شرع دا
عز .. ليليان اهدي دا الحل لو المحامي ملقاش حل هنستني رأي المحامي الاول وبعدين عهد زي القمر
ليليان .. يا حسرة قلبي عليها وعلي ابني