Uncategorized
رواية آمنة (عطاء وقسوة) الفصل العشرون والأخير 20 بقلم ريهام علي
رواية آمنة (عطاء وقسوة) الفصل العشرون والأخير 20 بقلم ريهام علي
 |
| رواية آمنة (عطاء وقسوة) الفصل العشرون والأخير 20 بقلم ريهام علي |
رواية آمنة (عطاء وقسوة) الفصل العشرون والأخير 20 بقلم ريهام علي
في شقة مراد
كانت نهي وهشام واقفين في البلكونه ، واستغرب هشام كلمة نهي
هشام : نهي انتي بتقوليلي أنا الكلام دا
نهي : مسحت دموعها وقال. اكيد طبعا لازم تستغرب … يعني ايه عيله بالنسبالك تفكر فيك ، منتا بقيت ظابط خلاص مش كدا
هشام : لا والله مش كدا خالص.. انا مش مصدق اللي بسمعه منك دا انه ليا أنا
نهي : منتا اللي غبي .. مفهمتش يوم عيد ميلاد صحبتي وانت بتتكلم مع دنيا ، كنت ازاي هموت من الغيظ
هشام : حسيت… بس كدبت نفسي لانك كنتي بتهزقيني كتير
نهي : كنت بهزقك من غيظي من نفسي … اننا خلاص وصلت لمرحله مش قادره اسيطر فيها علي مشاعري بسببك
الصبح لما جاتلك موافقة القبول للكليه … انا قلبي وجعني لاني عارفه انك هتقعد كتير علي ما نشوفك تاني اكتر من شهر ونص..
وانا عارفه وواثقه انك هتكون ناجح جدا في كليتك … لكن انا اللي مش واثقه من نفسي اني أدخل كليه كويسه ، يعني طب او هندسه او صيدله عشان اليق بيك … وبكره انت تدور علي واحده من المستوي دا يناسبك
هشام : ابتسم وقال : طب انتي حابه تكوني ايه
نهي : ابتسمت وقالت. حابه أدخل كلية (علوم ذوي الإعاقة والتأهيل) … لاني شايفه ان النجاح في انك تساعد طفل يتكلم مش اقل من نجاحك كدكتوره .. واتنهدت وقالت : عشان كدا عارفه اني مش هكون مناسبه لكليتك
هشام : أنا فخور بيكي أوي يا نهي … وعايزه الخصلك كل الهبل اللي قولتيه دا بحاجه واحده
نهي : إيه
هشام : لو مكملتيش تعليمك .برضو مش هحب غيرك …. خلصانه
نهي : ابتسمت بسعاده وقالت يعني انت…
هشام : ودين أمي بعشقك يا مجنونه … يا مازوت قلبي وغمزلها
نهي اتنططت مكانها من الفرحه ودخلت لجوه
هشام : خدي يابت استني….
وفضل يلف بسعاده ودخل لمراد اوضته وصحاه من نومه
هشام : مراد … اصحي يا مراد بقا لحقت تنام
مراد : فتح عيونه بصعوبه وقال ايه يا بني الساعه كام
هشام : لأ انت ملحقتش تنام اصلا .. بس اصحي كدا عايزك في موضوع مهم
مراد اتعدل في مكانه وقال : أمم ارغي
هشام : أحمم.. بص انا عارف انك ممكن تفهمني غلط في اللي هقولهولك … بس والله أنا …
بص يا مراد ، الحكايه هو اني .. غصب عني والله ، وانت عارف ان يعني المشاعر لما…
انت اكيد فاهمني صح
مراد كان ساند راسه علي كفة ايده ومضيق عيونه بتركيز وقال : وهو انت قولت جمله واحده تتفهم عشان انا افهمك
هشام : ابتسم وقال. علي بلاطه كدا
مراد : ايوا
هشام : ومن الاخر
مراد : ياريت
هشام : ومن غير لف ودوران
مراد : ما تنجز بقا دوختني
هشام : اتكلم بسرعه وقال. بص بقا من الاخر يا مراد أنا بحب نهي
مراد : برق عيونه وقال. سمعني تاني كدا
هشام : ب.ب.بحب نهي
مراد : يا بجاحتك يا اخي … بقا بتبصبص لاختي من ورايا وجاي تعترفلي … يا أخي راعي أننا متجوز مع إيقاف التنفيذ واحترم مشاعري ، مش تبصبص
هشام : أبصبص ايه بس بلا نيله وهيه اختك الواحد هيبصبصلها علي ايه .. علي لسانها اللي عايز قطعه ولا علي قصرها
مراد : ضحك وقال . اومال حبيتها ليه
هشام : انت حبيت امونه ليه
مراد : ضحك وقال. انت بترد سؤالي بسؤال … طب انا احب محبش اتجوز .. عادي لاني خلصت تعليمي وبشتغل ومعايا قرش افتح منه بيت … لكن انت اللي لسه اول يوم بكره ليك في كليتك وبتبدأ مشوارك.. بتحب ليه ، مش لما تكمل موارك وتنهيه تتكلم علي الحب
هشام : أنا مش طالب منك اي حاجه غير انك توعدني ان نهي ليا وبس .. وانا اوعدك هخليك تفتخر بيا
مراد : طب اوعدك علي اساس ايه بس مش لما اعرف رأيها
هشام : حك شعره باحراج وقال. أحممم أ.أ.أنا حاسس منها بقبول
مراد : دا انا بتقرطس بقا
هشام : تعدمني
مراد : اتنهد وقال . عموما يا سيدي خلص كليتك براحتك وانا اوعدك لو هيه موافقه انا معنديش مانع
هشام : حضنه بفرحه وقال. حبيبي يا ابو نسب
مراد : ههههههه شكلي هرجع في كلامي
هشام : لا لا لا خلاص … يلا بقا انا هروح انام وسابه ومشي
مراد ابتسم وقال : يا خوفي يا امونه تاجلي دخلتنا مع هشام ونهي … تقوليلي عشان اطمن عليه بالمره
____________________________________
في صباح اليوم التالي
جهز هشام نفسه بدري وكان مراد جاهز هو كمان عشان يوصله
مراد : جاهز يا هشام
هشام : ايوا يلا بينا … بس كنت عايز اسلم علي أمونه بس
مراد : ضحك وقال أمونه برضو
هشام : ما خلاص بقا يا حاج … هااا ممكن
مراد : يلا بينا
ودخلو لشقته هو وصحاهم كلهم يسلموا عليه
آمنه : خلي بالك من نفسك يا هشام
هشام : حاضر … ادعيلي ربنا يوفقني
آمنه : ربنا يسترها معاك يا حبيبي
هشام : يارب … وبص لأمل وقال اشوف وشك بخير يا أمل
أمل : هتوحشنا خفة دمك والله يا هشام
هشام : سايبلك برطمان جوه فيه شويه … حافظي عليهم بقا لحد ما ارجع
نهي : ضحكت من بين دموعها وقال. طب ادينا فرصه نعيط بس
هشام : وتعيطي ليه يا نهي … ادعيلي وخلي بالك من نفسك
وبصلهم كلهم وقال : لا إله إلا الله
الكل : محمد رسول الله
ونزل مع مراد واتجهو للكليه
____________________________________
بعد مرور أسبوع
كان مراد في شغله وجاله اتصال من آمنه
مراد : ايوا يا حببتي
آمنه : بتعب. مراد انا تعبانه اوي
مراد : وقف بلهفه وقال. تعبانه من ايه يا حببتي طمنيني
آمنه : مش عارفه يا مراد حاسه اني ضغطي عالي وهيغمي عليا .. ممكن تيجيلي
مراد : انا جايلك حالا .. وقفل معاها وخرج بسرعه وركب عربيته واتجه للبيت
كان طالع بيجري علي السلم وفتح الباب وهو قلقان … لكن اتفاجئ بالبيت وهو متزين بالبلالين
وقف مكانه مصدوم من الي شايفه .. لكن اخيرا استوعب ان النهارده عيد ميلاده
ابتسم من الفكره .. وابتسم أكتر لما شاف آمنه وهيه خارجه من الاوضه بكامل انوثتها .. كانت خارجه بفستان احمر قصير وكب ورافعه شعرها لفوق ومنزله خصلتين من الجنب … كانت حقيقي مثيره للغايه
قفل مراد الباب وراح عندها وقال : إللي انا شايفه دا بجد
آمنه : لفت ايد واحده حوالين رقبته والايد التانيه مسكت بيها قميصه وقالت : قولتلك اصبر عشان كدا … حبيت ان يكون فرحنا يوم عيد ميلادي .. وداعبت ارنوبة انفه بانفها وقالت : ويوم ميلادك
مراد : ابتسم وقال . انتي عيد ميلادك النهارده انتي كمان
آمنه : آه .. وبصراحه مكنتش أعرف عيد ميلادك ، عرفته من امل بالصدفه امبارح… وفرحت اوي أننا وانت يوم ميلادنا مع بعض وهنبدأ سنه جديده من عمرنا مع بعض
هنبدأ يوم ميلادنا بالحب … وننهي اليوم بالحب برضو
مراد : بلؤم. بس نص اليوم هنضيعه في إيه كدا
آمنه : بخبث . أممم.. ممكن نتفرج علي التليفزيون
مراد : ضحك وقال . طب لازم تتعاقبي الاول علي خضتي دي … انا ركبي سابت وافتكرتك تعبانه بجد
آمنه : اتعاقب !! بدال ما تقولي تاخدي هدية عيد ميلادك الاول
مراد : حاوطها من وسطها وقال. وانا معنديش مانع أنك تتعاقبي وأهاديكي بعيد ميلادك الاول … بس اختاري عايزه ايه الاول
آمنه : ضحكت بدلع وقالت. اللي تختاره
مراد : أنا بقول نبدأ بالعقاب .. عشان تاخدي هديتك ونبدا حياتنا واحنا نفوسنا صافيه ……………
ونباركلهم بقا الحمد لله ????
____________________________________
في بيت حازم ودعاء
كانو بيجهزوا شنطهم عشان خلاص هينزلوا يستقروا في القاهره
دعاء : انا مش مصدقه أننا اخيرا هنستقر في القاهره وسط حبايبنا يا حازم
حازم : ابتسم وقال. عملت المستحيل عشان انقل شغلي .. كله عشان خاطر عيونك يا حببتي
دعاء : ربنا يخليك ليا يا حبيبي .. بس قولي حد عارف اننا نازلين
حازم : لأ محدش يعرف غير رائد بس .. عشان هو اللي اشترالي الشقه
دعاء : طب يلا بقا عشان منتاخرش .. بس قولي انت ليه مش عايز تستقر في البلد زي زمان
حازم : شغلي هيكون في القاهره .. قولت خلينا جنب شغلي وخلاص ، وبعدين هنقعد في البلد مع مين
دعاء : مع معتز
حازم : لازم يفضل لوحده .. عشان يعرف ان سبب فرقتنا هو ، ويفضل ندمان عمره كله
دعاء : لا يا حازم مينفعش انت كمان تقسي عليه .. كفايه اللي هو فيه
حازم : لازم اقسي عشان لما نرجع نتلم تاني .. يعرف قيمتنا ، وقيمة اللمه
____________________________________
في كلية هشام
كان هشام قاعد سرحان وجه عليه زميله وكان اسمه معاذ
معاذ : إيه ياعم الهايم .. سرحان في ايه
هشام : ابتسم وقال. ابدا مفيش … بس اهلي وحشوني اوي
معاذ : ربنا يخليهملك يارب .. يابختك عندك أهل
هشام : ليه انت ملكش اهل
معاذ : اتنهد وقال. لأ
هشام : اومال انت جيت ازاي
معاذ : جيت في تاكسي
هما الاتنين ضحكوا وخبطوا كفهم ببعض
معاذ : أنا يا سيدي ابويا وأمي متوفيين ، واللي ربتني خالتي وكنت عايش معاها هيه وجوز خالتي .. بس للاسف توفي من فتره برضو
هشام : ربنا يسترها علي خالتك … وجايلي تتعرف عليا ليه ، جاي تخلص عليا ولا إيه
معاذ : هههههههه لا يا سيدي بس زي ما انا قولتلك . انا وحيد مليش اخوات ومليش غير خالتي .. وكمل كلامه بابتسامه وقال : وبنتها
هشام : وهيه بنتها بتضحك اوي كدا … ايه الابتسامه السئيله اللي حصلت دي
معاذ : والنبي محد سئيل غيرك يا فصيل …. واتنهد وقال انا بنت خالتي دي لسه في اولي ثانوي … بس مش قادر اوصفلك حبي ليها قد ايه
هشام : ابتسم وقال. ربنا يسعدكم…. واسمها ايه
معاذ : ابتسم وقال. حنين ….. وانت بقا حكايتك ايه
هشام : ما تفرقش عن حكايتك كتير … انا برضو ابويا وامي متوفيين ، وعايش مع مرات أخويا وجوزها و….
معاذ : هههههههههههههه ههههههههههه ….. لا حلوه يا معلم مرات اخويا وجوزها دي .. ما تقول اخويا ومراته ايه الغباء دا
هشام : يا متخلف انت لأ مع مرات اخويا الكبير .. اخويا الكبير اصلا متوفي ومراته اتجوزت وانا عايش معاها هيه وجوزها .. فهمت
معاذ : عروستي
هشام : قوم نام يالا
معاذ : يعني انت ملكش اخوات عشان كدا عايش مع مرات اخوك .. اقصد اللي كانت مراته
هشام : لأ عندي اتنين واحد متجوز وعايش في السلوم هو ومراته وبنته والتاني مطلق وعايش لوحده
معاذ : مصمص بشفايفه وقال. كبد امك يابني … صعبت عليا والله
هشام : الحال من بعضه يا خفيف
معاذ : علي رايك … بس واضح ان جوز مرات اخوك دا جدع .. هههههههههه مش متخيلها بصراحه
هشام : ضحك. وقال اجدع حد ممكن تقابله هو مراد جوزها .. ربنا يسعدهم يارب
معاذ : اشطا يا اتش شكلنا هنبقي اصحاب .. فينا حاجات مشتركه
هشام : ايوا .. يتمي زي بعض وتجمعنا الروح الفرفوشه
معاذ : طب يلا بقا عشان المحاضره هتبدا
____________________________________
في بيت مراد عزام
كان مراد واخد آمنه في حضنه ومشغل اغنيه ليها تامر حسني ( واخيرا)
وأخيرا جه اليوم هبقي معاااه
شوف كام سنه بستناك
ولا مره تعبت وقولت دا حب خيااال
أتفرج بقا هعملك ايه ..
انا قلبي حافظت عليه
اوصفلك ايه مش لاقي كلام يتقال
مراد : وأخيرا يا قلبي بقيتي مراتي رسمي فهمي نظمي … واتنهد وقال: تعبتيني معاكي أوي
آمنه : ابتسمت وقالت خلاص بقا يا مراد… متحسسنيش أننا قاسيه أوي كدا
هنحب حب عمر ما قلب حد حس بيه
هتحكي الناس عليه
هيقولوا شوفو حبو بعض قد ايه
مراد : اوعدك يا آمنه أنك هتعيشي معايا أجمل حب ممكن تشوفيه او سمعتي عنه .. اوعدك هنكون زي الروايات ، الافلام او حاجه كدا خيال …….. مسك دقنها بأيده وقال: وهخليكي تندمي علي كل لحظه بعدتي عني فيها
آمنه : ابتسمت وقالت مش محتاجه وعد منك .. أنا متأكدة من كدا ، وعارفه اني هعيش معاك حب الخيال … وملست علي خده بحنيه وقالت : لانك خيال
مراد : قرب عليها وباس جبينها
أتمني نجوم السما تتجاب
هيه الفرصه دي تتساب
حبيت الدنيا معاك من اول يوم
هسهرلك بدل الليله سنين
مش محتاج ناس تانيين
مين يقدر يسمع صوتك ويجيله نوم
آمنه : مراد
مراد : قلبه
آمنه : ابتسمت وقالت. تتمني ايه دلوقتي من ربنا
مراد : ضمها ليه وقال. أتمني من ربنا ميفرقش بيني وبينك ابدا
وبصلها وقال : طب انتي تتمني ايه
آمنه : مش هتتريق عليا
مراد : ابتسم وقال. لأ
آمنه : بخجل. بتمني من ربنا يرزقني بطفل منك …. عشان يكمل قصة حبي ليك
مراد : ضمها ليه أكتر وقال. عموما مش هيبقي اول طفل ليا … انتي متعرفيش اننا عندي طفلين
آمنه : عقدت حواجبها وقالت. نعمم!!
مراد : ابتسم وقال. أممم اعرفك بأسمائهم.. سيف وعبدالرحمن
آمنه اتنهدت براحه وقالت : وقفت قلبي ياأخي
مراد : ضحك وقال. بس عموما لو جه طفل فأنا اتمني تكون بنت
آمنه : وهتسميها إيه
مراد : لو عليا اسميها آمنه … بس مش عايز غير آمنه واحده بس في حياتي …عشان كدا هسميها اسم قريب من اسمك ، فهختارلها “يمني” او “أمنيه”
آمنه : ابتسمت وضمته وقالت. بحبك اوي يا مراد
مراد : اتنهد وقال. بعشقك
وكمل كلامه بلؤم وقال: ويلا بقا عشان نعوض اللي فات ونلحق نجيب الست يمني…….
هتحب حب عمر قلب حد ما حس بيه
هتحكي الناس عليه
هيقولوا شوفوا حبو بعض قد ايه
____________________________________
في بيت موسي الشهيدي
وصل معتز من شغله وهو جعان جدا .. ومش عارف يعمل اكل ايه
قرر يروح يشتري اكل جاهز من البقاله .. واخد فلوس وراح لصابر
معتز : ازيك يا عم صابر
صابر : الحمد لله يابني .. اتفضل
معتز : تسلم .. كنت عايز أي اكل جاهز كدا وعيش
صابر : ابتسم وقال. طب ايه رايك تيجي تتغدي معايا .. انا عامل صنية مكرونه بشاميل بس ايه مقولكش .. هتاكلها من هنا وتعمل غسيل معده من هنا
معتز : هههههههههه طب وعلي ايه يا عم صابر بس الاكله دي
صابر : بس تعالي بس ومش هتندم
قفل البقاله واخد معتز وطلع لبيته وجهزوا الاكل مع بعض وقعدوا اتغدوا
معتز : تسلم ايدك يا عم صابر
صابر : بالف هنا يابني .. علي ايه بس دا اكله علي الماشي
معتز : لا والله متقولش كدا .. انا كنت جعان فعلا وشبعت
صابر : بقولك ايه يا معتز يابني .. انت عايش لوحدك وانا عايش لوحدي
ايه رايك تيجي تعيش معايا هنا وخلاص واهو نونس بعض
معتز : ابتسم وقال. بس مش عايز ازعجك يا عم صابر .. وخصوصا لو حد من بناتك جه ولا كدا
صابر : بدور ومسافره .. وفتون بتيجي هيه وجوزها مره كل اسبوع عشان شغل جوزها ومبيكملوش ساعه … يعني مفيش مدايقه ولا حاجه
معتز : طب ما تيجي انت تعيش معايا
صابر : معرفش انام الا في فرشتي يابني .. اعذرني
معتز : ابتسم وقال. طب بص انا هاكل وهسهر معاك كل يوم .. بس النوم هروح البيت عشان هدومي هناك
صابر : اللي يريحك يابني
معتز : اتنهد وقال. ربنا يخليك ليا ياعم صابر .. جيتلي في الوقت المناسب
____________________________________
في بيت سامح وفتون
كانت خناقه مابينهم بسبب الشغل وتاخير سامح
فتون : انا زهقت يا سامح من تاخيرك كل يوم في الشغل دا بقا
سامح : يا حببتي ظروف.. انا مش شغال في الملاهي يعني انا ظابط وحكم شغلي كدا ، واوقات يطلبوني الفجر … واوقات اطلع مؤموريات ، دا غصب عني وانتي لازم تستحمليني
فتون : منا بزهق من القعده لوحدي اعمل ايه
سامح : خلاص يا ستي متزعليش … ايه رايك نخرج نتعشي مع بعض دلوقتي
فتون : لو مفيهاش تقل عليك يعني … ممكن نروح لبابا اصله وحشني اوي
سامح : ابتسم وقال. بس كدا عيوني … مدام دا اللي يرضي تونة قلبي
فتون : حضنته وقالت. آسفه لو كنت اتعصبت عليك يا حبيبي
سامح : بزعل مصطنع وبدلع. لأ زحلان
فتون : زحلان … وانا ميرضنيش زعل سموحه حبيبي وعشان كدا هصالحه حالا………
____________________________________
في بيت رائد ونورا
كانت نورا ورائد بيتفرجوا علي شقتهم بعد ما خلاص اتفرشت
رائد : ها يا قلبي ناقص حاجه تانيه
نورا : اتنهدت وقالت. لأ
رائد : مالك يا حببتي … فيه حاجه مش عجباكي في الفرش
نورا : بالعكس… انت فرشك جميل اوي ، بس … بس
رائد : بس ايه اتكلمي
نورا : ي.ي.يعني اناااا فرشي مش قد المقام و….
رائد : قطع كلامها وقال. شششش اوعي اسمعك بتقولي الكلام دا تاني يا نورا هزعل منك اوي
نورا : عيونها دمعت وقالت. أنا بس مش عايزه حد يقول كلمه تجرحني لما حد يجيلك ويشوف البيت والفرش
رائد : مين هيشوف الفرش بس .. دي شقتي انا وانتي مفيش حد هيدخل اي مكان غير الصالون وبس
نورا : باستغراب. ازاي!! هو مش عندكم اللي بيجي يبارك بيدخل يتفرج علي البيت وفرش العروسه وكدا
رائد : هههههههه ليه ان شاء الله هنعرضها للبيع .. دا مملكتنا انا وبس
ومسك ايدها وحطها علي صدره وحاوطها من وسطها بدراعه وقال : عارفه يعني ايه مملكتنا .. زيك كدا ، مينفعش حد يشوف نورا وجمالها غيري انا وبس … وعشان كدا مينفعش حد يشوف مملكة نورا غيرها وبس ، وهيه هتسمح لحبيبها يشوفها .. صح
نورا : ابتسمت وقالت. انت جيتلي منين … معقول في حد زيك كدا يا رائد
رائد : اخجلتم تواضعنا يا ستي … بس أنا مش شايف نفسي ملاك
نورا : بس انا شيفاك ملاك .. بحبك اوي يا رائد
رائد : اتنهد وقال. وانا شايف أننا نمشي حالا وإلا مش مسؤول عن اللي هيحصل
نورا : ضحكت بدلع وقالت. وعلي ايه بس يلا بينا لنخرج من هنا بقضيه
____________________________________
مر اكتر من شهرين
آمنه ومراد : الحب والعوض… ربنا عوضهم ببعض عن كل حاجه شافوها ، وحياتهم مستقره جدا
سامح وفتون : برضو حياتهم مستقره وفي انتظار البيبي اللي هيكمل فرحتهم
نورا ورائد : اتجوزو خلاص وكان رائد بيثبت دايما لنورا انها مملكته الخاصه وبس … ونورا حست بالحب الحقيقي معاه وفي انتظار البيبي اللي هيكمل فرحتهم هما كمان
أمل ونادر : جهزوا شقتهم خلاص وحددوا معاد فرحهم
حازم ودعاء : استقروا في القاهره في شقه قريبه من آمنه … وكانوا دايما بيزوروها
هشام : كان دايما بيفكر في نهي .. وعند وعده لمراد انه يفتخر بيه … وكملت حياته بهجه بوجود معاذ زميله
نهي : كان هشام تفكيرها الشاغل .. بس كانت بتحاول تجتهد عشان توصل لحلمها زي ما اتفقت معاه
____________________________________
مرت الايام
وجه معاد فرح نادر وامل وكان الفرح في قاعه شيك جدا
بدأ الفرح واشتغلت الاغنيه سلو وكانت أمل مختاره اغنية عمرو دياب (بعترف قدام عنيك)
بأعترف قدام عينيك
م النهاردا أنا عمري ليك
بأعترف قدام عينيك
م النهاردا أنا عمري ليك
سيبني أحبك يا حبيبي
وأنسى روحي بين إيديك
نادر : الف مبروك يا حببتي
أمل : الله يبارك فيك يا حبيبي
نادر : مش ناويه تقوليلي بقا ايه اكتر حاجه عجبتك فيا
أمل : هههههههه مبتنساش أنت خالص
نادر : أنسي إيه … دا انا مستني اليوم دا عشان اعرف أجابة السؤال دا … يلا بقا جاوبي
أمل : ابتسمت وقالت. حاضر … اكتر حاجه شدتني ليك شخصيتك الرجوليه اللي تشبه كتير لمراد اخويا
نادر : مش فاهم
أمل : يعني لما دعاء حكتلي علي موقف اهلك انهم راحو خطبولك آمنه من وراك ورفضت وانت لما عرفت روحت لآمنه تصلحلها اللي اتقال ، وقولتلها انتي اختي والاخ اللي يبص لاخته بصه مش تمام ميستاهلش الرجوله .. مش دا اللي حصل
نادر : ضحك وقال. آاااااااه انتي مركزه معايا من زمان بقا
أمل : يعني مش اوي .. بس عجبني شخصيتك في الموقف دا من قبل ما اشوفك ، ولما شوفتك فرحت اوي أننا قابلتك
نادر : يعني مين وقع التاني .. اصلها تفرق
أمل : بهمس. هتفرق في ايه واحنا في حضن بعض
نادر : ضحك وقال. انا بقول نروح لبيتنا والفرحه في القلب كفايه
أمل : ضحكت وقالت دي ليلة العمر يرضيك تزعلني فيها برضو
نادر : لا ازعل نفسي واتكتم احسن آخد مخالفه
أمل : هههههههههه شاااااطر
هو دا اللي حلمت بيه
ضحكته نظرة عينيه
هو دا اللي حلمت بيه
ضحكته نظرة عينيه
يا حبيبي وأنت جنبي
تفتكر أنا هعمل إيه …
هو دا اللي حلمت بيه …
مراد كان بيبص لآمنه طول الاغنيه وبيغنيلها معاها
آمنه : ابتسمت وقالت. والله لو اتحسدنا هيبقي بسببك … ما تعقل بقا
مراد : هود اللي حلمت بيه .. اه والنبي هيه ، وبنام كل يوم في حضنها .. مش كدا يا حببتي
آمنه : ضحكت عليه وقالت. حالتك ميؤوس منها خلاص
مراد : طب هتصدقيني لو قولتلك انا مش مصدق نفسي لحد دلوقتي اننا اتجوزنا بجد
آمنه : قربت منه وقالت. طب احققلك احلم ازاي
مراد : لما نروح .. وغمزلها
آمنه : ضحكت بصوت عالي وقالت. طب تعالي نرقص معاهم
مراد : ياريت ومسك ايدها وقامو يرقصو معاهم
يا حبيب قلبي الوحيد
هات إيديك نبعد بعيد
يا حبيب قلبي الوحيد
هات إيديك نبعد بعيد
كل ما عيونك تاخدني
يتولد إحساس جديد
عند نهي
كانت واقفه في مكان لوحدها وبتفكر في هشام وتتمني انه يكون معاها زيهم
هو دا اللي حلمت بيه
ضحكته نظرة عينيه
هو دا اللي حلمت بيه
ضحكته نظرة عينيه
يا حبيبي وأنت جنبي
تفتكر أنا هعمل إيه …
جه من وراها وقال : الجميل بيفكر فيا ولا ايه
نهي : بصتله بفرحه وقالت. هشام …. أ.أ.أنت هنا بجد
هشام : وحشتيني يا نونه
نهي : أحمم.. اتلم يا هشام لحسن أبيه مراد ياخد باله
هشام : هز كتفه وقال عادي يعني … هو كدا كدا عارف
نهي : عارف إيه
هشام : أنا يا ستي اعترفتله بنفسي أننا بحبك يوم ماكنت مسافر
نهي : خبطت علي صدرها وقالت. يا فضحتي
هشام : فضيحة ايه يا بنت الهبله… وهو انا متجوزك عرفي
نهي : يعني أبيه مراد عارف اننا قرطسناه
هشام : خبط علي وشه وقال. غباء مش عايز والنبي يا نهي … انا بحب اكون صريح وكان لازم ادخل الكليه وانا عارف موقفه ايه مني … مكنتش عايز اعلق نفسي ، وفي نفس الوقت مكنتش حابب اضحك عليه … مراد عمل معايا اللي اخواتي معملهوش وانا هضحك عليه .. كدا ابقي مش راجل يا نهي
مراد : جه من وراه وقال. حمدالله على سلامتك يا بطل
هشام : حضنه وقال حبيبي يا ابو نسب
آمنه : ضحكت وقالت. حمدالله علي سلامتك يا اتش … مصدقتش نفسي لما مراد قالي هيقدر يجيبك اجازه 24 ساعه
مراد : مش اي حد يقدر يعملها دي .. هاا بس انا حسيت انك وحشتنا ، وضحك
نهي اتكسفت وحطت وشها في الارض
مراد : يابت وش كسوف اوي
نهي : و.و.والله يا ابيه أنا … ق.ق.قصدي هو .. هو اللي…. أ.أ.أقصد يعني …..
آمنه : مالك يا حببتي متوتره ليه بس مراد مبيحاسبكيش ، مراد عارف كل حاجه ومعترضش
نهي : بصتله بخجل وقالت. بجد يا ابيه
مراد : فتح دراعه ليها وحضنها وقال. كان نفسي تيجي تحكيلي ، بس هعذرك المرادي بس .. لانك مختارتيش اي حد .. انتي اختارتي أبن قلب امونه
نهي : حضنته وقال. ربنا يخليك لينا يا ابيه
هشام : ممكن ارقص معاها بقا
مراد : بص حواليه وشاور علي نفسه ببراءه وقال . بتكلمني انا
هشام : آ.آ.آه … ينفع
مراد : اتظبط يلا لاوصي عليك حبايبي
____________________________________
عند معتز
كان سايق العربيه ورايح الفرح .. بس فجاه شاف تاكسي واقف في مكان مظلم وفيه صوت استغاثه منه
وقف عربيته بسرعه ونزل منها يشوف فيه ايه .. لقي راجل بيحاول يعتدي علي بنت
شده بسرعه وفضل يضرب فيه واخد البنت من العربيه .. بس كانت بتترعش من الخوف
معتز : اهدي اهدي شويه بس … تعالي معايا اوصلك انا
البنت : م.م.مش هتعمل زيه انت كمان
معتز : ابتسم لبراءتها وقال. لأ مش هعمل زيه يا ستي لاني مش ناقص … اتفضلي
اخد البنت وركبت معاه العربيه وقال : رايحه فين عشان اوصلك
البنت : دموعها نزلت وقالت مش عارفه
معتز : مش عارفه ايه … انتي ملكيش قرايب هنا
البنت : لأ ليا .. بس مش هينفع اروح عليهم دلوقتي علي الاقل
معتز : أمم مش فاهم بصراحه
البنت : مش مهم تفهم … واتنهدت وقالت : متعرفش مكان أمان ابات فيه الله يخليك
معتز : حاضر .. هوصلك دلوقتي لبيت للمغتربات … انا اعرف صاحبته معرفه شخصيه وهوصيها عليكي
البنت : ربنا يخليك يارب … انت جيتلي نجده ، ربنا ما يوقعك في ضيقه ابدا
معتز : اتنهد وقال يارب … انتي اسمك ايه
البنت : أسمي رحمه
معتز : أهلا يا آنسه رحمه .. مش آنسه برضو
رحمه : آه
معتز : طلع الكارت بتاعه وقال. دا الكارت الشخصي بتاعي… لو احتاجتي اي حاجه كلميني
رحمه : بصت في الكارت وبرقت وقال. ه.ه.هو حضرتك وكيل نيابه
معتز : آه…مالك مصدومه ليه
رحمه : ل.ل.لا ابدا .. عموما اتشرفت بمعرفتك يا باشا
معتز : ابتسم وقال. لا بلاش باشا دي .. خليها معتز بس
رحمه اتكسفت وبصت قدامها
ووصلها معتز للبيت واطمن عليها ومشي
____________________________________
بعد مرور عدة أيام
في بيت مراد عزام
كانت آمنه ومراد سهرانين مع بعض في البلكونه .. وكان مراد واخدها في حضنه
آمنه : مراد
مراد : عيونه
آمنه : ابتسمت وقالت. عايزه أقولك علي حاجه
مراد : قولي يا حببتي
آمنه : أنا حامل
مراد : بصله بلهفه وقال. بتتكلمي بجد
آمنه : هزت راسها وقالت. آه يا حبيبي واتاكدت كمان
مراد : يعني يمني جايه خلاص
آمنه : هههههههه آه يمني الصغيره جايه خلاص
مراد : باس جبينها وقال. يا أحلي فرحه حسيتها من اول لحظه وعشت فيها
آمنه : وانت حليت ايامي من بعد ما قابلتك
يا عشق قلبي أتدري ما مدي حبي لك
فأنا تخطيت مراحل الحب فاصبح قلبي متجسداً بك
ونبض قلبي دائماً
ينبض لك ولاسمك
فأصبحت لي حب وهبني الحياه
الخاتمة
بعد مرور عدة أشهر
في بيت مراد عزام
كانوا كلهم متجمعين علي الاكل بيفطروا مع بعض وكانت آمنه في شهرها التاسع
آمنه : حاول تيجي بدري شويه يا مراد النهارده … عشان السهره
مراد : حاضر يا حببتي … المهم انتي متتعبيش نفسك انا هجيب كل حاجه جاهزه من بره
نهي : متقلقش يا ابيه لو اتحركت بس .. هكلمك ابلغك
آمنه : كلي انتي ساكته يا لويتر
سبف وعبد الرحمن ومراد : خهههههههههههه
نهي : ضحكت بسخريه علي ضحكتهم وقالت. ايه عجبتكم اوي كدا
مراد : جدا
نهي : انا همشي عشان مرتكبش جنايه … يلا يا سيفو انت وبودي
مراد : وقف وقال أنا هاجي اوصلكم … وبص لآمنه اللي كان واضح عليها التعب وقال : حببتي انتي كويسه
آمنه : بتعب. لا والله يا مراد … انا تعبانه اوي
مراد : بقلق. طب هوصل الاولاد ونيجي نروح للدكتور ماشي
آمنه : ماشي هجهز نفسي علي ما تيجي
واخد مراد الاولاد ووصلهم للمدرسه ورجع لآمنه أخدها وراحوا للدكتور
____________________________________
في بيت موسي الشهيدي
صحي معتز من نومه علي نفس الحلم اللي بيشوفه من يوم ما قابلها … ومش عارف معناه ايه ، ولا ازاي يقدر يساعدها
غير هدومه وراح لصابر يفطر معاه زي كل يوم
معتز : صباح الفل يا عم صابر
صابر : صباح الخير يا معتز.. اتاخرت ليه
معتز : اتنهد وقعد وقال. نفس الحلم بيجيلي كل يوم يا عم صابر من يوم ما شوفتها … انا مش عارف بس اخرتها إيه
صابر : منا بقولك روحلها واطمن عليها… انت اللي بتتنك
معتز : اتنهد وقال. خايف تفهمني غلط
صابر : يابني اعمل اللي ربنا يقدرك عليه … اعمل الخير وارميه في البحر ، وزي ما تفهم . المهم ربنا عالم بنيتك
معتز : خلاص هروح أسأل عنها النهارده كدا
صابر : ربنا يوفقلك كل خير يابني
____________________________________
في المستشقي
وصل مراد وآمنه للكشف
مراد : خير يا دكتور
الدكتور : لازم تولد حالا
آمنه : فيه حاجه يا دكتور
الدكتور : اتنهد وقال. المشيمه انفصلت عن الجنين … ومفيش وقت
آمنه : بدموع. طب يلا يا دكتور انا جاهزه
الدكتور : حالا هقولهم يجهزوا العمليات… وخرج وسابهم لوحدهم
مراد : مسك إيدها وباسها وقال. أهدي يا حببتي ان شاء الله خير
آمنه : بدموع. خايفه عليها اوي
مراد : متهمنيش … انا يهمني انتي وبس ، والبيبي دي حاجه بتاعة ربنا
آمنه : هحبك ايه بس اكتر من الحب اللي بحبهولك … وباست ايده وقالت : ان شاء الله هنخرج انا وهيه بالسلامه
مراد : ان شاء الله يا حببتي… اهم حاجه متتوتريش عشان الضغط بس
آمنه : حاضر يا حبيبي … بس كلم دعاء وأمل عشان ييجو ويخلو بالهم من الاولاد ونهي
مراد : ششش متفكريش في حاجه انتي.. فكري في نفسك وبس
في الوقت دا دخلت الممرضات يجهزوها واخدوها للعمليات
____________________________________
في بيت نادر وأمل
عرفوا بخبر ولادة آمنه المفاجئ … وكانوا بيجهزوا
أمل : يلا يا نادر بقا عشان توصلني ، وتروح تجيب الاولاد من المدارس
نادر : حاضر يا حببتي خلاص… اهدي انتي بس عشان الحمل ، انتي لسه في البدايه
أمل : متقلقش عليا انا تمام
نادر : خلاص يلا بينا
____________________________________
عند معتز
وصل معتز للبيت اللي وصل رحمه عنده عشان يطمن عليها .. وفتحتله صاحبة البيت وكانت اسمها ليلي
ليلي : أهلا أهلا يا معتز بيه .. اتفضل
معتز : تسلمي يا ست ليلي .. بس كنت جاي أطمن علي الانسه رحمه
ليلي : اسكت يا معتز باشا … بعد ما جت هنا بمده ، ونزلت شغل وحياتها بقت حلوه .. جم علينا ناس كدا وكانوا عايزين ياخدوها بالعافيه ، بس قدرنا نهربها بطلوع الروح … ومن وقتها يا حببتي مشفتهاش تاني
معتز : بعصبيه. وانتي ازاي متتصليش بيا ولا تعرفيني اللي حصل دا
ليلي : بخوف. م.م.منا قولت ….
معتز : قولتي ايه انتي كمان .. وسابها ومشي
مشي معتز وهو مضايق من نفسه جدا ..
وبقا يقول لنفسه : يعني معقول أنا حاسس بيها لدرجة اننا اشوفها في احلامي … طب ليه بس
ياتري حكايتك ايه يا رحمه .. ومين اللي عاوزين ياخدوكي دول
يارب دبر الامور من عندك وخليني اشوفها لو مره واحده اطمن عليها وبس
____________________________________
في المستشفي
اتجمع الكل مع مراد عشان يطمنوا علي آمنه
بعد شويه خرجت وكانت فايقه ونقلوها لغرفه عاديه
مراد : حمدالله على سلامتك يا قلبي
آمنه : الله يسلمك يا حبيبي.. شوفت البنت
مراد : زي القمر واخده ملامح مني ومنك
آمنه : بس أنا متأكدة لما تكبر هتبقي تشبهلك اكتر
سامح : ما خلاص يا عم النحنوح انت وهيه مالكم … دي خارجه من العمليات مش من الكوافير
نادر : وانت مالك يا أخي .. ما تسيبهم ربنا يهنيهم
أمل : يا جماعه….. وجريت علي الحمام ترجع
فتون بصت عليها بحزن وسكتت
نهي قامت وراها تساعدها … وبعد شويه خرجوا وهيه سنداها
مراد : أنتي كويسه يا حببتي
أمل : الحمد لله متقلقش
نادر : تحبي نستشير الدكتور واحنا هنا
أمل : متشغلش نفسك يا نادر دا العادي
سامح حس بوجع فتون .. قرب عليها وضمها بأيده وحضنها وقال : يلا بقا يا تونه أحنا عشان الحق اروح الشغل
مراد : متنساش يا سامح الاجازه
آمنه : يا حبيبي ملوش لزوم تقعد من شغلك الاسبوع دا…انا هبقي كويسه ان شاء الله
مراد : قرب منها وباس جبينها واتكلم بصوت هامس وقال. محدش هيخدمك غيري … وعشان أخلي بالي من الاولاد
آمنه : ملست علي خده بحنيه وقالت. ربنا يخليك ليا يا مراد
سامح : لأ كدا كتير والمصحف .. ما كفايه محن بقا
مراد : قوم روح يلا
في الوقت دا دخل حازم ودعاء وباركوا ليهم
طلع حازم من جيبه علبه قطيفه وفتحها وكان فيها حلق دهب جميل للبيبي وقال : اتفضل يا عم مراد .. شبكة العروسه
آمنه : ليه تعبت نفسك يا حازم
حازم : اخص عليكي يا أمونه … دي بنتي
مراد : بضيق. تسلم يا حازم
دعاء : حمدالله على سلامتك يا امونه … الف مبروك يا مراد
آمنه : الله يسلمك يا حببتي… عقبالك كمان مره
دعاء : أحنا هنروح البيت انا ودعاء نحضرلكم الاكل ونيجي هنا تاني
مراد : معلش هنتعبك شويه
دعاء : ولا يجي حاجه من تعب آمونه معايا
ومشيت نهي وأمل وفتون ودعاء للبيت …ومشي حازم وسامح ونادر كل واحد لشغله .. وكانت آمنه ومراد لوحدهم
آمنه : انت اضايقت ليه من حازم انه جاب الحلق
مراد : اتنهد وقال. بصي يا آمنه مش معني اني مسامحهم ابقي نسيت اذيتهم ليكي … لأ مش ناسي ومش هنسي
آمنه : وليه مش هتنسي بس يا مراد … اذا كان انا نفسي نسيت ، ليه انت متنساش
مراد : عشان قلبي اتقهر عليكي
آمنه : بعد الشر عليك من القهره يا حبيبي … بس عشان خاطري انسي وخلينا نرجع نتلم زي زمان
مراد : اتنهد وقال. حاضر يا آمنه … هحاول
____________________________________
عند هشام ومعاذ
كانوا في كليتهم وفي فترة الراحه … وقاعدين بيتكلموا مع بعض
معاذ : مالك يا اتش ساكت ليه
هشام : مش عارف قلقان علي آمنه بس شويه
معاذ : قصدك نهي
هشام : يا عم لأ… آمنه ، لانها في الشهر الأخير ومعادها قرب
معاذ : ايه هتموت
هشام : موته لما تاخدك انت كمان … الملافظ سعد يا أخي
معاذ : اومال مالها بس
هشام : في شهرها الأخير من الحمل … وهيه ضغطها بيعلي … بنخاف عليها يجيلها تسمم حمل
معاذ : لا ان شاء الله هتقوم بالسلامه … ونهي مش وحشتك
هشام : ابتسم وقال. هيه وحشاني علطول … بس هعمل ايه ما باليد حيله
معاذ : هتتجوزوا علطول بعد ما نتخرج زيي كدا
هشام : بس اخطبها الاول ياعم
معاذ : ربنا يسعدك يا اتش … واتنهد وقال: تعرف يا هشام انا ربنا بيحبني اوي اننا قابلتك وبقينا اصحاب
هشام : انا اللي ربنا بيحبني اننا رزقني بصحبه حلوه زيك
معاذ : ربنا يديمك في حياتي … بس ان شاء الله لما ننزل هاخدك تتعرف بخالتي وحنين .. وانا هاجي اتعرف علي اهلك.. اشطا
هشام : اشطا
____________________________________
في بيت صابر
كان راجع معتز وهو مهموم انه معرفش يوصل لرحمه
صابر : مالك يا بني
معتز : قعد علي الارض واتنهد بتعب وقال. ملقتهاش ياعم صابر … مشيت
صابر : مين دي…رحمه؟؟؟
معتز هز راسه بمعني آه
صابر : وعرفت مشيت ليه
معتز : الست قالتلي ان فيه ناس حاولوا يخطفوها وهما هربوها منهم بالعافيه … ومن وقتها مشافتهاش
صابر : طبطب علي كتفه بحنيه وقال : طب اهدي كدا شويه …واللي ربك كاتبه هتشوفه
معتز : كان نفسي اساعدها ، بس زي ما انت قولتلي قبل كدا … دايما بفوق متاخر ، بفوق بعد ما بضيع كل حاجه من ايدي
صابر : انت مشغول عليها اوي ليه كدا يا معتز
معتز : هز كتفه وقال. أنا نفسي مش عارف ليه .. بس كل اللي عارفه اني لما بشوفها في احلامي بقوم فرحان اوي ، واليوم اللي مكنتش بشوفها فيه كنت بتعب اوي من غيرها وبحس ان حاجه نقصاني … علي الرغم اني كل ما بشوفها بتبقي في ضيقه وبتمدلي ايدها عشان اساعدها
وبص لصابر وقال : أنا كنت مديلها الكارت بتاعي … ليه متتصلش بيا ، معقول اكون مش فارقلها وانا بوهم نفسي يا عم صابر
صابر : اتنهد وقال. بطل تفكير شويه وسيب الامور لتدابيرها … يلا قوم عشان ناكل لقمه سوا
____________________________________
بعد مرور أسبوع
كانت آمنه اتحسنت خلاص هيه والبيبي وخرجوا من المستشفي
وكان مراد عاملها سبوع جميل جدا ومزينين البيت كله وعازم حبايبه كلهم
الكل كان بيغني وبيلف حوالين البيبي للسبوع ..
في الوقت دا رن جرس الباب ودخل هشام ومعاذ
مراد : حمدالله على سلامتك يا اتش
هشام : حضنه وقال. الله يسلمك يا مراد … اعرفك دا معاذ زميلي
معاذ : تشرفنا يا فندم
هشام : بص لمعاذ وعقد حواجبه وقال. اتظبط يا خويا متتعاملش ميري اوي كدا
مراد : ايه دا هو انت مش جد
معاذ : أحمم. لا يا فندم قي الحقيقه أنا واحد مهزق أصلا
جت عليهم آمنه ابتسمت وقالت : حمدالله على يا هشام .. وبصت لمعاذ وقالت أهلا بحضرتك .. اتفضل
معاذ : وشوش هشام وقال. ايه يابني الناس المحترمه والجد دي … دول مش سكتنا ، وانا محتار اتعامل بأي شخصيه
هشام : اتعامل كواحد مهزق وهما هيعشقوك
معاذ : اشطا
عند نهي
كانت في المطبخ بتعمل عصير وجه من وراها هشام وقال : وحشتيني
نهي : لفت بفرحه وقالت. هشام حبيبي وحشتني اوي
هشام : يالهوي عليا وعلي حبيبي دي … بعشق أمك يا مازوت قلبي
نهي : ههههههههههه لسه فاكر يا هشام … انت قلبك اسود اوي
المهم قولي .. انت جاي اجازه كام يوم
هشام : هنمشي بعد بكره الفجر ان شاء الله
نهي : طب يلا شيل الصنيه خلينا نطلعلهم العصير
هشام : معايا صاحبي بره هعرفك عليه تعالي
خرج هشام ونهي بالعصير واخدها عند معاذ عشان يعرفها عليه
نهي : أنت !!
معاذ : بص علي نفسه باستغراب وقال. انتي تعرفيني
نهي : ابتسمت وقالت. طبعا مش ابن خالة حنين شوقي
هشام : انتي تعرفي حنين
نهي : طبعا .. حنين دي انتيمتي وحكتلي عنك كتير اوي وكمان ورتني صورتك
هشام : حنين بقت انتيمتك … وكمل كلامه بلؤم وقال : طب ودنيا !! راحت فين
نهي : اختفت ابتسامتها وبرقت عيونها وقالت. بتقول حاجه يا روح أمك
معاذ : ياما…. هيه قلبت ليه كدا
هشام : هههههههههه خد من دا كتير
نهي : خلي دنيا تنفعك يا بتاع دنيا وسابته ومشيت
معاذ : ليه كدا بس يا هشام زعلتها
هشام : مسح شعره وضحك وقال. مكنش اقصد اضايقها والله … بس متقلقش انا هصالحها
آمنه بصوت عالي : يلا يا أولاد تعالو اشربوا العصير
وراح هشام ومعاذ وقعدوا معاهم ولمتهم كانت جميله جدا بخفة دمهم
في الوقت دا جرس الباب رن وقام مراد يفتح واتفاجئ
مراد : بفرحه. جمال ورحمه
وقف معتز من مكانه اول ما شافها …وجريت امل ونهي علي رحمه وسلمو عليها وحضنوها
مراد : أهلا أهلا يا جمال اتفضلو … ايه المفجاه الحلو دي
صابر : همس لمعتز وقال. هيه دي
معتز هز راسه بمعني آه … بس كان مستغرب من وجود الشاب اللي معاها
جمال : مراد انا جايلك ومحتاج منك خدمة العمر بالنسبالي .. ارجوك
مراد : طب اتفضل بس اقعد ونتكلم
جمال بص علي البيت وهو متزين وبص لرحمه … ورجع بص تاني لمراد وقال : ه.ه.هو سبوع مين دا
مراد نده لآمنه تجيله وجابت يمني معاها وقال : سبوع الست يمني …. بنتي
رحمه وجمال بصوا لبعض وسكتو
مراد : فيه إيه يا جمال … فيه ايه يا رحمه
جمال : ب.ب.بصراحه انا كنت جايلك ع.ع.عشان…..
مراد : اتكلم يا جمال عشان إيه
جمال : كنت عايزك تتجوز رحمه اختي
الكل حلت عليه الصدمه من الكلام اللي سمعه
مراد : أحممم… مش فاهم ، ليه يعني
جمال : قعد علي الكنبه بتعب وقال. أنا هحكيلك عشان تقدر تساعدني
رحمه اختي كانت مخطوبه لواحد زميلي في الشركه معايا اسمه هاني … بعد ما اتخطبتله بفتره وحددوا معاد فرحهم كانت بتقلب في تليفونه بالصدفه ولقت صور ليها باعتها لحد وبيقوله انه حدد معاد فرحهم والمفروض انهم فاهمين اننا هنسافر لشهر العسل …وبعد ما هاخدها هجيبهالك وتقبضني التمن
ادخل معتز بعفويه وسأل وقال : هيسلمها ويقبض تمنها لايه بالظبط … دعاره ولا تجارة اعضاء
جمال : للأسف اللي اكتشفناه بعد كدا انها دعاره … ودي مهنته
معاذ : بصوت واطي .أحيه .. مهنته قو… احيه يابو سوسو احيه
هشام : الدنيا مليانا بلاوي
مراد : طب وانت عملت ايه
جمال : للأسف متكلمناش معاه … وهربت رحمه نزلتها علي مصر وقولتلها تحاول تستخبي في اي مكان وانا هفضل في السعوديه كاني بدور عليها معاه … وفعلا نزلت من حوالي 7 شهور
مراد : 7 شهور يا رحمه ومتجيش عليا
رحمه : والله يا مراد خوفت آجي عليك لان جمال كلمني وقال بعت رجاله من مصر يراقبوا بيتنا هنا
مراد : كنتي كلميني وانا كنت هعرف اتصرف واحميكي يا رحمه … انتي مش عارفه انتي بالنسبالي زي امل ونهي
جمال : منا عشان كدا فكرت في اللي قولتهولك يا مراد …. واتنهد وقال: بس للأسف جيت متأخر
آمنه : بعفويه. الحمد لله انكم اتاخرتوا
الكل : هههههههههههههه
جمال : ضحك وقال. أنا بتاسفلك يا مدام … بس غصب عني
آمنه : انا مقصدش والله
مراد : طب وانت هتعمل إيه دلوقتي يا جمال
جمال : اتنهد بتعب وقال. مش عارف والله يا مراد … انا دماغي هتتشل من كتر التفكير
حازم : خلاص أي حد تاني يتجوزها … واهو برضو كلنا هنبقي معاها ونحميها
جمال : انا مبدللش علي اختي
سامح : يا استاذ جمال هو ميقصدش كدا .. هو يقصد انها لو فضلت هنا في وسطنا هنحميها .. ومفيهاش حاجه لو حد مننا اتجوزها لو لفتره بسيطه لحد ما المشكله دي تتنتهي
جمال : وتبقي اتحسبت عليها جوازه
نادر : متزعلش مني يا استاذ جمال في اللي هقوله … انت حتي لو كنت جوزتها لمراد مهي برضو كانت هتتحسب ليها جوازه
جمال : اتنهد وقال. حتي لو وافقت علي عرضكم .. مين مستعد يتجوزها وكلكم متجوزين
هشام : للاسف كلنا مرتبطين فعلا … وسكت شويه وقال لأ معتز اخويا
رحمه ومعتز بصوا لبعض وسكتوا
مراد : عقد حواجبه وقال معتز !! لأ طبعا
آمنه : ليه لأ يا مراد
مراد : بصلهم وسكت
صابر : تعالي معايا يا مراد يابني معايا . عايزك في كلمه
اخد صابر مراد للبلكونه واتكلموا مع بعض مده بسيطه … وبعد شويه خرجوا
مراد : اتنهد وبص لمعتز وقال. عندك استعداد يا معتز تتجوز رحمه …. وكمل كلامه بتأكيد لكل حرف وقال : عشان تحميها
معتز : حاول يداري ابتسامته وقال. طبعا يا مراد
مراد : بص لجمال وقال. ايه رايك يا جمال
جمال : طب هو بشتغل ايه
معتز : أنا وكيل نيابه يا فندم
جمال : اتنهد براحه وقال. يبقي علي بركة الله
وبعد شويه جه الماذون وكتب كتابهم علي بعض في حضور الجميع … وكانت حاله من الصمت عامه المكان
بعد ما خلصو كتب الكتاب .. الكل بارك ليهم وبداو بالتهاني
سلم جمال علي معتز وقال : اختي أمانه في رقبتك يا معتز … انا لازم امشي حالا وهبقي اكلمك اطمن عليها
وقرب منه وهمسله وقال : وبطلب منك انك متحسسهاش انها رخيصه في نظرك عشان انا اللي طلبت منكم حد يتجوزها
معتز : بصوت مهموس. اوعدك هشيلها في عيوني … وعمرها مهتشتكيلك مني ابدا
جمال : ابتسم وقال. مش هوصيك عليها تاني… وراح لرحمه وباس جبينها وقال : خلي بالك من نفسك يا حببتي… وانا هكلمك دايما وهعرفك الجديد
رحمه : انت هترجع تاني
جمال : لازم ارجع عشان محدش يشك فيا … انتي عارفه الخطه اللي عملتها عشان اعرف انزل
رحمه حضنته وعيطت وقال : هتوحشني اوي
جمال : اكيد هنتقابل ان شاء الله
رحمه : سلملي علي شيرين كتير
جمال : حاضر يا حببتي
وسلم عليهم كلهم ومشي
قفل مراد وراه الباب وراح وقف قصاد معتز وقال : أنت من النهارده هتعيش مع رحمه في شقتهم جنبنا
معتز : وليه متجيش بيتي في البلد
مراد : عشان اكون مطمن عليها
معتز : بضيق. دي بقت مراتي علي فكره … مش هعرف احميها
مراد : وتبقي اختي من قبل ما تكون مراتك .. ومش هسيبها تمشي معاك علي البلد ، رحمه هتعيش هنا في شقة ابوها .. وانت عايز تيجي اتفضل مش همنعك تقعد معاها
معتز : بسخريه. لا كتر خيرك
____________________________________
بعد ما انتهي السبوع
الكل راح لبيته ومشي هشام مع معاذ لبيت خالته يبات معاه ..
في اوضة مراد وآمنه
آمنه : ليه اعترضت انها تعيش معاه يا مراد
مراد : اتنهد وقال. عشان تبقي جنبي واعرف آخد بالي منها كويس
آمنه : ومعتز يعني مش هيعرف يحافظ عليها
مراد : كان حافظ عليكي وعلي وجودك في وسطهم
آمنه : انسي بقا يا مراد … وانت بنفسك شايف ان معتز بقا واحد تاني
مراد : أحنا هنضيع الليله في الكلام عن معتز ورحمه … وغمزلها وقال فيه كلام يخصنا
آمنه : ضحكت وقالت. عندك يا حلووو … ممنوع
مراد : شوفي انتي دايما فاهمه غلط … انا عايز احصنك بس ، وحشني حضنك
آمنه : ابتسمت وقالت وانت كمان
مراد : مش انا اتجرأت وفكرتلك في حاجه كدا النهارده
آمنه : إيه
مراد : أسمعي يا ستي
بعد التيه عرفت أين ملاذى
لما تحدثتِ ، وقعت فى غرامك
بنيتى افراحًا ، بغير مبانى
انا ارغب فيكِ فرحة لقلبى
فأن دنوتى خطوة منى
سأروكِ من نبض فؤادى
فاقتربى منى فهناك أوجاع
لا يمحوها سوا احضانك
لكنى اغار لا اعلم ممن اغار
فالغيرة تولد من رحم العشق
فرفقًا بقلبى فأنا اتنفسك
آمنه : الكلام دا ليا انا يا مراد
مراد : بص حواليه وقال وهو فيه حد معانا وانا مش واخد بالي
آمنه : ههههههه لأ طبعا
مراد : طب يلا بقا تعالي في حضني عشان ننام … فين يمني
آمنه : نامت خلاص
مراد : يارب ما تصحي تاني تصبحي علي خير يا قلبي
آمنه : وانت بخير يا حبيبي
____________________________________
في بيت خالة معاذ
كانت حنين جهزت العشا لهشام ومعاذ ودخلتلهم الاوضه
معاذ : تسلم ايدك يا حببتي
حنين : بالهنا
هشام : نهي بتسلم عليكي يا حنين
حنين : صالحتها ولا لسه
هشام : وأنا أقدر انيمها زعلانه دي كانت ردحتلي
حنين : ههههههه وانت هتقولي
معاذ : اتفضلي يا حنين انتي
حنين : بعد اذنكم
هشام : تصدق مزه برضو مزتك
معاذ : بصوت عالي لاااااااااااااااا
هشام : ايه يلا الافوره دي … وانا بغتصبها ولا ايه
معاذ : مش بتقول مزه
هشام : اطفح يلا عشان مرارتي ملتهبه اصلا .. وكلمه كمان منك هتفرقع
____________________________________
في شقة ناجي
كانت رحمه ومعتز قاعدين مع بعض وساكتين
رحمه : أ.أ.أنا آسفه اني ورطتك معايا في المشكله دي
معتز : اتنهد وقال . مكلمتنيش ليه
رحمه : ش.ش.شنطتي اللي كان فيها الكارت بتاع حضرتك سبتها في بيت مدام ليلي وانا بجري منهم
معتز : يعني لو كان معاكي رقمي كنتي هتكلميني
سالها معتز السؤال وكان منتظر منها الاجابه بلهفه
رحمه : اتنهدت وقالت م.م.مش عارفه بصراحه
معتز : اتنهد وقال. اوكي …. عموما انا مش هضايقك في اي حاجه ابدا … ولو حابه اسيبك تعيشي لوحدك هعمل كدا
رحمه : ل.ل.لا خليك معايا .. لاني بخاف انام لوحدي
معتز : ابتسم وقال. حاضر يا ستي ..
اتفضلي قومي نامي ومتخافيش وانا جنبك
رحمه : ابتسمت وقالت. ماشي … تصبح على خير وسابته ودخلت لاوضتها
معتز : وانتي من اهله.
واتنهد وطلع للبلكونه شويه يشم هوا وقال لنفسه : يا تري القدر جمعك بيها ليه يا معتز
هل تريد يا قدر تغيير مجري حياتي ؟؟
هل بعثت لي الحب مرة اخري لتحيا حياتي ؟؟
ام بعثته لتكمل عقاب اخطائي ؟؟
انتهت بحمد الله
لقراءة باقى فصول الرواية : اضغط هنا