Uncategorized

رواية أحببتك رغم انتقامك الفصل الحادي والثلاثون 31 بقلم منه محمد

 رواية أحببتك رغم انتقامك الفصل الحادي والثلاثون 31 بقلم منه محمد

رواية أحببتك رغم انتقامك الفصل الحادي والثلاثون 31 بقلم منه محمد

رواية أحببتك رغم انتقامك الفصل الحادي والثلاثون 31 بقلم منه محمد

شاف حسن طالع قدام احمد  لمكتب عاصم وقف متوتر وقلقان
دخل حسن واحمد بعد القاء التحيه بدء عاصم يحكيله عن الخطه الي نفذها احمد مع خالد عشان يكشفه مين الي سرب فضيحه كريم ومين الي اختلس فلوس الشركه
قبل الكارثه بعده ايام احمد دخل علي خالد: طلب مني السيد عاصم اجبلك خطه تسويق تدرسها لو عندك اي اسئله ممكن تبلغ السيد عاصم او كريم بيه
خالد بص بتمعن في الاوراق: بس الارقام دي
احمد قطعه بسرعه: فيها حاجه؟؟!!
خالد بشك: لا ولا حاجه هسألك مره كمان لما انتهي من قريتها
قاعد قدام مديره الماليه بيسألها كأنها في قسم بيتحقق معاها: قوليلي مين الي امرك تعملي كدا
المديره بتوتر: الاستاذ احمد
خالد: اوك روحي خاليه يجيلي هنا حالا
احمد: قسم المحاسبه بلغوني انك بتقوم بالتدقيق في حساب ثلاث شهور فاتوا
خالد: ياتري فيه اي مشكله اصلي شوفت ارقام مش متطابقه في عده اماكن
احمد برتباك: لقيت حاجه غير عاديه
خالد بمكر: لا لسه بس هلاقي وقريب
احمد بتوتر: بس كريم بيه اتحقق منها بالفعل اظن مفيش مشكله
خالد ابتسم بخبث : امممم كريم خبير في التسوق اما انا خبير في الارقام لو لقيت امور مكتشفهاش كريم مش هكون متفاجئ ..وحس براحة كبيرة و فرحة اكبر انه اخيراً حصل علي الي كان منتظره بفارغ الصبر وضحك بسعاده ان اخير كريم ابن ابو اليسر جه لحد عنده
#باك
صرخ حسن بغضب: صديقي معتوه انا هروح اتعامل معاه بنفسي
عاصم نطق بكل برود: بلاش ياحسن
حسن قام من مكانه بغضب: انتم ليه هادين كدا خالد حط خطه قذره يدمر بيها كريم
عاصم: حاسس بغضبك بس انا عندي طريقه من غير ما استخدام العنف بس الاول اهدي وأأعد
حسن رجع مكانه باقتضاب شديد: طيب ناوي تعمل ايه مع خالد عشان يندم علي الي عمله
عاصم رد بحزم : هاحصره في الزاويا وهعلمه ان الانتقام من الناس هيأذيه هو لوحده
حسن بقهره: كريم صديقي هعمل كل الي في وسعي عشان احميه ولو خالد موقفش جنانه انا وهو عمرنا ما هنبقي اصدقاء
خالد واقف وري الباب وسمع كل كلامهم طار علي مكتبه وفضل يهبد في الحيطان وصرخ في هستريا: ليه الكل واقف في صفه لييييييييه
………….منه محمد……….
بعد ما لف علي حبيته والجزء المفقود منه ولما يئس انه يلاقيها وتشوف دموعه وحسرته وهو ضعيف هزيل مقيد فى سجنها وعبق الفقد نهش قلبه قهر وحزن طلع لنهله علي المستشفي دخل لقاها قاعده علي اخرها متوتره بص للارض لقي الفاكهه منشوره في كل مكان
نهله انتبهت لوجوده: كريم روحت فين انا قلقت عليك عارف كدا
كريم بهدوء: اسف اني قلقتك بس كان عندي امور لازم كنت افكر فيها
نهله مسكت كف ايده وداعبت صوابعه: امور بخصوص الشركه مش كدا عرفت كل حاجه بالتفصيل بس مش عايزاك تقلق هساعدك
كريم شد ايده بسرعه: لا مش كدا
نهله استغربته شويه
كريم:بفكر في الامر الي بيني وبينك
نهله بسعاده فوق الوصف: كريم هتعرض عليا الجواز مش كدا
كريم اتحرك في عصبية : لا لاني مش هتجوزك ابدا لاني محبتكيش ابدا
نهله بصتله بصدمه كأنه نحرها بدون رحمه ومسحت دموعها بضعف : امال الوقت الي كان بينا ده ايه الوقت الي قلت لي فيه انك بتحبني
كريم نبره محمله اسف وندم: كدبت استخدمتك اداه لانتقامي من ابويا وعاليا حبيت اشوف ابويا بيتـألم ويتعذب نفس ما عمل في امي
نهله : وعني انا ايه,, ايه الغلط الي عملته ولا بتكافئني علي حسن نيتي معاك واني بكنلك الحب طول السنين دي كلها ووافقت اتخلي عن كرامتي وسبت كل الي رايح يقولي اني عشقتك واستحملت من الكل انهم يوصفوني اني ست مش شريفه ( صرخت فيه لدرجه جسمها رجف) وافقت علي كل حاجه واي حاجه عشانك
كريم عيونه رغرغت بالدموع مسك ايدها: اسف
نهله شدت ايدها ووشها كله مليان دموع: ده بس انت حطمت قلبي انت سبب اني اعيش في جحيم واخرتها اسف الخذلان متكفهوش كلمة آسف
كريم: عايزاني اعمل ايه عشان تسامحيني قوليلي
نهله نظراتها جامده لقدام : تتجوزني وافضل معايا لحد ما يفرق بينا الموت
كريم هز دماغه برفض:لا مقدرش اعمل كدا (لف يمشي)
نهله راحت وراه بصراخ: لازم تحبني هو ده العدل 
كريم وقف ولفلها:الحب مش عافيه انا بحب عاليا هي الانسانه الوحيده الي حبتها وبس!
نهله بتصرخ بجنون: لا مستحيل لايمكن تحبها(ضمته جامد) لازم تكون معايا انا سامعني معايا 
كريم خرجها من حضنه ومسك دراعتها الاتنين بقوه: لو فقدتي الشخص الي بتحبيه ده يعذبك
نهله هزت رأسها في انهيار :ايوه ده الموت في حد ذاته شئ صعب عذاب
كريم :هكون زيك لو فقدت عاليا احنا الاتنين غلطنا من البدايه واتسببنا في أذيه الكل والطريقه الوحيده لحل المشاكل هو اننا نعترف بالحقيقه خلينا منخدعش نفسنا بعد اللحظه
نهله: بس انا مش بخدع نفسي انا بحبك ولسه بحبك
كريم: بس عمرنا ما هنبقي سعداه ابدا
نهله: لا يمكن لا يمكن انا مش عايزه افقدك ياكريم(حضنته بقوه) مش عايزه افقدك
كريم خرجها بالعافيه: نهله سبيني
نهله هزت رأسها في صدمة: لا مش هسيبك لا
كريم زادت حدته بدرجة كبيرة : مهما حصل هروح لعاليا 
نهله بنهيار جريت وراه : كريييم
كريم وقف مكانه تاني
نهله بضعف: لو قولتلك اني عيانه جدا هتفضل معايا
كريم لفلها: هتستخدمي السبب ده عشان  تمنعيني فبلاش تتصرفي كدا
نهله: الدكتور قالي ان عندي سرطان الدم هموت ياكريم ( ضمته بقوه) ارجوك متسبنيش ارجوك اتوسل اليك انا خايفه
كريم نزلت دموعه بغزاره وخرجها من حضنه: اسف يا نهله بجد اسف مقدرش اكون معاكي في الوقت الحالي
نهله صرخت بأسمه بجنون: كريم كريم وقعدت علي الارض بضعف تصرخ بأسمه
خرج بسرعه من قدامها كأنه رافض يسمعها رغم حاسس بمرارة قوية وقلبه كأنه انشق نصين لقاه سعاد: كريم بيه نهله
كريم : اهتمي بنهله من فضلك لما اخلص اموري هرجع علي طول
سعاد: حاضر
دخلت سعاد لقت نهله جثه علي ركبها وبتقطع شعرها وجارحه ايدها جريت عليها: نهله
نهله بتدفعها بكل قسوه: ابعدي عن وشي
سعاد حاولت تقرب توقف جنونها المأساوي
نهله في حاله انهيارتام: ابعدي عن وشي (وانفها نزف دم)
سعاد اتخضت وطلعت تجري تنده ممرضه ونهله فضلت تضرب في نفسها لحد ما ممرضتين قعدوا يهدوها ورشقوها بحقنه مهدئه ونقلوها علي السرير وفضلت تهزي وتردد اسمه لحد ما  غابت!
…….منه محمد…………
                  …………….منه محمد……..
قاعده حاضنه دبدوب بحجم كبير ودموعها نازله بحرقه تبكي علي حالها يما اتحملت القسوه لكنها تعبت…….والهموم ملت قلبها الكبير……واتمكنت من كل ركن فيه
#فلاش
نهله بستهزاء: ايه لسه مخفتيش من الكدب القهري  ولا ده مرض مزمن و تقريبا بيظهرلك قدام كريم
عاليا بستهزاء اكبر: فعلا بكره تطبقيه علي جوزك
نهله بحقد: لسه بتحللي الامور علي مزاجك بقولك انا هنا ومعاه كريم ملكي ليا انا 
عاليا: كريم مش شئ عشان يبقي ملكك كريم مبيحسش ناحيتك باي شعور غير انك مجرد صديقه
نهله: لا متقلقيش خالص لانه بيحبني اوي اما انتي في نظره واحده ليها هدف مصلحه شهره فلوس
عاليا بحده: انا مسمحلكيش تتكلمي معايا كدا
نهله حطت ايدها علي شفايفها بتريقه: اوه سوري كنت صريحه جدا انتي مش كدا بس هو هيفضل شايفك كدا
عاليا: انتي الي صعبانه عليا عارفه ليه لانه راجل متجوز وبتحاولي تكوني عشقته الست المحترمه متعملش كدا
نهله: انا مش عشيقه انا الست الي بيحبها
عاليا بثقه: بطلي تبلغي وترفعي من قيمه نفسك كريم مش ليكي واعرفي انك سارقه مكان مش مكانك 
نهله قاطعتها وهي بتصرخ: انا مش عشيقه انا رقم واحد
عاليا:انا في الصداره انا مراته علاقتنا اعمق مما تتخيلي
نهله بصتلها كأنها قتلت لها حد: طبعا كل مره بتحاولي تقفي حائل بيني وبينه بحقوقك كزوجه بس ده مش معناه انه بيحبك حتي لو عشتي معاه سنين عمره ما هيحبك
عاليا: ولا بيحبك انتي كمان فبلاش تتصرفي كأن ليك اليد العاليا المسيطره لو كنتي مهمه عنده كان طلقني واتجوزك من زمان انا جايز اكون مختلفه عنك في شئ واحد اني مراته
#باك
فضلت تعيط وتبكي لحد ما نامت علي مخدتها كأنها فقدت الوعي 
………منه محمد……
قاعد بيشرب ميه لعلي وعسي يهدئ من أعصابه الثائرة لقاه موبيله بيرن رد اول ما شاف اسمها وطلبت منه يروحلها مترددش لحظه وراحلها 
خالد رد بنبره يحسها علي الامل: هتحصل معجزه يا نهله اكيد انشاء الله 
نهله بتمسح دمعتها: حتي لو اتعالجت معرفش هخف ولا لأطبعا فرحان فيا ياخالد لو مت لانك بتكرهني ونفسك متشوفش وشي
خالد: رغم غضبي منك بس مش عايزك تموتي
نهله: يمكن انت بس الي هتقلق عليا لو حصلي حاجه
خالد بتعجب: ليه
نهله انفجرت الدموع من عينيها و هتفت بحرقة : كريم قالي انه مش بيحبني والوحيده الي حبها هي عاليا
خالد بكل الحب الي جواه قعد جنبها يمسح علي شعرها بحنان
نهله: طول الفتره دي كنت مجرد اداه بيستخدمها للانتقام من ابوه وعاليا
خالد: كريم
نهله ضمته : خالد انا موجوعه اوي لدرجه معرفش معني الوجع بعد كدا هيبقي شكله ايه؟!
خالد هز دماغه بنزعاج وهي متمسكه في قميصه بقوة…حوطها بين ايديه وهو حاسس بارتجافها قلبه انتفض مش قادر يتحمل دموعها ولا مرضها حرك ايده على شعرها كذا مرة…وبدء يهديها بكلاماته الي حاول قد ما تكون مواسية وملطفة لاحاسيسها وفضل يمسحلها دموعها
نهله: عرفت بس دلوقت انك انت الشخص الوحيد الي بيحبني بنوايا طيبه انت لوحدك بغض النظر عن الوقت انت وبس خلاص كريم مبقاش موجود
خالد قاعد يمسح دموعها بحنان
نهله: خالد لسه بتحبني
خالد من غير ما ينطق هزلها دماغه بـ بنعم
نهله : يعني تعمل اي حاجه عشاني واعتبره ده طلبي الاخير
خالد بصوت مخنوق وبيبعد شعرها عن وشها: عايزاني اعمل ايه
نهله بحقد كبير ودموع نازله شلال مصحوبه بتوسل: انتقم لي من كريم خد حقي منه عايزه اشوفه مدمر متعذب متألم هالك زي دلوقت
خالد بوعيد : هعمل ده عشانك لازم تعوضي المك بألمه
الحب زيه زي الحرب يبدأ بسهولة وينتهي ببالغ الصعوبة…..!!!!!!!
………..منه محمد………..
قاعده تايهه في صورته الي معاها كخلفيه للموبيل دمعت عيونها  ليه حاسه ان فيه جزء مفقود منها ومشتاقه له اوي  ضمت الصورة لقلبها الي داب من كتر الاشتياق حركت رجولها في البركه الي قدامها وابتسمت اوي لما افتكرت كل طقوسه الي كان بيحاول يمارسها عليها 
#فلاش
طارق دخل المكتب: فرفورتي شوفي كدا الميزانيه دي مظبوطه
عاليا بعدم تركيز: ايه كنت بتقول ايه ياطارق معلش
طارق بهتمام: ابدا يا حبيبتي الميزانيه لطلبيه الادويه الجديده بس سيبك انتي مالك
عاليا مسكت دماغها: ابدا حاسه بشويه تعب
طارق قرب منها وجه يجث جبينها لقاه ايد سبقاه
كريم: هي بخير
طارق: الله انت مش كنت خرجت
كريم بنبره ناشفه: ورجعت اخد حاجه ممكن تسبني لحظه مع زميلتك في الشغل
طارق ابتسم : اكيد 
كريم من غير كلام لم كل متعلقاتها بسرعه جوه شنطتها واخدها وشدها من وري المكتب وهيننفجر من الغيظ
عاليا بعدم فهم: انت واخدني ورايح علي فين؟؟!!
سحبها عافيه وشدها معاه من غيظها منه ضربته باللكمه علي ضهره 
كريم: بتعملي ايه يا متخلفه وجعتني
عاليا: بطل تبالغ مش بتوجع اوي وهات الشنطه دي فيها مهمات
كريم بسخريه لاذعه: واضح المهمات 
عاليا بملل: قول عاوز ايه وخلصني  
كريم: هتشتغلي معايا انا وهنا في مكتبي ومن اللحظه شغلك هو شغلي من دلوقت وصاعد
عاليا  ضربت بايدها سطح المكتب وبعصبيه : اعذرني انا برفض عرضك
كريم بشويه عصبيه: انا مش بلعب 
عاليا: انا كمان مش بلعب انا بتكلم بجد هتجبرني
كريم: ايوه و خدي المشروع ده اشتغلي عليه بجد  واعرفي قواعدي في الشغل وطبقيها ممنوع تفضلي رايحه جايه ولو قصرتي في شغلك هتطردي يا استاذه الشغل له قواعد احنا مش في تكيه
عاليا: خلصت
كريم هز دماغه بـ نعم
عاليا بتحدي: اسمع بقي قواعدي انا ليا قاعده واحده اني مش بتبع اي قواعد من حد تاني 
كريم عدل قعدته: ليه انا عمال افسرلك اشتغلي وبطلي رغي
عاليا: طيب هات الشنطه
كريم: لا خلصي شغلك وخديها 
عاليا نقرت بصوابعها علي سطح المكتب بغيظ: تمام بس لو اثبت مهاراتي هسيطر علي الشركه واخليك تندم علي العواقب وعارف اول حاجه هعملها هكسرلك كل القواعد دي 
كريم: طيب ممكن نكمل يا فهمانه هانم وبعدين نشوف كسر القواعد فاكرها طبعا اولا مفيش اعذار ومفيش تأخير ومفيش مكالمات تلفونيه اثناء الشغل واضح
عاليا بزهق منه: واضح
كريم ابتسم ابتسامة من قلبه وسابها وراح يعمله فنجان قهوه اسبرسو عاليا انتهزت الفرصه واتسحبت وهو واقف مديها ضهره وسحبت من جيب البنطلون الوراني موبيله ودفنته جوه صدرها وضحكت بشقاوه استمتاع ورجعت قعدت مكانها تاني!!!!
كريم لف وضحك في خبث: انتي مفكره لما تقرفيني كدا ده هيخليني ارفض تشتغلي معايا فالبذوق هاتي الي سرقتيه 
عاليا بشقاوه مدتله لسانها: لو عايزه مد ايدك وخده
كريم بوقاحه شدها عليه وعيونه علي صدرها: بلاش تختبريني انا بيئه ولو عايزه اقلعك هدومك اعملها فهاتي الموبيل ولا استخدم القوه الجبريه
عاليا ارتجفت بسبب نظراته وعيونه الي سحرتها بعدت واتكلمت بثقه :اتفضل استخدم القوه علي ست ضعيفه
كريم رفع حواجبه وبعد عنها واتكلم بنبره بارده: تمام خديه بس هعلمك درس خليكي فاكره يله اشتغلي هدخل الحمام ارجع القي فكره واحده منفذاها لاني مش بتهاون مع العصيان احفظيها في رفوف عقلك
عاليا بتبرطم وقلدته: مش بتهاون مع العصيان هو ليه متعصب انا الي من المفروض اتعصب وامسك العصيان اكسرها كلها عليه وغنت بصوت طخين) انا الي بهون عليه ممسكش فيه قطع غناها لما سمعت صوت موبيل بيرن في صدرها طلعته وعيونها علي باب الحمام 
صوت المتصل : جاي يابني الكافيه
عاليا: لا عاليا معاك سيادتك
حسن بستغراب: ليه بتردي علي موبيله
عاليا: اصله اخدته رهينه زي ما سرق شنطتي
حسن: رهينه
عاليا: ايوه يرضيك يشغلني معاه بالاكراه وتحت القوه الجبريه
حسن ضحك بستمتاع: لا انا لو مكانك كنت هربت بس مش معقول وقدرتي تاخدي منه الموبيل
عاليا ابتسمت: لا بعد ما عملت خدعه بسيطه بس شاقه
حسن: معلش كريم حازم في شغله  
عاليا: لاوانت الصادق متسلط قاسي صارم دكتاتوري 
حسن ضحك بمرح : شكلك عاوزه تتخنقي صح اقفلي بسرعه ليسمعك سلام
عاليا : سلام
شويه خرج من الحمام وقف يتأملها سبحان الله جميله وهي مندمجه في التفكير اتمني يسحبها ويلف ايده حوالين وسطها ويجذبها ناحيته ويشبعها قبلات امواه امواه امواه نفض الفكره وقرب عليها وسألها: ها كتبتي فكره؟!
عاليا كشرت جامد: معملتش ولا فكره
كريم بألش: فكري شغلي عقلك ولا مبتحاوليش لان معندكيش عقل اصلا
عاليا شاورت علي نفسها بعصبيه: قصدك تقول ان انا غبيه
كريم هز دماغه بنفي: لا مقولتش افعالك هي الي بتقول 
عاليا اتنهدت وغمت عنيها علي مضض : بلاش تبصلي علي انا غبيه بس فاضل الطريقه والخطوات
كريم حط رجل فوق التانيه مبتسم: اوك الاول هاتي التلفون ولا هخصم من مرتبك جزء كبير
عاليا بعناد: قولتلك هترجع شنطتي هديك التلفون ولا اقولك تعال نعمل صفقه ارجعلك تلفونك وانت ترجعلي شنطتي
كريم بنبرة هادية : لا بعد الشغل لانك مش هتتخلصي مني ( وفي سره طبعا القاعده مع سي طارق لها سحرها الخاص)
فاقت من ذكريتها الممتعه نغمه موبيلها الي مسكاه في ايدها كانت هتتصل بندي بس ردت: ايوه ياخالد
خالد: عاليا انتي فين عايز اشوفك ضروري
عاليا بدون تردد قالتله علي مكانها وبالفعل راح يقابلها!!!! قابلته بأجمل ابتسامه لما خرج من العربيه وطلع شنطه صغيره ودخل بعد السلام وبدء يفتح الشنطه ويخرج العلب منها!!!
خالد: الاول شاركيني في الاكل تمام
عاليا بسعاده: كل مره تشوفني تأكلني
خالد ببتسامه: لاني بحس لما بتاكلي بتبقي سعيده وبحب ابصلك
عاليا ببتسامه: شكرا ياخالد
خالد: ليه هربانه لوحدك عمي عاصم واصحابك عارفين انتي فين؟؟!!
عاليا: انت وبس بابا عاصم حبيت ابلغه بمكاني بس خفت يروح يبلغ ناس تانيه 
خالد: طيب كدا مش هتقلقي ابوكي عليكي
عاليا اتنهدت في حزن: يمكن قلقان بس قفلت الموبيل تماما بصراحه كنت هتصل بندي وبالصدفه انت اتصلت بس قفلته تاني
خالد بمغزي: ده عشان محظوظ
عاليا: خالد انت جيلي مخصوص فيه حاجه مضايقكك بس لو فيه ممكن تتكلم معايا وانا هسمعك
خالد بحزن: ايوه فيه بس مش عايز اقولك حاجه لما شوفتك حسيت اني افضل
عاليا: ده طبعك انت شخص مهذب ولطيف وبتراعي مشاعر الغير بس مهما كان عندك ممكن اسمعلك
خالد: انا مجرد شخص عادي عندي جانب حلو وجانب سئ عندي مشاعر فيها سعاده وفيها حزن فيها سخط غضب وكمان انتقام
عاليا هنا قلقت من جملته الي قالها بغل 
عاليا بتعجب: انت بتقول حاجات غريبه
خالد ابتسم بسرعه: لا خالص مجرد بقول ناكل لان الاكل هيبرد واحنا بنرغي
عاليا بدئت تفتح العلبه قدامها: انت بالنسبه لي شخص مميز كونك تيجلي المسافه دي لمجرد تطمن عليا تبقي شخص لطيف جدا وكمان جيبلي معاك اكل يفتح النفس
خالد: عشان كدا انا شخص لطيف لا انا لازم افضل ارشيك بالاكل
عاليا: كدا هاكلك انت
خالد قهقه بصوته كله: يله كولي
عاليا فتحت العلبه وخالد بصلها وحس بشويه ذنب لما بدئت تفرغ الطحينه علي محتوي الاكل و حك ذراعه في توتر وحس بارتباك شديد  
………منه محمد………
قربوا الاتنين من البيت بحذر شديد
حسن: استخبا انت خد بالك محدش يشوفك
كريم: طيب
فضلوا واقفين وري السور لحد ما طلعت لسه بتفتح الباب لقتهم جاين عليها طلعت تجري سحب ايدها وشدها وسألها: فين عاليا قوليلي حالا فينها؟؟!!
ندي: معرفش
حسن: كدابه عارفه مكانها لو مش عايزه تقوليلي هسيبك وافضل ادعي عليكي تفضلي عانس بقيه حياتك 
ندي ضربته بخفة: مش مهم لو فضلت عانس بقيه حياتي
حسن ضغط على أسنانه بغيظ : معني كدا انك عارفه مكانها لكن رافضه تقوليلي
ندي: ايوه عارفه ومش حقولك فيه عندك مشكله
كريم ظهر وقرب منها: طيب لو اتوسلت لك اوعدك والله ما هأذيها ولا هأذي مشاعرها عاوز ابلغها انها مهمه بالنسبه لي ومهمه اوي ومعنديش نيه اني اخسرها
ندي  كانت بصاله بتعجب وبعلامه استفهام كبيره : احلف
كريم, والله العظيم بحبها ومش قصدي اضايقها
ندي: طلعت من الصبح بدري ومقلتش رايحه فين
كريم: مش عارفه هي فين ليه تعمل حركتها الغبيه دي بس
ندي بعتراض: مسمحلكش صاحبتي مش غبيه
كريم: تمام  ذكيه بس علي الاقل كانت قلتلك علي مكانها اعمل ايه لو حصلها حاجه
ندي: طيب لما انت هتموت عليها ليه مظهرتش ده ليها من البدايه لكن ليه لازم تقلب علي وش القسوه عدل
قطع خناقهم مسدج علي تلفون كريم انقبض قلبه وقفل عيونه بألم لما شاف الصور
…………….منه محمد……..
خدرها وحطها وقرب منها يصورها وبعتله الصور
وكتب تحتها مسدج(قولتلك قبل كدا ان انا سئ)
كريم طلع موبيله يقرء محتوي الرساله التانيه
(اوعي تقلق ههتم بيها)خالد
كريم دخل في حاله جنون اتصل بيه:عملت ايه لعاليا
خالد رد بهدوء قاتل:قولتلك انا بهتم بيها بعنايه خاصه
كريم برجاء:لو كنت بتكرهني انا تعال وهاجمني بس بلاش تأذي عاليا
خالد:مبالغ اوي في التفكير انا مش هأذي عاليا همتلكها هخليها تطلق منك عندي السيطره الكامله
كريم بغضب لحد الجنون:اه يا جبان تأذي ست ماتقدرش تقاومك
خالد: وانت ايه انت كمان أذيت نهله الي مقدرتش تقاومك انت جبان زي
كريم صرخ بغضب : ايوه انا زي الزفت وانت كمان زي خلينا نوضح الامور وش لوش بس ابعد عن عاليا
خالد: موافق تعال شوفني بس تيجي لوحدك نتغلب علي ده
كريم: ازاي اقدر اثق فيك
خالد: اضمنلك هكون لوحدي وانت وعاليا وبس!
كريم: تمام 
قفل الخط والغضب والثأر اتغلل في كل كيانه
حسن: قالك ايه خالد غيرك كدا
كريم مردش عليه وطلع يمد بخطواته ركب دراجاته كأنه طوفان هيغرق الكل
حسن بصوت عالي: كريم انت رايح فين؟؟!!
كريم شغل الموتسكل  وزاد من سرعتة لازم يوصلها وبأي تمن حتي لو التمن ده حياته
حسن بيجري وراه: كريم هتقابل خالد فين
ندي شهقت في ذعر وصرخت: عاليا حامل
حسن بصدمه: ايه حامل
ندي: المفروض نعمل ايه حنروح ندورفين علي كريم
حسن ساكت مش عارف يجمع اعصابه
ندي  ضربت الارض بزعر: فكر المفروض نعمل ايه
حسن صرخ بجنون: ثااااانيه
ندي بصتله وبعدين قعدت علي الارض وفضلت تعيط بحرقه وهو اتصل يبلغ عاصم
…………….منه محمد………
عاصم نزل الموبيل من علي ودانه وقلبه مقبوض لدرجه الانفجار: خالد خطف عاليا خطف بنتي وطلب من كريم يروحلو لوحده ليه طلب من كريم ميقولش لحد علي مكانه
احمد : نبلغ البوليس يدوره عليه
عاصم برفض قطعي: لامش دلوقت
احمد بخوف وارتباك: بس خالد بقي خطر
عاصم شفايفه عجز يحركها بس بالكاد نطق:عارف لكن بنتي معاه في خطر ولو بلغنا البوليس ممكن يتهورويأذيها خايف افقد ولادي الاتنين وخالد يتجاوزحدوده 
احمد بحيره:طيب هنعمل ايه دلوقت 
…………منه محمد………
واقف يقفز الكوره لفوق ولتحت وترجع الكرة ترتطم في الأرض وترجع ترتفع  لـ اعلي كرر الحركه لعده مرات و عينه معلقه بمدخل الباب مترقب دخوله اما عاليا نايمه قدامه جسد بلا حراك بس ثواني وبدئت تفوق حاولت تقوم تعدل نفسها وبصتله: خالد مسكت دماغها من الدوخه الي هاجمتها)اه حاسه بدوخه جامده
خالد بمكر: اعتقد سببه الاقراص المنومه الي حطتهالك في الاكل 
عاليا لون وشها اتخطف وجثت بطنها برعب: خالد ليه عملت كدا؟؟
خالد بهدوء: اهدي انا مش هأذيكي حبيت بس اقابل شخص بس لو قولتلك بلطف كنتي مستحيل تقبلي
عاليا: مين؟؟!!
خالد : كريم
عاليا :بس انا مش عايزه اقابله انت عايز تساعده
خالد بفحيح الافعي:اطلاقا العكس هخاليه يدفع عواقب الي عمله
عاليا عيونها وسعت جامد :تقصد ايه انت هتعمل ايه
خالد :ابدا هخاليه يتألم بقيه حياته هو ده العدل
عاليا :بس انتم اصدقاء عملك ايه لدرجه عايز تأذيه
خالد  قرب منها اوي:اذي الكل حتي الناس الي بتسميهم اصدقائه
عاليا اتكمشت على نفسها وبترجع علي وري 
خالد: اظن كمان تعرفي اني بحب نهله بحبها بجنون بس هي بتحب كريم لدرجه وافقت تمثل معاه وتبقي مجرد اداه للانتقامه شخص اناني بيستخدم الناس وبعدين يدوس عليهم من غير رحمه (صرخ بجنون) هو خدعها ضحك عليها ولما مبقلهاش دور اهملها حتي لما عرف ان عندها سرطان الدم طوحها بسبب مين انه بيدور عليكي
عاليا :نهله عندها سرطان
خالد :كريم مدبحش نهله لوحدها دبحني انا كمان معاها وسابنا نطلع في الروح
قرب منها لدرجه عاليا اتمنت الجدار يتفتح وتحتمي فيه من الخوف علي طفلها
خالد عض علي شفايفه بألم :بعتذر لاني استخدمتك اداه لـ انتقامي بس حبيت كريم يحس بنفس الالم الي حست بيه نهله متقلقيش انا مش هاذيكي بستعيرك عشان اذي كريم وده بالنسبه لي هيكون كافي
وبيمد ايده عليها يمسكها يطمنها انه مستحيل يأذيها!!!!
كريم داخل فارد دراعاته بصوت كله جمود : خالد انا جيت هنا قدامك سيب عاليا
خالد: ولو مسبتهاش هتعمل ايه
كريم عيونه معلقه عليها بكل لهفة وخوف:خاااالد
خالد بحركه سريعه طلع مسدس من جيبه الوراني وصوبه في وشه
عاليا عيونها جحظت وصرخت برعب: كريم اهرب اجري يا كريم
 لكن خالد كان اسرع منها وطلق رصاصه من مسدسه رشقت في كريم واتكون مشهد مخيف قدامها عاليا جايه تجري علي كريم خالد شدها من ايدها وحط المسدس علي دماغها لحد ما؟!!!!!
يتبع..
لقراءة الفصل الثاني والثلاثون : اضغط هنا
لقراءة جميع فصول الرواية : اضغط هنا

‫4 تعليقات

اترك رد