روايات

رواية أصعب خذلان الفصل الرابع 4 بقلم فاطمة مجدي

 رواية أصعب خذلان الفصل الرابع 4 بقلم فاطمة مجدي
رواية أصعب خذلان البارت الرابع
رواية أصعب خذلان الجزء الرابع

رواية أصعب خذلان الحلقة الرابعة

على:الهانم كانت دايرة على حل شعرها قبل ماتجوزها
-اخررررس أنا اشرف منك ومن مليون واحد زيك ماهو هستنى ايه من واطى زيك
=قولى قليلة الادب ديها عملت ايه وعرفت ازاى؟!
على:الهانم كانت حامل وسقطت
-اوعى ايدك ايه اللى بتقوله ده انت اتجننت
=ايه الكلام ده يعنى ايه كانت حامل!!!
على:يعنى بنتك جابتلنا العار
زقته بكل قوتى وبعدت عنه..-مش مصدقة انى فى حد بالبجاحة ديها انت ايه مش كفاية اللى عملته
=اخررسي انتى دلوقتى انت متاكد من الكلام ده
على:ايوا ومعى دليل كمان
-كمان!! وايه هو بقى..راح ناحية ماما وشد منها التحاليل ورفعهم :ده الدليل التحاليل ديها بتاكد انك كنت حامل كنتى رايحة تتطمنى على نفسك بعد اما سقطتى
-انت اجننت على الاخر بقى..شديت التحاليل من ايده وفتحتها واتصدمت ده تحاليل ملهاش علاقة خالص بالتحاليل اللى عملتها وفعلا كانت تحليل مبينة انى سقطت وفترة عقبال ماخلف تانى
على بسخرية:لو لقيتى حاجة غير اللى قولتها اطربينا
-انت كداب اصلا التحاليل ده كانت تحليل..سكت بسرعة لمة لاقته مركز معايا هو وماما
=تحاليل ايه ماتنطقى مهما تعملى مش هتعرفى تدارى المصيبة اللى عملتيها ديها
على:واحد غير كان هيطلقك ويفضحك بس انا عشان ابن اصول مش هاعمل كده بس انا عارف ازاى اربيكى على اللى عملتيه ده..قرب ناحيتى وشد ايدى جامد واخدنى وراه مش قادرة اشيل ايده كان ماسكنى جامد فضلت اصوت وازعق فيه الجيران اتلمت حوالينا وهو بيشدنى بس محدش قدر يدخل مابينا ركبنى العربية كنت هانزل بس لحقنى وركب وقفل العربية فضلت اخبط جامد على ازاز العربية يمكن حد ياخد بالى وينقذنى بس من غير فايدة وصلنى قدام العمارة ونزلنى وشدنى بردو وراه طلعنا الشقة ورزع الباب رجعت لورا بخوف فضل يقرب منى وانا ابعد لحد ماشدنى من شعري فجأة
على:انا هاوريك ازاى تعملى كده وتحطى راس اهلك فى الارض
– ااه سيب شعرى انا وانت عارفين انك بدلت التحاليل
على:هههه تحاليل ايه اللى اتبدلت تنكرى انك روحتى وعملتى تحاليل
-لامانكرش بس روحت عملت تحاليل..سكت تانى مكنتش عايزهم يعرفوا كنت عايزة اتاكد هى امى والالا عمرى مافكرت توصل بيه الوقاحة للدرجة ديها
على:سكتى ليه مش لاقية كلام تدارى بيه على نفسك مش كده اومال كنت بتضايقى ليه بقى لمة بلمسك مدام عادى بالنسبة لك اهو اتعصبت وعملت اللى كان نفسه اعمله زمان رفعت ايده وضربته بالقلم ولاننا كنا بليل والجو هدوء القلم عمل صوت جامد
-مش هاسمحلك تهين كرامتى اكتر من كده وانا كنت غبية لان من اول مرة لمستنى فيها كنت صوت وفضحتك مكنش زمانك اتعديت حدودك معايا بالشكل ده..شدنى من شعرى تانى ورمنى فى الاوضة وقفل عليا بالمفتاح
على:انا هاعرف ازاى اردلك بدل القلم ده عشرة وهاعرفك ازاى تمدى ايدك عليا
قعدت فى الارض فضلت اعيط انا عملتلهم ايه عشان يأذونى بالشكل ده اكتر حاجة ممكن توجعك ان ناس معملتش معاهم حاجة وحشة ويأذوك نمت من كتر الوجع اللىى جوايا صحيت الصبح سمعت صوت الباب اتقفل اكيد نزل بسانا ازاى هاخرج من الاوضة بتفرج على الاوضة لقيت صورة واقعة فى الارض ورا تربيزة مسكتها وبصيت فيها جامد لاقتها صورة ليا انا وماما وعلى بس لقيت انى فى سكينة حد قاطع بيها صورتى استغربت جدا وخبيتها واصرار زاد انى لازم اعمل التحاليل تانى عد ساعتين ولاقيت صوت تكسير بره خوفت اكتر لانى محبوسة ومش هاقدر اعمل حاجة بس لاقيت باب الاوضة اللى انا فيها كمان بيتكسر..بصيت لاقته شاب واقف بينهج
:انتى كويسة؟
-انت مين وايه جابك هنا
:مش وقته دلوقتى المهم تعالى معايا
-انت مجنون اجى معاك فين مش هاتحرك فى حتة واحد غريب دخل كسر الباب وبيقولى تعالى معايا!!
:ماظنش الغريب ده هيبقى احقر من ابن خالتك اللى بدال التحاليل
-ايييه!!!انت عرفت منين
:مش وقته يلا نمشي دلوقتى بس قبل مايرجع بسرعة
مشيت معه هو معه حق مش هيكون احقر من ابن خالتى اللى السبب فى اللى انا فيه ده ركبت معه العربية ووقفنا قدام مستشفى
-ايه ده؟؟..”هتنزلى تعملى التحاليل من تانى ده المستشفى بتاعتى وبيطلعوا اى تحاليل فيها بسرعة
-ايوا بس انا معنديش عينة تانى من ماما
طلع شعرة محطوطة فى كيس صغير:قصدك ديها
-جبتها منين وازاى اصلا عارف كل ده مش ناوى تقولى انت مين
:انزلى بس الاول نعمل التحاليل وبعدين نتكلم..نزلنا وعملت التحاليل عدت وقت كبير والتحاليل طلعت وبما انه طلع دكتور مسك التحاليل وشافها بعدها بصلى بصة مش فاهمها
-ايه فى اى فى التحاليل
:منة الست ديها مش امك
-ايييييه!!!!!
يتبع ……
لقراءة باقي حلقات الرواية اضغط على (رواية أصعب خذلان)

اترك رد