رواية فريق فستق الفصل التاسع والعشرون 29 بقلم ملك الصباغ

…قاد واتجه خلف تلك السياره التي اختطفت كارما بها وقد حدد أركان الشخص الذي خدر كارما ولم يكن هذا للشخص سوي… سامح. 

كان يقود السياره بشرود ليستفيق من شروده علي صوت توقف سياره سامح أمام مخزن قديم ومتهالك  ليوقف أركان سيارته في مكان بعيد عن ذاك المخزن. 

نزل سامح من السياره وهو يحمل كارما ليقبض أركان علي يده بقوه وهو يتوعد له بغضب ويهمس لنفسه قائلا: 

_ماشي ياسامح والله لتكون نهايتك علي ايدي. 

ليتجه أركان خلفه 

صعد سامح للأعلي لتبدأ كارما بالاستيقاظ ليضعها سامح علي إحدي الارائك لتنظر له كارما وهي تشعر بأنها لا تستطيع تحريك أجزاء جسدها. 

لتهتف قائله وهي تراه يخلع بدلته ويقترب منها: 

_ دكتور… سامح.. بتعمل ايه. 

سامح بخبث: 

_ ولا حاجه حبيت بس ادوق من الحلو قبل ما سيادة الرائد  اللي انتي فرحانه به يدوق منه اظن انا اولي وبعدين……. 

قطع كلماته تلقيه لكمه في وجهه من أركان وهو يهتف بغضب وغيره أعمت عينيه: 

_ وسياده الرائد هيدوقك من الحلو اللي طعمه مُر وهيديك علقه مخدهاش أكبر مجرم في البلد دي علي إيد المخابرات. 

ثم أكمل وهو يسحبه من ملابسه: 

_ أقسم بالله لأخيلك يا سامح الكلب تتمني الموت علي اللي هيحصلك اصبر عليا بس. 

قطع حديثه دخول بعض الضباط ليهتف أركان وهو ينظر لهم قائلاً: 

_ تقدروا تاخدوا الكلب ده علي ما اجيله وفتشوا المكان هتلاقوا الجثث اللي كانت مختفيه من المشرحه أصل الكلب كان بيتاجر في أعضاء. 

أومأ أحد الضباط ليفعل الجميع مثلما أمرهم أركان بينما قبض أحدهم علي سامح ليتجه أركان لكارما بينما كارما لاتقوي علي تحريك جسدها وهي تنظر أمامها بشرود ليقترب منها أركان ويهبط لمستواها ثم أمسك يدها برفق وهو يقول: 

_ حبيبي انتي كويسه. 

لم تجبه كارما وهي تنظر أمامها بشرود لتبدأ مقلتيها بالبكاء ليجفف أركان دموعها بأصابعه 

ثم وضع يده أسفل ركبتيها والاخري حاوط بها خصرها ليحملها أركان بينما هي كانت صامته ولاتتحدث لتضع رأسها علي كتف أركان ليتنهد أركان بثقل 

ويتجه بها إلي سيارته وضعها أركان في المقعد الذي يوجد بجوار مقعد السائق ليجلس هو في مقعد السائق ويبدأ في القياده. 

ظلت كارما طوال الطريق صامته ليتوقف أركان ويهتف قائلا: 

_ اصرخي يا كارما عيطي طلعي كل اللي جواكي بس متخبيش جواكي حاجه عني متفكريش مع نفسك اوعي تحاولي تسمعي صوتك الداخلي وانتي زعلانه لأنه هيفكرك بكل حاجه وحشه مريتي بيها وبقولك تاني ياحبيبتي احنا في طريق صحراوي في الوقت ده مش بيبقي حد فيه تقدري تصرخي وتعيطي. 

لينزل أركان من السياره ويتجه إليها ثم حملها بين ذراعيه لتهتف كارما قائله بجمود: 

_ نزلني يا أركان أنا بدأت احس برجلي. 

أنزلها أركان ليمسك كتفها بينما كارما نظرت أمامها ثم صرخت بألم وهي تبكي  وتقول: 

_ ٱه ٱه ٱه ٱه ٱه ٱه تعبت تعبت أوي يا أركان كله جه عليا مبقتش قادره كل جه عليا من غير ما حد يحط نفسه مكاني محدش بقي يقدر نفسيتي كنت كل يوم في حياتي عبارة عن مواقف وأحزان وجراح حتي خطيبي بعد ما سبته فكر يغتصبني تعبت يا أركان والله العظيم تعبت حياتي وحشه أوي… أنا نفسي أموت مش عاوزه أعيش الحياه وحشه أوي عايزه أروح لربنا مش عايزه أعيش لا مش عايزة أعيش يا أركان خلاص حياتي متدمره. 

ثم جثت علي ركبتيها وهي تبكي بانهيار ليجلس أركان بجوارها ويحتضنها بقوه وهو يمسد علي ظهرها بحنان ليسند ذقنه علي رأسها ويهتف قائلا: 

_ بس يا حبيبتي خلاص طلعي نفسك من أي ماضي فات… واوعي تقولي عايزه اموت تاني حرام عليكي وبعدين لو انتي متي انا أعيش ازاي ياحبي. 

رفعت له كارما وجهها وهتفت قائله: 

_ انت قدرت تعيش من غيري ٨سنين يا أركان يعني تقدر تعيش لما تعيش لما أموت مش هتفرق. 

احتضنها أركان مره أخري وهتف قائلا: 

– بالعكس يا حبيبتي أنا بعدت عشان مكنش ينفع اتجوزك مكنتش حابب انك تشوفيني معاكي ومش قادره تطوليني لكن لما بعدت بقي ألمك أقل. 

بكت كارما بانهيار وهي تشدد علي ملابسه بقوه وتقول: 

_ أنا تعبت يا أركان أنا عباره عن جسم عايش معاكم في المستقبل بس عقل عايش في الماضي عقلي مش بيفكر غير في كل حاجه وحشه حصلتلي زمان من أصحابي أهلي قرايبي كله يا أركان كله والله العظيم. 

قبل أركان جبينها وهتف قائلا: 

_ حبيبي أنا هساعدك تطلعي من الذكريات دي متخافيش أنا معاكي لٱخر الطريق ياحبي. 

                 *********

_بعد ماروحت وراهم لقيته كان يعني هيعتدي عليها بس الحمدلله لحقته وقبضنا عليه.

أمسك سنمار رأسه بألم بعد أن أنهي أركان حديثه بينما والده كارما كانت تبكي بصمت وهي تضع يدها علي فمها تكتم شهقاتها.

سنمار بصدمه:

_ مش مصدق أومال لو معملناش الفيلم اللي عملناه علي كارما في القسم لما عملت اني كنت هتسجن وده كله عشان تفسخ الخطوبه كان ايه اللي حصل أنا مصدقتش ان سامح اللي يبان عليه نضيف ده يطلع تاجر أعضاء.

أركان ببرود:

…

…

– انت بتقول ايه يا أركان اختي سليمه مش مريضه نفسيه.

نهض أركان وهو يقول:

_ أختك تبقي مراتي مستحيل أئذيها جلسات علاج نفسي تحت إشرافي لإن كارما حبيسه للذكريات محتاجه شخص يقعد معاها ويطلعها من ذكريات الماضي دي وأنا كنت قرأت عن الطب النفسي والتنميه البشريه وكده فهعرف أعالجها.

سنمار بهدوء:

_ أنا واثق أنك عمرك ما هتأذيها ياسياده الرائد فلو علي كده ماشي.

أومأ أركان ثم أستأذن منهم وخرج من الڤيلا وركب سيارته ثم ارتدي نظارته واتجه إلي مكانه المفضل..السجون حيث يفرغ طاقته في المسجونين ولكن هذه المره ليست أي مسجونين وإنما…سامح.

           **********

دخل أركان إلي تلك الغرفه التي يوجد بها سامح بعدما أمر كل من بالغرفه بالمغادره ليهتف قائلا: 

_ منورنا يا حجه سوسو.. 

تأوه سامح بألم وهو يحاول استعطافه قائلا: 

_ أنا ٱسف.. والله أوعدك مش هعمل كده تاني. 

ركله أركان في معدته بقسوه وهتف قائلا: 

_ وأنا لسه هستني بروح أهلك لما تفكر تعمل كده تاني ده أنا هعتقك العافيه أخليك تمشي في الشارع غاضض بصرك عن كل بنت وست أياً كانت. 

ثم ركله في معدته مره أخري ليتأوه سامح وهو يقول: 

_ٱه… حرام عليك والله ٱه ٱه. 

قطع حديثه ركل أركان معدته مره أخري لينظر له سامح بترجي ليهتف أركان ببرود قائلا: 

_اه قولت حرام عليا ومكنش حرام عليك وانت عمال تفرغ جثث الميتين ولا لما كنت بتدي فلوس لناس يخطفوا عيال صغيرين وتفضي أعضائهم عشان خاطر شويه ملاليم وقال ايه دكتور جامعه.. وحياه كارما اللي هي أغلي حد عندي يا سامح لكون مخليك تشوف النجوم في عز الضهر. 

اقترب سامح من قدم أركان وهو يحاول تقبيلها ويقول: 

_ أبوس رجلك عشان خاطر كارما حتي سبني. 

ركله أركان بقسوه وبدون رحمه وهو يقول: 

_ ابعد عني..  كارما  اللي خدرتها واديتها حقنه شلت كل أعضائها مؤقتاً ولا لما كنت عايز تغتصبها وهي تحت تأثير الحقنه دي واوعي اسمع سيره كارما علي لسانك. 

ثم هتف بصوت عالي وغضب قائلا: 

_فاااهم. 

سامح بترجي: 

_ والله مهنطق اسمها تاني بس سبني. 

أركان وهو يتجه للخارج: 

_ أنا هسيبك لكن هجي أعمل معاك الصح في وقت تاني كفايه عليك انهارده. 

 ليغادر ويترك سامح الذي كان ينزف من أنفه وفمه. 

وكان لا يستطيع التحامل علي قدميه بسبب ألم معدته. 

             ***************

في صباح اليوم التالي.

هتفت بصدمه قائله: 

_ايه…!!.

تاجر أعضاء.. طب ازاي ومقولتليش ليه وو…… 

قطع حديثها رنين جرس منزلهم لتتجه ألين للباب ثم فتحته لتجد أركان ليحيها أركان قائلا: 

_ ازيك يا مدام ألين

 البشمهندس موجود…؟؟ 

أومأت ألين بصمت وأشارت له بيدها للدخول ليدخل أركان ويحي الجميع قائلا: 

_ ازيكم يا جماعه. 

ابتسم سنمار بهدوء وهتف قائلا: 

_ كلنا كويسين لكن شكل مراتك هي اللي مش كويسه. 

قالها وهو يشير إلي كارما التي تجلس علي إحدي الارائك وتضع رأسها بين كفيها. 

همس أركان لسنمار بأذنه قائلا: 

_ خليها تطلع الاوضه وأنا هطلع أقعد أكلمها شويه. 

أومأ سنمار بتفهم ثم هتف قائلاً وهو ينظر لكارما: 

_ كارما ألين هتساعدك تطلعي ترتاحي في أوضتك عشان شكلك مش كويسه خالص. 

أومأت كارما لتساعدها ألين في التوجه للأعلي بينما نظرت كارما لأركان بوهن وضعف ثم تمسكت بيد ألين التي ساعدتها للوصول إلي الأعلى. 

نزلت ألين بعد عده دقائق وهتفت قائله: 

_ تقدر تطلعلها يا سياده الرائد. 

ابتسم أركان بهدوء وهتف قائلا وهو يصعد السلالم: 

_ مش عارف كلكم ماسكين في لقب رائد ليه علي فكره أنا كنت مقدم من أيام ما كانت كارما مراهقه في تالته إعدادي دلوقتي بقيت عقيد يعني أنا دلوقتي اسمي سياده العقيد. 

ثم تركهم وصعد إلي غرفه كارما التي توجد في نهاية الطرقه ليطرق الباب مرتين قبل أن يتسمع إلي صوتها يأتيه من الداخل وهي تقول: 

_ ادخل. 

دخل أركان الغرفه ليجدها تجلس علي الفراش وهي تنظر للأسوره الفضيه التي أهداها لها من قبل التي تحتضن معصمها. 

ليهتف قائلا برفعه حاجب: 

_ ايه ده مش كنت قلعتيها. 

نظرت له كارما بحزن ثم نهضت وتوجهت إلي خزانه الملابس وفتحتها وهي تقول: 

_ كنت بخبيها هنا… أساسا عمري ما فرطت في الاسوره دي. 

قالتها وهي تقف علي أطراف أصابعها لتصل إلي صندوق ذهبي صغير مغلق ولكن لم تستطع أن تصل إليه بسبب قصر قامتها لتجد يد أركان تلتف حول خصرها ويرفعها لأعلي  وهو يهمس في أذنها بحنان: 

_ حبيبي بلاش تتعبي نفسك انتي قصيره وهتفضلي قصيره. 

التقطت كارما الصندوق ثم ابعدت يده ونزلت وهي تقول: 

_ وانت رخم وهتفضل رخم. 

أركان ببرود وهو يضع يده في جيبه: 

_ تؤ تؤ عيب تشتمي جوزك.. وعلي فكره انتي لسانك طويل وهيفضل طويل. 

كارما بعصبيه: 

_ أركان انت جاي تحرق دمي أكتر ما هو محروق. 

انحني أركان لمستواها وقبل وجنتها ثم ابتعد عنها ونظر لعينيها وهو يقول: 

_ ولا عاش من كان اللي يحرق دم حبيبي ♡.