رواية رفقا بالقوارير الفصل السادس 6 بقلم ميادة مأمون
رواية رفقا بالقوارير الفصل السادس 6 بقلم ميادة مأمون
 |
| رواية رفقا بالقوارير الفصل السادس 6 بقلم ميادة مأمون |
رواية رفقا بالقوارير الفصل السادس 6 بقلم ميادة مأمون
الايام بتمر بصعوبه عليا واني عايش لوحدي
سيبت كل حاجه زي ماهي لمدة سنه عشان ابعد شكوك اهل البلد والمطاريد عني
كل اللي عملته اني كنت بذاكر والم الزرع من أرضى واكل منه وابيعه للناس عشان اعرف اعيش
واحرق زرعة الحشيش اللي في باقي الارض
وده كان بيخلي الناس تستغرب
وفي يوم لجيت عمدة البلد جاي ليا بنفسه!!
فتحت له البوابه وجعد يرحب بيا ويسآلني عن احوالي
كيفك يا قاسم يا ولدي وكيف احوالك
اني بخير الحمد لله يا حضرة العمده خير في حاجه
لاه مافيش اني بس كنت حابب اطمن عليك واسالك ليه بتحرق الحشيش في ارضك يا ولدي
اني بحرق ارضي واظن دي حاجه ماتزعلش حد بالعكس دي تفرحك انت بالذات دانت بتمثل الحكومه بالنسبه للكفر ده مش اكدة برضك
هاه اه طبعا بس انت عارف ان ابوك ومن قبله جدك الديب الكبير ومعاهم عزوز المحلاوي هما اساس زراعة وتجارة الحشيش في البلد
ولامؤاخذة يعني انت حالك دلوك مايسرش
وجفت علي حيلي من جدامه وجولتله بغضب
آني ماشتكيتش لحد ولا طلبت احسان من حد يا حضرة العمده اني قاسم الديب شديد كيف ابوي وجدي وباكل وبشرب من خير ارضي بردك
معلوم يا ولدي ماجولتش حاجه والبلد كلتها تشهد بكده
انحنيت عليه وعيوني كلها غضب وحسيت انه خاف مني وكانه شايف ابوي لاء جدي جدامه
اومال تقصد ايه عايز مني ايه يا حضرة العمده
ااااني كنت قصدي يا ولدي بدل ما تحرق الحشيش في الارض تبيعه ليا
وجفت تاني ولمعت الفكره في راسى
موافج بس عايز تشتري الحشيش هاتشتريه بالأرض اللي مزروع عليها
وماله يا ولدي موافج
///////////////////////////////
خير يا قاسم يا ولدي بعتلي ليه
كنت عايزك تطمني علي وعد يا عم الشيخ
مليحه جوي يا ولدي بس حزينه
ايه ليه كيف يعني حزينه اوعاك تكون انت او الست كريمة بتضربوها
اكده برديك ياقاسم تفكر فينا اكده دي بقت في غلاوة بنتنا اللي مخلفنهاش اني اقصد انها حزينه بسببك انت عشان مش بتسآل عليها
وهي لساتها فكراني يا شيخ حسن ده عدت سنه علي فراقنا دلوك وانت دارك في وسط الكفر واني جاعد اهنه في اخره وسط الخلا
معذور
ياولدي اصلك مابتشوفهاش لما بتيجي سيرتك جدامها بتقعد تستمع لينا بفرحه
كيف ولما بسآلها ليه بتضحكي يا وعد وفرحانه تقول عشان بحب قاسم
وامي كانت بتقولي لما تكبري هاجوزك قاسم وبعدين تقعد لحالها تبكي
كفايه يا شيخ حسن ماتكملش مش عايز اسمع حاجه تاني
واه انت بتبكي يا قاسم وليه يا ولدي بتقسي علي نفسك وعليها اكده
انت فاكر ان بعادها مش مآثر فيا دي هي اللي فاضله ليا من عيلتي كلها
انا باقسي علي نفسي قبل ما اقسي عليها هي عشان اعوضها عن اللي اتحرمت منه وبحاول انسي آللي ابوها عمله فينا
قصدك ايه يا قاسم قصدك ان عزوز هو السبب في هدم السرايا علي العيله
اني متآكد من اكده عزوز هو السبب في موتهم كلهم
طب وهي ذنبها ايه يا ولدي بس دي بت صغيرة لساتها عودها اخضر وماتعرفش حاجه
ذنبها الوحيد أنها بنته يا عم الشيخ ادعيلي اني احاول انسي والم نفسي بسرعه وارجع اخدها من عنديك
ربك جادر يلم شملكم تاني ياولدي وابجي افتكر ديما كلمته( رفقاً بالقوارير )
المهم اني كنت عايز اطلب منك طلب يا قاسم
خير اطلب زي مانت عايز طبعا
كنت عايزك تقدم لوعد في المدرسه دي بقي عندها ست سنين دلوك
حاضر بس بعد مارجع اني والعمده من مصر
وآنت هتسافر مصر مع العمده ليه يا قاسم
اصله ناوي يشتري مني الارض واني عايز نكتب العجود حدا المحامي بتاع ابوي وكمان افتح حساب في البنك بالفلوس
وليه ده كله
اصل بصراحه مش ضامن بعد ما ابيعله ممكن يطمع في المال تاني ويجتلني
///////////////////////////////////
سافرت مصر اني والعمده اللي كان مصمم يخليني امضي علي العقود قبل ما نسافر
لكن اني رفضت واخدت المحامي بعد مافهمته
كل حاجه وانه يزود في العقود اد اللي هيدفعه العمده تلات مرات
وفهمت العمده انه هيدفع مليون جنيه في الفدان الواحد لكن هانكتب في العقد تلاته مليون بحجة اني أقدر ابيع بسعر اعلي بعد اكده
وسجلنا العقود وعطاني المليون جنيه والعقود وسافر
وبيت
اني ليله في القاهرة وتاني يوم الصبح طلعت علي البنك بالفلوس والعقود
وفتحت حساب بيهم وعشان المبلغ كبير والشاب اللي جدامهم لساته صغير
دخلوني للمدير وسآلني عن مصدر الفلوس
طلعت ليه عقد الارض وطبعا كلم المحامي بتاعي وفهمه ان لسه في اتنين مليون هيدفعو
آخيرا عملت الحساب وفهمت المدير اني وارث ارض كتير وهودع في حسابي مبالغ اكتر من اكده بكتير باسمي ورحب جدا بده
//////////////////////////////////////
ورجعت
البلد من غير اي حاجه معاي واللي حسبته لجيته الاغبيه هجمو علي الجاعه
فتشو في كل حته فيهاقلبوها من فوقها لتحتيها وطبعا مالجوش اي شئ
جعدت اضحك علي غابئهم تاني يوم روحت قدمت لوعد في المدرسه بلغت الشيخ حسن بكده
وبعدها روحت للمقاول اللي في اللبلد واتفقت معاه يجي يبني لي دار صغيره مكان السرايا من غيرحفر ولا اساسات
وبنيت الدار ونقلت عيشتي فيها
الصبح يآما بذاكر ياما ببيع الزرع اللي في الارض ياما بتفج مع حدا جاي يشترى حتة ارض
وباليل بطلع في المال اللي كان تحت الأرض دي
فضلت علي اكده لمدة سنتين لحد ما خلاص طلعت اخر مليون جنيه من تحت الارض
والكفر
اللي كان اسمه علي اسم عيلتي مابقتش املك فيه غير كام فدان والدار الصغيره
اللي كانت في يوم من الايام اكبر سرايا في البلد بحالها
//////////////////////////////////////
لحسن حظي نجحت في الثانويه وجاتلي كلية آلسن جامعة عين شمس وسافرت جدمت ورقي
من
غير ما اشوفها وبلغت الشيخ حسن اني سافرت وسيبتله فلوس عشان يصرف عليها
وكنت ناوي اول ما اجف علي ارض صلبه هارجع اخدها واضمها لحضني تاني
واشتريت ڤيلا صغيرة وفرشتها وجيبت عربيه جديده
وبدآت دراسة وفي الكلية وقررت افتح شركة سياحه وعشان المال كان متوفر معايا طورتها وكبرت بسرعه
كونت
صدقات بيني وبين طلبه كتير معاي في الجامعه منهم اللي كان بيتقرب مني عشان
يشتغل واللي عرف اني غني وعايز يعمل مصلحه من وراي واللي كانت بتضيع وقت
كتير معايا
ندي البنت الوحيده اللي قربت مني جداً وده لآنها تقريبا ماكنتش بتسمح لبنت تانيه تتعرف حتي عليا
هي حلوه وجريئه عندها شخصيه بس من عيله فقيره وساكنه في حي شعبي وتقريبا كانت متنمرده علي عيشتها وده كان بيضايقني
وفي يوم كنا خارجين انا واصحابي وندي طبعا وكنا قاعدين في كافيه
كان في اسره صغيره قاعده قاصدنا بنت ومامتها وبابها
ماكنتش واخد بالي منهم قوي بس شدتني ضحكة البنت الصغيره
وهي بتجري وبابها بينديها
وعد ماتجريش كده هاتقوعي
لقيتها وقفت قدامي وابتسمتلي وهي بتقولي
انا اسمي وعد وانت اسمك ايه
حملتها علي رجلي وبوستها في خدها
اسمك وعد اسمك حلو اوي
طب وانت بقي اسمك ايه
انا قاسم يا وعد
امممممم بابي يعني ايه قاثم دي
ضحك بابها اللي مد ايده واخدها مني
سورى اصلها ديما بتحب تتعرف علي الناس الحلوين
ضحكت انا كمان
ربنا يخليها لحضرتك هي جميله واسمها جميل فكرتني بآعز انسانه عندي
يا راجل في حد ينسي برضو الناس العزاز
معاك حق
آخد بنته ومشي ولقيت ندي بتقولي
ندي: ومين بقي الناس العزاز دول يا قاسم
هاه حد انتي ماتعرفهوش يا ندي
وسرحت فيها تاني يا تري شكلهابقي عامل ازاي اكيد كبرت واحلوت اكتر من الاول بس خلاص
جيه الوقت اللي اعود ليها تاني وآضمها بين ايديا
أستغفر الله العلي العظيم وأتوب إليه من كل حرام فعلته أو سمعته أو نظرت إليه أو نطقت به، اللهم تب علي وأعني على تجنب معصيتك
يتبع ..
لقراءة الفصل السابع: اضغط هنا
لقراءة باقي فصول الرواية : اضغط هنا