رواية رفقا بالقوارير الفصل التاسع عشر19 بقلم ميادة مأمون
رواية رفقا بالقوارير الفصل التاسع عشر19 بقلم ميادة مأمون
 |
|
| رواية رفقا بالقوارير الفصل التاسع عشر19 بقلم ميادة مأمون |
رواية رفقا بالقوارير الفصل التاسع عشر19 بقلم ميادة مأمون
انا
وهي فضلنا متخاصمين كام يوم هي مابتعملش حاجه غير انها بتروح مدرستها
وبترجع تحبس نفسها في آوضتها اللي قررت تعاقبني علي اللي عملته معاها بآنها
ترجع تنام فيها تاني
وآنا قررت آزيد في قسوتي عليها بآني آسيبها كده واتجنب الكلام معاها نهائي
ماكنتش حاسس بالتعبان اللي بيلف حواليها لحد ما قرب يبخ سمه في راسها
عصام
////////////////////////
خرجت وعد من مدرستها هي وآصحابها ما آخدتش بالها منه بس آصحابها آخدو بالهم
وقفت واحده منهم وقالت
الله مش ده الشاب اللي كان واقف بيكلمك من كام يوم يا وعد
وعد : فين ده
آهو هناك اللي قاعد جوه عربيته وفاتح بابها
آلتفتت وعد لمكان ما شاورت صاحبتها وشافته قاعد بيشرب سيجارة ومبتسم ليها وبيشاور ليها بالسلام وماتحركش من مكانه
وعد:ايوة هو ده صاحب قاسم
طب مش هاتروحي تسلمي عليه
وعد:لاء طبعا آروح فين يلا آنتي وهي الباص هايتحرك
ركبو الباص بتاعهم واتحرك بيهم واتفجآت بيه هو كمان بيتحرك
وماشي وراهم لحد ما وصلها عند الڤيلا ومشي وماحاولش حتي يتكلم معها
فضل كده تقريبا آسبوع لحد ما راحت هي ليه ووقفت قصاده
ممكن آعرف آيه اللي آنت بتعمله ده من فضلك آمشي انا مش عايزة مشاكل
عصام:مشاكل ليه يا وعد انا حتي ماحولتش اتكلم معاكي
يا سلام وتسمي اللي انت بتعمله كل يوم ده ايه من فضلك آمشي قاسم لو عرف حاجه زي كده هايبهدل الدنيا وآنا مش ناقصه
سكت شويه وهو بيبصلها وبعدين قالها
روحي اركبي الباص بتاعك وانا بعيد عنك اهو واظن مافيش حاجة تمنعني من اني آقف هنا في الشارع
انت عايز ايه يا عصام ليه بتيجي كل يوم هنا
مش عايز حاجه انا بس باجي آطمن عليكي
وبصراحه مش بطمن الا لما اشوفك داخله الڤيلا وحتي هناك مش ببقي مطمن عليكي
تطمن عليا! ليه هوانت قريبي ولا حتي تعرفني
من آول مرة شوفتك فيها وانا مش عارف اشيل صورتك من خيالي عنيكي بتشدني ليها بمغنطيس يا وعد
آيه الكلام ده آنا آول مره حد يقولي كده
آبتسم بمكر لآن خطته ماشيه كويس جدا
وآنا آول مره اقول الكلام ده لحد يا وعد مش عارف ليه مشدود ليكي وبحس اني عايز اتكلم معاكى
لالالا من فضلك ماينفعش الكلام اللي بتقوله ده
قاسم لو عرف ممكن يتعصب و.
آنا مايهمنيش قاسم في حاجه كل اللي يهمني انتي وبس
آنا!!! لاء اللي بتقوله ده غلط
جريت علي الباص بتاعها وهي متلخبطة ومرعوبة وبتفكرفي كلام عصام الناعم وفي قسوتي آنا عليها
وآول مانزلت منه قصاد الڤيلا شافت عربيتى مركونة في الجنينة وعرفت انى موجود جوة
دخلت جرى وهي بتنادي عليا وعماله تبكي وتصرخ
قاسم قاسم قاسم
///////////////////////
كنت راجع من الشركة انا وندي ناخد شوية آوراق خاصة وعقود من المكتب عشان عندي Meeting برة
صوت صراخها رعبني عليها و فتحت الباب وخرجت اشوفها مالها
آنا هنا يا وعد
رمت شنطتها من علي كتفها وجريت عليا اترمت في حضني وهي بتبكي وبتقولي
قاسم قاسم
مالك يا وعد فيكي ايه انتي تعبانه
ايوة تعبانه قسوتك عليا تعباني اوي كفياك قسوه عليا بقي يا ديب
ضمتها في حضني وقفلت عليها بآديا وآنا بملس علي شعرها
مالك بس يا وعدي ايه اللي حصل حد زعلك
آنا هاق……. سكتت وماكملتش لما شافت ندي خارجة من المكتب بمكر وعملت انها بتقفل ازرار بلوزتها وبتعدل في هدومها
وكآنها شافت عفريت قصادها طبعا فهمت ان حصل بينا حاجه وبعدت عني
وطلعت تجرى علي آوضتها
ندي:هي مالها حبيبتي وعد بتعيط ليه يا قاسم
هاه مش عارف مش فاهم فيها ايه
ندي: طب يا حبيبي ماتضايقش نفسك وتعالي ناخد الاوراق عشان مانتآخرش عن الآجتماع ولما نرجع ابقي آفهم مالها
هاه طيب يلا بينا
///////////////////
الاجتماع طول والشغل آخدني وبعد ما خلصنا حاولت ندي تآخرني علي قد ماتقدر
رجعت الڤيلا متآخر وطبعا كانت هي نامت اوعملت نفسها آنها نايمة في آوضتها
قلعت چاكت بدلتي وآنا كل تفكيرى فيها وروحتلها سحبت كرسي وقعدت عليه جنبها
حطيت ايدي علي خدها ازيح خصل شعرها من عليه
حسيت انها صاحية بس مش عايزة تفتح عنيها
وعد انا عارف آنك صاحية قومي عشان عايز اتكلم معاكي
بكل العنف زقت ايدي من علي وشها وفتحت عنيها الجميله بغضب
لاء انا نايمة ومش عايزة اتكلم مع حد وعطيتني ظهرها بغضب وحاولت تشد الغطا عليها
الا آني رفضت وقعدت جنبها علي السريروسحبت الغطا من عليها ورفعتها بآديا عشان تقعد قدامي
لآ آنتي صاحيه قومي كده وفسريلى اللي عملتيه النهارده ده
عملت ايه انا معاملتش حاجه
وعياطك
وخوفك وآنتي راجعه من المدرسه آنتي ماشوفتيش نفسك كنتي عامله ازي وانتي
داخله عمالة تنادي عليا ماشوفتيش اترميتي في حضني آزاي
آسفه ماكنتش آعرف انه مش من حقي اني آعمل كده
ماكنتش آعرف ان ندي بس هي اللي من حقها الحضن ده لكن انا ماليش غير القسوة وبس
بتقولي ايه ندي دخلها ايه بالمضوع دلوقتي انا بسآلك عنك انتي تقوليلي ندي وزفت
بعد آيه لو كنت آهمك بصحيح ماكنتش سيبتني ومشيت لكن انا هاهمك ليه ماكفاية عليك ندي
ندي ندي ندي انتي عليكي عفريت اسمه ندي افهمي بقي
آنا مشيت لانى كان عندي اجتماع مهم مش لانك ماتهمنيش وماكنتش عارف اركز في شغلي لان كل تفكيرى فيكي آنتي
ليه هي ندي سابتك ومشيت ولا ايه
وووووعد اتعدلي في كلامك معايا وقوليلي حصل ايه خلاكي ترجعي من المدرسة بالشكل ده
قولتلك مافيش كنت تعبانة شويه ودلوقتي بقيت كويسة
آتفلئي انا غلطان اني شاغل نفسي بيكى آصلا
سيبتها وخرجت علي آوضتي وآنا شايط من الغيظ منها ومن آفعالها
//////////////////////////
تاني يوم كنا اجازة ونزلت عشان افطر وطلبت من الشغاله تنديها هي كمان عشان تفطر معايا
ونزلت بس وشها كان آصفر وزي ماتكون بتتآلم ومش عايزة تبين ليا
الناس تقول صباح الخير علي الصبح
حاطت ايدها علي وشها والتانية علي بطنها وقالتلي بهدوء غرىيب
صباح الخير
خايف آسآلك مالك تقوليلي ندى
ضحكت وآستنيتها تبتسم حتي لكن سكتت ومارديتش عليا
وعد مالك آنتي تعبانه بجد
مافيش حاجه انا كويسة
لاء انتي مش كويسة انتي كاتمة المك وبتتوجعي اهو
لآ انا آاااااه بطني آلحقني يا قاسم بطني بطني
قومت من مكاني وشيلتها بين ايديا وانابآمر الشاغلين انهم يطلبو الدكتور اللي جيه فعلا
وآمر اني اوديها علي المستشفي لانه شاكك آنها تكون عندها الزايدة
وفعلا عملت العملية وخرجت منها وكانت لسه مافاقتش من البنج اللي خلاها تقول اللي مخبياه عني
اه قاسم انا بخاف منه يا امي هايضربني لو عرف
الشيطان ده عايز مني ايه ابعده عني يا قاسم
ده بيقولي كلام حلو بيدوخني
بقيت قاعد جنبها وانا مذهول من كلامها معقول تكون لسه بتتكلم مع الواد ابن العمدة ده
وعد وعد فوقي يا بت مين ده اللي آنتي عايزاني ابعدك عنه
ندي العقربه عايزة تاخد قاسم مني يا امي
قاسم حبيبي
يخربيت ندي وسينينها فوقي يا بت وقوليلي مين الواد ده
آآه آنا تعبانه
الباب خبط ودخل علينا ندي ودينا ورامي وعصام
الشيطان اللي كانت بتقول عنه لكن للأسف دخل قبل ما تنطق اسمه
يتبع …
لقراءة الفصل العشرون: اضغط هنا
لقراءة باقي فصول الرواية : اضغط هنا