رواية لست وحدك مقصر الفصل الثاني 2 بقلم دعاء زينة

فى المطبخ جهزت الأكل وفرغت ليا بس وخرجت قعدت عالسفرة وشغلت فيلم كرتون وقعدت أكل وأنا بتفرج وبضحك كنت شايفة نظرات الاستغراب فى عيونه قرب منى وهو بيحط رأسه على رقبته وبيحاول يبوسنى

_وانا ماليش نصيب فى الأكل اللى ريحته هتجننى دى

=بعدت عنه الأكل جاهز جوه فرغ لنفسك وكل لو تحب

_صَدى بلاش طريقتك دى أنا أسف ياستى على اللى حصل الصبح وعلى اللى سمعتيه من مامتك لما روحتى ليها

=قلبى وجعنى وخصوصاً لما حسيت أنه عارف أن أمى دائماً بتيجى عليا علشانه رديت بثبات ومين قالك أنى قولت لامى حاجه اصلا أنت قولتلى روحى لأمك لحد ماتعقلى وأنا قررت أعقل نفسى هنا عن إذنك

************

عدى الوقت بسرعة وجه الليل وخصوصاً الميعاد اللى هى بتصلى فيه القيام والمفروض بتنادى عشان أئم بيها لقيتها خرجت اتوضت وفرشت المصلية فى المكان المخصص للصلاة اللى انا وهيا فرشانه مع بعض والغريب أنها مش ناديت ليا وخلاص بتقف عشان تصلى الغريب أن قلبى وجعنى أنها مش ناديتلى

_صَدى

=بصيت ليه امممم

_ممكن أئم بيكى النهاردة

=بلامبالاة هزيت دماغى بأه بس حقيقى كنت فرحانه بيه اوى وأنه أخيراً هو اللى طلب يبقى الإمام بتاعى بعد ماكنت بتحايل عليه وفين وفين على مايقبل

_اتوضيت بسرعة وانا حقيقى فرحان أنها رغم زعلها منى إلا أنها مرفضتش أنى أصلى معاها

***********

عديت الأيام ويوم والتانى وهى بقت مهتمة بنفسها بشكل أنا شخصياً استغربته ومش بقت تنزل شغلها زى ماقولت ليها بس الغريب أنها مش بتكلمنى خالص ولا بتوجه ليا اى حرف حتى

_صَدى مش بتنزلى الشغل ليه

=عجيب أمرك والله أنت مش قولت ليا متنزليش

_اه بس 

=بس ايه كنت بتعاندنى مش كده بس ماشى اللى أنت عاوزة يكون حاجه تانى

_استنى هنا أنتى بقالك فترة متغيرة معايا صَدى لو زعلتك حقيقى انا أسف أنتى لو كنتى فضلت عند مامتك انا مكنتش هستحمل يوم وهجى أخدم أنتى عارفة لكن أنتى هنا ومش عارف انتى مالك لو لسه زعلانه عشان خناقتنا أخر مرة حقك عليا ياستى كنت مضغوط ولو عالشغل فأنزليه مدامك اتغيرت وهتعرفى توفقى بين احتياجى ليكى وبين شغلك

=يااااه دلوقتي عاوز أنى أنزل الشغل عشان اتغيرت شوية واهتميت بنفسى شوية لدرجة دى الشكل عندك كل حاجه وجيت اسيبه وامشى

_مسك إيدى استنى هنا أنتى عاملة تقولى الكلمة وعاوزة تجرى والشكل مش عندى كل حاجه زى ما بتقولى و

=قاطعته أنت كداب ميعرفش يكدب يازياد وسيبته ودخلت

_بصيت لنفسى فى المراية أنت منافق يازياد أنت ازاى بقيت كده معقولة بقى كل حاجه عندك الشكل معقول نسيت أد ايه حلمت بيها وأن ربنا يجمعك بيها على خير فونى رن لقتها هى هى اللى الشيطان زينها ليا وخلانى كنت هخون مراتى اللى مشوفتش منها غير كل خير وأغضب ربنا فتحت عليها فوراً

_مش عاوز أعرفك تانى أنتى فاهمة ولا اسمع صوتك اعملى ليا بلوك من كل حاجه عندك زى مانا همحيكى من كل حياتى

وقفلت قبل ما أسمع ردها وطلعت الشريحة كسرتها وبغضب من نفسى خبطت أيدى فى المراية كسرتها مكنتش حاسس بوجع الجرح أد ماجرح قلبى وبعدها عنه كان بيقتلنى دخلت ليها وأنا زى الطفل اللى عمل عملة ومستنى من أمه أنها السماح او العقاب 

=حسيت بيه أول مادخل وكنت عاملة نفسى نايمة عشان يخرج لقيته جه رمى نفسه عالسرير جمبى وحط رأسه فى التجويف بين رأسى وكتفى جيت أبعد شدنى ليه وحاوطنى بدراعه بقوة

_بدموع مش هسيبك ولا هخليكى تبعدى عنى ياصَدى مش قادر استحمل بعدك ده 

=ومين السبب فيه

_أنا وأنتى

=شلت نفسى من حضنه وقمت بسرعة أنا وده ازاى بقى

_انتى بعيدة عنى علطول من بعد الجواز اتغيرتى بقى كل حاجه فى حياتك شغلك وشغل البيت وأنا أكنى مش موجود

=والله ونسيت حاجه مهمه طلباتك فطارك اللى لازم يجهز الساعة خمسة وعشاك اللى بيتحضر الساعة اتناشر ولا لازم يبقى سخن تصحيك ليا عشان اعملك الشاى الساعة اتنين بالليل الريموت اللى بيبقى جمبك وتنادى ليا أجيبه ليك ده غير طبعاً مش هقولك على شغل البيت اللى بطبعه متعب

_قرب منى وفى عيونه ندم حقيقى حضنى جامد كنت بعمل كل ده عشان أخليكى جنبى تسهرى معايا مش تسبينى وتنامى

=بدموع أنا كمان بنام من تعب الشغل وارهاقه وانت بدل ماتهون عليا كنت بتزيد

_انتى كمان بعدتى وبعدك ده كان هيخلنى ارتكب ذنب اتعاقب عليه طول عمرى ببعدك عنى

=اول ما سمعت كده ماستحملتش افضل فى حضنه ثانية بعد عنه بقوة بقيت أنّى من الوجع وخبى أيده وراه ضهره أنا بخوف حقيقى عليه مالك

_مفيش

=يعنى ايه مفيش ورينى إيدك

_انتى كنت عارفة مش كده

=مش وقته ورينى ايدك 

_مقولتليش ليه

=اقول ايه انك حسستنى انى رخيصة ومش مالية عينك وأنك جبتها بيتى

_ميملاش عينى غيرك حقك علي قلبى والله

=قمت جبت معقم عشان اطهر ليه الجرح وأنا بعمقمله جرحه عمال يطلب منى السماح بصوت مشروخ

_والله العظيم نهيت معاها كل حاجه مكنش فيه حاجه أصلا بس نهيتها من حياتى تمام وكسرت الخط وقفلت أى باب ممكن ترجع ليا منه وهعمل أى حاجه بس متبعدبش عنى

=قال كده وحسيت بدموعه على أيدى رفعت عينى ليه وشغلى 

_تروحيه

=وشغل البيت بتعب فيه

_هنعتب من النهاردة سوى

=وطلباتك

_هعملها بنفسى ومعاها طلباتك كمان ياستى

=حقوقك ممكن أقصر فيها

_هقرب منك ونشوف التقصير من مين فينا لأنه مستحيل يكون منك بس 

“”وأنت زياد أزاد قلبى حباً ورن صدى عشقه أركان أجزائه””