Uncategorized

رواية الكابوس الفصل الثاني عشر 12 والأخير بقلم إسراء القاضي

    رواية الكابوس الفصل الثاني عشر 12 بقلم إسراء القاضي

رواية الكابوس الفصل الثاني عشر 12 بقلم إسراء القاضي

رواية الكابوس الفصل الثاني عشر 12 والأخير بقلم إسراء القاضي

– مَر الكَثير والكَثير علي وحدتي ، مضيَ الكثير من المحاربه وحدي، تسير ثواني اليأس ببطئ، وتجري ساعات الفرح بأسرع ما لديها تاركه إيانا مع ثواني العذاب ، لم أعد استطيع التحمل، لم يعد لدي القدره علي الثبات، ضاقت بيا الدنيا، واتسعت لي أبواب الاكتئاب، اصبحت عاجزه عن المقاومة،او لم يعد لدي الأسباب الكافيه للمقاومة، فوحيده مثلي من اجل ماذا تقاوم؟ لأجل ماذا تتمسك؟ فليأتي الحزن بما لديه، فلم يعد يهمني الامر، سواء أقضي علي ام لا الاثنين سواء، لماذا احارب ولماذا استمر؟ فانا وحيده، لمن سأحكي انجازاتي في مواجهة اكتئابي ومن سيهتم؟ لقد كُتبت علينا الوحدة ولو نزفنا الدم .
كانت هذه آخر الكلمات التي كَتبتها إسراء في دفترها وهي جالسه علي حافة التَلة.. اتنهدت بعُمق وهي تغلق الدفتر=هييييح هاانت يا إسراء هاانت متقلقيش و… 
=انتِ بتكلمي نفسك؟! 
انتفضت من مكانها بسرعه_بسم الله الرحمن الرحيم  انتو جيتو امتي وعرفتو مكاني ازاي؟؟ 
ادهم_روحت في مكان الخيل افتكرتك هناك بس مالقتكيش وللحظه افتكرت ان ان.. 
إسراء بمقاطعه_اني انتحرت زي نورسين مش كده؟ 
ادهم_خوفت لما مالقتكيش هناك لأنك متعرفيش حاجه هنا غير المكانين دول؟ 
_اتعودتي علي المكان بسرعه مبقتيش تخافي زي الاول!؟
إسراء _تعبت من التفكير ولقيت رجلي واخداني علي هناا المكان حلو بصراحه الهوا جميل ومفيش حاجه حواليا توترني مفيش دانيال مفيش مُختبر الموت مفيش حاجه تخوفك بالعكس هنا انا اتطمنت انا اتطمنت هناا لأول مره بدون مخاوف.. 
مُهند _طيب كنتي قوليلنا اي حاجه كنتي  قولي لحد فينا انك هتخرجي بَدل الرعب اللي عملتيه لينا علي الصبح ده..
ابتسمت لكلام مهند_ إني آسفه ي استاذ مهند المره الجايه هَبلغك حاضر قبل ما اروح في حته.. 
مهند بضحك _عَفونا عنكِ خلاص..المهم ايه اللي في ايديكي ده؟ 
رهف _ااه اي الدفتر ده جبتيه منين؟ 
إسراء بتوتر وهيا بتخبيه ورا ضهرها_هاا اااه الدفتر لاقيته في مكان ف اوضتي هو كان مِترب شويه ومتقطع بس ماشي الحال نفعنا شويه.. 
رهف _فعلاَ شكلك استريحتي بالكتابه بتحبيها!!؟ 
إسراء_ااه جداا بطلع كل المشاعر اللي جوايا في الكتابه.. 
ليساء_طيب بما اننا اتجمعنا تاني كلنا ايه رآيكم لو نلعب!؟ 
=نِلعب!! 
ليساء _ااه بصو احنا هنقعد وهنعمل دايره مع بعض وكل واحد يسأل سؤال وحد يجاوب عليه..! 
إسراء بتسرعه _اااه لعبة القزازه يعني اللي هيا صراحه! 
جاك_ايه لعبة القزازه دي؟ 
إسراء _هتفهم دلوقتي.. امم مين عليه الدور في السؤال!!؟ 
مهند_انتِ إسئلي واحنا نجاوب
إسراء بمرح_تمام مستعددددين
جاك بحماس=Let’s gooooo
إسراء بغضب _يووووه مش عارفه اسأل حاجه خاالص مفيش حاجه جايه دماغي.. 
نظرت للجالس امامها بشرود وقالت وهيا باصه عليه=ليه قولت انك خطيبي؟ وبعدها ما اتكلمتش معايا تاني خالص مفكرتش تسألني تاني او تقولي الموضوع ده تاني لييه؟! 
ادهم _كنت خايف عليكي انا مكنتش عايز اقولك خالص اصلا بس يوم المُختبر لما شوفتك منهاره قصادي مقدرتش استحمل ف كان لازم اقولك  علشان اطمنك علشان تلاقيني جمبك وساعتها لما شوفت ردة فعلك مكنتش عايز اشوفها تاني انا كنت مستني منك ردة فعل تانيه!! 
إسراء_بس انت مش هو انت اسمائكم شبه بعض اااه في شويه من تصرفاتك زيه لكن انت مش ادهم بتاعي مش شكله خالص مش زيه..انت فاهمني!! وبعدين ازاي تكون انت هو والمفروض ان التجربة انهت العالم!!!؟
رزان _ادهم كان الظابط ال…. 
ادهم بمقاطعه_خليني اقولها انا يا رزان معلش 
رزان_تمام 
ادهم بمتابعه_ارجعي بذاكرتك 15سنه لورا كده فاكره يوم ماجيتلك البيت علشان اودعك وقولتلك إني طالع في مُهمه كبيره اووي وتكاد انها تكون بحياتي وحياة ناس كتيير..! 
اسراء _ساعتها انا قولتلك بلاش وانك تسيب شغلك قصاد المُهمه دي وساعتها انت قولت ان ده شغلك ودي مهمتك وانا لازم اتعود علي الحال ده! 
ادهم بمتابعه_المُهمه دي يا إسراء كانت تحرير فلسطين! كُنت انا المسؤل عن القوة اللي هتطلع من مصر لفلسطين وساعتها خلوني انا اللي ادخل المقر الإسرائيلي في السر علشان اكشف الاعبهم وتجربتهم اللي انهت العالم والبشريه بس معرفتش اعمل حاجه ساعتها الوقت كان ضدي.. 
إسراء _بس بس ازاي ان فلسطين تتحرر من هنا والبشريه تتنهي من هنا ايه علاقة  التجربه باللي حصل ده كله وليه انا وانت ورهف ورزان ومهند والباقي عِشنا اشمعنا احنا بالذاااات!!؟ 
ادهم _لأن ال….. 
رهف بمقاطعه _باااااس باااس ايه هنقضيها حكايات يلا نكمل اسئله مش هتاخدو الجوله كلها مع بعض..
اسراء بغضب_يووه يارهَف ده وقته!! 
رهَف_علفكره من قوانين اللعبه انك تسألي سؤال واحد وانتو عمالين تسألو بعض طب واحنااا بقي؟؟ 
ليساء بتأييد_امم مظبوط دلوقتي مين اللي عليه الدور يسأل؟ 
إسراء بمقاطعه_لالا استنو انا عايزة افهم الحكايه دلوقتي 
ادهم_امم قوانين اللعبه سؤال واحد اصبري بقي شويه ! 
جاك _!؟ I want to ask 
بصتله إسراء بغضب_استني بس ياعم انت دقيقه كده انا لو معرفتش الحكايه ايه دلوقتي والله بصوو  مش عارفه هعمل ايه بالظبط بس هزعلكووو جاامد.. 
ضحكت رهف _لا انا خوفت كده. 
إسراء_انا مبهزرش ياجدعاان انا حقيقي عايزه اعرف اللي قدامي ده يبقي خطيبي فعلا ولا لاء انا عايزة اعرف فعلا ايه الحكايه واحنا هنفضل كده علطول مَدي الحياه ولا هيحصلنا ايييه؟؟ 
ادهم_انتِ لسه مش مصدقه اني هو؟ 
إسراء_ازاي تكون هو وانت شكلك مش هوو انتو مش راضيين تفهموني الموضوع بالظبط الموضوع مبقاش سؤال لعبه وخلاص الموضوع بقي حياااتي!!
رزان_في حجات مينفعش تعرفيها كده بالساهل.. 
جاك_القوانين سؤال فقطط!؟ 
رهف _من حقكك تعرفي الحقيقه بس في وقتهاا!! 
اسراء بغضب_ما هو ده وقتهااا خلاص علي كده دي النهايه الحكايه مينفعش تخلص من غير ما اعرف الحقايق كامله! 
لحظة صَمت مَرت عليهم سؤال سهل بسيط! بس قادر انو يغير مَجري الحكايه للأحلي وللأسوأ!! 
مُهند بتفكير وحماس_طيب انا عندي فكره حلوه هتعجبكم ولو عملناها وإسراء فازت يبقي حقها تعرف الحقيقه 
=ايه هووو؟؟؟
مهند _نعمل سباق الخيل تاني ولو فازت نحكيلها هااا؟؟ 
إسراء بغضب_ياخي منك لله مالقتش إلا الحل ده يعني 
ادهم_انا عن نفسي موافق 
رهف _وانا موافقه جداا 
إسراء_ماشي وانا موافقه بس لو انا اللي فوزت يبقي هتقولو الحقيقه علطول تمام!! 
الجميع _تمام 
ابتدأ كل واحد يركب علي حصان وهو بيجهز نفسه وسط حماس الجميع كانت هيا واقفه لوحديها خايفه مرعوبه من إنها تخسر بس لازم تكسب وتفوز علشانها علشان دي حياتها ف حتي لو كانت حياتها دي معتمده علي سباق خيل ف لازم تفوز في. 
ادهم _لو خايفه بلاش! انتي اول مره تركبيه لوحدك اصلا 
إسراء بتحدي_انا فعلاً خايفه بس انا اقدر هقدر افوز يا ادهم.. 
ادهم _وانا واثق من إنك هتفوزي يا إسراء
ابتدأ السباق بينهم بحماس كبير ابتدأ كل واحد منهم يجري بأقصي سرعه عنده كل واحد كان مركز في هدف مُعين وهو الفوز.. الفوز فقط وانتهي السباق.. انتهي السباق بفوز واحد منهم لإما هيتحكم عليها او الحُكم هيكون في صالحها.. 
بفرحها وتنطيط_هييييه هييييه انا فوزت انا اللي فوزت عاااا
ليساء بعدم تصديق_متأكده انك اول مره تركبي خيل انتي كنتي بتجري بسرعه كبيره اوي..؟ 
إسراء بحماس_الخوف بيعلم كتيير انا كان في بالي حاجه واحده بس هيا اني لازم ولابد اعرف الحقيقه النهارده واستغل الفرصه لصالحي.. 
ادهم_قولتلك هتفوزي كُنت متأكد. 
بصتله إسراء وقالت_انا عَملت اللي عليا وكسبت السباق ده دوركم بقي تريحوني وتحكولي كل حاجه بالتفصيل 
جاك_حقكك.. 
ادهم _ماشي حقكك فعلا زي ما دانياال قال هحكيلك..
=التجربة دي عملتها إسرائيل واتباعهم عَملوها حتي قبل ما يعرفو اننا هنهجم عليهم فِضلو يخططو كتيير ازاي يجمعو اكبر قدر ممكن من الدول العربيه في فلسطين وفعلا عَملو كده استفزونا وفِضلو يقتلو في الشباب الفلسطيني ويهدمو المساجد وعَملو ابشع الحجات الي ممكن تتخيليها عملو كل حاجه وطبعا احنا كشعب عربي لما لاقينا ده بيحصل في دوله عربيه زي فلسطين مقدرناش نسكت اتجمعت مصر وسوريا ولبنان والدول العربيه كلها حاصرناهم من البحر والبر والجو بس واحنا هناك اكتشفنا ان ده كله تخطيط منهم علشان يقتلونا بالتجربه دي ويسيطرو علي العالم ف انا اللي دخلت المقر الأسرائيلي اللي عليه التجربه وكان في احتمالين إما انها تقتل الناس اللي في الوسط بس او انها تنفجر في العالم كله وتِسبق الزمن.. طبعا انا دخلت هناك حاولت حاولت كتير اوي ادمرها بأي حاجه بس معرفتش وهما استخدمو التجربه غلط ومنجحتش واتدمرت البشريه علي كده بس السبب في اننا عِشنا ان كل واحد فينا جنسيته مختلفه عن التاني كل شخصيه فينا كانت مهمه وليها قيمه في بلدها كان لازم نقاوم علشان نعيش ! وبس علي كده هيا دي الحكايه!! 
_انتِ ساكته لييه؟ 
=……. 
ادهم بصوت عالي_اسررررراء روحتي فين ساكته ليه؟ 
إسراء _طب طب وانت لو انت ادهم حقيقي شكلك اتغير كده ازاي؟ 
ادهم_انا وشي اتحرق وعَملت عمليه بس غيرت شكلي فيها.. 
إسراء بهدوء_ااه تمام.. 
رهف _ايه اللي تمام انتي فاهمه اللي قاله؟ 
إسراء بهدوء _اااه فاهمه  فِهمت ان العالم الكبييير ده من غير ناس هيكون #كابوس بَشع.. العالم الكبيير جدا ده اللي احنا بقينا فيه لو بقي من غير اطفال او اصوات العربيات وصوت خبطة الِرجل علي الأرض وحكاوي الصُحاب والقعده علي القهاوي.. وزوعة الماتش وخناقات طول الوقت في اي بيت مش هيكون عاالم مش هيكون ليه قيمه هتكون حياه ممله علي الرغم من الهدوء اللي فيها..!
=انتو فاهميني!!؟ 
مِسك ادهم اديها ومشي بيها بعيد عنهم وسط استغراب من الكُل 
إسراء بغضب_انت بتعمل اييه.. احنا رايحين فين؟؟ 
=…… 
إسراء _ماشي متردش بس انا ايدي وجعاني سيبها وبعدين انت ازاي تسحبني وراك كده فاهمني هسكت وهه… 
ايده الله بَحر انا اول مره اشوف البحر يا ادهم ده جميل اووي الله بجد !! 
ادهم بهدوء _ انا بحبگ 
=شُكرا 
_ايه اللي شُكرا انا بقولك بحبك علفكره انتي اعظم انتصار ليا في حياتي يا إسراء انتي كنتٍ من اهم سباقات حياتي اللي كُنت متأكد اني هفوز بيها.. 
غَمضت عنيها وقالت بألم _ألا أبدو لك قوية لا يستطيع أحد تحطيمى من الخارج  …؟
     -“نعم..!
– ولكنى أتحطم من الداخل اتفتت شئ بعد شئ  
      -” سأُنقذك قبل الإنهيار  .
_ألا تَرى أنا مُنهارة وانتهى الامر  …!
-“أُحب إنهيارك ذلك وتفتُتَكِ تلك و أُحب حُزنك الدائم وقُوتكِ المُصطنعه و أحب عيبوبك و أستطيع ذِكرهُم واحدً تِلو الآخر “
– لن تصمــــــد ..
-“بلى سأحبكِ دائماً وأبداً  »❤«
سأحبكِ حتى نِهايتى أو حتى نِهاية العالم.. 
ضِحكت إسراء بصوتها كله وتبتت في ايده اكتر_امم العالم انتهي خلاص ولا انت ناسي . 
ادهم بإبتسامه=العالم هيبتدي من دلوقتي يا عِشق الأدهم.. 
_و…. 
بترمي الشبشب عليها بغضب وهيا نايمه=انتي يا آخرة صَبري ياغيبوبه اصحااااااي.. 
فاقت بكسل وبتفتح عنيها بِسعاده وفجأه بصت حواليها بإستغراب شديد.. 
إسراء_انااا فين عااااا يالهوي ماما انتي لسه عايشه ازاي؟؟؟؟ 
سعاد _في ايه يخربيتك حد يزعق كده وبعدين ايه لسه عايشه دي هو انا كُنت مُت قبل كده ومعرفش؟ 
اسراء بخوف وعدم استعياب_مش انتي كنتي مصاصة دماء واتحبستي في مُختبر الموت.. 
ضربتها بالشبشب علي راسها _مصاصة دماء يامتخلفه خلتيني مصاصة دماء خلاص وبعدين ايه مُختبر الموت ده جبتيه منين؟؟ 
إسراء بصدمه لتاني مره_الاوضه دي مش غريبه عليا!! دي دي اوضتي القديمه وانتي ماما وانا انا إسراء عبد الله صح!! دقيقه كده احنا في سنة كام ياماما؟؟ 
بصتلها مامتها بصدمه ورجعت لورا بخوف_بسم الله الرحمن الرحيم انتي اتجننتي ولا ايه مالك؟؟ وبعدين ايه سنة كام دي ما احنا في2021هيكون ايه يعني! 
نَطت إسراء من علي سريرها بفرحه ومِسكت ايدين مامتها وهيا بترقص.. 
اسراء=يعني انا كنت بحلم حِلم طويل  وانتي لسه عايشه ومبقتيش زومبي وانا في اوضتي و بابا بابا فين ده قتل دانيال.. 
مامتها واقفه مصدومه وفاتحه بوقها وطِلعت تجري بره الأوضه بخوف وإسراء تجري وراها لحد ما خبطت في ابوها.. 
إسراء بصريخ _ بااااااابا انت اهوو انت بلبسك النضيف وشكلك الحلو يعني انت مش الزومبي اللي قتلت دانيال.! 
الأب_دانيااال! ايه الأسم الغريب ده وبعدين اقتله ازاي وليه انت هبله يابت.. 
الأم بخوف _البنت اتجننت ياحج بصحيها من النوم لقيتها بتقولي انتي مصاصة دماء!! 
إسراء بتقرب منها_ياماما افهمي انا كنت بحلم انااااا كنت بحلم ياناااااس انا حياتي عاديه اهو واهلي لسه موجودين واوضتي وصوت بياعين الخضار تحت البيت اهووو يااااه الحمدلله يارب.. 
الأب _عليا النعمه اتجننت.. 
الأم_خلي ادهم ياجي ياخدها انا هخاف اقعد معاها تاني! 
فاقت إسراء من شرودها وقالتلهم =ادهم اااه ادهم خطيبي صح؟ وفلسطييين حرررها ولا لسه؟ 
الأب بغضب_ادهم هيحرر فلسطين صلاح الدين هو علشان يحررها؟ انا ماشي 
مِسكت الأم في دراعه بخوف _متسبنيش معاها والنبي انا ابتديت اخااااف.. 
كادت ان تتكلم إسراء ولكن قاطعها صوت خبطات علي الباب.. 
الأب_استني انا اللي هفتح اما نشوف آخرتها معاكي النهارده 
اول ما الباب اتفتح وظهر منه ادهم فِضلت إسراء واقفه بصاله بصدمه وبتدقق في ملامحه وكأنها اول مره تشوفها.. 
ادهم_مساء الخير عليكم.. 
الأم _مساء النور ياحبيبي بتيجي في وقتك دايما 
بص ادهم لإسراء اللي واقفه متنحه وبصاله_مالها دي؟؟ 
وقبل مايكمل كلامه لقي اللي بتترمي في حضنه جامد.. 
إسراء _ياحبيبي انت بشكلك اهو متغيرتش وحشتني اوي 
الأب بغضب وهو بيبعدها عنو_وَحشك قرد يختي ايه اللي بتعمليه ده يابنت انتي؟؟ 
إسراء _اصل انت مش فاهم هو.. 
الأب بغضب_شششش ولا كلمه ادخلي علي اوضتك يلا مشوفش وشك قصادي وانت يا ادهم يابني معلش امشي دلوقتي.. 
ادهم بسرعه_امشي ايه ده انا بعد الحُضن ده والله ما هتحرك من هنا غير وهيا مراااتي يامولااااااااااانا. 
الأب_وانا مش موافق علي الجوازه دي
الأم_لا لا انا موافقه وربنا يصبرك يابني علي ماابتلاك. 
إسراء بغضب_طب علفكره بقي في سنة 2036هتتأكدو اني معايا حق وان البشريه هتتنهي ف خلي بالكم بقي وانتو هتبقو زومبي كده كده … المأذووون فييييييين يامولااااانا.؟ 
#وتمت
“”نحن مصنوعون من الفناء .. ولا ندرك الأشياء إلا فى لحظة فنائها…
نشعر بثروتنا حينما تفر من يدنا.. 
ونشعر بصحتنا حينما نخسرها…
ونشعر بحبنا حينما نفقده..
فإذا دام شئ فى يدنا فإننا نفقد الإحساس به…????” 
#تمت_بِفضل_الله❤
لقراءة باقى فصول الرواية : اضغط هنا

اترك رد