Uncategorized

رواية أحببتك رغم انتقامك الفصل الرابع والثلاثون 34 بقلم منه محمد

    رواية أحببتك رغم انتقامك الفصل الرابع والثلاثون 34 بقلم منه محمد

رواية أحببتك رغم انتقامك الفصل الرابع والثلاثون 34 بقلم منه محمد

رواية أحببتك رغم انتقامك الفصل الرابع والثلاثون 34 بقلم منه محمد

يوم الولاده نايمه لكن حاسه بـ انقباضات وتشنجات دخلت عليها سعاد 
لقتها عرقانه وبتتألم جامد نزلت تجري عليهم تحت في غرفه المكتب!!!!
كريم :بس ليه الاستعجال
عاصم بهدوء:مسمهوش استعجال انا خلاص قررت اني استقيل وارتاح اطلع احج اسافر اقابل اصدقائي اعيش بقي وانتم تديروا المجموعه
طارق بمرح: لا قول انك عجزت ومش قادر تمسك القلم تمضي
عاصم ابتسم:ليه يا طارق التفاصيل دي بس
طارق: لا من حقي كشاهد لازم اعبر براحتي
عاصم :اديلو القلم يا احمد وبعدين يطلع يمضي مراته هما دلوقت شخص واحد
سعاد داخله في حاله ذعر: الحقوني ست عاليا
عاصم هب من مكانه: مالها؟؟!!
كريم قام من مكانه بسرعة: ماتنطقي ايه الي حصلها؟!
سعاد : معرفش بس دخلت لقتها بتصرخ جامد
كريم اخد السلم في خطوه واحده  ووراه عاصم وطارق دخلوا عليها لقوها واقعه علارض بتأن وبتعيط بحرقه
كريم انتفض برعب: عاليا
عاصم بتوتر: مالها بنتي
سعاد: اظاهر اعراض الولاده
كريم برتباك: يله هاخدها علي المستشفي
طارق بخوف: شيلها بحذر
……منه محمد………..
وصل بيها بسرعه البرق واخدوها منه في المستشفي لغرفه العمليات وكريم صمم يدخل معاها لبس الزي الخاص بالتعقيم ودخل وقرب منها لقاها بتصرخ من حميه الطلق
الدكتور: خدي نفس عميق
كريم قرب ومسك ايدها وعيونه مدمعة بألم لوجعها : عاليا متخافيش انا هنا
الدكتور: يله نفس تاني 
كريم باس جبينها ونبره بيشجعها: هيمر انتي والبيبي هتبقوا بخير
عاليا صرخت بأعلي الصوت والدموع متجمعة في عيونها من الالم
الدكتور: خلاص نزل دي كمان طلعت عكروته صغننه
كريم بص للبيبي بتمعن وعيونه رغرغت بالدموع وقرب واخدها جوه حضنه بلهفه كبيره جدا وعاليا رغم تعبها بتتأمل فرحته الواضحه زي وضوح الشمس
كريم قربها منها مبتسم بدموع: : بنتنا
عاليا بأرهاق وتعب شديد: قربها مني نفسي ابوسها احضنها
كريم رفع الكمامه من علي شفايفه وطلع موبيله وصورهم هما التلاته قبل الفراق
…….منه محمد………….
شويه ونقلوها غرفه عاديه والكل متجمع حواليها بفرحه عارمه
عاصم: يا حلوه تعالي لجدو يشيلك انتي جميله اوي ماشاء الله شبهك اوي ياكريم تقدر تشوف نفسك فيها وانت صغير
كريم عمال يبص لعاليا الي رافضه تبصله تماما ومعلقه نظراتها علي بنتها!
عاصم اخد باله وبمغزي: حبيتي عارفه الاول كنت خايف تبقي عبئ علي ابوكي بس لما شوفته وشوفت نظرته ليكي ولا حاسس بالخوف خالص لان الخناق سبب للمتاعب ويضيع الوقت علي الفاضي!فرحه يعني السعاده وانا اديتك الاسم ده ومعاكي واجب خالي فيه فرحه وارتباط بين شخصين اربطيهم سوي واياكي تسبيهم ينفصلوا (بص لعاليا) انا اديتك المهمه يافرحه عمري انتي …..وكبرلها في ودنها ورجعها لسريرها وراح يصلي ركعتين شكرا..!
شويه دخلت الممرضه : ارتحتي شويه لازم ترضعيها النهارده يله نجرب اول رضعه ماشاء الله ربنا يبارك فيها جميله جدا
عاليا اخدتها وضمتها لصدرها: هي ليه مش بترضع
الممرضه: ارفعي راسها شويه معلش كل البيبهات كدا في الاول  مبيبقوش قادرين يرضعوا
عاليا كررت المحاوله وفشلت: برضو مش بترضع او انا مش عارفه
كريم بص للممرضه: خلاص اتفضلي انتي وانا هساعدها وبالفعل قرب وقعد وراها وبدء يساعد فرحه انها تاخد اول رضعه امومه ويدعم عاليا ويشجعها بتكرار المحاوله وبعد مجهود شاق نجح وعاليا حاسه بسعاده انه قاعد جنبها وبيستمتعوا باللحظات الحلوه دي سوي .
…………..منه محمد………
طارق داخل ببوكيه ورد كبير مش ظاهر منه وشه وزاحه وظهر من وراه باجمل ابتسامه ممزوجه بفرحه عارمه:مبررروك يا فرفروتي بقيتي ام وانا خالو
عاليا بصتله وبكت بحرقه بصلها ومسح علي خدها وسحب كرسي وقعد  واتكلم
طارق بستغراب :عاليا ايه الموضوع انا قلت حاجه غلط ولا دي تأثيرات الهرمونات بعد الولاده
عاليا بشهقه: مفيش بس مضايقه شويه
طارق بصلها بحزن:عاليا كريم ميقدرش يبعد عنك ولا عن بنته
عاليا: ايوه بس احساس التخلي اسهل من انك تفضل تفرض نفسك طول الوقت
طارق عقد حواجبه: ازاي يعقل ينتهي الامر كدا
عاليا :انا كمان مش عارفه ولا عارفه ارجع الوقت انا موجوعه اوي ياطارق ومجروحه اوي
طارق ضمها لصدره: هيعدي انشاء الله يعدي بس قوليلي عجبك الاسم
عاليا ابتسمتله بدموع: ايوه جميل 
طارق ابتسم بحنان: ايه رايك في المعني فاكره لما كنت بقولك عن  كريم وحذرتك بس انتي اتمسكتي بيه رغم انك عارفه ان هدفه الانتقام فين عاليا هنا
عاليا اتنهدت بحزن: هنا مرحتش اي مكان بس  بتعترف انها اتهزمت ومش جوه اللعبه
طارق: انا مش مصدقك دي مش اول مره تبعدي عنه وبعدين بلاقيكم ترجعوا لانك بتحبيه واوي ازاي تستسلمي كدا بسهوله عن حبك عاليا الحب بين اي اتنين وبس اي حاجه بعد كدا تبقي دخيله
عاليا : ايوه بس المره دي قررت اعملها واستسلم لاني تعبت
طارق: طيب وفرحه الي بينكم فكري في بنتك شويه قبل ما تاخدي اي قرار خاطئ ضدها
……….منه محمد…………………
بعد خروجها من المشفي قدرت تتعافي وترجعلها صحتها وكريم اهتم بيها بعنايه فائقه دعمها كان بيشاركها في كل حاجه ويوميا يحرص علي رياضه المشي حتي لو لمده ربع ساعه عشان تفضل محافظه علي لياقتها اتحمل تقلبتها المزاجيه بذل مجهود خرافي في النصايح  والتوجيهات لدعمها ولما هي وهو بيشوفه ضحكه بنتهم وجمالها بينسوا اي تعب بعد فتره وجيزه من تعافيها دقت عليه الباب دخلت لقته قاعد قربت خطوه واحده :جبتلك بنتك تودعها
كريم بصوت مخنوق: شوفتها الصبح لو عايزه تمشي اتفضلي
عاليا :تمام بس لو عايز تودعها تاني لـ اخر مره
كريم لافف بالكرسي مديها ضهره رافضها تشوف انكساره  لانها قدرت تنتقم منه في نقطه ضعفه فضل ساكت واخد نفس وبص لفوق يمنع دموعه تنزل 
عاليا الدموع غرقت عيونها: شكرا لانك نفذت اتفاقنا
وطلعت هي وبنتها وقفلت الباب وراها وكريم جري علي الفراند يتابعهم من خلف الستاره 
……..منه محمد………
عاصم ظهره محني شوي من الزعل:ليه مقولتليش يا بابني ان عاليا هتاخد البنت وتمشي ازاي تقرروه ده مع نفسكم ازاي
كريم اتنهد بصوت عالي : ده افضل بدل ما نعيش مع بعض في تعاسه اظن العيشه من غير حب كأنك عايش في جحيم
عاصم :بس عاليا
كريم قطعه: قلت حاجه غلط هي مش بتحبني او كرهتني مش عارف
عاصم : يابني اتعلم من اغلاطك يمكن انا مرتبطش بامك عن حب بس عنكم انتم الموضوع مختلف لان عاليا بتحبك وانت نفس الشئ
كريم اتنفس نفس طويل :بس انا كرهتها فيا من البدايه
عاصم بصله وكشر: ده مش حقيقي ابدا عاليا بتحبك بجنون وانا متأكد من ده ولا مكنتش وافقت تتجوزك كريم ليه تسيب حبك يفلت من ايدك
كريم مط شفايفه لقدام:هي محبتنيش او كانت وكرهتني او حتي لو بتحبني مش هتسلم بسهوله وانا كنت دبش مش كدا
عاصم :هو كدا
كريم: فـمستحيل ارجع الوقت عشان كدا احترمت قرارها  
عاصم: قولي ازاي هتتحمل متشوفش بنتك مش هتفتقدها
كريم ابتسم بحزن: اعمل ايه حتي لو فقدتها مش هقدر اخدها منها يابابا رغم نفسي تعيش معايا هي وبنتي وافضل جنبهم لكن مفيش في ايدي اي حاجه اعملها غير اني اقوم بكل طلباتهم حتي لو من بعيد
عاصم قرب منه : ايه الاستسلام الي بقيت فيه ده انت كريم لازم تقدر بنتك محتجالك وعاليا كمان وانا واثق انك هتقدر ترجعهم لحضنك لما تعترف انك مش هتقدر تعيش من غيرهم لان انا كمان مقدرش اعيش من غير فرحه ولا عاليا زي ما مقدرش اعيش من غيرك
كريم نبره محمله بالندم : بابا انا بجد اسف لاني خليتك حزين بسببي بس عارف لما خلفت عرفت وفهمت انك اب عظيم والله انا بحبهم كأنهم كل ما املك في الدنيا يمكن مش قادر اعبر عن مدي حبي ليهم في الماضي مكنتش فاهم ومحاولتش افهم كل الي عملته اني عمال اتسبب في مشاكل للانتقام وبس! انا ابن مش كويس
عاصم بحنيه: اياك تلوم نفسك
كريم غمض عيونه واتك علي شفايفه بألم: لا كنت معمي بفكر في نفسي عملت الي كنت شايفه من وجهه نظري واضطريت اخسر كل حاجه بسبب انانيه نفسي
عاصم حضنه وباس دماغه ومسح دموعه
كريم: بابا انا فهمتك رغم تعبتك اوي لكن لسه بتحبني زي ما بحب فرحه بس مقدرتش اخليها تعيش معانا لان امها بتكرهني
عاصم: اسمعني عاليا مش بتكرهك هي بس زعلانه شويه
كريم نزلت دمعة من عينه : لا عاليا خايفه أأذي بنتها زي ما أذيتها
عاصم هز دماغه بنفي: لا مش كدا وبطل تفكر كدا
كريم : يابابا بقولك بنتي من اللحظه الي فتحت عيونها علي الدنيا انتهي رابط الابوه بيني وبينها يمكن خفت احبها واتعلق بيها وارجع ازاي اتحمل عدم وجودها معايا في المستقبل
عاصم زعقله:متفكرش كدا بالتشائم ده
كريم بصوت تعبان: لا افكر لانه حصل ولا انت عندك امل انها ممكن تسامحني
عاصم: محدش يقدر يجاوب علي السؤال ده حتي عاليا نفسها لانك مطلبتش الغفران بس لسه بؤمن ان الحب بينكم مازال موجود هو بس مجرد طريق ضليته فلازم تحاول شويه وتعتر فيه وتجيبه وتمشي فيه يله مستني ايه لازم ابني القوي يرجع جرب وانا هساندك  
عاصم فرد ايده الاتنين وكريم دخل جوه حضنه: المهمه دي حتكون صعبه بما فيه الكفايه
كريم: عارف بس  محتاجلك جنبي
عاصم بهدوء: انا جنبك ومعاك واعرف مهما كانت النتيجه انا جنبك وحبي هيفضل معاك لـ اخر عمري 
……………..منه محمد………..
في فيلا صغيره اشترهالها كريم وخالها تختار كل قطعه اثاث بنفسها لكن شاركها في ذوق غرفه بنتهم علي مضض منها!!!
عاصم لسه داخل سمع صوت بكاها قرب واخدها في حضنه: ليه حبيبته جدو بتعيط
عاليا: كانت قبل ما تيجي بتعيط متقطع سمعت صوتك قالت تزن
عاصم ببتسامه ومداعبه: اكيد بتعيط عايزه جدو
عاليا: صح ابتسمت لما حضرتك جيت اصل بنتي استاذه في لفت الانتباه
عاصم: لا وانتي الصادقه معجبه بجدها (وضمها اوي لصدره) اه حفدتي مقلبظه بس ماشاء الله جميله (باسها من جبينها) حبيبتي وحشتيني عارفه كدا الله ريحتها تجنن وراح قعد جنبها بلوم وعتاب) ليه مبلغتنيش اي حاجه ياعاليا هو انا مش ابوكي ليه محترمتنيش
عاليا: انا اسفه بجد عارفه كلمه اسفه متكفيش
عاصم: بس انا مش متفق معاكي في قرارك انتي وكريم ولو الامر هيبقي كدا في النهايه كل الي بطلبه منك متختفيش عن عيوني انتي هتفضلي جوه عايلتنا ومش هسمحلك تاخدي فرحه بعيد عننا
عاليا: انا مقدرش ابعد عنك ولا ابعد فرحه عن حضنك وتقدر تيجي تشوفها في اي وقت عشان تعرف ان ليها جد جميل
عاصم: وبالنسبه لكريم؟؟!
عاليا: كريم لا مش هسيبه يزعجني ولا يزعج بنتي
عاصم ضحك: ده نسميه شعور نابع من اكتئاب بعد الولاده
………منه محمد……..
 تاني يوم العصير الباب خبط عليها نيمت فرحه في سريرها وراحت تفتح الباب!
عاليا ببتسامه مشرقه: بابا صباح الخير
عاصم مبتسم: صباح الفل يا ست الكل
كريم ظهر من وره ضهره وغمزها
عاليا كشرت: بابا احنا مش بنا اتفاق مش كدا
عاصم: ايوه فيه اتفاق بس ده اب حقه يطمن علي بنته 
كريم مدلها علب كتير: جبتلها شويه لعب
عاليا حبت تنرفزه :عندها
كريم :اوك تسمحيلي اشوفها (ودخل)
عاليا بصت لعاصم بلوم وعتاب: ليه بس يا بابا جبته معاك
عاصم  بهزار:معلش زي ابني برضه وبعدين انا مطلبتش منه يجي معايا هو جه من نفسه اسمحيلي يشوف بنته ووعد المره الجايه مش هسمحله بالدخول المرده دي فوتيها(ودخل بهيصه) فرحه شوفتي مين جه يشوفك
كريم قرب من السرير وشالها: فرحه فكراني انا بابا وحشتيني فرحه عيطت) الله ليه بتعيط
عاليا: لا ادهالي من فضلك لا ياقلبي انا هنا متعيطيش انا ماما
واخدتها تنيمها وراحت تقدم واجب الضيافه
عاصم بهمس: يله روح وراها وانا هسيبكم لوحدكم 
كريم راح ودخل المطبخ ووقف قريب منها: ممكن اساعدك؟؟!!
عاليا: هو بابا الي جابك هنا؟؟!!
كريم: اظن حقي اشوف بنتي
عاليا: تمام شويه وتمشي
كريم: بطلي تكوني قاسيه علي الاقل اديني فرصه اشبع من بنتي حقي ولا انتي الوحيده المفكره انك بتحبيها انا كمان بحبها افهمي البعد والتخلي عنكم عليا صعب 
كريم بدون مقدمات نخ علي ركبه بكل ضعف وبتوسل: هصلح الوضع والغلط 
عاليا شخطت فيه: والله لو انحنيت الف مره مستحيل اغفرلك الي كل الي عملته فيا
كريم :وانا عمري ما توقعت غفرانك عن كل الي عملته فيكي لكن لو هنحني الف مره قبل ما تنتهي فرصتي وانا هنا لاني بشكرك لانك عطيني اكسير الحياه لبنتي وانك بترعيها ولوحدك ولو طلعت بنت صالحه الفضل هيبقي ليكي وللاسف انا مش هقدر ارجع الزمن لوري فعشان كدا  اتوسل اليكي بلاش تمنعيني عنك عارف عملت بلاوي زعلتك مني بس انا علي اتم استعداد احسن واغير من نفسي واثبتلك
عاليا: انت معملتش حاجه
كريم: كدابه وهفضل متنح هنا لحد ما تغفريلي
عاليا رفعت كتافها بلا مبالاه: براحتك
كريم شدها عليه: ارجوكي سامحيني عارف انتي متسامحه ولطيفه عكسي تمام وحلوه ووديعه وحنينه وجميله ومش ممكن المشاعر الحلوه دي تختفي ومتسامحش كريم الوحش السئ القبيح القاسي وتبقي قاسيه بالشكل ده
عاليا رمت ايده: انت بتتهمني اني انسانه قاسيه انت مفكرني مبسوطه وانت واقف قدامي بتتوسل ولا كل مره بتتصل بيا مش برد عليك
كريم: طيب ليه مش بتردي
عاليا: لان مفيش حاجه نتكلم فيها
كريم: لا فيه لو كنتي بتحبيني شويه فارجوكي اسمعيني انا مش سعيد من يوم ما بعدتي عني انا دلوقت محتاجلكم تكونوا جوه حياتي ونرجع زي الاول انا بجد ماليش غيركم  بس شكرا انك سمحتيلي افضل مع بنتي شويه
عاليا بصتله بدون ماترد عليه
كريم :طيب انا ماشي ( سحب مفاتيح عربيته ولف بضهره وهينفجر منها)
عاليا ابتسمت عليه في خبث 
كريم بينه وبين نفسه…حافظ علي اعصابك ياكريم لما كنت سئ كانت بتموت فيك لما بقيت محترم مش عجبها الهانم بس ماشي والله لرجع وانتقم منك اصبري عليا وهتبقي انتي المسؤله عن حالتك 
………منه محمد……
واقف قدام عربيته وبيخبط علي سطحها بضجر
كريم نفخ بضيق :شايف بنتك شبه طردتني بتعاملني معامله ولا الي قتلها حد
عاصم ضحك: والله ياكريم الي بنتي عملته فيك مش قاسي ابدا
كريم: طبعا انت دايما معاها
عاصم: ايوه لو قرناه بالي عملته فيها في السابق فده ميجيش حاجه
كريم بعصبيه: بابا الله
عاصم: عارف ان كلامي مش هيعجبك بس فكر لو كنت انت مكان عاليا هتقبل الاعتذار بسهوله مستحيل لاني عارف ان العقبه الي قدامكم ممكن تزول فلو كنت بتحبها اعمل المستحيل لحد ما تلين قلبها اظن شرحتلك كل الاعراض وعليك تلاقي الدواء
كريم: ايوه بس في الماضي كانت بتحاول تراضيني وتقرب
عاصم: اه يظهر بضيع وقتي يابني بلاش الاستسلام من اول عقبه حاسسها بقيمتها انك عاوزها
كريم بقله حيله: تمام وانا مش هيأس 
…………منه محمد………….
تاني يوم سمعت خبط خفيف علي الباب راحت وفتحت لقته واقف قدامها مبتسم ابتسامه من قلبه: عامله ايه؟؟!!!
عاليا بعدت شعرها عن وشها بتافف: جيت ليه
كريم :جيت عشان اكون حبيبك ويمكن محتاج احس اني انسان ويحس بقمته 
عاليا لفت ضهرها: وانا مش هقبل حبك بسهوله
كريم حضنها من وري وبهمس يدوب: وماله بس انا قتيلك لاني بحبك ومقدرش اكمل حياتي من غيرك 
عاليا بعدت عنه ورجعت بصتله ونفخت بضجر
كريم بلع اسلوبها المنفر وبصلها باهتمام : لا نتكلم جد انا جيت اقولك متعمليش غداء لاني وصيت علي اكل يوصلك لمده اسبوع من الفندق لا شكلك مجهده لانك بتسهري لوحدك بفرحه
عاليا: لا انا قدها ومستعده اسهر بيها عادي  ولا مش عايزه منك حاجه عن اذنك احضرلها الرضعه فيه اي حاجه تانيه قبل ما اقفل الباب
كريم رسم دور البؤس: اه فيه لازم ارد علي عميل قبل الظهر ومش هعرف اعملها وانا قاعد فوق الموتسكل يمكن ادوخ من الشمس واقع فـ ممكن اعملها هنا واتمني متطردنيش 
عاليا ضحكت في سرها لانها عارفه انه بيخلق الاعذار: تعال لاني مش هخلص انا عارفه
كريم دخل واغلق الباب بكوعه  وابتسم في غيظ : هي فين فروحتي؟؟!!
عاليا: نايمه
كريم: بتصحا امتي
عاليا ببرود: قدامها ساعتين تشرب قهوه ولا عصير
كريم قعد وفتح الجهاز : اي حاجه انشاالله سم فيران هشربه
عاليا لقت موبيلها بيرن اخدته بعيد وردت : ايوه يا طارق
طارق بصوت بشوش: عامله ايه وفررفورتي الصغيره تمام
عاليا بهمس: الحمد لله حتي كريم هنا
طارق: واو ورضيتي تدخليه من الباب
عاليا: اعمل ايه بقي 
 طارق : انتي متأكده انك عايزه تسمحيله يفضل
عاليا: لا مش متأكده بس مقدميش حل تاني عشان بابا عاصم
طارق: انتي كدا مهما قسيتي لما تشوفي عدوك تتحولي سنوايت بس خالي بالك شدي وفي نفس الوقت ارخي عشان الحبل ميتشدش ويتقطع خالص
عاليا :نفس كلام ندي قالت لي خليكي رحيمه بس اياكي تنسي كل افعاله
طارق :والله البت دي بتفهم المهم اي حركه منه هيك ولا هيك قولي جزر
عاليا ضحكت: لا متخافس كله اتحت السيطره ولا كأني شيفاه اصلن
عاليا  قفلت وبصت عليه لقته بيداعب بنته وقفت تتأمله
طارق: عاليا انتي معايا ولا روحتي فين
عاليا: لامعاك وحفظت كل كلمهه اني احاول اديلو فرصه تانيه رغم عدم اقتناعي
طارق ضحك بمزحه: بس انتي اديلو ولو دبش اطرديه وارزعي الباب في وشه وقوليلي متفوتنش علينا بكره لان الفرصه خلصت 
عاليا ضحكت علي اسلوبه وقفلت لما انتهت المكالمه لقته بيلاعب فرحه 
سابته مع بنته وانتهزت الفرصه دخلت تاخد دش يجدد حيويتها ونشاطها وطالعه بالبورنس قربت علي فرحه تسكتها وهو قاعد مراقب اسلوبها وطريقه ضحكها مع بنتها وهي بتغنلها وهو مندمج في شغله لقاها نامت علي نفسها ركن الجهاز وقام اخد البنت منها ضحكتله قرب ووشوشها( فرحه امك عنيده زي زمان هه ركزي زمان بس انتي معايا مش كدا يا قلب بابا) طبع  بوسة على خدها وراح نيمها في سريرها ورجع غطاها بأحكام  وحط ايده على خده وقعد يتأملها لكن شويه عاليا صحت مفزوعه من صوت مسج جاله قام بسرعه ومال بجسمه عليها وحط ايده علي شفايفها بنعومه: هش البنت نايمه في سريرها 
عاليا  نزلت عيونها للارض واحمرت خدودها: يظهر نمت علي نفسي
كريم بصوت حنون: انا اسف صوت الموبيل قلقك وبدون شعور قربها منه لانه نفسه يطير معاها يحلق في عالم اللذه جسمها تدوب بين ايديه وتطلب منه الرحمه وهو يرفض باسها بشغف وحضن ضهرها وفضل يبوسها مره ياخد الشفه الي فوق ومره الي تحت لدرجه جسمها قشعر من رقته كانه خايف لشفايفه تجرح شفايفها وهي اندمجت معاه واتجرفت في بحوره في لحظه ضعف بس واول ما حست بأيده بتحاول تتخلص من البورنس مره واحده بعدت عنه
كريم بضيق لانها بتصده بشكل مش طبيعي: ليه منعتي نفسك عني لسه برضو مش عايزاني لسه مقلقه مني رغم ان انا هنا
عاليا:كريم كفايه تقبل تاخد حاجه من غير رضايا
كريم بصوت مجروح لانها رفضت تسلم لحصونه : ليه من غير رضاكي وجودك معايا طبيعي 
عاليا :اظن انت عارف عدم رضايا جاي  منين الحاجه دي بتم مابين عواطف حب اقتناع انت فقدت كل الحاجات دي وعشان مبقوش دول موجودين ولا بحسهم معاك  فـسبتلك الدنيا وجيت هنا فرجاء امشي
كريم بنفاذ صبر: امشي رغم كل الي بحاول اعمله اخرها امشي ليه شيفاني شفاف قوي كدا ليه مش قادر احركك
عاليا :ايوه انت عندك حق لاني مش هتحرك بس لو خلتني احس اني بخسر هوقف قلبي عن حبك
كريم: اهدي يا عاليا انتي مخسرتيش ابدا حبك الي دايما بيفوز بس انتي الي بقيتي قاسيه واوي
عاليا  بينها وبين نفسها يمكن سبتك تتألم جسديا بس انت سبت قلبي يتألم حرفيا ردت بحده: يله انا قاسيه لو عايز تقتلني اتفضل
كريم بخنقه : لا مش هقتلك بس مهما قلت ومهما عملت انا علي طول في نظرك سئ ومش  هبقي كفؤ اكون زوج ليك ولا اب لنتك
عاليا: لا انا مقولتش كدا فرحه من حقها تلاقي الحب والاهتمام من ابوها
كريم مسك ايدها بحنيه: شكرا
عاليا سحبت ايدها منه بسرعه: رغم اننا مش متفقين بس هتفضل ابو بنتي
كريم عض علي شفته بغيظ وهو ماشي سحب جزمتها من فوق رف الجزامه
عاليا ندهت عليه: كريم (وشاورتله علي الشوز)
كريم بصلها ورماها بغل واخد جزمته وبعدين رماها تاني ورجعلها بكل غضب: انتي لازم تعرفي اني مش عايز اشوف فرحه لوحدها ليه بقيتي عنيده وقاسيه وحاطه في دماغك فرده جزمه قديمه وماشيه بيها ليه كل ما احاول ارجع كريم تصديني اظن انتي الي طلبتي اخرج من حياتك ونفذت ومغيرتش كلامي ابدا
عاليا ببرود :بنتك من دمك مقدرش اقطعها عنك بس انا وانت اغراب عمرنا ما حبينا بعض
كريم بصدق ومنتهي الحب:بس انا بحبك اديني فرصه تانيه
عاليا :ليه بتحاول الشقا اظن انت بتشوف بنتك
كريم :بس انا مش عايز اخسر امها رغم اني عارف انها لسه زعلانه مني بس لو بنيتي الف حيطه بينا مش هستسلم بسهوله واياكي تفكري الحيطان الي حتحطيهم هتوقفني كريم بيوصل لهدفه دايما اوعي تنكري قدراتي
عاليا :عندك حق انا مش بكرهك بس ده مش معناه اني مقدرش أأذيك
كريم: ليه يا بنت الناس انا مبقتش كريم السابق ادي لنفسك فرصه تكتشفيه
عاليا: اظن انت اعترفت بنفسك الي حصل منك مكنش شئ صغير ولا بسيط لايمكن يتحل بشويه كلام او حتي يتنسي بسهوله اسفه
كريم بحزن ومعاه قرار بعد الرجوع :تمام يا عاليا انا ماشي ( ولف مشي لللابد )
يتبع..
لقراءة الفصل الخامس والثلاثون والأخير : اضغط هنا
لقراءة جميع فصول الرواية : اضغط هنا

اترك رد