رواية حبي وعشقي وغرامي الفصل العاشر 10 بقلم كاريمان باسم

الأشتياق شعور ليس بالهين أبداً فهو مؤلم بشدة كألم فقدان جزء من روحك او توقف نبض قلبك بل هو اصعب.. ليس شرط أن يكون أشتياق بسبب الغيبة او الفراق بل من الممكن أن يكون أشتياق لبسمة تشعرك بالراحة ، كلمة تجعلك سعيد بشدة، نظرة تبث فيك الآمان، عناق يملئه الدفئ و الحب او لمسة حانية تنسيك حزن العالم..فإن قلبك كسكن لحبيبك و عندما يغيب عن سكنه يكون قلبك وحيد، مظلم و حزين أشدّ

الحزن.. يكون كل أمنيتك ان يصبح تؤام روحك بجانبك كل ثانية، دقيقة ، ساعة، يوم، شهر، عام و اكثر حتى الموت..وهذا الأشتياق الدائم بسبب او بعدم وجود سبب فهو ليس الا عشق لحبيب الروح الذى احتل قلبك و عقلك بمعنى أصح هذا الشعور الذى يكون من اعماق القلب فهو ليس الا حب وعشق وغرام نابع من اعماق القلب لحبك الوحيد………

-أوس؟!! انا بحلم اكيد.

أوس/ ايوة انا يا حبى فعلا مش بتحلمى.

اخذت غزل تبكى بفرحة و هتفت بصوت مرتفع/

وحشتنى اوى يا أوسي.

أوس بنبرة كلها شوق/ و انتى وحشتيني بعدد دقات قلبي.. وحشتيني بعدد كل نجمه منوره في السما زي ما انتي منوره جوه قلبي انا.

وفجأة سمعت غزل موسيقى تعلمها جيدا فهى كانت تسمعها و هى صغير من الممثل محمد سعد فى فيلم(بوحة) و بدأ أوس يغنى اغنية يا اللى نسيت الغرام /

اول ما عرفت انك عايزني جيت قوام

ما اقدرش استغنى عنك يا معلمني الغرام

♪♪♪♪

وهقولك بردة عيني يا وحشني الف عيني

وهقولك بردة عيني يا وحشني الف عيني

وهقولك بردة عيني يلي في بعدك كاويني

وهقولك بردة عيني يلي في بعدك كاويني

أؤمرني هتلاقيني سجادة بين اديك

♪♪♪♪

وانا لسة كنت بحلم النجوم

يلي في بعدك بقاسي ولا ارتحش يوم

وهقولك بردة عيني يلي في بعدك كاويني

وهقولك بردة عيني يلي في بعدك كاويني

أؤمرني هتلاقيني سجادة بين اديك

كلة كلة كوم

وزعلك انت كوم

كلة كلة كوم

وزعلك انت كوم

انا عندي الدنيا تزعل

ولا تزعل مني يوم

اول ما عرفت انك عايزني جيت قوام

ما اقدرش استغنى عنك يا معلمني الغرام

*****

وختم أوس الاغنية و هو يغمز لها.. نظرت له غزل بفرحة و هى تبكى ثم خرجت من الشرفة و جرت على باب المنزل و نزلت السلم بسرعة شديدة من الفرح و ببكاء واخذت تتمتم بهمس /مش حلم اكيد مش حلم.

وعندما خرجت خارج العمارة وجدت عائلتها و عائلة اوس تقف خلفه و هو يمسك بوكيه الورد بيده.

نظرت لهم غزل بصدمة وقالت /انا مش فاهمه حاجه.

لاحظ أوس ملامح وجهها الحزينة بشدة و نحافة جسدها فقال لها/ مش مهم يا غزلتى تفهمى المهم انك وحشتيني اوى.

نظرت غزل له قليلا ثم اخذت تضربه على صدره بضعف و بكاء /قولتلى انك مش هتسيبنى و

سيبتنى.. حرااام عليك انا كنت بموت من غيرك ليه اختفيت هااا رد عليا.. ونظرت لعائلتها و لشهد وادهم ثم هتفت بصوت مبوح/

وانتم كنتم عارفين صح.

أوس /اهدى يا حبيبتي.. والله ما كان بيدى.. وانا كنت كل لحظة بتعدى عليا من غيرك بتقطع من جوايا.. وهما لسة عارفين امبارح انى رجعت متظلميهمش.

غزل و هى تمسح دموعها /كنت فين يا أوس.

أوس /هحكيلك بس مش دلوقتي.

قالت غزل /وعد؟

قال لها بمشاكسة / وعد.. وبعدين فى عروسه تبقى زعلانه يوم كتب كتابها كده وتعيط.

غزل ببلاهة / عروسه مين و كتب كتاب ايه.

اقترب اوس منها قليلا وقال و هو يغمز لها /

عروسة انتى و كتب كتابنا انا وانتى.

غزل بصدمة /اييييييه مش ممكن مستحيل انا مش جاهزة دلوقتي!!!

____________________

-بارك لكما وبارك عليكما وجمع بينكما فى خير…….

وانطلقت الزغاريد من والدتى أوس وغزل و شهد تغنى مع الاغنية هى وأوس الذى قبل جبهة غزل بفرحة /

هالله هالله هالله يا مشاء الله

هالله هالله هالله يا مشاء الله

كتبو كتابك يا نقاوة عيني

أحلى كلام بينك يا حلوة وبيني

جه اليوم إللي تكوني فيه حلالي

منا أصلي طيب وأمي دعيالي

كتبوا كتابك بالقلم ع الورقة

واللحظة دي في حياتي لحظة فارقة

حافظ التاريخ بالهجري والميلادي

أنا من إنهاردة هيبقا عيد ميلادي

وإبتسمي عايزة تترسمي

كتبوكي على إسمي بقا رسمي

هي العروسة والليلة ليليتها

سيبوها تتدلع على راحتها

زي القمر أجمل بنات حتتها

في الزفة مش هنيم منطقتها

وهالله هالله صلو على النبي يا جيرانها

عملت إللي ما يتعمل عشانها

هاتوا البطاقة وغيروا عنوانا

من الليلة دي بيتي بقا بيته.

******

و ادهم كان يسقف و هو ينظر لشهد بحب ولهفة فهو يتمنى لو ان يكتب كتابه هو و هى ايضا اما اوس فنهض و عانق غزل بقوة و اخذ يدور بها و هو يقول /

وخلاص بقيتى مراتى…….

غزل وهى تحاوط رقبته بخجل وهمس/

وانت بقيت جوزى واخيرا.

أوس /قولى جوزى كده تاني لحسن دى منك سكر.

غزل بخجل شديد و قد توردت وجنتها بالحمرا بعد ان كان وجهها حزين و منطفأ اصبح مضئ و سعيد/ لما تحكيلى كنت فين الاول.

أوس بعصبية/

قولت هحكيلك بس مش دلوقتي يا غزل.

غزل و قلبها ليس مطمئن فقالت بعبوس/طيب.

أوس /طب ينفع القمر ده يزعل و بعدين والله هحكيلك بس مش دلوقتي.. خلينا دلوقتي نفرح شوية

غزل /حاضر يا أوس خلاص.

فامسك أوس يديها وقال/طب يلا نقوم نتصور و بعدين نرقص مع بعض.

غزل /اوكى يلا.

التقط أوس صورة لهو هو و غزل و هما يبتسمان لبعض بحب و صورة اخرى يرفعوا اصبعهم الملطخ بالختم الازرق و آخر صورة شهد تقبل فيها غزل من خدها و أوس ينظر لها بعبوس و غيرة و غزل تضحك عليهم وهذه كانت اكثر صورة مضحكة ثم التقطوا صورة مع عائلتهم.

واخذ الجميع يرقص بفرحة وبهجة و منهم من يسقف وانتهى عقد القران بفرحة و بهجة و ذهب الجميع لمنازلهم معادا أوس استأذن ان يجلس مع غزل

قليلا.. و وافق والداى غزل بالتأكيد فهو اصبح زوجها…

______________________

جهزت والدة غزل الطعام و اعطته لأوس ليأكل ويطعم غزل التى لم تأكل شئ منذ شهر فعاتبها هو على إهمالها لنفسها و صحتها.. و بعد ذلك دلف كل منهما لغرفة غزل بعد ان بدلت ملابسها لبيچامة زهرية اللون وعليها رسومات كرتون و تركت شعرها منسدل فكانت كالاطفال تماماً……..

-متسبنيش تانى ابدا.

أوس و هو يأخذها فى حضنه و يقبلها من جبهتها ثم ملس على خدها بحنية وقال/متخافيش يا قلبى عمرى ما هسيبك تانى.

غزل و قد بدأ النعاس يظهر عليها فأخذت تتثائب و هى تقول/ متمشيش الا لما انام.

أوس و هو يملس على شعرها /حاضر يا عمرى يلا نامى و انا جنبك لغاية ما تروحى فى النوم خالص.

استلقت على الفراش بجانبه ثم دفنت وجهها فى حضنه بخجل و قالت/على فكره مكنتش اتوقع انك تقنعنى انى اوافق على كتب الكتاب يكون النهارده.

أوس و هو يضحك /علشان تعرفى انى لما بحط حاجه فى دماغى بعملها.

غزل بابتسامة /ايوة فعلا ده انت خليت كله يزن فوق دماغى لغاية ما وافقت.

اردف أوس/احسن علشان بعد كده تسمعى الكلام علطول.

غزل و هى تضحك/هحاول حاضر.

أوس و هو يتنهد/طب ايه.

غزل و رفعت وجهها له وقالت ببلاهة /ايه.

أوس و هو يغمز لها /عايز تالت بوسات و حضن.

غزل بخجل و نبرة تحمل التحذير /أوووس عيييب!!!

أوس /نعم يا حلوة عيب ايه انتى خلاص بقيتى مراتى.

غزل بخجل /طب ما انا فى.. حضنك اهو.

أوس و هو يغمز/لا انا عايز تالت بوسات و حضن تانى كبير اوى.

غزل و هى تضع يديها على وجهها/نووو يا أوس بتكسف.

أوس وهو يضحك على خجلها /هتجيبى ولا اخلى الزن يشتغل عليكى من برة او اجرى وراكى عادى لغاية ما تدينى.

قالت غزل بعد ان خرجت من حضنه/هتفضحنى يا أوس كدة.. وبعدين انا مفرهدة مش قادره اجرى.

أوس ببعض الحزن / خلاص تمام اوى براحتك اقوم امشى انا بقى.

امسكته غزل من ذراعه و قالت /لأ استنى

متمشيش.. انت زعلت؟

أوس /اه زعلت واوى كمان.

غزل بتردد/خلاص متزعلش هديك.

استلقى أوس على الفراش مرة اخرى و وضع قدم على قدم و قال/اذ كان كده ماشي يلا.

اقتربت غزل منه بخجل و حمرا كادت ان تحرق وجهها ثم قبلته من خديه و جبهته و بعد ذلك عانقته بحب بمزيج من الخجل والاشتياق ثم قالت بغضب /

هااا حلو كدة.

أوس و هو يأخذها فى حضنه و يضحك عليها/

اه حلو جداً يا مراتى.

غزل و هى تضحك هى ايضا /طب الحمدلله.. وبعد فترة من حديثهم و مزاحهم مع بعض و تهرب أوس من سؤال غزل عن سبب اختفائه.. اخذت غزل تتثائب و قد تملك النعاس منها بشدة فقالت و هى تغلق عينيها بتعب/ بحبك اوى يا جوزي.. ثم نامت براحة وفرحة بعودة حبيبها و بانه واخيرا اصبح زوجا لها هى فقط و امام الجميع.

أوس و هو يقبلها من خدها/ وانا بعشقك اكتر يا مراتى و طفلتى و كل ما ليا………

اخرجها أوس من حضنه ببطئ حتى لا تستيقظ ثم دثرها بالغطاء جيدا.. و نظر لها مرة اخيرة قبل ان يخرج من الغرفة بحب متيم فهى اصبحت طفلته و زوجته هو فقط ولكنه يخشي من القادم…………………..

______________________

كانت شهد جالسة فى غرفتها بفرحة شديدة بعودة اخيها وبأنه اخيرا تزوج صديقتها الوحيدة ثم اخذت تفكر بشئ بتردد و بعد فترة من التفكير أمسكت هاتفها و دخلت لتبعث لأدهم رسالة و كانت عبارة عن/

موافقة تيجى تطلبنى من بابا بكرة……………….