رواية حبك نار الفصل الثالث عشر 13 بقلم أسماء أحمد

هج*م علي مروه فصرخت برعب وبتحاول تبعده بس اياد قام زقه بكتفه لانه متكتف من ايده  فالحارس غضب منه وزقه بجسمه الضخم وقعه على الحيطة إلى وراه واتخبطت رأسه جامد واغمي عليه تحت نظرات مروه المرعوبة وغادة إلى بتصرخ بهستريا وضامه نفسها برعب وفارس قام شا*يط هو كمان  وحاول يهجم عليه هو كمان بس زقه هو كمان ووقع وصراخ مروه زاد لما رجع الحارس ليها ثاني فك الحبل الحديدي بالمفتاح إلى معاه من العامود وقرب منها عايز ياخذها بعيد عنهم بس صراخها العالي زاد والباب اتفتح مره واحده وظهر شخص ضخم اتكلم بغضب 

& ايه إلى انت بتعمله هنا 

# انا انا ارتبك ومش عارف يتكلم ووشه كله عرق 

قرب منه الشخص الضخم وضر&به كف بغضب 

$ اطلع بره وحسابك بعدين معايا 

وسحب من ايده المفتاح 

نزل الحارس  رأسه بخوف وخرج بصيت عليه بخوف ورجعت لورا لما لقيته بيقرب مني ابتسم بهدوء وربط الحبل الحديد من ثاني في العامود وقرب من وشي بحنية ومسح دموعي واتكلم بلطف عكس شخصيته العصبية مع الحارس 

& اسف على إلى حصل مش هتتكرر ثاني هم يومين وهترجعوا بيتكم ثاني بس اتعاونوا معانا علشان محدش يتأذي تمام 

هزيت رأسي بموافقة ودموعي بتنزل بخوف ابتسم وقام قرب من إياد اطمن عليه لقاه بخير وخرج وسابنا

ثاني يوم في مكتب عاصم قاعد مع معاذ وشكله متبهدل وعنيه تبدلانه ومعاذ مضايق علشان صاحبه وبيحاول يواسيه 

حط معاذ ايده علي كتفه وقال بهدوء 

^ هتكون كويسه متقلقش 

بص عليه بسرحان وقال بتعب 

_ يارب يارب انا قلبي واجعني اووي عليها وحاسس بالذنب 

^ ده قدر ومكتوب يا صاحبي كفايه لوم على نفسك ده مش هيعمل حاجة ولا هيرجعها هي دلوقتي محتاجاك تكون قوي علشان تقدر ترجعها 

كان هيتكلم بس لقي التليفون بيرن فتح على طول

_ الو .. مين .. هو انت الكل** الي خطفتهم .. سيبهم وهنعمل إلى عايزه بس رجعها..  ايه كام مليون جنية .. انت بتقول ايه اجبلك المبلغ ده كله منين.. لاء خلاص خلاص هجمعهم بس اسمع صوتها الاول .. الو الو 

قفل الخط في وشه وهو اتعصب وز*قل الكرسي إلى جنبه بعصبية 

 ^ خير هم العصا*بة قالها بتوتر

_ اه ولاد ال # بيهددوني بيها وطالبين فيديه مليون جنية عشان يرجعوها بس تيجي والله ما هرحمهم 

^ وهتجيب المبلغ ده كله ازاى 

غامت عينه بحزن 

_ مش عارف إلى معايا ٥٠٠ الف بس هحاول اجمع المبلغ ان شاء الله أبيع العربية مش مهم المهم ترجع

^ عربية ايه إلى تبيعها يا صاحبي انا معايا مبلغ خذه وهنتصرف في الباقي 

ابتسم لوجود صديق صالح في حياته

اهل فارس عرفو بخ*طف ابنهم ورجعوا في اول طيارة ووصلوا عند الضا*بط ودخلو عليه 

_ اتفضلوا 

ابو فارس 

* عرفنا بخ*طف فارس وزمايله وجايين معانا الطريقة لانقاذهم احنا زارعين جهاز تتبع فى فارس علشان علاقاتنا وشغلنا ودايما فارس متعرض للخ*طر

وصلت الشرطة المكان وداهمته من كل اتجاه والمجر*مين حاسوا بالتوتر وبدءو ينسحب مجموعة منهم ودخل الحارس الضخم الي اته*جم على مروه قبل كده 

_تعالي معايا مش هسيبك يا حلوه انتي طوق النجاة يا حفيدة الوزير 

فتحت عينيها برعب وحاولت تجري بس مسكها وبعدين فك مروه مع صراخهم عليه بالمفتاح إلى معاه وشالها على كتفه هجم عليه فارس بس مقدرش عليه خرج وسابهم بس فارس بص على إلى فى ايده المفتاح بمهارة قدر يوقعه من الحارس وده كان هدفه لما اتهجم عليه هو عارف ان مكنش هيقدر يوقفه لانه متكتف وأضعف منه بكثير

كل الأهالي وصلت المكان والشرطة سيطرت على الوضع وخرجو كل التلاميذ بأمان كل أب وام مستنين عيالهم يحضنوهم ويشمو ريحتهم الطلاب خرجوا ورا الثاني وجريو على اهلهم في مشهد عاطفي ومؤثر معاذ مع عاصم مقدرش يسيبه في لحظة ذى دي بس فتح عينيه بصدمه لما شاف اميرته الساندريلا طالعة من ضمن التلاميذ عاصم واقف بأمل مستني حبيبته ياخذها في حضنه ويعتذر منها لكن مش كل نهاية سعيدة ومش دايما بيكون في فرصه ثانية الكل خرج معاداها سمع صراخ اهل فارس القلقنين على ابنهم إلى هو كمان مكنش من ضمن إلى اتنقذوا