رواية تمرد عشق الفصل الثاني 2 بقلم أميرة خالد

عشق بصدمه و بدأت تكح : ايه، ايه يا كابتن مش رجوله دي و الله يا كابتن، خد هنا، انت يلا خد هنا …..

وقف عمر مرة واحده لتصتدم به عشق، عمر : افندم، خير عايزة حاجه ..

عشق بتوجع : اه، وجعتني انت ايه مدب كده وجعتلي دراعي يا اخي …

عمر و هو يوشك علي الغضب : انتي لسه بتشتمي تاني، و ذهب عمر و تركها لتركض وراءه 

عشق : لا لا لا خلاص خلاص، انا بس كنت عايزة منك طلب 

عمر : لا 

عشق : اما البني ادم رخم بصحيح 

عمر و كاد أن ينفجر عليها : انتي بتقولي لمين كده ؟؟

عشق : انا بقول للبني ادم، انت بني ادم 

عمر بعدم فهم : امال انا ايه يا اختي ..

رفعت عشق فستانها في استعداد لها للركض : لا يا حبيبي انت حمار 

و ركضت عشق من أمامه راكضه، ليجري وراءها عمر : خدي يا بت انتي هنا، و حيات امك لامسكك

وقف عمر مرة واحده خلفها و بدأ في الكحه مرة واحده و قد كان لا يقدر علي أخذ نفسه ، توقفت عشق أيضا و نظرت له بخوف، عشق : انت كويس ؟

عمر و هو يجاهد ليحاول يأخذ نفسه : انا كويس، كويس 

امسكت عشق يده و اجلسته علي جنب، عمر : خلاص انا بقيت كويس 

عشق : طب ما انا عارفه بقولك ايه قوم يلا روحني ..

عمر باستغراب : يا بنتي هو انتي اشتريتيني عبد عندك و انا معرفش ولا ايه ؟ 

عشق : لا عادى بس المصريين لبعضيهم يا جدع 

عمر : سؤال بس هو انتى أي حد معدي في الشارع كده بتتكلمي معاه بالسهولة دي ..

عشق بغضب : ليه و انت فاكرني مش محترمه و لا حاجه 

عمر : لا لا خالص، بقولك ايه خلصيني انتي عايزة ايه مني دلوقتي 

عشق : و الله المفروض انك راجل و مصري و ابن بلد و كده و في المواقف اللي زي دي تساعد و كده يعني ..

عمر : ايوة بعد المقدمه الطويله دي عايزة ايه برضو ..

عشق : عايزاك تروحني عند البيت بتاعي علشان الوقت اتاخر 

ضحك عمر عليها و علي طريقه القائها للكلام مرة واحده : اتفضلي قدامي يا هانم 

ضحكت عشق و وقفت مرة واحده بسرعه للذهاب : انت معاك عربيه صح ؟

عمر : لا 

عبست عشق مرة واحده : ليه، امال هتروحني ازاى ؟

عمر : انا مش بحب العربيات

عشق : انت عبيط في حد مش بيحب العربيات زيي 

ضحك عمر عليها : يا بنتي انتي جيتيلي منين بس 

نظرت له عشق بعدم فهم : جيتلك منين ازاي يعني مش فاهمه، انا اللي عبيطه و لا انت بقا كده 

عمر : اقولك علي حاجه اه انا اللي عبيط و تعبت من المناهدة و اتفضلي قدامي علشان اروحك ؟

عشق : طب هو انا ازاى هركب الموتوسيكل بالفستان 

نظر لها عمر بتفكير : عندي فكرة 

عشق : و اللي هي ..

عمر : احنا نقطع البطانه و الجزء اللي فيه الحديدة 

عشق و هي تمسك فستانها : اكيد لا انت عبيط يا ابني انت ، انت عاوزين ابوظ فستان فرحها 

عمر : فرحها !!، بقولك ايه يا بنتي انتي شكلك هتجنيني معاكي، عايزة ايه دلوقتي ؟

عشق : الحل الوحيد انك تركبني تاكسي.  تيجي معايا توصلني بعد كده ترجع تاني للموتوسيكل بتاعك 

عمر : اتفضلي قدامي يا انسه و انا هتصرف 

عشق و هي تتعلق بعينه : هتعمل ايه ؟

عمر : استغفر الله العظيم، مفيش قدامي حل غير اللي قولتي عليه يا انسه اتفضلي 

ركبوا بالفعل تاكسي و الذى تعجب الرجل من هيئتهم و لكنه لم يتحدث 

وصل التاكسي بهم الي منزل عشق و الذى كان منزل كبير في منطقه راقيه

عشق : شكرا يا …

قطعها عمر : عمر اسمي عمر 

ابتسمت عشق : و انا اسمي عشق، سلاااام

ذهبت عشق من أمامه و ظل عمر واقفا قليلا ينظر لطيفها و هو يبتسم 

عاد عمر الي المنزل و قد كانت الساعه ال ٥ صباحاً، حاول عمر أن يغلق الباب بهدوء حتي لا يوقظ أحد، لكنه فوجئ بأخيه مستيقظ 

يوسف و هو خارج من المطبخ و بيده ماء ليخرجها في وجهه، عمر : ايييييييييه هو انا ناقصك يا ابني مش تحاسب 

يوسف : انت كنت فين يلا انت و ايه اللي عامل فيك كده  

عمر : الله مش انت اللي لسه مغرقني مايه دلوقتي 

يوسف : انت هتستعبط انطق ايه اللي حصل ؟

عمر : مش اسلوب ده علي فكرة هو ايه النهاردة يوم التهزيق العالمي و لا ايه ؟

يوسف و هو يضحك بسخريه : و انتي اتهزقتي من مين يا بطه 

نظر عمر له بغضب : ملكش دعوة 

و ذهب من أمامه و يوسف خلفه يضحك، يوسف : لا لا لا خد بس تعالي يا بطه اقولك 

عمر : ولا اتكلم باسلوب احسن من كده 

يوسف و هو يخرج لسانه له : لو مش عاجبك طلقني .

و ذهب يوسف من أمامه و عمر خلفه يضحك 

ذهب عمر الي غرفته و قام بتغير ملابسه و هو 

يفكر بتلك المجنونه التي شغلته و شغلت عقله 

في الصباح علي طاولة الفطار 

عمر : صباح الخير يا ماما، صباح الخير يا بابا 

سلمي و أسر في وقت واحد : صباح النور يا حبيبي 

جلس عمر علي الكرسي ليأتي يوسف من خلفه و يضربه علي قفاه، عمر : اه يا ابن ال ….

و نهض ليمسك به و يجري خلفه، كان سلمي و أسر يضحكان علي تصرفاتهم الطفوليه و لكن عمر توقف فجأة مرة أخرى ليأخذ نفسه 

امسكه يوسف و اجلسه علي الكرسي : اما انت مش قد اللعب بتلعب ليه ؟

سلمي بتوتر : عمر انت كويس يا حبيبي 

عمر : اه كويس الحمد لله،.  انت حسابك معايا بعدين، اموت و اعرف ازاى ظابط و بيتعامل مع مجرمين و عبيط كده ..

غضب يوسف و نهض من علي الطعام : طيب يا اخويا اديني رايح الشغل اهو اشوف المجرمين، انا ماشي سلام يا ماما سلام يا بابا 

عمر باستفزاز : سلام يا بيبي 

ضحك سلمي و أسر عليهم و نهض عمر أيضا ليذهب الي عمله : و بالنسبه لي كده انا كمان هروح الشغل و هسيبكم سوا بقا هااا، و غمز لهم و ذهب ضاحكا 

سلمي : شوف الواد بيقول ايه ؟

ضحك أسر قائلا : يلا احسن أن هو هيمشي خلينا نقعد براحتنا 

…………….

عند عشق، استيقظت عشق و هي تشعر بألم في رأسها لتفتح عينها و تصدم ممن تقف علي رأسها، عشق : ايه يا ورد في ايه خضتيني 

ورد و هى تجلس أمامها : خضيتك، و اللي انتي بتعمليه ده عادي 

عشق باستغراب : بعمل ايه مش فاهمه 

ورد : يا بنتي انتي هتجنيني انتي كنتي فين بليل لحد الساعه ٣ الفجر انا شوفتك و انا صاحيه اروح اصلي و انتي بتتسحبي 

عشق باستغراب : اتسحب اروح فين انتي بتقولي ايه انا مش فاهمه حاجه ؟

ورد : عشق انتي اكيد بتهزري انا شوفتك بليل راجعه متاخر 

عشق : وانا بقولك انا معرفش انتي بتقولي ايه انا كنت نايمه ، انتى يمكن بتتوهمي و لا حاجه من الصحيان بليل لوحدك 

ورد باستغراب : يمكن 

عشق : طيب بقولك ايه يا حبيبتى انتى دلوقتى رايحه الشغل، صح ؟

ورد : ايوة 

عشق : طيب انا عايزاكي تاخديني معاكي و انتي رايحه توصليني الجامعه 

ورد : اتفضلي يا هانم قدامي، خمس دقائق تكوني جاهزة، عارفه خمس دقائق و ثانيه هيكون في كلام مش هيعجبك 

قبلتها عشق من جبينها و ذهبت مسرعه لترتدي الثياب 

في الجامعه عند عشق 

قابلت عشق أحد زملائها محمود : صباح الخير يا عشق ..

ابتسمت عشق : صباح النور يا محمود 

محمود : ايه الحاج مش ناوي يحن علشان و يوافق يقابلني بقا 

عشق : ليه هتقابله ؟

محمود : علشان نتجوز طبعاً….

عشق بتلعثم و خضه : ايييه ….لييييه،،، قصصصدي ليييه يعني ايوة ليه ؟

محمود و هو يضحك علي شكلها و طريقتها : بس بس يا بنتي فيه ايه كل ده ؟! 

انا كنت بهزر علي فكرة 

انا عارف انك مستحيل توافقي و انا فاهم السبب خلاص 

عشق و قد أخذت نفسها بهدوء : خضيتني و الله حرام عليك …

محمود بألم : للدرجه دي ….

عشق و قد لاحظت نبرة الألم في حديثه : طب …. انا همشي الحق المحاضرة بقا …باااي 

و قد شعر محمود في حينها أنها تفر من أمامه ركضا …

انا عند عشق فهي قد بدأت تشعر بألم موجع في جميع أنحاء جسدها و عظامها

عشق : لا لا لا لا مش هنا مش هينفع لا، الحل ده مش نافع و مش حلو لا ….

و ركضت عشق في لحظتها الي خارج الجامعه بسرعه ….

و في وسط كل ذلك قد رأها أحد ما قد تابع الموقف بابتسامه شر …..