Uncategorized

رواية أمير الرجال الفصل السادس عشر 16 بقلم مروة عبدالجواد

   رواية أمير الرجال الفصل السادس عشر 16 بقلم مروة عبدالجواد

رواية أمير الرجال الفصل السادس عشر 16 بقلم مروة عبدالجواد

رواية أمير الرجال الفصل السادس عشر 16 بقلم مروة عبدالجواد

مي : بدموع ،ساره كانت نازله الكوافير وهو قابلها علشان يوصلها ركبت معاه وشربها عصير يظهر كان حاطط فيه منوم لانها قالتلي محستش بنفسها الا في شقه اول مره تشوفها وحصل اللي حصل
امير : يعقد حاجبيه وحياه امي لادفنه حي ، قومي هاتي ساره وتعالوا معايا ، لحد مااعمل تليفون.
مي : نيجي معاك فين .
امير : هوديكو شقه غير دي تبقوا تحت عيني ولا عايزاني اسيبكوا للكلب دا .
مي: تهز راسها حاضر.
امير يمسك هاتفه ويكلم عمرو وصل ماما وتعالالي حالا علي العنوان اللي هبعتهولك ،ويغلق الهاتف .
مي في الغرفه مع ساره ،
ساره :تبكي انا مش رايحه مع حد.
مي : ليه ياساره ، احنا مبقلناش حد هنا.
ساره :  تبكي امير لازم يبعد عني ، انا مبقتش انفعه ولا انفع غيره.
امير : يفتح الباب عليهما ويدخل ويحتضن ساره بقوه  ، هوووس مش عايز اسمع ولا كلمه ، ثم ينظر لهاانا جمبك فاهمه يعني جمبك ، انا ضهرك وسندك ومستحيل اتخلي عنك او اسيبك 
ساره : تنظر له  بضعف  وتنهار بالبكاء5
امير :انا مش هسيبك مهما حصل افهمي كده ، ينظر لها هاتي اللي لازمك وانا مستيكي بره.  ، اجهزي يلا ، ثم ينظر لمي ساعديها يامي ،  ويخرج في الصاله7
###########
فجرا في شقه دوبلكس كبيره علي النيل ، يدخل امير وساره وسائق امير حامل شنطه ملابس.
امير : تعالي ياساره ، تعالي يامي ، البيت دا بيتكوا ادخلوا ارتاحوا وخدوا راحتكو فيه
ساره : تنظر ل امير سيبنا ياامير ،ومتشغلش نفسك بينا .
امير : يقرب من ساره ، يظهر انك لسه مش متاكده من حبي ليكي
ساره : تنظر للارض
امير : يرفع راس ساره بيده ، انا بحبك اووي ومهما حصل انا جمبك  .
هسيبكوا ترتاحوا الكام ساعه ديه وهاجي بكره الصبح ،وفي واحد واقف علي باب الشقه بره ، علشان متقلقوش من حاجه .
مي : مش عارفين نشكرك ازاي ياامير.
امير : بلاش الكلام دا يامي
##############
في فيلا جمال الصباغ في الليفنج
جمال : يضحك الجوازه باظت.
شروق : بجد ايه اللي حصل.
جمال : يوم كتب الكتاب ام البت ماتت .
شروق : تضحك ، شكلها مكنتش مسدقه نفسها ماتت من الفرحه .
جمال : خليه يشرب.
شروق : لكن كدا ممكن برضوا يتجوزوا، بعد فتره.
جمال :هو انا هسيبه ، وبعدين لما يبقي يجي وقتها نبقي نشوفلها حل.4
################
في مكتب وائل الليثي
وائل : يضحك وهو لسه شاف حاجه علشان قبل مايلعب معايا يعرف هو بلعب مع مين.
هيثم :لكن كدا مش هيسكت.
وائل : يورينا هيعمل ايه
هيثم : لعيييب..  لعيييييب3
###########
في الشقه التي بها ساره
امير يجلس مع ساره في الليفنج
امير : عايزه اعرف ايه اللي حصل اليوم دا بالظبط.
ساره : تبكي
امير : ارجوكي ساعديني ياساره.
ساره : امير انا عايزه ارجع بيتنا.
امير : مفيش رجوع ، انتي بيتك هنا ، الشقه دي كنت واخدها علشان نتجوز فيها لحد مااشتري فيلا علي تصميمي.
ساره : وادينا متحوزناش ولا هنتجوز خلاص.
امير : اوعي اسمعك تقولي كده ، انا وعدتك قبل كده اني مش هسيبك ولا اتخلي عنك
ساره : وانا بحلك من اي اتفاق.
امير : مش بمزاجك دي حياتنا سوا ، انتي حببتي وكل حاجه حلوه في حياتي
ساره : انت عايز ايه دلوقتي.
امير : افتكري اي حاجه العنوان ، رقم العربيه ، المنطقه.
ساره : تبكي بشده مش فاكره ، مش فاكره ومش عايزه افتكر.
امير : خلاص اهدي  .
ساره : انا هدخل انام شويه تعبانه اوي.
امير : تمام ، وانا همشي وهاجيلك تاني اطمن عليكي.
ساره : تركته وذهبت الي غرفتها.
وقد اتت مي
مي : تنادي علي امير ، انا كنت سمعاك وانت بتكلم ساره، ليه بتضغط عليها بالشكل دا.
امير : انا تعبان يامي ومش قادر ابقي متكتف بالشكل دا كده ومش عارف اعمل حاجه لساره ، عايز امسك الحيوان دا علشان اموته باايدي ، بدور عليه لحد دلوقتي مظهرش ومفيش ليه اي اثر ، حاسس اني عاجز ومش قادر اعملها حاجه ، وهي مش راضيه تساعدني بااي معلومه.3
مي : انا لحد دلوقتي مش عارفه ايمن عمل كدا ازاي ، دا متربي معانا ، امير ان كنت تعبان علشان حاس بالعجز ناحيه ساره فساره مكسوره من اللي حصلها مفيش بنت تستحمل اللي حصل ليها ومن مين من اقرب الناس لينا ، ياريت متضغطش عليها اكتر من كده .
امير : حاضر يامي.
مي : انا هحاول اتكلم معاها يمكن اطلع منها بااي معلومه.
امير : خلي بالك منها ومتغبش عن عينك لحظه.
مي : اكيد دي اختي.
امير : همشي دلوقتي وهاجي تاني تكون ساره ارتاحت  .
ثم يذهب امير.
يرن جرس هاتف ساره ،فتدخل البراندا
مي  : الو
صوت نادر : اذيك يامي.
مي : الحمدلله.
صوت نادر : البقاء لله ،انا عرفت من هدي صحبتك اللي حصل.
مي : الدوام لله
صوت نادر : انا جتلك البيت علشان اعزيكي لكن لقيت البيت مقفول ، وانتي مبترديش علي الموبايل.
مي : اه احنا عند قرايبنا هنا ، مكنتش قادره ارد علي حد .
صوت نادر : مش محتاجه اي حاجه اجبهالك او اعملهالك
مي : شكرا يانادر ، انا هقفل علشان تعبانه ومش قادره اتكلم.
صوت نادر : ماشي ، خلي بالك من نفسك وابقي طمنيني عليكي
مي : ان شاء الله ، سلام ، وتغلق السماعه.
ثم تدخل كي ترتاح في غرفتها
###########
في فيلا امير ابو الدهب ، تحديدا في الحديقه.
امير يتمشي في حديقه الفيلا ومعه عمرو صديقه ومدير اعماله.
امير : بصوت مرتفع ، ازاي ياعمرو مش لاقيه
عمرو : مظهرش لا في بيته ولا في الورشه ولا المنطقه كلها.
امير : دوروا عليه في كل مكان قرايبه ، صحابه متسبوش مكان غير غير ماتجبولي الحيوان دا
عمرو  : الرجاله مش مقصره ياامير ، دا حتي صحابه
ميعرفوش مكانه ومبردش عليهم في التليفون.
امير : انا مليش دعوه بكل الكلام دا ، الكلب دا لازم يتجاب ، اومال الرجاله دي بتاخد فلوس علي ايه،  غيرهم وهات رجاله تعرف تتحرك.
عمرو : اهدي حاضر ، هعملك كل اللي انت عايزه .
يااتي احمد ونور
احمد : اذيك ياعمرو .
عمرو : الحمد لله ياباشا، اذيك ياطنط.
نور : الحمدلله  ،اذيك انت
عمرو : بخير الحمدلله.
امير : روح انت ياعمرو اعمل اللي قلتلك عليه، ولو في جديد كلمني.
عمرو : حاضر ، عن اذنك يااحمد باشا ، هستاذن ياطنط.
ااحمد  : اتفضل .
ويبدا عمرو بالانصراف
امير : انا هطلع ارتاح فوق شويه
احمد : وبعدين ياامير.
امير: في  ايه يابابا.
احمد : بقالك كام يوم سايب الشغل ومبترحش .
امير : معلشي يابابا تعبان شويا.
نور : سيبه علي راحته يااحمد.
احمد : مكنتش جوازه باظت دي ، شغل ومبترحش وطول النهار بره البيت ومنعرفش عنك حاجه ، في ايه ، فهمني .
امير : في ان حياتي بتضييع ، عمري كله بيروح قدام مني وبتسرق ،  وانا مش عارف اعمل حاجه ، في ان  امير احمد
ابو الدهب بكل جبروته وسلطته وماله معرفش يحافظ علي الانسانه الوحيده اللي حبها ، عرفت في ايه يابابا.2
نور : هدي نفسك ياامير بكره تفرح ياحبيبي بعروستك كلها مسالت وقت .
احمد : ليه دا كله ، امها ماتت والجوازه اتاخرت شويه ، محصلش حاجه يعني .
امير : افرح …..  انا مستهلش افرح.  وتركهم ويمشي .3
احمد : انتي فاهمه حاجه.
نور : لا ، انا مش عارفه ماله ، اتصل علي عمرو يفهمنا في ايه.
احمد : عمرو، عمرو دا يطلع سره وميطلعش سر امير ، مستحيل يقولي في ايه .
نور : وهنسيبه كده .
احمد : مش عارف.1
############
في النادي تجلس نيللي ولارا.
لارا : وشك ولا القمر.
نيللي: هههههه ليه انتي كنتي شيفاني وحشه.
لارا : لا بس غريبه ، اخر مره كنتي حزينه وزعلانه ، ومبطلتيش عياط علشان امير ، دا انا خفت عليكي لتعملي حاجه في نفسك.
نيللي : امير ساب البنت اللي كان هيتجوزها
لارا : بااستغراب ، لا متقوليش ، ازاي .1
نيللي: مش مهم ازاي ، المهم انه سابها.
لارا : مين قالك هو.
نيللي : وائل الليثي .
لارا : وائل ، وتشاهد وائل امامها .
وائل : اذيك يالارا ، اذيك يانيللي.
نيللي : تمااام اوي .
لارا : الحمدلله ، تنظر لنيلي ، انا مش فاهمه حاجه .
نيللي : ل لارا عايزه تفهمي ايه.
لارا : ايه دخل جوازه امير بوائل وازاي ساب خطيبته .
وائل :  ل لارا الاحسن متفهميش ، علشان متتعبيش تفكيرك
نيللي : ل لارا اما يتم اللي في دماغي هفهمك علي كل حاجه
لارا : يعني وائل هو اللي يعرف وانا معرفش يانيللي
وائل : ل لارا ،اه ، عندك مانع.
لارا : بقي كده انا ماشيه يانيللي ، وتبدا بالوقوف
نيللي : استني ، خليكي شويا.
لارا : استنه علشان اتهان ، سلام.
نيللي : ليه كده ياوائل
وائل : احسن ، البت دي رخمه وبعدين صاحبه امير.
نيللي : بس صاحبتي انا كمان .
وائل : سيبك منها ، عايزين نتفق علي الخطوه الجايه .
نيللي : ايه .
وائل : انا كده عملت اللي عليا ، وكل حاجه مترتبلها ، اهم حاجه دورك انتي.
نيللي : تمام .2
############
في شقه النيل التي بها بها ساره ومي
تصحو مي من نومها  ، ماما وحشتني اوي محتجالك اوي ياماما ، وساره كمان محتجالك ، مش فاهمه ليه حصل كل ده لينا ، وتاخذ نفس عميق لما اقوم ساره مكلتش حاجه من امبارح.
وتذهب الي المطبخ وتفتح التلاجه ، امير مش ناسي الاكل وجايب كل حاجه حتي الفاكهه والعصير ، وتبدا بتجهيز الاكل
تخرج العيش وتضعه علي الرخامه وتخرج ايضا طبقين فويل بهما ارز وكفته وتضعهم في الميكرويف وتخرج علب الصلطه والطحينه  وقزازه ميه وتضعهم علي الرخامه
اروح بقي اصحي ساره حببتي تلاقيها ميته من الجوع.
تذهب مي الي غرفه ساره تفتح الباب فلم تجد ساره ، ثم تذهب الي باقي الغرف لم تجدها ايضا ، تفتخ باب الحمام وتذهب الي البراندا ،لم تجد ساره ،بدات تنادي بصوت عالي ساره .. ساره…  انتي فين وتجري يمينا ويسارا … ساره راحت فين  ياسااره وتجري تفتح باب الشقه ، تجد الحارس يجلس علي الكرسي نائم ،
مي : انت …. انت
الحارس : يفتح عينه نعم اؤمري .
مي : مشفتش ساره ، خد خرج من الشقه هنا او دخل هنا
الحارس : لا مفيش حد 
مي : ماانت نايم هتشوف ازاي اصلا ، وتدخل جري علي الريسبشن وتمسك هاتفها وتتصل علي امير ،
امير :  الو
مي : امير الحقني مش لاقيه ساره.
امير : انتي بتقولي ايه ، ازاي .
مي : دورت عليها في الشقه كلها مش لقياها وتلفونها هنا .
امير : دوري كويس واسالي خالد اللي بره الشقه.
مي : دورت ملهاش اي اثر ، وخالد لقيته نايم وقال مشفهاش.
امير : نايم ، الله يخربيوتكو ، انا جاي ويغلق الهاتف ،  ماانا شغال معايا شويه بقر.2
يلبس امير ملابسه وينزل مسرعا .
احمد والده ونور في الليفنج
احمد : انت رايح الشركه .
نور : في ايه ياامير.
لم يرد امير علي احد وتركهم وركب سيارته مسرعا.
#######
في فيلا حمال الصباغ
شروق : صباح الخير ياقلبي.
نيللي : صباح الورد ياماما.
شروق : ايوه كده عيزاكي تنوري كده علشان اما امير يجيلك يلاقيكي منوره
نيللي : هههههههه  يجيلي.
شروق : طبعا ، خلاص كده الجو هيروق  البت منال اللي شغاله عند نور ، بتقولي البيت متكهرب وامير تايهه لا بروح شركه ولا غيروا
نيللي : ودي فيها ايه عادي..
شروق : لا مش عادي معني كده ان حاله اتبدل من الحب والغرام للنكد والزعل ، وابوكي قالي خلاص كده البت طارت من ايديه  يعني الجو فضي ليكي انتي وبس .
نيللي : يستاهل ،لازم يجي راكع علشان يعرف مين نيللي الصباغ
يتبع…..
لقراءة الفصل السابع عشر : اضغط هنا
لقراءة باقي فصول الرواية : اضغط هنا

اترك رد