رواية عشق المراد 2 الفصل السادس عشر 16 بقلم فاطمة جودة

قبل فرح عاصم وعهد  بيوم 

عاصم .. بابا انت مظبط كل حاجه والا احنا اللي هنلبس بكره 

عز .. عيب هبهرك بكره زي ما انت طلبت بالظبط 

عاصم .. ربنا يستر عايز عهد  تبقي مبسوطه 

عز .. عاصم هو انت مش حاسس مشاعر ناحية عهد 

عاصم .. بص يا زيزو لو قولت اني حبيتها هبقي بكدب لسه إعجاب وارجوك متضغطش عليا انا وهي بقينا صحاب 

عز بخبث .. وسهر 

عاصم .. سهر .. سهر مين 

عز .. سهر يا عاصم بتاعت البار 

عاصم .. تصدق بالله انا نسيتها 

عز .. امم كويس اطلع شوف عهد لو محتاجه حاجه 

عاصم .. حاضر 

ليان .. بابا انا وميرا هنروح لكارمن عشان هنعمل حاجات هناك 

عز .. وعهد 

ليان .. احنا سألنها قالت هتخلص حاجات هنا وتيجي مع ماما بالليل 

عز .. ماشي وصلهم يا ادم 

ادم بص لميرا .. حاضر يا زيزو 

عز .. اي حكاية زيزو دي 

ليليان ..بتقول حاجه يا حبيبي 

عز .. لا يا حبيبتي 

ادم بضحك.. يعجبني فيك انك ثابت علي موقفك 

عز .. امشي يلا 

ادم خد ميرا وليان (في العربيه ) 

ادم .. اقعدي يا حبيبتي ورا 

ليان .. اووووف دا انت بارد 

ميرا .. متزعليش هقعد انا ورا 

ليان .. لا عشان لما احب هربيكو كلكو يا كلاب 

ادم .. ماشي لما تحبي 

ليان وميرا ضحكو 

ليان .. هتعملو خطوبه صح 

ادم .. نعمل مع أن خلاص الكل عارف اني بحبها وفتره وهنتجوز 

ليان .. عشان الشبكه ونعمل حفله وكده 

ادم .. حاضر 

ميرا .. شغل اغاني 

ليان بتوهوان .. شغل وياه الحياه هتحلي وانا معاه 

ميرا ضحكت بصوت عالي

ادم لف ل ليان .. نعم ما تتعدلي 

ليان .. ها بهزر يا ادم الله 

ادم مسك ايد ميرا وساق وليان حطت ايديها علي أيديهم وبصتلهم وهي بتضحك 

ادم .. استغفر الله العظيم 

ميرا .. ما تسيبها يا ادم 

ليان .. في اي يا ادم اعتبرني مش موجوده خد راحتك 

ادم .. راحتي اي انا ماسك ايديها وانتي حاطه ايدك علي أيدينا 

ليان بضحك .. اوعي تكون ايدي مضيقاك 

ميرا كانت بتضحك 

ادم .. يااااارب الصبر من عندك شيلي ايديك 

ليان .. اتحايل عليا 

ميرا وهي بتضحك  .. خلاص يا ليان عشان يعرف يسوق 

ليان .. كتك نيله انتي وهو 

وصلو بيت كارمن 

ادم .. خلي بالكو من نفسكو 

ليان .. كملو محن وانا طالعه ولما تخلصي محن اطلعي 

ميرا .. حاضر 

ادم .. مالك زعلتي منها 

ميرا .. تؤتؤ مقدرش ازعل منها 

ادم .. بحبك 

ميرا .. وانا كمان 

ادم .. حبيبتي لما اقولك بحبك تقوليلي وانا كمان بحبك 

ميرا .. امم بحبك يا ادم 

ادم .. هو انا لي بتوه في عينيكي 

ميرا بصت لادم بحب .. يمكن عشان مش بيشوفو غيرك 

ادم .. لا اي الكلام الكبير ده 

*****

Fatma goda

حازم .. اهلا يا ليان اتفضلي 

ليان .. عامل اي 

حازم ابتسم .. الحمدلله اومال ميرا فين 

ليان .. بتحب هي وادم تحت 

حازم .. طب وانتي مش هتحبي 

ليان .. والله يا ابني زهقت 

حازم .. علي فكره انا الدكتور اللي هيدرسلك السنادي 

ليان .. احلف 

حازم .. بس انا في الجامعه مبهزرش 

ليان .. أمم فهمت عمتا انا مش هكلمك هناك فين كارمن 

حازم مسك ايديها .. زعلتي 

ليان .. لا عادي براحتك 

حازم .. متزعليش مش قصدي والله 

ليان .. حازم انا مزعلتش هزعل لي دا شغلك وانا مجرد قريبتك 

حازم .. ل

قاطعه صوت مراد .. اهلا ليان 

ليان جريت عليه  .. حبيبي يا اونكل انت فين 

مراد .. وحشتيني والله 

ليان .. انا اتحب اصلا 

داليدا .. ليان حبيبتي جت 

ليان .. ديدا وحشتيني بس اي الحلاوه دي 

داليدا .. احلفي 

ليان .. قمر طبعا 

داليدا .. انتي قلبي تعالي نعمل حاجه نشربها عقبال ما كارمن تصحي ميرا فين 

ليان .. مع آدم تحت وطالعه 

*****

حور .. قوم يا ابني وصلني عند كارمن 

زين .. يوسف هيجيلك 

حور .. يوسف قرة عيني ماشي 

زين حدفها بالمخده .. يا حيوانه انا هنا 

حور طلعت لسانها .. ملكش فيه بابا عارف 

زين .. امشي عشان هقوم اجيبك من شعرك 

حور .. لا وعلي اي باي يا بيبي 

زين ضحك علي هبل أخته 

يوسف رن علي حور 

حور .. جيت والا لسه 

يوسف .. انا تحت 

حور .. حاضر ثانيه 

حور نزلت 

يوسف .. وحشتيني 

حور .. وانت اكتر 

ركبو العربيه 

حور .. تعرف لما معتز كان بيقولي وحشتيني أو بحبك والجو دا كنت بقوله بطل محن الكلاب دا 

يوسف اضايق ومتكلمش 

حور .. يوسف .. يوسف مش بترد لي 

يوسف .. 

حور .. وقف العربيه وقف عشان اقسم بالله انا مجنونه بنت مجانين وهنط منها 

يوسف وقف .. عايزه اي 

حور .. زعلت لي 

يوسف .. انتي المفروض معايا انا متجبيش سيرة معتز خالص 

حور .. خلاص انا كنت بقولك حاجه مش قصدي 

يوسف .. اسوق بقي 

حور .. بصلي مش قصدي والله 

يوسف .. حور انتي هبله تبقي مع واحد وتتكلمي معاه علي حبيبك الاول دي بتجرح 

حور .. ماشي يا يوسف عدي علي هيدي عشان نجيبها 

يوسف ساق وهو ساكت 

حور .. خلاص مكنش قصدي 

يوسف .. ماخلاص يا حور متعصبنيش اكتر من كدا 

حور عيطت .. ملكش كلام معايا انا مخصماك 

يوسف ضحك .. بتعيطي بطريقه اطفال 

حور ضربته في كتفه 

يوسف .. ااااه 

حور .. احسن 

يوسف .. وجعتني علي فكره 

حور .. عادي 

يوسف وقف العربيه لتاني مره وحضنها 

حور .. انت رزل 

يوسف .. خلاص انتي اللي نرفزتيني 

حور تبتت في حضنه .. يوسف بجد انا بخاف لما حد يزعقلي 

يوسف طبطب عليها .. خلاص مكنش قصدي 

ظابط .. الله الله انزلي انت وهي 

يوسف .. لي 

الظابط .. فعل فاضح في الطريق العام انزل يا حيلتها انت وهي 

يوسف .. اه قولتلي وضربه بالبونيه في وشه 

حور .. يوسف لا والنبي 

يوسف .. الظابط يوسف ادهم امن دوله ودي مراتي 

الظابط بوجع .. انا اسف يا فندم 

يوسف .. اسمك لاني هبسطك اوي علي اللي قولته 

حور .. خلاص يا يوسف معلش

الظابط .. خلاص يا فندم انا اسف 

يوسف ركب العربيه ومشي 

******

كارمن .. اهلا انتو جيتو امته 

ليان وميرا .. من ساعه 

كارمن .. اومال عهد فين 

ميرا .. بتخلص حاجات كتير هناك وهتيجي بليل مع لي لي 

كارمن .. ماشي حور وهيدي فين 

ميرا .. زمانهم جايين 

كارمن .. طيب هعمل مكالمه بسرعه عقبال أما يجو 

ميرا .. ماشي 

******

Fatma goda 

*****

وليد بزعيق .. انتي يا زفته انا بكلمك من بدري 

كارمن .. بس بس بتزعق لي 

وليد .. اتصلت بيكي اكتر من 100 مره ومردتيش 

كارمن .. وليد متزعقش التليفون كان سيلنت 

وليد .. ماشي اقفلي عشان مش طايقك 

كارمن .. ماشي يا وليد .. انت اللي حبيت تكبر الموضوع سلام 

******

Fatma goda 

حور .. انا اسفه 

يوسف حاوطها بإيد والايد التانيه بيسوق بيها .. بتتأسفي لي 

حور .. عشان انا السبب 

يوسف ضحك .. لي هو انتي اللي حضنتيني والا انا اللي حضنتك 

حور .. ماشي 

يوسف .. هبقي اقولك علي حاجه بعدين 

حور .. قول دلوقتي 

يوسف .. بكره بعد الفرح 

حور بدلع .. يوسف 

يوسف .. متحاوليش بعد الفرح هقولك 

حور .. انت بارد 

هيدي ركبت .. اي بتحبو في بعض 

يوسف .. اه 

هيدي .. بتهزر .. بجد يا حور 

حور .. ايوه والله وهنعمل الخطوبه كمان اسبوع لما الباشا يتقدم رسمي 

هيدي .. لولولولولولولي يا الف مبروك اخيرا .. بس لا مؤاخذه انت مكلبش فيها لي كده 

يوسف .. هيدي اقعدي واعملي نفسك مش شايفه 

هيدي .. اين انتم انا لا آراكم ؟؟؟ 

يوسف .. برافو استمري على كده 

*******

وصلو عند كارمن وكانو بيعملو تجيزاتهم للفرح 

*******

               “في بيت عز “

عاصم .. بتعملي اي 

عهد .. كنت بشوف الهدوم اللي لي لي جابتهالي 

عاصم .. صحيح اتفضلي 

طلع علبه من جيبو وفيها خاتم ألماظ 

عهد .. لمين دا 

عاصم .. لأمي .. ليكي طبعا انا بصراحه مش بفهم في حاجات البنات دي بس دا عجبني 

عهد .. ايوه بس دا غالي جدا وانا مش هقبل هديه زي دي 

عاصم .. عهد انا مجبتلكيش شبكه دا عقبال أما اجبهالك عشان لسه بتتعمل 

عهد بحرج .. عاصم انت عارف علاقتنا ماشيه ازي واظن أن في احتمال كبير نطلق لو الخطر اتشال من عليا 

عاصم بضيق .. ممكن من فضلك تخدي الخاتم وتسكتي انا بجبرك دا هديه مني بما انك صحبتي 

عهد من فرحتها حضنته .. شكرا يا عاصم 

عاصم ضمها ليه وهمس .. انا جوزك مفيش شكر بينا 

عهد خدت بالها من اللي عملته وبعدت .. اسفه من فرحتي 

عاصم ابتسم 

******

حازم بيكلم يوسف 

يوسف .. مال صوتك 

حازم .. انت فاضي صح 

يوسف .. اه انا جمب بيتك 

حازم .. تعالي نقعد عندي عشان عايزك

يوسف .. مش البنات عندكم 

حازم .. هنقعد في اوضتي 

يوسف .. ماشي 

******

في بيت ادهم 

فريده .. ادهم 

ادهم .. نعم 

فريده .. انت مبقتش تحبني 

ادهم حضنها .. نعم دا انا مفيش في حياتي غير فيري وحب فيري وعيون فيري 

فريده .. يا ابني بتثبتني بسرعه لي 

ادهم ضحك علي فريده اللي كل يوم لازم تتأكد أن ادهم لسه بيحبها 

******

Fatma goda 

داليدا .. حبيبي تعالي اومال فريده فين 

يوسف .. في البيت انا جاي لحازم 

داليدا .. خش يا حبيبي 

يوسف دخل .. ازيك يا اونكل 

مراد .. ازيك يا حبيبي اومال ادهم وفريده فين 

يوسف .. في البيت 

حازم .. تعالي يا عم 

دخلو الأوضه 

يوسف .. في اي 

حازم .. من الاخر يعني 

يوسف .. ما تتكلم يلا انت جايبني تشليني

حازم .. انا معجب ب ليان 

يوسف ضحك .. معجب والا بتحبها 

حازم بإستهبال .. هو في فرق 

يوسف .. حازم متعملش الملاك البرئ يا حبيبي انت صايع قديم 

حازم .. زمان والله بس مش عارف شعوري ناحيتها 

يوسف .. انت عايز اي دلوقت 

حازم .. انت قولت لحور انك بتحبها 

يوسف .. اه لي 

حازم .. طب انا عكيت مع ليان وقولتلها أني اللي هدرسلهم في الجامعه السنادي وقولتلها انا مبهزرش في الجامعه هي فهمت اني مش عايزها تتكلم معايا ومش عارف اعمل اي 

يوسف .. حد يقول كده مهي اكيد في الجامعه كانت هتعمل حدود بص ممكن تعترفلها بكره في الفرح بس تقولها علي جمب لأن محدش هيبقي مركز مع حد 

حازم .. ماشي 

******

اليوم مر وليليان وعهد راحو بليل عند كارمن واليوم كان لطيف 

في صباح يوم جديد 

عاصم صحي .. مالك 

عهد عيطت .. خايفه ومتوتره وكان نفسي ماما تكون معايا 

عاصم .. اهدي بس اليوم عادي جدا بس المختلف انك المفروض تفرحي 

عهد .. افرح ! افرح مع حد مفيش بيني وبينه اي مشاعر غير صداقه علاقتنا ميته يا عاصم 

عاصم زعل .. عهد انا مش عايز اي نكد من فضلك احنا بنحاول مع بعض مش يمكن في امل وبعدين مهو بسبب اهلك انا في ايدي اي اعمله انا اول مره اتجبر علي حاجه وفي حاجات كتير بطلتها عشانك عشان انتي رفضتي وقولتي احترم كرامتي احترميني انا بقي لو ينفع احنا صحاب صحاب صحاب ياريت مش كل يوم تقوليلي احنا صحاب بس يا عاصم هو انتي شوفتي مني اي انا قربت منك لو علي اني حضنتك ف انا اسف كنت عايز ارمي حمل من علي قلبي وافتكرتك ممكن تقدري 

عهد عيطت .. انا اسفه قدر موقفي 

عاصم مسك ايديها .. والله انا محترم أن إحنا صحاب وانا راجل مش عيل ياريت انتي اللي تقدري انا بقولك افرحي وانبسطي اعتبريه مسلسل وهيخلص 

عهد ابتسمت .. ماشي متزعلش 

في الفرح 

الكل موجود ومبهور من القاعه والديكور وكل حاجه والزفه الأولي كانت بره القاعه  عاصم وعهد دخلو في زفه ملكيه وكانو زي القمر الاتنين اجمل من بعض راكبين عربيه زي المماليك بس كانت شيك جدا ومفتوحه وهما واقفين 

ليليان .. انت عملت دا كلو امته 

عز .. دا ابني يا لي لي لو معملتش كده مين اللي هيعمل وبعدين عاصم اصلا اللي متفق علي كل حاجه انا يعتبر معملتش حاجه

عهد همست .. عاصم انا فرحانه اوي 

عاصم .. شكلك حلو اوي شبه الملايكه انتي ملاك ؟

عهد ضحكت 

والزفه كانت حلوه جدا وفي ناس بتضرب نار في السما وفي صواريخ حوالين العربيه والعربيه في أجزاء منها بتعمل شراره 

الزفه خلصت ودخلو القاعه 

وكلهم بيرقصو ومبسوطين 

ادم .. اهدي شويه 

ميرا .. في اي الكل بيرقص 

ادم .. يخربيت حلاوتك 

*****

Fatma goda

حازم شد ليان وخرجو برا القاعه 

ليان .. في اي 

حازم .. عايز اقولك حاجه 

ليان .. دا وقته 

حازم .. ممكن نبطل استعباط 

ليان .. بمعني 

حازم .. بمعني نبطل استهبال 

ليان ضحكت .. بمعني 

حازم .. بمعني اني بحبك 

ليان ضحكت .. وانا كمان 

حازم .. بجد 

ليان .. امم 

حازم شالها وفضل يلف بيها 

ليان .. انت مجنون الفستان تقيل عليك 

حازم .. متخافيش 

ليان مسكت رقبته 

حازم نزلها .. تعالي نخش جوا 

حور .. يوسف قول بقي كنت هتقول اي امبارح 

يوسف .. هاجي اتقدملك بكره 

حور بفرحه .. احلف 

يوسف .. والله العظيم 

حور .. بحبك اوي 

*****

عاصم .. مبسوطه 

عهد .. مبسوطه جدا اونكل زوقه تحفه 

عاصم .. علي فكره انا جيت امبارح وظبطت كل الحاجات دي 

عهد .. تحفه اوي انا متشكره جدا فرحتني اوي 

عاصم .. مفيش شكر بينا 

اليوم مر بتفاصيله والكل فرحان وعاصم وعهد فرحتهم اكبر صحيح محبوش بعض بس كانو فرحانين جدا والكل مبسوط 

يتبع…..