رواية حبك نار الفصل الخامس عشر 15 بقلم أسماء أحمد

خرجت من حضن عاصم ببرود وملامح باهته

^ حبيبة جدو تعالي في حضني 

قالها جدي وفتح ذراعة ليه بس انا بصيت عليه بلا مبالاة ودخلت في حضنه ما حستش بالأمان إلى محتجاه بعد عنه وقربت من فارس المص*اب 

* هتكون كويس متقلقش قولتها بحب وحطيت ايدي علي شعره برقة تحت نظرات عاصم الغير*انه إلى قرب مني وشدني بعيد عنه واتكلم من بين سنانه

_ ايه إلى بتهببيه ده 

ز*ميت شف*تي بلا مبالاه ورجعت ابص على فارس 

_ حمد الله على السلامة قالها عاصم وشد ايدي علشان نمشي بس انا فلت منه وقولت 

* مش هسيب فارس لوحده يا ابيه انا لازم اكون معاه مسكني ثاني وقال بعصبية 

_ هو في ايه يا مروه ما تتعدلي بقي بصيت عليه ودموعي نزلت اتنهد بحزن وضمني ليه 

* انا اسف مكنش قصدي اتعصب عليكي بس انتي بتتصرفي بغرابه

* هو ساعدني وانض*رب بسببي المفروض افضل معاه لغايه ما يخف اتنهد براحة للحظة خاف من تعلق مروه بفارس ولكن كلامي طمنه شويه فنزل لمستوايا ومسك بايديه الاثنين اكتافي برقة وقال كأنه بيكلم طفلة صغيرة 

_ هو دلوقتي تعبان يا حبيبتى واهله معاه مش هيسيبوه لحظة ولازم تسيبيه يرتاح وبعد كده هاخذك بنفسي تزوريه ايه رأيك حبيبتى وكمان انتي تعبانه ينفع تفضلي كده متب*هدله والناس تشوفك بالشكل ده انتي الاول ارتاحي وغيري لبسك إلى مق*طع ده  واحكيلي كل حاجه وهاخذك تشوفيه ها رأيك ايه مش ده الصح يا حب 

بصيت عليه مقتنعه بكلامه هزيت رأسي بموافقة وحضنته بسعادة ابتسم ليه وشالني بين ايديه فاتكسفت 

* نزلني بليز يا ابيه الناس هتتفرج عليه 

_ هش انتي الأميرة

قالها وانا دفنت راسي في صد*ره

 فتح العربية ودخلني فى الكرسي إلى ورا وسابني لحظة ولقيته جاي ومعاه شخص غريب ركبوا قدام واتحرك بينا هو بيبص بتركيز على الطريق وصاحبه سرحان وانا حاطه رأسي علي الازاز ومغمضه عيني بفتكر فى إلى فات وإلى جاي حاسه اني تايهه مشاعري ملغبطه بصيت قدامي لقيته بيبصلي وغم*ز ليه اتكسفت اول مره يكون واضح بمشاعره بعد عيني بسرعة وتوتر

^ حمد الله على سلامتك قالها صاحبه معاذ  لما وصل قدام شقته  

*الله يسلمك

فتح الباب ونزل من العربية راقبته وهو داخل شكلة وسيم وجسمه طويل ماشي بثبات عاصم بصلي با ابتسامه وقال

_ تعالي اقعدي قدام جنبي يا حب 

قالها بهدوء وانا هزيت راسي بطاعة نزلت وركبت جنبه بص علي عيني بمشاعر فياضه ومسك ايدي وبا*سها 

_ الحمد لله انك بخير وانك في حياتي يا مروه كنت هم*وت لو حصلك حاجه 

بصيت بجمود بس قولت بسرعه

* بعد الشر عليك يا ابيه متقولش كده 

ابتسم ليه بعينيه إلى بتسحرني وقال 

_ بتخافي عليه اووي كده 

* طبعا مش انت إلى مربيني انا مليش غيرك يحبني يا ابيه  قولتها بقسوة  بلع ريقه بغيظ وب*اس ايدي واتحرك بينا للبيت طول الطريق ماسك ايدي وانا ببص عليها مش نفس إلى كنت بحسه الاول كأن حبي ليه قل سحبت ايدي تحت دهشته وبصيت من الشباك 

وصلنا قدام الشقة وقف بالعربية ونزل فتح الباب ليه بمشهد رومانسي ومد ايده ليه اتنهدت بقوة ومديت ايدي ليه شدني براحه ودخلنا الشقة 

_ حمد الله على سلامتك نورتي بيتك  

* الله يسلمك قولتها وسيبت ايده وبصيت حواليا بتوتر

_ اطلعي خذي دش وغيري لبسك علي ما اطلب حاجه ناكلها يله قالها وز*قني براحه لقدام طلعت فوق اوضي بخطوات ضعيفه ومرهقه وحطيت جسمي علي السرير ورفعت عيني للسقف سرحانه وبفكر في شخص واحد هو فارس

قومت للحمام واخذت شاور ولبست هدوم جديدة وشعري مبلول دخل عليه بعد ما استأذن اول ما شافني اتحرك ناحيتي وكأن جنية بتسحبه للمياه 

_ الاكل وصل يله علشان تاكلي وتشربي اللبن قالها وحط الصيينيه علي الطرابيزة وجيه وقف قدامي مد ايده ورايا وسحب الفرشه قال بابتسامه وهو بيقعدني علي الكرسي 

_ تعالي اسرحلك ذي زمان 

وبدء يسرح وأنا منهكة نفسيا وجسديا ما اقدرتش اعترض حتي 

_ ايوه كده يا و*اد يا عاصم عليك تسريحة شعر ولا الكوافير قالها بفخر لنفسه ووقفني قدام المرايه 

_ شوفي كده 

كانت تسريحه جميلة

* حلوه شكرا قولتها ببرود وتعب وقعد على السرير بارهاق تجاهل برودي وقال 

_ يله كلي وأرتاحي شويه

كنت جعانه جدا ماكلتش من فترة كبيرة واكلت بنهم شديد لدرجة اني وقعت علي هدومي وهو بص عليه بحزن وقال 

_ ولاد ال # مكنوش بياكلوكم 

هزيت رأسي بنعم ومستمرة في الاكل نظراته قلبت حزينه وهو بيتخيل قد ايه عانيت بس انا مقدرتش اشوف ده خلصت الاكل واخذ الصينية وقام من مكانه 

_ بالهنا حبيبتى تصبحي على خير قالها وخرج بعد ما قفل النور والباب وراه وحاسس لأول مره ببعدها عنه رغم انها معاه بس روحها تايهه ومشتته في مكان ثاني