Uncategorized

رواية رفقا بالقوارير الفصل الثلاثون 30 بقلم ميادة مأمون

   رواية رفقا بالقوارير الفصل الثلاثون 30 بقلم ميادة مأمون

رواية رفقا بالقوارير الفصل الثلاثون 30 بقلم ميادة مأمون

 رواية رفقا بالقوارير الفصل الثلاثون 30 بقلم ميادة مأمون

ازيك يا وعد عاملة ايه ياحبيبتي
كويسة الحمد لله بس حاسة اني عاملة جريمة
جريمة ايه بعد الشر هو انتي يعني لما تفضلي محبوسة في البيت كده دي مش تبقي جريمة بردو
ايوة يا ندي بس انا بردو مش فاهمة انتي ليه خليتيني اكدب عليه واقوله اني خارجة مع اصحابي ومش معاكي انتي
ندى بمكر الثعالب: يخرب عقلك اوعي تقوليله انتي كدة هتأذيني انا في شغلي 
دانا عامله اذن بنص اليوم عشان خاطرك انتي وقايلله اني رايحة مع ماما للدكتور
طب وهو وافق علطول كده انا عارفة انكم عندكم شغل كتير اوي اليومين دول
لاء ما هو وافق عشان رايح مع العميل الاجنبي يشوفو الموقع انهارده وهيعاينو الانشاءت اللي تمت فيه
اه قولتيلي طب ايه هانعمل ايه بقي دلوقتي
هانعمل حاجات كتير بس الاول نفطر سوي وبعدين نلف بقي براحتنا علي محلات المول كلها 
وفي الاخر بقي هانروح البيوتي سنتر اللي قولتلك عليه
///////////////////////////////////////
لفو كتير علي المحلات واشترت لبس وشوزات وميكب كتير
واشترت لندي كمان اللي كانت كل ما يعجبها حاجه تطلب من وعد تشتريها بحجة انها مش معاها فلوس
و اخيرا راحو علي البيوتي سنتر
وعد ايه رأيك لو تقصي شعرك 
اقص شعري لاء طبعا ده قاسم كان يزعل اوي اصله بيحب شعرى وهو مفرود علي ظهري بصراحة
ندي بغيظ ومين قالك انه مش هايحبه وهو قصير يا عبيطة الرجالة بيحبو التغير 
وبيملو بسرعة فأنتي بقي لو شاطرة ماتخليهوش يمل منك وتغيري ديما في نفسك
انتي شايفة كدة يعني 
طبعا يا بنتي تعالي بس
جلست وعد امام تلك الفتاة العامله دون ان تتحدث
لتتحدث معها ندى بهمس حتي لا تسمعها الاخرى
بصي انا عايزاكي تقصريه علي اد ماتقدري
هتفت الفتاه بأندهاش : ليه خساره دا شعرها حلو اوي دا كفاية لونه وطوله ونعومته
ششششش اسكتي واعملي اللي بقولك عليه 
نظرت الفتاه الي تلك الجالسة ثم الي صاحبة البيوتي سنتر التي اتت من خلفها وهمست في اذناها.
البت دي مش بتحب القمر اللي قاعدة دي سيبيها انتي وانا هاعملها شعرها
حاضر يامدام
وبعد ان ذهبت التفت السيده الي وعد وهتفت
قولتيلي بقي انك عايزة تقصي شعرك علي الموضه طب عايزة تقصيه قاصة معينة ولا اقصه انا ليكي علي زوقي
نظرت وعد الي ندي ولم تتكلم
لتهتف ندي قصريه اوي 
لاء خسارة لو قصرته اوي انا هاعملو ا ليها كاريه طويل منه يبقي تغير وكمان ما تخسريش كتير من شعرك
وعد: خلاص ماشي
قصته لها وكان حلو فيها وكمان عملت ليها ميك اب كامل وهادي في نفس الوقت
صاحبة المحل : ها ايه رأيك بقي
حلو اوي مش كدة يا ندي
ندي بغيظ اكتر: بصراحة مش عاجبني 
صاحبة المحل قد تفهمت غيرتها:هههههههه بالعكس ده جميل اوي ولايق عليها وهي اصلا مش محتاجة حاجة
وعد:متشكرة اوي لحضرتك
خرجو من البيوتي وهي مبسوطه اوي ندي هاتفرقع من الغيظ
تعالي ماعيا يا ندي اوصلك في طريقي بالعربية
هوانتي بقيتي تعرفي تسوقي يا وعد
لاء طبعا ده قاسم باعت معايا عربية بسواق وحارس وهما برة المول مستنيني
يا نهارك ابيض وازاي ماتقلويش ليا مش لازم يشفونا مع بعض احسن بعدين يروحو يقولو لقاسم
يا خبر انا نسيت طب خلاص انا هامشي بقي يلا سلام يا ندي
مع السلامه هابقي اكلمك اطمن عليكي
/////////////////////////
ايوة يا بني الهانم رجعت الڤيلا
ايوة يا قاسم باشا احنا لسة راجعين حالا دلوقتي
عرفتو هي كانت مع مين شوفتو حد من اصحابها
يا فندم انا بعد ماهي دخلت المول وامرتنا اننا نستناها برة عملت زي ما حضرتك قولتلي بالظبط
ودخلت وراها عشان ماتتهوش لحد ما وصلت للكافيه
ودخلت بس ماكنش في حد مستنيها غير الانسة ندي سكرتيرة حضرتك
بتقول مين يا بنت ال…………
راحو فين بعد كدة وحد جالهم ولا لاء
فضلو يلفو علي المحلات في المول وبعدين دخلو البيوتي سنتر وفي الاخر خرجت لوحدها تاني وركبت العربية وجينا علي الڤيلا
طب اقفل دلوقتي
/////////////////////////////////
قفلت معاه التليفون وطلبتها
الو انتي فين
انا رجعت الڤيلا وقاعدة مستنياك لحد ماتيجي عشان عاملة ليك مفاجئه
بقيتي تعرفي تعملي مفجأت يا وعد
ههههههه علي قدي بس مش عارفة بقي هاتعجبك ولا لاء
انتي قابلتي أصحابك 
هاه اه طبعا
صرخت في وشها وانا مش مصدق نفسي 
اقفلي التليفون انا جايلك دلوقتي
//////////////////////////
براڤو عليكي يا ندي شوية صور ايه زي القمر بنت الذينا حتي لما قصت شعرها بردو ظهر جملها اكتر
ياه ومالك مبسوط اوي كده يا عصام 
مبسوط عشان انتي شطورة وبتسمعي كلامي يا قطة
لمس بصوابعه اسف ذقنها  وخليتيها تطمن ليكي وتسمع كلامك
اوعي ايدك دي 
الله مالك متعصبة كدة ليه يا حبي
عايزني ابقي مبسوطة وانا شايفاك بتتغزل في غيري
اااااه هههههههه انتي بتغيري عليا ولا يا ترى بتغيري منها يا ندي
انا لا بغير ولانيلة يا عصام انا في ورطة وانت السبب
ورطة ورطة ايه دي
بعدت عنه وقعدت تبكي بحرقة علي اللي وصلت ليه او بمعني اصح اللي هو وصلها ليه
انا  شاكة اني حامل يا عصام
نعممممممم
انتي هاتستعبطي ولا ايه بقولك ايه مترميش بلويكي عليا
حرام عليك يا عصام انت عارف كويس اوي ان مافيش حد لمسني غيرك
عصام بزهق: والمطلوب مني ايه دلوقتي
ماتفضحنيش يا عصام ابوس ايدك بكره بطني تكبر واتفضح ادام الناس
طب أقولك انشالله حتي نكتب ورقتين عرفي عشان اهلك ما يعرفوش
عصام بمكر عرفي ايه بس اللي انتي بتفكري فيه ده
احنا هانتجوز رسمي ياندي بس ماينفعش نتجوز وانتي حامل هاقول لأبويا ايه بس
كنت بعمل بروڤة مثلا
طب والعمل يا عصام هانعمل ايه
بصي احنا نتأكد الاول اذا كنتي حامل ولاء ولو حامل نروح للدكتور ونتخلص من الجنين ده
انت بتقول ايه دا حرام
حرام وهو كل اللي احنا فيه دا مش حرام يا ندي ماتفوقي بقي 
بصي هو دا الحل اللي عندي يا كده  يا تضربي دماغك في الحيط
حاضر يا عصام مانا مافيش قدامي غير اني اقول حاضر
/////////////////////////////////
رجعت علي الڤيلا وانا هاتجنن ازاي قدرت تكدب عليا ليه ماقلتش ليا 
وليه ندي عملت كدة هي كمان
طلعت اجري علي اوضتنا وانا متعصب وبنادي عليها
وعد وعد انتي فين 
انا هنا يا قاسم 
وقفت قدامي بقميص نوم اسود رقيق اوي ومكياچها وشعرها القصير 
ايه اللي انتي عملاه في نفسك ده 
مش حلو هو مش عجبك ولا ايه
بصتلها بغضب 
لاء مش عاجبني من اللي قالك تقصي شعرك كدة ومن امتي وانتي بتلبسي حاجه زي كدة من نفسك 
انا عملت كدة عشانك
وانا مش عاجبني القرف اللي انتي عملاه ده امشي اغسلي وشك وغيرى لبسك ده
يوه حاضر
دخلت غيرت لبسها ورجعت قعدت قصادي بزعل
كنتي مع مين النهارده
الله مانا قايللك اني كنت مع اصحابي
فضلت قاعد ساكت هاين عليا اقوم اكسر عضمها بأيدي بس قولت ياواد اصبر اما تشوف هي بتكدب عليك ليه
وفي الاخر قومت من جنبها وانا في قمة غضبي عشان انام
انت رايح فين
هنام عندك مانع تعبان وعايز انام
طيب خلاص روح نام

يتبع …

لقراءة الفصل الحادي والثلاثون : اضغط هنا

لقراءة باقي فصول الرواية : اضغط هنا

اترك رد