رواية مثلث برمودا الفصل الخامس عشر 15 بقلم بنت الصعيد

(رغم انف العالم أجمع .. ستكونين الملكة التي سأتوجها علي عرش قلبي .. ولو ان العوالم اجتمعت لتفرق بيننا سأظل ممسكا بيدك لاخر نفس تبقي لي   )Bermuda Triangle ☠️????

ياسين خرج من اوضة يامان وكان محبط لقاهم حطوا الفطار 

قعد يفطر شاف  شوربة صفرا شرب منها معلقتين واول ما شرب بدأ يكح بشدة ونفسه يضيق وجري ع الحمام 

كنز بصت لنوريس بصدمة وقالت … الشربة دي انتي اللي عملتيها فيها ايه 

نوريس ببرأة… أنه حساء القُريدس 

كنز بتتكلم وهي متجه للحمام… القريدس هو الجمبري صح .. ياسين عنده حساسية ضد القشريات ما بيكالش جمبري أنا اللي غلطانة كان لازم أتأكد 

وصلت عند ياسين اللي كان بيحاول يظبط أنفاسه عشان يرجع يتنفس طبيعي الحساسية بتعمله ضيق تنفس 

كنز مسكت الفوطة ونشفت وشه وسألته بقلق .. حبيبي انت كويس أنا آسفة كان لازم اتأكد قاطعها ياسين وهو بيسند أيده علي كتفها وبيحاول يتنفس طبيعي.. أنا تمام ما تقلقيش 

خرجوا م الحمام وقعد ع الكنبة 

نوريس بارتباك وخجل .. اعتذر منك سيد ياسين فأنا لا اعلم انك تعاني من حساسية ضد القشريات 

ياسين وهو بيمسح وشه واخيرا انفاسه انتظمت … حصل خير 

نوريس .. سأنصرف الان قبل أن يلاحظ جان غيابي لقد جئت فقط لاطمئنكم علي يامان 

كنز … نوريس مش يمكن جان يشوف يامان في البلورة السحرية ويعرف مكانه 

نوريس .. لا تقلقي فالمكان الذي يوجد به يامان لا تستطيع البلورة أن تصل إليه 

خلصت كلامها ومشيت بسرعة وسابتهم في حيرتهم وفي دماغهم أسئلة كتيرة مالهاش أجوبة 

كنز قربت لياسين وحطت إيدها علي جبهته تتحسس حرارته ابتسم هو وشدها ليه .. حد قالك اني سخن 

كنز بكسوف .. مانا ما اعرفش حالتك بتبقي ازاي لما تتحسس من حاجة انت حكيتلي بس عمري ما شفتك قبل كده كنت مرعوبة  بجد 

ياسين بحب  .. خوفتي عليا 

كنز هزت راسها بمعني ايوا وبعدها بعدت عنه وقالت … هاعملك فطار غير دا 

ياسين ابتسم … يسلملي ابو قلب كبير 

ابتسمت له ودخلت المطبخ 

*************

جان داخل الهرم هيتجنن لانه مش قادر يعثر علي يامان 

… اين هو الان لما لا يظهر في البلورة أين اختفي .. يبدو أن هذه الملعونة لم تعد تعمل ومسك البلورة وكان هيرميها عشان يكسرها بس افتكر حاجة خلته يرجعها مكانها تاني 

فلاش باك من فترة مجهولة 

جان بيبص لبنت جميلة بحب وهو بيغرس صوابعه داخل شعرها يملس عليه … هل تعلمين أن هذه أول مرة احتفل بميلادي فأنا لا احب الاحتفالات ولكن فعلت هذا من اجلك انتي 

تالين بصاله وعينيها بتلمع م الفرحة .. هل تعلم جان انك الرجل الوحيد الذي يرتجف قلبي حينما اكون بجواره ، اتمني لو أظل قريبة منك كل الوقت 

جان رفع أيدها وباسها … احبك تالين واريدك الا تغيبي عن عيني لحظة 

تالين ابتعدت عنه ومسكت علبة لونها دهبي فتحتها وقالت إذا اردت أن تراني في أي وقت فاقبل هذه الهدية مني 

مسك جان الهدية كانت البلورة السحرية 

عودة للحاضر 

اتنهد جان بحزن وحط البلورة مكانها وخرج بهدوء 

************ 

نوريس خبطت بهدوء علي غرفة والدتها واستأذنت ودخلت 

الملكة .. اقتربي نوريس ماذا تريدين 

نوريس قعدت جمب والدتها بهدوء وقالت .. امي اريد منكِِ خدمة واتمني أن توافقي 

الملكة حطت أيدها علي خد بنتها وقالت بحب .. تعلمين أنني لا ارفض لكي طلب صغيرتي 

نوريس بتردد .. امي اريدك تتدعين بأنكي مريضة في الظلام *تقصد بالليل * 

الملكة بدهشة .. ولما 

نوريس … اريدك ان تطلبي من جان أن يظل بجوارك انتي تعلمين كم يحبكي

الملكة بحيرة .. لما تريدين من جان أن يمكث بجواري هل تخططين لفعل شئ ما ام انكي تخبئين شيئا 

نوريس بتوتر … لا امي لا اخبئ شيئا ولكن أريد زيارة صديقتي وانتي تعلمين أن جان يرفض خروجي من القلعة خوفا من الأعداء بطريقة مبالغ بها  

الملكة طبطبت علي ايد نوريس بحنان .. اخاكي يخاف عليكي وهذا لدواعي أمنية فالقلعة مهددة بالهجوم في اوي وقت من كائنات غريبة 

نوريس باست والدتها وقالت … لا تقلقي ايتها الملكة الرقيقة سأكون بخير فأنا ابنة الملك تاران وأستطيع حماية نفسي ما أن تعرضت لهجوم 

الملكة بقلق …هل انتي متأكدة انكِ ستعودين بخير 

هزت نوريس راسها ورمشت بعينيها بحركة معناها اكيد هارجع بخير وخرجت بأدب 

*************

أصالة كانت رابطة إيشارب علي راسها عشان بتنضف الفيلا لأن الشغالة إجازة 

دخل عمر م الشغل شاف منظر أصالة وشها كله تراب ولابسة جلباية بيتي مرسوم عليها ميكي ماوس قصيرة والايشارب علي راسها عمر اول مرة يشوفها في المنظر دا انفجر ضحك وسند شنطة الشغل ع الكنبة وهي مستغربة بيضحك ليه قرب عندها 

عمر بيحاول يسيطر علي ضحكته ..  كان في واحدة بنوتة رقيقة ساكنة معانا شبه حضرتك ماتعرفيش راحت فين 

أصالة ضيقت عينيها لانها فهمت أنه بيتريق عليها حطت ايديها في وسطها وقالت .. ومين بقي سعيدة الحظ اللي انا شبهها 

عمر … لااااااا دانتي اللي سعيدة الحظ عشان شبهها الله يرحمها كانت جميلة 

أصالة بتمثل الغضب  … يعني أنا دلوقتي بقيت وحشة 

عمر بص فوق ع السلم عشان يتأكد أنه شريف فوق وقرب علي أصالة وهي بدأت تبعد قرب راسه ناحيتها وهمس في ودنها .. انتي حلوة بكل حالاتك ودلوقتي انتي ف عيني اجمل م الاول بكتير البنوتة ست البيت الشاطرة

أصالة وشها اتورد وانكسفت من كلامه ولسة هتهرب منه وتمشي لقيته مسك أيدها وقفها وقال … انتي عارفة اني بحبك .. عايز فرصة احبك فيها بطريقتي موافقة 

أصالة قلبها دق وغمضت عينيها بس شافت ياسين قدامها فتحت عينها بسرعة واتنهدت وعمر ملامحه اتبدلت للحزن 

وساب ايدها وقال أنا مش هاضغط عليكي 

وماكانش قصدي اني فرض نفسي عليكي 

خدي وقتك 

بصتله هي والدموع في عينيها ومسكت أيده تاني  وقالت  بصوت مبحوح … انت عارف اني مكسورة من جوايا وحزينة علي قصة حبي اللي انتهت قبل ما تبدأ تقبل تكون الشخص اللي هيداوي جرحي وكسر قلبي يا عمر 

عمر ابتسم بأمل وفرح عشان أصالة بتديله 

فرصة يحبها وفي نفس الوقت هي صريحة معاه 

بصلها عمر بابتسامه حنونة وقال … موافق 

أصالة مسحت وابتسمت لعمر … طب اطلع خد شاور  غيّر هدومك وصحي اونكل شريف وانا هاحط العشا  

عمر كان فرحان قال وهو موجه نظره علي أصالة … حاضر

***********

في الظلام 

نوريس كانت لابسة عباية علي كتافها سودا زي بتاعة بات مان  وحاطة وشاح وخرجت في الضلمة ركبت عربة بيجرها حصانين وصلت عند بيت يامان خبطت فتح ياسين وكانوا جاهزين هو وكنز وخرجوا مع نوريس 

وركبوا  العربة ومشيوا ، بعد فترة ليست معلومة وصلوا عند بيت غريب شبه بيوت الساحرات 

كنز مسكت في ايد ياسين جامد وحضنت دراعه وكانت مرعوبة من المكان ياسين طبطب علي أيدها اللي حاضنة أيده كأنه بيقولها انا معاكي ماتخافيش 

نزلوا و كانت ماشية بثقة نوريس وكنز خايفة وماسكة في دراع ياسين خبطت نوريس وفتحت ست جميلة بس الميك اب اللي حاطاه مخليها مخيفة 

نوريس حضنتها .. كيف حالك تالين 

تالين بصت لياسين وكنز بقلق فهمتها نوريس فاتكلمت بسرعة .. أنهم رفاق يامان 

تالين … تفضلوا 

ياسين اتنهد بضيق وحاوط كنز بدراعه ودخلوا 

يامان كان قاعد جمب مدفأة فيها حطب ونار وقف لما شاف كنز وجري عليها مسك كتافها بإيديه وقال بلهفة … هل انتي بخير 

ياسين مسك ايدين ياسين نزلهم من علي كتاف كنز وقال من بين أسنانه .. بخير جدا ابعد عنها واسألني أنا عن اي حاجة عايز تستفسر عنها مفهوم 

يامان بضيق … أنها اختي 

ياسين بضيق … ليه راضعين علي بعض 

نوريس … ايها المعتوهان ما خطبكما لما تتعركان 

يامان … انتهينا .. هل انتم جميعا بخير 

تالين … تفضلوا سأعد لكم وجبة .. تالين مشيت وياسين سأل نوريس 

… أميرة نوريس مين دي

يامان حب يردها لياسين  … اسألني أنا إذا أردت الاستفسار عن شئ ما 

نوريس وكنز بصوا لبعض وابتسموا علي تصرفات المراهقين 

كنز … صحيح مين دي وليه البلورة السحرية ما بتوصلش لبيتها 

نوريس اتنهدت بحزن .. أنها زوجة أخي الأمير جان 

كلهم انصدموا ماعدا يامان اللي كان عارف بس أنصدم لما عرف انها لسة عايشة لما شافها اول مرة 

نوريس … تالين ساحرة وهي من اهدي جان البلورة السحرية ولكن أبطلت مفعولها تجاه ذلك المكان فلا يستطيع جان الوصول إليه 

تالين رجعت لهم وقالت الوجبة جاهزة هيا لتأكلوا كلهم اتجهوا لمكان الاكل بس ياسين وقف وقال  … انا عايز اتجوز انهاردة 

كلهم التفتوا لياسين ردت تالين وقالت ….