Uncategorized

رواية عاشقة المصطفى الفصل الرابع 4 بقلم مريم مصطفى الجلاب

   رواية عاشقة المصطفى الفصل الرابع 4 بقلم مريم مصطفى الجلاب

رواية عاشقة المصطفى الفصل الرابع 4 بقلم مريم مصطفى الجلاب

رواية عاشقة المصطفى الفصل الرابع 4 بقلم مريم مصطفى الجلاب

قرب مصطفي منها اكتر وهمس قدام شفيفها بغضب مكتوم: مش معني اني سكتلك ابقي خايف منك تؤتؤ انا بس مش فاضيلك
مريم وهي بتبعده عنها:اتمني تكون فاضي ف اسرع وقت علشان توريني شجاعتك
مشيت خطوه ورجعت تاني: واها المره الجايه يبقا حاسب ع المسافات بينا علشان رد فعلي ميزعلكش
سابته بسرعه ودخلت اوضته وهو بص لطفيه بإبتسامة بسيطه ودخل لعمر…
مريم كانت واقفه لسه ورا الباب بتاخد نفسها من قربه ليها
فيروز باستغراب: انتي واقفه عندك كده ليه؟
مريم: لا مفيش عادي
فيروز: اوكي انا هنام وانتي؟
مريم: هاخد شاور ع طول وهبقا انام متشغليش دماغك انتي نامي علشان نلحق نصحا ع 11كده الساعه لسه 6الصبح
فيروز: تمام..
****************
عمر قاعد ع السرير وساند راسه عليه ودموعه نازله من غير صوت..
مصطفي قعد جمبه: لسه بتحبها
عمر بضعف:قبل ماشوفها كنت بحبها وكنت خايف لما عيني تيجي ف عينها اضعف بسهوله بس مش ده اللي حصل خالص كان نفسي اعتبها اقولها كسرتيني ليه ببعدك عني علشان حد تاني وف نفس الوقت نفسي اخدها ف حضني ف مليون شعور جوايا مش عارف احدده بكرها ولالسه بحبها عايز اعاتبها ومش عايز لغبطه كتيير من اول مااشوفتها…
مصطفي كان قاعد بيسمعه بصمت عايزو يحكي كل اللي بيحس بي علشان قلبه يرتاح…
كمل عمر وهو لسه بيدمع: جميله كانت حد مميز عندي حد غير الناس كله كنت مستعد ابيع الدنيا علشانها.. بس هي عملت اي كسرت قلبي وحبت غيري بكل سهوله وعاشت حياتها وانا لسه بتوجع بسببها.. كمل بعصبيه وصوت عالي: انا حبيتها ليه عملت فياا كده ليه
مصطفي خده ف حضنه:ربنا بعدها عنك قبل مايكون ف حاجة رسمي بينكوا وساعتها كنت هتكتشف معدنها متأخر قلبك رافضها بس انت اللي مش مصدق ده ياعمر لازم زي ماقلبك اقتنع انت نفسك تقتنع هي مكنتش تستاهل حد زيك فاهمني
عمر بصله بهدوء وقام غسل وشه ونام ف صمت.. مصطفي فهم انه هياخد وقت علشان ينساها حتي لو هيتوجع لفتره.. غطا كويس وقام خد شاور ورجع نام….
*************
جميله قاعده سرحانه ف نظرات عمر وافتكرت لما سبته بغباءها…
فلاش باك….
عمر:ها ياجميلتي جيبني بسرعه ومصحياني من النوم ليه
جميله:عمر احنا مش هينفع نكمل مع بعض
عمر بهزار:تمام تشربي اي بقا
جميله:عمر انا مش بهزر
عمر:اها دي هرمونات نكد وانتي يطلعيها عليا كالعاده..
جميله بصوت عالي:عمر افهم انا مش بحبك
عمر وهو بيحاول يستوعب: مش بتحبيني ازاي امال علاقتنا دي اي
جميله: كنت معجبه بيك مش اكتر
عمر: تلات سنين وف الاخر معجبه امال بحبك ده كنتي بتقوليها لميين.. جميله اانا لحد دلوقتي بسيطر ع اعصابي وبقول اكيد بتهزر بتعمل مقلب من مقالبها بس مش لدرجه دي
جميله:اها كنت بحبك ف الاول بس مش الحب اللي هو مشاعري اغيرت نحيتك…
عمر: والمفروض علشان مشاعرك اتغيرت اتغير انا كمان ولاطظ فيا مش كده
جميله: لا مش كده بس..
عمر قطع كلامها وشدها لحضنه وفضل يبوس فيها.. اتفاجأ بيها هي بتبعده جامد عنها لدرجه كان هيقع
جميله: افهم بقا انا مش بحبك ومينفعش تقربلي كده لاني م ليك انت فاهم
عمر بصلها نظره طويله بيحاول يصدق ان اللي واقفه قدامه جميله حبيبته مش دي خالص واحده تانيه
جميله قطعت الصمت ده:ودلوقتي ياريت ملكش دعوه بي ولاتحاول حتي تعرف اخباري لاني هكون مع شخص تاني
لف عمر ضهره ليها علشان يمشي بس رجع تاني:لا متقلقيش مش هطيق ابص ف وشك تاني حتي لو بحبك بس هتندمي ياجميله هتندمي اوييي.
بااااااك
……..
جميله:وندمت ياعمر خسرت كل حاجه وخسرتك انت كمان
سيليا كانت داخله الاوضه وسمعتها بتكلم نفسها..
سيليا: انتي بتكلمي نفسك ولااي
جميله: لا عادي انتي كنتي فين
سيليا: كنت مع مراد شويه
جميله: ياريت ياسيليا تخلي بالك شويه من مراد لانه…
سيليا: هو ف اي انتو مش ملاحظين انكو اوڤر اوي مع مراد.. وانت كمان بقالك خمس شهور صحبتنا لحقتي تعرفي كويس
جميله: عندك حق انا حبيت بس احذرك زي اختي مش اكتر عن اذنك
سيليا بندم: متزعليش مني انا بس بحبه ومش بتحمل حد يقول عليه حاجه
جميله: ولا يهمك نامي انتي وانا هنزل اتمشا ع البحر شويه
سيليا بإبتسامة:تمام
جميله نزلت تتمشا ع البحر وسيليا راحت لمراد..
*************
بهجت:يعني عايزني اعمل اي دلوقتي؟
هبه:تتكلم معاها بنتك قربت ع التلاتين سنه ولسه متجوزتش
بهجت:يعني اجوزها بالعافيه!
هبه:لا بس تكلمها ف الموضوع هي مش ف دماغها اصلا الجواز
بهجت:مريم كبرت واكيد فاهمه انها لازم تتجوز بس مش حبه كده
هبه:انا مقولتش نمسكها نجوزها غصب عنها بس هي شايله الموضوع من دماغها لازم نحط الفكره ف باله
بهجت:لما ترجع ان شاءالله هيكون ليا كلام معاها..عن اذنك علشان عندي كام مشوار هخلصهم قبل ماروح الشركه
هبه:وانا هروح لماجده زمانها قاعده لوحدها بعد مامشيت فيروز
بهجت:لو احتجتوا حاجه كلموني عن اذنك…
**************
كانت ماشيه ع البحر وهي بتفتكر كلام عمر ليها اخر افتكرت حضنه ليها وكلامه اللي كان بيقوله وهي كانت هملها عطت بحرقه وندم ع كل كلمه قالتها ليه ووجعته…
********
صحي عمر لقي مصطفي نايم ع سرير جمبه ف سابه نايم وخد التي شيرت بتاعه لبسه ونزل ع البحر…
عمر:حلو البحر مش كده غدار زيك
بصتله جميله بسرعه:عمر!
عمر: اي يامدام جميله جوزك اللي سبتيني علشاني فيين مش شايفه يعني بيسبك تسفري لوحدك كده؟
جميله:اطلقت بعد جوازي بشهر كان بيستغلني علشان نفوذ بابا مش اكتر محبنيش يعني
عمر بسخريه:حذرتك بس انتي كنتي عمياء مش عايزه تشوفي الحقيقه
جميله:من حقك تشمت فيا براحتك..
عمر:انا مش شمتان فيكي انا زعلان عليكي ضيعتي نفسك وضيعتي حاجات كتير من ايدك
جميله:بس انت موجود لسه وبتحبني وانا رجعتلك اهو ليه منرجعش تاني
عمر بصوت ضحك عالي:بحبك اها تصدقي نكته لطيفه..والمفروض بقا افرح ويلا نرجع ونتجوز ونعيش حياتنا عادي
جميله:انا متأكده انك لسه بتحبني
عمر: ولو بحبك فعلا تفتكري بعد اللي عملتي ممكن ارجعلك! شكلك نسيتي طبعي واني مباخدش حاجه مش بتاعتي
قربت جميله عليه وحضنته وهي بتعيط: سامحني ياعمر انا بحبك وندمانه ع كل اللي حصل
عمر قلبه دق من حضنها ليه فضل متردد يبعدها ولايخدها ف حضنه تاني.. مد ايده علشان يضمها لييه اكتر بس فجأة جه مشهد قدامه وهي بتبعده عنها.. فتح عيونها بسرعه وزقها بعيد
عمر بصوت عالي: ابعدي عني حبك انا نسيته من زمان وعمري ماهسمحك ع خينتك لياا واوعي تقربي مني تاني علشان بقيت اقرف من قربك..
سابها وطلع لمصطفي وهي قعدت ف الارض علي الرمل وبتعيط..
****************
سيليا وهي ف حضن مراد: اصحا بقا يا حبيبي كده هنتاخر عليهم الساعه11
مراد بنوم: حاضر قومي انتي جهزي نفسك اكون انا نمت شويه كمان
سيليا وهي بتقف: خمس دقايق بس علشان هسيبك نايم وهنزل
مراد : خلاص انا صحيت هاخد دش ع طول وننزل
سيليا: وهي بتسرح شعرها: تمام هننزل سوا ولو حد سألنا احنا كنا مع بعض نبقا نقولهم كنا قاعدين ف مطعم ع البحر
مراد: تمام
**************
دخل عمر لقي مصطفي بيتكلم ف التلفون ف قعد بهدوء لحد مامصطفي خلص تلفونه..
مصطفي: كلمتها مش كده؟
عمر: اها وارتحت عن الاول حسيت اني مظلمتهاش وده المهم
مصطفي بإبتسامة: ربنا هيعوضك بالاحسن منها
عمر: المهم بقا قولتلي ف شغل ومش شغل وهنتاخر وفيلم كبير واهو جيين بقالنا كام ساعه ولسه مكانا
مصطفي: تؤتؤ مكانك.. انما انا جبت كل الاخبار عن الواد ده
عمر: كويس هو فين بقا هنعمل اي معاها؟
مصطفي: ف الاوضه اللي جمبنا
عمر: واحد قاتل وكمان هربان تقولي ف الاوضه اللي جمبنا ف اوتيل زي ده!
مصطفي: يعني تفتكر اشمعنا الاوتيل ده اللي انا صممت نقعد ف
عمر: علشان جمب البحر مثلا
مصطفي: بطل خفه دم ياعمر.. عادي الراجل جي يرفه عن نفسه يجدع ماتفهم
عمر بوقاحه: نسوان يعني
مصطفي: بالظبط كده
عمر: طب هنعمل ايي
مصطفي: بص يامعلم…………….
شرحله كل اللي هيعملوا واتفقوا انهم ينفذوا بليل
عمر: بس دي مخاطره كبيره مينفعش خلي البوليس هو يتعامل
مصطفي : يبني الشرطه نفسها قفلت القضيه ضد مجهول يعني خلاص انتهت
عمر: لما انت عارف كده تعبين نفسنا ليه هي من باقي اهلنا
مصطفي: والدتها موكلني اجيب حق بنتها اقولها لا وانا عارف مين قتلها اسيبه كده
عمر: لاشهم من يومك..
مصطفي بنافذ صبر: من الاخر معايا ولالا
عمر: معاك يعم هي موته ولااكتر يعني
مصطفي: جدع يلا
عمر: طب ماتخليك جدع انت بقا وننزل نقف ع البحر شويه
مصطفي: ماشي لسه بدري ع شغلنا يالا بينا
*************
فيروز: انتي مش هتلبسي مايوه!
مريم: مايوه اي اللي البسه انا اصلا زعلانه انك نازله البحر كده بس دي حريتك
فيروز: هحاول البس حاجه غيره بعد كده بس نعديها النهاردة
مريم: ماشي يلا ننزل بقا
********
نزلوا الكل مع بعض وكل واحد واقف مع صحبه وجميله قاعده لوحده بتبص للبحر بهدوء..
مراد: ملبستش مايوه ليه زيهم يامريم
مريم بصوت عالي:انا مش فاهمه انت مال اهلك هو انتي مش مليه عينه ياسيليا ولااي ماتلمي شويه بقا
مراد: انتي بتتكلمي كده ليه
مريم: انا اتكلم بالاسلوب اللي يعجبني وطالما ف اشكال زيك تستحق اسوء من كده..وكفايه كده عليك علشان سيليا واقفه
سيليا خدت مراد من ايده بعصبيه ومشيت…
مصطفي كان واقف هو عمر ورا مريم وسامع اللي حصل فابتسم ع شجعتها بس حب يعصبها اكتر..
مصطفي: هو انتي مبتسبيش حد كده غير لما تخانقي في
مريم: وانت مالك متطفل لييه ده انتو صنف غتت
مصطفي: احنا برضو امال انتي اي ده انتي بتخانقي ف دبان وشك
مريم: لما بمد ايدي عليك بتزعل ف ياريت تحاسب ع كلامك علشان الناس دي كلها هخليها تتفرج عليك دلوقتي
مصطفي: وانا…
قطع كلامه فيروز وهي طالعه من البحر بالمايوه: استاذ مصطفي اهلا انتو لسه بتتخانقوا
مصطفي بضيق: لا مفيش حاجه عن اذنك
سابهم ومشي وعمر استغرب انه كلم فيروز كده ف سلم عليها ومشي ورا بسرعه…
فيروز: هو استاذ مصطفي ماله حاسه بيكلمني بعصبيه مش زي قبل كده
مريم بسخريه: وهو الكائن ده من امته بيكلم حد كويس سيبك منه
فيروز: طب يلا نروح ناكل علشان جعت اوي
مريم: تصدقي وانا كمان يلا
********
عمر: مش ملاحظ انك كلمت فيروز بطريقه مش لطيفه
مصطفي بعصبيه:كل شويه تسأل السؤال ده واقولك لا دي طريقتي ف اي بقاا
عمر: مش قصدي بس انت كسفتها يعني
مصطفي وهو بيشرب مياه: لاعادي بس لبسها محبتوش علشان كده مرضتش اتكلم معاها انت عارفني مبحبش اتكلم مع البنات اللي بيكونوا كده ارتحت بقا
عمر بعدم اقتنع: خلاص فهمت
مصطفي: طب يلا اجهز وروح عمل اللي اتفقنا عليه
عمر وهو ماشي: تمام ربنا يستر
************
مريم وفيروز خلصوا اكلهم وطلعوا اوضهم خدو دش وفيروز نامت ومريم طلعت البلكونه شويه…
مريم كانت واقفه سرحانه وباصه للسماء.. فجاه سمعت صوت جمبها فا التفت بسرعه اتجاه الصوت…
مريم بصدمه:…….
يتبع…..
لقراءة الفصل الخامس : اضغط هنا
لقراءة باقي فصول الرواية : اضغط هنا

اترك رد