رواية خفايا الجن وكتاب الظل (اغتصاب غامض 2) الفصل الأول 1 بقلم جوري محمد

مع بدايه يوم جديد جوري وصلت الاداره

 العميد مدحت روحتي وجئتي ومحلتيش القضيه 

جوري هابقى اقول لك حلها الحقيقي بعدين طبعا غير اللي موجود في السجلات بس مش مشكله قضيه واحده في السجل بتاعي

مدحت افهم من كده انكي راجعه متحمسه جدا ومعكي اسرار جديده

جوري جدا جدا اتفضل يا باشا ده طلب عمل قسم خاص القضايا الخارجه عن الطبيعي 

مدحت مش فاهم قصدك 

جوري هتفهم قصدي لما تقرا التقرير ده عن القضيه وكل حاجه شوفناها ولو عايز الشهود كمان موجودين

 العميد مدحت هقراه و اتاكد بس عايزاني نعمل القسم ده ليه 

جوري علشان في قضايا حلها غير طبيعي ولازم تتحفظ ما تفضلش على العلن زي القضايا العاديه

العميد مدحت هاقرا التقرير بتاعك و هعرضه وهنشوف هنعمل القسم ده ولا لا بس في قضيه وصلت الاداره النهارده خذي الملف بتاعها وابدئي رجعيها وقولي لي رايكي فيها ايه 

جوري تمام يا فندم وجوري راحت على مكتبها 

بلال ملف جديد في يدك  شكلك استلمت القضيه  

جوري  زي كل مره النسخه لك علشان تقراها وتقول لي رايك ايه

 بلال طيب هاتيها اعمل منها نسخه

 جوري النسخه الثانيه اهي عملتها المره دي وانا جاي ههههه وبدات جوري تقرا

خمس هياكل عظميه لقوها موجوده عنده في البيت بتاعه شكلها كده لازم نروح المعمل الجنائي عايزه مراد القضيه دي

بلال على فكره شكلها قضيه هتحتاج منه شغل جامد حتى الجاني مش راضي يتكلم ويقول سبب اللي حصل ده ايه او اللي هياكل عظميه دي بتاعه مين

جوري اخذوا على المستشفى هات الملف ويلا بينا نشوفه هيقول ايه

ومشيت جوري هي وبلال وفي طريقها بتتصل بمراد

مراد يا صباح الورد

جوري صباح النور يا عم انت فين دلوقت 

مراد انا في مكان الحادث

جوري وايه هو تقريرك المبدئي

 مراد لسه هاقول لك لما توصلي عندنا 

جوري بس انا هاروح المستشفى الاول واشوفه هيقول ايه

مراد صدقيني تعالي عندنا الاول علشان تعرفي حتى هاتساليه في ايه لان اللي في الورق مش هتفهمي منه حاجه

جوري خلاص انا جايه في الطريق انا وبلال

وصل بلال مع جوري عند مراد

مراد ادخلي شايفه الطلاسم المكتوبه على الحيطه ورموز الغريبه والنجمه المرسومه في الارض

جوري ونوعيه الكتب اللي انتم لقيتوها 

مراد شوفي كتب مخطوطات قديمه كلها عليها رموز غريبه

بلال شكله كده وفتح الكتب دي وبدء يستعملها في حاجات احنا مش عارفين ايه اللي حصل واكيد القضيه دي نتيجه فتح الكتب دي

جوري مراد انت عارف طبعا هتدور على ايه بالضبط مراد طبعا عارف هاروح دلوقت المعمل هاشوف الهياكل العظميه الموجوده هناك دي ايه بالضبط

جوري بلال فهمهم ممنوع حد يدخل هنا خالص  ويلا بينا بقى علشان نروح المستشفى نشوف حكايه اخينا ده ايه

ومشيت جوري وبلال على المستشفى

 جوري يا دكتور تشخيص حاله المتهم ايه

الدكتور التشخيص الاولى للحاله ان هو عنده انفصام في الشخصيه

جوري طيب ممكن ندخل نشوفه

الدكتور ادخلوا بس مش هتفهم منه حاجه

جوري نحاول يمكن نعرف حاجه

ودخلت جوري  وبلال

احمد قاعد 

جوري صباح الخير

احمد ما ردتش 

جوري اتكلم براحتك قل اللي عندك حتى اللي انت متوقع ان احنا مش هنصدقوا  مع بعض هنوصل الحقيقه لو سكت انت مش هتنفع نفسك

احمد انا هاتكلم وانا متاكد ان انتم مش هتصدقوا اللي هاقوله و هتقولوا مجنون

جوري لا اتكلم براحتك هصدق اللي انت هتقول

ا

انا احمد عندي 30 سنه وحكايتي تبدا انا كنت في دبي شغال انا واحد صاحبي اسمه محمد و في يوم

عزمني على العشا ورحت بيته وفرجني على مكتبته, مكتبة ضخمة فيها مخطوطات قديمة وكتب جديدة ولفت نظري بين الكتب دي كتاب قديم جدا عليه رسومات غريبه, مسكته وقلّبت فيه ولما صديقي لاحظ انسجامي مع الكتاب سألني عاجبك؟ قولتله أنا بحب كل شئ قديم, قالي خده هدية مني ليك.

فرحت ووافقت على طول, شرحلي الكتاب وقالي إنه كتاب سحر مترجم للعربية من مئات السنين من لغة قديمة ودي النسخة الأصلية منه واتمنعت طباعتها, فرحت بالكتاب أكتر وعاملته كأنه تحفة أثرية ولما رجعت من عنده حطيته في شنطتي بطريقة معينة عشان ميتبهدلش خصوصا إن الكتاب ورقه أصفر قديم ودايب يعني لو شديت ورقة شدة خفيفة هتطلع في إيدك ونويت أقراه لما أخلص شغل وأرجع مصر.

فوجئت لما نزلت مصر بكم رهيب من المشاكل واللي شغلتني جدا عن قراءة الكتاب لدرجة إني مقريتوش ولا اتصفحته, وكل ما أنوي أقراه يجيلي حاجه جديد لحد ما في يوم وأنا رايح شغلي شخص ضخم لابس قميص أبيض طويل يشبه الجلابية وشعره أسود وطويل برضه وبيبصلي ويبتسملي, مركزتش معاه وفتحت تابلوه العربية خدت منه ورق الشغل ولما بصيت من تاني لمكان الشخص دا ملقيتوش ودي كانت أول مرة يظهرلي بصراحه مكنتش اعرف ان دي بدايه من الأحداث الغريبه

وبعدها فضل يظهر لي كثير وكل مره كان بيضحك وفجاه يروح يختفي  روحت اتصلت على محمد صاحبي

 محمد خير يا صاحبي في ايه

 احمد انا دلوقت باشوف حاجات غريبه 

محمد غريبه ازاي يعني 

احمد من ساعه ما فتحت الكتاب بقيت اشوف راجل بيضحك وفجاه يختفي حتى مش عارف احدد ملامح ليه

 محمد لا انت كده بتهزر وبتضحك علي في ايه يا عم

 احمد يا ابني باضحك ايه باقول لك من ساعه ما فتحت الكتاب و قرات فيه والحاجات دي بتحصل لي

 محمد يا ابني الكتاب فاضي كل الصفحات فاضيه 

احمد مين قال لك كده انا فتحت الكتاب لقيته مليان اشكال ونجوم وطلاسم حاجات كده زي اللي بتيجي في الافلام الاجنبيه بتاعه الرعب

 محمد انت متاكد من اللي انت بتقوله 

احمد يا عم باقول لك بجد

 محمد طيب استنى اسال بابا لان هو كان ورثه عن جدي و هابقى اتصل وارد عليك 

احمد ماشي بس يا ريت دلوقت

 محمد حاضر ومحمد قفل معه واتصل على والده

 محمد يا بابا فاكر الكتاب اللي جدي كان سايبه في المكتبه القديمه

 ابو محمد ايوه فاكر ليه 

محمد هو الكتاب ده كان مكتوب في حاجه 

ابو محمد انت شفته كان مكتوب في حاجه 

محمد لابس صاحبي عجبوا الكتاب واديته له هديه وبيقول لي لقى في كتابات و رموز 

ابو محمد يبقى الكتاب اختاروا زي ما جدك كان دائما بيقول محمد مش فاهم

 ابو محمد انا هفهمك يا ابني جدك اشتري الكتاب ده من بائع كان في الهند ولما اشتريه الكتاب كان فاضي بس هو عجبوا الغلاف البائع الهندي قال له ان لو الكتاب اختارك هتبان في الكتابات لو كتاب مش عايزاك هيفضل فاضي على طول لحد ما يجي الموعود به

 محمد طيب صاحبي بيقول ان هو بيظهر له راجل بيضحك 

ابو محمد حتى دي جدك قال لي عليها وقال ده حارس الكتاب بس انا ما اعرفش زياده عن كده لان الكتاب كان على طول بالنسبه لي ابيض مفهوش كتابه 

محمد وانا كمان كنت دائما شايفه ابيض

 ابو محمد  لو على كلام الرجل الهندي وجدك يبقى احمد الكتاب اختاره 

محمد طب اختاره ليه وهيعمل ايه بالضبط 

ابو محمد انا ما اعرفش يا ابني لاني باقول لك عمري الكتاب ما تكتب في حاجه لا لجدك ولا لي ولا لك

 محمد طيب سلام يا بابا هاتصل بصاحبي واقول له وفعلا محمد اتصل باحمد وقال له على الكلام اللي والده قاله له 

احمد طيب يعني افهم الكتاب اختارني لايه بالضبط 

محمد بابا مش عارف ولا جد كمان عارفه اقول لك يا صاحبي روح ارميه  في البحر ولع فيه كده يعني اخلص منه و خلاص معلش انا اسف انت عجبك الكتاب وانا اديته لك ما كنتش اعرف عنه اي حاجه 

احمد خلاص يا صاحبي سلام انا هتصرف

احمد انا لازم اخلص من الكتاب ده انا مش عارف حكايته ايه بالضبط وراح فعلا علشان يرمي في البحر 

احمد رمي  الكتاب وفجاه لقى ثاني في يديه 

 احمد ايه بقى بقى انا متاكد ان رميته راح رماه ثاني لقى رجع في يديه ثاني

 احمد الحكايه يمكن مش هاخلص منه بطريقه البحر 

 وفعلا قرار احمد يحرق الكتاب بس الكتاب مش راضي يولع 

احمد انا هنام وبكره اشوف حل علشان  اتخلص من الكتاب ده وبعد كده انا حلمت ان والدي مات وفعلا صحيت من النوم و لقيتهم بيتصلوا بي ان والدي مات

وانشغلت عن الكتاب بس لاحظت ان كل حاجه  احلم بها بالليل الاقيها تحصل ثاني يوم على طول

بس ما كنتش عارف ان حلم واحد هيغير حياتي لجحيم 

جوري ليه حلمت بايه 

احمد  اسوء حلم حد ممكن يحلمه