رواية ذئاب لا ترحم الفصل الثاني 2 بقلم إسراء أشرف

…-حياة: رأت والدها ووالدتها وهي فاقدة الوعي كحلم فأردفت قائله بابا ليه سيبتني أنا خايفة خليك معايا المكان مخيف يابابا وكمان سامعة صوت ذئاب خليك جمبي 

-عصام: متخافيش ياحياة يابنتي أنتِ أقوي منهم وهتنتصري بس أوعك تستسلمي 

-حياة: طيب سيب ماما ليه هي راحة معاك وفين ميادة ودنيا 

-عصام: خلاص يابنتي لازم تنتصري لوحدك حان وقت الرحيل 

-حياة: بابااااااااا وصرخت بصوت عالي 

-ياسر: أهدي يا حياة أنا جمبك متخافيش 

-حياة: ظلت تبكي قائله كلهم سابوني مش هقدر أعيش من غيرهم يارتني كنت معاهم 

-ياسر: أحكيلي حصل ايه بالتفصيل يا حياة وكنتي فين المدة اللي فاتت 

-حياة: بدموع هحكيلك كل حاجة 

_وقبل أن تتفوة دخلت فريدة الغرفة ومعها صنية الطعام 

-فريدة: الحمد لله يا بنتي أنك بخير 

-حياة: تسلمي بجد حضرتك تاعبة نفسك 

-فريدة: متقوليش كدا يا حبيبتي 

-ياسر: لازم تاكلي الأول يا حياة وبعدين نتكلم وكمان عشان تاخدي الأدوية 

-حياة: معلش أنا بجد مليش نفس ومحتاجة أتكلم بجد لأن لما أحكي هرتاح لازم ألاقي حل وإلا مستقبلي هيضيع 

-فريدة: طيب أسيبكم لوحدكم 

-حياة: لا خليكي لازم تسمعيني أنتِ كمان 

-ياسر: أتكلمي يا حياة واضح أن الموضوع كبير 

_بدأت حياة الكلام قائله كنت قاعدة في الجريدة لوحدي وبكتب كام خبر لقيت ابن عمي داخل المكتب وبيقولي الحقي يا حياة أبوكي وأمك وأخواتك عملوا حادثة لازم تسافري معايا قنا حالاً وفعلاً جريت من غير أي تفكير ولا بلغت أي حد ومشيت معاه وأول ما وصلت قنا سمعت صويت ومرات عمي بتحضني وتقولي شدي حيلك كلهم راحوا وسابوكي لوحدك ياغالية 

-حياة: أنتِ بتقولي ايه مستحيل 

-سالم: وحدي الله يابنتي أنتِ متعلمة والموت علينا حق 

-حياة: بس ياعمي أزاي 

-فتحية: تعالي معايا يابنتي عشان تغيري هدومك وتقعدي في العزاء مع الحريم 

-حياة: ذهبت معها وهي تبكي بشدة والدموع تنهمر من عينها والصدمة علي وجهها مما حدث 

⚡(سالم المنياوي) عم حياة راجل طماع جداً يعشق الفلوس قلبة لا يعلم للرحمة عنوان وخلال الأحداث هنعرف عنه أكتر.

⚡(فتحية) زوجة عم حياة طيبة ولا ترضي علي أفعال زوجها وابنها لكن ليس بيدها حيلة وهنعرف عنها أكتر من الأحداث.

_مر أسبوع علي وفاة أبوها وأمها وأخواتها ميادة ودنيا 

-حياة: عمي أنا لازم أرجع مصر بكرا عشان شغلي 

-سالم: أنتِ بتقولي ايه يا بنت أخوي أتجننتي وعاقلك طق 

-حياة: ليه بتقول كدا ياعمي 

-سالم: أياك فاكرة أن هسيب لحم أخوي كدا تعيش وحدها في بلد بعيدة 

-حياة: بس أنا مستحيل أعيش هنا أنا أتولدت وعيشت في مصر وشغلي وكل حياتي هناك ومستحيل أفضل هنا 

-سالم: وريني هتخرجي أزاي ويلا علي أوضتك متخرجيش منها خالص 

-حياة: تركتة ودخلت الغرفة التي تستقل بها منذ وصولها وظلت تبكي بشدة 

-سالم: أستدعي الغفر ليبلغهم قائلاً عارفين لو بنت أخوي خرجت من هنا هيكون أخر يوم في عمركم سامعيني ثم خرج من البيت 

_مسحت حياة دموعها قائله أنا مش ضعيفة ولازم أهرب وحاولت بالفعل الهرب ولكن أمسكها سيد قائلاً علي فين ياحياتي 

-حياة: سيد بالله عليك سيبني أمشي من هنا 

-سيد: أوعي تفكري أن هسيبك دا أنا مصدقت لقيتك وهتكوني حياتي ياحياة سواء برضاكي أو غصب عنك 

-حياة: أنت بتقول ايه يامجنون نجوم السما أقربلك مني  

-سيد: صفعها صفعة قوية جعلت فمها ينزف وأمسكها وأدخلها البيت ثم أوقعها أرضاً لتصطدم رأسها بالكرسي الذي يجلس عليه عمها 

-حياة: حرام عليكم عايزة أرجع مصر 

-سيد: ايه ياوالدي أنت ما قولتلهاش أن كتب كتابنا الأسبوع الجاي ولا ايه 

-سالم: كنت عامل ليها مفاجأة يابني بس أديك عرفتها

-حياة: مستحيل دا علي جثتي أتجوزك أنت فاهم وبعدين ياعمي أنت أصلاً خسارة فيك كلمة عمي 

-سالم: صفعها قائلاً أتجننتي شكلك أسكتي خالص لو أبوكي ماعرفش يربيكي أنا هخلي ابني يربيكي من أول وجديد يلا علي أوضتك 

_دخلت حياة إلي الغرفة وهي تبكي بشدة علي ما يحدث لها فحدثت نفسها قائله بابا ماما نفسي أكون معاكم ليه سيبتوني ليه أنا مش قد كل دا يارب أقف جمبي مليش غيرك يارب 

-فتحية: دخلت ومعها الأكل قائله كلي لقمة يابنتي 

-حياة: مرات عمي أنتِ دايماً بتحبيني بالله عليكي خليني أمشي من هنا 

-فتحية: ربنا يعلم يابنتي حبك في قلبي أزاي كلي وأنا أوعدك هخليكي ترجعي مصر واللي يحصل يحصل 

-حياة: بجد يامرات عمي 

-فتحية: بجد يانور عيني بس أسكتي وأوعي تعرفي حد 

-حياة: حاضر مش هتكلم 

-فتحية: أنا هخرج بقا عشان عمك بينادي ثم خرجت بالفعل وهي تحدث نفسها قائله ياحبة عيني عليكي يابنتي كان مستخبيلك دا كلة فين 

_مر أسبوع كانت حياة تلزم غرفتها ترفض الطعام والشراب حتي دخلت عليها زوجة عمها في منتصف الليل 

-فتحية: قومي ياحياة يا بنتي يلا لازم تهربي دلوقتي

-حياة: بجد 

-فتحية: ربنا يحفظك يابنتي وخلي بالك لأن اللي جاي كلة صعب عليكي

-حياة: حضنتها قائله متخافيش عليا أنا في مصر أقدر أعمل كتير 

-فتحية:عمك هيجي مصر لما يعرف أنك هربتي روحي مكان ميعرفش يوصلك فيه 

-حياة: حاضر أشوفك علي خير ثم ذهبت إلى محطة القطار المتجه من قنا لمصر

_بس دا كل اللي حصل الشهر اللي فات وجيت علي هنا 

-فريدة: ياحبيبتي يا بنتي 

-حياة: بقيت لوحدي كان نفسي أكون معاهم 

-ياسر: بس ياحياة متقوليش كدا تاني حرام عليكي أنتِ بتعترضي علي حكمة ربنا

-حياة:عندك حق سامحني يارب بس أعمل ايه عمي هيدور عليا في كل مكان وحتي عند خالتي وممكن يأذيهم لازم أوصل لحل قبل ما يعرف مكاني ويجوزني ابنه وأنا عندي أموت ولا أتجوز سيد الفرق بينا زي الفرق بين السماء والأرض 

-ياسر: أهدي كل حاجة هتتحل بطلي عياط وكلي عشان العلاج 

-فريدة: حضنتها قائله احنا معاكي يا بنتي ومفيش حد هيقربلك ومن انهاردة أعتبريني في مكانة والدتك 

-حياة: دا شرف ليا حضرتك 

-فريدة: بقولك ماما ايه حضرتك دي 

-حياة: أسفة حضرتك أقصد ياماما 

-فريدة: شاطرة يلا أنا هأكلك بإيدي كمان وبالفعل أطعمتها وأعطتها العلاج وتركتها هي وياسر كي تستريح 

_بعدما نزلت فريدة وابنها 

-فريدة: هتعمل ايه يا ياسر أنا خايفة علي حياة بجد حبيتها ودخلت قلبي 

-ياسر: في فكرة في دماغي يا أمي وإن شاء الله خير هروح دلوقتي الشغل أخلص مأمورية ولما أرجع هبلغك ثم قبل يدها ورأسها وخرج 

_أما في الغرفة كانت حياة تبكي بشدة لفقدها أسرتها وشردت بذكرياتها 

(فلاش باك)

-عصام: حياة فاضية الأسبوع دا يا بنتي 

-حياة: ليه يابابا خير 

-عصام: هنسافر نقضي أسبوع وبالمرة نبيع كل أملاكنا هناك عشان أجيب جهازك أنتِ وأخواتك 

-حياة: تفتكر عمي سالم هيوافقك 

-عصام: دا حقي يا بنتي وكمان أنا كاتب كل حاجة باسمك ومن خلال التوكيل اللي عملتيه ليا هبيع وهو مش هيقدر يتكلم لأن دا حقي 

-حياة: تمام يابابا ربنا يحفظك لينا يا حبيبي بس مش هقدر أسافر معاكم عندي شغل مهم 

-سماح: ليه بس يابنتي أنا هخاف أسيبك لوحدك هنا 

-حياة: متخافيش عليا يا أمي بس خلي بالك من ميادة ودنيا 

-ميادة: متخافيش علينا ياقلبي دا احنا ما هنصدق نخرج ونتفسح 

-دنيا: أنا هفضل معاكي يا حياة 

-حياة: لا يا حبيبتي سافري معاهم لأن هكون في الشغل ومش هطمن عليكي لوحدك 

⚡(عصام المنياوي) والد حياة راجل طيب جداً  بيخاف علي بناته أوي توفي في الحادث.

⚡(سماح) والده حياة بتحب بناتها جداً خاصة حياة توفت أيضاً في الحادث.

⚡(ميادة) أخت حياة تصغرها بعامين حاصلة علي دبلوم تجارة.

⚡(دنيا)الأخت الأصغر تعشق حياة بشدة وتفتخر بها دائماً في الصف الثالث الثانوي التجاري.

_أستيقظت حياة وتناولت الفطار مع أهلها وودعها الجميع ليلحقوا بالقطار المتجه نحو محافظة قنا 

-عصام: خلي بالك من نفسك يابنتي هتوحشيني 

-سماح: والله يا بنتي مش عايزة اسيبك بس مينفعش أبوكي يسافر لوحده 

-حياة: متقلقوش عليا أنا مش صغيرة وبعدين ليه الدموع بتحسسوني أنها أخر مرة هشوفكم 

-ميادة: معلشي بقا بنحبك نعمل ايه

-دنيا: اه والله يا حياة مقدرش أنام بعيد عن حضنك 

-حياة: كلها أسبوع وترجعوا إن شاء الله بالسلامة ياقلبي مش هنفترق أبداً بلاش بقا دموع حساكم بتودعوني ومش هشوفكم تاني يلا سلام 

_ثم فاقت من ذكرياتها وعادت للواقع قائله فعلاً أخر مرة كنت أشوفكم فيها وظلت تبكي بشدة لتكمل قائله يارب قويني يارب أنا بموت من غيرهم وكمان بتمنى ياسر يوصل لحل يارب