رواية عروس الالفا (الهجينة 2) الفصل الثامن والعشرون 28 بقلم ماهي أحمد
رواية عروس الالفا (الهجينة 2) الفصل الثامن والعشرون 28 بقلم ماهي أحمد
رواية عروس الالفا (الهجينة 2) البارت الثامن والعشرون
رواية عروس الالفا (الهجينة 2) الجزء الثامن والعشرون
رواية عروس الالفا (الهجينة 2) الحلقة الثامنة والعشرون
الخاله حكيمه : العربي والضبع عرفوا يوصلولنا ياولدي
وعشان هما بيشربوا د/ م البشر واحنا لاء كانوا اقوى مننا المهدي حس بالخطر علينا وعمل اللعنه ولأنه مابيخلفش قال انه شرط اللعنه عشان تتفگ تتفگ بشرب اللي من د/مه انا وافقت العربي وعلي وافقوا وانت لاء مكنتش عايز تكبر وتعجز لقاك الضبع ومسحلك ذاكرتك وخلاك تنسى كل اللي فات وعرفك ان احنا اعدائك وانك ولده هو وبقيت معاه طايح في خلق الله مع انك مكنتش اكده ابدآ كان بيعرف ازاي يسيطر على عقلك لحد ما حصل اللي محدش كان يتوقعه
ياسين : حصل اي ياخاله انطقى
خاله حكيمه : بالراحه عليا ياولدي جايلكم في الكلام
ابتسم عمار للخاله بضحكه بشوشه
عمار : كملي ياخاله كلنا سامعينك
الخاله حكيمه : الله يرضى عليك ياولدي كل مره نسل الست اللي اتعضت اول خلفتها بيبقى واد ونراقبه من بعيد
( انا والعربي وياسين وعلي) قبل ما الضبع ياخد ياسين ويمحيله ذاكرته
لحد ما يمو/ت مكانش بيعرف قدراته وبيبقى زيه زي البشر اخره انه بيبقي سريع مش اكتر بس اخر نسل جه بنت ماجاش واد البنت كبرت وقبل ما الضبع يمحيلك ذاكرتك كنت انت حاكيتله على النسل ده لأنه هد/دك باخوك علي
لو ماحكيتلوش وعرف بيها الضبع والعربي
الضبع كان عايز يشرب د/مها عشان كان فاكر انه هيبقى اقوى بيها بس العربي
خالفوا الرأي وكان عايز ياخدها ويعمل عليها تجارب ويخليها اقوى وتبقى تحت طوعه ويبقى في نسل اقوى من الاتنين من الذئاب والبشر والعربي كان بيسميه الهجين
داغر : وايه التجارب اللي عملها العربي عليها
الغريب اتكلم
الغريب : ال .. ال .. التجارب دي لو .. لو قدر يخلي البنت دي تحمل .. تحمل من مس . مستذ . مستذئب
انا .. انا .. انا فاكر ان والدي هو . هو اللي كان بيعمل لل.. للعر.. للعربي التجربه دي
عز : ومين المستذئب ده اللي البنت دي حملت منه
الغريب: م .. معرفش كنت .. كنت .. لسه .. لسه صغير
يزن : مين ياخاله
عمار كان قاعد بيسمع في هدوء وفي نفس الوقت بتركيز مكانش بينطق كان حاسس ان في حاجه غلط
الخاله وعلي بصوا لبعض والخاله هزت كتفها بالنفي
الخاله : معرفش .. مجرد مستذئب
عمار : يعني مش العربي او الضبع
الخاله : مكانش ينفع .. العربي والضبع كانوا عايشين بقالهم كتير ياولدي ومع اللعنه كانوا بيضعفوا بس هو كان
بيحول ناس كتير لمستذئبين بعد اللعنه وكانوا بيمو/توا بعدها بشهور ممكن يكون استخدم واحد منهم
ياسين : وبعد ما استخدم واحد منهم حصل اي ياخاله كملي
الخاله : البنيه حملت فعلا وما/تت وهي بتولد الواد .. الواد مابقاش مجرد عيل من نسل عضه مهجه وبس لاء ده كمان بقى اقوى وبكده هيبقى الفا هجين ومستذئب وفيه كل صفات المستذئبين من غير ما يتعض وكمان بني ادام بس لو شرب د/م البشر هيتحول لشيطان هيبقى اقوي واسرع من المستذئب العادي العربي فرح وحس انه بقى بيملك الدنيا ومافيها ابو الواد صعب عليه الطفل واللي هيحصله واخد الواد وخباه عند عيله من البشر
(مارال بصت لعمار وعمار فهم )
مارال : تقصدي ايه ؟
( الخاله بقت مركزه نظرها على عمار وشمس بصيتله ومسكت ايديه وشبكت صوابعها بصوابعه وهو بيتكلم بصوت مبحوح وبيتكلم بالعافيه )
عمار : والولد ده .. ده يبقى
الخاله حكيمه : بالظبط ياعمار الواد ده يبقى انت
(عمار بص لشمس وظهرت ابتسامه مكسوره بجانب شفايفه شمس بصيتله وكانت مضا/يقه عشانه جدا )
عمار : دلوقتي بس عرفت هي اختارتني انا ليه ؟
بصت جنبها لعمار
مارال : عشان كده ماما اختيايتك انت
بعدم فهم
يزن: اختارتك .. مين اللي اختارك .. انا مش فاهم حاجه ؟
خاله حكيمه : هفهمك ياولدي
المستذئب ابو عمار الحقيقي ادا فلوس للحربي ومراته اللي ربوا عمار عشان يخلوا بالهم من عمار الشهاده لله الست مقصرتش معاك في شىء بس الحربي ضيع كل قرش وبقى مديون اكتر والعربي كان بيدور عليك في كل حته زي
الم/جنون لحد ما لقاك ولما لقاك عملوا تمثيليه الاختيار وخلوا امك تختار ما بينكم عشان تكر/ه امك وعيلتك اللي اتربيت وسطيهم وماتحاولش تجيلهم تاني وهو كده كده باختيارها او من غيره كان هياخدك انت
( بلع ريقه وهو مخنو/ق ومضا/يق)
عمار : وفين .. فين ابويا الحقيقي
( على كان لسه هينطق حكيمه برأتله بغ/ضب علي اتنهد وبص في الارض )
حكيمه : مانعرفش هو طفش وماحدش يعرفله طريق
ياسين : او ما/ت لو العربي هو اللي محوله يبقى اكيد ما/ت
مارال : يعني عماي مش اخويا
بصت لعمار وعنيها مليانه دموع
مارال : يعني انت مش اخويا
بص جنبه لمارال بنظره مكسوره
عمار : طول الوقت كنت بسأل نفسي الف سؤال ومش معنى اختارتني انا وعشان ايه دلوقتي بس فهمت
شمس بصت لعمار وهي ماسكه ايديه ومبتسمه ابتسامه بسيطه
شمس : هون عليك ياعمار فكل ما يحدث لنا ما هو
سوا إلا اقدار
كلهم كانوا قاعدين في دايره وياسين كان قاعد قدام عمار شاف شمس وهي ماسكه ايديه اتنهد بغ/يظ
ياسين : احنا كل شويه هنقاطع الخاله ولا ايه كملي الحدوته ياخاله
الخاله رفعت حاجبها وبصت لياسين بعيون ثاقبه وهزت راسها بالموافقه
الخاله حكيمه : دي مش حدوته ياياسين دي حقيقه كلنا عيشناها ولسه هنعيشها ومع كلآ هكمل ياياسين
في الوقت ده انا كنت بكبر والمهدي شاف زهره واكنها نسخه طبق الاصل من مهجه وانا كنت بعجز شوفت الفرحه في عنين المهدي لما شافها ووافقت انه يتجوزها ويشاء العليم من غير شىء ان زهره تحمل من المهدي والعربي عرف ياخد عمار من جديد الضبع وياسين واالعربي عرفوا ازاي ي/خلصوا على المهدي وخصوصا انه كبر وضعف والامل ان اللعنه تتفك رجعلهم من جديد والضبع قدر ياخد شمس يربيها عنده والباقي كله انتوا عارفينه
ساره : يعني انتي عايزه تفهمينا ان ياسين كان بيعمل كل اللي بيعملوا ده وهو تحت تأثير الضبع
ابتسم ابتسامه بسيطه وبصلها وشاور عليها بصباعه
ياسين : حبيتك
يزن بص لساره بمعنى انها ليه اتكلمت وهي فهمته من غير ما يتكلم
ساره : اي بسأل ده مجرد سؤال
بتساؤل وعدم فهم
شمس : أهذا صحيح ياخاله ؟
خاله حكيمه : ايوه صح يابتي ياسين عمره ما كان اكده بس الضبع كان عنده قدره انه يخليه يمشي تحت طوعه ويطبع على طباعه كان بيتحكم فيه ولما الضبع م/ات تأثير الضبع واحده واحده بقى يروح منه وشويه بشويه هيرجع يفتكر كل اللي فات
دكتور علي : ياسين بطبعه قبل ما الضبع يأثر عليه كان طيب كان بيخاف عليا وحنين معايا كان بيحب الهزار والضحك والمقالب ياسين مكانش كده ابدآ وعشان كده فكرت انا والخاله بعد ما الضبع م/ات ازاي نقدر نرجعه لطبيعته من غير ما يشعر واتفقت انا والخاله اني هرجعله السلسله واخد زهره لي وكل ما اقرب منه وابقى معاه يمكن يفتكر اللي فات
ياسين : وايه اللي يخليك واثق اوي كده اني كنت هبقى في صفك مش يمكن كنت غد/رت بيك وسلمتك للعربي تسليم اهالي
بص جنبه لياسين
دكتور علي : كانت محاوله ياياسين وانت تستاهل اني احاول عشانك حتى لو حياتي هتبقى التمن انت تستاهل
بص لشمس وبيكلم علي وهو قاصد يوجه كلامه ليها
ياسين : يعني انا عمري ما كنت وحش ياعلي
دكتور علي : عمرگ ياخويا .. الضبع هو اللي كان السبب بدليل انه اول ما ما/ت تأثيره ابتدى يروح من عليگ اه مش كله بس مابقيتش زي الاول وواحده واحده هترجع زي الاول واحسن ومع الوقت هتفتكر كل شىء
شمس فهمت اللي ياسين عايز يوصلهولها وغمضت عنيها وبصت في الأرض واتنهدت ياسين ابتسم ابتسامه بسيطه عشان عرف انها فهمته هما اه ماكنوش بيتكلموا بس نظرات عنيهم كانت بتقول كل شىء شمس رجعت بصت جنبها لعمار وقربت
منه وعمار حضن ايد شمس اكتر ياسين اول ما شفهم كده ضغط على سنانه واتنفس بغ/ضب لحد ما زهره قطعت النظرات اللي ما بينهم هما التلاته واتكلمت
زهره : يعني انت ياعلي كنت متفق مع الخاله وماخون/تهاش
الخاله حكيمه : علي لا يمكن يخ/وني يازهره
وهي مخنو/قه ومض/ايقه
زهره : وليه ماقولتليش ياخاله ليه سبتيني اظلمه
خاله حكيمه : مكانش ينفع يابتي انتي كنتي هتبقي وسطيهم ومعاهم دوول بيسمعوا دبه النمله لو كنتي غلطتي او سامحتي دكتور علي او اي شىء عملتيه غلط ياسين والعربي وحسام كانوا هيشكوا في كل ده وكل محاولاتنا ان احنا نرجع ياسين يبقى وسطينا كانت هتفشل
زهره بصت لعلي بلوم وسكتت
بربروس : أذآ فكل شىء كان خطه من الاساس بينك ياخاله وبين علي
خاله حكيمه : كان لسه اهم شىء انا كنت متأكده ان العربي هيغدر بياسين بعد ما ياخد اللي هو عاوزه عشان عارف ان تأثير الضبع بيروح من عليه واحده واحده وهيرجع طيب ومالهووش فايده. عند العربي وخصوصا لما كان بيشوفك بدافع عن علي ياياسين وكل ما تدافع عن علي كان بيعرف انك عاجلا او اجلا هترجع تحس بغيرك زي زمان
دكتور علي : بس فضل قدامنا حاجه واحده بس
يزن فهم ورد بسرعه بديهيه
يزن : ازاي تخلوا بربروس وياسين معانا ومايهربوش بعد المعركه مش كده
خاله حكيمه شاورت بصباعها على يزن
خاله حكيمه : انت ذكي .. ومحلتكش غير ذكائك
ضيق حاجبه باستغراب وحيره من أمره
يزن : وده اعتبره مدح ولا ذم
دكتور علي : فضلنا نفكر لو ياسين فعلا ابتدى يهتم بيا ويدافع عني يبقى مش هيسيبني امو/ت مهما حصل
بربروس: كنت اعتقد فقط ان ياسين هو الاخرق من بين الجميع ولكن اتضح ان هناك من أخرق منه
بغ/ضب وهو متنر/فز شاور بأيديه لعلي
ياسين : انت اكيد اتج/ننت تقوم تضحي بنفسك عشان نفضل معاهم هنا
علي حط ايده علي كف ياسين وابتسمله وبصله بحب
دكتور علي : كنت واثق فيك ياياسين كنت عارف انك مش هتسيبني ام/وت مهما حصل
ياسين : ولو مكنتش قدرت انقذك ياعلي
بهدوء وبرويه
دكتور علي : كنت هتقعد معاهم عشان تنتق/م لمو/تي يعني في الحالتين هنوصل لنتيجه
ياسين : وليه ده كله ياعلي ليه ؟ كان في الف طريقه احسن من كده تخليني افضل هنا
هز راسه بالنفي
علي : مكانش في طريقه تخليگ تفضل هنا غيى الطريقه دي ياياسين
عز : كل اللي حصل ده مافيش منه فايده
ايه الفايده طالما كده كده العربي هو اللي فاز في الاخر تجمعنا هيفيد بأيه
ابتسم ابتسامه بسيطه وهو بيهز راسه من فوق لتحت
داغر : انتي لعبتيها صح ياخاله انتي من الاول كنتي عارفه ان احنا مش هنكسب المعركه
خاله حكيمه : اكيد ياولدي عمار لا يمكن يكسب المعركه ضد حسام والعربي وبربروس وياسين لوحده وخصوصا انه لحد دلوك معرفش كل قدراته بس اللي استغربتله انه قدر يقف قدامهم كلهم بالشكل ده
وده طبعا بفضل تدريبك لي ياداغر
داغر : للاسف مادربتهوش كفايه
ضيق عنيه بعدم فهم وتساؤل
عمار : قدراتي .. تقصدي ايه بقدراتي
الخاله حكيمه : انت خابر زين ياولدي اكيد اكتشفتها
هز راسه بالنفي
عمار : مش فاهمك
الخاله حكيمه : فكر كويس وافتكر ماحصلش معاك حاجه جديده خالص حاجه مكنتش عارف انك تقدر تتحكم فيها
عمار فهم
عمار : تقصدي
قطعته في الكلام
الخاله حكيمه: ايوع ياولدي اقصد اللي فهمته
ومش بس تقدر تتحكم في الذئاب وبس لاء تقدر تتحكم في الحيوانات كلها وتبقى ملك ليك تسمعهم وتفهم لغاتهم وتخليهم ينفذوا اللي انت عايزه
عمار : ازاي
خاله حكيمه : كله مع الوقت هييجي وهتعرف تتحكم في نفسك ويبقى عندك القدره تتحكم فيهم كله بالتدريب وانا هبقى معاك مش هسيبك ابدآ
عمار : وبعد تدريبي ما برضوا اللعنه اتفكت مافتكرش ان بعد اللي حصل ده كله وياسين وبربروس معانا هيحصل حاجه
الخاله حكيمه : انت صح ان اللعنه اتفكت ودي حاجه مكناش نقدر نعمل حاجه فيها والعربي بقى اقوى ويقدر يعمل حاجات مكانش يقدر يعملها زمان بس برضك ياولدي لو اجتمعنا كلنا نقدر نقت/له
رعد : بس على حسب علمي انه بقى قوي لدرجه انه مابقاش ينفع يم/وت
خاله حكيمه : لاء ينفع الحاجه الوحيده اللي مش هتخليه يمو/ت هو مو/ت شمس وهو ده اللي بيسعى لي حاليآ
عمار ضيق حواجبه بغ/ضب
عمار : انتي بتقولي ايه؟
______________( بقلمي ماهي احمد )______________
حسام كان قاعد مع العربي هو والجزار
الجزار : ولما انت لازم تقت/لها ماقت/لتهاش ليه من الاول ما كانت عندك يوم فك اللعنه
العربي : مكانش ينفع وقتها كان لازم اضمن الاول ان اللعنه اتفكت البت اختفت في وقتها وانا كنت لسه بتغير لسه برجع شباب زي الاول
حسام : ولو ماق/تلتهاش ايه اللي هيحصل
العربي : في احتمال انهم يق/تلوني ولو انا مو/ت كل شىء انا عضيته هيم/وت وانت كمان ياحسام انت ناسي انك شربت من د/مي
____________________
عمار : ده لا يمكن يحصل
شمس بلعت ريقها واتنهدت وبتتكلم بتو/تر
شمس : واذا .. اذا قت/لني ماذا سيحدث
عمار : انتي بتقولي ايه
ياسين : وتفتكرى ان ممكن نسمحله بحاجه زي كده
بصت لياسين واتنهدت وهي مضا/يقه ان قلبه مايل لشمس
الخاله حكيمه : اكيد لاء عشان كده لازم نبقى كلنا ايد واحده
رفع ايده وبصلهم كلهم وهو مش فاهم شىء
شريف : اسف ياجماعه بس احنا ايه اللي دخلنا في ده كله
وجه كلامه لعز
شريف : عز .. انت تعرف الناس دي لدرجه انك تضحي بنفسك عشانهم
كانت متو/تره وهي بتتكلم والخو/ف متملك منها
ولاء : شريف عنده حق انا من يومين بالظبط كنت بذاكر عشان امتحان الثانوي بتاعي ودلوقتي قاعده وبسمع قصص كنت بشوفها في الافلام وبس بستمتع بيها وانا بشوفها لكن
مش اعيش جواها
وجهت حديثها لغرام
ولاء : تعالي نروح ياغرام
اتجهت انظار الجميع لولاء
ولاء : ماحدش يبصلي كده انا حتى ماعرفكمش
يزن : هي عندها حق والاخ اللي اتكلم قبلها
قاطعه في الكلام
شريف : اسمي شريف
يزن : اهلا وسهلا وانا يزن
قاطع تعارفهم بحده
ياسين : وانا ياسين الضبع
اتولدت في القاهره على حسب ما قالولي
عايش بقالي كتير
مقاس شبشبي سته واربعين
بحده وعصبيه وحول عنيه لاسود لولاء وشريف
ياسين : هاا .. اتعرفنا ..
خاله حكيمه : ياااااسين
رجع لون عنيه للونها الطببعي
ياسين : خرست
دكتور علي : على فكره اسمك مش ياسين الضبع اسمك ياسين بن زيدان الصاوي المعروف بياسين الصاوي لكن للاسف لما الضبع اخدك فهمك ان اسمك ياسين الضبع
ضم حواجبه باستغراب ورفع حاجبه
ياسين : اي الصااوي ده
خاله حكيمه : بعدين ياياسين
وجهت كلامها لشريف وولاء
خاله حكيمه : كلنا يابتي في مركب واحده
______________
حسام : انا مش شايف اننا استفدنا اي شىء من فك اللعنه ده
طالما انهم ممكن يق/تلوك وانا اللي كنت فاكرك مابتم/وتش
العربي : ازاي بقى فك اللعنه كان مهم جدا على الاقل مو/تي مابقاش سهل زي الاول و كفايه انك لسه عايش بتتنفس اللعنه لو مكانتش اتفكت كان كل مستذئب عايش على الارض كان زمانه م/يت ده غير اني بقيت اقدر احول عدد كبير من البشر انت نسيت التجارب اللي وريتهالك في المزرعه البشر دي كلها هتتحول بمجرد رجوعي للمزرعه مره تانيه هيبقى عندنا جيش من المستذئبين
________________
خاله حكيمه: العربي عنده خطه وهوس من زمان انه يتحكم في العالم وبدل ما المستذئبين يستخبوا من البشر عايز البشر هما اللي يستخبوا منهم عاوز يحول الارض كلها لمستذئبين وهو يبقى الحاكم عليها
_______________
حسام : ما انت لو عملت كده هنتغذى على ايه ؟
العربي: عليهم برضوا بس هنبقى حاكمينهم البشر هيخد/مونا وهيبقوا عبيد لينا والمستذئبين هيبقوا في كل مكان على وجه الارض
__________________
خاله حكيمه : وده اللي لا يمكن اسمح بي ابدا طول ما انا عايشه االعالم هيدمر
موازين الكون هتختل
وجهت حديثها لولاء
يعني مش هيبقى في مدارس تروحيها عشان تكملي دراستك يابتي وكل اللي تعرفيه هي/موت مش هيعيش العالم هيبقى مظلم وكل شىء في النور هيتعتم
وجهت كلامها لهدير
خاله حكيمه : ابنك اللي منتظراه بفارغ الصبر وشيلاه في بطنك مش هيلحق يشوف النور
حطت ايدها على بطنها وهي خايفه بصت جنبها لداغر والخوف مالي عيونها
هدير : داغر
وجه كلامه لحكيمه
داغر : مافيش حاجه في الدنيا ممكن تأذي ابني في يوم
الخاله حكيمه : لاء فيه .. العربي ممكن يأذيه .. اطفال البشر كلهم هيتأذوا
_____________________
ضرب بأيديه على الطرابيزه بع/صبيه وقع كل اللي علييها على الأرض
حسام : ومستني ايه ؟ انا زهقت من الانتظار خلينا نخلص عليهم ونخلص منهم
العربي : ما ده اللي انا بفكرله بس قبل ما اخلص عليهم انا محتاجهم
حسام : محتاجهم في ايه وليه فهمني
____________________
الخاله حكيمه : العربي عايز يملك كل شىء بعد ما فك اللعنه قدر تاني يرجع موهبته
عمار : وايه هي موهبته
الخاله حكيمه : انه يسلب موهبه اللي حواليه وتبقى ملكه وقت اللعنه محدش كان بيقدر يتحكم في موهبته الا بربروس لانه ماتلعنش اصلا
__________________
العربي: عايز ابقى قوي محدش يقدر عليا في يوم
يبقي معايا موهبه بربروس واني اقدر اشفي اللي حواليا
موهبه ياسين وامسح ذكريات اللي انا عايزه موهبه علي
____________________
بتساؤل وعدم فهم
بربروس : ألديگ موهبه انت الاخر يا علي
علي : كل واحد فينا اتحول من عضه مستذئب عدى الخمسين سنه على تحوله بيبقي عنده موهبه
_______________________
باستهزاء وسخريه
حسام : حتى علي عنده موهبه ده مشروع وفسد
العربى : اهوه علي اللي مش عجبك ده وبتقول عليه مشروع فاسد و مالهووش في شىء ده عنده اهم موهبه فيهم كلهم
ابتدي يجذب انتباهه اكتر
حسام : وايه هي الموهبه دي
___________________________
دكتور علي : اني بقدر اشوف المستقبل وايه اللي ممكن يحصل فيه
ياسين : يعني انت كنت عارف ان احنا هننقذك
رد بسرعه على سؤاله
علي : لاء مكنتش اعرف لأن وقتها اللعنه مكنتش اتفكت
شاور براسه بعدم فهم
عمار : يعني تقدر تشوف هيحصل معانا ايه بكره
على مابقاش عارف يرد على مين ولا مين واسئلتهم اللي ورا بعض
عز : ادولوا فرصه يتكلم
بص لعز وابتسم
علي : انا بقصد إني بقدر اشوف المستقبل قبلها بدقايق او يمكن ساعات بالكتير
_______________________
حسام: برضوا مالهاش لازمه اي دقايق وايه ساعات ولا شىء
كده كده بنكون في قلب المعركه
العربي : مش بس كده
الجزار : في حاجه تاني يقدر يشوفها
العربي : ايوه
حسام : ايه هي
__________________
الخاله حكيمه : يقدر يشوف المستقبل البعيد .. البعيد اوي
يزن : فهمتك ياخاله انت بتقدر تشوف المستقبل القريب والبعيد يعني يا اما قبل الحدث بساعات يا اما قبل الحدث بسنين
علي : بالظبط ومش كل المستقبل بتجيلي على هيئه رؤيه مش اكتر
وجهت كلامها ليزن
خاله حكيمه : تفكيرك عاجبني ياولدي انت وعمار بتكملوا بعض انت العقل وهو العضلات
عمار ضيق حواجبه وبص ليزن
عمار : فهمني ياعقلي ؟
يزن : يعني يقدر يشوف المستقبل مثلا بعد خمسين او ١٠٠ سنه قدام لكن ما يقدرش يشوف هيحصل اي بكره يقدر يشوفه كمان دقايق او ساعات مش شهور ولا ايام
دكتور علي : بالظبط .. كل كلمه قالها يزن صح والرؤيه بتجيلي في اي وقت ومش كل حاجه بقدر اشوفها في حاجات كتير مابقدرش
___________________
العربي : وطول ما علي معاهم ويقدر يشوف المستقبل البعيد ممكن يقدروا يغيروا كل الخطط اللي انا عاملها
حسام : وهنتصرف ازاي في الليله اللي مش طلعلها ملامح دي ياحبيب اخوك
العربي : ما تقلقش عشان كده انا بعمل حسابي من دلوقتي
حسام : ازاي
_________________________
الخاله حكيمه : العبقري
كلهم بصوا لبعض في تساؤل
بربروس : ومن الذي يدعوا بالعبقري
الخاله حكيمه : ده الوحيد اللي لازم نخاف منه
ياسين : و العبقري ده بقى بيبع ايه ؟
هزت راسها شمال ويمين وبتتكلم بكل ثقه
خاله حكيمه : يقدر يبيعك ويشتريك ياياسين
داغر : ليه بتقولي كده ياخاله
خاله حكيمه : قبل اللعنه علي شاف رؤيه ان الارض بتدمر والعربي طايح في خلق الله كل اللي على الارض بقوا مستذئبين النا/ر بتاكل كل بيت وكل شارع الناس بتستخبى والمستذئبين بقوا في كل مكان على الارض والبشر قربوا ينقرضوا الارض اتحولت لدما/ر شامل والعربي متحكم فيها وهو الحاكم الناهي عليها الحكومه لما لاقت كده وان الارض خلاص ادمرت قررت انها تبني ملاجىء تحت الارض تنقذ فيها العلما والدكاتره وكل من ذي اهل علم والناس اللي قدرت تعيش
وابادوا الارض بص/واريخ نوو/يه ومكانش قدامهم حل تاني غير كده وقضوا على كل المستذئبين اللي استخبوا في الملاجىء والعلماء اللي بقيوا فضلوا مستخبيين في الملاجىء اكتر من ٣٠ سنه و قدروا يصنعوا سلا/ح بعدها يقضي على اي مستذئب ونزلوا خبر للاجيال اللي اتولدت في الملاجىء انه نزل نيزك على الارض هو اللي دمر الارض عشان البشر مايعرفوش باللي حصل ويمكن ده اهم سبب عشان كده المهدي القي اللعنه علينا
_________________________
الغ/ل والحق/د كان باين في كلامه
حسام : معنى كده ان احنا اللي كسبنا وبعد ما استوليت علي الارض برضوا البشر عملولنا اباده
العربي : دي الرؤيه اللي شافها علي
حسام : ما ممكن علي ده بيكذب علينا
العربي: لما المهدي القى لعنته علينا طول السنين اللي فاتت علي مابقاش يقدر يشوف اي رؤيه تانيه بس انا ماسكتش طول السنين دي بقيت احاول اجيب علماء تحت طوعي يقدروا يصنعوا اله زمن نشوف بيها المستقبل وطلع فعلا ان ده اللي هيحصل
_____________________
خاله حكيمه : اللي اتبقى من رؤساء الدول اخدوا القرار ده ومكانش قدامهم حل تاني في منهم اللي ما/ت في الملاجىء وطلع جيل جديد ومنهم العبقري .. شخص ذكي لأبعد الحدود ذكائه لا محدود وبذكائه يقدر يمشي اللي في دماغه من غير حرو/ب
______________________
العربي : بقالي سنين بحاول ازاي بأله الزمن اقدر اجيبه اجيبه في الزمن بتاعنا هنا
حسام : تجيبوا ازاي
_______________________
رفع نضارته وهو متو/تر وصوابع ايديه بتترعش
الغريب : والدي .. والدي صنع اله زمن تقدر تشوف ال .. المستقبل ال .. العبقري هيم.. هيموت سنه .. سنه 2064 بأن بأنفج/ار لو .. لو قدرنا .. نص.. نصنع فجوه ز.. زمانيه .. نقدر .. نقدر ندخل من.. منها ونطلع العبقري من البيت ال.. الكبير
اتأفف وهو بيتكلم بع/صبيه
ياسين : الكائن ده لما بيتكلم بتعصب مابفهمش منه كلمه وانا واحد دماغي على قدي و بحاول استوعب بالعافيه
الغريب : انا.. انا بحاول .. اف .. افهم.. افهمكم
قاطعه في الحديث بتأفف
ياسين : ابعد عن دماغ متو/ فين امي وريح ..
وجه حديثه لعلي
ياسين : حد تاني يكمل ياعلي
غض/بت من طريقه كلامه واستهزائه بالغريب
شمس : دعه يكمل حديثه فلا ذنب له ابدآ في ثقل لسانه
ابتسم وهز راسه بالموافقه وهو بيبص في عيون عمار بكيد
ياسين : وانا ماقدرش اخالفلك أمر
عمار ضغط على اسنانه ولسه هيقوم لياسين شمس مسكته من دراعه وقعدته
شمس : دعگ منه ألا ترى فهو يفعل ذلگ فقط لمضايقتگ صدقني
ابتسم ابتسامه خبيثه ظهرت بجانب شفايفه ورفع حواجبه وهو مبتسم وغمزلها بطرف عنيه
ياسين : خايفه عليا ياشمس
اخدت نفس بتأفف وطلعته باستسلام
شمس : حسنآ لقد استسلمت
بابتسامه سخ/ريه
عمار: انت ليه مش قادر تفهم .. شمس عمرها ما هتخاف عليك
الخاله حكيمه : تفتكر ده وقته ياياسين احنا في ايه ولا في ايه ياولدي
بص للغريب وهو مبتسم
ياسين : كمل كلامك ياغريب
بص لعمار وكمل كلامه
ياسين : لجل خاطر عيونها الحلوين
عمار اتعص/ب واتنر/فز جدا من كلمه ياسين
عمار : قول كلمه تاني وهق/تلك بأيدي
بلا مبالاه وعدم اهتمام
ياسين : كلمه تاني
اتضح على ملامح خاله حكيمه بعض العص/بيه
خاله حكيمه : يااااااسين
شاور على شفايفه وقفل شفايفه زي السوسته
ياسين : اتخرست
ابتسم للغريب بغ/يظ
ياسين : كمل بس من غير رغي
حول عنيه للون الاسود
ياسين : عشان بصدع
الغريب اخد نفس وكمل كلامه بسرعه
الغريب : السنين اللي فاتت دي كلها العربي صنع اله زمن او بمعنى اصح فجوه زمنية او بعد زمنى بس المشكلة فالسفر عبر الزمن ان الكيان الملموس مينفعش يتواجد فمكانين فوقت واحد عشان كده مش قادر يجيبه وانا مش ذكي بذكاء والدي عشان اقدر اصنعه ولا ابني هيبقى ذكي زيي احنا بنقدر نشوف لحظات بسيطه من اله الزمن اللي والدي اخترعها قبل ما يمو/ت ولحد الان العربي مش عارف ازاي يقدر يدخل يجيب العبقري قبل ما يفجر نفسه عشان ينقذ اللي حواليه
الكل بصله باستغراب انه مابقاش يقطع في الكلام وبيتكلم عادي والغريب بعد ما خلص كلامه اخد نفس عميق مره تانيه
رفع نضارته وبص للجميع
الغريب : انا .. لما بكتم .. بكتم نفسي وا.. واتك.. واتكلم بت.. بتكلم ط.. طبيعي
ياسين. : اكتمه على طول بقى
___________________
حسام : هو ضرورى ان احنا نجيب العبقري ده
العربي : اكيد للاسف الغريب مش ذكي كفايه ولا حتى ابنه الصغير هيبقى بذكاء العبقري .. العبقري لو معانا هنعرف بذكائه نتحكم في العالم كله
حسام : ايوه بس ازاي وانت بتقول ان ماينفعش
________________________
الغريب : ينفع في .. في حاله واحده .. واحده بس
ان انه يلبس السلسله واللي يدخل ال .. الفجوه .. الفجوه الزمانيه دي يبقى عارف انه .. انه رايح مش راجع يعني يلبس .. يل .. يل.. يل..
ياسين : غرييييب خد نفس
الغريب اخد نفس عمييق
الغريب : يلبس السلسله ويقلعها في الثواني اللي متبقيه ويلبسها للعبقري ويدخله هو في .. في .. في
ضغط على اسنانه بغي/ظ
ياسين : ارحم امي التعبانه
عمار ابتسم وحط ايديه على شفايفه عشان ما يبانش انه بيضحك شمس برأتله وضربته بكف أيديها بالراحه على كف أيده
شمس : كفى .. لا تضحك
ميرا : في الفجوه الزمانيه ياغريب
الغريب لما لقى الكل مركز معاه اتوتر جدا والتوتر كان باين في كلامه
الغريب : اي .. ايوه
ياسين : كفايه انت لحد كده ياغريب ماتتكلمش تاني
( رفع نضارته من على مناخيره وبص في الارض بضجر )
ميرا : لما كنت هناك مع حسام دخلت اوضه كان باين انها اوضه مجهزه فيها شاشات لمراقبه مكان كان غريب جدا وفي المواصفات اللي بتقولي عليها
الخاله حكيمه : العربي لا يمكن يسيب معمل المزرعه يبعد عن عينه ابدآ وحاطط حراسه هناك عشان كده لما ولاء وشريف. راحوا يجيبوا الحقن كانوا هناك حراس المزرعه
_________________
العربي : طبعا ناويها ده انا بقالي سنين بحلم بواحد يبقى بذكاء العبقري وقوته وشجاعته
حسام : وتفتكر مين اللي هياخد السلسله يلبسها ويدخل جوه الفجوه الزمانيه دي ويقنع العبقري انه يلبس السلسله في خلال ثواني ويدخل جوه الفجوه الزمانيه ويم/وت هو عشان المكان هينفج/ر
العربي ابتسم ابتسامه بسيطه ظهرت بجانب شفايفه
العربي : صابر
_________________________
عز : يعني على كده لازم نمنع ان العبقري ده ييجي هنا
خاله حكيمه : بالظبط ياولدي
داغر : ولو جه وبقى مع العربي
بربروس : سيكون من الاعداء وسننتصر عليه بأذن الله
فمن معه الله فلا غالب له ونحن من انصار الحق
رفع كف ايديه وشاور لبربروس
ياسين : كفايه .. كفايه كده ياشيخ عجوه
غدير الطفله: هو انا ممكن اقول حاجه
الكل بصلها بجديه ومستني تشوف هتقول ايه
الطفله: هو انا ممكن اخد حته تاني عشان لسه جعانه
ابستمت للطفله ومدت ايدها واخدت منها الطبق
خاله حكيمه : اكيد يابتي انتي مالكيش ذنب في اللي بيحصل ده كله ولا ده مكانك
بصت للجميع وهي بتدي الطبق لغدير
خاله حكيمه : كفايه اكده كله ياكل من طبقه عشان نبقى كلنا اكلنا عيش وملح سوا ومايدخلش ما بينا خا/ين في يوم
ومن اللحظه دي كل واحد فيكم معاه حريه الاختيار يا يبقى معانا يايسحب أيده من كل ده واللي حابب ينسحب حقه وماحدش يقدر يلومه بس قبل ما حد يقول رأيه فيكم بالرفض او الايجاب اعرفوا ان لو محطيناش ادينا في ايد بعض وبقينا أيد واحده كلنا هنتأذي سواء دلوقتي او بعدين ومحدش يقول رأيه دلوقتي هستني رايكم بكره الليل بعد ما تكونوا فكرتوا كويس ماتتسرعوش
حط الطبق اللي في ايده على الارض ورفع ايديه جنبه
خاله حكيمه : انت معانا ياياسين ورأيك مش مهم عشان اكده ولا اكده فا انت كده كده معانا
عوج شفايفه وفضل رافع ايده
الحزم والشده كانوا باينين في نبره صوتها
خاله حكيمه :ماتتسرعش في ردك ياياسين قولت
فضل رافع ايده ومنزلهاش
اتنهدت بغ/يظ
خاله حكيمه : ارغي ياياسين بس انت عارف وخابر انك معانا
بصلها وفي عنيه الجديه وهو بيتكلم وبيبص لغدير وغمزلها بعنيه
ياسين: انتي ليه مدياني انا حته والبت الصغيره دي حطالها حتتين
هز راسه شمال ويمني بزهق وهو مش مصدق
بربروس : ياوكستااااااه
بص باستغراب لبربروس وهو مبتسم ابتسامه بسيطه
دكتور علي : وكستاه .. اتعلمتها منين دي يابربروس
شاور على ياسين براسه
بربروس : اعلم إن الفاظي اصبحت بذيئه بعض الشىء ولكن هذا اللعين يتفوه بأشياء ليلآ مع نهارآ جعلني اتحدث نفس لغته دون ان اشعر
ابتسم ابتسامه سخريه
ياسين : هاتها فيا بقى ياشيخ عجوه انت اصلا مدورها ومدكن علينا
قطعت كلامهم
مارال : زي كلمه خازوق كده
سابتهم ومشيت وهي الدموع في عنيها لما عرفت ان عمار مش اخوها عمار شافها كده قام وراها بسرعه
بص لشمس وساب ايديها
عمار : عن اذنك ياشمس
ياسين ابتسم اول ما عمار ساب شمس وبصلها وهو مبتسم
زهره شافت نظره ياسين لشمس ندهت عليها وبصت لعلي بعصبيه وغيظ وسابته ومشيت
زهره : شمس تعالي عايزاكي معايا
وجهت كلامها للخاله حكيمه
زهره : عن اذنك ياخاله
خاله حكيمه : اذنك معاكي يابتي
علي استغرب ان زهره مشيت وباين على ملامحها الزعل منه جه يقوم وراها ياسين حط ايده على دراعه وقعده
ياسين : اقعد إياك تروح وراها
علي : باين عليها زعلانه ياياسين
ياسين : الوليه دي أصلا وشها محر/وق قبل كده مرتين كل ما تمشي وراها بيحصلك حاجه
بصله نظره عفويه وبيتكلم عنها بكل حب
ياسين : دي زهرتي ياياسين .. والزهره لازم نسقيها وقت ماتعطش مش نسيبها تدبل وتم/وت
علي ساب ياسين وفي لحظه مكانش موجوده
بص جنبه لبربروس بعدم فهم
ياسين : وهي مافيهاش ايدين تشرب
———————————
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية عروس الالفا (الهجينة 2))
الروايات جميله جدا ❤️
❤️❤️
روعه ❤️
🤍🤍
🤍🤍🤍🤍🤍🤍🤍🤍🤍🤍🤍🎉