رواية طبيب التشريح الفصل الثالث 3 بقلم محمد مهني

رواية طبيب التشريح الفصل الثالث 3 بقلم محمد مهني

رواية طبيب التشريح البارت الثالث

رواية طبيب التشريح الجزء الثالث

رواية طبيب التشريح الحلقة الثالثة

انا مش هكمل تشريح! اللي شوفته كان صعب! خرجت من المشرحة انا والشيخ سعيد وكنا في حالة زهول ! معقول اللي حصل ده! ايه حكاية الجثتين دول؟ انا هكتب تقرير واخلص من الجثتين دول بس قبل ما اكتب التقرير لازم اعرف حكايتهم! قلت للشيخ سعيد عايز حد من أهل البنت دي … وسألته هما لسه متجمهرين بره؟ قالي اه مش عايزين يمشو غير لما ياخده جثة بنتهم وجثة الراجل لازم تتحرق! قاتلها خلي حد يجبلي ام البنت دي عايز اقعد معاها هي موجودة بره؟ قالي اه موجودة بره …
طلع الشيخ سعيد وبعد ربع ساعه جالي ومعاه ست.. قالي دي ام البنت يا دكتور.. الست كانت منهاره .. عماله تعيط وتقول أنا السبب انا اللي ودتها بايدي لحد عنده! حاولت اهديها وقلت لها انا الدكتور بهاء الدين دكتور التشريح في المشرحة وعايز اعرف منك بنتك ماتت ازاي؟

الست سكتت وكانت باصه للأرض وبعدها بصت لي واخد نفس طويل وبعد ما مسحت دموعها قالت لي:
– انا اللي اخدتها بايدي للشيطان ده! بنتي عندها عشرين سنه دلوقتي واحنا في البلد عندنا لما البنت توصل العشرين يبقى كده خلاص بارت!.. كل بنات العيلة بيجولهم عرسان ومافيش ولا عريس بيجي لبنتي! سلفتي جات لي وقالت لي في شيخ مبروك على أيده عقدة بنتك هتتحل.. رحت له وهناك قالي أن بنتك مربوطة أن مافيش عريس يجيلها.. وعشان نفك الربط ده لازملي مخ جثة لسه ميته وميكونش عدى عليا اربعين يوم! انا انصدمت من اللي بيقوله! مخ بني آدم ايه اللي هجيبه! هو قالي ملكيش دعوة انتي كل المطلوب منك تدفعي لي المبلغ واللي كان مبلغ كبير.. وهاتيلي حاجة من أطر بنتك! انا عملت كده من غير ما افكر.. جبت له خصل شعرها من بنتي وحطتهم في منديل وجبت المبلغ اللي قال عليه وتاني يوم رحت له… لما رحت له قالي تستني بره ع ما اخلص وهندهلك تاخدي بنتك.. دخل الشيخ هو والمساعد بتاعه وبنتي لاوضة وقفلو الباب وأنا فضلت بره… ساعه كاملة قاعده وكنت سامعه صوت زعيق جامد وحاجات بتتهبد وصوت صريخ بنتي! وفجأة الصوت وقف ولقيت الشيخ طالع لي وبيقولي ادخلي خدي بنتك! بنتي كانت كأنها في غيبوبة ونايمة ع الأرض… سندتها وروحت ع البيت .. وقبل ما اخرج من بيت الشيخ ده قالي بكرة هتفوق وهتكون زي الفل ومش هتلاقي ع العرسان! وفعلا تاني يوم بنتي فاقت وكانت زي الفل.. مكانتش فاكرة اي حاجة من اللي حصلت امبارح.. سألتها الشيخ عمل معاكي ايه وانتي جوه معاه؟ قالت لي وهي مستغربه شيخ ايه يا ماما وجوة ايه! انا مش فاهمه انتي بتتكلمي عن ايه! …
عدى اسبوع وبعدها جالها عريس يتقدم لها! معقول الشيخ طلع صادق ف كلامه! العريس اللي جه مكانش من المنطقة.. ولما قعد مع ابوها وافق ع طول .. كنت مستغربه أنه وافق وحتى ماقلش هنسال عليك.. هو ع طول وافق وكمان اتفق ع جواز ع طول من غير حتى مايدي مهله لينا نشوف مين هو وأهله مين!… حتى بنتي وافقت عليه ع طول.. وخلال أيام بنتي قعدت على الكوشة..
تاني يوم الفرح حضرت نفسي عشان اروح لها الصباحية .. صحيت من الفجرية عشان اجهز لها اكل وحلويات.. وعلى الساعه 9 الصبح لقيت الباب بيخبط جامد ! صوت تخبيط جامد ع الباب وسامعه كذا ست من جيرانا عمالين يقولو افتحي يا ام جيهان الحقي بنتك عند بيت الشيخ وسامعين صوت صريخي جوه ومحدش قادر يدخل لهم!.. جريت افتح الباب وكنت مخضوضة .. قالولي بنتك عند بيت الشيخ ” فرحان ” ماستنتش لما يشرحولي ف ايه جريت ع بيت الشيخ فرحان اللي كنت عنده عشان يفك عقدة بنتي! هناك لقيت البلد كلها ملمومة .. دخلت جوه عشان الاقي بنتي ف نفس الاوضة اللي كانت فيها مع الشيخ .. كانت واقفه جنب الشيخ فرحان اللي كان مرمي ع الأرض و عيونه مفتوحه ع الاخر وبقو مفتوح كمان كأنه كان بيصرخ! صرخت من المنظر.. ورحت ع بنتي … لكن اول ما عملت كده لقيتها بتزقني جامد وبتصرخ في وشي! بنتي كان منظرها يخوف عينيها سودة ووشها كمان اسود! فجأة فضلت ترجع شعر كتير من بوقها لحد ما لقيتها وقعت ع الأرض ! جريت عليها عشان هي جملة واحدة تقولها قبل ما تموت ” انتي السبب ده شيطان انتي جوزتيني شيطان “!..

أهل البلد اتلموا عند بيت الشيخ واهلي كمان كل اللي كانوا واقفين عايزين يجيبوا الدجال ويحرقون ف نص الشارع! بس الشرطة جت بسرعة واخدت الجثتين ع المشرحة! احنا عايزين جثة الشيطان ده لازم يتحرق! بس انا كمان السبب ! انا اللي ودتها عنده! …
الست خلصت كأنها وفضلت تصرخ وتقول أنا السبب انا اللي موتها انا اللي ودتها عنده ! كانت بتقول الكلام ده وهي خارجه من مكتبي! …
الحكاية دي لسه مكملتش؟ في لغز ! الشيخ عمل ايه مع البنت في الاوضة؟ والمخ اللي قال عليه ده عمل بيه ايه؟ وكمان الوشم اللي ع بطنه ؟ كل ده لازم أعرفه …
كتبت تقريري لان انا مش هشرح الجثة دي مش عايز اشوف حاجة تاني… بس برضه في نفس الوقت مش هسيب الحكاية دي غير لما تكمل وافهم السر …
الجثتين طلعوا بعد ما كتبت التقرير.. وعرفت ان جثة البنت بعد ما اتدفنتي بيوم اختفت! أيوة أهل البلد لقيو القبر منبوش والجثة مش موجودة!
أما عن جثة الدجال بعد ما اتدفنتي مقابر الصدقة أهل البنت نبشوا القبر وطلعو الجثة وحرقوها!..
أما انا هعرف السر بطرقتي الخاصة… بحكم شغلي يقابل بظباط كتير وطبعا بيحصل بينا صداقة… فأنا لجأت لصديق هو اللي قبض على مساعد الدجال.. اتصلت بيه وطلبت منه اني عايز ازور مساعد الدجال طبعا سالني ليه وقلت له اني عايز أفهم منه شوية حاجات.. فعلا رتب لي زيارة ورحت قعدت معاه… والكلام اللي سمعته منه حرفيا يشيب معقول فيه ناس كده؟!
قالي أن هو شغال مع الشيخ ” فرحان ” بقالو يجي عشر سنين ويعتبر أيده اليمين ف كل حاجة.. يعني اي حاجة بيطلبها منه هو اللي بيجبها.. والطلبات اللي بيطلبها منه كلها في المقابر والجثث؟ بمعنى مثلا حد عايز يعمل عمل .. والعمل ده لازم يتعمل بحاجات من الجثث اللي لازم تكون ماعداش عليها اربعين يوم عشان التحلل.. هو بيجيب حسب ما بيطلب منه الدجال.. يعني مثلا يطلب منه مايه من غسل الميت .. أو اعضاء منه زي المخ! المخ ده مابيتعملش بيه غير الصفقات التقيله! يعني الدجال بيكون ليه خدام .. الخدام عشان يكونوا تحت سيطرة الدجال وينفذوله اي حاجة يطلبها منه لازم كل سنة يقدم للخدام بنت لسه عذراء ومعدتش العشرين… تتقدم لهم كزواج يحصل بين البنت دي وواحد من الخدام عشان ينفذوله اللي يطلبه! والعريس اللي جه للبنت ما هو إلا جن باعته الدجال عشان ياخد البنت دي لعالمهم! …

سألته طب الدجال عمل ايه معاها جوه الاوضة؟! قالي بعد ما دخلت البنت شربها حاجة متضاف عليها مخدر عشان تغيب عن الوعي.. وبعدها الدجال طلب مني اني انقش له طلسم على باطنه! الكلام ده هو طلسم استجلاب الجن عشان يروح للبنت… الطلسم كمان اللي اتنقش ع الدجال دوره أنه يجلب للدجال قوة أكبر وعلم اكبر يقدر يستخدمه بعد كده ف أعماله!…
البنت بقى رفضت العلاقة دي مع الجن… هي لازم تكون موافقه عشان تحصل العلاقة دي وإلا مش هتنجح.. مايفنعش تحصل غصب عنها! لازم تكون راضيه بده! هي رفضت فالجن اللي متشكل على صورة العريس اللي جه غضب منها وسكن جسمها! وطبعا البنت راحت للدجال عشان هو اللي عمل فيها كده وسكنت جسمه ! وده اللي خلى الدجال يموت من الخضة لما شاف منظر الجن اللي استجابه لأنه مستحيل حد يقدر يستكمل منظره! ف العادة الخدام مش ليظهروا ع شكلهم للدجال.. لكن المرة دي البنت هي اللي ظهرتو للدجال عشان انتقم منه ع اللي عملوا فيها!..
تمت

لقراءة باقي حلقات الرواية اضغط على (رواية طبيب التشريح)