رواية صديق طفولتي الفصل الرابع 4 بقلم نور أحمد

رواية صديق طفولتي الفصل الرابع 4 بقلم نور أحمد

رواية صديق طفولتي البارت الرابع

رواية صديق طفولتي الجزء الرابع

رواية صديق طفولتي الحلقة الرابعة

– انا مخنوق اوي يا مراد انا زعلتها وانا بحاول اصلح الى حصل
= ياشيخ منزلني الساعه 1 بليل عشان لعب العيال دا ازاى تقولها تمشي انت دغف ياض ؟ وهتقدر تقعد من غيرها اصلا دا وهي فالجامعه كنت بتفضل تفرك عشان قلقان عليها!
– ياعم مراد بقي انت مش فاهم حاجه انا مش قادر اسبها هنا وتتعرض للاذي تاني من تحت راسي
= لاء فاهم وفهمك يا حبيبي وعارف انت حاسس بي اية.
– لا مش حاسس ولا هي حاسه انا كنت بموت كل ثانيه بتعدي عليا وهي بعيد ومع ناس زي دي ممكن يعملوا فيها اي شيء وكله عشان اية عشان شغلي السبب متخيل لو معرفتش اديهم التمثال كان هيجرالها اية ؟؟
= زين انت مش مجرد صحبي انت عشره عمري واخويا وانا قدامك اهو اتجوزت واتخطيت خوفي لاني عارف ان ربنا مش هيعمل حاجه وحشه
متخليش شغلك حاجز بينكم وبطل التفكير دا
– مش قادر
= صدقني لو راحت هناك هتتعب كلمها واللحقها
– بس هتكون فى امان لو راحت هناك
= عايز تفهمني ان لو واحد عايز يخطفها مش هيوصلها فالصعيد؟
– انا مبقتش عارف انا تعبت !
= روحلها يا زين وصلح الي عملته وخليها جمبك احسن صدقني
.
.
.
.
.
.
حاولت اصدق مراد يمكن لاني فعلا عاوزها جمبي
روحت البيت وخبط على شقتها كنت عارف انها زعلانه ومش هتفتح فا فتحت بالنسخه الي معايا
دخلت اوضتها لقيت هدومها مرميه عالارض تقريبا اتعصبت اوي مني لدرجه خلتها انهارت مكنتش موجوده كنت عارف هي فين
.
.
.
.
.
– وانتي صغيره هناك لما كنت بزعلك دايما كنتي تستخبي على السطح ابتسمت
ولما جينا هنا برضو بتستخبي عالسطح هتفضلي طفله طول عمرك بتستخبي لما يحصل اي حاجه
لفيت وبصتلي وبعدين نزلت وروحت وراها
– في اية ؟

= مفيش تعالي كدا بس
شالني ودخلني عنده
– وسع هوا اية دا
نزلني = اصلي لسه هقولك تعالي وكدا واتحايل عليكي
– ممكن تسبني عاوزة احضر الشنطه ولا تتحايل ولا حاجه
= تؤ
– يعني اية
= يعني تؤ
– زين !
= قلب زين
بصيت فى الارض وعيوني دمعت – ممكن تبعد عني
قرب مني اوي و مسح دموعي = مش هقدر للاسف
– متتعبش نفسك انا هبعد
= مش هسيبك محدش بيسيب بنته خصوصا لو لسه طفله وبتعيط من مجرد الكلام قولته عشان خايف
– لا مش كلام انت مش عايزاني انا بقيت حمل عليك
= لا بلاش عبط يا ليلي انتي كويس انتي بالنسبة لي اية
بعياط – انت كنت عايز تسبني كنت عايز تبعدني عنك وانا عمري ما كنت فى مكان انت مش فيه كنت هتبعدني خالص يا زين
= طب بس بس والله انا غبي وحيوان ومش هقول كدا تاني انا اصلا الى مقدرش ابعد عنك وربنا
.
طب بطلي عياط عايز اعترفلك بحاجه!
– ب اية
= مش انا قولتلك تفكريني لما نخرج من هناك اقولك حاجه مهمه.؟
– ايه هي
ميل على ودني وقال بهمس = بحبك
بصيت لي بمفاجأه وحضنته جامد اوي
ضحك – بحبك اوي يا ليلي والله
= انا كمان بحبك
– بركاتك يا مراد

= مراد؟
– اهه مراد دا حبيبي متيجي يا ليلي نعمل فرح زي مراد ؟
هزيت رايي بالموافقه ودخلت فى حضنه تاني لان هو بيتي ومكاني المفضل..♡
تمت…

لقراءة باقي حلقات الرواية اضغط على (رواية صديق طفولتي)