رواية سجينة الحازم الفصل الثامن والعشرون 28 بقلم ديدا الشهاوي

رواية سجينة الحازم الفصل الثامن والعشرون 28 بقلم ديدا الشهاوي

رواية سجينة الحازم البارت الثامن والعشرون

رواية سجينة الحازم الجزء الثامن والعشرون

رواية سجينة الحازم الحلقة الثامنة والعشرون

بعد عده ايام علي ابطالنا
نهار جديد وتحسن في الحاله الصحيه لاكمل واثناء مرور الدكتور ليطمن علي حاله اكمل ويتابع التقارير اليوميه لصحته
الدكتور… عظيم عظيم كده اقدر اقولك مبروك نجاح العمليه ياستاذ اكمل وتقدر تخرج انهارده لو حبيت
اكمل.. بجد. شكرا اوي يادكتور علي مجهودك وتعبك معايا
الدكتور.. المفروض تشكر معانا مدام علا كانت بتابع مع الممرضات وبتباشر علاجك احسن من الطقم الطبي كله
علا.. بخجل شكرا يادكتور بصراحه محدش قصر من المستشفى كلهم كانوا في خدمتنا
اكمل.. موجهه كلامه لدكتور شكرا ليكوا حقيقي ياريت بقي تكتبلي علي خروج عشان زهقت وعاوزه اخرج دلقتي
الدكتور.. اوكي. هكتبلك علي خروج فورا عن اذنكم
وهنا علا اتجهت ناحيه اكمل وقعدت علي السرير قصاده
علا… حمدالله على سلامتك
اكمل.. الله يسلمك ياقلبي مش عارف اقولك ايه بجد تعبتك معايا وهنا مسك ايدها وباسها وبص في عينها علا كل يوم حبك بيكبر في قلبي حبك عمره مافرقني حتي وانا في العنايه كنت حاسس بوجودك ريحتك صوتك واللي اكدلي لما حسيت بلمستك
علا.. بنظره خجل طب يلا بطل دلع واجهز عشان نخرج من هنا
وهنا باب غرفه اكمل خبط واللي كان شادي وجاكي
شادي.. اي ياعصافير الكناريا سمعت اننا خلاص فركش من هنا
اكمل.. اخيرا هطلع ياشادي عشان اخد حقي من اللي رماني هنا
علا.. بنظره خوف لاكمل وهو في اخبار من النيابه ولا اي
شادي.. لا لسه التحريات شغاله
اكمل.. انا ليا تحريات الخاصه وبص لشادي
وهنا باب غرفه اكمل انفتح ودخول الحج احمد ووالده علا
الحج احمد.. حمد لله على سلامتك يابني
اكمل.. الله يسلمك ياعمي مش عارف اقولك ايه بجد جمايلك مغرقاني
والده علا.. بفرحه متقلش كده يابني انت غالي علينا اوي وخصوصاالحج احمد
الحج احمد… عشان الفرحه تبقي فرحتين فرحه خروج اكمل بالسلامه وفرحه خطوبه علا واكمل بعد اسبوع من دلوقتي
وهنا وجه كلامه لاكمل وعلا هتقدروا تجهزوا من دلوقتي؟
علا واكمل… بفرحه وبنفس واحد طبعا هنجهز
الكل ضحك علي منظرهم والكل بارك ليهم
عند حازم ونهي
حازم بقي شارد الذهن طول الوقت نهي صحيت من النوم وبصت علي ناحيه حازم اللي كان مش موجودجنبها قامت واتعدلت بتفكر ازي توصل لاكمل وتشوفه وتطمن عليه قامت نهي من مكانها ومسكت موبيلها وعملت مكالمه مع سامر وهي قاعده علي السرير
نهي.. صباح الخير ياقلبي فينك برن عليك من امبارح مش بترد
سامر.. موبيلي نسيته في البيت امبارح طول اليوم ياقمر
نهي.. عملت اي في موضوعنا
سامر.. بخبث موضوع اي
نهي.. سامر بطل استعباط موضوع تخلصني من علا
سامر.. ياشيخه بحسبك بتهزري
نهي.. من امتي بهزر في الحاجات دي
سامر.. طب عاوزه تخلصي منها ليه مش خلاص جوزك طلقها
نهي.. بتوتر وافتكرت اكمل لا لسه بيفكر فيها وهديلك اللي انت عوزه لو عملت اللي قولتلك عليه
سامر.. موضوع صعب يانهي موضوع الخطف وعدي علي خير انما قتل صعب
نهي.. بدلع طب عشان خاطرحببتك
سامر.. مش عارف حقيقي صعب
نهي. بجديه.سامر لو قتلت علا ليك 3مليون
سامر.. 5مليون
نهي.. موافقه وكمان ياسيدي ن*ام معاها قبل ماتموتها مش كان نفسك فيها
سامر.. مش هتضيقي ياعني
نهي.. حبيبي انا عاوزه راحتك مدمت بتريحني يبقي لازم اريحك
سامر.. طب سيبني ارتب ليها وهعرفك لما اضبطها
نهي… اوكي ياروحي بس متتاخرش عليا.. سلام اموووووه
ونهي خلصت مكالمتها لاقت ورقه قديمه علي كمود اللي جنب السرير في ناحيه حازم بصت عليها
نهي… ايه دا اكيد عنوان المستشفى والاوضه اللي فيها علا واكمل
وخرجت من الاوضه مبسوطه واللي لاقت حازم قاعد في الليفينج بيدخن وبيشرب
نهي… علي الصبح كده ارحم نفسك شويه
حازم… عادي صبح ولا ليل مش فارق المهم عاوزك ترجعي ورثي بقي اظن اتاكدتي اني بحبك وبثق فيكي
نهي… مش دلوقتى
هنا حازم بغضب وقام ومسك دراعها
حازم.. امال امتي عاوز افهم
نهي.. لما المشروع ينجح
حازم.. مشروع اي بتعملي اية من ورايا يانهي بفلوسي
نهي.. وهي بتتوجع ااه ايدي سبني هو غلطتي اني خايفه علي فلوسك وعاوزه اكبر ورثك واكبرك ابقي غلطانه
حازم.. مش من ورايا يانهي لازم اعرف دي فلوسي
نهي.. واديني عرفتك
حازم.. وانا مش موافق علي المشاريع دي
نهي.. وانا معنديش فلوس ليك
حازم.. ناااعم يارو×ح امك
نهي.. اللي سمعته عشان انت واحد مش همك مصلحتك همك الزفته علا وبس ومن حقي اخاف علي مستقبلي معاك
وقامت دخلت اوضتها وقفلت عليها الباب وبدات تشوف رد فعل حازم اي
في غرفه اكمل بالمستشفى كان شادي قاعد مع اكمل بينقله كل حاجه حصلت في غيابه
شادي… وفي حاجه حصلت من كذا يوم بس لازم تعرفها
اكمل بقلق.. في اي انطق
شادي… نهي كلمت سامر من كذا يوم.. عوزاه ييييييي
اكمل.. ها كلمته في اي في ايه ياشادي انطق بقي
شادي… عاوزه سامر يخلص علي علا
اكمل بصدمه.. يقتل علا
شادي.. بالضبط
اكمل.. بقلق طب انا عاوز اقابل سامر بقي جه الوقت اللي اقابله
شادي.. طب خدلك يومن نقاهه وبعدها نبدا الشغل
اكمل.. سمعت اللي اقولتلك عليه وهنا شادي هز راسه باستجابته
حازم.. لابسه وراحه علي فين كده حضرتك
نهي.. راحه عند ماما متخفش مش هاخد الفلوس وههرب
حازم.. بضعف انا خايف عليكي
نهي.. وانا مش خايفه عن اذنك
نهي خرجت وهنا حازم اتصل بطفاشه
حازم… طفاشه عاوزك في حوار
طفاشه… تاني وهو انا خلصت من الحوار اللي فات
حازم.. سيبك من اللي فات انا هخلص عليه بطريقتي
طفاشه… والتاني
حازم… عاوزك ترقبلي بيت اكمل اللي خارج واللي طالع النمله لو خرجت اعرف بيها اظن سهله
طفاشه… سهله وحسابي بتاع القديم
حازم… هتخده قبل الجديد
طفاشه… استبينا
علاوجاكي بيجهزوا نفسهم عشان خلاص هيسيبوا المستشفى
علا.. الحمد الله الايام عدت علي خير واكمل بقي كويس انا فرحانه قوي ياجاكي
جاكي.. يارب ديما تبقي مبسوطه وبجد انتي واكمل تستهلوا بعض
نهي وصلت المستشفى اللي كان مكتوب اسمهافي الورقه وسالت عن علا واكمل وانبسطت لما لاقتهم في المستشفى دي
نهي كان ملفته لكل الانظار في المستشفى وسالت الاستقبال علي رقم الغرفه
شادي وهو خارج من عند اكمل عشان يخلص الاجراءات بالخروج لمح نهي جايه علي غرفه اكمل جري بسرعه علي اكمل اللي كان بيغير هدومه ودخل بسرعه
شادي… الحق مصيبه يااكمل مصيبه
اكمل.. مصيبه اي
شادي… نهي
اكمل… مالها
شادي.. هنا وجيالك حالا
اكمل.. بجد ولا بتهزر وفجاءه الباب خبط و شادي فتح الباب
واللي كانت نهي
نهي.. مساء الخير انا جيت في وقت غير مناسب ولا اي شكلكم هتمشوا وبصت لشادي ووجهت ليه الكلام من فضلك كوبايه مايه
وهنا لاحظ شادي انه بتطرءه عشان يطلع من الاوضه
شادي… عن اذنكم ثواني الميه تكون عندك وخرج شادي بره الاوضه
نهي بسرعه جرت علي اكمل اللي كان بيلبس قميصه عشان هيخرج من المستشفى وكان اكمل عاري الصدر جرت نهي في حضنه
نهي.. وحشتيني وحشتيني وحشتيني اوي
اكمل.. وهو بيبعد عنها راعي اننا في المستشفى واي حد ممكن يدخل علينا
نهي.. طب اعمل ايه هتجنن عليك ومش عارفه اوصلك كفايه علا وخداك مني انت مش عارف ولا حاسس بيا لما عرفت اللي حصلك
اكمل.. محدش وخدني منك انتي عارفه بالخطه وطبعا عرفتي الحادثه
نهي.. اه عرفت… ونهي بخبث وعرفت مين اللي وراها
اكمل…وانا كمان عارف حازم جوزك
نهي.. قربت من اكمل حازم مش هيسيبك في حالك طول مانت قريب من علا
اكمل… وانتي فين معدتش ليكي كلمه علي حازم ولا اي
نهي.. حازم معدتش شغلني المهم عندي هو انت
اكمل.. نهي لازم تمشي عشان محدش يشوفك هنا
نهي. ميهمنيش المهم اني اشوفك واشبع منك انا بقيت بكرهه الفلاحه دي
اكمل… نهي اسمعي الكلام بدات اتعصب منك
نهي كان عندها احساس ان اكمل مش بيحبها بس كانت بتكدب نفسها عشان تثبت لنفسها ان كل الرجاله بيركعوا تحت رجلها
نهي. ماشي حبيبي همشي المهم اطمنت عليك
شادي كان واقف بره اوضه اكمل خايف من علا وجاكي لحسن يطبوا عليهم واللي خاف منه حصل شاف علا وجاكي خرجين من اوضه علا بالمستشفى وجايين علي اوضه اكمل
علا… انت واقف كده ليه ادم الاوضه
شادي… بتوهان وتوتر مستني اكمل يخلص
جاكي… اللي لاحظت علي شادي ارتباكه في اي ياشادي
شادي… هااا لا مفيش بس تعبان شوي حاسس بدور بدر داخل عليا
علا.. طب متخلي حد من هنا يكشف عليك قبل مانخرج
شادي.. هاا ااااي اي بطني بطني بتوجعني
علا… هو بطنك ولا برد وبصت لجاكي هو ماله دا
شادي.. تعالوا ودوني لاي دكتور
علا… جاكي روحي معاه لحسن شكله مش مركز
جاكي.. تعالي ولسه هتمسك تسنده
شادي… لا لا انا عوزاكم انتم الاتنين
وهنا علا وجاكي حسوا ان شادي عاوزهم يبعدوا من اوضه اكمل
علا.. هو في ايه ياشادي مالك مش علي بعضك
شادي.. ماليش بس تعبان
وهنا علا دخلت علي اكمل الاوضه ووراها جاكي وشادي
حازم كان طول الوقت بعد مانزلت نهي حاسس باحساس غريب ناحيتها كانه اول مره يوشف نهي وبدا يكلم نفسه من كتر الشرب اللي شربه وبدا الهلوسه
حازم.. وهو في اي بالضبط شكلك ياحازم طلعت غبي وبدا يصرخ غبي… غبي
ضيعت علا من ايدي مكنتش عارف اني بحبها كده
نفسه. دا مش حب دي انانيه انت عاوز كل حاجه
حازم.. وفيها اي اخد كل حاجه مانا زمان اتحرمت من كل حاجه
نفسه.. متعلقش عقدك علي غيرك
حازم.. بصوت عالي عقدي فين عقدي ابويا مات وانا صغير ومكنش مهتم بيا ولا انا ولا امي كان طول الوقت يضرب فيها
نفسه.. طب عمك ماهو اداك الاهتمام والحنان
حازم… مكنتش بحبه عشان كان المتحكم في ابويا وبعده انا وخد فلوسه كلها
نفسه… مصدق نفسك ولا دا اللي بتضحك علي الناس بيه
حازم… مش عارف
فلاش بااااك
_بابا انا عاوز فلوس عشان المدرسه طلبنها مننا
_استني ياحازم لما عمك اشوفه واخد منه
_انا عاوز منك مش من عمي
_انا معيش ياحبيبي عمك مش هيقولنا لا
_عمي دا انا بكرهه بكرهه
_ليه ياحازم كده عمك طيب وبيحبك
_عشان بنشحت منه وواخد فلوسك
_لا يابني عمك طيب وانا خدت حقي وضيعته
_لا انت بتقول كده انت بابا كبير مش هتضيع حاجه انت حلو وعمي وحش وحش
باااك
حازم.. عمي وحش.. وحش بس بنته حلوه وحبتها اوي معرفش اني لما هسبها قلبي هيتوجع كده وبصرخه علااااااا
علا بعصبيه وصدمه
علا… اهلا مدام نهي المستشفى نورت وانا بقول ايه النور دا كله اللي جه فجاءه
نهي… بدلع واتحركت قعدت علي كرسي انتريه موجود في اوضه اكمل اهلا حببتي دا بنورك ااه نسيت حمد لله على سلامتك عرفت انك كنتي مع اكمل في عربيته
علا… والله انتي جايه تطمني علي اكمل بقي علي كده وهنا بصت علا لاكمل واللي حاول يتهرب من نظرتها
نهي… بضحكه الصراحه اه اصل انا واكمل بقينا اصدقاء من اخر مره كنت عندك في المستشفى وهو وصلني ومن ساعتها بقينا اصدقاء جدا وبصت لاكمل بدلع صح ياااكمل
اكمل… بهروب من نظرات علا ورد علي نهي اه صح.. وقام اكمل شكرا يامدام نهي علي زيارتك دي بس حقيقي كنا خارجين انهارده
نهي… حلو اوي اني لحقتكم ولو عاوزني اوصلك البيت انا مستعده
اكمل… بتوتر لا شكرا معانا عربيه صح ياشادي
شادي كان واقف محتاس بين الحرب اللي شغاله بين علا ونهي
اكمل… شااادي العربيه جاهزه
شادي.. انتبه وهو بيعدل في نظارته ااه جهزه هنزل هسخنها علي ماتجهز هستناكوا تحت وبص لجاكي.. تعالي معايا
نزلوا شادي وجاكي وركبوا العربيه
جاكي… هو في ايه بقي وايه لعب العيال المفقوس عشان مندخلش علي اكمل
شادي… مفقوس متاكده انك اجنبيه بجد
جاكي… متهوش الموضوع
شادي.. زي ماانتي شايفه مكنتش عاوز يحصل اللي حصل دا
جاكي.. طب ايه حكايه نهي مع اكمل
شادي… حكايه اي مفيش حكايات
جاكي… متاكد
شادي… وهو بيتهرب من جاكي لغايه دلوقتي متاكد
نهي.. علي العموم حمد لله على سلامتك يااكمل هبقي اكلمك بعدين عشان اطمن عليك وقامت عشان تمشي ووقفت فجاءه ووجهت كلمها لعلا ااه وحمد الله علي سلامتك ياقمر
علا.. بعصبيه وغيظ وعاوزه ترد لنهي القلم… نهي استني
وقفت نهي وتلفت لعلا اللي علا راحت وقفت جنب اكمل ومسكت دراعه
علا.. مش تقولي لنا مبروك
نهي… بغضب وغيره بعد ماشافت قرب علا لاكمل واللي حط ايده علي كتفها وحضنها خير ياقلبي مبروك علي ايه
علا… خطوبتنا بعد اسبوع وهتكوني اول المعزومين
نهي.. بعصبيه ومحاولتش تبين دا ليهم وبعتت لعلابوسه في الهوا مبروووو ك وخرجت بسرعه من اوضه اكمل
نهي خرجت من المستشفى وكانت خطواتها بعصبيه بتعلن فيها علي حربها القادمه مع علا ركبت نهي عربيتها وطارت بسرعه
شادي… نهي مشت اهو ربنا يستر علي الناس اللي فوق دول
جاكي… ربنا يستر علا هتلاقيها من حازم ولا من نهي
اول مانهي خرجت من اوضه اكمل ورزعت الباب علا مسكت ايد اكمل اللي علي كتفها ونزلتها بقوه
علا… من غير مابتبص لاكمل يلا عشان ننزل تلاقيهم مستنينا تحت
اكمل… مسك دراعها ووقفها ادمه علا غصب عني كان لازم اعرف خطوات حازم وبيفكر ازي عشان احميكي
علا… بعصبيه وهي بتبصله وعينها كلها دموع عشان تعرف خطوات حازم تصاحب نهي
اكمل… عشانك اعمل اي حاجه وبعدين مش قولتلك مش عاوز اشوف دموعك دي تاني وانا عايش وحاول يمسح دموعها
علا… اكمل انت عارف نهي دي اي وبتفكر ازي وعاوزه من اي راجل اي
اكمل… عارف
علا… عارف ولسه مكمل تكلمها ياعني ممكن تضعف معاها عادي
اكمل… بعصبيه يبقي لسه معرفتنيش وسابها وقعد علي السرير
انا مش زي حازم انا لما حبيتك عهدت نفسي اكون مخلص ليكي عشان انتي حببتي وروحي وكل حاجه ليا ياريت كنت مت ولاشوفت انك تفكري في يوم اني ممكن اخونك ومع مين مع نهي
علا… مالها نهي حلوه وتجذب اي رجال
اكمل… قام ومسك علا بايده الاتنين قصاده تجذب اي حد غيري انا عشان انا قلبي مليان فاهمه مليان بيكي وباس جبينها
يلا عشان منتاخرش
نهي وهي في عربيتها كانت متعصبه وهي سايقه وبتكلم نفسها نهي… حلك الوحيد الموت ياعلا… الموت
وقامت رنت علي سامر
نهي… سامر لو مخلصتنيش من علا.. في اقرب وقت هشوف غيرك وحلال عليه الفلوس
سامر… اهدي بس هظبطها وانا اولي بالفلوس
نهي.. خلاص موتها عندك اسبوع من دلوقتي لوممتش بعد اسبوع هشوف غيرك
علا واكمل خلاص خدوا شنطتهم وفجاءه وجهت علا كلمها لاكمل
علا… اكمل انا بحبك وخايفه عليك وخايفه اتصدم تاني
اكمل.. بصلها بحب وانا بعشقك وطول مااناعايش هكون حبيبك وسندك فهماني سندك وحضن علا وكمل كلامه معاها اطمني حبيبي انا جنبك طول العمر
نهي بعد ماخلصت مكالمتها مع سامر جالها مكالمه من شهاب
نهي.. ايوه ياشهاب معاك
شهاب… معادنا بعد ساعتين مع المستثمر وحجزتلك اوضه في الفندق اللي قاعد فيه لو حابه تتفاهمي معاه اكتر
نهي.. بضحكه … حلو ياشهاب طول عمرك فاهمني
شهاب… عيب عليكي دا انا شهاب الحلو والحادق
نهي… بضحكه مس*خره قلبي يااحادق عاوزه اخلص من الموضوع ده عشان استمارات سته هديها لناس كتير
شهاب… طب انا منهم ياافرواله
نهي… عمري ماستغني عنك انت قلبي يلا سلام
علا واكمل ركبوا مع شادي واكمل العربيه واخيرا سابوا المستشفى
اكمل… هنوصل البنات وبعدين علي بيتي ياشادي
شادي… لا هتروح عندي مش هقدر اسيبك لوحدك
علا… بصت لاكمل اللي كان جنبها روح معاه عشان اطمن عليك اكتر
اكمل.. بص لعلا وطبطب علي ايدها يطمنها حاضر اللي تقولي عليه هعمله
نهي وصلت البيت ودخلت لاقت حازم مرمي علي السرير نايم والليفينج مكركب من قعدته وهو بيشرب
نهي.. حازم… حازم..
حازم… رجعتي ياهانم
نهي.. اه رجعت ويارتني مارجعت
حازم.. ليه خلاص معنتش عاجب البرنسيسه
نهي.. معنتش عجبني ولا عاجب نفسك انت واحد كداب كدبت عليا لما اقولتي مش بحب بنت عمي وهتجوزها غصب
حازم… بزعيق هو دا اللي حصل
نهي.. كداب شوف نفسك من ساعه ماطلقتها
حازم.. يووووه زهقت ايوه بحبها وبحبك في اي لما تكونوا انتم الاتنين في حياتي
نهي.. بضحكه مستفزه خلاص ياروحي الفلاحه بتاعتك خطوبتها بعد اسبوع
هنا حازم اتجنن من كلام نهي وقام وقرب عليها بعصبيه ومسك درعها بقوه
حازم… ايه اللي بتقوليه دا
نهي… اااي دراعي ايوه هتتخطب وعارف لمين لاكمل اللي انت حاولت تموته
حازم… انتي كدابه كدابه وضربها بالقلم انتي كدابه علا بتاعتي علا مراتي انا
نهي… سبني يامجنون انت بقيت مجنون بيها طلقني ياامجنون
حازم… هاتي فلوسي وانا اطلقك
نهي… ملكش عندي فلوس فلوسك مقابل اللي شوفته من قرفك
وهي بتحاول تفلت من ايده وقعت علي الارض وبسرعه بتحاول تقوم حازم مس*كها من شعرها جر*رها بره الاوضه
حازم… فلوسي ياابنت الكل*ب مفكراني زي ابوكي مغفل امك ضحكت عليه
نهي.. سبني شعري انت مجنون مجنون مش عاوزه اعيش معاك
حازم… طلاقك مقابل فلوسي يااحرام*يه
في مطار القاهره الدولي
تعلن شركه الطيران علي وصول رحله 504 القادمه من شرم الشيخ
__مش كنتي عرفتيه اننا جايين كده يابنتي يتخض
__لا ياستي انا عاوزه اعملها مفاجاه ليه
__طب مش كان مسافر افرضي لسه مرجعش
__ماماانا عامله حسابي لكل حاجه يلا تعالي ناخد تاكسي من هنا واقفين كتير اهم
حازم.. بقولك ايه من الاخر عاوزه تعيشي معايا هرجع علا وترجعي فلوسي ونعيش سوا كلنا
نهي… طلقني بقولك وهنا نهي وهي بتكلم حازم اللي قاعد قصدها بعد مابهدلها
حازم… انا اخر كلام عندي عجبك علي كده هتفضلي نهي حببتي اللي خسرت الناس كلها عشانها امي و علا
فلاش بااااك
_انا بحب زميلتي في الكليه ياماما مقدرش اتجوز غيرها
_وبنت عمك علا اللي بتموت في تراب رجلك
_مش بحبها هتجوزها بس عشان ارجع حق ابويا
_ابوك ملهوش حقوق ابوك ضيع حقوقه وحقوقنا
_لا عمي اللي استولي علي حقنا
_لو استمريت في علاقتك مع البنت دي انسي ان ليك ام سامعني انساني خالص
باااك
حازم… بعت الكل عشانك
نهي… بضحكه استفزاز عشانك انت عشان انت واحد طماع ولمحت نهي فازه جنبها وانشغل حازم بتوليع سيجاره وقامت بسرعه وخدت الفازه وضربت بيها حازم علي دماغه اللي فقد الوعي بسبب الضربه
نهي… حي*وان وغ*بي هتفضل طول عمرك غبي
ونهي لمت هدومها بسرعه وكل حاجه تخصها ونزلت وركبت عربيتها بسرعه ورنت علي شهاب
نهي… شهاب عاوزه اروح الفندق دلوقتي ينفع
شهاب… طبعا ياروحي بس ماله صوتك
نهي… ابعتلي اللوكيشن وتعلالي هناك عشان اجهز لمعاد المستثمر
شهاب… اوكي يافرواله
وفجاءه موبيل شادي رن
شادي… انت تحت خلاص نزلك
اكمل… دا سامر صح
شادي.. ايوه
اكمل.. هنزلك بعد شوي
حازم بدا يفوء من الخبطه ومش فاكر اي اللي حصل وبدا يستوعب اللي حصل وحط ايده علي دماغه مكان وجع راسه لاقها بتنزف
حازم…. يابنت….. هفرجك حازم دا مين
وفجاءه موبيله جاتله رساله حازم بيحاول يمسك الموبيل لكن مدروخ من الخبطه مسك حازم الموبيل وفتح الرساله اللي اتصدم من اللي موجود فيها وبدا يصرخ اااااه اااااه

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية سجينة الحازم)