Uncategorized
رواية رغد الزين الفصل العشرون 20 والأخير بقلم رانيا
رواية رغد الزين الفصل العشرون 20 والأخير بقلم رانيا
 |
| رواية رغد الزين الفصل العشرون 20 والأخير بقلم رانيا |
رواية رغد الزين الفصل العشرون 20 والأخير بقلم رانيا
تاني يوم الكل صحي واتجمعوا ع السفره عشان الفطار وفاجأه دخلت فريده بكل عصبيه واتوجهت ل زين إلى كان قاعد بكل برود ومهتمش ليها خالص
فريده : انت إزاي تعمل كدا في بنتي إزاي تعملها قضية وتبيتها في الحجز
زين ببردو : بنتك غلطت ودا جزاتها هي خطفت مراتي وبتتعاقب
فريده بتبص ل رغد بقرف : أنت بتحبس بنتي عشان دي
زين قام وبكل عصبيه : فريييييده إلى مش عجباكي دي تبقا مراااتي وبعدين بنتك متربتش ودا جزاتها كنتي ربيها وبعدين اتكلمي مش سايباها من غير تربيه تعمل إلى هي عاوزاه بنتك كانت عاوزه تقتل مراتي ولولا إنها بنت عمي كنت عاقبتها أنا ويلا من غير مطرود مش عاوز اشوفك هنا تاني فريده بصت ليه بغضب وبصت ل رغد وبعدها مشيت زين لف لقى رغد بتعيط بصمت زعق ليها
زين بزعيق : انت بتعيطي لي دلوقتي أنا مش قلت دموعك دي مشوفهاش تاني أنت مبتسمعيش كلااامي لي بعدها خرج بعصبيه من الفيلا كلها في الوقت دا رغد انفجرت في العياط أول م خرج وسميره وملك بيحاولو يهدوها وريم كمان جت وفضلت تهدي فيها معاهم
أما عند زين بقا راح ل مراد وفهد وراجعوا الخطة للمره التالته بعدها زين خرج من عندهم بعد م رن عليه سعد وقال ليه يروحله بعد م تنكر طبعا في شكل أحمد زين وصل ل سعد
سعد : تعالي ي أحمد
أحمد : ها ي باشا هنبدأ امتى
سعد : اهدي علينا ي أحمد متبقاش داخل حامي كدا
أحمد : معلش ي باشا متوتر شويه عشان هقابل الكينج هو فين صح
سعد : لا اهدي كدا إحنا عاوزين قلب جامد والكينج هتقابله وقت العملية
أحمد : تمام ي باشا
وبعدها جي مكالمه لسعد وكان الكينج
سعد : الو ي كينج
الكينج : يلا ي سعد نفذ
سعد : تمام ي كينج
سعد يلا ي أحمد وراح أحمد وسعد استلموا البضاعة من المينا وراحوا بيها ع المخزن وطبعا عدو بسهوله لأن خطة فهد وزين ومراد انهم يطمنوهم لحد م يوصلوا المخزن ويمسكوهم زين وسعد وصلوا المخزن ودخلوا وأول م دخلو زين لقى…..
محمد( إلى هو عم زين وابو نادين إلى انتو نسيتوه طبعا): أهلا ي أحمد ولا نقول زين
زين ابتسم ببرود : هه كان لازم أعرف انو انت عشان مفيش حد بالوساخه دي غيرك
محمد ببرود : أنت إلى غبي بتجري ورا انتقام غبي ومش بتفكر كويس خليك معايا وهخليك اغني واحد في العالم وكل الناس بتعملك حساب
زين : بس أنا مش عاوز ابقا زيك انت الي زيك مش راجل أساسا
محمد بعصبيه : أنت طالع غبي ل أبوك عشان كدا قتلته هو واخوك زي م هقتلك دلوقتي أنت مفكر إني مش عارف إنك بتنتقم من الأول أنا عارف من بدري إنك متنكر في شخصيه أحمد عشان انتقامك وكنت سايبك كل دا عشان اقنعك تبقا في صفي بس أنت طالع غبي ل ابوك وأخوك ومصيرك القتل زيهم
زين بضحك : والله شكلك أنت إلى غبي أنا الي كشفتلك نفسي من الأول وعارف من الأول إنك كشفتني وكنت مكمل عشان متشكش في حاجه وحاليا أنت اتسجلك كل حاجه وفي الوقت دا دخل مراد وفهد ومسكو محمد وسعد والبضاعه كلها محمد وهو معدي من جمب زين قال ليه
برضو حرقت قلبك وبعدت اختك عنك
زين بص ليه وقال : ملك اختي قاعده مع مراتي و امي في البيت الدور ع بنتك إلى فى السجن دلوقتي ومراتك إلى زمانها حصلتها عشان اتفقت مع بنتك ع قتل مراتي محمد بص ليه بصدمة وشر وقال هقتلك ي زين ي قناوي وبعدها اخدوه ع القسم
زين خلاص روح البيت بعد م اتأكد من انتهاء الكابوس دا دخل البيت لقى مامته واخته قاعدين
زين : مساء الخير
سميره وملك بصوا لي بعتاب : مساء النور
زين :مالكو
سميره : ينفع إلى عملته مع رغد دا بسببك حابسه نفسها من الصبح في الاوضه ومش راضيه تاكل ولا تشرب
زين : أنا آسف أنا هطلع اعتذر ليها حالا بس انتو أكيد عارفين أنو مكنش بمزاجي
سميره : عارفه يبني بس انت قسيت عليها جامد روح صالحها
زين : حاضر وبعدها طلع أوضته دخل لقى رغد قاعده ع السرير وأول م شافته لفت وشها المحبه التانيه زين دخل وحضنها من ظهرها : أنا آسف
رغد : اسفك مرفوض
زين : طب لو قلتلك إن فرحنا بعد اسبوع هتقبلي أسفي
رغد لفت ل زين بصدمة : بتقول اي
زين : فرحنا بعد أسبوع
رغد حضنت زين من الفرحه وهو شالها
رغد : أنا بحبك اووي
زين : وأنا كمان بحبك اووي وبعدها نزلها وقال تعالى ننام بقا عشان أنا خلاص هموت وأنام
رغد : تمام يلا وراحوا نامو
تاني يوم الصبح ع الفطار زين ورغد وملك وسميره وريم قاعدين يفطرو وفي الوقت دا وصل مراد وفهد
مراد : ايدا أنا شكل حماتي بتحبني وبص ل ملك إلى اتكثفت وبصت في الارض
زين : تعالي ي مراد تعالي ي فهد اقعدو افطروا
مراد وفهد في نفس واحد : لا إحنا عاوزين نتكلم معاك ي زين
زين : ب استغراب في اي
مراد : تعالي هنقولك في المكتب
وراحو هما التلاته ع أوضه المكتب
زين : ها في اي
مراد : بم إن كل حاجه خلصت ف إحنا عاوزين نشوف حياتنا بقا
زين : ايوا م تشوفها أنا مالي
فهد : الصراحه كدا من غير لف ودوران إحنا جاين عشان نطلب منك ايد ملك ل مراد وريم ليا
زين : نعم
مراد : اي قولنا حاجه غلط
زين : لا أنا أكيد مش هلاقي حد أحسن منكو ليهم بس اخد رأيهم الأول
مراد : دلوقتي
زين : إزاي دا
مراد : هقولك إزاي
وخرج عند ملك وريم مراد راح عند ملك وفهد راح عند ريم ووقفوا قدامهم
فهد ومراد ل ملك وريم : تقبلوا تتجوزونا
ملك وريم اتكثفوا وبصوا في الارض
مراد : اهو السكوت علامة الرضا
فهد : ايوا هما موافقين
زين : باااس انتو شكلكوا اتجننتوا ثم وجه كلامه ل ملك وريم : انتو موافقين ع المجانين دول ريم وملك هزو دماغهم وطلعوا يجرو على فوق وسميره زغرطت
زين : البيت كلوا اتجنن ولا اي
مراد : عاوزين الفرح كمان يومين
فهد : اه هنعمل فرحنا مع بعض
زين : م يبقا دلوقتي أسهل دا أنا الي متجوز أساسا هعمل فرحي بعد اسبوع
مراد : خلاص يبقا فرحنا معاك بعد أسبوع
سميره زغرطت تاني وقالت ليهم مبروك وطلعت تعرف البنات
زين : لا دا شكلهم اتجننوا كلهم فعلا
رغد بضحك : معلش ي حبيبي هما فرحانين بس
زين : وأنت مش فرحانه
رغد : خااالص أنا هطير من الفرحه بس
بعد أسبوع في الفرح في الاوتيل كل عريس مستني عروسته عشان يشوفها أول م البنات خرجت الأولاد فضلوا باصين ليهم ب انبهار من جمالهم كل واحده ليها جمالها الخاص بتخطف بيه أنظار الكل كل عريس قرب من عروسته وانكجها ونزلوا القاعه دخلوا وكل والناس كلها بتهنيهم وهما عايشين في عالم تاني عايشين في عالم مفيش فيه غيرهم الفرح خلص وكان من أسعد لحظات في حياتهم كل عريس اخد عروسته وراحو يقضوا شهر العسل كل واحد فيهم راح مع إلى بيحبها والي اختاروها ب قلوبهم
اما بقا نادين ف اتحكم عليها بالسجن خمس سنين هي ومامتها
اما محمد وسعد ف اتحكم عليهم بالإعدام بسبب اعترافهم بقتل ابو زين وأخوه وتجارتهم في المخدرات (يستاهلوا الصراحه عشان عيله معفنه) ……..
انتهت…
لقراءة باقي فصول الرواية : اضغط هنا
نرشح لك أيضاً رواية دموعها ملاذي للكاتبة مريم حسني