رواية مذكرات حبيبة 2 الفصل الثالث 3 بقلم عادل عبدالله

رواية مذكرات حبيبة 2 الفصل الثالث 3 بقلم عادل عبدالله

رواية مذكرات حبيبة 2 البارت الثالث

رواية مذكرات حبيبة 2 الجزء الثالث

رواية مذكرات حبيبة 2 الحلقة الثالثة

وفي يوم رجع من شغله وانا كنت بستحمي ، ونادي عليا رديت وقولتله اني باخد دش في الحمام .
وبعد دقيقتين لقيته بيخبط علي باب الحمام وبيقولي افتحي !!!
: افتح اي يا شريف !! انت بتهزر !!
: افتحي بس هقولك حاجة .
: قول انا سمعاك .
: لأ مش هينفع لازم تفتحي الباب .
: امشي يا شريف دلوقتي وانا دقيقتين وهخرج .
: لا افتحي دلوقتي .
: انا عارفة انت عايز اي بس مش هينفع .
: افتحي علشان خلاص هتجنن .
: طيب روح دلوقتي يا مجنون انا خارجه بعد دقايق .
: عارفة لو مش فتحتي هكسر الباب وهدخل .
: لااا ، ده انت اتجننت رسمي ، طيب هات الهدوم اللي علي السرير وانا هفتح .
: ماشي .
بعد نص دقيقة قالي : الهدوم في ايدي افتحي خديها .
عرفت اني لو فتحت له هتكون فرصته !!
قولتله : طيب خلاص مش عايزاها ، اخرج اقعد بعيد وانا هخرج بالفوطة وهلبس في اوضة النوم .
: بقي كده يا حبيبة ، خلاص ماشي .
خرج شريف وانا لفيت نفسي بالفوطة وخرجت جري علي اوضة النوم لكن هو كان واقف مستنيني واول ما شافني جري عليا وشد الفوطة من ايدي فوقعت الفوطة علي الارض !!!
قاومته وحاولت امنعه لكن مش قدرت !! والحقيقة اني مش قاومته كتير !!
مش قدرت امنع الرغبة اللي جوايا لأني حبيته بجد ، لأنه فعلا انقذني من جحيم جوزي واهله .
ولأول مرة كنت ادوق طعم الحب ولاول مرة كنت احس أني ست بجد وان الراجل ده بيحبني حقيقي .
قولتله : احنا لازم نكتب كتابنا النهاردة .
ضحك وقالي : الوقت أتأخر ومفيش مأذون صاحي دلوقتي ، بكره الصبح هنروح للمأذون ونكتب كتابنا .
: انا بحبك اوي يا شريف ، اول مرة اعرف طعم الحب .
: هتصدقي لو قولتلك وانا كمان ؟ انا كمان اول مرة ادوق طعم الحب بجد .
: ما انت كنت متجوز قبل كده !!
: احنا الاتنين كنا متجوزين ناس مش يعرفوا ولا يقدوا معني الحب والاحساس والمشاعر ، انا عمري ما حبيت اللي كنت متجوزها ابدا .
: وانا كمان عمري ما حبيت طليقي ، لكن انت حاجة تانية خالص ، انت الحب انت الحاجة الحلوة الوحيدة اللي في حياتي ، اوعي تبعد عني يا شريف .
تاني يوم روحنا انا وشريف للمأذون واتجوزنا رسمي .
واخدني وسافرنا الساحل الشمالي ونزلنا في شاليه علي البحر كان حلو اوي وقعدنا هناك حوالي اسبوعين عسل في عسل ، شوفت فيهم اللي عمري ما شوفته قبل كده ، حب وحنية ورومانسية واهتمام ، ومشاعر واحاسيس اول مرة كنت اعرفها واعيشها !!!
قولت له : كفاية كده احنا صرفنا هنا فلوس كتير اوي ، و انت كمان لازم ترجع لشغلك علشان المحل .
: متخافيش شغلي ماشي زي الفل ومفيش مشاكل .
: طيب والمصاريف اللي بتصرفها هنا كتير اوي !! ده كفاية ايجار الشاليه ده لوحده اكيد بفلوس كتير اوي !!
ضحك شريف اوي وقالي : ومين قالك اني مأجره ؟
ضحكت وقولت له : اومال يعني بتاعك ؟
: ايوه الشاليه ده بتاعي !!!
حسيت بالصدمة !!!!! رغم أني معرفش ده سعره كام لكن كان واضح انه غالي اوي ومش معقول شريف يكون معاه فلوس كتير اوي للدرجة اللي يشتري بيها مكان زي ده !!
شريف ضحك وقالي : مالك ؟ انتي مصدومة ولا اي ؟؟؟
: بصراحة ايوه ، ده اكيد سعره غالي اوي !!
: تعرفي تتوقعي سعره كام ؟
: اكيد مش هيقل عن ربع مليون جنية مثلا .
ضحك شريف اوي : قصدك اربعة مليون جنية .
: انت معاك اربعة مليون جنية يا شريف ؟؟!!!
: الحمد لله مستورة يا حبيبة ، متخافيش جوزك حالته كويسة .
: انت بتتكلم جد يا شريف ؟؟
: ايوه طبعا بتكلم بجد يا قلب شريف .
: ومش قولتلي ليه قبل الجواز انك معاك الفلوس دي كلها ؟
: علشان لما تتجوزيني تبقي متجوزاني علشان نفسي مش علشان فلوسي .
: انت معاك فلوس تاني .
: ما انا قولتلك بقي من شوية ان حالتي مستورة والحمد لله .
: انت فلوسك دي جيبتها منين ؟
: لا ده موضوع كبير اوي محتاج كلام كتير مع الوقت هتعرفي كل حاجة .
: انت فيه حاجة تانية مخبيها عني يا شريف ؟
: لأ يا حبيبتي مفيش حاجة تاني .
: ولما انت معاك فلوس كتير كده ليه فاتح محل موبايلات صغير ؟
: اولا المحل مش صغير ، ده فيه بضاعة بأكتر من نص مليون جنية ، ثانيا انا عندي اكتر من شغل تاني لكن شغلي في الموبايلات هو اللي بحبه ، قوليلي بقي انتي زهقتي من المكان ده ؟
: معقول يا شريف هزهق وانت معايا ؟!
: يعني المكان ده عجبك ؟
: اوي اوي ، ده جنة مادام انت جنبي .
: اي رأيك بكره نروح مكان تاني ؟
: انت عندك مكان تاني زي ده ؟!
ضحك شريف اوي : لا لا ، بس انا اعرف مكان تاني حلو اوي هيعجبك اكتر من ده نكمل هناك شهر العسل .
: انت اكيد بتهزر ، مفيش مكان احلي ولا اجمل من ده .
: بيتهيألك ، بكره جهزي حاجاتنا علشان هنسافر وانتي هتشوفي .
: هنروح فين ؟
: هنروح راس سدر .
: دي حلوة زي هنا كده ؟؟
: واحلي كمان ، بكره هتشوفي .
تاني يوم سافرنا لراس سدر واحنا في الطريق شريف لاحظ اني سرحانة ، سألني : مالك يا قلبي ؟ سرحانة في اي ؟
: بصراحة افتكرت ولادي ، وحشوني اوي .
: متخافيش عليهم اكيد اهلك واهل ابوهم هيخلوا بالهم منهم كويس .
: انا عارفة بس وحشوني ونفسي اشوفهم .
: معلش اتحملي شوية علي ما دنيتنا تتظبط وتاخديهم يعيشوا معانا .
: انت بتتكلم بجد ولا بتقول كده بتصبرني علي فراقهم ؟؟
: بتكلم بجد طبعا ، انتي عارفة اني لما بوعد بحاجة بنفذها .
وروحنا قضينا في راس سدر حوالي اسبوعين كمان كانوا في منتهي الجمال لدرجة اني حسيت اني في الجنة وكنت مش عايزة ارجع !!
عيشت معاه شهر عسل حقيقي وحسيت اني كنت قبل ما اعرف شريف كنت مش عايشة ومدفونة بالحيا .
حسيت اني ببدأ حياتي فعلا من جديد وطلبت منه اني اكمل تعليمي .
وفعلا بمجرد ما رجعنا شريف قدملي اوراقي في مدرسة ثانوي .
وبدأ يهتم بيا واتفق من مدرسات ثانوي يدرسوا ليا كل المناهج في البيت .
بعد رجوعنا من شهر العسل بكام يوم كان عدا حوالي شهر من جوازنا عرفت اني حامل !!
كانت فرحة كبيرة ليا ولشريف جدا وكأننا اول مرة نخلف !!
وبمرور الوقت كانت كل حاجة جميلة حواليا سواء معاملة شريف ليا واهتمامه بيا وأملي في المستقبل والحياة الجديدة اللي بدأتها معاه ده غير المستوي المادي اللي كنا عايشين فيه وقبل كل ده معني الحب الحقيقي اللي عيشته لأول مرة معاه .
الحاجة الوحيدة اللي كانت بتضايقني احيانا رجوع شريف من شغله بالليل متأخر لكن كنت بعوض ده بأننا بنسهر مع بعض ومش بنام بدري .
ده غير انه كان احيانا يوم او يومين في الاسبوع كان بيتأخر تقريبا لقرب الصبح .

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية مذكرات حبيبة 2)