رواية جريمة عشق 4 الفصل الثالث والثلاثون 33 بقلم مريم نصار
رواية جريمة عشق 4 الفصل الثالث والثلاثون 33 بقلم مريم نصار
رواية جريمة عشق 4 البارت الثالث والثلاثون
رواية جريمة عشق 4 الجزء الثالث والثلاثون
رواية جريمة عشق 4 الحلقة الثالثة والثلاثون
ف المزرعه . الساعه ٩ الصبح. ف اوضة مراد .
مراد : بيلبس …
فريحه : جابت جاكيت البدله وبتسلبه ل مراد . وقالت بابتسامه قمر يامرادي . الله اكبر عليك ياحبيبى .
مراد : رفع عينيه ليها . وبصلها ف نظره تخوف. ..
فريحه : بلعت ريقها بتوتر . اء..ايه يامراد بتبصلى ليه كدا ؟
مراد : بيعدل جاكيت البدله . ولسه بنفس النظره . وقال بمكر. ابدا يافريحه . هو ف حاجه حصلت عشان ابصلك كدا ؟
فريحه : ضحكت بتوتر . لأ خالص ههههه . احم هجبلك الساعه ..
مراد : لأ خليكى انتى . يا…… أم آدم . واتحرك من قدامها ..وراح وقف قدام المرايا ..
فريحه : راحت وقفت جمبه . مالك يامراد . انت اول مره تقولى ام آدم..
مراد : قرب من وشها بتوعد . هو انتى مش ام آدم مراد ولا ايه يافريحه هانم .. وده ابنك ال بتخبى ع جوزك عشانه .
فريحه : مسكت فستانها بايديها بتوتر . وقالت اء..اخبي؟ أخبي ايه بس .. انا……
مراد : بص ف عينيها وقال بتحذير . انا مش عبيط ولا اهبل عشان اصدق إن آرين ايديها تتجرح بسبب قطه .
.وف نفس الوقت ابنى عربيته تخبط ف شجره و يتجرح ف جبينه .
.وكمل بجمود .هو سؤال واحد هساله ومش هيتكرر تانى . ولو مقولتيش الحقيقه . مترجعيش تزعلى منى … ايه ال حصل امبارح يافريحه ؟..
فريحه : بحيره . قالت بتوتر طيب انا هقولك بس اوعدني ..انه……
مراد : بحده .. من امتى يافريحه بتنبهى عليا. ايه ؟ عيل صغير انا هروح افتن؟
فريحه : يوووه بقى انا مش قصدي كدا. احنا خبينا ال حصل عشان خايفين ع زعل فهد ..
مراد : كشر عينيه وقال فهد؟ هي آرين كانت مع آدم ف العربيه؟
فريحه : هزت راسها بنفي . لأ لأ لأ . الموضوع مش كدا خالص . بص ال حصل إن آرين غلطت . وركبت حصان تيم ……….
مراد : فتح عينيه بدهشه . انتى بتقولى ايه؟ وآدم عمل ايه؟
فريحه : هقولك ال حصل إن لما آرين……………….
مراد : بيسمع بتركيز . وكشر عينيه . وقال امممم وده يفسر غضب آدم امبارح ف المسابقه. اممممم…
فريحه : بزعل . شوفت بقى عشان كدا . خبينا الموضوع عشان فهد مايزعلش . ولا يحصل اى حاجه وحد يزعل من حد . انت بقى بتزعقلى ميرسي جدا يامرادي . انا زعلت بجد منك ..
مراد : ياالهوي . ع مرادي دي . يابت انا لازم اشد عليكى اومال ايه؟ وبعدين انا ال ازعل ياعم انت . فريحتى وبنتى تخبي عليا . دي محصلتش ف تاريخ البشريه . اول وآخر مره تخبي عليا يابنت المستخبي هههههههه..
فريحه : كتمت الضحكه . ومثلت الجديه . وبصت بعيد .
مراد : بمكر . غمز . ايه اقلع الجاكيت. ونقول حلال الله اكبر . ولا نلم الدور ونضحك ف وش مرادي ؟
فريحه : هههههههههه يلهوي بقى . ماتسينى ازعل منك بقى ..اله ..
مراد : قلع الجاكيت. لأ بقى كدا انتى مصممه ع سكر . وانا ميرضنيش اسيب فريحتى زعلانه ..وشدها لحضنه ..
فريحه : بمكر . وهمست طيب والعيله والفطار . وشغلك كدا هتتاخر يامرادي ..
مراد : قرب منها بعشق كبير . وهمس كله يتعوض . إلا عشقك يافريحتى .. واخدها لعالمه الخاص ..
——————بقلمي مريم نصار.
فيلا الصاوي .. ع الفطار .
آسر : بيفطر ونفسه يرفع عينيه ويشوف حياه . لكن ياسين بيفطر . وقاعد جمبها ..
حياة : بتفطر . وجواها احساس مختلف عن كل مره . واهتمام آسر زاد عن الاول . وخصوصاً من وقت ما جت ع الفيلا ..
ماليكه : ياسو ياحبيبى. هتروح النادي ولا اجازه؟
ياسين : الشركه إن شاء الله يا امي. بابا مشدد عليا طول ما هو مسافر ماسبش الشركه واكون مسؤل عن كل حاجه .. وبعدها النادي إن شاء الله.
ماليكه : ابتسمت حبيبى انت يا ياسو . ربنا يبارك فيك ياحبيبى . وإن شاء الله لما تتعين هتكون احسن ظابط شرطه ف مصر كلها . لأ مصر ايه؟ دي مصر والشرق الأوسط كله ..
كلهم آمين .
ياسين : ههههه الشرق الأوسط مره واحده ؟ عموما ياست الكل طول ما انتى وناناه ملك بتدعولى. انا واثق انى هوصل .
ملك : ابتسمت بحب . وهتوصل للقمه إن شاء الله . ده انت ياسين جمال إبن قلبى وحبيب عمري .
ياسين : ابتسم . وقام وقف وراح عند ملك وباس ع أيدها . حبيبتي انتى ياناناه . إن شاء الله هكون زي ما انتى بتتمنى .
ملك : بصت ف عينيه وقالت بتمنى تعيش مرتاح البال يانينى عينى .
ياسين : ابتسم . الله ع احلا دعوه. راحة البال دي اهم حاجه ..
ماليكه : بقلب أم .. وانا دعيالك ياقلبى ربنا يرزقك راحة البال ويرزقك الستر والصحه ياحبيبى.
جاسر : آمين . ع فكره ممكن تدعوا ف السجود . كدا هتأخرو حفيدي ع شركته .
ياسين : ابتسم . وبص ف الساعه وقال . صح جدا ياجدو . وسلم ع الكل . وقال حياة اجبلك حاجه وانا راجع ؟
حياة : بحرج ميرسي جدا يا ابيه ..
آسر : اخيرا رفع عينيه وشاف حياة عُمره .
ياسين : انا هجبلك الحجات الل انتي بتحبيها . .
.وودعهم وخرج .
جاسر : متابع حفيدو . وابتسم بحب ..
ساره : قامت طيب ياجماعه انا رايحه ع الشركه . ماكي حبيبتى هتحتاجى منى حاجه؟
ماليكه : بابتسامه . عايزه سلامتك ياساسو ياقمر . ربنا يقويكي ياحبيبتى ..
ساره : بابتسامه ..تسلمي لقلبى . وبقولك ايه ؟ مالك هيخلص شغل وهنخرج كل العيله مع بعض ..
ماليكه : خلاص مفيش مشكله اهو من زمان مخرجناش ..
جاسر : بمكر . انا وملاكي مش هنخرج .. لكن مالك وساره وماليكه يخرجو برحتهم . أما بقى كارو حفيدتى القمر نفسها تروح السينما . مش كدا ياحبيبت جدك؟
كارما : بسعاده . واااو ايوه ياجدو . انا بقالى كتير عايزه أروح السينما .
جاسر : بمكر . خلاص تمام بس لازم آسر يكون معاكى اوكي ..؟
آسر : بص لجدو بصدمه . لانه كدا مش هيخرج مع حياه .
جاسر : كتم الضحكه ع شكل آسر .. احم وقال وكمان حياة حفيدتى هتروح معاكى ياكارو . ولا ايه؟ تروحي لوحدك؟
كارما : سقفت واووو ياريت بجد . انا وحياة نخرج اخيرااااا ..
جاسر : هز راسه تمام . تروحو السينما . وتطلعو ع مالك وساره وماليكه وترجعو كلكم مع بعض ..
آسر : ضحك بسعاده . وشكر جدو بعينيه . وبيفكر ازاى يهتم ب حياته..
ساره : خلاص اتفقنا. يلا آسر ياحبيبى عشان منتاخرش ..
آسر : قام وقف وعيونه عليها . وسلم ع الكل وخرج مبسوط ..
——————بقلمي مريم نصار.
ف سنغافوره .
زين وريتال وزياد . بيفطرور ف الفندق. وخارجين لمقابلة رجل اعمال مهم جدا . لتوثيق عقد تجاره جديد ..
……
ف اسكندريه ..
فادي : اعتذر ل هبه . لكن هبه رفضت اعتذاره بشده . وشرحت لوالدتها ال حصل .
.ووالدتها .. رفضت المبدأ إن بنتها تقلع الحجاب . وقالت ل هبه هنرجع مصر حالا . وظبطو كل حاجه وراجعين ع مصر. وهبه زعلانه جدا . رغم أنها مبتحبش فادى وأنها مجرد خطوبه . لكن حاسه انها مجروحه إنها ال وافقت ع واحد عديم النخوه والرجوله. ومتساهل ف حجات كتير جدا.. ودعت ربنا انه يعوضها خير ..
——————بقلمي مريم نصار.
بعد فتره . ف بيت المزرعه..
آدم مراد : بعد الفطار . بيجري ف الجنينه. ومخنوق لأنه ماشافش آرين من امبارح . حتى رفضت تنزل ع الفطار . وفطرت هي وتالين ف اوضتها . وبيجري لمح رينو بتتمشى. وفريحه. بتكشف وتطمن ع الخيل ف المزرعه. وشاف جدو آدم بيتكلم ف الفون ..
وجري وقرب من رينو . وقف قدامها ينهج . عمتو لارين عامله ايه دلوقتى؟
رينو : بابتسامه. انا كويسه جدا ياحبيبى . انت عامل ايه دلوقتي وجرحك اخبارو ايه؟
آدم مراد : بيمسح وشه بالفوطه . وقال تمام كل حاجه تمام …
رينو : طيب تعالى اغير ع جرحك ..
آدم مراد : شويه كدا . بقولك آرين فين؟ وليه منزلتش ع الفطار ؟
رينو : بمكر . اممم آرين زعلانه منى ..
آدم مراد : كشر عينيه زعلانه منك انتى ؟ طيب ليه؟
رينو : أمم هي زعلانه من نفسها بسبب ال حصل امبارح .
. وكنت رايحه اصالحها ومعايا آخر برطمان نوتيلا . وللاسف وقع اتكسر منى . ومن وقتها وهي مش طايقه نفسها. وقررت انها تحبس نفسها ومتخرجش .. ههههه
آدم مراد : بشبح ابتسامه . بتحب الشوكليت كتير هي .. وهرش دقنه ..
رينو : بتحبها بس؟ قول مُدمناها . دا انا كنت مفكره إن مفيش حد بيحب الشوكليت قدي . بس هي بجد فظيعه ..
آدم مراد : هز راسه تمام . المهم انها احسن من امبارح مش كدا ؟
رينو : ابتسمت للمعة الحب ف عينيه وافتكرت فهد . وهزت راسها ايوه ياحبيبى هي كويسه جدا الحمد لله.
آدم مراد : هز راسه تمام . بعد اذنك هكمل جري …
رينو : اتفضل . وبصت ع آدم وبصت ع شباك اوضة آرين ..وشافتها واقفه من بعيد بتبص ع آدم . وابتسمت بحب كبير . واتمنت إن آرين تكون من نصيب الديزل ..
——————بقلمي مريم نصار.
ف شركة الصاوى .
ساره : ف المكتب . وبتتكلم ف الفون. وقالت حاضر ياعمو آدم . انا هقولها دي هتفرح اوى ..
آدم : هز راسه تمام . هي مشروعها متكرر كتير. لكن هي ضايفه لمسه جديده . وابتكار جديد للمشروع . وده ال هخليه ينجح انا متأكد ..
ساره : بابتسامه . إن شاء الله . بجد متشكره جدا ياعمو ..
آدم : ع ايه ياساره . المهم لما توصل هناك قوليلى عشان اتصل ع ياسين وافهمه واديله خلفيه عن المشروع ..
ساره : حاضر ياعمو. سلامي للعيله الجميله . وانا هتصل ع طنط مريم بعد الاجتماع ..
آدم : هز راسه تمام مع السلامه .
ساره : مع السلامه ياعمو .. وقفلت وقالت بسعاده همس هتفرح بالخبر ده . ورفعت سماعة الفون . واتصلت ع السكرتيره . الو . ايوه لو سمحتى ابعتلي الانسه همس المنشاوى ..
السكرتيره. حالا يافندم .
آسر : دخل المكتب ومخنوق . وحط ملف قدام ساره .
ساره : بصتله بدهشه. وقالت إيه يا آسر طريقة دخولك دي؟ ومالك شكلك مضايق ليه ؟ ف ايه؟
آسر : بجمود انا لغيت الاجتماع ..
ساره : بزهول . انت بتقول ايه يا آسر ؟
.وزعقت بصوت عالى .. أنت ازاى اتصرفت من دماغك؟ ازاى تعمل كدا من غير ما ترجعلى ؟ ده اجتماع مصيرى يا استاذ والمفروض دى اتفاقيه ع شحنه وبضاعه بالملايين . انت اتجننت يا آسر .
آسر : باحترام . شكرا جدا لحضرتك ياباشمهندسه ساره . اتفضلى راجعى ع الملف ده .. وبعدها هتعرفي ليه انا لغيت الاجتماع . ومش الإجتماع وبس. انا لغيت الصفقه كمان . بعد اذنك . وسابها وخرج بسرعه ومخنوق ..
ساره : قعدت ع الكرسي بزهول وصدمه كبيره . وقالت ازاى؟ ازاى يا آسر تلغي صفقه زى دي ؟
همس : دخلت بابتسامه . صباح الخير يامدام ساره ؟
ساره : بحزن صباح الخير يا همس ..
همس : قربت من المكتب .مالك يامدام ساره . حضرتك كويسه؟
ساره : بحيره . مصيبه ياهمس. مصيبه .. آسر لغي الاجتماع . والصفقه كمان .. ومن غير مايرجعلى ..
همس : قعدت ع الكرسي . وقالت طيب وايه المشكله حضرتك؟ . اكيد ف سبب قوى انه يعمل كدا ..
ساره : بقلق . قالى إن كل حاجه ف الملف ده .
همس : طيب تمام . بعد اذنك هقرا . واخدت الملف وفتحته .. وبصت فيه بتركيز . وبعد كدا فتحت عينيها بصدمه كبيره . وقالت مش معقوووول ..
ساره : بخوف .. ف ايه ياهمس؟
همس : حضرتك كويس جدا إن الأستاذ آسر اتصرف بالطريقه دي . اتفضلى شوفي بنفسك ..
ساره : شدت الملف بلهفه . وبصت فيه. وتنحت بصدمه .. وقالت ينهار اسو…… البضاعه مش اصليه؟
همس : ايوه يافندم . وكمان عليها شرط جزائي كبير جدا . لو لاحظتى هنا .
. وكمان اقري البند رقم ١٤ إن المسؤل الوحيد عن الصفقه هو مدام ساره الصاوى . وده طبعا يشكك اى حد .
. يعنى الشحنه كلها مضروبه . وانتى المسؤوله عنها . وكمان هتدفعى الشرط الجزائي . يعنى موت وخراب ديار زي ما بيقولوا .. الاستاذ آسر بجد كبر ف نظرى . وزاد إعجابي اكتر من الاول . بجد برافو ..
ساره : حطت الملف بإحباط . ومسحت وشها بايديها. ونفخت بخنقه . وقالت أنا زعقت ل آسر قبل ما افهم .. وخرج وهو مخنوق منى .
همس : بمرح . بسيطه جدا . ارشيه بعزومه جامده جدا . ولا اقولك خديه ع السينما . ف فيلم أكشن انهردا جبار . بس عارفه بابى القمر رافض انى اروح السينما لوحدي . اتفضلى روحي انتى والاستاذ أسر . وبكره احكيلى الفيلم ع رواقه .. ههههه ..
ساره : ضحكت . خلاص تمام. وكشرت عينيها بتفكير . تصدقي بقى انتى بنت حلال . لأن آسر وكارو رايحين انهردا ع السينما . ايه رايك لو تروحي معاهم ؟
همس : بمرح واااو ياريت . لكن بااابي هيرفض انا عارفاه ..
ساره : مالكيش دعوه انتى . انا هتصل ع مدام يسرا . واقولها . وناخد منها الاوكي بعد كده . تمام ؟
همس : بفرح ده تمام اوى . ده كدا احلوت اوى ههههه . ميرسي كتير جدا يعنى ههههه.
ساره : ههههه. اوبس . انا نسيت اقولك انا بعتالك ليه ..
همس : احنا فيها اهو. كل أذان صاغيه يافندم ..
ساره : عندى ليكى مفاجاه تجنن ..
همس : قامت وقفت بحماس كبير وقالت . الامبراطور شاف المشروع بتاعى صح؟
ساره : ههههه ايوه براڤو عليكى . وبصي بقى عشان عايزه اروح ل آسر . اسمعي . خدى الكارت ده .. ده عنوان شركة المهندس زياد جمال .. هتاخدى المشروع .هناك هتقابلى الأستاذ ياسين جمال . اكيد انتى فاكراه..؟
همس : فتحت بوقها وعينيها وتنحت . ها ياسين؟
ساره : بعدم فهم هي مالها ؟ همس . انتى ي همس ؟
همس : انتبهت وقفلت بوقها .وقالت بحرج . احم سورى مع حضرتك . قصدى ايوه فاكراه . الظابط صح؟
ساره : ههههه هو لسه بس براڤو عليكى. ايوه هو .
همس : بعدم فهم . سورى يامدام ساره عندى استفسار صغير. حضرتك بتقولى ظابط ؟ وازاى اروح أقابله ف الشركه . وليه؟
ساره : هفهمك حاضر . بصي يا ستي ياسين عندو خبره ف مجال الأعمال لانه ابن الاستاذ زياد جمال الوحيد . وديما ف الاجازه يشتغل مع والده . واكتسب خبره كبيره . ودلوقتي هو موجود مكان والده . لانه مسافر زي ما قولتلك . انتى دلوقتي هتروحي الشركه بالمشروع . وتعرضيه . وتشرحيه ل ياسين . وعايزه ابشرك بالموافقه . لأن الامبراطور عجبه مشروعك . وحولك لشركة زياد جمال . واكيد هيبداؤ معاكى المشروع ..
همس : قلبها دق . ومتعرفش ليه فرحت اوى كدا. بمقابلة ياسين . اكتر من فرحتها بالمشروع الجديد . وابتسمت. وقالت ميرسي جدا لحضرتك بجد يامدام ساره . انا مش عارفه بجد اشكر حضرتك ازاى؟
ساره : باستعجال . تشكرينى بأنك تاخدى الكارت والمشروع وتخرجي ع شركة زياد . وتسبينى الحق اصالح ابنى ..اوكي .
همس : ههههه حاضر . واخدت الكارت. وخرجت بسرعه وهي مبسوطه ع متوتره .ومتحمسه ..
ساره : ابتسامتها اختفت . وزعلت لانها زعقت ل آسر . وغمضت عينيها . وحمدت ربنا إن آسر قدر يعرف معلومات بالخطوره دى .. وابتسمت بفخر واعتزاز . إن آسر كل يوم يثبت نفسه عن اليوم ال قابله .. وخرجت من المكتب ..
آسر : ف المكتب . وقاعد مخنوق . وبيراجع ع ملفات الشركه . وقال بصوت جهوري .. لمحاسب الشركه . اتفضل حضرتك . انا عايز منك جرد بآخر سنتين كاملين . عايز اعرف كل حاجه . وتبعتلى محامى الشركه . واى خلل هيحصل . مش هتعدى ع خير . ال قدامك ده بيدرس قانون . وانا احب كل حاجه تمشي صح وبالقانون . اتفضل ..
المحاسب : باحترام. تحت امرك يافندم . وشال الاوراق وخارج . وساره داخله . وشافته مخنوق . وقالت بابتسامه ممكن ادخل ياباشمهندس؟
آسر : من غير ما يبص ليها . اتفضلى حضرتك ..
ساره : دخلت . ووقفت قدامه ..
آسر : قام من مكانه احتراماً ليها ..
ساره : بتتملا منه بإعجاب وحب كبير . ومسدت ع شعرو بحنان . وقالت أنا اسفه ..
آسر : بتنهيده . مافيش داعي حضرتك انك تقولى كدا ..
ساره : مسكت ايدو بتأنيب ضمير . وقالت حقك عليا.
انا يمكن خاني التعبير . ورد فعلى كان بسرعه . لأن كان خلاص باقى ع الاجتماع نص ساعه . والصفقه دى كانت كبيره جدا . وهتفرق معاك ف بداية استلامك منصب نائب رئيس مجلس إدارة الشركه . بجد اسفه .
آسر : بهدوء . خلاص يا ماما مفيش حاجه لكل ده. انا يمكن برضو وصلتلك الخبر بطريقه غلط . لكن انا أول ما وصلى الملف . وقريته. اتصدمت. واتصلت ع العملا ولغيت الاجتماع والصفقه . وخرجت بسرعه مضايق جدا . لانها كانت هتبقى مصيبه بجد. والحمدلله انى عرفت ف الوقت المناسب.
ساره : مسكت ايديه الاتنين . تعالى اقعد جمبي هنا ياروحي . وقولى بقى انت عرفت ازاى ؟ ده شغل خطير جدا . وازاي قدرت توصل لمعلومات زي دي؟
آسر : ابتسم . بفضل الله ثم الامبراطور .
ساره : كشرت عينيها بعدم فهم .عمو آدم ..!!؟؟؟ لأ افهم بقى .
آسر : بابتسامه . حاضر هاقولك . فاكره حضرتك. من اسبوع لما جه رجل الأعمال ده ومعاه المهندسين بتوعه . وكان ملهوف اوى ع انك تتمي الصفقه ف خلال الايام دي لانه مسافر ؟ وكمان قالك هو مسافر بكره . وف انتظار الموافقه بعد بكره؟
ساره : ايوه. وانت ف نفس اليوم قولتلى انك مش مستريح .لشكل الراجل ده . وانا قولتلك ماله شكله . طبيعى جدا .
آسر : تمام . انا بقى تاني يوم . وانا راجع بليل . وقفت ف اشاره . ويالصدفه اتفاجئ بالراجل ده موجود ف عربيه ومعاه واحده ست . انا قولت يمكن دي مراته . وهو مسافرش . ونزلت اسلم عليه . وفجاءه سمعته بيقولها ايه رايك نطلع ع المقطم ؟ والست ضحكت بطريقه مش تمام. انا لفيت ضهري عشان مابيشوفنيش ف المرايه . وبعد كدا . اتصلت ع جدو آدم . وشرحتله الوضع. وقولتله انا بجد مش مستريحله .
جدو آدم : قالى تمام . انت بكره اديله الموافقه. وقابله ف الشركه مع المهندسين بتوعه وبس . وانت تكون موجود معاهم لوحدك . وتكون حاطط تحت التربيزه فون وفاتحه ع التسجيل . وانت ف وسط الكلام معاهم . انا هتصل بيك . وتسيبهم وتخرج وتقفل الباب عليهم . وبعد مايمشو شوف ايه ال تم وعرفنى .
انا عملت كدا فعلا . والصدمه بعد ما مشيو .سمعت التسجيل .أنهم هيتقابلو كلهم ف شقه مشبوهه . وكمان الصدمه الأكبر . إن الراجل ده قال شركة الصاوي حلوه وتستاهل المجازفه دي . بصراحه انا مفهمتش معنى الكلمه دى .. وبعت التسجيل لجدو آدم . وقالى أنه هيتصرف . وسألنى الاجتماع امتى؟ قولتله ع الميعاد ال هو انهارده . واتفاجيت ب جدو آدم اتصل عليا . وقالى الغي الاجتماع والغي الصفقه.
.وف ملف هيوصلك خلال ساعه بالكتير . ولما شوفت الملف اتصدمت بجد . وفهمت معنى كلمة شركة الصاوي حلوه وتستاهل . وكل المسؤوليه عليكى انتى وبس . ده غير الشرط الجزائي. شكله عايز يوقعنا ف مصيبه.. ونترجاه انك متدخليش السجن . ووقتها ويستولي هو ع الشركه قصاد برائتك .
ساره : مصدومه حرفياً . وعينيها مفتوحه ع الاخر ..وافتكرت سوزي وتوفيق وابتسام … ومش قادره تتكلم.
آسر : حس بيها . وباس ع أيدها وقال . ماما. انا مش عايزك تقلقى من حاجه الحمدلله عدت ع خير ..
ساره : بدموع . هو الشر ده مش هيخلص بقى؟
آسر : كشر عينيه بعدم فهم . تقصدي ايه ياماما ؟
ساره : بصت ف عينيه بدموع ..وحضنت آسر . وضمته لقلبها بشده .
.وقالت حقك عليا يانور عيني . انا اسفه . واوعدك اي كلمه انت تقولها لازم امشي معاك فيها واصدقك . وطلعت من حضنه. بخوف. وقالت بس انا خايفه عليك من الراجل ده يا آسر . ده لو عرف ممكن ياذيك يبنى .
آسر : ابتسم. ماما هيعمل ايه يعنى؟ خلاص ناهينا الصفقه .. وا……. وفونه رن . وكان آدم العدوي .وابتسم .اهو جدو اكيد بيطمن عليا . ورد . وفتح الاسبيكر . الو اجمل جدو ..
ساره : مسحت دموعها وجواها رعب ع آسر ..
آدم : ابتسم . وقال بهدوء مش عايز ساره تقلق عليك . وقولها إن الراجل دلوقتي ف القسم . بتهمة تجاره غير مشروعه.
ساره : ضحكت بدموع . وقلبها بيدق بسعاده كبيره واطمئنان .
آدم : وكمان قولها . انها خلفت نمر نظرة عينيه ماتخيبش ابدا . وراجل من ضهر راجل ويعتمد عليه.
آسر : بامتنان . شكرا جدا لحضرتك ياجدو . ولولاك …..
آدم : بهدوء . مش عايز كلام كتير . انا عايز منك تثبت نفسك ديما . عايزك تكون نمر ديما . وعيونك ف عيون ال قصادك . وقتها هتعرف بيفكر ف ايه؟ وكونك لسه ف الجامعه ورجل أعمال . صدقنى قدامك مستقبل مبهر ياحفيدي وحفيد الصاوي ..
آسر : حماسه زاد . وقال حاضر ياجدو .
ساره : ضحكت بدموع الفرح . وقالت بامتنان كبير . عمو آدم انا مش عارفه اقول ايه؟ بجد مش عارفه.
آدم : هز راسه وقال . انا وعدتك زمان انك بنتى . ومسؤله منى. وابنك حفيدي . واسمعي وجهة نظره بعد كده ..
ساره : مسكت وش آسر بايديها . وضحت بدموع . حاضر ياعمو . حاضر ..
——————بقلمي مريم نصار.
ف الجهاز ..
فهد : بيتكلم ع الفون . ههههه ليل ايه يبنى عيب عليك . انا قولتلك ع العصر هتكون ف الجزيره .
تيم : ههههه فعلا وصلنا العصر بالظبط . وويدوبك وصلنا حالا . واتصلت ع العيله . ههههه . بابا آدم وماما مريم اتفاجئو ومش مصدقين ..
فهد : اكيد هيتفاجأو .. اومال بقى لو شوفت مراد وفريحه . هههههههه . ع الفطار . بيتصلو ع ميرو وكان طبعا فونها مغلق . فريحه بتقول ياتري ميرو قافله فونها ليه ؟ ومراد قال وتيم كمان فونه مقفول ..
انا رديت عليهم بهدوء . وقولتلهم ايوه ايوه . اصلهم سافرو المالديف من نص ساعه ..
مراد ههههه قام جري ورايا . وكان عايز يضربني . انى مقولتلوش. هههههههه يااااه اخيرا ضايقته ..
تيم : ههههه ايوه منا اخدت كلمتين حلوين من خالو مراد .. وكمان صفحة عتاب من فريحته .وبابا وماما كمان .بس فرحو ف الآخر . وعدت ع خير الحمد لله ..
فهد : تمام . وربنا معاكو يادكتور ..
تيم : والله يا فهد مش عارف اشكرك ازاي ؟
فهد : ياعم مش مستاهله شكر . انت ابن خالى . وابن مراتى . وقرفنى ف حياتى . ده انا لو اطول ارميكو كلكو ف الشلالات هعملها والله . بس تبعدو عننا ..
تيم : ههههههههه . قصدك رينو . حبيبتي .
فهد : صك ع أسنانه بغيظ مكبت . ولا ياتيم . هو انت مش متجوز ؟. ماتعيش حياتك وتبعد عني . فيديوهات وبعتلك . الجزيره وحجزتلك كل حاجه من امبارح . والطياره الخاصه . كانت عندك الصبح . وقولتلك تاخد ايه معاك . اتكل بقى ..
تيم : بص للسما وقال جواه . اعيش حياتى .؟؟؟ والله يا فهد انا لسه سنجل بائس . وبنت مراد مطلعه عينى .
فهد : ولا تيم روحت فين؟
تيم : انتبه وقال . معاك يافهد باشا . ويسيدى حاضر هبعد عنك . وابتسم . بس بجد انت طول عمرك رجوله وجدع . تسلم يا فهد ع كل حاجه عملتها ..
فهد : ابتسم . ربنا معاك يادكتور . انما قولى صح . ناوي ع كام يوم هناك؟
تيم : لاااا . دى بقى حسب التساهيل ..
فهد : كشر عينيه تساهيل ايه؟
تيم : غمض عينيه ولعن نفسه . احم قصدى ياعم حد يسيب الجمال ده ويرجع . إن شاء الله ع بداية الدراسه ..
فهد : فتح عينيه بدهشه . ايه؟ هتقضي الاجازه كلها عندك؟
تيم : طبعا . ومتقلقش انا منمتش من امبارح . اشتريت اكل ومستلزمات لسنه قدام . ههههههههه الطياره مكانش فيها مكان من الشنط ههههه.
فهد : طيب ياعم ربنا يوفقك .
تيم : قولى آرين اختارت ايه ف الجامعه طب صح؟
فهد : لأ علوم . عايزه تكون دكتوره كيميائيه . قولت تمام زى ما تحب.
تيم : تمام ربنا معاها . و آركان معروف حربيه طبعا.؟
فهد : بتنهيده . ايوه . آركان حربيه …
——————بقلمي مريم نصار.
ف بيت المزرعه …
آدم : بيتمشي مع مريم ف الجنينه . و أمر كل الحرس يطلعو بره .. عشان مريم تمشي بحريتها وشعرها . وحاطط أيدها ف دراعه وشافها مبتسمه .. وقال . ايه ياروحي . ممكن تشاركينى ابتسامتك القمر دي ..
مريم : وقفت قدامه وبصت ف عينيه وقالت بابتسامه صافيه . مبسوطه اوى اوى يا آدم .
آدم : شايف جمال عينيها ف ضوء الشمس . وشعرها ال بيطير واطلق لنفسه العنان . وانعكس لعنة عشقها ليه ال بتزيد متقلش ابدا . ورجع خصلة شعر ورا ودنها. وقال بهدوء وحب . بعشق فرحتك . لما بتكوني مبسوطه بتنعشي قلبى . لما بتفرحي بحس اني فعلا قد المسؤليه وحافظت ع الامانه .
مريم : بصت ف عينيه . انت حافظت ع الامانه بمعنى الكلمه يا آدم . عشت معاك اجمل سنين عمري . عشت معاك اكتر ماعشت ف بيت اهلى . شوفت معاك الحلو وعشت معاك ودوقت طعم السعاده . انا حياتى كلها من غيرك مش كامله يا امبراطور حياتى . ياعشق مريم ال بيزيد كل ثانيه قد عمري أضعاف ..
آدم : بص بعيد وقال . عارفه يامريم . انا ببقى فخور وانا بحكي عنك لاحفادي . لكن بداية القصه بتخلينى اندم .واتوجع . وبقول لو اقدر ارجع. بالزمن واصلح اكبر اربع غلطات ف حياتى . وقتها بس هبقى رافع راسي لفوق. ومفيش اى سيئه تخلينى اندم ع الماضي معاكي ..
مريم : رفعت ايدها ولفت وشه ليها . وقالت بحنان .. انت عمرك ما غلطت معايا ابدا يا آدم . وانت طول عمرك راسك مرفوع لفوق . لفوق اوي . انت آدم العدوي . ال أسس العيله دي بفضل الله . عيله كل الناس تتمناها . وتتمنى تكون جزء منها. انت ابدا ما غلطت ف حقى ابدا يا آدم ..
آدم : حط ايدو ع ايدها ال ع خدو . وقال . بندم . اول غلطه . لما حسستك بالخوف منى وحطيتك ف أمر واقع من غير إرادتك ومفرحتكيش زي اى بنت هتتجوز .
. وتاني غلطه. لما ….. لما جرحتك وشوهتك بالازاز ..
. وتالت غلطه لما زقيتك قدام طارق وملك وجاسر .
. ورابع غلطه . لما …..ومقدرش يكمل ويقولها ع عاصم وأنه بخ سمه وسبب فراق . ونزل ايدو واتنهد وبص بعيد ..
مريم : ابتسمت بحب كبير. ومسكت ايدو وقالت تعالى معايا . هوريك حاجه .. واتحركت .
آدم : ماشي معاها . ومش فاهم هي واخداه ع فين .
مريم : وقفت قدام التربيزه. وكان عليها عصاير وميا .
آدم : هز راسه ليها . مش فاهم .
مريم : ابتسمت . استنى بس هفهمك دلوقتي. وجابت كوبايه فاضيه . وقالت بص بقى ولنفترض الكوبايه الفاضيه دي أنا . وال جواها قلبى تمام ؟
آدم : كشر عينيه . وقال ماشي تمام وبعدين ؟
مريم : وازازة الميا الكبيره دي انت وحبك وعشقك ليا تمام ؟
آدم : امممم تمام وبعدين؟
مريم : نزلت ف الارض . وجابت شوية تراب ف كف أيدها . وقالت والتراب ده الاربع غلطات ال انت معتقد انك غلطهم ف حقي زمان تمام ؟
آدم : بابتسامه . اممم تمام وبعدين يا اميرتي ؟
مريم : ركز معايا. وحطت شوية التراب ف ربع الكوبايه . وقالت اهو . ادي الغلط ال اتزرع زمان جوايا . هنجيب بقى حب آدم . امسك الازازه دي ..
آدم : مسك الازازه ..
مريم : مسكت ايدو ع الازازه معاه . وقالت بهدوء . دلوقتي بقى حب آدم هيملا حياة مريم . ومالت بايديها مع آدم والميا نزلت ف الكوبايه .
وقالت بص المياه ف الاول متعكره ازاى؟ لكن لما جه عشق آدم يملا ويطوف ف قلب مريم . كل حاجه تختفي . وترجع مريم جواها صافى من تانى ..
الميا ال ف الازازه كلها نزلت ف الكوبايه . والتراب اثره اختفي . والميا رجعت صافيه من تانى .
آدم : بص ل مريم ق نظره طويله وعميقه جدا . فيها اعتراف بكل لغات العالم . انها بنته واخته وامه ومراته وحبيبته وعشقه ومعشوقته . هي كبريائه . كرامته هي السعاده هي الامل والتفاؤل والحياه والخيال والأمان والاستقرار هي كل حاجه . كل حاجه يا آدم ..
مريم : بصت ليه . وفهمت سرحانه فيها. وقالت . الغلط ال انت عملته زمان . ده قدر ومكتوب . ولو مكنش حصل . انا كنت هندم جدا . لانك مش هتكون موجود ف حياتى ..
اول غلطه ليك .. بسببها انا دلوقتي مراتك واميرتك..
وتاني غلطه ليك .. بسببها قربت منى اكتر وانا وقتها شوفت قد ايه انك ابنى ولازم احتويك ..
تالت غلطه ليك . دي مش غلطه . دي حاجه عاديه وبتحصل . وبسببها انت فتحتلى قلبك . وصارحتنى بكل حاجه ..
أما رابع غلطه . انا لحد دلوقتي مش فاهمه سببها ومعرفش ليه . ولا عايزه اعرف . لكن بسببها اتعلمت انى مش هبعد عنك ولا افارقك مهما كان ..ومهما يحصل ..
وبعدين انت حبتنى وعشقتنى عيشتنى ف سعاده ..وصلتنى لمرحله انى ملكه سلطانه ع عرش قلبك . كل ده مايمحيش الغلط الغير مقصود زمان؟
ارفع راسك لفوق وانت بتحكي لاحفادك . وقولهم مريم الجزار . قابلت ف حياتها ملك من ملوك الدنيا واعظمهم . ملك قلبي انت مش زوج وبس لأ . انت اخويا وصديقي وابنى وابويا . وحبيبى وعشقي ومعشوقي . وضلى وسندي . انت نهاري وليلى انت نوري انت املي انت هديه من الرحمن يا آدم ..
آدم : شدها لحضنه وضمها لقلبه بعشق وتملك . وضحك بدموع لاول مره . وقال انتى حوريه من الجنه ..مش معقول تكوني بشر . انا بعشقك . بعشقك . انا اسير عشقك ياملكة قلب آدم .
ف شركة زياد جمال.
ياسين : ف المكتب . والباب خبط .. ادخل.
السكرتيره : دخلت وقالت باحترام ..مستر ياسين . ف انسه بتقول انها عندها ميعاد مع حضرتك . اسمها همس المنشاوى …
ياسين : هز راسه ايوه خليها تتفضل .. ولو سمحتى اطلبي لينا ٢ قهوه .
السكرتيره : تحت امرك يافندم . وخرجت. اتفضلى حضرتك مستر ياسين ف انتظارك .
همس : بتوتر . ميرسي جدا . ووقفت قدام الباب. واخدت نفس عميق ونفخت بتوتر . وهمست ايه بقي انتى محسسانى انك داخله ع عشماوي ف ايه. احم .وخبطت ..ودخلت ..
ياسين : بيراجع شغل ع اللاب توب ..
همس : قربت ووقفت قدام المكتب. وقلبها دق اول ما شافته . وقالت بصوت مبحوح . مس ..مساء الخير ..
ياسين : رفع عينيه ليها وابتسم . وقام وقف . مساء الخير . اهلا اذيك يا انسه همس ..
همس : هزت راسها. تمام . اذي حضرتك ياباشمهندش ياسين .؟
ياسين : رفع حاجبه . باشمهندس؟ امم ماشي شغال برضو .وشاور ليها بايدو . اتفضلى حضرتك استريحي .
همس : بثبات ورجعت لطبيعتها. وقعدت ع الكرسي . وقالت ميرسي .اكيد حضرتك مدام ساره قالتلك ايه سبب زيارتي ؟
ياسين : قعد و قفل اللاب توب وقال . بصراحه لأ . ال كلمني . عمي آدم . ممكن اشوف المشروع ؟
همس : بابتسامه. اتفضل .
ياسين : اخد الملف . وفتحه بتركيز . وبيدرس المشروع ..
همس : رفعت عينيها ليه .. وابتسمت بحب كبير . وقلبها دق ببطء وبعدها دقات مختلفه . سرحت ف دقنه الخفيفه وشياكته . ووسامته . وقالت بهدوء وإعجاب . تعرف حضرتك لايق عليك رجل اعمال جدا ..
ياسين : ابتسم . متشكر جدا. دى شهاده جميله جدا من حضرتك . امم بس بجد المشروع ده مشروعك انتى؟
همس : بقلق ..ايوه والله . ومعايه النسخه الاصليه اهي ..بس ليه بتقول كدا . هو مش عجبك؟
ياسين : ابتسم . لأ ابدا . انتى قلقانه ليه كدا؟ وبالعكس المشروع جميل جدا وفيه ابتكارات جديده .
. وعمي آدم شرحلى كل حاجه .. وعجبنى لدرجة اني هبعت نسخه دلوقتي حالا ع ميل بابا ف سنغافوره . وهستنى منه الرد . ومتأكد انك هتبدئي فيه قريب جدا ..
همس : ابتسمت وفرحت بتفائل . خلاص اوكي. وميرسي جدا بجد .
الباب خبط . والسكرتيره دخلت . وشايله صينية القهوه ..
همس : اتفضل دى نسخه تانيه من المشروع . ولو اشتغلنا مع بعض ..عندى أفكار جديده . إن شاء الله تعجب حضرتك .. وبتمد أيدها بالملف ..
السكرتيره : بتحط الصنيه ع المكتب . اتكعبلت وكعب جزمتها اتكسر . والقهوه وقعت ع ايدين همس ..
همس : صرخت بألم شديد . ومش قادرة تتحمل درجة حرارة القهوه ..
السكرتيره : اتخضت وشهقت بصوت عالى وخافت جدا . وبصت ع ايد همس . وحطت أيدها ع بوقها..
ياسين : اتخض ع همس . وقام بسرعه . ومسك أيديها . وقال بقلق انسه همس . ونفخ ع ايديها بسرعه . وزعق للسكرتيره . علبة الاسعافات بسررررعه اتحركي ..
همس : ايديها اتحرقت . وبتعيط ومش قادره تتحمل
ياسين : بحيره . ومش عارف يعمل ايه . غير أنه ماسك ايدها وبيهوي عليها بالملف.
همس : بدموع. ااااه مش قادره عاااااااا القهوه سخنه اوى. انا اتحرقت . انا ايديا باظت. عاااااا ..
ياسين : رفع عينيه ليها وقال ايديكى باظت؟ احم اهدي يا انسه همس . انا هعالج الموضوع.
همس : عاااااااا اهدى ازاى بس . ايديا الجميله راحت. عاااااا . مش قادره اتحمل اكتر من كده ..
ياسين : شاف دموعها . واتخنق عشانها جدا . وزعق بصوت عالى . علبة الاسعافات بسررررعه.
السكرتيره : دخلت تجري. بقلق. اتفضل يا مستر ياسين .
. وبصت ع همس. وقالت بحرج. انسه همس . انا أسفه جدا ..والله بجد غصب عني .. احم كعب الجزمه اتكسر وملحقتش القهوه قبل ما تقع ع ايد حضرتك . بجد انا اسفه لحضرتك جدا ..
همس : عيطت بصوت عالى جدا مش قادره ايديا بتحرقنى اوووي .
.وسحبت ايدها من ياسين ونفخت ف ايدها بدموع . وبصت ع ايديها وكانت حمرا جدا . وعيطت اكتر ..
ياسين : بضيق حقيقي . بص للسكرتيره روحي انتى ع شغلك .
السكرتيره : خرجت بسرعه . ومحرجه.
ياسين : مد ايدو ليها . وقال ممكن . ومسك ايد همس . وقال ثوانى بس بعد اذنك . لازم تستخدمي الكريم ده عشان مايسيبش أثر للحرق . وكمان الحراره هتهدا ومش هتحسي بحاجه ..
همس : غمضت عينيها ودموعها نازله .
ياسين : عقم أيدها وفتح الكريم . وبدأ يدهن ليها .
همس : اتألمت . وقالت ع مهلك لو سمحت.
ياسين : آسف استحملى شويه بس . لحد ما نروح المستشفى ..
همس : فتحت عينيها وكانت حمرا مع لون عيون القطط . وقالت مستشفى؟
ياسين : مركز ف ايدها .رفع عينيه.عشان يقولها لازم تروحي المستشفى وبص ف عينيها . ونسي هو كان عايز يقول ايه؟
همس : بصت ف عينيه . ونسيت الألم لثوانى . وتاهت ف لون عيونه ال تشبه فنجال القهوه .
ياسين : فك قبضة ايدو من ع أيدها . وسرح ف جمال السما والسحاب ف عينيها .
. ونسي هو فين . وايه الاحساس ده؟ اومال الاول كان ايه؟ لأ لأ . ده احساس مختلف. انا تايهه ف بحر عينيها بحريه مفيش خوف ولا تردد ..
همس : سرحانه . ايه الأمان ال جوه عينيك ده؟ فيها حاجه مش طبيعيه . لأ لأ انا حاسه ان العيون دى انا وبس الل ينفع أتوه فيها مش حد تانى ..
ياسين : انتبه ع صوت مسج .. وشاف أنه ساب ايد همس ..وحس بالاحراج ..
همس : انتبهت ووشها احمر جدا وقلبها بيدق .. ونزلت وشها ف الارض بحرج ..
ياسين : بلخبطه .قومي ..احم قصدى اتفضلى معايه اخدك المستشفى وبعدها اوصلك البيت ..
همس : ضغطت ع شفايفها بحرج كبير . وقالت لا ميرسي جدا . مالوش لزوم للمستشفي . الجرح بدأ يهدا .. وانا هرجع البيت لوحدي معايه العربيه ..
ياسين : ابتسم . طيب تقدري تقوليلى هتسوقي ازاي وايدك ملتهبه بالطريقه دي؟ متقلقيش انا مش هخطفك ..
همس : بتمتمه . ياريت …
ياسين : نعم . قولتى حاجه؟
همس : ها؟ احم ابدا . ا.انا بقول انا مش قلقانه من حضرتك . هقلق ليه يعنى ؟ بس يعنى احم مش هينفع توصلنى وكدا ..
ياسين : ابتسم . ع فكره انا المفروض هكون ظابط . يعنى بحمى أبناء الشعب . وانتى من الشعب ولا ايه؟
همس : بحرج ..بس كدا هتعب حضرك . وهعطلك عن شغلك …
ياسين : قام وقف . لأ مش هتعطلينى ولا حاجه.. لكن ثوانى بس هبعت النسخه ل بابا ع الميل . ونروح المستشفى اتفقنا .؟
همس : بلعت ريقها بتوتر . وهزت راسها اتفقنا . وغمضت عينيها بحيره لانها اول مره تتصرف كدا . ومش عارفه ليه مسلوبه قدامه .. وبعدها ابتسمت لقلقه عليها ..
بعد شويه . ياسين خلص . واخدها المستشفى . والدكتوره كتبت ليها علاج . وقالت ليها ع شوية تنبيهات.
.وخرجوا من المستشفى ..وياسين فتح ليها باب العربيه . اتفضلى ..
همس : ركبت . ومضايقه ..
ياسين : ركب . وقال ف حاجه مضيقاكي؟
همس : يتذمر . ايوه طبعا . الدكتوره بتقولى مفيش شغل لمدة أسبوع . دى بتهزر بقى .
ياسين : ضحك . وقال لا مبتهزرش ولا حاجه . ومتنسيش إن القهوه كانت سخنه جدا . ومش فنجال واحد… لأ ده اتنين وقعو ع ايدك . وزي ما انتى شايفه ايدك ملتهبه جدا ..
.وكمل بزعل. بجد آسف ع ال حصل معاكي بسببى ..
همس : نفخت بنفاذ صبر . متتأسفش محصلش حاجه . وانت مش زنبك حاجه .
. كله من ام جزمه كعب عالي دي .. وبصت ل ياسين وقالت بغيظ . تعرف انا مبكرهش ف حياتى قد الكعب العالي . ده تاني اسؤ اختراع ف العالم بعد اختراع اللينسز. عالم فاضيه ..
ياسين : ضحك ع نرفزتها . هههههههه .
همس : همست يخربيت ضحكتك . هو انا وقعت ولا الهوا رماني ..
ياسين : ضحك . وشغل العربيه . وقال كان نفسي اعزمك ع حاجه تشربيها . بس خايف أتفهم غلط .
همس : بتوتر . لأ لأ كدا حلو اوي . وصكت ع أسنانها بغيظ كبير وقالت ايه ده بقى؟ يعنى مش هروح السينما؟
ياسين : للحظه حس بالغيره. وقال باندفاع هو انتى مخطوبه ورايحه مع خطيبك؟
همس : قلبها رقص . وقالت ابدا والله مخطوبه ايه بس .
. انا مامي عايز تجوزني ظابط . وبعدها غمضت عينيها ولعنت نفسها وقالت يااادي الكسفه الله يخربيتك يالسانى . الراجل هيفتكر دلوقتي انتى بنمر عليه.
ياسين : سمعها وضحك من قلبه . ههههههههه لا متخافيش مش هفهمك غلط . كل امهات مصر عايزه لبناتها العريس يكون ظابط مش انتى بس ..
همس : بتوتر .ايوه صح فعلا ههههه . احم . ربنا يكتر من النجمه ههههه ..
ياسين : ههههه قوليلى عنوانك بالظبط .
همس : ابتسمت بفرحه . العنوان فيلا المنشاوي ف(…….) .
ياسين : ساق وبعد شويه وصلها للعنوان . وركن العربيه جمب الفيلا.
همس : بصت ل عينيه وقالت بحب . ميرسي جدا يا أستاذ ياسين..
ياسين : مش عارف ليه هو حابب الإحساس الجديد ده . وابتسم وقال ياريت ترفعي الألقاب . قولى ياسين وبس.
همس : ابتسمت. احم تمام زى ما تحب. احم لو حضرتك عندك وقت .. ممكن تتفضل اعرفك ع بابي ومامي هما موجودين ..
ياسين : ابتسم . لأ مش هينفع .
همس : زعلت .امم تمام زى ما تحب .
ياسين : حس بيها وقال ع فكره مش من الرجوله انى ادخل كدا معاكى وتعرفينى ع والدك .. مش هتبقى حلوه .
.وكمان مش عايز حد يقولك مين ده وفين والكلام ال بيبقى فيه شبه اتهام ليكي.
همس : ابتسمت وفرحت جدا ..
ياسين : كمل وقال . يوم ما ادخل اتعرف ع حد . هدخل بطريقه تليق بيا . وكمان تشرف أصحاب البيت ..
همس : كشرت عينيها بعدم فهم وقالت قصدك ايه؟
ياسين : ههههه هتصدقينى لو قولتلك مش عارف انا قولت كدا ازاى؟ بس اكيد كلام حلو مايزعلش ولا ايه؟
همس : ضحكت .طبعا ..احم ميرسي جدا ي ياسين ع ال عملتو معايا .. احم باى . وجت تفتح باب العربيه معرفتش من ايدها ..
ياسين : ثوانى ياهمس . وفك الحزام . ونزل بسرعه عشان يفتح باب العربيه ليها.
همس : عيونها عليه. وهمست باسمها من صوته وحبته اكتر ..
ياسين : فتح ليها الباب ..اتفضلى .
همس : نزلت بحرج ..ميرسي . وجت تتحرك
ياسين : هرش ف قفاه وقال همس ..
همس : وقفت ولفت ليه نعم ي ياسين
ياسين : بتوتر . هو لازم تروحي السينما انهارده . احم انا قصدى يعنى انتى تعبانه و.. وايدك وكدا .
همس : قلبها دق جامد . وقالت تتحرق السينما اكتر ماهي محروقه . مش مهم جداً. انا مش رايحه اصلا.
ياسين : ههههههههه .. خلاص كدا كويس جدا . اشوفك مره تانيه . مع السلامه ..
همس : ضحكت بتوتر . وقالت برقه باي ي ياسين..
ياسين : كشر عينيه وحط ايدو ع قلبه . لأنه بدأ بنبض جديد مع لفظ اسم ياسين من قطته الجديده ..
——————بقلمي مريم نصار.
ف المزرعه …
آرين : قاعده ف الاوضه لوحدها . ومتغاظه من إن آدم مسالش عليها. ولا اتصل حتى . وعيطت بطفوليه . عاااااااا انا مخنوقه عاااا . آدم المرعب مسالش عليا . عاااااااا..
. انا عايزه اضرب حد . عاااااا حتى النوتيلا اتكسرت .
.عاااااااا يعنى لا ف آدم ولا نوتيلا . وكمان البطل بيعاقب البطله وهيسافر ٩ سنين يعاقبها .. عقاب ايه ده بقى؟ عاااااااا ..
. ده ايه اليوووووم ده . عاااااا . انا عايزه باااااابي .. عاااااا ..
الباب خبط خبطيتن بهدوء وبس ..
آرين : بغيظ . حتى مفيش حريه شخصيه إن الواحده تعيط. براحتها . وقالت بنرفزه . ادخل .
ومحدش دخل ……..
آرين : نفخت بنفاذ صبر . وقامت .. فتحت الباب . ومكانش موجود حد ..وبصت يمين وشمال . ونفخت بضيق حقيقي .
. وبعدين ف شغل العيال ده بقى؟ مين الل بيخبط وبيجري ؟
.وجت تقفل الباب . وشافت كيس كبير قدام الباب . وبوكس متوسط .
.وشهقت بفرحه .ووااااااووووو .. واخدتهم ودخلت وقفلت الباب . وقعدت ع السرير وفتحت الكيس. وقالت بسعاده واااو كنننززززززي حبيبى . كوووول ده كوكيز شوكولا . وكمان كل دي حجات كتير اوى . وايه البوكس ده .؟
.تعالى لما اشوف ايه جواك . اكيد انت الصندوق السحري. وفتحته. وفتحت عينيها بدهشه وقلبها بيدق بسعاده كبيره . وحطت أيدها ع بوقها . وهزت راسها بعدم تصديق . وقالت بانبهار . لأ لأ انا مش مصدقه نفسي . واااوووو. .
.. كل دي نوتيلا؟ وكانو ١٠ برطمانات نوتيلا . وقالت بتعجب . مين ياترى ؟ امممم مامي؟
.امم ممكن . بس هي هتخبط وتجري ؟ لأ لأ معتقدش . طيب آركان . نو نو نو استحاله .. طيب بااابي؟ تؤ جابلى كنزي امبارح . بس من غير نوتيلا .شوكليت بس .
. اممممم مين؟ . وقالت بتريقه يمكن آدم المرعب .. امممم تؤ ده ربنا خلقه عشان يخوف الناس وبس . ياماماامعع . آدم بيعمل تمرينات للمخوفتيه . شركة المرعبين المحدوده . اصحى يشلبى . هههههههه . وبعدين آدم ده بيصحي الصبح يشرب شوب دم كدا . وقبل ما ينام بياكل بنى ادمين صغيرين . ياماماامعع .
. تؤ وبعدين بقى مين الل جاب الحاجات دي؟ امممم موووووش مهم . انا اخد برطمان نوتيلا كدا القمر ده . واهدي بيه أعصابي . اممم . ومسكت البرطمان . وجابت المعلقه . وبتفتح الغطا . لمحت اسم مكتوب ع الغطا . وركزت فيه . ومكتوب . ماشوفتش ضي آدم انهردا .
آرين : فتحت عينيها بدهشه وقلبها بيدق بقوه رهيبه .. وهمست آدم ….
——————بقلمي مريم نصار.
بعد فتره كبيره من الوقت .
ف المالديف ..
تيم : بعد ما وصل . شال ميرو ودخل بيها الكوخ ال قدام الميا وحواليه الشجر . ومكان يسحر العيون .ويذهب العقل من شدة السحر والجمال . ونيمها . وفك ليها الحجاب . وشد عليها الغطا. وخطف بوسه رقيقه . وسابها وراح ع اليخت .
. اخد شاور عشان يفوق لانه مانمش من امبارح لانه كان بيجهز لكل حاجه . وغير هدومه وصلى العصر . واتصل ع العيله وع فهد . وبعد ماقفل مع فهد. دخل المطبخ يظبط كل حاجه ويعمل أكل ل ميرو. وبيفكر ازاى يحرق قلب كامليا انهردا .. وبص ف الساعه وابتسم بخبث .
. وسمع صوت الرساله المنتظره .. ومكتوب فيها الطرد رايح ع الفندق .
. وتيم رد برساله قبل ما يوصل ب ٥ دقايق ابعتلى رساله خاصه. وابتسم بخبث اكبر . وشال صينية الاكل . ونازل من اليخت وطالع ع الكوخ . يفوق حبيبته وملاكه ..
ميرو : نايمه ف سرير تصميمه جميل جدا . وشكل الكوخ من الداخل وتصميمه يخطف القلوب .وعن كمية الراحه النفسيه ف المكان ده .
ميرو :فتحت عينيها بتعب شديد . ومسكت راسها من الصداع . وبصت حواليها . واستغربت ..وحاولت تفتكر اخر حاجه .. وافتكرت تيم . وفتحت عينيها بدهشه .
. لكن بصت ع الديكور ال حواليها . وسمعت صوت طيور . وميا . وقامت بتعب .. وشدت السِتاره . وفتحت عينيها بانبهار . وقالت إيه ده انا فين؟
تيم : من وراها .. منوره جزر المالديف ياعشق تيم .
ميرو : اتخضت . ولفت بسرعه . . وقالت بصدمه كبيره ايييه؟ المالديف؟
.وبصت ع لبسها وشافت نفسها بالفستان وكملت بجديه . تيم لو سمحت بلاش هزار .. انا آخر حاجه فاكراها انى كنت رايحه الحمام اتوضى. و…..و…احم ومقدرتش تكمل.
تيم : حط الاكل ع التربيزه . وقرب منها . وانحنى ليها بمرح . حضرتك انا مش بهزر يافندم . انتى غادرتي أرض الوطن صباحاً.
ميرو : هزت راسها بعدم تصديق .وقالت ازاااى؟ انا مش فاكره اي حاجه؟
.وبصت حواليها . ومسكت ايد تيم بسرعه وبصت ف الساعه بتاعته .
.وفتحت عينيها بزهول ..الساعه ٤ ؟ وسابت ايدو وبصت ليه بصدمه كبيره. ا.انت …؟ لأ لأ انت بتهزر ياتيم . انا ف حلم . ايوه انا نايمه دلوقتي وبحلم. لانى مسافرتش . … ايه ؟ سافرت وانا نايمه يعنى؟ لا انا بحلم اكيد ..
تيم : قرب منها ولف ضهرها ليه . ورفع وشها تبص من الشباك . وقال بصي حواليكى كويس ..
ميرو : رفعت عينيها وشافت جمال خلاب . طبيعه ف منتهي الجمال سبحان المبدع.
. وعيونها تاهت بين البحر والسما والشجر . وشكل اليخت ال يجنن . ونسيت كل حاجه .. وف اللاوعي ابتسمت بانبهار وقال سبحان الله . ايه الجمال ده ؟
تيم : قرب منها وضمها من الخلف . ودفن وشه ف شعرها . وقال شوفتى بقي انتى فعلا سافرتى وانتى نايمه .
. وانا جبتك هنا عشان اعترفلك بكل حاجه . واعترف اعتراف يليق بيكي .
ميرو : انتبهت واتخضت . وقلبها بيدق . وفتحت عينيها بدهشه . وجسمها اتشد . وبلعت ريقها بصعوبه. وبتحاول تفك ايديه . وقالت بخنقه ابعد عني . انت مش من حقك تعمل كدا .
تيم : همس ف ودنها ليه ؟ هو انا مش جوزك؟ حلالك؟
ميرو : بتلعثم من همساته . لأ .قصدى ايوه .احم بس ف اتفاق بينا .
تيم : بعد عنها . وقال تمام . بس ليا عندك طلب واحد . وبعدها اعملى الل انتى عايزاه وانا معاكي ف كل شروطك تمام ؟
ميرو : بتوتر . وخايفه انه يطلب حقه الشرعي. ط….طلب ايه؟
تيم : تسمعي كل كلامي لمدة ساعتين بس . وبعدها .اعملى الل انتى عايزاه . حتى لو قولتى نرجع مصر . حالا هعملها. لكن لازم تنفذي شرطي ده أولا .
.وغمز ومتقلقيش انا مش هقرب منك غير برغبتك ..
ميرو : فتحت عينيها بدهشه من اخر كلمتين قالهم . ووشها احمر جدا . ومش عارفه ترد ..
تيم : ابتسم ع خجلها . واستخدم سلاحه أنه يوترها عشان توافق تسمعه . وقرب منها وباسها برقه من خدها . وهمس موافقه ع الشرط ياروحي ؟
ميرو : غمضت عينيها وقلبها بيدق بسرعه . واكتسفت جدا . وهزت راسها ايوه . احم م..موافقه.
تيم : ابتسم بانتصار . وقال تمام اوى . واتعدل وقال بصي بقى ياروحي . انتى هتدخلى الحمام تاخدى شاور سخن كدا وتلبسي البيجامه ال سيبهالك ف الحمام . وا…..
ميرو : تنحت وبصت ليه بصدمه ……
تيم : ضحك . ع فكره البيجامه محترمه جدا متقلقيش . انا بس عايز اعمل حاجه . ومحتاجلك معايا فيها .
ميرو : بلخبطه . ح..حاجة ايه؟
تيم : مسك أيدها وبص ف عينيها وقال بحب . حاجه لازم تعرفيها وتشوفيها بنفسك . كفايه جفا بقى يامريم .
. انا مبقتش قادر أتحمل نظرة العتاب ال ف عينيكى ليا. آن الأوان بقي كل حاجه تتكشف قدامك . عشان تعرفي قد ايه انى كنت مغلوب ع أمري. ممكن تساعدينى ف إنك تسمعينى ؟
ميرو : بصت ف عينيه بدموع وهزت راسها حاضر ياتيم ..
تيم : بضعف قرب منها وباس جبينها بحب كبير وغمض عينيه..
ميرو : غمضت عينيها ..وبعدت بسرعه.
تيم : يلا خدي شاور وصلى . وانا ف انتظارك. وشاور ليها ع الحمام ..
ميرو : مشيت بسرعه . ودخلت الحمام. وسندت بضهرها ع الباب . وحطت ايديها الاتنين ع بوقها
.وضحكت بدموع وسعاده كبيره . وقالت معقول تيم جابنى هنا ؟ انا مش مصدقه نفسي .
تيم : فتح شنطه سفر . وطلع منها لاب توب . وفلاشة نت ..
كامليا : اتصلت عليه مره واتنين ..
تيم : ابتسم بخبث . ورد عليها بمكر الو كامي ..
كامليا : بعتاب لأ انا زعلانه منك . معقول يومين متكلمنيش ياتيم ؟ هو انا مش ع بالك خالص كدا ؟
تيم : بمكر . ازاى بس مش ع بالى . ده انا مفيش حد شاغل تفكيري غيرك . وبفكر ازاى اعملك مفجأه تليق بيكي .
كامليا : بفرحه . بجد ؟ بجد ياتيم انت هتعملى مفجأه ؟ واااووو.
تيم : بص ع اللاب توب وقال . بتوعد .. أنا مجهزلك هديه بعمرك كله ياكامي .
كامليا : بلهفه واااااو طيب قولى بسرعه ايه هي؟ هتتقدملى ونتجوز صح؟
تيم : ههههه حاجه زى دي ..
كامليا : شهقت بفرحه كبيره . وقالت مش معقوووول . ده اجمل خبر سمعته ف حياتى .. وكمان بابي انهارده قالى العياده بتاعتى بتخلص وااااو بجد انا مبسوطه اوووى..
تيم : بخبث . مش هتلحقى تفتحى العياده ياكامي ..
كامليا : بعدم فهم ازاى؟ مش فاهمه..
تيم : بخبث .. انتى قيمتك مستشفى ..اما عياده تؤ مش هيحصل وده وعد منى ليكي. .
كامليا : صرخت بفرحه كبيره وااااااو تيم حبيبى بجد انا هموت م الفررررحه ..
تيم : بص قدامه وقال ولسه.. ولسه ياكامي ..
كامليا : بتتنفس بسرعه كبيره م الفرحه . وقالت يعنى اول ما ننزل مصر انت هتتقدملى ..؟
تيم : بمكر . ده انا هفاجأك ياكامليا . وسمع صوت باب الحمام . وقال طيب هقفل ثوانى وهتصل عليكى تانى. متبعديش ع الفون. باى.
كامليا : بسعاده كبيره جدا اتنططت من الفرحه وقالت بااااى .. وقعدت جنب الفون . وضحكت بسعاده كبيره وخبث اكبر . وقالت كلها كام شهر وتكون ملللكي انا ياتيم . ملللللكي وبس . وابعد عنك كل ال يقرب منك لانى هسيطر عليك بس واحده واحده . هههههههههههه ..
ميرو : خرجت م الحمام ولابسه بيجامه وكانت جميله جدا عليها .. وشعرها مبلول. وكانت فاتنه بالنسبه ل تيم .
تيم : شافها . وقال بهمس انتى مهلكتى بجمالك ده. ونفخ بنفاذ صبر. وقال يامسهل الحال يارب ..
ميرو : لبست الاسدال . وقالت بحرج .احم هو اتجاه القبله ازاي؟
تيم : اخد اللاب توب وقعد ع الكنبه وقال . ضهرك للبحر وصلى .
ميرو : بدأت تصلى.
تيم : فتح اللاب توب وركب فلاشة النت .. وماسك الفون وف انتظار الرساله بفارغ الصبر .
بعد شويه .
ميرو : خلصت صلاه ..
تيم : تعالى نتغدي الاول. واخد الاكل قدام البحر .
ميرو : هتعترض . بس افتكرت الشرط . وهزت راسها لانها كمان جعانه جدا .
تيم : رجع ياخد ميرو. وقالها اقلعي الاسدال واقعدى بشعرك مفيش هنا اي حد غيرنا. .
ميرو : تنحت ايه؟ مفيش غيرنا بس؟
تيم : بغمزه عايزه الشيطان يبقى تالتنا ؟ انا معنديش مانع .
ميرو : بلعت ريقها بتوتر. وسكتت وقلعت الاسدال والحجاب من سكات . وخرجوا ..
ميرو : جواها شعور غريب ومحرجه جدا . لانها بشعرها وبلبس بيتى بره البيت لاول مره. وقالت بحرج انا حاسه اني بعمل حاجه غلط ..
تيم : طبعا. بعدك عن جوزك ده اكبر غلط ..
ميرو : بصتله بشرز ..
تيم : ههههه آسف خلاص . اتفضلى ياحبيبتي اتغدي . عشان عندي ليكي مفاجأت .
ميرو : بدأت تاكل وعيونها تايهه ف جمال الجزيره .
بعد شويه .. الرساله وصلت ل تيم ..ونفخ وقال اخيرا ..
ميرو : ف ايه؟
تيم : مسك أيدها تعالى معايا بسرعه . ودخلو الكوخ وميرو مش فاهمه حاجه ..
تيم : قعد قدام اللاب توب وقال ادخلى اغسلى ايديكي . وتعالى
ميرو : كشرت عينيها انا مش فاهمه حاجه؟
تيم : بصلها ف نظره الشرط؟
ميرو : اتنهدت . ودخلت الحمام تغسل أيدها ..
تيم : بسرعه . فتح ايميل الفيس بوك . ودخل ماسنجر . واتصل فيديو ع كامليا ..
كامليا : شافت الإتصال وشهقت بصوت عالى . تيم بيتصل ڤيديووز ؟
. اخيرا هشوفه . وجريت ع التسريحه وحطت روج بسرعه ولفت الحجاب . وطلعت منه خصلة شعر كأنها مش واخده بالها. واخدت نفس عميق . وفتحت ع تيم ..وشافته وضحكت بسعاده هاااي تيم ..
تيم : شافها . وصك ع اسنانه بغضب مكبت . وعايز يولع فيها أول ما شافها . لكن ابتسم عكس ال جواه . وشاور بايدو . هاي كامليا .
كامليا : بسعاده كبيره . متعرفش انت وحشنى قد ايه ؟ انا مش مصدقه انى شايفاك . تيم انا بحبك اوى .
تيم : بص ف الساعه. وقال افتحي الباب عندك ياكامليا . ف هديه ودي. اول مفاجاه مني ليكي ..
كامليا : كشرت عينيها بعدم فهم . وسمعت الباب بيخبط . وقالت واو . ثواني ياحبيبى . وقامت فتحت الباب . وكان ف واحد قدم ليها طرد هديه . واخدته وقفلت الباب . وشافت تيم. وقالت دي هديه عشانى ؟
تيم : بمكر . طبعا عشانك . بس ماتفتحيهاش دلوقتي .بعد ما تشوفى تاني واهم مفاجأه .
ميرو : خارجه من الحمام . وبترتب شعرها . واستغربت تيم بيكلم مين فيديو؟ اممم ممكن العيله؟
كامليا : بتتنفس بسرعه من الفرحه . واااااوووو مفاجاه كمان بجد انهردا احسن يوم ف حياتى .
تيم : شاف ميرو . وكتم صوت الفيديو. وشاور ل ميرو . تعالى شوفي مين عايز يشوفك فيديو .
ميرو : ضحكت بسعاده . وقالت اكيد بابا آدم وحشنى اوى ..
تيم : فتح المايك . وشاور لميرو ..
ميرو : قربت منه .بضحكه صافيه..
تيم : ف حركه سريعه .. شدها بسرعه لحضنه . وقعدها ع رجله وضمها بتملك كبير.
كامليا : اتخضت من ال تيم بيحضنها . وضحكتها اختفت تماما .وقلبها بيدق بغيظ كبير . وقالت بكُره العالم مييين دي ؟
ميرو : شهقت بصوت مهموس . وايديها ع صدر تيم . وقاعده ع رجله . ووشها ف كتفه . ولو الحجر نطق ميرو تنطق من الاحراج ..
تيم : رفع وشها . وبص ف عينيها ورجع شعرها ع كتفها .
كامليا : بتصرخ بغيره. تيييييييييم ميييييين دي ؟
ميرو : سمعت صوت كامليا. وفتحت عينيها بزهول .
تيم : لف وش ميرو . ع الكاميرا . وقال بتملك وثقه كبيره .
.احب اعرفك بتاني مفاجآه ياكامليا . مريم مراد العدوي . مراتى . وبص ليها بكُره دفين . حرم تيم عزيز .. يا……كاملياا….
كامليا : شافت ميرو . ف حضن تيم . ودي كانت اخر حاجه تتوقعها ..وبالشكل ده .
. انتقام خطير . فعلا الهلاك بيستخدم سلاح معنوي يدمرها نفسيا .. والطرد وقع من ايدها . وعينيها مفتوحه ع الاخر بصدمة عمرها كله.
ميرو : مش ااقل صدمه من كامليا .ومش فاهمه حاجه . وليه تيم عمل كدا مع البنت ال المفروض انها حبيبته.او هي بتحبه ؟ ..بس ليه تيم عمل كدا ؟
تيم : بلاعب خصلات شعر ميرو . قدام كامليا . وقال ها ياكامي . ايه رأيك ف المفاجأه دي؟ حلوه مش كدا ؟
ميرو : بلعت ريقها بتوتر . ومش عارفه تخرج من حضنه . ومكسوووفه جداا ..
كامليا : شالت الحجاب بغيظ وغيره. وصرخت بصوت عالى جدا . انت بتكدب عليااااا ياتيم . انت كداااااب . انت بتخوووووني ياتيم ؟ قوووووووومي ابعدددددي عنه . انت بتخووووووووني ياتيييييييم.
تيم : ضحك ببرود . اخونك ؟ وصك ع اسنانه بغيظ واضح . وقال دي البدايه بس ياكامليا .
. انا كان سهل جدا عليا انتقم منك ع ال عملتيه ف مريم . لكن انتقامي بالبطيء هيكون الذ ليا بكتير. وانا بشوفك بتتدمري .
.وزعق بصوت عالى لدرجة ان ميرو اتخضت ف حضنه.
. وحياااااات امي ياكامليا ماهسيبك .. اوعي تكوني فاكره يابت انى حبيتك .
. لأ تبقى غلطانه. انتى اسؤا حاجه حصلت انى قابلتك .
.بس معلش ملحوقه .. وهلاكك ع ايدي .. وعايز اقولك ع حاجه مهمه جدا . بسبب شرك وغبائك وحقدك بال عملتيه مع مريم .
.. المفروض اشكرك لانك بغبائك قدمتى ليا حب عمري كله ف لحظه واحده .. وزعق اكتر .. انا كان ممكن اقتلك ياكامليااااااا . بس وش مريم يشفعلك انى مولعش فيكى بايديا دووووول ..
ميرو : فتحت عينيها بصدمه . وهمست.مش معقول؟ كامليا؟ وهزت راسها بدموع لأ مستحيل بنت تعمل كدا .. واتخضت وخافت من تيم واول مره تشوفه كدا . وبلعت ريقها بخوف منه …
كامليا : صرخت بغل كبير وقالت ايووووووه انا عملت فيها كداااااا وانا ندمانه انى مخلتش عامر يغتصبها .
. وصرخت انا بكرررههههههك يامررريييييم . بكرههههكككك . ومش هسيبك . انتى خدتى تيم منى .!!!!… وتييييم ملكى انااااااا . انت ملكى انااااااا وبس ياتيييييم .
. انا هقتلك يامريم. هقتللللك . وهقتل كل بنات العيله . عشان انت بتاعي انا وبس . ومش هسمح لاي مخلوووووق ياخدك مننننني .. حتى لو هقتلك وهقتل نفسي . بس محدش ياخدك غيرررررى . محدش يلمسك غيرررررى .
تيم : جواه غضب كبير من كلامها ..وقبض ع ايدو بغيظ ..وبصلها بتوعد كبير . وقال اعرفي انك متحاصره وف قبضتى ياكامليا .
. ومش هتقدري تقربي من اى حد من عيلتى . وعايز اقولك الطرد ال معاكي فيه فلاشه حلوه اوي هتنفعك . وهتخلى حبل المشنقه حوالين رقبتك.
.وكمان ف اهم اللقطات الرومانسيه بينى وبين ملاكي ف الفرح .
. انتى كان عندك فضول تعرفي فرح مريم تم ازاى؟ انا حققتلك وهريح فضولك وهتشوفي قدام عينيكي اجمل زوجين بيعشقو بعض ..
. واه قبل ما انسى عايز اقولك انسي سنين تعليمك خلاص .
.. لان اسمك مش هيلحق يتسجل ف نقابة الأطباء .. ويوم بس ما اشم خبر انك فتحتي عياده الدليل ال معايه هقدمه للنيابه .
. ووقتها فضيحتك انتى وعيلتك هتكون ف السما . ده غير ابوكي حبيبك ال هيموت فيها . وكمان انتى هتتسجنى وهوصلها للاعدام . بس قولى يارب ..
وحب يحرق دمها .. وضحك هههههههههه انا مضطر اقفل ياكامليا . انتى عارفه بقى أنى عريس جديد . ومتجوز البنت الل بعشقها . ومعايا مراتي حبيبتى ..وغمز ل كامليا انتى فاهمه بقي . وقفل ..
كامليا : صكت ع أسنانها بغيظ كبير وبتنهج بسرعه وبصوت عالى . وصرخت لااااااااااااااء تييييببم متقفللللللللش . انااااا هقتلهاااااا . هقتلهاااااااا . لااااااااااااااء وحدفت الفون ف الحيطه . وعيونها اتحولت لعيون شيطان .
.وشافت الطرد ومسكته بسرعه . وفتحته . وشغلت الفلاشه ف اللاب توب . وبتصك ع أسنانها بشر كبير . وبتهز رجليها بسرعه .
.وشافت ع اللاب مالا يحمد عقباه . اعتراف عامر والجارسون بكل حاجه . وبلعت ريقها بصعوبه . وللحظه خافت . وشغلت الفلاشه التانيه . وشافت فيديو تيم وميرو. وهو بيرقص معاها وبيغنلها . وبيزل ع ركبه. والبوم الصور .وف حضن بعض .. ولقطات كتير جدا رومانسيه بينهم . وكامليا الدم غلى ف مخها . وصرخت وشالت اللاب توب بغضب شديد وكسرته ف الأرض . لااااااااااااااء ….
——————بقلمي مريم نصار.
تيم : قفل اللاب توب. واتعدل . وقام بسرعه بنرفزه ووقف بعيد وقبض ع ايديه بغضب . وبينهج من تهديدات كامليا.
ميرو : قاعده مكانها . ومصدومه. ودموعها نازله من غير عياط. وهمست بتوهان . كامليا؟ معقول كامليا؟ هي ال السبب ف كل ده؟ وغمضت عينيها بوجع كبير ..
تيم : افتكر كلمة كامليا . انها ندمانه ان عامر ماغتصبش ميرو ..وواقف بينهج واسنانه بتعمل صوت من الغضب وعايز يولع ف كل حاجه.
ميرو : مسحت وشها بتعب . وشافت تيم لاول مره وهو غضبان بالطريقه دي .. وللحظه ندمت انها ماسمعتش منه . وقامت وقفت . وقالت تيم …
تيم : لف وشه ليها وبصلها بخنقه ومردش . وسابها وخرج من الكوخ ..
ميرو : التمست ليه العذر . وقالت جه دوري انى اهون عليك واسمعك للآخر ياتيم .
. وشافت الشنط . وفتحت شنطه بالصدفه . وشافت بناطيل جينز وتوبات قصيره . وتنحت بصدمه .. وقالت هو اتلخبط ف الشنط ولا ايه؟.
. وراحت فتحت شنطه تانيه . وشهقت بصوت عالى . وكانت عباره عن اطقم كتيره جدا . ولا تعليق عليها من جرأه . وقفلت الشنطه بسرعه . وحست انها عرقانه من الاحراج .
. وفتحت شنطه تانيه . وكان فيها ٦ فساتين ومن ضمنهم فساتين سهره . واسدالين . وبيجامات .. واختارت فستان رقيق. ولبسته . وفردت شعرها . وحطت لمسات خفيفه ورشت برفان . وخرجت تدور ع تيم. وشافته قاعد الشط .. وقربت منه . وقالت تيم ..
تيم : شم برفانها . وغمض عينيه واتنهد ..نعم يامريم .
ميرو : ممكن نتمشي ع البحر مع بعض شويه . بليز ارجوك توافق ..
تيم : مسح وشه بايديه . وقام ولف ليها . وابتسم بحب وقال انتى جميله اوي يامريم. ..
ميرو : ابتسمت بخجل .ميرسي جدا. احم
تيم : شاور ليها . اتفضلى . ومشيو جمب بعض ..
ميرو : بثبات عكس التوتر ال جواها. وقالت أنا جاهزه اسمعك . وتقولى كل حاجه..
تيم : بهدوء حاضر يامريم . عايزه تعرفي ايه؟
ميرو : كل حاجه . بصراحه مش قادره احدد . يعنى مثلا من سنين فاتت. او من وقت ماعرفتنى ع كامليا . وليه هي عملت كدا ؟
. ف غموض كتير فعلا وانا عايزه اعرفه . ووقفت وبصت ف عينيه وقالت بعتاب ولوم . وليه قولت انى بحب ياسين؟
تيم : اخد نفس عميق واتنهد. وهز راسه ليها تمام انا هحكيلك كل حاجه . من ٩ سنين . من اول يوم الحادثه . لحد يوم الفرح. الحكايه إن من ٩سنين كريم جالى عند الجامعه وكان عايز يروح لليليان المدرسه وال حصل ……………………. وبدأ يحكيلها ع كل حاجه من وقت الحادثه ومشاعرو ليها بخوفه بالققدان. وكل حاجه .
. وياسين وال سمعه ف الشركه..لحد كامليا وازاى قابلها . وشاف انها مراية مريم ..وال عملته معاها بعد كده لحد يوم الفرح .
. وكمل وقال بتعب . وبس كدا وكنت مستنى كامليا تنزل مصر . بس مقدرتش اصبر اكتر من كده . انا سألت واحد صحبى مسافر المانيا .. ع عنوانها ف المانيا بالظبط . وعرفت الفندق . واتصلت ع فهد وطلبت منه أنه يجمعلى فيديوهات فيها اللقطات الرومانسيه ف الفرح بينى وبينك وبس من غير آريان وكريم .
.وبعد ما فهد بعتها . انا حطيت الفيديو مع الاعتراف و بعتها ف طرد لصحبى ف ألمانيا . وقولت الضاربه القاضيه لكامليا زي ما حرقت قلبى . وخلتنى اشوفك بالشكل ده . قولت لازم تشوفك وانتى ف حضنى. وملكي ومراتي . لازم تشرب من نفس الكاس. بس هي شربتني من كاس مر اووي . ولازم ادمرها ..
د وبص ف عينيها . وقال بس يامريم. هي دي كل حاجه. ولازم تعرفي انك انتى الانسانه الوحيده الل حبتها. ومش بس كده انا عشقتك لدرجه محدش يتخيلها . انا اتعذبت ف عشقك . واي كان السبب مش مهم. المهم دلوقتي انك مراتى وع اسمي. وده كل الجميل ف الموضوع . انك معايا وبس . مش عايز حد تاني غيرك .
ميرو : بتسمع كل حاجه . وشويه تضحك وشويه تتصدم. وعملت كل الريأكشنات. واهم من كل ده إن دقات قلبها ف تزايد مبيقلش ابدا . وكانت مبسوطه اوى إن تيم بيعشقها اوي بالطريقه دي . ودموعها نزلت ع ياسين . وعيطت اكتر من كامليا. ومش مصدقه إن ف بنت ممكن تاذي بنت زيها بالطريقه دي وتوصل لخبث شيطاني. وتدمر مستقبلها. وحمدت ربنا إن تيم اخيرا بقى من نصيبها . وفرحت جدا وقلبها دق لما شافت لمعت العشق ف عيونه.
تيم : مسح دموعها . وقال بهدوء. هي دي حكايتي . وانتى أساس حكايتي.
ميرو : ضحكت بدموع الفرح. وهزت راسها ايوه ..
تيم : قلبه دق بأمل جديد .وقال يعنى مسمحانى؟
ميرو : ضحكت بسعاده وهزت راسها ايوه ..
تيم : فتح عينيه بدهشه وقال والله بجد سامحتينى؟ يعنى مفيش سنه خطوبه ..؟
ميرو : مسحت دموعها وضحكت وهزت راسها لأ مفيش ..
تيم : ضحك بسعاده . وقال بلخبطه .طيب. احم . استنى . لأ لأ استنينى هنا. انا رايح اليخت وراجع بسرعه . وجري خطوتين . ورجع تانى عندها ومسك ايديها وباس خدها بسرعه. وجري ع اليخت .
ميرو : ضحكت بسعاده كبيره . وشبكت ايديها الاتنين تحت دقنها وغمضت عينيها وقالت الحمدلله تيمو بيحبنى .. وانا بعشقه . الحمدلله . وفتحت عينيها وشافت تيم نازل من اليخت بسرعه .
تيم : بيجري .عليها . ووقف قدامها وبص ف عينيها
وضحك . ونزل ع ركبه ونص قدامها ..وفتح ليها علبه قطيفه وفيها خاتم الماس . وشكله خرافه بجد .
ميرو : فتحت عينيها بدهشه ومش مصدقه .
تيم : مسك أيدها الشمال . وقلعها الخاتم . وقال اول خاتم كان من نوري .. وتاني خاتم كان من اختيار فهد .. اما الخاتم ده ؟ ده خاتم تيم عزيز ل مريم مراد العدوي .. ولبسها الخاتم . وباس ع أيدها بحب كبير . ورفع عينيه ليها وقال. اعتراف يليق بيكي . انتى عشقي ومعشوقتى .انتى حبيبتي وروحي . انتى بنتى واختى وامي . انتى دنيتى . انتى بدايتى ونهايتي . انتى يامريم اساس حكايتي ..!! (بحبك)
ميرو : قلبها هيطلع من مكانه . وضحكت بدموع
.وقالت . بحبك ياتيم .. انا بعشقك حد الانهيار ——
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية جريمة عشق 4)