رواية مروضة الرجال الفصل الحادي والعشرون 21 بقلم سلطان زماني

رواية مروضة الرجال الفصل الحادي والعشرون 21 بقلم سلطان زماني

رواية مروضة الرجال البارت الحادي والعشرون

رواية مروضة الرجال الجزء الحادي والعشرون

رواية مروضة الرجال الحلقة الحادية والعشرون

تاني يوم كريم فضل يتصل كتير اوي اخر ما زهقت رديت عليه

_ خير ياعم عايز ايه

كريم ..ممكن افهم انتي ايه الي قلبك عليا كده والناس دي عرفتيهم امتي وأزاي

_ ناس مين دول

كريم ..كريمة وجوزها البلطجي ده والراجل الي كان معاكي وبيشلك الشنطة والحاجة

_ وانت مالك بتسال ليه يهمك في ايه ..احنا مش خلاص كل واحد فينا راح لحالة

كريم ..ما تردي يابت من غير كتر كلام

_ انت يابتاع انت متزعقليش تاني وملكش اصلا كلام معايا يلا بالسلامة بقا وقت انتها

قفلت وهو مش مبطل اتصال وانا سبته يتعلم الادب شوية

ويحترم نفسه واغيظة وبعدين رديت عليه

كريم .. ما تبطلي بقا شغل العيال ده انا مش عيل صغير معاكي

_ انت عاوز ايه ..وحده طلقتها وخلاص خلصت منها بتكلمها ليه تاني

كريم ..أنتي الي اتطلقتي مني انا مطلقتكيش ابويا وامي الي

قالولو بناقص من الفضايح وقلة القيمة واننا مش قد المشاكل

إنما أنا مكنتش عايز أطلق وكلمتك كتير قبل ما نروح عند

المأذون وكلمتك وانتي عند المأذون وانتي مصممه ع الطلاق

_ انت تعبان ياكريم ولا فيك ايه ..طب هي سماح موجودة ولا غضبانه

كريم ..موجوده قاعدة فوق مع عيالها مالك ومالها يادينا

_ مليش ياعم اصلي مستغربة الحنية والذوق الي بتكلم بيهم دول

كريم ..أنا قاعد في شقتك الي تحت بس المكان من غيرك ميتقعدش فيه

_ يابني هو انت كنت بتقعد معايا اصلا ولا بتشوفني الا لما تعوز قلة ادب

كريم ..طب أنا عايز ارجعك يادينا قوليلي علي الي يرضيكي وانا اعمله

_ انت غريب اوي اقسم بالله

كريم ..بصي أنا كان نفسي ابوس ايدك واقولك سمحيني عند

المأذون بس اتحرجت من ابويا يقول عليا خرع ومش راجل

اديني فرصة تانيه ومش هتعرف حد أننا رجعنا هخدلك شقة

في حته تانية بعيد وابقي اجيلك كل يوم او يومين

_ وتفرشهالي عفش قديم زاي زمان فاكر

كريم..ما تنسي بقا كل ده وتعالي نفتح صفحة جديدة

_ سماح بتحبك وراضية بيك وقبلاك ع عيبك أنا جوازي ليك

كان غلطة اصلا ولو كان ليا كلمة وراي زاي دلوقتي مكنتش

خليتك تشوف شعره مني مش تتجوزني بس حكم القوي بقا

كريم..طب انتي قاعدة فين ومع مين طمنيني عليكي

_ ملكش دعوة ومتشغلش بالك

ولو بتسال ع منصور اطمن هو في امان متخفش عليه

كريم ..أنا بطمن عليكي انتي

_ ههههههه لا اطمن أنا كويسة

كريم ..انتي بتضحكي عليا ..طب ياستي محتاجه فلوس ولا حاجه بجد

_ يا راجل ده انت بعت معايا امك علشان تتأكد اني بدفع

الفلوس في مركز العلاج الطبيعي ولا بحور عليك

باله عليك عايزني اصدق انك ممكن تساعدني وتديني فلوس

مش عايزة حاجه ياعم كتر خيرك

كريم ..طب أنا مش هيأس وهكلمك كمان كام يوم تكوني هديتي يمكن تغيري كلامك

_ بص هو مبدئيا كده كلامي مش هيتغير لا بعد كام يوم ولا

سنة بس انا عايزة اعرف انت عايزني تاني ليه

كريم …تخيلي أنا أول مره اشوف وادقق في ملامحك

واشوفك جميلة عند المأذون ..وانتي عشرتك حلوه هادية في

حالك بس مش عارف اي الي حصلك

_ انت بس تلاقيك صعبان عليك اني انا الي سبتك واني

حاجه تتاخد منك بالغصب زاي ما قولتلي

كريم سكت واكدلي اني كلامي صح وانا شايفه اني الكلام

معه ملوش لازمة وبعدها كلمت سماح وحكتلي بقا أنه مكتئب

وقرفان وحكتلي حكاية تانية خالص غير الي حصل

اني الشيخ ايهاب الي مرات ابويا بعتته حاول كتير واني

كلمت ناس من البلد كتير يكلموهم ويتحايلو عليهم كلهم أنهم

يرجعوني وكله بيسعي لحل وهما الي مش عايزين وأنهم

سبولي ابني بس لحد ما يكبر شوية ويقف علي حيله وبعدين

هيخدوه عرفتها طبعا الي حصل بالظبط وفضلت تقولي اني

اجدع وإجراء منها وعملت الي هي متقدرش تعمله فصلنا

نحكي لحد ما جيه طارق وقفلت معها

قعدنا نحكي أنا وهو وقولتله اني كريم كلمني وحكتله كل المكالمة

غضب واضايق وقالي دلوقتي حليتي في عينه ما كنتي

مرميه عنده سنين وقالي أنه معه حق هيلاقي فين وحده

ذيك بس ابو امه مترديش عليه تاني اعمليله حظر يا اما لما

يتصل بيكي هاتيه اهزقه أنا قولتله لا أنا مش هرد تاني

وثالي أنه هيروح بكره يجبلي قسيمة الطلاق من عند المأذون

قولتله ماشي تاني يوم كلمني طارق العصر كده قالي لازم

انتي الي تستلميها علشان بتمضي عنده في الدفتر

لبست ونزلت رحت هناك استلمتها وبعدين ع مرات ابويا

اسلم عليها اول لما شفتني مصدقتش دخلتني عندها جوه

وفضلت تلاعب منصور وحكتلها كل حاجه معاده حوار طارق

ده فضلت تقولي ماشاء الله وشك رد عن الاول ويارب ديما

تكوني مبسوطة يابنتي ومسمعش عنك غير كل خير قعدت

معها ساعتين لحد ما طارق كلمني علشان نروح

وانا عمالة افكر اروح ل اخويا يقعدني عنده يمكن قلبه

يوجعه عليا ومتردده ومش عارفه والتاني ده مش مبطل

اتصال ويقولي قولي انتي فين وانا اجيلك قولتله أنا هجيلك

الموقف وركبت توكتك ورحت الموقف لقيته محمل العربية

كلها وسايب الكرسين الي جنبه ليا ولمنصور ركبنا وروحنا

البيت وكلما وعملتله شاي وغيرت لمنصور وسبتو معه ودخلت اخدت شاور وطلعت دخلت

الاوضه وبسرح شعري ووقفه قدام المرايا لقيت طارق ورايا

وبيقرب عليا لفيت بقا وشي في وشه قولتله انت هتعمل اي

قالي والله هحضنك بس قرب وحضني وفضل يبوسني من

رقبتي وماسك فيا جامد وبيفعص في صدري بقيت ازق فيه

يرجع يبوسني جامد في شفايفي مش عارفه افلفص منه

وسمعه صوت منصور بيعيط وبيبكي جامد زقيته اوووووي

فتحه عينه حسيت أنه كان مغمي عليه وفاق جريت ع ابني

اخدته في حضني

لقيت طارق جنبي وانا بسكت الواد وعمال يبصلي جامد

وبيدقق اوي فيا وبيطول النظر ..دموعي نزلت لوحدها من

الخوف لقيته اتشنج ودخل اوضته ورزع الباب جامد

خدت ابني ودخلت الاوضه وقولت الصبح هاخد بعضي

واهرب وفعلا جهزت حاجتي وركنتها ع جنب وسمعه صاحي

وطلع قاعد في الصالة بيسمع اغاني وبيشرب منمتش غير لما

اطمنت أنه نام كانت الساعة ٢ بليل الساعة ٩ لقيته بيخبط

ويصحيني فتحت الباب ودخل وحسيت أنه اخد باله اني

الشنط متقفلة ومركونه ع جنب سكت شوية كده وقالي أنا

قولت اجبلكم فطار قبل ما انزل ..قولتله لا كتر خيرك احنا

هناك اي حاجه من التلاجة وخلاص قالي هنزل اجيب شوية

طعميىة وفول وللبن واجي ع طول

نزل وانا غيرت هدوم ابني وظبطت الشنط تمام ع النزول

جيه وفطرنا وبقوله ايه مش هتروح شغلك انت اتاخرت

النهارده قالي أنا اتصلت ب احمد السواق ياخد العربية يطلع

بيها النهارده ..قولت في سيري احيييييه 😳

قولت يابت في داهية الهدوم تغور وانفدي بجلدك انتي

وابنك ..قلقانه اوي من بصاته وحسه أنه شك وحس اني

هخلع ..بقا يفتح معايا كلام ويظهرلي في حكاياته أنه حنين

وأصله طيب وانا مش معه اصلا وبفكر ازاي هخلع فصلت

اسمعه واهوده واقوله انت بجد محترم وابن حلال والف

وحده تستاهلك قالي بقا أنا مش عايز منهم غيرك فيها ايه

يابنت الناس يعني لو اتجوزنا طب بذمتك أنا ولا النطع الي

كنتي متجوزاه ده

_الله ..ودي محتاجه كلام انت طبعا هو انت في ذيك

طارق ..وانا هو مفيش زاي مصدرالي الوش الخشب ليه ع طول

_ لا ابدا انت فاهم غلط خالص ..أنا بس مليش في الحرام

بلعكس ده انا بحبك وبحترمك وشيفاك راجل وسيد الرجالة

وبعدين أنا لما قولتلي جواز مش قولتلك موفقه ..بس حرام لا

طارق ..طب انتي زعلانه علشان جبت الولية هنا الشقة

وفكراني اني راجل خاين. وهلعب بديلي بعد الجواز

_ لا أنا بزعل بس لما تقربلي وتبقا عايز تاخد حاجه مني

بالغصب ..متحكمش عليا بالي سمعته عن امي واخويا

أنا ابويا الله يرحمه كان زينة الرجال ومربيني كويس وعارفه

الحرام والحلال مش وحده شمال من الي بتجيبهم

طارق ..وانا ده الي محببني فيكي اوي ومخليني شايفك ست البنات كلهم

_ هو ده بس

اقرا ايضاطارق ..انتي مفكيش غلطة يابت سبحان من صور ده

مستكترك عليا من كتر ما انتي خيال

_ههههههههه يخربيت كلامك انت لحد دلوقتي يا اخويا

مطبختلكش من ايدي اي مش عايزة تدوق اكلي مش جايز

معجبكش

طارق ..انتي لو اكلتيني تراب مش هقولك غير تسلم ايدك يابسبوستي

_ هو فين السوق الي هنا انزل اجيب شوية حاجات وارجع ع طول

طارق ..رجع وفرد ضهره ع الكرسي وقالي برحتك ودخل

جبلي فلوس من جوه وبصلي لسه غريبة وقالي خلي منصور

معايا هنا علشان ميعطلكيش قولتله لا هخده معايا يشوف

الشارع قالي أنا هقف بيه في البلكونه واخليه يشوف الدنيا

كلها مش الشارع بس

تنحت بس رحت الاوضه لبست خوفا يزيد الشك عنده اكتر

ويلبس وانا متوتره وع اعصابي وحسه اني هيغمي عليا من

رده وبصته دي لبست العباية والطرحه فضل يوصفلي وانا

عيني ع ابني ومش معاه خالص فتح الباب ونزلت الشارع

سالت عن السوق رحت جري اشتريت اي حاجه ورجعت

بتوكتك متاخرتش

طارق متاخرتيش يعني قولتله دي خطوة السوق مش بعيد

ورجعت بتوكتك علشان الشنط عملت الاكل وشوية قالي أنه

هينزل يحاسب السواق ويجرج العربية نزل وانا بعد ما نزل

ب ٥ دقائق بالظبط كنت لبست ولبست ابني وطلعت بالشنطة

علي الباب لقيت ابن الجزمة قافل الباب بالمفتاح

يتبع ….

• لقراءة الفصل التالي: اضغط هنا
• لقراءة باقي حلقات الرواية اضغط على (رواية مروضة الرجال)