رواية إلى أحدهم الفصل الثالث 3 بقلم منة العدوي

رواية إلى أحدهم الفصل الثالث 3 بقلم منة العدوي

رواية إلى أحدهم البارت الثالث

رواية إلى أحدهم الجزء الثالث

رواية إلى أحدهم الحلقة الثالثة

الي احدهم..3
“مستنتش لحظة وجريت برا الجامعة وانا مش شايفة حاجة من دموعي اللي مالية عنيا
“في خلال دقيقة كنت صرخت واغمي عليا..
…
ااه راسي مش قادرة..انا فين واي اللي جابني هنا..
“كانت دي اول حاجة نطقتها بعد ما فوقت..كنت حاسة بصداع..اتعدلت وبصيت حواليا بعد ما الرؤية وضحت..
“جسمي سرت فيه رعشة من صوته..يا الله علي الجمال..فضلت التفت حواليا لقيته هو..كان احمد قاعد علي سجادة الصلاة وماسك المصحف في ايده وبيقرا فيه
“وعن جمال صوته وخشوعة..لا لا لحظة انت سكت ليه..
_قفل احمد المصحف ووقف وشال المصلاية وقرب ناحية اماني وعلي وشه ابتسامه..بس كالعادة ابتسامه باهته وحزن مالي عينه..اتكلم بهدوء بعد ما وقف قريب منها..انتي كويسة
“هزيت راسي بهدوء..اه شكرا..بس اي اللي حصل انا مش فاكرة حاجة
_وانتي طالعة من الجامعة بتجري كانت في عربية هتخبطك بس لحقتك قبل ما توصلك ولقيتك أغمي عليكي فجبتك المستشفي اطمن عليكي

“ابتسمت..امم تمام شكرا
_بادلها الابتسامه..طيب عن اذنك هروح اندهلك الدكتور يطمن عليكي
“وقبل ما اتكلم كان خرج وسابني شردت شويه وانا بفكر في اللي حصل..
عدي الوقت والدكتور كشف عليا وكنت كويسة خرجت من المستشفى واصر احمد انه يوصلني
“يوم اتنين تلاته ووصلوا لاسبوع..مكنتش بخرج من اوضتي نهائي غير ماما بتدخل تحطلي الاكل وتطلع..
“ماما كانت قلقانه عليا بس احترمت رغبتي اني مش عايزة اتكلم حاليا..
“كنت خلال الفترة دي حتي الكلية مش بروحها..وطبعا المجهول صاحب الرسايل اللطيفة اللي بيخطف قلبي دايما لسه بيبعتلي..
خرجت من شرودي علي صوت فتح الباب وكانت كالعادة ماما عشان تحطلي الاكل..

“سالتني تاني برضه لو حابة اتكلم..اتنهدت وخلتها تقعد وحكتلها اللي حصل وانا انهاردة كنت مستعدة احكي
امها طبطبت عليها بحنان واتكلمت بحزن..ربنا هيعوضك بالاحسن منه يا نن عيني..المهم مش عايزة حاجة تاثر عليكي وانتي اشطر كاتبة في العالم استمري ومتهتميش لكلام حد
“ماما خرجت وسابتني..مزعلتش علي كريم اوي لان الحمد لله مكنتش حبيته..كان مجرد اني انج’رحت من كرامتي ومن ان واحد زي دا ميسواش يعمل معايا كدا..بس قررت اعتبرة انه صفحة من كتاب دبلانه وانا هقطعها
بعد مرور شهر..في احد المنازل التي تتميز بالفخامة والاتساع..
*تجلس في احدي الغرف الواسعة وهي تضع علي وجهها بعض مساحيق التجميل..
-لتزفر بضيق عندما شعرت باحد حاوطها من خصرها وهو ينظر لها بحب في المرآة..شيري روح قلبي بتعمل اي
*شرين بعدته عنها واتكلمت بضيق وهي بتحط اخر حاجة في مكياجها..اوف كريم بليز ابعد انت كدا هتخرب شكلي
-كريم بصلها بضيق..في اي يا شيري معاملتك معايا الفترة دي اتغيرت ليه
*بس شرين مهتمتش واتكلمت بلا مبالاة وهي بتاخد شنتطها..اوه كريم متافورش..ويلا جود باي يا روحي انا خارجة
-كريم مسكها من اديها واتكلم بعصبية..شرين في اي..واي خارجة دي ومتقوليش..انتي مبقتيش بتهتمي بيا
*شرين نفضت اديها منه واتكلمت ببرود..وفيها اي يعني..يلا سلام بقي عشان هتاخر علي صحابي
-اتعصب جامد وقبل ما تطلع من الاوضه كان هو لحقها وزقها جوا واتكلم بعصبية وهو بيقفل الباب..تمام يا شرين بس مفيش خروج من هنا ورايح غير باذني
*شرين اتعصبت هي التانية وصرخت فيه..انت اتجننت اوعي كدا من وشي انت ملكش حق تتحكم فيا

-صوت كريم علي اكتر..لا ليا الحق متنسيش يا هانم انك مراتي..ولو فضلتي بتصرفاتك دي يا شري انا هطلقك
*شرين كانت ناوية تزعق فيه بس سكتت واتكلمت بخبث..طيب وفيها اي طلقني
*بصتلها باستغراب هي ازاي كدا..بالساهل عندها اني اطلقها..راح فين حبها ليا..اتكلمت في وسط دهشتي..شري في اي انتي الطلاق عندك سهل كدا..حبك ليا راح فين.. انتي اتغيرتي كدا ليه..
*ضحكت شرين واتكلمت بخبث..توء توء انا محبتكش اساسا..ويلا طلقني
-شرين اهدي واعقلي كدا مكنتش خناقة زي دي تفسد علاقتنا..
شرين انا بحبك..انا يوم لما اتقدمت لاماني عشان اكس’رها زي ما انتي عايزة..انا عملت زي ما دا كان شرط عشان توافقي اني اخطبها..انا اهو كس’رتها وزلتها عشانك

*يا اخي بقولك مش بحبك خلي عندك كرامه ورج’وله وطلق..
-وقبل ما تكمل كلامها كان نزل قلم علي وشها من كريم..
يتبع

• لقراءة الفصل التالي : اضغط هنا
• لقراءة باقي حلقات الرواية اضغط على (رواية إلى أحدهم)