رواية أسير جنانها (عريس لقطة 2) الفصل الثالث عشر 13 بقلم حنين عادل

..اهدي يا حبيبتي هوا مين اللي شوفتيه????

رنا: ح..حسن ..

..حظابط ????

رنا : ايوه ????

فارس: انتي متأكده يا رنا ????

ببص لقيت فارس ورانا ..

رنا: ايوه وكان متنكر في لبس دكتور هوا عايز يئذي سيف ولا ايه ????

فارس: ما تخافيش طول ما انا موجود ماحدش يقدر يئذي شعره من راس سيف ????

..طب ممكن تفهمنا بقا فيه ايه وليه سيف يتضرب بالنار وليه حظابط عايز يئذيه وليه الحراسه دي كلها ????

فارس: هتعرفوا كل حاجه في وقتها ????

رنا: ممكن ادخل ل سيف الحراسه مارضيتش تدخلني ارجوك عايزه اطمن عليه ????

فارس: معلش انا اللي منبه عليهم بس استأذنك ادخله انا الاول لوحدي وبعد كده هدخلك ☺️

..(ايه الاحترام ده استأذنك وانا بقول يا سطا ويا زميلي ويا شق وعلي الله حكايتك والحق القطر لو فايتك حاسه اني مش رقيقه حاجه بسيطه وان شاء الله هاشتغل علي نفسي في الموضوع ده …اشطا ؟؟!!)

مشي فارس ودخل ل.سيف لوحده ????

حاسه ان فارس مش طايقني سيكا ????

……………………..

في اوضه سيف…

فارس: حمدالله علي سلامتك يا صاحبي ????

سيف بتعب: الله يسلمك ????

فارس: مالك تعبان ولا ..

سيف: ولا افتكرت…ايوه افتكرت يا فارس افتكرت كل حاجه ????

فارس: طب ما تفكرش في اي حاجه دلوقتي ارجوك عشان ماتتعبش بزياده ????

سيف: انا عايز اتعب عايز اموت يا فارس 7 سنين وانا مش فاكر حاجه وعايش حياتي عادي وسايب حق اللي راحوا ????

فارس: ومين قالك انك سبت حقهم انا خدت حقك من كل اللي اذوك اضعاف????

سيف: اخدت حقي ازاي يا فارس قتلتهم ؟؟!!!

فارس:………..

سيف: انا عارف انك ماقتلتهمش عذبتهم شويه وخلاص صح انا اللي يبرد ناري تقتلهم واحد واحد يا فارس ????

فارس: قتل ايه يا سيف من امتي كنا كده او بنفكر كده ????

سيف بعصبيه: من وقت ما واحد اغتصبوا مراته قدامه وقتلوا ابنه ????

فارس: صدقني قتلهم مش هايرجع اللي راح بالعكس هايزيد الطين بله ????

سيف: بس هيطفي النار اللي في قلبي نار موت ابني اللي كان قاعد علي حجري قبلها بدقايق بيلعب بالمسدس وبيقول انا لما اكبر هبقي ظابط زي بابا والمجرمين كلهم هيخافوا مني نار لما وجهوا المسدس عليه وعمل علي نفسه من خوفه نار لما كان بينده وبيقول الحقني يا بابا انا خايف وانا ماقدرتش اعمله حاجه نار لما طفل يشوف امه وهما بينتهكوا كل معني ديني واخلاقي وبيغتصبوها قدامه وهيا بتصوت نار ان ظابط رتبه كبيره في المخابرات مايقدرش يحمي ابنه ومراته نار وهما بيودعوني الوداع الاخير وانا مش قادر انقذهم ????

بدأت دقات قلبه تقل وماعتش قادر ياخد نفسه ..

فارس: اهدي يا سيف اهدي ارجوك ????دكتور دكتور ..

دخل الدكتور يجري ..والقلب بدأ يقف ..

………………..

في مكان اخر ..

شخص مجهول واقف وموجه مسدس ناحيته ????

حظابط: انا اسف ارجوك اديني فرصه تانيه ..

مجهول: فرصه تانيه ماعندناش فرص تانيه انت اتكشفت وبقيت كارت محروق ..

حظابط: لا ارجوك انا مش عايز اموت انا هاعمل اي حاجه عايزها بس سبني اعيش ..

المجهول بتفكير وقد لمعت عيناه : اخر فرصه وبعد كده هاصفيك لو حصل اي غلطه ..

حظابط: حاضر حاضر انا مستعد اعمل حاجه ..

…………………..

في المستشفي ..

رنا بخوف: في ايه ليه الدكاتره كلها داخله بتجري ????

..اهدي اهدي ان شاء الله خير ما تقلقيش????

رنا: سيف ان جراله حاجه انا مش هاقدر اعيش بعده انا بحبه اووي ????

..ان شاء الله هايبقي كويس ????

…………………..

في اوضه سيف ..

فارس: عمر هاتمووت قبل ماتجيب حقك يا عمر قاوم يا عمر خليك قوي افتكر ياسين افتكر تمارا ماتبقاش ضعيف ????

بدأ النبض يرجع طبيعي ..

فارس بارتياح : مش من دلوقتي يا سيف لسه اللي جاي كتير مش من دلوقتي تبقي ضعيف ????

الدكاتره طلعوا بره ..

سيف: انا عايز امشي من هنا ????

فارس: يعني واحد اخد رصاصه تقريبا في القلب وعايز تخرج وانت لسه ماكملتش يومين ????

سيف: ارجوك هاموت هنا بالبطئ بقالي 7 سنين وكأني نايم ????

فارس: لو بتفكر تمشي من هنا عشان تقوم زي الشاطر وتروح تجيب حقك دلوقتي فا انت غبي لان انت تعبان وفي اضعف حالاتك مش اسد المخابرات زي ما كنت ????

سيف: انت نسيت ان الاسد المجروح اخطر من الاسد السليم ..

فارس: اهدي يا عمر الامور مش بتتاخد باالسرعه دي انا فكرت اما ابعدك عنهم هتبقي في امان سبع سنين فكرت الموضوع اتنسي خلاص وانت مش فاكر حاجه فكرت الموضوع خلاص اتردم عليه بس للأسف لقوك برده ????

سيف: عمر تصدق نسيت اسمي عمر الشرايدي ما حكيتش ليه ????

فارس: احكيلك ايه انا حسيت لما فقدت الذاكره ان ربنا بعتلك فرصه تانيه عشان تعيش وخلاص الموضوع خلص بس وائل شاهين مش هايسيب حق ابنه ..

سيف: ولا عمر الشرايدي هايسيب حق مراته وابنه ????

………………..

 رجل كبير بينزل من عربيته الفاخره قدام شركته ومحاوطه حراسته ..

دخل الشركه والكل واقف علي رجله  خوفا منه .

دخل مكتبه .. وقعد علي مكتبه 

السكرتيره: وائل باشا فيه عندك اجتماع ..

بيشاور بايده بالموافقه لانه مش بيحب الكلام الكتير ..

بيقوم من مكتبه وبيروح ل.قاعه الاجتماعات ..

الكل بيقوم يقف ..

 _ عز وائل شاهين _سامي شاهين 

وائل: اقعدوا ..

سامي:  هنعمل ايه يا وائل 

وائل: هيموت زي ما ابني مات .

عز: مش كل حاجه بالقتل والموت يا بابا وبعدين انت قتلت مراته وابنه ..

وائل بعصبيه: انا مش عارف انت طالع جبان ليه ضعيف مش زي اخوك الله يرحمه كان قوي كان ضهري لازم يموت عشان احس ان جبت حق اخوك ..

عز بعصبيه: اخويا كان قوي اخويا كان مسلوب الاراده اخويا كان بيعمل كل حاجه عشانك عشان مايزعلكش بس عمره ماحب شغلك فساد وسلاح ومخدرات اخويا لما مات ماكنش علي سجاده الصلاه اخويا كان بيستلم شحنه سلاح ..

وائل: وايه كمان يا عز باشا عايزني اسيب اللي قتله عادي كده انا لو طولت اقتله الف مره هاقتله ..

عز: انا خلاص ماعتش هاقدر اعيش في الجو ده اكتر من كده انا هسافر خلاص ماعتش مستحمل ..

وائل:  مفيش سفر يا عز

عز: انت ايه انت فاكر ان حياه الكل في ايدك انا اسف بس انا هامشي ..

وائل: ان مشيت اعتبر نفسك مش ابني 

عز: ياريت واللهي ياريت كان ينفع 

وخرج عز متعصب ..

وائل: غبي وعمرك ما هتبقي زي يامن انا خسرت كتير لما خسرتك بس صدقني هاجبلك حقك لو اخر يوم في عمري ..

بيضحك سامي بابتسامه صفرا وشر .

……………….

في اوضه سيف..

رنا بتحضن سيف وبتعيط ????

سيف: اهدي يا رنا انا كويس وبيبعدها عنه ..

رنا: انا كنت هاموت ان جرالك حاجه يا سيف انت مش عارف انا كنت حاسه اني اللي بتوجع بدالك ????

سيف بيمسح دموعها ..

سيف: ماتقلقيش عليا يا رنا انا كويس☺️

رنا : عارف يا سيف انا نمت شويه من التعب حلمت بيك ❤️

سيف: حلمتي بايه ????

رنا: حلمت انك في بحر ومش عارف تطلع كانك غارز فيه بس حاولت معاك كتير عشان تطلع ..

سيف: وطلعت ????

رنا: طلعت بس لما فارس اجي شدك معايا ..

رنا بتمسك ايد سيف بيشدها من ايدها ..

رنا باستغراب: فيه ايه يا سيف مالك حساك متغير ????

سيف: مافيش بس تعبان ممكن بعد ازنك تسيبيني ارتاح ????

رنا: لا انا مستحيل اسيبك انا عايزه افضل جمبك ????

سيف: معلش يا رنا انا تعبان سيبيني ارتاح ????

رنا : اللي يريحك يا سيف بس ما كانتش اعرف ان وجودي جمبك ممكن يتعبك انا اسفه لو كنت بتطفل عليك????

خرجت رنا من عند سيف وقلبها مكسور..

دخل فارس وحنين ..

حنين: حمدالله علي السلامه يا برو ????

سيف: ايه مبسوطه فيا ولا ايه ????

حنين: انت تعرف عني كده ????

سيف: ايوه ..

حنين: خلاص ايه اللي مزعلك بقا ????

سيف: مافيش دم .

حنين: ده انا برده يابني انت اللي ماعندكش دم اساسا عارف انا رجعت من السفر علي المستشفي يعني لا غيرت هدومي ولا ارتحت مش المفروض كنت تخلي عندك دم وتختار الوقت اللي تضرب فيه بالنار????

سيف: معلش المره الجايه هابقي احدد معامي ميعاد مسبق ????

فارس: احم ..مش هنبطل استظراف بقا ولا ايه ????

حنين: مش هنعرف لان احنا ظرفاء اساسا ????..

فارس: طيب يلا روحي غيري وارتاحي ????

حنين: طيب وانت ????????

سيف: احم ..احم ..

فارس: احم ..انا هافضل مع سيف ☺️

حنين بتميل عليه : براحتك انت الخسران بس انا كنت بقول نخليها ودي وناخد وندي بس براحتك بقا ????

مشت حنين ..

فارس: رنا خارجه بتعيط ليه يا سيف ..

سيف: عمر ..عمر يا فارس سبع سنين سمتني علي مزاجك وعملتلي هويه جديده كنت مصدقها كنت مصدق اني سيف العدوي اكبر راجل اعمال في مصر والشرق الاوسط صدقت اني مقطع السمكه وديلها وبتاع بنات وكل يوم مع واحده شكل مع اني مش كده انا كنت حاجه نضيفه وسط مستنقعات وساخه ????

فارس: انت زعلان عشان كنت بحميك يا س..يا عمر من نفسك الاول قبل ما يكون منهم اعرف اني في ضهرك يا عمر زي ما كنت طول عمري في ضهرك من ايام ما كنا في الملجأ ????

سيف: انا مش زعلان منك انا زعلان من الدنيا من الظروف من كسرتي وكسره نفسي وكرامتي قدام نفسي من احساس العجز من قلبي اللي هيعذب حد تاني من اللي هاعمله مع رنا واكسر قلبها ????

فارس: وليه تكسر قلبها ليه انت بتحبها مايمكن هيا اللي تنسيك كل حاجه ابدأ معاها حياه جديده وانسي اللي فات .

سيف: عايزني اخسرها زي ما خسرت تمارا وياسين لأ انا ماعدتش هاستحمل ومين قالك اني بحبها ????

فارس: لأ بتحبها يا سيف .

سيف: بحب مين دي مجرد تسليه بسلي بيها وقتي زي اي بنت من اللي عرفتهم يعني وقت وهايعدي وهيا طولت معايا اوي وانا عايز اخلص منها ????

فارس باستغراب..

وفجأه صوت حاجه بتقع علي الأرض ..

كانت رنا وماسكه في ايدها علبه وقعت علي الارض من صدمتها ????

رنا بصتله بكل انكسار ووجع وطلعت تجري …

فارس: مافيش فايده لازم تعمل اللي في دماغك يا سيف ????

سيف: عشان مايبقاش حاجه تبقي نقطه ضعفي عشان اقدر الاعبهم بطريقتهم