رواية حطمت قلبي الفصل السابع والعشرون 27 بقلم لولا
رواية حطمت قلبي الفصل السابع والعشرون 27 بقلم لولا
رواية حطمت قلبي البارت السابع والعشرون
رواية حطمت قلبي الجزء السابع والعشرون
رواية حطمت قلبي الحلقة السابعة والعشرون
مراد بدموع اميي! !!!!!
بعد شويه فعلا راحو الفيلا وخدوا ايمان علي المستشفي
بعدها بشويه الدكتور المتخصص في حالتها طلع ومراد راح ناحيته
مراد بخوف ودموع خير يا دكتور امي مالها
الدكتور هي فين عشق
مراد بستغراب دي مراتي
الدكتور بتنهيده والدتك تعبت جدا وقلبها ضعف من الحزن وطول الوقت كانت بتخرف وبتقول عايزه بنتي عشق يابني لو انت متخانق مع مراتك هاتها واضح ان الست الوالده متعلقه بيها جداا ووجدها هيحسن حالتها
مراد بحزن حاضر يا دكتور
هشام طب احنا هينفع نشوفها
الدكتور اه عن اذنكم
خبط ادهم علي كتف مراد واكمل متشلش هم قول يارب
مراد بحزن بقول ياادهم بقول
في الاوضه
مراد بحب كده ياست الكل تقلقينا عليكي
ايمان بحزن انا عايزه بنتي ترجع انت السبب في انها تكدب عليا وتقولي رايحه بيت ابوها وتسبني
ادهم بحزن اهدي يا امي هنلاقيها باذن الله
هشام الف سلامه عليكي يا ام مراد
ايمان تسلم يابني واكملت ها عرفت حاجه عن مراتك يا مراد
مراد متقلقيش هنلاقيها قريب
ايمان بتعب يارب يحميكي يابنتي ويرجعك لينا بالف خير يارب واشوف عيالكم
في فيلا السيوفي
ندي بحزن وجعتي قلبنا عليكي يا ماما حمدلله علي سلامتك يارب
ايمان بحب قلب ماما انتي متخافيش انا بخير بس اختك ترجع يا ندي وانا هبقي زي الفل
ندي بحزن يارب يا ماما
ياسمين الف سلامه عليكي يا طنط
ايمان الله يسلمك يا حبيبتي
اسراء حضنتها بحزن كنت هموت عليكي يا ماما بجد
ايمان انا بخير يا حبيبتي روحي لجوزك تعبان ومحتاجك جمبه
باست اسراء راس امها وطلعت راحت اوضتها ملقيتش مازن
اسراء مازن انت فين مازن
مازن في البلكونه يا اسراء
اسراء دخلت واكملت بمرح مش ناوي تفك بقي يا عم الكئيب
مازن بحزن قلبي واجعني يا اسراء علي عشق وعلي هشام اللي طلع اخويا ده
اسراء بحزن انا فاهمه كويس انت حاسس بايه واللي مريت بيه مش سهل وهشام غلط اوي بس مهما كان ده اخوك الكبير مكنش ينفع طريقتك دي معاه
مازن بدموع غصب عني انتي فكرك مكنتش اتمني يكون ليا انا وعشق اخ كبير بس يطلع هشام ده اللي يوجع حقيقي
والباب كان مفتوح حته وهشام شافه ووقف واسراء لمحته فشاورلها تسكت وانها تخليه يكمل كلام ودخل براحه الاوضه
اسراء بحزن كمل طلع اللي جواك يا حبيبي
مازن بدموع ووجع ابقي كداب لو قولتلك مفرحتش ان ليا اخ كبير بس مكنتش اتمني يطلع ده اتصدمت ان ليا اخ واتكسرت انه هشام وصعبانه عليا اختي اللي معرفتش احميها منه واللي كان هيأذيها وخرب بيتها اخوها الكبير ساعات بقول ياريت امي وابويا عايشين بحس اني عايش لوحدي وتايه اووي فنفسي اروحلهم اووي يا اسراء
اسراء بدموع بعد الشر عليك يا حبيبي
هشام بدموع. من وراه انت مش لوحدك يا مازن انا معاك اخوك الكبير موجود اه انا ممكن في نظرك ازبل خلق الله بس كلنا بنغلط سامحني يا مازن سامحني يا حبيبي وانا هعوضكم ومشي ناحيته وباس راسه
مازن بدموع ولو انا سامحتك اختك هتسامحك
هشام حط عينه في الارض واكمل عشق طيبه وهتسامحني بس انت سامحني دلوقتي انا زيك بقيت يتيم اب وام هتسبني لوحدي يا مازن
مازن بدموع مسامحك يا هشام بس المهم عشق تسامحك
هشام حضنه بدموع وفضلوا يعيطوا فتره
هشام بدموع شكرا انك سامحتني يا مازن من انهارده انا اخوك الكبير وابوك وصاحبك
مازن بدموع ربنا يخليك لينا يا اتش انا عايز عشق ترجع مش اكتر من كده
هشام بحب هترجع يا مازن هترجع هي مسائله وقت
في اوضه ايمان
مراد يا ماما بقي مينفعش لازم تاكلي
ايمان هاتلي بنتي يا مراد
مراد بدموع قالب الدنيا والله كلي وانا هجبهالك وعد مني مهما طال الوقت هرجعهالك
—————————————-
عند عشق تاني يوم
عشق قاعده ماسكه دفتر شكله حلو اوي وفتحت اول صفحه فيه واكملت عشق وهي بتكتب فيه انهارده اول يوم حمل ليا يا حبيبي انهارده اول يوم لجزء منك جوايا بيكبر علشان انت بعيد عنه هكتبلك كل يوم ف واحكيلك تفاصيله مع البيبي يمكن اقابلك يوم وساعتها ادهولك وفضلت عشق تكتب عن احساسها من اول ماعرفت بلحمل وبعد شويه خلصت وقالت بس كده تمام
الباب خبط
عشق ايوه جايه حاضر ولبست الحجاب وفتحت
عشق ايه يا خالتي عامله ايه يا حبيبتي صباح الخير
عايده صباح النور يا حبيبتي تعاالي نفطر
عشق ملوش لزوم هفطر انا هنا
عايده ميصحش يلا تعالي وبعت عمر جبلك الادويه اللي هتحتاجيها تاكلي وتاخديهم
عشق بحب تعبتكم بجد اوي
عايده بحب حضنتها انا حبيتك لله في لله واعتبرتك زي بنتي
عشق منا عارفه ظروفكم علي القد يا خالتي مكنتيش تجيبي انا معايا فلوس
عمر بس يابت ايه مفيش راجل ولا ايه زي اختي وجبتلها عادي يعني
عشق بحب ربنا يخليكم يارب
ودخلت عشق تاكل وهي بتاكل قامت رجعت وطلعت تعبانه اوي
عايده معلش يابنتي هو الحمل في اوله مقرف كده
عشق بتعب الحمدلله علي النعمه يا خالتي في كتير نفسه يتعب كده بس ربنا يفرحه
عايده بحب صح يا حبيبتي
بعد الاكل
عايده يلا كلي حته بسبوسه من بتاعت خالتك هتعجبك اوي
عشق بحب ربنا يخليكي ليا بس مليش نفس لاي حلويات شكلي بقرف منها في الحمل ده انا نفسي بتروح لجبنه قديمه وفطير كده يعني
عايده بضحك يبقي ولد يا عشق انزل يا عمر هاتلها جبنه قديمه وفطير
عشق بضحك هو مال اللي بقوله بنوعه يا خالتي بعدين انا لسه واكله
عايده هي الحوادق ولد الحلويات بنت
عشق بضحك مش بقتنع بس عموما مش هقدر اكل حاجه دلوقتي خالص
عمر انا هجيب وتاكليهم شويه كده ونزل
عشق بجد بتتعبوا نفسكم اوي
عايده بحب مفيش الكلام ده لو قولتي كده تاني هزعل منك والله بس هو هتضايقي لو سالتك علي حكايتك
وهنا جيه عمر وحط الحاجه علي السفره
عايده متاخرتش يعني
عمر بضحك مش اخر الدنيا يعني ده تحت البيت
عشق بحزن لا مش هضايق بصي يا خالتي اللي حصل
وقصت عليها كل شئ
عايده بدموع حكايتك تبكي الحجر يا بنتي وجوزك صح ظلمك بس متنسيش يابنتي انه غصب عنه ده راجل ومستحملش وكدا مره يسالك اكدتيله ده اه حاولتي تصلحي بس كنتي متاخره اوي زي ماهو بردو ندم متاخر اوي مش هينفع تقسي عليه كتير يابنتي ابنك ملوش ذمب وبزمتك هو مواحشكيش ??
عشق بدموع واحشني ? ده واحشني اوووي اووي ونفسي اشوفه واحضنه انا بنام بلعافيه علشان مش في حضنه يا خالتي.بس كان لازم احفظ اللي اتبقي من كرامتي وابني انا فعلا هظلمه بس لما يعرف اللي حصلي هيعذرني وانا مش هحرمه من باباه يبقي يشوفه عادي
عمر مش لما ابوه يعرف بوجوده اصلا بصي يا عشق لو مش هتزعلي مني وهتاخدي كلامي كاخ بعدك عن جوزك علطول ده غلط انتي كده هتموتيه وخصوصا انه مش هيشوف ابنه وهو بيجي علي الدنيا حرام تحرميه من كده اه هو غلط بس انتي كمان غلطي كنتي تقدري تقوليله لما شافك في بيت عدوه وهو كان هيحميكي في وقتها وياخدك علطول بس وانتي كبيره في نظره مش اللي قولتيه ده
عشق بدموع مكنتش اعرف ان مراد ممكن يقدر عليه هو حاول يموته قبل كده فقولت هيعملها تاني خفت اوي
عمر بتنهيده وادي اللي حصل حصل بس مش هتفضلي كده علطول قبل ماتولدي ياستي قوليله شوفي قد ايه
عشق بدموع هشوف يا عمر يلا تاخدني المقابر
عمر يلا
في المقابر عشق قاعده قدام قبر مامتها وباباها وبتعيط
عشق بعياط واحشتوني اوووي اووووي يا حبايبي انا تعبت اوي اوي يا ماما من بعدك طب بابا سابني وانا صغيره ملحقتش. اشبع منه ولا يشوفني في اي مرحله من حياتي. انما انتييي كمان تمشي وتسبيني لوحدي هشام يكسرني ومراد يكمل ويخذلني ويوجعني اانا حقيقي تعبت نفسي اجيلكم الحاجه الوحيده اللي مصبراني وحطت ايديها علي بطنها واكملت بعياط ابني اللي جاي هو مالوش ذمب في كل ده ااااه اااه يارب تعبت اوي صبرني وقويني يارب ربنا يرحمكم يا حبايبي واتمني يجمعني باخويا. الكبير اللي كان نفسي اوي يكون جمبي حقيقي محتجاله وفضلت تعيط وتتكلم معاهم بعد كده روحت
عشق جبت الخط يا عمر علشان اعمل بيه مكالمه
عمر اه امسكي اهو
عشق ركبت الخط الجديد واتصلت برقم المحامي مجدي كانت خدته من تليفون ادهم لما سابه وراح لمراد
مجدي الو
عشق الو يا استاذ مجدي انا عشق مراد السيوفي
مجدي بستغراب اتفضلي يا مدام في حاجه
عشق هقولك بس وحياه الغالين عندك كلهم تحلف علي المصحف متجبش سيره لاي حد حتي مراد
مجدي اكيد اتفضلي والمصحف مش هقول
عشق بدموع واصيه عمي علي اتحققت انا حامل بس مراد ميعرفش وفي بينا مشاكل خلتني مقولش ومشيت وسبت القاهره كلها ومده الواصيه بتقل ومهما كان ده جوزي مش هسمح يخسر فلوسه هبعتلك التقارير والسونار وتحليل الدم اللي يثبت كلامي
مجدي بفرح اخيرا مراد هيبقاله عيل الف مليون مبروك وربنا يحل مشاكلكم ويجمعكم بس انتي لسه حامل ممكن بعد الشرر ينزل
عشق مش لازم يجي البيبي علشان تسجل الوصيه انا اعتقد اني مش هرجع لمراد دلوقتي خالص فمش هيحصل حمل غير اللي في بطني ده فلو سمحت يا استاذ سجله نعمل ايه اكتر من اني حملت يجي او لا دي اراده ربنا مينفعش تحسابنا عليها
مجدي ونعم بالله طيب يا مدام هقول لمراد ايه لما اسجل الواصيه
عشق قوله ان عمي علي قالك تقول كده وتكتب كده علشان تجبره يتجوز ويخلف ويعيش حياته فانت قوله طلما اتجوزت. وبتحب مراتك خلاص ابوك عايز ايه اكتر من كده كأن عمو علي قايلك تكتب كده علشان تجبره بس انما الحقيقه ان حتي لو مكنش اتجوز كنت هتديه الفلوس بتضغط عليه يعني فانت قوله كده
مجدي تمام يا مدام الف مبروك تاني
عشق الله يبارك فيك وقفلت وكسرت الخط
عايده. اهو كلمتيه كده ضميرك مرتاح يا حبيبتي
عشق بحزن اه الحمدلله ارتاح برغم الوجع اللي انا فيه بس مقدرش اخسره بعد كل تعبه ده وانا عارفه هو قال كده يضايقني هو بيحبني بس الكلام نفسه واجعني
عايده ربنا يهديكم يارب
————————————–
تاني يوم في فيلا السيوفي
مراد نازل والباب خبط فكان مجدي
مراد بحده مجدي مراتي مشيت ومعرفش فينها لحد دلوقتي ومش هخلف مع نفسي يعني فوفر كلامك لو سمحت انا علي اخري ومش عايز حاجه من ام الواصيه خالص
مجدي بضحك هو انا نطقت يا عم اهدي
ادهم اصل حفظ خلاص
مجدي ببتسامه عموما انا جاي اقولك مبروك عليك الاملاك
مراد برفعه حاجب استغرب واكمل ازاي يعني
مجدي علي بيه كان قايلي اكتب كده اه بس اللي محدش يعرفه ان ده ضغط كان حاطط مده علشان يجبرك تتجوز وتخلف وتعيش حياه مستقره بس لو مكنتش عملت كده بردو كنت هتاخد الاملاك بس كان بيقول كده علشان خاطر تتحرك لانه عارف انك رافض المبدا ده وانا يابني عارف انك بتحب مراتك فخلاص بلاش اضغطك اكتر من كده الورق انا خلصته وبعته المحكمه
مراد. بحزن بتتكلم جد
مجدي اه مش فرحان ولا ايه
مراد لا عادي هفرح علي ايه اصلا مش فارقلي كل ده انا عايز مراتي اهم من اي حاجه بنسبالي هي هتبقي فرحتي الوحيده
مجدي في سره سامحني يابني واكمل انشاء الله تلاقيها يابني عن اذنكم
———————————
بعد مرور 4 شهور مراد بيموت من غير عشق حقيقي والندم موته وهشام كان زيه بس كانت عزه بتقف جمبه وبتسنده ومبطلوش تدوير وميأسوش وهشام عرف انه بيحب عزه جدا وقالها وهي كمان كانت فرحانه لانها بتحبه بس قال مش هيتجوز غير لما يلاقي اخته وعلاقته اتحسنت بلكل وعشق اللي الحمل تاعبها بس بتشجع نفسها انها فتره وهتعدي وعايده وعمر مش سايبنها وايمان اللي حالتها تدهورت والبيت فيه حاله من الحزن فظيعه اوي
ادهم يعني مصمم تروح اسكندريه بردو ما المستشفي هناك لسه جديده مش بقالها غير اسبوعين جايبنها و زي الفل ومفيهاش شغل اداري كتير المدير هناك ممشي الدنيا تمام
مراد بحزن انت عارف اني مش رايح علشان شغل انا عايز افضل لوحدي تعبان يا ادهم ارجوك سبني
هشام بحزن سيبه يا ادهم واكمل لمراد وانا بدور وهفضل ادور
مراد حضنه واكمل ربنا يخليك يا هشام
هشام خلي باالك من نفسك يا مراد
مراد بحزن نفسي ضاعت مني من اربع شهور ومش لاقيها للنهارده ومشي
ادهم صعبان عليا اوي وعشق عاقبته بذياده
هشام اسكت وربي علي قد ما هفرح لو لقيتها علي قد ما مرعوب
ادهم بضحك عشق ام شبر ونص ترعب دي كلها قد كده
هشام. احترم نفسك وقدر ان اللي حضرتك بتتريق عليها دي اختي
ادهم بضحك هو مراد مشي انت هتشتغلي ولا ايه
ايمان نزلت هو مشي بردو يا ادهم
ادهم بحزن سبيه يا ماما هو تعبان
هشام اه يفضل لوحده حاليا احسن وهيشتغل بردو مش هيفكر طول الوقت يعني
ايمان بحزن ربنا يرجعك يابنتي بالف خير يارب يا عشق
——————————-
في المستشفي في اسكندريه
المدير اهلا نورت يا مراد بيه
مراد وهو داخل مكتبه ازيك يا كامل ايه الاخبار
كامل زي الفل يا دكتور
مراد تمام وريني الورق بتاع الحالات الجديده
في بيت عشق
عشق في اوضتها بتكتب انهارده بكتب في الورقه ال 120 من يوم مابعدنا يا حبيبي وال 120 من يوم ماعرفت بحملي انهارده عرفت اني حامل في اسر اكيد هيجي شبهك يانورعيني وهيبقي عوض ليا عن بعدي عنك واحشتني اوي يا مراد ومسكت السونار والاشاعه ولزقتهم بشكل حلو في الدفتر وقفلته
في بيت عايده عشق دخلت
عشق بتعب صباح الخير يا خالتي
عايده صباح النور يا ام اسر يلا اجهزي عمر نازل ياخدك معادك لدكتورتك
عشق ملوش لزوم منا عملت الاشاعه واطمنت
عايده لا طبعا هي قيلاالي تروحيلها بعد الاشاعه يلا يابت بلاش دلع
عشق هي راحت فين صح قالولي مشيت من المستشفي وانا بعمل الاشاعه فتحت عياده ولا ايه
عايده لا اشتغلت في مستشفي فتحت من اسبوعين اتخانقت مع مدير المستشفي الاولي ومشيت
عشق وهي بتقعد طيب وفرت انا مش هروح مستشفيات جديده كنت مرتاحه في القديمه واهم حاجه راحتي النفسيه في الحمل
عايده بضحك بس يابت دلع وقومي يلا
عمر هتروحي يعني هتروحي مفيش مفر قدامي يلا
عشق بضحك رخمين
عمر وهو بيضحك هتبقي ام ازاي بجد ربنا يكون في عونك يا اسور
عشق بضحك ده يابخته بماما كيوت زيي اصلا
في المستشفي
عشق بخوف ورعشه عمر
عمر ايه مالك الخوف وصل بيكي لدرجه تترعشي مش هتديكي ابره يا عشق متخافيش كشف عادي
عشق بوجع مش كده بس حاسه قلبي مقبوض اوي معرفش ليه
عمر بضحك كل ده علشان الكشف ياالهوي عليكي
عشق بدموع مش علشان الكشف
عمر ايه ده ايه الدموع دي بقي مالك يا عشق
عشق حاسه كأن مراد قريب مني مع ان ده مستحيل بس حسيت قلبي نبض فاجاه
عمر بحزن يمكن علشان دخلتي مستشفي فكرتك بيه او واحشك مثلا
عشق بدموع منا علطول بدخل من ساعه ماجيت بس اكيد بيتهالي فعلا لانه واحشني اوي
في مكتب مراد
مراد قلبه نبض فاجاه ووجعه اوي واكمل بدموع يعني انا بعدت علشان ارتاح ليه تعبان اكتر ليه حاسس وكانها قريبه انا بقيت مريض نفسي حقيقي وبتخيل هتكون هنا ازاي بس واحشتيني يا عشق احسن حل اقوم اتفقد المستشفي اضيع وقتي في حاجاه ودخله كامل
كامل همشي انا يا دكتور
مراد تمام وانا قايم اتفقد المرضي
كامل تمام
في اوضه دكتوره عاليه
عاليه بفرح اسر زي الفل اهو ياستي والنبض حلو
عشق بدموع فرح وهي بتبص للسونار اكملت في سرها كان نفسي تكون هنا يا مراد وتشوف ابنك واكملت بوجع اه اه كده يا اسر تضرب ماما
عاليه بضحك ربنا يقومك بلسلامه وتشوفيه بخير يارب
عشق بفرح ياااارب
وقامت عدلت هدومها
عمر ها يا دكتوره
عاليه زي الفل بس تحافظ علي نفسها وتتغذي كويس وتاخد الفيتامينات خست اوي بس البيبي كويس الحمدلله
عمر الحمدلله وقام
في الوقت ده مراد كان اتفقد معظم الاوض ومتجه لاوضه عاليه
في الاوضه عشق بتقوم حست بدوخه عمر سندها بسرعه واكمل علشان مفطرتيش
عشق متقلقش انا كويسه
وهنا خبط مراد
عاليه اتفضل
فتح مراد الباب وااكمل ببتسامه ازيك يا دكتوره عاليه لكن لما رفع راسه اختفت ابتسمته وظهر علي وشه الصدمه ودموعه نزلت واتصدم من وجود عشق وبطنها المنفوخه دليل علي الحمل لشهور ووجود راجل غريب معاها وقريب منها للدرجه دي
وكانت عشق زيه مصدومه وعيونها بتدمع وفي عينيها في نظرات حب خوف صدمه اشتياق كل ده مع بعض
مراد بدموع وهو واقف مصدوم عشق! !!!!!!!
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية حطمت قلبي)