رواية جارية الأيهم الفصل الرابع 4 بقلم نور أحمد
رواية جارية الأيهم الفصل الرابع 4 بقلم نور أحمد
رواية جارية الأيهم البارت الرابع
رواية جارية الأيهم الجزء الرابع
رواية جارية الأيهم الحلقة الرابعة
محمد بفرحه واضحه عليه وهو يحضنه ايه اخبارك يا فاروق ليك وحشه يا صاحبي
فاروق / وانت واحشني اكتر يا محمد
ثم جلسا بعد ذلك ليستكملوا حديثهم
فاروق/ بس اتغيرت كتير يا محمد ليكمل كلامه بمزاح حتي الكرش اختفي
محمد/ وقد ارتسمت الضحكة علي وجهه ياه ده اختفي من بدري وفي حاجات كتيرة اختلفت لينا عشر سنسن مشفناش بعض مش قليله برضو
فاروق / ايه اخبار عيالك اكيد لو شافوني مش هيعرفوني دلوقتى
محمد / بمزاح مين الي مش يعرفك ده انت زي ما انت كأنك مبتعرفش تكبر كأنك شايفك امبارح
فاروق / عايش في أمريكا وعايزني أكبر ده كل حاجه نظام في نظام
محمد / باهتمام انت رجعت مصر لوحدك ولا عيلتك معاك
فاروق لا كلنا رجعنا مصر بس مش هنطول كلها كام شهر ونرجع
محمد / امم طب ايه اللي خلاك تفتكر مصر بعد ده كله
فاروق / انت
محمد / باستغراب كيف
فاروق/ صح كنت بعيد عنك يا صاحبي بس متابع كل أخبارك ولما عرفت الازمه الي انت كنت فيها وخصوصا انك بعت فرع الشركه الي في فرنسا وانا عارفه ان قد اي تعبت علشان تأسسها فمش هقدر أفضل مكاني وأشوف كل الي تعبك ينهد كده
محمد/ شكرا علي انك مش نَسيني يا فاروق
فاروق / اجل شكرك وكلامك ده لما تسمع انا قررت ايه
محمد / بحيرة ازاي
فاروق / ايه رأيك نرجع تاني نوحد ايدينا في بعض ونضم كل أقسام شركتي وشركتك مع بعض من اول وجديد وده غير أن قسم fashion بتاع شركتي غير خالص أفكار قسم شركتك ليه مش نستفاد ونجمع كل الاختلاف ده في أعمال جديده وقسم الآلات والمعدات بتاع شركتك مش أفضل حاجه فأحنا لو جمعناه مع قسم شركتي هيتغير 180 درجه وباقي الأقسام مش هتختلف عن النظام
محمد/ وهو لا يكاد يصدق ما يسمع مش عارف اقولك ايه يا فاروق غير أنك أخ مش صاحب
***************************************************
ميار وهي تكلم إسراء
فينكم يا بنتي انا دخلت المطعم مش شيفاكم
اسراء / وهي تشاور لميار انا علي الشمال في وشك
ميار / خلاص شوفتك
لتتقدم ناحيتها في خطوات هادئه
وقفت إسراء ترحب بميار وهي تحضنها ايه الجمال ده هو الشغل بيخلي الواحد يحلو كده
ميار / بس ارتاحي بلا شغل بلا نيله ده مش قادر اتنفس منه عايزة اغير في مستسشفى خاصه انا جبت اخري والله
إسراء / يا أختي احمدي ربك مش احسن من الي قاعد فاضي زي مفيش وظيفه قبلاني
ميار / الحمد لله علي كل حال لتعود تسألها من جديد وقد لاحظت أنه لا يوجد أي من صديقاتها غيرها هما البنات ليه اتأخرو كده
إسراء / بتعلثم يخترق ملامح وجهها لا قصدي إنهم كلهم اعتذروا عن جيتهم وانا مش أصريت علي حد اصل كنت عايزة نقعد انا وانت علشان كده رفضت انك متجيش ولا شكلي مش وحشتك
ميار / لا طبعا كيف انا والله فرحانه خالص اني قابلتك ده انت حبيبتي يا سوسو
أخذوا يتبادلون أطراف الحديث عن اخبار كلاً منهم ولم يخلوا كلامهم ضحكاتهم العالية بعض الشيء
إسراء / وهي تمسك موبيلها كأن أحد أتصل بها
ايوة يا نور ماشي طلعالك
ميار / بحيرة نور مين
أسراء / بتوتر دي صحبتي الجديده هي كانت عايزاني ضروري ولحسن الحظ هي معديه جنب المطعم هطلع اجيبها تقعد معانا
ميار / بمزاح ماشي انا هستناكي وعايزة اتعرف عليها برضوا مين دي الي خدت مكاني عند إسراء
إسراء / بس يا بت هو في حد ياخد مكانك انت ده انت الحته الشمال
ليبتسم كلاهما بسعاده قبل أن تبتعد إسراء
**************************************************
كان شاردا يفكر في عرض صاحبه الذي لم يكن يحلم بعرض كهذا
وكيف أنه سيستطيع تسديد كل مبالغ شركة المازني خلاص سنه او اقل ليقطع شروده رنة الموبايل
أيهم / السلام عليكم يا عمي
محمد / وعليكم السلام يا أيهم
أيهم / كنت عايز منك تخلي بنتك الي هتجوزهاني تخرج مع أمي تختار الشبكه بكرة علشان هعلن عن خطوبتنا في حفلة الافتتاح
محمد / وهو يبتلع غضبه من تصرفات ذلك المغرور حتي أنه لم يراها وكان الأمر صفقة رابحه له أو جاريه لأبنائه اشتري ثمنها مسبقاً ، ماشي تمام
********************************************
ميار وهي تتسأل في نفسها هي البنت اسراء اتأخرت ليه كده وما أن أمسكت بحقيبتها وحقيبه صديقتها لتغادر لتتفاجأ به أمامها
عمر / اهلا يا دكتورة ميار ممكن اقعد لو مش هتضايقي من وجودي
تفاجأ ت من مجيئه بهذا الشكل لا تعرف عنه غير أسمه حيث أنه كان صديقاً لإسراء ولم تجمعهم الا صدف بسيطة معها غير أن هناك العديد من الطاولات الفارغه
ميار برسميه / لا عادي اتفضل
عمر / اسف علي دخلتي دي بس أنا كنت عايزك في موضوع ومكنتش عارف أوصلك
ميار / باستغراب حضرتك عايزني في موضوع ايه
عمر / وهو يرفع بوكيه الورد الذي كان بيده ليقدمه لها بصي هو انا مش بعرف ابدأ منين علشان كده هدخل في الموضوع علطول انا معجب بيكي وأخلاقك وعايز أتقدملك لاكن بعد ما اعرف رأيك ايه
ميار / بغضب انت فاكرني هبله أو معرفش بموضوع اخوك مع بابا وانه ضغط عليه لحد ما جبره أنه يوافق يجوزه أختي سهي لا فوق لنفسك لو فاكر أني زي سهي تبقي غبي أنا مفيش حد يقدر يجبرني علي حاجه وان كانت أختي قبلت أنها تتجوز بواحد مغرور زي أخوك أنا عمري ما أقبل واحد زيك مهو مش هتفرق كتير عن أخوك يعني
عمر / ايه الهبل ده الي انت بتقوليه وقصدك عن مين
ميار ،/ لا حلو ملامح الاستغراب دي وعاملي نفسك مش فاهم او مش عندك علم بس هجاوبك برضوا عن أخوك أيهم يا بشمهندس
مش أسمه كده برضو
لتغادر بسرعه بعد أن تركته غارق في صدمته
عمر / معقول يكون الكلام الي قالته ده صح لا لا أيهم ميعملش كده أكيد غير أنه بيولع في الدنيا لما ماما بتفاتحه بموضوع الجواز وبعدين كان أكيد قالي
******،*********************************
لتجد إسراء في مقابلها
ميار / بغضب هي فينها نور دي مش شايفاها بس حلوة الكدبه الي اخترعتيها طلع عندك مواهب كتيرة وانا مكنتش عارفه بس خلاص اهو عرفت
إسراء / وقد اغرورقت عينيها بالدموع اسفه يا إسراء والله مكنتش اقصد حاجه وكنت فاكرة الموضوع عادي
ميار / وهي تضع يدها علي كتف إسراء خلي أسفك لنفسك يا حبيبتي
يتبع….
لقراءة الفصل التالي : اضغط هنا
لقراءة جميع حلقات الرواية اضغط على : (رواية جارية الأيهم)