رواية الجحيم هو أنت الفصل الأول 1 بقلم سولييه نصار

رواية الجحيم هو أنت الفصل الأول 1 بقلم سولييه نصار

رواية الجحيم هو أنت البارت الأول

رواية الجحيم هو أنت الجزء الأول

رواية الجحيم هو أنت الحلقة الأولى

-هتجوزه مش هتجوزه!!!!
وقبل ما اكمل كلامي كان قلم شديد بينزل على وشي لحد ما وقعت على الأرض …بصيت لأبويا اللي كان رافع راسي وبيبصلي بقسو ة وقال :
-هتتجوزيه يعني هتتجوزيه يا شروق …مش عيلة زيك هتكـ سر كلمتي وتكسفني قدام اخويا ….
-يا بابا أنا مبحبهوش …مش عايزاه …مش معقول عشان الورث تسلم بنتك اللي عندها ستاشر سنة لواحد زي كده !!!
مد ايديه وشد ني من شعري وخلاني أقوم …صرخت بأ لم ودموعي بتنزل من عيوني ….كنت بشهق وهو بيشد على شعري بقسو.ة شديدة وقال وهو بيكز على أسنانه ؛
-مفيش قدامك خيار تاني يا شروق …أنتِ هتتجوزي علاء والا وديني …وديني هاخدك عند عمك وارمـ يكي ليه وهو يعمل اللي عايزه فيكي .
وبعدين ز قني لحد ما وقعت على الأرض وفضلت اعيط من قسو ته عليا …طول عمره قا.سي. ..بياخد قرارات بالنيابة عني ولازم انفذها ……غمضت عيني وانا بفتكر كلام علاء ليا امبارح لما كنت في بيتهم
فلاش باك …
-اسمعيني يا بت انا مش عايز أتجوزك اتصرفي وقولي لأبوكي كده والا وديني اعيشك أي جـ حيم
قالها علاء بغضب فوشي حمر من الغضب وانا بقوله :
-وأنا كمان أصلا مش عايزة أتجوزك …مش عايزة فليه انت يا راجل متتكلمش ولا بتخاف من أبوك يا نوغة !!!
كز أسنانه بغيظ وهو بيشـ دني من شعري اللي تحت طرحتي السودا اللي كنت لابساها وقرب مني وصرخ :
-أسمعي يا بت كويس …لو مرفضتيش الجوازة دي من نفسك والله العظيم يا شروق هخليكي تبوسي ايدي عشان أرحمك…ولو حصل واتجوزنا هخليكي زي الكنبة في البيت وهخو نك مع اي واحدة تقع تحت ايدي وهيكون قدامك …فأحسنلك يا حلوة أنك ترفضي الجوازة دي وتعملي المستحيل عشان متتجوزنيش فاهمة ولا لا !!!
هزيت رأسي وانا دموعي بتنزل من الوجع فزقني وقال:
-يالا غو ري بيتكم أبوكي هيفاتحك في موضوع جوازنا بكرة وانتي كل اللي عليكي ترفضي وبس
باك
كملت عياطي وانا بفتكر كلامه ليا بس فجأة اتنفض جسمي لما لقيت حد بيطبطب عليا فبصيت لقيت ماما بتقولي :
-قومي يا بنتي ….
مسكت ايديها وقولت :
-ماما ابوس ايديكي ساعديني …ماما أنا مش عايزة اتجوز علاء …ابوس ايديكي ….
كنت ببكي وانا بترجاها…اتنهدت وقال:
-وماله علاء بس يا بنتي …راجل مرتاح.ماديا وهيريحك …
هزيت رأسي وانا بعيط فكملت هي :
-الله يهديكي يا بنتي وافقي ابوكي هيـطـ ين عيشتنا لو ركبتي دماغك…واهو اللي نعرفه احسن ما اللي منعرفهوش ..
-بس أنا لسه عندي ستاشر سنة ..
طبطبت عليا وقالت:
-وماله ما أنا اتجوزت وانا اصغر منك كده متعقديش الموضوع كده يا حبيبتي …يالا قومي اغسلي وشك وصالحي ابوكي وقوليله انك موافقة تتجوزي علاء …قومي يا شروق يا بنتي ربنا يهدي سرك يارب …
…..
بالليل …
قفلت باب اوضتي عليا وانا ماسكة التليفون اللي اخدته من ماما بالسرقة وبعدين كتبت الرقم اللي أنا حافظاه زي اسمي واستنيته يرد …اول ما رد قلبي دق وقولت :
-جلال الحقني!!!
كنت بعيط بصوت مكتوم وانا بكلمه. .
-فيه ايه يا حبيبتي حصل ايه ؟!
بدأت احكيله كل حاجة وانا بعيط وهو سمعني للآخر وبعدين قال :
-طيب اهدي يا شروق …اهدي يا حبيبتي أنا مستحيل اسيبك لغيري ده على جثـ تي
-ط…طيب هنعمل ايه ؟!.
قولتها وقلبي وا.جعني…اتنهد هو وقال:
-مفيش الا حل واحد بس …
-ايه هو ؟!
قولتها بلهفة فرد بسرعة :
-أننا نهرب سوا …نهرب ونتجوز !!
-أنت بتقول ايه يا جلال؟! …
-للأسف يا حبيبتي ده الحل الوحيد …انتي عندك حل تاني …مستعدة تكوني لغيري يا شروقي …أنا عن نفسي ممكن أمو ت فيها ..حقيقي همو ت لو بقيتي لغيري !!
دموعي نزلت وانا حاسة نفسي قدام اختيار صعب …بس رغم اني كنت عارفة أنه غلط …وعارفة اني هندم طول عمري بسبب كده وبالفعل غلطة واحدة مني فتحت عليا ابواب الجحـ يم ..لقيت نفسي بقول وانا بعيط :
-خلينا نهرب من هنا يا جلال .. خلينا نهرب

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية الجحيم هو أنت)