رواية بنت امينة الفصل الثالث عشر 13 بقلم شيماء عبدالحكم عثمان

رواية بنت امينة الفصل الثالث عشر 13 بقلم شيماء عبدالحكم عثمان

رواية بنت امينة البارت الثالث عشر

رواية بنت امينة الجزء الثالث عشر

رواية بنت امينة الحلقة الثالثة عشر

سوزي بأبتسامه : طبعا متاكده صاحبه الاختبار ده حامل …
حازم بهمس : شيررررررين .. اخد الاختبار في ايده وطلع زي المجنون ركب عربيته وراح لشيرين وكله امل ان البيبي ده هيكون بدايه جديده ليهم مع بعض كان طاير بالعربيه في الطريق لكن قلبه كان سابقه من كتر السعاده والفرحه وفضل يرسم في مخططات وسيناريوهات جديده تجمعهم مع بعض انه ياخدها ويسافر ويبعد عن كل الوجع اللي شافوه هنا ويبداوا مع بعض حياه جديده……
اما فى المطعم . امين كان عامل عزومه كبيره وكان عازم حسام وسليمان وشيرين وسها ونادين وامينه وادهم .
سليمان بعتااب معقوله يا شيرين بعدالسنين دي كلها هتسيبيني بسهوله .
شيرين بهزار : يا سليمان بيه اعتبرها استراحه محارب وبعدين انا لقيت مسرتي في حته تانيه ..
نادين : طبعا مسرتها في مطبخ مطعم الست امينه
شيرين : طبعا يا نادو ودي حاجه قليله ….لفت نظرها ادهم اللي مش بياكل غير سلطه بس وقالت له ادهم انت بتاكل سلطه بس ليه ؟؟؟ ده عشان انت مش بتاكل الاكل ده !!!ولا عشان الاكل مش عاجبك؟؟؟؟ ولو اعتبرت ان الاكل مش عاجبك هاعتبر ده اهانه شخصيه ليه ..
ادهم : لا طبعا تسلم ايديكم بس انا نباتي ما باكلش لحوم
شيرين بجديه وسخريه : ده لما كنت في امريكا عشان انت مش واثق من مصدر اللحم اللي بتاكلها ومش معنى انك اكلت مره لحم غير طيب يبقى اللحم كله كده انت هنا هتاكل وانت مغمض بدون اي اعتراض وحطت قدامه طبق وفي لحمه وهو اخذه بدون اعتراض منه …
امين بحب لشيرين : اقعدي انت كمان كلي بقا الاكل هيبرد وانت لسه ما اكلتيش انا شايف ان حسام وسليمان هيخلصه على الترابيزه …
شيرين بأبتسامه : بالهنا والشفا . وقعدت . وكانوا بيتكلموا ويضحكوا . ودخلت بنوته من اللي بتشتغل فى المطعم (ويتر )
البنت لشيرين : مدام شيرين في واحد بره بيسال عنك و طالب يقابلك..
شيرين : مين ما قالش اسمه ايه.
البنت : اه اسمه حازم الحديدي ( الكل ساب الاكل وبصوا لبعض بمفاجاه)
شيرين غمضت عينيها واتنهدت بحزن وقالت لها تمام قولي له انا جايه
امينه برفض وخوف : لا يا شيرين بلاش ما تطلعيش تقابليه.
شيرين : ماما ما تقلقيش هشوف عايز ايه وهيمشي على طول ..
امينه بخوف اكبر : لا ءيعني لا ء( وبصت لامين بترجي ) امين لو سمحت اطلع له مشيه من هنا ما تخليهوش يقرب من بنتي تاني …
شيرين بأبتسامه وبتطمن مامتها : ماما انت قلقانه ليه ما تخافيش مش هيقدر يعمل حاجه وانا في وسطكم. ..
امينه بخوف : ما هو عمل اللي عمله المره اللي فاتت وانت في وسطنا ولا نسيتي عمل ايه
شيرين بتحدى : ما تخافيش المره دي انا عارفه هو جاي ليه( وقالت بتوعد )وبعدين حازم باشا ضيف عندنا ولازم ياخد واجبه …
وقامت شيرين وراها حسام وسليمان وامينه وامين …
ادهم نده لنادين : مين ده يا نادو
نادين بغضب : جوزززززها ..
هنا ادهم عينه احتدت وملامحه قلبت بغضب وقال بنبره حاده : قصدك طاليقها … وقام هو كمان وراهم..
خرجت شيرين لحازم اللي اول ما شافها قلبه دق وقام وقف في مكانه وبص لكل اللي جاي وراها وهنا اتاكد ان الوضع اختلف عن الاول بصلهم وقال : يا جماعه ما تقلقوش هم كلمتين بيني وبينها وهمشي على طول .
على طول الكل تراجع وقعد بعيد عنهم …..الا ادهم اللي فضل قريب منهم…. شيرين واقفه قدام حازم بمنتهى الجمود والثبات وتقريبا هي عارفه هو جاي ليه…
شيرين بجمود : نعم . حضرتك جاي ليه !؟؟؟؟
حازم بخجل : طب ممكن نقعد نتكلم ولا هنتكلم واحنا واقفين !
شيرين بنفس الجمود : اه واحنا واقفين اصل انا عندي شغل وحضرتك معطلني عنه
حازم بحزن : فى البدايه انا كنت عايز اعتذرلك….شيرين بسرعه قطعت كلامه
شيرين ببرود : جاي لي يا حازم باشا ادخل في الموضوع عشان وقتي ووقتك
حازم طلع اختبار الحمل وحطه قدامها على الترابيزه شيرين للحظه غمضت عينيها بحزن وبعدين سرعان ما تملكت نفسها
وقالت بجمود : ايوه ايه المطلوب مني
حازم ابتسم بسخريه على قوه شيرين وقال مطلوب منك توضيح ايه ده؟؟؟
شيرين ببرود: ده اختبار حمل مش معقول ما تعرفش !!!
حازم : انا حقيقي ما كنتش اعرف انا لسه شايفه النهارده بس !!
شيرين : تمام … انا بقى مطلوب مني ايه ؟
حازم بحب : فرصه تانيه مطلوب منك تديني فرصه تانيه عشان خاطر البيبي اللي جاي…
شيرين بمراوغه : ما هو انت ما بتقولش انت عاوز ايه بالظبط يعني برضو انا مش فاهمه انا مطلوب مني ايه ؟؟
حازم بقلة صبر ؟ هو مش ده اختبار الحمل بتاعك يعني انت حامل في ابني او بنتي ايه بقى اللي انت مش فاهماه
شيرين ضحكت بسخريه : ده اختبار حمل فعلا انا كنت عاملاه في اليوم اللي طلقتني فيه (وقربت منه بهمس ) قبل ما اسلمك نفسي برضايا (وهزه راسها بتاكيد) كنت حابه نفتح صفحه جديده مع بعض وهي دي الفرصه الثانيه اللي انا اديتها لك يا حازم وانت ضيعتها ….
حازم بصلها مطولا بأستغراب : ما تكلمتيش ليه وقتها !! ليه ما قلتليش ؟؟؟
شيرين بحزن : انت فاكر انا كنت بقولك ايه ساعتها كنت بكلمك عن قاسم اخوك واللي عمله معايا وانت ما صدقتنيش بدأت معاك بالوحش الاول عشان اختم معاك بالخبر السعيد ده لكن انت للاسف ما اديتنيش فرصه على طول ما صدقتش كلامي وعلى طول كذبتني…
هنا حازم عرف ان اللي واقفه قدامه شيرين جديده ومش نفس البنت اللي اتجوزها بالاجبار…
حازم باسف وندم : في حاجات كتير انت ما تعرفيهاش انا طلقتك عشان كنت خايف عليك من قاسم ..
شيرين بجمود : انت عايز ايه ياحازم . راجع بس عشان البيبى .
حازم بحب : لا انا عايزك انتى … وعايز والبيبي انتوا الاتنين مع بعض ما تنسيش ان هو ده اللي هيرجعنا لبعض ..
شيرين : انت فاهم غلط ما فيش بيبي انا مش حامل..
حازم شاور على الاختبار وقال امال ده معناه ايه مش ده معناه انك حامل..
شيرين بغضب : كنت حامل … اه يا حازم باشا.. كنت حامل منك واجهضت نفسي
حازم بيبص لها بغضب وحرك راسه باستنكار لا مش ممكن مستحيل اصدق …
شيرين بجمود : مستحيل ليه.. مش مصدق ليه… ايوه يا حازم انا نزلت البيبي…
حازم بغضب : انت بتكدبي عليا انت بتقولي كده عشان تضايقيني…
شيرين ضحكه بسخريه وقالت باستهزاء انت لسه مغرور زي ما انت اصلا انت مش في دماغي عشان افكر اضايقك
حازم هنا انفعل وقرب عليها ومسك ايديها بقوه وعنف وهو بيتك على اسنانه وبيقول لها ما تحاوليش تستفزيني..
ادهم هنا اتحول قرب عليه وبغضب وصوت جمهوري قال : انت ازاي تتجرء وتمسك ايديها وتشدها كده
هنا كل اللي كان قاعد ورا انتبهوا لاصواتهم العاليه وقربوا منهم …
حازم باستغراب وغضب : افندم !!!وانت مالك!!! تطلع مين اصلا…؟؟؟
ادهم شد شيرين جانبه وعين حازم هتخرج على ايده اللى لمست شيرين . وحازم غالبا كان بيدخن من كل حته (بيحترق)
ادهم بغضب وتعمد استفزازه : قريبها ..اخوها …ابن عمها …خطيبها …المسميات كتير قوووووي اختار اللي يريحك واعتبرها صفتي اللي بتكلم بيها عنها…
حازم بص لشيرين بسخريه .وبتعقيب قال : خطيبها . والله . تمام . بص يا استاذ او يا باشمهندس المدام مراتي وانا عايزه اتاكد هي حامل ولا لا.
شيرين بأندفاع وعصبيه قلت لك ما بقاش في حمل قلت لك خلاص ما فيش بيبي….( كلهم بصوا لبعض بصدمه)
ادهم : اولا هي مش مراتك …هي طليقتك ..وثانيا هي بتقولك اهي ما فيش بيبي..
امينه بصدمه : شيرين انت حامل ومخبيه عليا..
شيرين بصت لمامتها بتأكيد : ماما كنت حامل واجهضت .وبصت لحازم بغضب .وحازم بيه مش مصدق .وديه مشكلته هو
حازم بدء يتعصب : يعني انت عايزه تفهميني انك نزلتى الحمل طب ايه اللي يثبتلي كلامك !!!
شيرين بجمود: روح اسال في المستشفى اللي كنت بتعالجني فيها فاكرها انا عملت العمليه هناك ..
حازم هنا جن جنونه وبتحذير وغضب قال اقسم بالله يا شيرين لو كلامك حقيقي واجهضتى نفسك عشان ما تخلفيش مني انا مش هرحمك هوديكي ورا الشمس …وبيقرب عليها عشان يشدها وهو بيقول انت هتيجي معايا دلوقتي لاقرب مستشفى اتاكد بنفسي انتى صادقه ولا كدابه ….
هنا ادهم ما قدرش يمسك نفسه وانقض على حازم وضربه في وشه بالبوكس وحازم رد له البوكس على طول في نفس الوقت ولسه هيشتبكوا مع بعض هنا حسام وسليمان وامين ادخلوا فورا وفضوا الاشتباك ….
ادهم بعصبيه وتوعد قال : لو قربت منها تاني ولا فكرت تلمسها اعتبر نفسك تسليه لأدهم الامين ….
نادين وسها بصوا لحازم بانتصار وشيرين كانت بصالوا بغضب وكانها بتقول له انت اللي بدأت …
مشي حازم والكل بدء يهدي ادهم ،،،امين بص لادهم بصه جانبيه وابتسم فهم ان قلبه بدء يدق لشيرين الكل رجع تاني وقعدوا مكانهم..
امينه بعتاب : بقى كنت حامل وانا ما اعرفش ولا تكوني لسه حامل وقلت كده عشان تضايقيه ..!!!!
لاء طبعا .حازم صفحة واتقفلت خلاص . كان لازم افهمه كده عشان ميبقاش له وجود فى حياتى تانى … شيرين قالت كده برفض قاطع وبغضب .
امينه : طب ايه اللى حصل . وليه انا مكنتش معاكى فى وقت زي ده ؟
(فلاش باااك )
شيرين عملت اختبار الحمل في نفس اليوم اللي اعترفت لحازم عن تهديد قاسم وكانت فاكره انها بدايه جديده ليهم مع بعض بعد معرفه خبر حملها قررت تتغاضى عن كل اللي حصل وقالت نبدا من جديد واتاملت ان البيبي ده هيصلح كل حاجه وهيرمم علاقتهم ببعض بس اتفاجئت برد فعله لما عرف ان قاسم هددها وما صدقهاش وتقريبا الطلاق حصل في نفس اليوم … قعدت كام يوم وهي حالتها النفسيه تعبانه ومش متظبطه وبعد كده قررت تروح لفاتن المستشفى عشان تطمن على البيبي
فاتن مع شيرين وهي بتعمل لها سونار
فاتن بتساءل : انتى عملتى الاختبار من امتى ؟
شيرين : تقريبا اسبوع عشر ايام .حاجه كده
فاتن بتردد : هو فى حمل بس!!!!
شيرين بأستغراب : بس ايه يافاتن . فى ايه .
فاتن بأسف : نبض البيبى متوقف .
شيرين بصدمه : يعنى ايه . مش فاهمه حاجه .
فاتن : يعنى مافيش نبض . يعنى الحمل بتاعك للاسف مش هيكمل .
شيرين بكت.. بكت جدا .جدا .وبقت تقول لا حول ولاقوة الا بالله .تحت نظرات فاتن اللى كلها شك .مش فاهمه حاجه
فاتن : اهدى ياشيرين . اهدى ديه حاجه بتاعة ربنا ..
شيرين ببكاء : ربنا عاقبنى يافاتن . انا جيالك وانا مقرره انى اجهض الطفل . (وأزدات بكاء) بس مكنتش متخيله انى هزعل اووى كده…
فاتن بحزن : انا مقدره حالتك . بس يمكن ربنا محبش يحملك ذنب تفضلي طول عمرك تندمي عليه . ومش معنى انك قولتى بينك وبين نفسك كده .تحملي نفسك الذنب . احمدى ربنا انك معلمتيش كده . صدقينى انتى ربنا بيحبك انك خرجتى من علاقه فاسده زي ديه بطولك . البيبى ده كان هيبقا حبل يتلف حوالين رقبتك انتى …
شيرين بدموع وحطت ايديها على بطنها وقالت بوجع : متمسكتش بيا ليه ؟؟ انت زعلت عشان قولت مش عيزاك انا ااااسفه اسفه يا حته منى . غصبا عنى .والله غصبا عنى . (وضلت تبكى بحرقه)
(باااااك) .
امينه بحزن : وعملتى العمليه وانتى لوحدك .وانا كنت فين .
شيرين : لاء مش فى نفس اليوم ده . العمليه كانت يوم افتتاح المطعم .الصبح .
امينه بحزن : يعنى انتى كنتي بتتوجعي وتتألمي لوحدك ومحدش حاسس بيكى وانا انشغلت عنك .
شيرين : خلاص ياماما . فاتن مسبتنيش اليوم ده ووصلتنى بنفسها لحد البيت .
امين : طب ليه يابنتى قولتيلوا . انك اجهضتى نفسك .
شيرين بحزن : عشان اوجعه زي ما وجعنى . عشان احسسه انى مش عايزه حاجه تربطني بيه .كنت عايزه اكسره زي ماكسرنى .
امينه بخوف: رجع يهدد تاني تقدري تقولي لي بقى هنعمل ايه معاه لو وقف في طريقك تاني او فكر يئذيكي
ادهم بأندفاع: لو فكر مجرد تفكير يقرب لها صدقوني انا اللي همحيه من على وش الارض الكل هنا بص لادهم واندفاعه وشافوا ملامحه اللي كلها غيره وتوعد ومش قادر يسيطر ويداريهم …
سليمان بص لحسام ورجع لورا بثقه ورفع ايده بأستسلام وقال كنت مستنيه يغلط وأهو غلط. وتابع بسخريه ايه رايك يا حُس اتدخل ولا استنى شويه لما يستوي …
حسام ضحك بخبث وقال لسليمان بأرتياح : حبيبي انا من ايدك دي لايدك دي…
شيرين بتبصلهم وهي مش فاهمه حاجه وبعدين قالت هو في ايه هو انتو بتبصوا لبعض كده ليه انتو مخبين حاجه انامااعرفهاش .
سليمان : فاكره لما قولتيلى انى تخليت عنك بمنتهى البساطه وشكيتي ان خفت من تهديد حازم ….انا بقا محضر له حته مفاجاه انما ايه هتعجبه قووووي قووووي وحياه غلاوتك يا شيري من اول لحظه بدا يبتزنا فيها سبت له الحبل على الاخر عشان اعرف الفه كويس على رقبته واخنقه بيه……
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
( ملووووحظه يا جماعه . كل اللى هيتقال لأخر البارت . والبارت الجاي . مالوش علاقه بالواقع ولا بالعقل والمنطق واللى يجوز اولا يجوز كله بره حدود المنطق والواقع . هنفترض مع بعض انه ده بيحصل . فأطلقوا العنان وغوصوا معي فى اللا منطق )¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
بعد كام يوم حازم في مكتبه وكان كلف حد من رجالته يعمل تحريات عن ادهم وعايز يعرف هو مين وايه علاقته بشرين اللي تاكد من نظرته ليها انها مش بريئه ابدا وكان حازم فعلا اتاكد ان شيرين راحت للمستشفى بسبب انها عندها نزيف واجهضت الطفل وده خلاه فى منتهى الغضب منها واتوعد لها وحالف ينتقم منها .قرر انه لازم يدفعها ثمن غلطتها ويقدم فيها بلاغ انها اجهضت طفله بدون علمه …. (فنزات حازم ايه رائيكم .لسه عايزينه مع شيرين .😜 استنو عليا اما ربيتوا 😂)
حازم قاعد فى مكتبه. وبيكلم المحامي تبعه . عشان يكتب عريضه دعوه فى شيرين يتهمها .انها اجهضت طفله دون علمه . اتفاجئ بمحمود .خبط الباب ودخل عليه
محمود : حازم باشا . هشام باشا عايز حضرتك .
حازم قام وقف بترحيب . وهو بيقولوا خليه يتفضل واتحرك من ورا مكتبه ليرحب به دخل هشام وملامحه لا تبشر بخير سلم عليه بغير حفاوه
حازم : اهلا اهلا يا هشام باشا اتفضل
هشام بغضب : لا يا حازم للاسف انت اللي هتتفضل معايا في الاداره حازم هنا تلاشت ابتسامه وقاله خير يا هشام في ايه
هشام بأسف : طلع امر بضبطك واحضارك بصدد دعوه رفعتها عليك المدعوه شيرين سراج الدين بتتهمك فيها باحتجازها واغتصابها ……….

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية بنت امينة)