رواية 30 يوم حياة 3 الفصل الثاني 2 بقلم أميرة أسامة

رواية 30 يوم حياة 3 الفصل الثاني 2 بقلم أميرة أسامة

رواية 30 يوم حياة 3 البارت الثاني

رواية 30 يوم حياة 3 الجزء الثاني

رواية 30 يوم حياة 3 الحلقة الثانية

اول يوم العيد جه الكل نايم بعد سهر الشباب يوم الوقفه علي القهوه وبعد الصلاه كالعاده راحوا زاروا كيمو والبنات سهروا مع بعض علي السطح بيساعدو وعد في تزيينه عشان العيد ميلاد.
وقضوا طول اليوم نوم الكل مرهق من كتر السهر..
صحيت وعد علي الساعه اتنين الضهر ملاقتش مديحه
مسكت موبايلها وكلمتها
مديحه….الوووو
وعد…ايوه يا خالتو انتي فين
مديحه….ايوه يا حبيبتي انا لسه نازله من خمس دقايق قولت اروح اتمشي واجيب الهديا بتاعت ولاد توته
انتي لسه صاحيه ولا ايه
وعد…اه لسه صاحيه بس ملاقتكيش قولت اشوفك فين
مديحه…زين صحي ولا لا
وعد…لا الباب مقفول لسه
مديحه…هو راجع وش الصبح اكيد مش قادر انا عموما مش هتأخر يعني ساعه ساعه ونص وارجع قومي يلا ياحبيبتي افطري ولما ارجع نتغدي انا مخلصه الغدا قبل ما اخرج ارجع ونبقي ناكل
وعد…ماشي يا خالتو خلي بالك من نفسك
مديحه…مش عايزه حاجه أجبهالك معايا
وعد…لا با حبيبتي عايزه سلامتك
مديحه…سلام
وعد…سلام
سرحت وعد وهي باصه علي اوضه زين ومضايقه انه مكلمهاش ومتجاهلها تماما من بعد ما فطروا مع بعض كلهم. وهي كمان مكلمتهوش خالص وحاسه بالغيره ومضايقه ان زعلها مش فارق معاه..
قامت وعد دخلت اوضتها تاني رتبت سريرها وظبطت أوضتها وخدت غيار ودخلت تاخد دش.
فالوقت ده زين قلق علي صوت وعد وهي بتتكلم في الموبايل وخرج من الاوضه لما سمع صوت باب الحمام بيتقفل وبسرعه دخل علي أوضتها حط حجات علي السرير وخرج راح علي الاوضه تاني…
بعد وقت بسيط خرجت وعد وهي لابسه بچامه جديده برموده لافه شعرها بالفوطه دخلت علي أوضتها تتسرح لكن وقفت مصدومه لما شافت اللي علي سريرها😳
قربت وعد من السرير براحه شالت الفوطه من علي راسها وبصت عالسرير وهي مبتسمه وعينها فيها دموع
كان السرير محطوط عليه عروسه وظرف وبوكس مليان ورد وشيكولاته. وعليهم كارت
مسكت العروسه بسرعه وهي مبسوطه فضلت تمشي ايدها علي شعرها بهدوء وقربت ايدها للظرف لقيته في فلوس اعدت علي حرف السرير ومسكت البوكس وهي بتمشي ايدها علي الورد وفتحت الكارت تشوف المكتوب فيه..وهي دموعها نازله
**
زين…صباح النور يا احلي حاجه في عمر زين كل سنه وانتي طيبه و معايا وفي حضني ديما عارف انك مضايقه من حاجه بس أول مره مبقاش عارف ايه هي ومش عارف لو انا اللي زعلتك من غير ما اقصد بس الاكيد اني مش عارف زعلتك في ايه أنا اسف لو زعلتم بس ده ميمنعش اني مخاصمك عشان الطريقه اللي اتكلمتي بيها بس هنأجل خصامي الوقت اصل اكيد هتصالحيني بالطريقه بتاعتي😉
مش عايز اشوفك زعلانه او مضايقه عشان يومي كله بيبوظ وانتي مضايقه بحبك يا وعد وهفضل احبك لاخر يوم في عمري…كل سنه وانتي ديما سعيده ومبسوطه كل سنه وانتي جوه قلبي.العروسه دي لبنوتي والفلوس عديتها اما الورد والشكولاته مش بتوع بنوتي بحبك..
طول الوقت ده كان واقف زين علي باب الاوضه وساند

بعد اخر جمله شافتها وعد كشرت وشها تاني وهي بتتكلم بصوت مسموع.
امال بتاع مين البوكس ده
زين…بتاع حبيبتي ومراتي 😉
بصت وعد وراها بسرعه لما سمعت صوته واتصدمت لما لقيته سمعها لكن بسرعه جريت عليه دخلت جوه حضنه
حضنها زين بحب وكأنه حاضن طفلته الصغيره
زين…كل سنه وانتي طيبه
غمضت وعد عينها وهي بتتنهد جوه حضنه
خرجها زين من حضنه وهو ماسك وشها بأيده..
زين…بحبك ياوعد
وعد…بدموع البوكس بتاعي صح
أبتسم زين بحب وهز رأسه بهدوء
وعد…كنت هقتلك لو لحد تاني
ضحك زين ورجعها لحضنه تاني
زين….هو انا ليا حد غيرك اصلا
خرجت وعد من حضنه وهي مبسوطه وبتهز راسها..ولا انا ليا غيرك بحبك يا زين
زين…عارف وكمل بخبث أينعم كنت هدي البوكس ده لهنا بس يلا مش مهم خديه انتي
بصتله بغضب سريع….اه يبقي احساسي صح
ضحك زين….اممممم اهو انا الوقت بقي عرفت سبب عصبيتك وزعلك يمكن حسيت ده لما كنا بنفطر مع بعض عند حاج سعيد بس كدبت نفسي وقولت يمكن مضايقه من حاجه تانيه بس اتأكدت الوقت اني صح
بصت وعد للارض باحراج
رفع زين وشها ليه ولمح دموعها اللي نازله
مسح زين دموعها.
زين….وعد انا جيت الدنيا دي عشان احب واحده بس انتي ياوعد يمكن متصدقنيش عشان طبيعي الراجل عينه زايغه بس انا مش كده يا وعد انا مش بشوف غيرك يا حبيبي انا تعبت عشان اوصلك وبتعب عشان اوصلك وهتعب عشان احافظ عليكي طول عمري مفيش بنت او ست تقدر تاخد جزء ولو بسيط في قلبي غيرك انتي وبس عارف انك بتثقي فيا وبتثقي في نفسك وعارف بردو انك بتغيري زي اي حد طبيعي مش زعلان منك بس لازم تعرفي ان مهما حصل انتي بتاعتي وانا بتاعك انتي وبس بلاش تخلي الشيطان يدخل بينا ابدا عشان خاطري وياريت لو في حاجه ضايقتك مني اي وقت تعرفيني
وعد…بس انت اتعصبت عليا وزعأتلي
زين..عشان انتي عارفه ان الصوت العالي بيضايقني بلاش توصليني أني ازعلك من غير ما اقصد.. زعلانه قوليلي واتكلمي معايا ولو زعلتك هتأسفلك ادام الدنيا كلها بس بلاش تزعلي مع نفسك وانا مش فاهم وفوق ده كله تتعصبي وتعلي صوتك طبيعي هتعصب لاني مش فاهم…
وعد…بس انت زعلتني وطول الوقت كنت متجاهلني وعدي كذا يوم ومحاولتش حتي تشوف مالي
زين….عشان انتي كمان زعلتيني يا وعد و بعدين انتي عارفه طبعي بحب اسيبك تهدي لو زعلانه وبحي اندي خالص لو انا اللي زعلان عشان مينفعش نتكلم واحنا مضايقين المشكله هتكبر بس مقدرش افضل بعيد وحشتيني ومينفعش يدخل علينا العيد والقمر بتاعي زعلان
وعد….انا اسفه يا زين متزعلش مني
زين…وانا مش عايزك تتأسفي ولا انا زعلان يا قلب زين انتي اللي متزعليش مني وانا اسف لو ضايقتك مقصدتش اتجاهلك لا يوم الفطار ولا الايام اللي فاتت ولو علي كلامي مع هنا كان مجرد كلام عادي مجامله مش اكتر وكان ادامك وادام الكل
وعد…وحشتني اوي اليومين اللي فاتوا كانوا طوال اوي من غيرك
زين….كانوا اطول عليا والله العظيم
وعد….بحبك
زين… لا بحبك كده من غير ما تصالحيني مش هينفع
وعد باحراج يلا امشي علي اوضتك بلاش قلت ادب
زين…انا مش ماشي من هنا غير لما اتصالح
وعد…زين
زين….مفيش زين انهارده بالذات وخلاص قفلت صلي غلطتك بقي وصالحيني
وعد…هو انا زعلتك
زبن…اه زعلتيني لما علبتب صوتك ولما ظلمتيني ولما زعلتني مع نفسك من غير ما تفهميني ولما خلتيني بعيد عنك الايام اللي فاتت شوفتي زعلتيني في كام حاجه
وعد…انت عايز ابه الوقت
زين…صالحيني
وعد…ابتسمت باحراج وبسرعه وقفت علي صوابعها عشان تطوله وباسته من خده
زين…لا مينفعش البوسه دي تبوسيها لبيبي صغير
وعد…بضحك اعمل حسابك ده اللي عندي لو مش عاجبك خلاص خليك زعلان
زين…بقي كده طيب تمام دخل الاوضه جوه وهو بيلم الحاجه
زين…انا بقي هاخد العروسه والبوكس اللي تعبت فيه من الصبح والعديه كمان ومش هسبلك حاجه واقولك هروح اديه لهنا
جريت وعد عليه وهي بتضحك وبتشد حاجتها منه سيب حاجتي هنا ده ايه دي حاجتي
زين…هتصالحيني
وعد…هصالحك بس سيب حاجتي
زين…وادي الحاجه اهي يلا صالحيني
ضحكت وعد وهي مكسوفه ووشها احمر
وعد…علي فكره بقي انت بتستغل الموقف
زين…ايوه انا استغلالي واقولك انا زي ما مديحه بتقول وشي مكشوف وكبرت في دماغي بقي يا وعد مش خارج من الاوضه غير لما تصاليحني
وعد…بضحك زين متبقاش رخم خالتو قربت تيجي وانا قولتلها انك نايم لو جات ولقيتك هنا هيبقي شكلنا وحش
زين….عادي تيجي والله انا في اوضه مراتي وبعدين انا واحد وشي مكشوف يعني مش هيهمني الدور والباقي عليكي هي بس تفتح وتلاقيني اعد في اوضتك وعلي سريرك انتب اللي هتموتي في جلدك
وعد…بضحك علب فكره انا هخاصمك بجد
زين….والله لو عايزه تخلصي مني صالحيني وانا اخرج
بصت وعد للسقف بقله حيله ورجعت بصتله علي فكره انا ممكن اخرج اعد في الصاله واشغل التلفزيون عادي واسيبك هنا لوحدك عادي
ولما خالتو تيجي هتلاقيني بره
زين….بجد طيب تمام قلع زين التيشرت
وعد…بصدمه 😳😳انت بتعمل ايه با مجنون
زبن…ابدا هنام علي سريرك اصل بصراحه سريرك مريح جدا واهو بالمره عشان لما خالتو تيجي تلاقيني نايم علي سريرك وقالع التيشرت وتسرح هي بخيالها بقي هي هارجه وسيباني نايم في اوضتي تيجي تلاقيني في اوضتك وقالع التيشرت
وعد….زين البس والنبي وحياتي عندك
زين…هتصالحيني
وعد…هصالحك والله بس البس
ضحك زين عليها وقام وقف وهو بيلبس التيشرت عالم متجيش غير بالعين الحمرا.
وعد…بس علي فكره انت قليل الادب
زين…عارف يلا صالحيني عشان تحرمي تزعليني بعد كده🤨🤨
وعد…طيب غمض عينك
زين بضحك لا معلش انا بحب اتصالح وانا مفتح
وعد…بضحك متبقاش رخم يا زين
زين…علي فكره كان زمانك صالحتيني بس شكلك عايزه مديحه تيجي تشوفنا متلبسين😉
وعد…ياربي بقي حطت وعد ايدها علي عين زين ووقفت علي صوابعها باحراج وقربت منه بهدوء تطبع قبلتها علي شفايفه بهدوء لكن اتفاجئت بايد زين بتضغط علي وسطها اكتر وايده التانيه ورا رقبتها وبيقربها منه اكتر وبيعمق قبلته بحب وشوق وسعاده حاولت وعد تبعده وتقاوم لكن بسرعه تاهت معاه في عالمه الخاص وأستسلمت ليه بحب بعد وقت بسيط سابها زين وحط راسه علي جبهتها وصوت انفاسهم عالي.
زين…بحبك ياوعد ارجوكي متبعديش عني تاني
وعد كان وشها احمر ومش بترد دقات قلبها كانت عاليه جدا..
باسها زين من راسها وباس ايدها وهو مبتسم علي منظرها ووشها اللي اتحول للون الاحمر.
زين…هدخل اخد شاور ونخرج نفطر مع بعض انا مش هنام تاني خلاص ماشي
هزت وعد راسها وهي مش بصاله
ابتسم زين وخرج وسابها جريت وعد قفلت الباب وسندت بضهرها عليه وهي ماسكه قلبها وايدها التانيه علي شفايفها ومبتسمه..
………..
عامر…بصوت نايم الووو
منار….صحي النوم لسه نايم كل ده
عامر ..صباح الفل يا حبيبي هي الساعه كام
منار…العصر أذن من شويه قوم بقي
عامر…سبيني شويه كمان عشان خاطري
منار…لا قولتلي اصحيك العصر وخلاص العصر أذن يلا قوم بقي
عامر….منمتش كويس والله طول الليل سهران وصلينا وروحنا لكيمو وقبلها بيوم كنت بصور الحلقه انا وانتي وانهارده راجع البيت الساعه عشره مش قادر
منار…مليش دعوه يلا اصحي
عامر….يابنتي اسمعي الكلام ربنا يهديكي سبيني انام
منار…لا مش سيباك
عامر…انتي عايزه ايه
منار…عيزاك تصحي زهقانه
عامر….ما احنا هنتقابل بليل سبيني انام عشان بليل اكون فايق
منار…..لا مليش دعوه 😔
عامر…بأبتسامه حب هو انا ليه حاسس اني بكلم بنت اختي متبقيش رخمه بقي
منار….خلاص روح نام يا عامر واظبط موبايلك عشان مش هصحيك
عامر…مش هتصحيني
منار…اه

عامر…اهون عليكي
منار…اه مانا بتحايل عليك وانت مش راضي تصحي يلا روح نام خلي النوم ينفعك
عامر…والله مش قادر
منار….طيب خلاص روح
عامر….خد نفس طويل وقام رفع نفسه وولع سيجاره
عامر…..خلاص يا ستي انا صحيت معاكي اهو
منار….بس انت تعبان 😔
عامر…بت انتي عايزه مني ايه قولت انام زعلتي قولت اصحي بتقوليلي انت تعبان عايزه مني ايه
منار….عيزاك تصحي معايا ومش عيزاك تنام وتسبني
عامر…ودي اعملها ازاي بقي
منار….مش عارفه
عامر…مالك زهقانه كده ليه
منار….مش لاقيه حاجه اعملها بابا نزل يصلي العصر وماما خلصت الغدا ودخلت تنام شويه وانا مش لاقيه حاجه اعملها
عامر…بضحك اه فا قولتي مفيش غيري ترخمي عليه صح
منار….اه صح
عامر….وانا موافق يا ستي وحشتيني
منار….انت اللي وحشتني
عامر…بجد
منار…بجد
عامر…طيب بقولك ايه قومي البسي و جهزي نفسك
منار…😳 ليه
عامر…انتي مش زهقانه انا هاخدك ونخرج نتمشي شويه وبالمره نجيب الهديه بتاعت كيمو واحمد انا موصي عليها وخلصت خلاص نروح نجيبها سوا
منار….بجد بس بابا مش هنا وماما نايمه
عامر….ملكيش دعوه انتي حضري حاجتك وانا هتصل بحاج سعيد اعرفه
منار….بحبك يا عامر
عامر….وانا بموت فيكي يا قلب عامر
منار….طيب متأكد انك مش عايز تنام
عامر….اه متأكد مفيش نوم طول ما حبيبي زهقان
ابتسمت منار بحب ربنا يخليك ليا
عامر…ويخليكي ليا ياقلبي يلا قومي اجهزي وانا هاخد دش سريع كده وهخرج اكلم حاج سعيد واه صحيح متتغديش عشان هنتخدي سوا
منار…بفرحه ماشي
عامر…يلا باي
منار…وهي بتنط من عالسرير بفرحه باي.😍
……….
في شقه يوسف
مريم خرجت من المطبخ ومعاها طبق في كحك وبسكوت العيد
مريم …خدي ياروحيه كلي كحك العيد لحد ما الغدا يخلص
خدت روحيه من الكحك كلت باعجاب الله حلو اوي انتي اللي عملاه
مريم….ياروحيه ده الكحك اللي عملنا كلنا مع بعض وابله فاطمه هي اللي ادتهولي
روحيه…وانتي متعمليش ليه يابت شكلك خايبه ومبتعرفيش😒
مريم…بضحك تصدفي بالله انا غلطانه اني جبتهولك ومش هجبلك حاجه حلوه تاني بس🙄
روحيه…خلاص خلاص تسلم ايدك جميل اوي
مريم…بضحك بتاخديني علي اد عقلي ياروحيه ماشي مقبوله منك بقولك ايه
روحيه…بصوت واطي ايه
مريم…تعالي ندخل نرخم علي يوسف ونصحيه
روحيه…يوسف مين يا بت ابنك
مريم…ابني ايه يا روحيه ده جوزي وابنك
روحيه…ابني انا
مريم…اه
روحيه…وعايزه ترخمي علي ابني ليه يا مزغوده
مريم…بضحك الساعه داخله علي اربعه نصحيه عشان يقوم نتغدي بقي كفايه نوم وعشان شويه وهنروح عيد ميلاد ولاد توته
روحيه….هناكل تورته🤔
مريم…اه تورته وحلويات وحجات اد كده
روحيه….وهنرقص
مريم…نرقص بس ده احنا هنخربها ونرقص انا وانتي لد كده
روحيه…انتي يابت شكلك طيبه
مريم…بضحك وانتي حبيبتي
روحيه…طب يلا نصحي الواد ده
مريم…يلا بينا
دخلت مريم وروحيه براحه الاوضه اعدوا جمبه كل واحده من ناحيه
قربت مريم صباعها براحه من وشه ومشيت عليه براحه وهي بتضحك
حط يوسف ايده بسرعه علي وشه
مريم بصوت واطي..يلا ياروحيه براحه
قربت روحيه ايدها من مناخيره فضلت تمشي ايدها براحه
فضل يوسف يهز راسه ويمشي بايده اللي علي مناخيره
ضحكت مريم وروحيه
فتح يوسف عينه وابتسم لما شافهم
يوسف….بتعملوا ايه
مريم…بنصحيك😂😂
يوسف…بتتفقوا عليا ياروحيه
روحيه….ايوه يلا ياولا قوم اصحي
يوسف….بحب عايزه مني ايه ياروحيه
روحيه…قوم عشان ناكل ونروح ناكل التورته ونرقص البت مريم اللي قالتلي كده
يوسف….بص لمريم ملاقتيش غير روحيه وتجبيلها سيره الرقص اهي مش هتسيبني
مريم…قوم بقي الساعه اربعه يادوب نتغدي واظبط الدنيا ونجهز
يوسف…طيب ما تعملي فيا جميل وسبيني شويه كمان
مريم…لا ولا شويه وهسلط عليك روحيه
يوسف…بقت كده
مريم…اه لو عاجبك يلا باورحيه فضلت مريم وروحيه يزغزغوه وهو يضحك
يوسف…خلاص خلاص صحيت يا مجانين فرهدتوني
فضلت مريم وروحيه يضحكوا

يوسف…ماشي يا مريم مش هعديهالك خلي روحيه تنفعك
روحيه…يلا قوم بقي
قام يوسف اعد وباس راس روحيه
يوسف…خلاص قومت ياست الكل
مريم….يلا قوم خد دش عشان تفوق وهعملك كوبايه شاي علي بال ما احضر الغدا
يوسف…عملالنا اكل ايه انا جعان اوي
مريم….عملالك سمك وجمبري وعملت لروحيه فراخ ومكرونه عشان هي بتاكل سمك اوي
يوسف…بحب ربنا يخليكي لينا حقك عليا تاعبينك وانتي حامل
مريم…تعب ايه يا يوسف ايه الكلام ده ربنا يخليكو ليا انا اكول اتعب عشانك انت وروحيه
باس يوسف ايدها وبص هو ومريم علي روحيه لقوها بصالهم ومبتسمه
يوسف…بضحك بتضحكي علي ايه ياروحيه
روحيه…شكلكم حلو با واد والبت دي شكلها طيبه ألا هي مين دي يا ولا
بصلها يوسف وسكت وقام مره واحده
يوسف….لا مش وقتك يا روحيه
فضلت مريم تضحك علي يوسف 😂😂😂😂
……….
سهير….صباح الفل
احمد….صباح الفل ياسهير سبتيني نايم كل ده ليه
سهير…يا اخويا ريح جتتك انت وراك حاجه ده انت جاي وش الصبح
احمد…والله كنت مش قادر فعلا اول مره انام كتير اوي كده
سهير….نوم العوفي يلا ادخل اغسل وشك لحد ما اعملك كوبايه شاي بس بلاش تفكر بقي عشان نتخدي
احمد…عملالنا اكل ايه انا شامم ريحه حجات حلوه
سهير….عملالك طاجن باميه باللحمه وملوخيه ورز وشوربه
احمد…الله الله ايه كل ده عملتيه امته
سهير…لا انا شاطره واعجبك اوي
احمد ….تسلم ايدك يارب طلع احمد من جيبه فلوس
احمد….خدي ياستي كل سنه وانتي طيبه عديتك
سهير…بأبتسامه عديتي انا
انا كبرت خلاص عالعديه خلاص بقي في ولاد ادهم وتوته هما اللي ياخدو العديه
احمد…كبرتي ايه بس انتي مبتبصيش في مرايه ولا ايه
ابتسمت سهير باحراج
احمد…كريم واحمد عديتهم وهديه عيد ميلادهم جاهزين انا دي بقي عديتك انتي ياست الكل وطول مانا عايش هتاخدي عديتك زي العيال الصغيره
سهير….انشالله يخليك ليا ويفرحك زي ما بتحاول تفرحني كده علي طول
باس احمد راسها…ويخليكي ليا يارب يلا بقي حضري الغدا مش قادر استحمل الريحه الحلوه دي و متنسيش تجيبي لمون عشان طاجن الباميه
سهير…ياسلام بس كده من عنيا❣️
………..
شهد….لاحه لاحه اصحي بقي يلا
صلاح…عايزه ايه يا شهد
شهد…يلا قوم بقي عشان تاكل حاجه
صلاح….والنبي سبيني شويه كمان
شهد…لا مفيش شويه قوم بلاش كسل مش كفايه انك سايبني من الصبح لوحدي
صلاح…طب وانتي ايه اللي مصحيكي تعالي نامي جمبي
شهد….ومين بقي يعمل الاكل
لو نمت
صلاح…شدها صلاح في حضنه ياستي خليكي بس انتي نايمه في حضني وليكي عليا مش هسألك علي اكل خالص
شهد…بضحك انت مبتشبعش
يا قليل الادب انت
صلاح…بضحك وهو مغمض عينه طب والله انتي اللي قليله الادب ودماغك شمال انا مقصدش كده
شهد…مصدقش
صلاح…والله ابدا ظلمتيني انا عايزك ترتاحي
سهد…لا ياعم انا مش عايزه ارتاح اديني بتسلي وانت نايم بس يلا قوم بقي والله جعانه
صلاح…ماشي ياستي قومت خلاص بقولك ايه قومي افتحي الدرفه بتاعتي هاتي منها الشنطه من غير ما تشوفي اللي فيها
شهد…جايبلي هديه 🙄
صلاح…اه جايبلك هديه
شهد…بفرحه بجد قامت جريت عالدولاب فتحته وخدت الشنطه قام صلاح اعد عالسرير وخد منها الشنطه
صلاح.اعدي وغمضي عينك
غمض بسرعه عينها
طلع صلاح علبه صغيره فيها وقرب من ايدها لبسها خاتم في ايدها…
صلاح…استني متفتحتيش لا ارجع في كلامي
شهد….مش هفتح
قام وقف ولبسها سلسله وقومها تقف
صلاح…خليكي مغمضه وامشي معايا
شهد…انا هقع كده
صلاح…متخافيش انا ماسكك
راح وقفها ادام المرايه
صلاح يلا فتحي
فتحت شهد وبصت عالسلسله وهي بتمسكها باعجاب وبصت علي ايدها
شهد…الله

صلاح…عجبوكي
شهد…حلوين اوي يا لاحه حضنته بسرعه
طبطب عليها صلاح بحب
شهد…ربنا يخليك ليا
صلاح…ويخليكي ليا تعالي لسه الهديه مخلصتش
شهد…في حاجه تاني
صلاح…طبعا انا لاحه يابت
اعدي هنا اعدها علي حرف السرير
ضلاح…بصي بقي ياستي انا اه يعني رومانسي بس بصراحه انتي عارفه اني مليش في الكدب انا مبعرفش ولا بفهم اوي في حوار الهدايه ده الصبح الواد زين وعامر والشباب راحو جابوا ورد وحركات قولت اعمل زيهم وجبتلك الورد ده
بصت شهد عالورد بفرحه ايه ده الله حلو اوي يالاحه
صلاح…شوفتي يابت الشيكولاته😉😉
ضحكت شهد اه شوفت😂😂
صلاح اخر هديه بقي بصي يا ستي انا عارف انك بتحبي الشغل اليدوي وكده وعارف انك عندك هوايه من زمان وبتحبي تعملي عرايس انا بقي جبتلك العروسه دي
خدتها شهد بفرحه
صلاح… وبصراحه بقي انا كنت عايزك ترجعي تعملي ده تاني وتسلي نفسك وكمان كنت ناوي اعملك مفجأه بس يلا هحرقهالك عشان أشجعك عايزك ترجعي تاخدي الخامات اللي كنتي بتشتغلي بيها من عندكم في البيت وتشوفي ايه ناقصك ونجيبه ولو خدتي الموضوع جد يا شهد هظبطلك محل من المحلات بتاعتنا واخليكي تعمليه محل للعرايس بتاعتك
قامت شهد وقفت بصدمه😳 بتتكلم جد يا لاحه
صلاح…اه والله العظيم ارجعي اشتغلي من تاني انتي طول اليوم تقريبا اعده لوحدك وانا تحت في القهوه افضلي اتسلي وظبطي كل حاجه ولما تجهزي بكميه معقوله هظبطلك المحل واخليه احلي محل العاب في السيده وممكن مع العرايس تحطي شويه العاب عشان اكيد مش هتقدري تملي المحل بالعرايس هتاخدي وقت طويل
شهد…..بدموع انت بتتكلم جد والنبي
صلاح…بحب اه والله العظيم بتكلم جد انتي شغلك يجنن وكفايه انك بتعملي لعبه بايدك ومش هتكون موجوده غير عندك وبس…وعشان كده طلع ظرف من الشنطه
صلاح….امسكي الظرف ده عديتك وهو مبلغ كبير شويه عشان تجيبي اي خامات ناقصه عندك وبعد العيد علي طول تبدأي شغل وشهر بالظبط عايز استلم منك اول دفعه في العرايس لو سمحت🤨🤨🤨🤨انا مدير رخم ومعنديش هزار
حضنته شهد وهي بتعيط
فضل صلاح حاضنها
صلاح…يابت بلاش عياط
شهد…ربنا يخليك ليا يا لاحه وميحرمنيش من حنيتك عليا دي ابدا
صلاح…ويخليكي ليا يا احلي حاجه في حياتي كلها يلا بقي شيلي حاجتك وحضري الاكل عشان ناكل
شهد….ماشي 😍
صلاح….ولا اكل ابه الوقت تعالي بس عايزك في موضوع مهم
شهد….بضحك لاحه اتلم اخلص يا دوب نتغدي ونبتدي نجهز
صلاح…تعالي بس مش هنتأخر هي كلها نص ساعه دراسه جدوي سريعه كده😉😉😂
ضحكت شهد وراحت معاه في عالمهم❣️
…………..
نزلت منار لعامر بعد ما استأذن من حاج سعيد..
كان عامر واقف تحت ادام العربيه مستنيها. واول ما لمحها راح عليها
منار…بابتسامه شقيه انا جيت
عامر…🤨🤨مبسوطه وانتي مصحياني كده صح
منار…طبعا
عامر….ماشي يا ستي يلا اركبي
ركبت منار وراح عامر ركب وخرجوا من المكان علي طول
عامر….وحشتيني يا رخمه
منار…بضحك وانت كمان
عامر.. بقولك ايه الحاجه اللي علي الكنبه ورا بتاعتك يلا خديها
بصت منار بسرعه وبرقت😳😳ايه كل ده
عامر…اياك يتمطر مش عايزه تسبيني نص ساعه وانا اعد من الصبح بلف عشان اجبهملك
منار الله طب انا عايزه اشوفهم ومش هعرف
عامر …بابتسامه استني اشوف مكان اركن فيه وشوفي براحتك ياستي
منار….ماشي😍😍😍
ركن عامر العربيه في مكان فاضي
عامر….يلا شوفي
فتحت منار الباب ونزلت ركبت ورا لف عامر وفضل يبص عليها وهي بتتفرج خدت الورد حضنته بفرحه😍😍
ومسكت الكارت اللي في الورد فتحته.
عامر….كل سنه وانتي معايا ومنوره حياتي كل سنه وانت ناجح بوجودك كل سنه وانتي سعيده كل سنه وانتي جوه قلبي كل سنه وضحكتك مابتفارقش عيونك بحبك يا منار ونفسي نكون مع بعض في اقرب وقت …بحبك يا مجنونه❣️
بصتله منار بحب وانا كمان بحبك اوي
مسك عامر ايدها بحب قربها من شفايفه وباسها بوسه طويللللله
غمضت منار عينها بفرحه
عامر….يلا كملي
فتحت شنط طلعت منها عروسه لابسه فستان ابيض
منار…جميله اوي
عامر….بس صاحبتها اجمل بزمتك مش شكلك
منار…بابتسامه اه شعرها😍
فتحت شنطه تانيه لقت فيها مجموعه الوان وادوات رسم جديده
منار…الله بجد كان نفسي في الفرش والالوان دي اوي

عامر…اي خدمه😉
فتحت بوكس صغير لقت فيه مجموعه كبيره من صورهم مع بعض والبوكس مليان شيكولاته
منار….ايه ده الصور دي انت صورتهالي ازاي
عامر…بضحك انا اي وقت بنخرج فيه او بنتجمع بلقطتلك صور وانتي مش واخده بالك
منار…بفرحه حلويين اوي ياعامر
وفتحت اخر بوكس صغير لقت فيه فلوس كتير بصتله
عامر….دي عديتك كل سنه وانتي طيبه
منار….بس ده كتير اوي
عامر…مفيش حاجه كتير عليكي يا قلبي
منار…ربنا يخليك ليا
عامر…مبسوطه
منار…اويييييييي 😍😍
عامر…بفرحه طيب يلا تعالي جمبي ولا هتفضلي اعده ورا مع العروسه وسيباني
منار….حلوه اوي
عامر…طب هاتيها وتعالي
نزلت منار بالعروسه اعدت جمبه
عامر…قوليلي بقي تحبي تاكلي ايه
منار…امممم اي حاجه بصراحه انا حاسه اصلا اني شبعت
عامر…اه خدتي حاجتك وفرحتي وشبعتي وانا اجوع صح يلا يابت قولي عايزه تاكلي ايه🤨
منار…بضحك طيب انا عايزه اكل من ماكدونالدز
عامر…😒😒ماكدونالدز وفي العيد ده احنا هيتعمل علينا حفله من العيال
منار…مليش دعوه🙄
عامر…بابتسامه امري لله يلا بينا هنروح ناكل وبعدين نروح نجيل هديه كريم واحمد ونلف شويه وبعدين نرجع تمام
منار…تمام دور عامر العربيه وطلع ومسك ايد منار وهو سايق بحب❣️😍
………………
فضلت توته راحه جايه وملخومه من غير اي سبب خرج ادهم من الاوضه بعد ما صحي.
ادهم صباح الفل
توته….صباح الفل الساعه خمسه ماشي هنمشيها صباح الفل
تدهم….خليها صباح الجنان احسن😒😒مالك يابنت المجانين
توته….ولادك تعبوني وملخومه اخر لخمه
ادهم…ملخومه في ايه يابت اشحال ان ماكانش العيد ميلاد معمول عند حاج سعيد انتي اللي لاخمه نفسك
توته…طبعا ما انت مش حاسس
ادهم…ماشي يا ستي انا مبحسش في العيال
توته…في اوضتهم نايمين
ادهم….نايمين امال مين اللي تاعبك انتي يابت بتخانقي دبان وشك
توته…لا با اخويا لسه نايمين من عشر دقايق اكلتهم وحمتهم ونامو شويه
ادهم…كويس انهم نامو عشان يبقو فايقين بقولك ايه انا جعان اوي حاسس ان عندي هبوط
توته…بلهفه حب طيب حالا يا حبيبي الاكل يكون جاهز كل حاجه خلصانه انا مرضتش اصحيك قولت اسيبك ترتاح
ادهم….انا صحيت خلاص يلا ناكل وهما نايمن كده عشان تعرفي تاكلي
توته…طيب اغسل وشك بلا وظبط نفسك كده وانا ثواني واحط الاكل عالسفره
ادهم….ماشي هخلص واجي اساعدك
توته ماشي.
دخل ادهم الحمام ودخلت توته عالمطبخ تحضر الاكل
وتحط عالسفره
خرج ادهم علي طول وساعد توته في تحضير السفره
ادهم..تسلم ايدك الاكل شكله حلو اوي
توته…بالف هنا يا حبيبي اعد يلا انت كل وانا هروح اجهز الشاي.
مسك ايدها ادهم شاي ايه اعدي كلي سيبك من الشاي الوقت
توته….هحطه عالنار علي طول
ادهم…قولتلك اعدي بعدين لما تاكلي
توته…ماشي ❣️
خلصوا اكل مع بعض سمعت توته ابنها بيعيط
ادهم…روحي شوفيه قبل ما يصحي اخوه وانا هشيل الاكل
توته…ماشي دخلت توته لقت الاتنين صحيو
باعيال ايه نوم القطط ده انتو بيصعب عليكم تريحوني شويه
ادهم من برده….متعبين ولاد كلب طالعين لابوهم اي خدمه قولتها قبل ما تقوليها ضحكت توته عليه وخرجت وهي شايله الاتنين
كان ادهم شال الاطباق دخلت عالمطبخ
انت بتعمل ايه
ادهم…ولا حاجه هغسل الاطباق دي عشان عارف انك بتضايقي من الاطباق في الحوض
توته…لا سيب ملكش دعوه انت انا هخلصهم
ادهم…شششش خلاص انا بغسل هاتيلي بس سيجاره
حطت توته ولادها في الارض وادتهم لعب وراحت جابتله السجاير بتاعته
ادهم…كملي جميلك بقي
ضحكت توته وخرجت سيجاره وحطتها في بوئه وقربت منه بالولاعه تواعله السيجاره بدلع فضلت تولع وتطفي
ادهم….بضحك يابت اخلصي بلاش دلع
توته….بدلع الله انت اللي مش عارف تولع
ادهم….لا ياشيخه😉😉 طب اهدي كده عشان انا ما بصدق ضحكت توته وللعتله السيجاره
توته…يلا اوعي بقي انا هغسل بسرعه
وقفت توته مكانه تغسل الاطباق وقف وراها حضنها من وسطها وهي بتغسل
ادهم…بحبك يا توته
سابت توته الاطباق ولفت ورفعت ايدها علي رقبته

توته….وانا بحبك اوي يا ادهم
قرب ادهم من شفايفها 😍
وبعد وقت بسيط سابها وبصوا تحت رجليهم لقوا احمد وكريم واقفين يبصوا عليهم وبيضحكوا
توته….بضحك اتفضحنا
ادهم…بتعمل ايه يا ابن الكلب انت وهو 😂😂 جري ادهم وراهم وهما جريوا براحه
توته…وقفت توته تضحك براحه يا ادهم احسن يقعوا😍😍😍😍😍😍
عدي الوقت بسرعه وابتدا الجميع يجهزوا وبعد وقت بسيط جه عامر ومنار طلع الجميع معادا الشباب كانوا واقفين تحت البيت لسه واقفين يضحكوا ويهزروا مع بعض ويشربوا سجاير قبل ما يطلعوا وابتدت اصوات الاغاني تشتغل من فوق السطح في الوقت ده دخلت بوسي الحاره بعربيتها ركنت وبمجرد ما شافت الشباب وصالح وسطهم بعد وقت طويل طال من البعد حست بقبضه في قلبها وكان نفس الشعور عند صالح بصوا الشباب كلهم لبعض وفضلوا يبصوا لصالح وبوسي اللي وقفت بالعربيه مش قادره تنزل وعينها علي صالح..
اما صالح اللي كان بيقول ديما انه نسيها خلاص وخرجت من حياته كان مشتاق يشوفها وحشته وبيكابر ومش قادر يعترف بده حس ان قلبه اتخطف اول ما شافها وبسرعه بعد وشه عنها في اتجاه تاني
نزلت بوسي اداهم فتحت شنطه العربيه تخرج الهدايا راح عليها ادهم
ابتسمت بوسي وهي عينها بتروح وتيجي علي صالح اللي داري وشه عنها عشان محدش يشوف عينه اللي فضحاه.
ادهم…بوس بوس وحشاني
بوسي…انت اكتر يا ادهم كل سنه والولاد طيبين
ادهم…وانتي بالف خير تعبتي نفسك ليه
بوسي…تعب ايه بس دول ولادي
ادهم…طبعا هاتي عنك ويلا اطلعي احنا طالعين اهو
بوسي…ماشي
طلعت بوسي قبلهم وفضل صالح عينه عليها لحد ما اختفت

يتبع…

• لقراءة الفصل التالي : اضغط هنا
• لقراءة باقي حلقات الرواية اضغط على (رواية 30 يوم حياة 3)