رواية نور الفصل التاسع والعشرون 29 بقلم سماح عزت

رواية نور الفصل التاسع والعشرون 29 بقلم سماح عزت

رواية نور البارت التاسع والعشرون

رواية نور الجزء التاسع والعشرون

رواية نور الحلقة التاسعة والعشرون

وقع الجد عبدالله مغشى عليه وتجمعت العيله كلها حوله
اياد: بابا بابا .. قوم يا حبيبي
حامد: شيلو معايا بسرعه لازم نوديه المستشفى
جاء فهد وحمله وفتح احمد العربيه واخذوه على المستشفى
احمد عند الاستقبال: عايزين دكتور بسرعه
رجل الاستقبال: يا راضي وصلهم عند دكتور اسماعيل
عند الدكتور: هدخله العنايه المركزه
فهد: ماله يا دكتور
الدكتور: جتله ذبحه صدريه
احمد: طب وهو يا دكتور عامل ايه
الدكتور: ندخله العنايه وهنديله العلاج وان شاء الله يبقى بخير بس كنت عايز استفسر عن حالته المرضية
احمد: ثواني وهتلاقي أبنائه هنا وهتعرف منهم كل حاجه
بعد شويه
حامد: ها يا احمد عملتو ايه
احمد: الدكتور بيقول أنه عنده ذبحه صدريه
محمد: ايه وهو فين
فهد: في العنايه
حامد: انت السبب في كل ده مش هسيبك غير وانت في السجن
حور: فهد ملهوش ذنب انا السبب انا اللي جرحته مكنش ينفع انفعل واقول اني بنت هايدي
الجده: لا يا حور انتي مش السبب ولا فهد وريم السبب
حور: تيتا انتي جيتي ليه انتي تعبانه
الجده: لازم اجي ولازم افضل مع جدك ده سندي وقوتي في الدنيا
حور: انا اسفه يا تيتا انا لو كنت أعرف أن جدو هيتعب مكنتش اتكلمت
محمد: لا يا حبيبتي انتي المفروض كنتي قولتي من اول ما عرفتي
الدكتور: حضرتكوا عائلة المريض
حامد: ايوه احنا

الدكتور: هو المريض كان بيشتكي من اي مرض مزمن
محمد: لا معندهوش حاجه
الجده: لا عنده
حامد: ماما الدكتور يقصد مرض مزمن مش أنه تعبان دلوقتي
الجده: عارفه ايوه يا دكتور كان عنده السكر والقلب
الدكتور: تمام شكرا لحضرتك
محمد: انتي ليه قولتي للدكتور كده يا ماما وبابا مبيشتكيش من حاجه
الجده : مش معنى أن ابوك مش بيشتكي أنه مكنش مريض ابوك من بعد موت محمود تعب ومن بعدها عرفنا أنه جاله السكر وبعد هروب هايدي كان عنده امل أنه يلاقيها بس بعد ما وصله أن هايدي سافرت وأنه خلاص مش هيلاقيها تعب ولما راح المستشفى الدكتور قالنا أنه عنده القلب وابوك حرج عليا أن محدش فيكو يعرف أنه عنده القلب ولا السكر عشان مكنش عايز يقلقكوا عليه
اياد: يعني السنين دي كلها كان بابا تعبان واحنا منعرفش اي حاجه
الجده ببكاء: ابوك خسر صاحب عمره وخسر بنته الوحيده وكان عنده امل أنه يلاقيها بس خلاص الامل راح انا كنت عارفه أن بنتي ماتت عارفه أن هايدي مستحيل تبعد عننا السنين دي كلها عارفه أن بنتي كانت خايفه تبص في وش ابوها بس مستحيل تبعد كل السنين دي انا عرفت ان ده مش خط بنتي وان مش هيا اللي بعتت الجواب ده انا اللي كنت بذاكر ليها وانا اللي كنت براجع معاها كل حاجه مش هعرف خطها بس كنت لما اجي اقول لابوك أن هايدي ماتت كان يرفض ويقولي هيجي يوم وترجع هايدي عشان كده كان متعلق بنور اووي لأنها شبه هايدي اووي وكنا فاكرين انك نسخه من نور اتاريكي نسخه من هايدي

حور: ببكاء انا اسفه
الجده وهي تحتضن حور: انا اللي اسفه على كل الوقت اللي قضيته في زل واهانه
محمد حامد
الاتنين: نعم يا ماما
الجده: لازم يتعاقب ولازم تدخلوه السجن على كل وقت أذى فيه حور
اياد: يا ماما هو مهما كان هو ابوها ومش هتبقى مبسوطه لو اتاذى
حور: بعد اللي عرفته مستحيل اعتبره ابويا انا عمري ما حسيت معاه بالأمان ولا حسيت أنه بابايا وبعد ما عرفت أن ههو اللي قتل امي مستحيل اسامحه
الجده وهي تبكي: هايدي ماتت مقتوله
حور ببكاء: ايوه هو قالي أنه قالها لانها كانت راجعه ليكوا
الجده ببكاء: لازم تجيبوا حق اختكوا لااازم
ريم: بس في حاجه مش فاهماها
اياد: حاجة ايه
ريم: ازاي جدو سأل على جوز عمتو ولما سأل على ابو حور معرفش أنها حفيدته
الجده: هقولك انا ازاي اللي حصل أن هايدي كانت دلوعة البيت كله كانت البنوته الوحيده في البيت انتي هتلاحظي أن جدك بيحب البنات اووي وبعد ماهي مشيت كان بيقول أنه بيحبكوا عشان معندهوش بنات متعرفيش الكلمه دي كانت بتوجعني وبتوجعه قد ايه
هايدي جات في يوم وقالت انها بتحب واحد وعايز يتقدملها بس عبدالله قالها أنه
فلاش باك

الجد عبدالله: مجاش اتقدم ليه خليه يجي يتقدم
هايدي: اصله يا بابا هو
الجد عبدالله: ماله يا حبيبتي احكي ومش عايزك تتوتري انا مربيكي على الصراحه وانك متخافيش من اي حاجه صح
هايدي: صح
الجد عبدالله: خلاص احكي بقا
هايدي: اصل حضرتك ممكن منوافقش عليه عشان هو فقير
الجد عبدالله: وهو من امتى. الفقر كان عيب يا هايدي
هايدي: يعني موافق عليه
الجد عبدالله: مش لما اسال عليه الاول
هايدي: هو طيب اووي يا بابا وحضرتك هتحبه
الجد عبدالله: خلاص يا حبيبتي قوليلي اسمه وعنوانه
هايدي: انا هخليه يجي يزور حضرتك
الجد عبدالله: لا الاول تجيبي الاسم والعنوان عشان اسال عليه وإن كان كويس ومحترم معنديش مانع للجواز
هايدي: ربنا يباركلي فيك يا احلى اب في الدنيا
الجد عبدالله: بس عندي طلب
هايدي: ده انت تؤمر
الجد عبدالله: متعرفيهوش اني هسال عليه
هايدي: حاضر

الجد عبدالله: قولي الاسم بقا
هايدي: هادي محمد الشناوي عنوانه *********
الجد عبدالله: خلاص يا حبيبتي هسال عليه وابلغك رأيي
هايدي: تسلملي يا حبيبي
الجد عبدالله: روحي يلا اتغدي وشوفي مذاكرتك انتي داخله على امتحانات ومش عايز تشغلي بالك باي حد وهادي لازم تسيبك منه وتذاكري عشان مجموعك انتي ثانوية عامة ولو حصل نصيب هتتخطبي وبعد الجامعه يبقى الزواج
هايدي: ماشي يا حبيبي
بعد ما هايدي مشيت
الجد عبدالله: محمد
محمد: نعم يا بابا
الجد عبدالله: عايزك تسالي على هادي محمد الشناوي وعنوانه*** شوف أخلاقه واهم حاجه أهله محترمين ولا لأ
محمد: حاضر يا بابا
تاني يوم
الجد عبدالله: ها يا محمد عملت ايه
محمد: بحثت في العنوان اللي حضرتك ادتهولي وملقتش الاسم اللي حضرتك بلغتني بيه
الجد عبدالله: يعني ايه مش موجود
محمد: ده شكله اسم وهمي يا بابا يعني ده مش اسمه الحقيقي ولا ده عنوانه
الجد عبدالله: تمام مش عايزك تكلم اختك في حاجه سيبها لما تخلص امتحانات عشان الموضوع مياثرش على نفسيتها
محمد: حاضر يا بابا

بعد الامتحانات
هايدي: هاا يا بابا رأي حضرتك ايه
الجد عبدالله: مش موافق
هايدي بحزن: ليه يا بابا
الجد عبدالله: عشان هو كداب ومفيش حد بالاسم ده
هايدي: ازاي بس يا بابا ده هو اللي مديني الاسم والكل بينده بالاسم ده
الجد عبدالله: ممكن اعرف مين الكل دول
هايدي: صحابه
الجد عبدالله: شيلي الموضوع ده من دماغك يا هايدي وابعدي عنه وشوفي دراستك الولد ده نصاب ومش كويس وبيكدب عليكي
هايدي: يا بابا انا متاكده أنه بيحبني
الجد عبدالله: لو كان بيحبك صحيح مكنش كذب في اسمه وعنوانه هو خايف من حاجه ومداريها عنك عشان بينصب عليكي
هايدي: لو كان عمو محمود عايش كان هيوافق وكان هيساعدني لكن انت مبتحبش غير نفسك وبس
الجد عبدالله صفعها بالقلم: اطلعي على اوضتك ويكون اشوفك بتتكلمي في الموضوع ده تاني
ذهبت هايدي وهي تبكي فهذه هي المره الاولى التي يرفع عبدالله يده عليها فهي كانت مدللته التي لا يجرأ أحد أن يزعجها
اخذت هاتف غرفتها واتصلت ب هادي
هايدي: الو

هادي: اخيرا سمعت صوتك
هايدي: انت عارف اني كنت بمتحن
هادي: عارف يا حبيبتي قوليلي بقا عملتي ايه في الامتحانات
هايدي: كويسه كنت عايزه اسالك سؤال
هادي: اسالي يا قلبي
هايدي: انت اسمك الحقيقي ايه
هادي: ايه يا حبيبتي ما انتي عارفه اني اسمي هادي محمد الشناوي
هايدي: بابا سال عليك والاسم اللي انت مدهولي كدب انت بتكدب عليا انا مش عارفه ابص لبابا ازاي
هادي بتوتر: انا مرضيتش احكيلك اللي حصل عشان متزعليش والامتحانات
هايدي: تحكيلي ايه
هادي: ابوكي جالي وهددني وقالي اني ابعد عنك وضربني وانا خوفت احكيلك زعلي ومكنتش عايز اوريكي وشي وجسمي من الضرب اللي ضربهولي
هايدي: بابا عمل كل ده ليه
هادي: عشان فقير وهو عايز يجوزك واحد غني
هايدي: ايه مين ده اللي عايز يجوزهولي
هادي: معرفش هو قالي انك متقدملك عريس غني ومبسوط ومعاه فلوس
هايدي: انا مش قادرة اصدق ازاي بابا يعمل معايا كده
هادي: معلش يا حبيبتي هو مهما كان ابوكي وخائف عليكي من الفقر
هايدي: انا مش عارفه اعمل ايه

هادي: انا عندي الحل
هايدي: ايه هو الحل
هادي: أنك تهربي ونتجوز
هايدي: انا مستحيل اقدر اعمل كده انا مقدرش اعيش بعيد عن بابا
هادي: ما هو يا حبيبتي احنا هنحطه قدام أمر واقع وهو اني انا وانتي متجوزين وساعتها هو هيسامحنا ومش هيزعل منك
هايدي: مفيش حل غير كده
هادي: خلاص فهمت انتي عايزاني ابعد عنك خلاص يا بنت الحلال كل واحد فينا من طريق انا عارف انك مش هتنجوزي واحد فقير وانتي غنيه اشوف وشك على خير
هايدي: استنا بس انت فهمتني غلط انا …انا موافقه
هادي: بجد طب خلاص جهوي نفسك كمان نص ساعه اكون عندك وانزلي من الشباك
هايدي: طب ما تخليها كمان كام يوم
هادي: لازم نخلص بسرعه عشان ابوكي لما يلاقيكي مشيتي خيعرف هو قد ايه جرحك
هايدي: طب ماشي هستناك

هادي: اقل من نص ساعه هكون تحت شباكك
في الوقت الحاضر
الجده: وهربت هايدي معرفناش غير لما جدك دخل عشان يصالحها ملاقهاش ولاقها كاتبه رساله أنها هترجع بي كانت لازم تهرب مكنتش هتقدر تبعد عنه وتعيش من غيره ولما جدك سال على ابو حور كان اسم غير الاسم اللي قالته لجدك عشان ده كان اسمه الحقيقي ومعرفش حاجه تانيه
فهد دخل العنايه لعبدالله: انا اسف انا مكنش ينفع اعمل اللي عملته انت كنت بتدور عليا وانا كنت باذيك وباذي عيلتك وبحمي اللي قتلوا ابويا انا اسف مكنتش اعرف انك بتحبه للدرجة أنه يجيلك السكر من حزنك عليه …. كان نفسي نبقى فايق واقولك أن ابن محمود اللي كنت بتدور عليه بس كنت خايف اقولك كده وتحزن على أن ابن صاحبك أتربى في حضن اللي قتله بس اوعدك اني انتقم منه ومن كل اللي اشتركوا في جريمتهم ام كان صاحبك او بنتك

يتبع..

لقرءاة الفصل التالي : اضغط هنا

لقراءة باقي حلقات الرواية اضغط على (رواية نور)