رواية خادمة الصقر 2 الفصل الخمسون 50 بقلم يوستينا سامي

رواية خادمة الصقر 2 الفصل الخمسون 50 بقلم يوستينا سامي

رواية خادمة الصقر 2 البارت الخمسون

رواية خادمة الصقر 2 الجزء الخمسون

رواية خادمة الصقر 2 الحلقة الخمسون

في المستشفى 🤧
كلهم واقفين برا قدام اوضة صقر مستنين الدكتور ..
واول ما الدكتور خرج و كلهم قربوا منه
خالد بقلق / في ايه يا دكتور .. ماله صقر ما هو كان كويس ايه بس اللي حصله
عساف حط ايده على كتف خالد / اهدى بس يا ابني شويه
و بطل عصبيتك ديت
خالد بحده/ اهدي ازاي يعني وانا شايف اخويا بيموت بين ايديا ما تفهمني يا دكتور ماله اخويا
الدكتور / اهدي يا خالد .. وما تقلقش صقر دلوقتي كويس بس انا قلتلك قبل كدة انه لازم يعمل عمليه قلب مفتوح وكتير جدا كلمته علشان نحدد ميعاد العمليه بس هو كان بياجلها
انا عارف ان الايام اللي فاتت كانت صعبه جدا علي عيله الحديدي بس خلاص ما بقاش في وقت ثاني العمليه لازم تحدد النهارده قبل بكره
عاصي بتسرع / خلاص انت مستني مننا راينا مثلا حدد ميعاد العمليه ..حتى لو هتتعمل دلوقتي احنا موافقين
المهم تلحقوه
خالد بحده / لا انا هسفره بره مصر بطياره خاصة لاكبر مستشفى في العالم .
الدكتور / اهدى يا خالد صدقني الامكانيات وكل الاجراءات اللي هتوفر بره .. هتبقي متوفره هنا واصلا الدكاتره كلهم اللي هيتابعوا حالته من بره مصر و اكبر استشاريين
عساف/ خلاص يا دكتور حدد ميعاد العمليه في اسرع وقت ممكن
وفعلا سابهم الدكتور وقرر ان هو يبدا يجهز للعمليه ويستعين بالدكاتره اللازمين لعمليه صقر الحديدي عشان تبقى تحت اشراف كبير .. و امر كمان بحاجزه لحد ما العمليه تتم وطلب ان كلهم يمشوا ويسيبوه وما تبقاش معايا حد الا خالد بس ..

في الشارع تحت المستشفى ✨
جميله كانت واقفه بتعيط هي وقمر كلهم حواليهم
نغم / انا مش فاهمه انت بتفولي على الراجل ليه يا قمر ..
ما الدكتور قال ان هو زي الفل ولما يعمل عمليه هيبقى احسن بطلي بقى نكد
قمر بعياط/ انتوا عايزني اروح ازاي وانا سايباه في المستشفى هنا لوحده ..قلبي مش هيطوعني اعملها ما تتكلم يا معاذ هيجيلك قلب تروح الفيلا وسايبه في المستشفى
معاذ وهو واخد جميله في حضنه بيطبط عليها / صدقيني انا واثق ان ربنا مش هايخذلنا واحنا في ايام مفترجه واكيد صقر لما يعمل عمليه هيبقى احسن وهيقوم بالسلامه
ادهم / عندك حق يا معاذ و انتوا يا جماعه اتفائلوا مش كدة
جميله بعياط / تفتكر يا معاذ بابا هيقوم فعلا ويبقى كويس
فهد / ايوه طبعا هيبقى كويس وهيقوم
يا جماعه احنا لازم نكون ايجابيين ما ينفعش نبقى بالمنظر ده ابدا . احنا هنقسم نفسنا لحد ما صقر يقوم من المستشفى كل يوم حد يقعد معاه
عساف / صح يا فهد ودلوقتي الوقفه دي ملهاش اي لازمه خالص .. اتفضلوا بقى يلا يا فهد انت و معاذ خذوهم
و روحهم على البيت.
جميله / لا انا هفضل شويه عشان خاطري يا عمو
ادهم / خلاص يا عساف سيبها وانا هبقي اروحها .
وفعلا بعد محاربات كثيره كلهم روحوا وما تبقاش قدام المستشفى الا ادهم وجميله ومعاذ اللي كانوا علي اتصال بخالد و طمنهم ان صقر فاق و بقي كويس و كلمهم .
عساف كان واقف جنب المستشفى بس بعيد شويه لان
ما كانش قادر يروح هو كمان وبصدفه لمح عاصي قاعد في العربيه بتاعته استغرب قوي وجوده لأن افتكره انه مشي وراحله وقعد معاه فعلا واتفاجئ ان هو بيعيط

في العربية
عساف باستغراب / ايه بتعمل هنا ايه يا خالتي مش انت
قلت انك هتروح برده الفيلا لاختك وجوز اختك
عاصي وهو بيمسح دموع /لسه ما بقاش جوزها يا عم
عساف باستغراب/ يعني سايبهم في فيلا طول بعرض لوحدهم لا عيب عيب
عاصي / انت عايز مني ايه عساف ما انا سايبك و قاعد بعيد عنك اهو
عساف بابتسامه / عايز اعرف بتعيط ليه ..خايف عليه ازاي وانت ما تعرفوش
عاصي / اهو اللي ما بعرفوش دوت وقف معايا واقفه اقرب الناس ليا ما وقفوهاش
وبدا عاصي يدمع بوجع وقال / انا اعتبرته عمي قوي صقر
لو جراله حاجه هحس اني بقيت يتيم بجد و هفقد الامل بعد ما لقيته
عساف اتاثر اوي بكلامه و قرب من عاصي اخده في حضنه وقاله / بقولك ايه انا ما بحبش الرجاله اللي بتعيط بحسهم كده مايصين اه استرجل كدةوما تعيطش اكيد ربك مش هيخزلنا يعني
بس انا برده اللي شاغل تفكيري ازاي سايب اختك وتامر لوحدهم في الفيلا
عاصي وهو في حضن عساف قعد يضحك / هو احنا في ايه ولا في ايه بس حرام عليك والله ….
و بص علصي لعساف و قاله / علفكره يا عساف انا بعزك قوي ونفسي تسامحني وتخلي لارا تسامحني
عساف ببتسامه / يعني سايبك طول الفتره اللي فاتت دي كلها قاعد في الفيلا و بتتعامل مع بنتي و واخدك في حضني فيه الاثبات اكتر من كدة اني سامحتك
عاصي بضحك / امال بتعتملي كده ليه انت بتعاملني معامله وحشه قوي على فكره
عساف / لا دي حاجه ترجعلك انت مكتوب على وشك هزقني .. اعمل ايه بقي
و قعدوا يضحكوا هما الاثنين . و بعد تقريبا يومين اتحددت ميعاد العمليه وكان اليوم ده قلق جدا عليهم كلهم اللي من جوه العيله واللي من بره العيله لدرجه ان الخبر ده اتعرف في الجرايد والاعلام وكانت كل الناس اللي اتعاملت مع صقر الحديدي او الغلابه اللي يعرفوه كانوا بيدعوا ليه فعلا من قلبهم .. لانه كان رمز الخير لكل الناس 💜

يلا كفايه نكد واخدكم لما صقر خرج من عمليات و قعد في المستشفى حوالي ثلاث ايام في العنايه المركزه وبعد كده اتنقل لاوضه عاديه وكان صحته الحمد لله كويسه 👀💙
وبعد مرور حوالي اسبوع كامل كان صقر قادر انه يتكلم معاهم وهما كلهم قاعدين حواليه في الاوضه
جميله وهي ماسكه ايده/ امتى بقى ترجع بيتك وتنوره البيت وحش من غيرك قوي يا بابا
كارمن/ بصراحه جميله عندها حق احنا تقريبا ما حدش فينا بينام في اوضته .. البيت دمه تقيل منغيرك اوي يا صقر
ميرا بحماس / ما بلاش طاقه سلبيه بقى ما خلاص هو قام وبقى كويس ووعدنا انه مش هيتعب ثاني ابدا مش كده برضو يا اونكل
صقر بتعب و صوت ضعيف / انا كويس ما تقلقوش وبعدين بقولكم ايه ده العيد بعد بكره انا مش عايز الحزن ده يبقى مرسوم على وشكم ولا ايه يا خالد
خالد /ما تقلقش الدكتور قال انك ممكن تخرج بكره او بعده للبيت وتحت رعايه كامله كمان يعني هتخرج وقت العيد و هنقضيها ..
كلهم ضحكوا على هزار خالد
عساف / انت لسه بتفكر في السهر يا ابني اتلم ده انت خلاص قربت تبقى جد
فهد قاطعهم في الحوار / بعد اذنك لطفلين
خالد بصله بغيظ / تصدق ان انا كرهت العيلين من قبل
ما يجوا اصلا ..في ايه يلا
كريم بتريقه / سيبه يا عم يفرح سيبه احسن مايخيبش خيبتي ويخلف عيل واحد ويطلع عين ابوه
يزن / لاحظ ان كلامك جارح يا حاج انا واقف استني لما اخرج و بعد كدة اشتم براحتك
معاذ دخل الاوضه ومعاه الدكتور واللي شاف الكم الرهيب اللي موجود في اوضه و قال / لا يا جماعه ما ينفعش خالص .. هو اه بقى كويس بس العدد ده غلط ارجوك
اتفضلوا برا

وفعلا كلهم ودعوا صقر ووعدوه ان الاجواء العيد هتمشي عادي خالص لحد ما يخرج بالسلامة وبدا كل واحد فيهم يرجع تاني لشغله
________________________________________________
في المكتب ادهم 😜
كان قاعد وكان عنده اجتماع مع شاهيناز بنت في اواخر ال 20 من عمرها بس كانت لابسه توب ابيض وميكرو جيب وكان شكلها حلو جدا وملفت جدا
شاهي بدلع / انا مش عارفه يا ادهم انت ليه لحد دلوقتي متردد انك تيجي تشتغل معايا
انت عارف كويس قوي اني محتاجاك في الشركه بتاعتي
ادهم وهو بيبص على الورق وبصلها بطرف عينه و ابتسم بتريقة / يعني عايزاني اسيب الشركه اللي انا امتلك فيها اسهم واجي اشتغل معاكي يا شاهي مش شايفه ان دي صعبه شويتين ثلاثه .. وبعدين انا ادهم الحديدي مش اي حد
شاهي سندت دراعها على المكتب واتكلمت بدلع اوفر و قالته/ ما هو علشان كده نفسي تجمعنا اي حاجه انا وانت
مع بعض .. ادهم هو انت ليه لحد دلوقتي مش حاسس ان انا نفسي اقولك حاجه
ادهم قفل الورق اللي كان قدامه قالها / لا طبعا عارف اكيد عايزه تقوللي رمضان كريم او كل سنه وانت طيب لان العيد بكره مش كده برده يا شاهي
شاهي ابتسمت / طبعا هقولك كل سنه وانت طيب بس قولي الاول هو انت هتقضي العيد فين انا بقول انك لازم تقضيه في مكان مميز اوي اوي اوي
ادهم ابتسم بخبث / والله امم طيب يا شاهي متقلقيش انا هقضيه في مكان مميز ..
شاهي كانت بتدلع زيادة / و ياترا فين بقي

ادهم / بقولك ايه ما تخلينا نتكلم في الشغل يا بنت الناس عشان احنا في رمضان …و اتقي الله بقي
شاهد ابتسمت/ وانت يفرق معاك …هو انت بقيت مؤمن فجاه ليه كدة ..جرى ايه يا ادهم
ادهم ابتسم بذهول / هو انتي ليه محسساني ان احنا كنا مقضينها وانا ما اعرفش ….شاهي اتلمي سامعة عشان احنا في رمضان … استني لما يخلص
وضحكت شاهي جامد وفي اللحظه دي ادهم لقه الباب بيتفتح ودخلت جميله وباين على ملامحها الارهاق الشديد وكانت لابسه بنطلون جينز و جميز وكانت حرفيا صفر على الشمال بالنسبه لشاهي
جميلة باحراج / انا اسفه والله يا ادهم ما اعرفش ان في حد عندك …اصل فهد كان واقف بره وقالي خشي براحتك هو قاعد لوحده
ادهم بغل / اه يا فهد يا جزمه ماشي مردودة ليك
احم لا يا حبيبتي ولا يهمك تعالي اعرفك دي شاهي
صاحبه شركات الادعايه .
جميله مدت ايديها لشاهي اللي سلمت عليها بمنتهى الغرور والتناكه وده عصب ادهم جدا..
جميله باحراج / خلاص يا ادهم انا هستناك بره او في اوضه فهد عقبال ما تخلص انا اسفه تاني اني عطلتكم
ادهم مسك ايديها/ لا طبعا خليكي احنا خلاص قربنا نخلص .. تعالي اقعدي انني شكلك مرهق اوي
شاهي بغيظ / يا سلام بس انا كان في كلام كتير قوي كنت عايزه اقولهولك يا ادهم واكيد يعني مش هقولهولك قدام حد غريب

ادهم بغل / لا يا شاهي ما غريب الا الشيطان دي جميله خطيبتي وقريب قوي هتبقى مراتي وبعدين دي بنت صقر الحديدي يعني بنت عمي وشريكه زيها زيي هنا ومن حقها تقعد وتسمع كل حاجة
شاهي / والله طب ده كويس قوي …عموما انا اتاخرت اوي و مضطرة امشي عشان عندي اجتماع ثاني باي باي جميله
وخرجت شاهي من الاوضه وادهم بص على جميله اللي كانت على وشك العياط وقرب ورفع وشها بايده وقالها بخوف / مالك يا روحي بتعيطي ولا ايه ..لو اسلوبها معاكي ضايقك والمصحف الغي كل العقود اللي بينا .. ده لا عاش ولا كان اللي ينزل دمعه واحده بس من عينك
جميله رفعت عينيها الخضراء و بصت لادهم واتكلم بصوت حزين / اصلها حلو قوي يا ادهم هو انت كنت مرتبط بيها مش كده اصلها بتتكلم بعشم قوي
ادهم ابتسم من طريقه جميله معاه في الكلام وقالها
بحب / يخرب بيتك قمر في كل حلاتك يا جميله حتى وانتي بتعيطي .. ايه يا بت البرائه دي طب راعي اني صايم .. اللهم اني صايم
جميله ضحكت وقالتله / بتتهرب انت من السؤال صح على فكره بقى انا مش هزعل منك لو صارحتني يا ادهم
ادهم / والله ادهم ده بيموت فيكي وبيعشق التراب اللي بتمشي عليه وما فيش واحده قبلك ولا بعدك هتملي عينيا .. وبعدين انا عمري ما حبيت ولا ارتبطت بواحده غيرك لاني بحبك من انتي طفله .. و شاغله كل تفكيري
جميله وبصتله بفرحه وقالتله/ بجد يا ادهم ولا بتضحك عليا علشان تراضيني بكلمتين
ادهم/ والله العظيم ما بضحك عليك ويلا بقى امسحي دموعك دي واوعي تعيطي تاني و بعدين مافيش واحدة احلى منك دي معرية نفسها عشان تعجب … ويلا بقى عشان نلحق نروح نجيب طقم العيد بتاع حضرتك
جميلة بحماس / ايوه يلا بقى .. علشان كمان هنعدي على كارمن عشان تيجي تبص معانا علي هدوم
ادهم / اوكي ما فيش اي مشكله خشي بس انت الحمام اغسلي وشك وفوقي كده عشان انا محتاج فهد في موضوع مهم جدا ولازم اكلمه قبل ما نمشي
ودخلت جميله الحمام عشان تغسل وشها وادهم راح بغدر الفهد لانه كان عارف انه بيوقع بينه وبين جميله كعادته .
________________________________________________

في القسم عند يزن 😤
عز / ممكن بقى تبطل عصبية و هدي نفسك احنا عندنا قضيه مهمه جدا .. سيبك بقى من خيري وحمدي انسي كل ده و فكر في مستقبلك يا يزن
يزن ابتسم بوجع /هو انت فكرك ان اللواء حمدي لو طلع هو السبب في كل اللي حصل ده انا هكمل يا عز
عز بستغراب/ يعني ايه مش فاهم
يزن / انا هستقيل يا عز . انا تعبت
عز بصله بصدمة / انت بتقول ايه .. تستقيل اي يا يزن انت اتهبلت يا ابني
يزن / لا يا عز متهبلتش بس انا تعبت .. و قرفت من كل حاجة .. انت عارف ان انا بقيت بكره شكل المكتب ده كل ما افتكر اني عرفت ميرا هنا ومديت ايدي عليها هنا .. انا غبي اوي
عز باستغراب/ انا مش فاهم انت بتفكر نفسك ليه بالمواقف دي فتره وعدت من حياتك ودلوقتي ميرا مراتك ومعاك .. ليه بقى بتضايق نفسك
يزن بوجع / عشان بحس بخوفها وهب في حضني لانها لحد دلوقتي بتنام وبتصحى مفزوعه وخايفه مني يا عز
عز زعل قوي علي صاحبه وقاله / طب ممكن تكون خايفه من ايامها اللي فاتت ومع امها و جوزها مش منك انت يزن
يزن /لا مني انا ..امبارح كانت بتترجاني في حلمها اني محرمهاش من امها… كانت بتعيط وهي نايمه لو بتقولي
انها مظلومه لسه فاكره ما نسيتش وانا مش عارف اعمل ايه
عز /حاول تقرب منها هي محتاجالك قوي انا عارف ان انت ما بتحبش تتكلم عن حياتك الخاصه ومعنى ان انت اتكلمت دلوقتي معايا .. انك مضغوط قوي
يزن /فوق ما تتصور .. نفسي اضرب نفسي مليون جزمه ان في يوم من الايام وجعتها
وفي الوقت دوت دخل العسكري

العسكري / لا مؤاخذه يا يزن باشا بس في واحده بره اسمها ميرا وعايزه تقابل حضرتك
عز ابتسم وقاله / ايه ده هي بتيجي على الريحه
يزن بقلق / ايه اللي جابها هي مش قايلالي اصلا انها جايه دخلها يا ابني بسرعه
وبعد لحظات دخلت ميرا وكانت ماسكه في ايديها شنطه كبيره ومبتسمه يزن قرب منها بسرعة بخوف وحط ايده
على راسها وشعرها/ مالك يا ميرا انتي كويسه في حاجه يا حبيبتي
ميرا بتستغراب / مالك يا يزن .. انا تمام ما فيش حاجه انا بس كنت في المستشفى عند اونكل صقر و قولت اعدي عليك
عز قام من على الكرسي / طيب يا جماعه واضح اني موجود في وقت مش مناسب فلازم استاذن لما تخلص يا يزن بلغني باي باي يا ميرا
وخرج عز من المكتب وقفل الباب وراه ويزن حضن ميرا بخوف وقالها / ايه اللي جابك هنا بس وجعتي قلبي يا بنتي انا قلت في حاجه ليكي او حصلت لصقر
ميرا ضحكت بفرحه لانها اول مره تحس بخوفه كده عليها وقالتله / لا والله هو كويس وانا كمان كويسه يا يزن .. انا بس كنت جايبه حاجه وعايزه اوريهالك فسواق وصلني لحد هنا
يزن وهو بيرجع شعرها لورا / وما كانش ينفع تستني في البيت لحد ما ارجع حبكت يعني في القسم
ميرا بقلق / معلش انا اسفه ايه هتتعصب مني ولا ايه
يزن / لا والله مش هتعصب منك ولا حاجه انت تعملي اللي انت عايزاه وريني بقى الحاجه اللي انت جايباها
طلعت ميرا الشنطه على المكتب طلعت لوحه كبيره متغلفه ويزن بصلها باستغراب / ايه ده ايه اللوحة دي و بتاعه مين اساسا

ميرا بحماس/ ما هو انت ما تعرفش ان انا بعرف ارسم … فحبيت افاجئك واوريك اول لوحه ليا
يزن باستغراب / انت بترسمي بس انا عمري ما شفتك غريبه دي
ميرا/ لا مش غريبه ما اونكل صقر عارف وكان بيخليني ارسم في المرسم بتاعه اللي في الفيلا وبصراحه روحت وريتله اللوحة و قولت لازم اجي اوريهالك انت كمان
وفتحت ميرا اللوحه قدام يزن واتفاجئ ان ميرا رسمت صقر واني رسمها رسم احترافي مش مجرد هوايه
يزن بصدمه / دي حلوه قوي يا ميرا حلوه قوي
و حط ايده علي وسطها و قربها ليه/ للدرجه دي بتحبي صقر .. خدي بالك علشان انا بغير و بغير اوي كمان
ميرا بكسوف / اوعي يا يزن .. كل ده عشان لوحه
يزن ابتسم/ بقولك ايه ما تيجي معايا نروح نشوف هدوم العيد و بعدها نفطر برا انا و انتي و نروح بعدها لصقر
ميرا بفرحة/ ايوة ياريت بقي . احسن اليومين اللي فاتوا دول كانوا صعبين قوي
يزن/ اشطا يلا بينا
و اخد يزن حجاته و نزله هما الاتنين
________________________________________________
يومها بليل 👀
في العربيه معاذ كان حاطط شريط على عيون سيلين
سيلين بخوف/ يا معاذ فك الشريطه دي بقى انا خايفه احسن اقع .. بجد انا بكره المفاجات بسبب الحركات الرخمه دي
معاذ / بطلي بقى فرك ده انتي غريبه قوي بصي انا هفتح دلوقتي العربيه وانزلك بالراحه واهدي ممكن
ونزل معاذ سيلين من العربيه بصعوبه جدا وكان بيحاول يمشيها بس هي مش عارفه تمشي معاه
معاذ باستغراب / انتي يا بنت بتحدفي يمين ليه كده انت محتاجه ظبط زوايا على فكره تعبتني وفرهدتيني يا سيلين
سيلين / هتوقعني يا معاذ والله العظيم انا شاكه فيك انك عبيط وهتوقعني

معاذ بصدمة / انت عبيط ايه قله الادب دي احترمي نفسك
يا بت انت احسن والله العظيم اوقعك في البسين
سيلين خافت قوي ومسكت في معاذ جامد / وحياه امك وحياه امك ما تعملش كده بجد انا بخاف من الميه
معاذ ضحك /خلاص اهدي والله بهزر معاكي
معاذ شال الشريط الملونه من على عين سيلين واتفاجئت انها جوه فيلا وفي جنينه شكلها حلو قوي حتى الفيلا شكلها مبهر من بره
سيلين باستغراب/ الفيلا دي يا معاذ شكلها حلو قوي بس بتاعه مين
معاذ حط ايده على كتفها / هتبقى بتاعه مين يعني بتاعتي انا وانتي .. تعالي بقى لما افرجك عليها من جوه
ولسه معاذ بيشد سيلين لكنها رفضت تروح معاه
وقالتله / طب ليه هو اونكل صقر رافض ان احنا نعيش
معاه في نفس الفيلا
معاذ باستغراب/ لا طبعا بابا مش رافض انا اللي قلت لازم اجيبلك مكان يبقى بتاعك انتي لوحدك فيلا باسمك وكمان علشان
سيلين قاطعته بحده / ومين قالك ان انا عايزه كده معاذ انا وافقت اتجوزك عشان انت وسط عيله وحب انا عشت طول عمري محرومة منه تقوم انت تعمل كده
معاذ ابتسم / ايوه يا حبيبتي ما احنا دايما هنبقى وسطهم بس ايه المشكله لما يكون لينا بيت منفصل
وحاول معاذ يحط ايده على كتف سيلين بس لقه غشوميه منها وقالتله / لا انا مش عايزه اعيش معاك على فراق مامتك ومامتي انا عايزه اعيش معاك وسط صقر و خالد .. ناس بتحب الحياه بجد
معاذ بعد عنها بزعل وملامح الغضب والعصبيه اترسمت على وشه في ثانيه وقالها/ هو انتي هتتجوزيني عشان عيلتي ولا علشان بتحبيني ولا ايه بالضبط

سيلين حست انها استغبت في الكلام وقالت حاجه ما كانش ينفع تقولها وحاولت تمسك ايده بس لقيت ان معاذ بيزق ايديها
معاذ بحده/ انا سالتك سؤال جاوبي عليه انت هتتجوزتيني علشان بتحبيني ولا عشان تبقي وسط واهل وناس ..وبالمره بقى عريس كويس ومحترم ومعاه فلوس و هيعيشك ملكة .. ايه ماتردي عليا
سيلين بتردد / انا بحبك بس حوار مامتك ده بصراحه مخوفني منك قوي يا معاذ .
معاذ بصلها بكره / حوار مامتي .. و ياترا بقي مخوفك ليه
سيلين / مخوفني علشان انا طول الوقت بحاول اخرج نفسي من اي حزن وكابه و اعيش حياه مستقره ونفسي حد يشدني لكده .. بس انت مش كده يا معاذ انت كل يومين ترجع لنفس النقطه تاني ماضي امك مسيطر عليك.. وانا مش هقدر علي كدة
معاذ حس من طريقه كلام سيلين واستهزاءها بمشاعره انه ندم انها عرفت اي حاجه عن ماضي وندم اكتر انه حبها وفي اللحظه دي خرج من الفيلا وركب عربيه ومشي وسابها في الفيلا دي لوحدها ..
_______________________________________________
في فيلا الحديدي 💪
ميرا وكارمن ونسمه كانوا واقفين يوروا صقر الهدوم الجديد اللي هم جابوها
نسمه / بص بقي انا جبت هدوم كتيره اوي .. هدوم تنفع لشهور الحمل
فهد /كل ده بفلوسي والله يا عمي انا فلست
صقر / معلش يا حبيبي تعيش وتدفع وتبسط مراتك بس
هو ايه اللي في وشك ده يا فهد هو في حد ضربك ولا ايه

فهد بص لادهم بغيظ اللي ردله البصه التريقه وقال له / لا يا عمي ما تقلقش ده انا كنت بهزر مع واحد صاحبي بس بعيد عنك ثور .. حاطط رجله مكان ايده يا حرام
ادهم ضحك وحاول ما يبينش ان هو اللي مقصود وقال / اما انا بقى جبتلك حته جلابية عشان صلاه العيد هتعجبك قوي
جميله برقة / اه يا بابا هتعجبك جدا احنا جبنا للعيله كلها
و جابلي انا كمان
كارمن كانت واقفه وبتقلد طريقة جميله / و جبلي انا كمان … يا شيخه هموت علي ربع برودك ودلعك مش عايزة اكتر من كدة
فهد بتريقه / ما تحاوليش ما تحاوليش اصل هي بنت قمر لكن انتي بنت نغم .. فهناك فرق
في اللحظه دي دخلت قمر وهي معاها الاكل بتاع صقر وقالت بحده / هو انتم قاعدين رغي رغي ليه هو مش مفروض يرتاح بطلوا بقى كلام واطلعوا بره
ادهم ضحك بتريقه / نبرت علي دي كمان اهي قلبت
على نغم اهي ..
وفجاه وهم قاعدين سمعوا صوت من البلكونه وبصه واتصدموا من اللي شافوه ..

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية خادمة الصقر 2)