رواية غرام العاشق الفصل الثالث عشر 13 بقلم ميرو أحمد

طول الطريق انهدرزو  خدينا الغذاء  وروحنا

القينا حتي مصطفى قاعد امعاهم قعدنا انهدرزو وناكلو ❤️ 

امع العشيه درنا تشيز كيك و بسبوسه ونسكافي وقهوه  

طلعنا القينا الشباب المكسدين علي تليفوناتهم  

انس ضحك: عليك دلع ياريت ديما عيت جدي امسافرين ???????????? 

رغد: علي اساس مانديروش في بيتنا ضروري من قهوة العشيه بس انت اتنسرف خلي الشارع ايلمك وايوكلك

إيلاف ضحكت  

ايهاب رفع طرف بسبوسه ????:من امديرها

انا رفعت راسي انشوفله

ريهام: مرتك ????

ايهاب ???? :سلم ايدياتك حلوه زي صاحبها  

مصطفى ضحك: تحشم راك مش في بيتك

انس: تي خليه هدا منكلب من الصبح

ايهاب:توا عيب لو شكرت مرتي انتم اطلعو منها شن دخلكم بينا ????

فهد: باهي احني سناقل عايشين في جفاف و حياتنا امرمده مش زيك عسل راعي مشاعرنا تبي مرتك اطلع ارفعها اما هكي قدام كنا تتغزل لنقنا مايصير منها ???????????? 

ايهاب يضحك ايشوفلي ???? تي كان تعرفو نوع العسل الي عايش فيه كان هدا تكرهو الزواج ابروحه ????????????

انس ????: كنك تضحك مانقولو في نكته احني

ايهاب ضحك ????:والله واجعني حالكم تغرفو

مصطفى: حقير تعرف

ايهاب: شكرا نعرف ???? 

وعد: يتسهوكو علي راجلك ????????

انا: ???????? خليه يستاهل عشان يمسك السانه مره تانيه

وعد: لكن ايهبل خايلين علي بعض واضح ايحبك من اعيونه لانه من الصبح امركزه امعا اعيونه ماشالهم من عليك كله وغرام تمشي امعايا انجيب الغذاء يا اما مافيش ???????????? شن درتي في الولد بدا امطرشق وهبل هكي

انا ضحكت ????:والله مادرت شي غير اطروح ايدير فيهم ???? 

وعد: ????????????  

ريهام: شن اتهدرزو ابروحكم

وعد: شي نقرمو في ايهاب ????????

ريهام ضحكت: كنه ياخيا ايهبل داير جو ???? 

وعد:???????? الولد انحرف بدا صايع اختك شن امدايرته

انا ????:كل شي بتحطيه عليا ????

وعد: امالا شنو ???? الولد ماكان هكي

ريهام: صدقتي فيها

نمارق: في شنو

ريهام: علي حركات ايهاب

نمارق:كنه خويا عسل 

وعد: وصايع ????

انا ????:انتي شن حطك عليه خلي راجلي في حاله ????????

وعد ????:هههههه حاسدتك جو تمعشق وتتمعشقون وعلي السرير ساهرون واخر اليل تشقلبون ???????? يانعليا  نبي نزوج

انا نضحك :???????? شن تخرط المطرشقه هدي

نمارق: ???????????? فوتك منها هبله ماتعرفش تدوي زي الناس توا نعزقوها علي اول واحد يخطب ونفتكو منها 

وعد:خزي عليك ياحقيره انبصر خيركم 

إيلاف: هدي منكلبه تبي تزوج خلوها ????

نمارق تضحك واترقص في حواجبها: وين يسو ولا انسيتي

وعد اتفنص لانه قاعدين امع الشباب ممكن يسمعو ????:يا كلبه ضمي فمك يسمعوك خوتي انريح فيها  

 نمارق تضحك:مايسمعوش فينا ???????? 

انا:???? زيدن اضحكن و ديرن شبه لعمركن الشباب امركزين امعاكن

ريهام:???????? اي

انس يضحك:بالله عليكم من امدير القهوه زي وجه ????????

إيلاف ????:انا درتها

أنس ضحك ????: كنها حلوه هكي ???? قريب ايجيني السكر منها

انا: إيلاف هكي ديما اتحبها قهوتها حلوه

أنس: ???????? باهي احني شن ذنبنا نشربو رب مش قهوه هذي حلوه بكل

إيلاف: ماحد ضربك علي يدك وقالك اشربها

ايهاب: اهو وصلك الجواب ???? هني روحك

انس ضحك:????وانت التاني ضروري تزقب في كل شي

فهد: ???? لكن صدقت حلوه القهوه زي حلوتك يا نوتيلا انتي ???? اصلا الحلو ايدير الحلو ????❤️

إيلاف ????: نجك ياذوق مش زي خوك دمه تقيل زي وجه 

فهد: هههههه اي والله مش عارف بكرا مرته كيف تتحمل وجه ???????? 

إيلاف: بكل مفروض يعطوها جائزه عشان بتعيش امع خوك النكد ????

أنس ????:لا كدا اكثير تقرمو فيا قدامكم ????

أيلاف: من قرمك وجاء شورك غير المسكينه الي بتحصل فيك ربي ايعينها

انس ضحك ???? تي ربي ايعينك انتي ????:اي صح ربي ايعينها  

انا انهدرز امع البنات طاحت عيني علي طرف البسبوسه في يد ايهاب ماسكها في يده ايهدرز امع مصطفى جت خاطري فيها بللت شفايفي و بلعت ريقي انشوف في يده نبيها هيا منضرها سفهني ???? 

انا : ايهاب

ايهاب لف عليا بياكل االطرف: نعم

انا ???? خفت ياكله: لالا  

ايهاب ????:كنك

انا وقفت بسرعه مسكته من يده وطلعت بيه برا نسمع فيهم يضحكو ويقرمو فينا

ايهاب مستغرب حركتي: كنك شن في

انا رفعت طرف البسبوسه الي في يده كليته ???????? 

ايهاب ????: غرام

انا امغمضه اعيوني ونستطعم فيها كانها مش توا الي ناكل فيها وحده تاني غير ???? 

ايهاب:شن صايرلك انتي

انا ????:جت خاطري في الطرف البسبوسه الي في يدك

ايهاب ????:مش نفس الي قدامك كان

انا : اي نفسه بس الي في يدك سفهتني اكثر

ايهاب ابتسم ومسكني من خصري وايده التانيه وجهي يتحسس في اخدودي ❤️: اممم ماسفهك صاحبها ولا شنو ????

انا انحرجت حسيت نار ركبت في وجهي: ايهاب توا يطلع حد ايشوفنا

ايهاب ضحك ونزل وجه علي وذني: خلي ايشوفنا ولا انسيتي شن درتي داخل وكيف طلعتيني امعاك

انا ارتبكت :اها ماهو كان خاطري في الطرف الي عندك

ايهاب ابتسم وباسني جنب فمي ????: كنتي تقدري تحكي قدامهم نبي الي في يدك بس انتي تبيني انا ???????? عارف القلب غالب

انا سكتت انشوف لعيونه بحب وفرحانه???? مشكلتي نضعف من قربه ليا ❤️مانتحملش انجي بندوخ ????????وقلبي الي يخبط بسرعه وفاضحني ????

ايهاب ابتسم ???? عارفني ماتكلمتش ولا صديته زي كل مره بلعكس المره هدي هاديه ورايقه

ايهاب ????:ماتشوفيلي هكي ره انولع السياره وانطير بيك ????  

انا ضحكت ونزلت راسي

ايهاب بفرحه ????:يانعليا من الخجلان???? شن صاير اليوم شكله الشمس طلعت من الغرب ولا شنو راضيه عليا اليوم ????????

انا: ايهاب

ايهاب ذيب صاحبنا ????: روح ايهااب قلب ايهاب ???? 

انا: نبي انخش بعد

ايهاب ضحك ودفني ع الساس: لا ياحلوه لين اتخلصي وتدفعي الثمن

انا شفتله :كيف

ايهاب ابتسم بخبث: نبي المقابل

انا رفعت حاجبي مافهمت: مقابل شنو ????

ايهاب رجع خصله شعري لوراء وذني وقرب مني: مقابل بسبوستي نبي بوسه بدالها  

انا احمر وجهي ????:ايهاب شن اتقول

ايهاب مبتسم ونزل وجهه في ارقبتي ايشم فيها ???? طبع بوسه خفيفه علي ارقبتي ورفع راسه ايشوف لعيوني

ايهاب ????:ريحتك اتجنن حبيبي ادوخ مانتحملش الخو قداامي ???????? 

انا قريب انذوخ بين ايديه المشكله مش قادره نمنعه ولا نبعده ❤️

ايهاب ايشوف لعيوني ????:ماتبيش تعطيني بوستي ???? 

انا ????:ايهاب بلا اجنان بعد عني خليني نمشي توا ايشوفونا

ايهاب ????:نبدا مجنون لو خليك تمشي ???? 

انا: ايهاب خلاص

ايهاب ????:لا ي عمري مش خلاص بتعطيني ولا ناخد ابروحي  

انا ضربه بيدي علي صدره:بعد قتلك

ايهاب ????: لا لين ناخد بوستي ولا تقعدي لعند بكرا هكي مافيش مشي

انا ????????: ايهاب

ايهاب ضحك:  قلنا لا ???? 

انا ????:كنك مكار هكي واصلا انا الي درتها  

ايهاب ????:مادخلني ????هيا نبي بوستي بدل البسبوسه  

انا : ايهاب كنك اليوم شن واخد مش طبيعي

ايهاب ????: ناقصني جرعة حنان  

انا ????:وانا شن بنديرلك ????

ايهاب ????:تبي انقولك شن اديري ????????

انا:خزي صايع ????

ايهاب ضحك: والله تفكيرك الصايع شكلك اتفكري في شي تاني انا قصدي ع البوسه

انا ????:باهي بعد الي مانكش صايع  

ايهاب ????:تي ليا ساعه نترجاء في بوسه هو نقدر ناخدها بس نبيها اتجي منك احلى ????

انا: بس وعد اتخليني نمشي  

ايهاب افرح: وعد هي ????????

انا ابتسمت ورفعت روحي عشان نوصل فيه بسته علي خده ???? 

انا:خليني نمشي خلاص  

ايهاب ضحك ????:وين تمشي هدي اتسميها بوسه ???? راني راجلك مش خوك

انا عصبت: لا شكلك انت استحليها خلاص و ،،، سكتني ايهاب بوسه ???? بوسه كانت طويله وهاديه ???? حسيت روحي ارتخيت قريب يغما عليا ???????????? 

ايهاب بعد اشويا مزال فمه قريب من فمي ????:انحبك غرامي

انا رفعت عيني فيه ????:انت ماتحبني

ايهاب ❤️: وربي الي خلقك والي جملك في احسن صوره الي جمعني بيك والي حط حبك في قلبي اني انحبك يا اغلى من روحي

انا دمعو اعيوني نسمع فيه ????????: كذاب انت ماتحبني اتحب روحك بس فكيت روحي منه وخشيت نمسح في دموعي ????

???? فكرت لحضه انه هو بيتزوج بعد اسابيع بيكون امعاها هكي بي ايبوسها زي ويتغزل فيها ???? اصلا بينساني بعد ياخدها عاد من زيه بياخد حبيبته ???????? منو انا اصلا ايفوت في الوقت بيا ويسلا بيا عمره ماحبني ولا ايجي يوم ايحبني فيه ???? لانه هوا اناني ايحب نفسه ومصلحة بس  ????

مسحت دموعي قعمزت امعا البنات وانا عقلي مش امعايا بكل وهن يسمطن مارديت عليهن

.

.

.

.

ايهاب كنت انهدرز امع مصطفى كلمني قتلها نعم قتلي لالا استغربت فيها بعدها وقفت بسرعه ومسك يدي وطلعت امعاها استغربت فيها خفت اتكون صاير حاجه بعدها قتلي خاطري في البسبوسه الي في يدك حسيت بيها غريبه قعدت انابش فيها حسيتها هاديه وفرحانه مش زي كل مره انقرب منها قعدت انابش فيها وطلبت منها اتبوسني قعدت اتهرب مني تبي تمشي ماخليتهاش باستني علي خدي ضحكت عليها وبستها بوسه طويله تقصدت انطول في البوسه حسيت بيها ارتخت بين ايديا قتلها انحبك ❤️قتلي ماتحبني حلفتها قتلي كداب ماتحبني اتحب روحك مشت  صح فعلا انا انحب روحي لانه هيا روحي وحياتي كلها ❤️ بس شن ايفهمها انه هي روحي اني انحبها ليش ماتبي اتصدقني ????ضروري اتخرب لحضات الحلوه ???????????? عنشكلك ماهو اتوا كنا يامحلانا ???? 

خشيت لشباب كانو قاعدين ابروحهم البنات مش امعاهم قعدو اينابشو بالكلام فتتهم

مر الوقت عطيت فهد فلوس جبلنا عشاء تعشينا لمو الشباب والبنات كلنا انهدرزو علي ايام زمان ومقالبنا بعد كنا اصغار  

قعدنا انهدرزو لين قريب الساعه 2 

إيلاف وقفت: اسمعو انا بكرا عندي مدرسه مانقدرش انغيب ايهاب ولا مصطفى واحد فيكم ايوصلني نمشي ننقبر عشان انوض الصبح

ايهاب: تمام توا انا انحطك في طريقي  

انا:طالع بكرا

ايهاب:اي عندي شغل

إيلاف: تمام انا بنرقد تصبحو ع خير

نمارق:مافيكش جو كسدي امعانا عادي لو غبتي يوم مابيصير شي اهو انا ورغد وعد مش ماشيات   

إيلاف: مانقدرش مانحب الدروس يتعرمو عليا 

وعد:مرض طالبة العلم المشكله مش باين عليك وانتي تاكلي في الكتابات اكل

إيلاف ضحكت: شنو تحسابيني زي مدرستك اتنجح بالغش ????

وعد: غير اسكتي انتي مدرستك خاصه وغش وحياه واضحه احني عامة النفس مش واخدينه ???????????? 

إيلاف ????????: وكان خاصه يعني ضروري غش  ???? 

وعد:انتلفي ارقدي خلينا نحنا انهدرزو

إيلاف ????: اقعدي فيها وخشت  

انس كان جنب ايهاب  

انس: برو

ايهاب لفه عليه:نعم

انس بصوت واطي: بالتريس كان اتخليني بكرا انا انوصل ام السان ادير الخير

ايهاب ضحك فهم عليه: ماتقولهاش ????????

أنس:اها ولد عمك طايح ع وجه

ايهاب ????:امتى من ورايا

أنس ضحك: لا من وراك ولا قدامك خلي ايصير منه بسه بنت عمك راسها كاسح ومعنديه ليا شهر نجري وراها نبي اتسامحني ع لقطه شينه درتها وهيا ماتبي اتسامحني تعبتني في جرتها

ايهاب يضحك :???????? مادمها اخت مرتي بتتعب في جرتها مش ساهل ارضهن اسال امجرب ????????

أنس ضحك:شكله امتعبك صاحبنا لا وين غرام هاديه جنب إيلاف مرتك حشوميه وماتهدرز واجد اما ايلاف السانها طويل وهدرازه  

ايهاب ضحك: المهم يجري فيهم نفس الدم عندهن مكر حي عليك حي ???????? 

انس:???????????? غير انحصل عليها وايصير الي في بالي

ايهاب: ههههه شكلك عابي علي شي تاني ره امانه عندي البنت

انس ضحك: كنه عقلك خضر ???????? وين مشا تفكيرك انا نقصد علي انها تطلع اتحبني ياراجل ????

ايهاب:???????????? وانا شن دراني

مصطفى:ره سمعتكم علي اساس اتهدرزو بصوت واطي

انس: ???????? كنك ساكت اصطيفه شنو شاغل بالك

مصطفى: علي اساس بيغير السيره ???????? راني زارق عليك من امتى

انس: بلاش كذب ???????? الي يكدب ربي ايحطه في النار قال هيثم

مصطفى:???????????? ماتخليني انفضح بيك ???? يوم العشاء

انس ????: ضم فمك ياكلب

ايهاب: افضح افضح ياخوي شن صار يوم العشاء

مصطفى: انقول

انس:وربي تفتح فمك اتشوف

مصطفى:تحسابني بنخاف منك

انس:  ضمك فمك البنات يسمعو

ايهاب ضحك: ههههه شن شاد عليه انت

مصطفى: اساله يوم العشاء بعد روحت من المستشفى شن دار

انس ????:ياريتك متت باهي حتي وانت متكسر مانجيت منك وانت اتراقب بسم الله جن هدا ???? 

مصطفى ضحك: ???????? وانا شن دخلني كان صوتك عالي

انس: ???????? باهي توا لو سمحت ضم فمك

قعدو الشبابا اينابشو في بعضهم ويضحكو  

اما في جيهة البنات

انا كانت عهود اتهدرزلي علي حملها وحمها وقعدت تحكيلي علي رساله حمادي وهشام

“”عارفه كلكم تبو تعرفو قصة هشام وشن علاقتة بي حمادي وعهود بس مش توا نعرفو توا ايجي الوقت الي تعرفو فيه كل شي “” 

ريهام اتهدرز امع ندى ونمارق وعد و رغد  

كل اشويا تنسحب بالوحده ترقد لين خلينا الشباب بس  

بعدنا خشو  

طبعا نحنا البنات رقدنا امع بعض في الصاله  

والشباب في المربوعه  

تاني اليوم الصبح 

ريهام فاقت بكري نوضت إيلاف عشان تمشي لمدرستها

إيلاف روحت لبيتنا عشان تلبس  

ريهام خشت لمطبخ عشان ادير فطور لي إيلاف وهيثم الي بعد اشويا بينوض   

ايهاب كان امداير منبه ناض خش لحمام تغسل وتوضا طلع ايصلي بعدها ونوض أنس  

ايهاب:نوض كان بترفع حبيبت القلب  

انس فتح اعيونه بكسل: الساعه كم

ايهاب: 7 وربع هيا نوض انا بنطلع مزال بنمر ع البيت بنغير بنمشي لشغل

أنس قعمز ايصحصح: تمام امنور ياقدر

ايهاب: غير رد بالك

انس: ماتوصي كون هاني  

مصطفى انقلب لجنب التاني: عليك ازعاج من الصبح انا شن جابني راقد امعاكم

ايهاب: غير نوض صلي وانت منخمد

مصطفى: غير صلي انت قبل

ايهاب: انراجي فيك فيك اتقولي ???? هيا نوض انت التاني  

طلع ايهاب وخلاهم ركب في سيارته وطلع مر ع البيت غير ورفع لي روحه لبستين ورفعلي انا كم لبسه حطهم في ساكو اصغير وحطهم في السياره ومشاء لشغله

.

.

.

.

أنس ناص صحصح خش لحمام بسرعه توضا وطلع صلا ومشا لبيتهم ايغير  

.

.

.

إيلاف كملت لبس رفعت شنطتها ولبست اسبيدروها وسكرت باب بيتهم و ردت لبيت جدها خشت لمطبخ لقيت ريهام اموتيه الفطور  قعدت تفطر هي امصبيه  

ريهام: قعمزي افطري

إيلاف: لالا تاخرت البنات راقدات

ريهام: اي  

إيلاف: تمام انا انشوف ايهاب تاخرت  

ريهام: خديتي مصروفك

إيلاف: اي رفعت  

ريهام: تمام بالتوفيق  

إيلاف طلعت رفعت شنطتها الي خلتها ع الباب رفعتها علي خشت أنس هو جاي  

أنس: صباح الورد

إيلاف من فوق نفس: صباح الخير

أنس ????: صبح يافتاح كنك قالبه وجهك

إيلاف: بالله فوتني ايهاب ناض

أنس ????: ايهاب مشا من امبدري مستعجل

إيلاف انصدمت:كذاب كيف انا من امس خبرته ايشيلني  

أنس ????: طلع مستعجل قالي  انت وصل إيلاف

إيلاف: اتبصر انت كيف يمشي وايخليني

أنس: مانعرفش اساليه بعد ايروح ????

إيلاف :اوووف ????

أنس: كنك ماتبي تمشي خلي نمشي انكمل نومتي

إيلاف: لا وين نبي نمشي ???? هيا

أنس:فطرتي

إيلاف: اي وانت

أنس: مانفطرش الصبح انا كان واتيه هيا  

إيلاف:واتيه تاخرت بكل 

طلعو وركبو في السياره وطلعو

انس: نفس مدرسة البنات

إيلاف:لالا مدرسه &&&& في شارع $$$ 

انس: تمام زبطه ليش مش امع البنات

إيلاف: بابا حطني فيها قال اكويسه

انس: اها باهي شنجوك وشنجو القرايا

إيلاف: تمام اهو ماشيه بس الشهاد واعره بكل

انس:بلعكس والله الشهاده فيها جو ومغامرات احلى شي  

إيلاف: اما مغامرات بالله عليك كله اقرايا دج وحفظ ماتعرفش شن ايجيك في الامتحان النهائي

أنس: والله ساهله غير انتي امركبه علي روحك  خلاص هدي اخر سنه واتخشي الجامعه  

إيلاف: غير ننجح وانت طول بطيرني لجامعه

أنس ابتسم ولف عليها: لاني واتق انك بتنجحي زي كل مره الاول ع المدرسه

إيلاف ضحكت: ???????? المره هدي ماضني نزل مستوايا من وراء ابلة العربي حاطه عليا

أنس: كنها حاطه عليك

إيلاف قعدت تحكيله عن مواقف امع ابلة العربي ???????? هوا قريب ايموت بضحك فرحانه الجو قعد تمام وإيلاف اتهدرز عادي

خش أنس من شارع المدرسه وقف السياره

إيلاف لبست شنطتها:الساعه 12ونص انكمل واحد فيكم ايجيني راكم تنسو  

أنس ايشوف في اولاد قدام المدرسه مجموعات في وحدين ايدخنو ايعاكسو في البنت الي اتخش ومجموعه ماسكه تليفوناتهم وايهدرز في حالهم ونص ايخش داخل

انس لف عليها: اصبري ماتنزلي كنهم هذوم ماتقوليش مدرسه مختلطه

إيلاف ????: اي كنها

أنس عصب: ماتقوليش تقري امع الاشكال هدي  

إيلاف: وانا شن دخلني في اشكالهم

أنس: عنجد شن دخلني تي هذوم مفرخه بي اشناباتهم كيف تقري امعاهم ????????

إيلاف: وانا شن دخلني في امهم عليا انجي نقرا وانروح

أنس بعصبيه: كيف عمي ايخليك تقري في مدرسه مختلطه

إيلاف: شن دخلك انت صبح يافتاح

حطت يدها علي بفتح الباب بتنزل

انس ضغط ع البطمه وسكر الباب

إيلاف لفت عليه بعصبيه: انس افتح الباب بلا اهبال

أنس ????:توا اتشوفي الاهبال شنو  

ولع السياره وطار بيها ???? اشويا وطير الولد الي قاص الطريق

إيلاف عصبت ????:انت يامجنون شن ادير رد بيا تاخرت يامصيبه

أنس: تي كيف تقري امع مفرخه اكيد تسهوكي امعاهم ديما ???????? 

إيلاف ????: تي شكلك انجنيت ع الاخر ارجع

أنس بعصبيه: سكري فمك هدا علاش ماتبي اتغيبي ولا عاجبك جوهم مش بعيده امدايره حبيب قلب ???????? 

إيلاف ????: لا انت تخطيت احدودك شن تحساب روحك تحكي عليا هكي ???????? 

انس: إيلاف مانبيش نسمع صوتك

إيلاف :تاخرت ارجع بلا اهبال انس بابا توا يحسابني مشيت لمدرسه رد بيا الله ايخليك  

أنس: ماتناقشيني مافي مدرسه

إيلاف: من انت عشان تحكم فيا تي رد بيا

انس طنشها ورد لشارع المدرسه كانو اولاد دوبهم بيخشو داخل واقف عليهم الاستاذ ايدخل فيهم  

إيلاف فرحت تحساب أنس رجعها

أنس وقف السياره: تعرفي اتحركي رجلك وتنزلي من السياره اقسم بالله نكسرها ليك حدرتك يا إيلاف جربي انتي وحضك

نزل من السياره وفقل السياره ع إيلاف  

نزل انس وخش المدرسه وخش ع المدير في المكتب وخدا اذن غياب لي إيلاف انه عندهم حالة وفاة وطلع ورجع لسياره القي إيلاف اطنش ورقيلها منه لفت وجها

إيلاف:انا بننزل مش بجوك هي وربي انكلم بابا

أنس ????: ارتزعي في مكانك بعد ايروح عمي انا عندي امعا كلام 

إيلاف :شن تبي اتقوله ع الاساس مايعرفش بالمدرسه هو امسجلني فيها اطلع منها انت وشن دخلك بيا وفي حياتي اطلع منها يا اخي كل مره طالع فوجهي مادخلك نقرا امع اولاد امع فضائين امع حيوانات ما دخلك بيا عندي اب يحكم فيا انت من لا خويا ولا بابا عشان اتمشيني بمزاجك

انس ولع السياره وطلع: انا ولد عمك من واجبي نحكم فيك بعد انشوف حاجه غلط

إيلاف: تي حسستني انا جايبتهم ولا لقيني امع واحد ولا واقفه علي واحد انهدرز تي كل واحد في حاله  

أنس بعصبيه: سكري فمك محلاك ودايرتهم وربي نكسر ارقبتك ????  

إيلاف: ماهو انت حسستني كاني دايرتهم شن المشكله كان المدرسه مختلطه

أنس: انا عارفك واتق فيك ما اديري اهكي بس الي شفته بعيني مانوتق فيهم المشكله مش في المدرسه المشكله فيك انتي

إيلاف ????: انا كني شن درت

أنس: مادرتي شي انتي اتهميني مانبيش تختلطي في وسخ هذا توا انكلم عمي ايحولك لمدرسه البنات احسن

إيلاف: شن انحول وانا في نص الفصل والامتحانات قربو كنك مجنون انت

أنس ضحك:اهو قلتيها انتي مجنون معناها المجنون ايدير كل شي  

إيلاف: كله من ايهاب المصيبه كان شالني هوا شن صار

أنس:هههه كنه مسكين تاخر علي عمله طلع بسرعه وربي طيحك فيا

إيلاف: اصلا انا عارفته قيسه صباح احرف الي اصبحت في وجهك ????

أنس ضحك: مية وحده اتمنه اتصبح علي وجهي

إيلاف: للاسف انا مش من الميه ياريت اتخف روحك تمشي بسرعه نبي انروح كان نحساب بيصير هكي ره كملت نومي خير من وجهك المنحوس

انس ضحك عرفها رقيلها منه   

.

.

.

.

.

.

.

.

مصطفى قعد يتقلب النوم طار منه عنشكلهم طيرو النوم

قعمز ايحك في اعيونه ناض خش لحمام توضا وصلا خش داخل ايشم في ريحة القهوه  

خش لمطبخ  القي ريهام في المطبخ

مصطفى:صباح الخير

ريهام لفت عليه: صباح النور

مصطفى: كنك واعيه بكري

ريهام:نضت امع إيلاف وطار النوم قعدت انجهز في الفطور  انحطلك

مصطفى: ياريت والله ريحة القهوه جابتني ???????? 

ريهام قعدت اتحطله في الفطور

مصطفى: شنجوك

ريهام: تمام وانت

مصطفى:تمام ااهو حاصل اندور في شقه اجار

ريهام تتكلم ومتردده: مصطفى انت مش مجبور تتزوجني واتخرب حياتك لو مشكلتك هيثم خلاص ماصار منه الزواج بس ماتخرب حياتك انت تستحق اتعيش امع انسانه انت تبيها

مش مجبور تاخدني

مصطفى وقف جنبها وطفى الغاز: تعالي اشويا نبيك  ومسكها من يدها وفتح الباب المطبخ الخارجي وطلعو كانت في شجره ليم وقفو تحتها  

ريهام ارتبكت بحركته فجاء ومسك يدها  

مصطفى: بحتي يا ريهام انا مافيش حد جبرني نزوجك صح في البدايه جدي فتحلي الموضوع انه يبني نتزوجك وصار نقاش حاد بينا  لاني انشوف فيك زي اختي و مرت خويا حتقعد مرت خويا في نضري طلعت من عند جدي امعصب ركبت في سيارتي وقعدت انلود بالسياره ونجري لين صار الحادث بعد الحادث انس قعد يقنع فيا بالموضوع وجدي كل مره يفتحه و انا ايكون ردي بي لا لين جدي مل معاش حكا الموضوع الا يومها صدمني بعد قال في راجل جاء خطبك الحق افرحت في البدايه انك بتكملي بتعيشي حياتك بس بعد جدي قال هيثم بيمشي امعاك هنا حسيت ب نار واشر علي قلبه حسيت كانه بياخدو ولدي مني ومش ولد خويا انتي تعرفي اكويس كيف متعلق في هيثم وانه فتح اعيونه عليا وانا اول واحد نرفعه بعد جبتيه من وقت جبتي هيثم حسيت انا مسؤل عليه مانبي تنقص عليه حاجه مانبي ايحس بغياب باته زدت تعلقت فيه واجد فكرة انه هيثم ايعيش بعيد عني امع راجل غريب ماقدرتش نتحملها اول شي جا في بالي هيثم ممكن ايعدبه راجل امه نسمع بقصص واجد خفت هيثم ايصير فيه وحده من القصص الي سامعهن بالخص بعد سالت علي الراجل طلع مش اكويس علي اساس سلفي ولحيه وعربيه وايروح اليل سكران طايح علي وجه ممكن الحاجه هدي الي خلتني انوافق نتزوجك الاول هوا هيثم نبيه يتربا قدام عيني وامعايا والتاني انه مانبي بنت عمي حياتها تدمر ساد عشتي 3 اسنين ارمله اتكملي باقي عمرك امع واحد سكار ويضرب وفوقه هوا الي قاتل مرته بالضرب وهي حامل خفت ايكون مصيرك زيها انتي غاليه عليا ومرت خويا مانرضاش اتعيشي في ذل وضرب انتي تستحقي كل الخير لانك ام الغالي ام هيثم باذن الله اتعيشي امعززه امكرمه زي ماك عايشه في بيت بوك مش حتنقصك حاجه لا انتي ولا ولدك

صح كنت طايش وصايع بس مش ح نضلمك امعايا تقعدي في نضري مرت خويا وزي اختي وانا وفقت نتزوجك عشان هيثم ايعيش حياه طبيعية زي اي طفل امع ام واب وانا ح نكونله  الاب الي محتاجه ايكون امعا ويسند روحه عليه ويفرح عنده اب يقدر يفتخر بيه

ريهام دمعو اعيوني ???????? 

مصطفى: بحتي ريهام انا ماحكيتلك عشان تبكي

ريهام مسحت دموعها بطرف عينها

مصطفى: معاش نبي نسمع كلمة انت مش مجبور تتزوجني طلعيها من راسك انا مافيش حد جبرني قررت ابروحي بعد راجعت عقلي وعرف الصح شنو صح صعب نتزوج زوجة خويا بس عشان ولد خويا اندير كل شي حتي لو علي احساب سعادتي  

ريهام ????????: بس هكي انا بنكون انانيه بنظلمك امعايا مانقدرش انفكر فيك ك زوج

مصطفى: ولا نقدر بصرحه وانا ما طلبتش منك شي قتلك في نضري مرت خويا ماتخافيش من الناحيه هدي كل واحد ابروحك وعلي راحتك وانا الزواجه هدي كلها ع خاطر هيثم بس ماتفكريش اني طامع فيك ولاشي تاني انا قبل ما يتزوجك خويا مارفعتش عيني فيك فما بالك مرت خويا وارملة خويا انتي في عيني زي اختي نمارق وندى وبنت عمي ومرت خويا وعلاقتي امعاك مستحيل اتغير نفس قبل 

ريهام سكتت ونزلت راسها

مصطفى: ريهام خلينا نبدو حياتنا واضحه من توا فكينا من جو متحشمه ارفعي راسك مافيش شي بيتغير حياتنا زي ماهي بقعد زي قبل انهدرزو ونضحكو وانبصرو عادي تمام

ريهام هزت راسها كانت متحشمه من مصطفى

مصطفى: لا ارفعي راسك وتكلمي وهدي نقطه مانبيها جو تتحشمي مني خليك زي قبل عادي ماتعدليش

ريهام: تمام

مصطفى: ايوا هكي وين هيثم مزال راقد

ريهام: اي كنت بنوضه قبل ماتجي 

مصطفى: تمام خلينا انردو نوضيه خليه يفطر امعايا

ريهام: به

مصطفى: ناقصك شي محتاجه لحاجه

ريهام: لالا الحمدلله

ردو المطبخ  ريهام سخنت الفطور وحطت لي مصطفى في المطبخ ونوضت هيثم عين امغمضه وعين مفتوحه ???????? 

.

.

.

.

.

طول الطريق إيلاف ساكته وتحرق من داخل من حركة انس كيف ايمشي كلامه عليها

وصلو لبيت إيلاف نزلت وسكرت الباب بالقوه ????

.

.

.

.

.

.

مصطفى:قعمزي افطري

ريهام: صحه انا سبقتك فطرت

هيثم: نبي نني انا

مصطفى شفشفله اشعره: كنك امكسل ???? افطر امعايا

هيثم: ابي ارقد نا ????

وهب خشت إيلاف امعصبه قعمزت جنب مصطفى وخدت الكبايه الي في يده شربتها وقعمزت تاكل بسرعه

مصطفى و ريهام ايشوفلها مصدومين

ريهام: كنك روحتي ???? 

إيلاف تاكل وامعصبه: كله وجه البومه

مصطفى و ريهام مسكو ضحكتهم

مصطفى:من وجه البومه ???????? 

إيلاف بعصبيه وفمها امعبي: ولد عمك البلا الاحرف ????

مصطفى ضحك: ماتقوليش تكيتوها

إيلاف: ادره كبد مابش ايخلني ننزل لمدرسه

ريهام: فهميني شن صار وليش روحتي من مدرستك

إيلاف قعدت تاكل واتخبر فيهم بكل شي وكلام انس

مصطفى انفلق من الضحك ???????? 

ريهام ????: كنك راقيلك انتي

إيلاف: تي هدا كله ماتبي يرقالي ???? تي مريض نفسي يحساب بيفرض شخصيته عليا

مصطفى يضحك: تبي الحق انس امع حق

إيلاف: تي حق شنو انت التاني ????

مصطفى ضحك وشبح ريهام: ريهام ديري حل لي اختك كملت  فطوري انا وهيثم ما كلينا شي ???????????? 

ريهام: ???????????? هي جايه مفجوعه تقول مش فاطره قبل اشويا

إيلاف شافتلهم هم الزوز وقفت بعصبيه: اقعدو فيها باهي وطلعت

مصطفى: مجنونه اختك هذي

ريهام: لكن انس ماليه حق يتحكم فيها كيف يمنعها عن مدرستها

مصطفى بصوت واطي ايوكل في هيثم: هههه الغيره ياحبيبي الغيره ????????

ريهام :شنو

مصطفى: لا انكلم في هيثم مايبي وياكل   

ريهام: شكله مازل يبي يرقد

مصطفى:شكله

ريهام قعدت اتحوس ع المطبخ اتنضف فيه

مصطفى وهيثم فطرو وطلعو برا

ريهام شالت السفره اتنضف فيها وتفكر في حياتها امع مصطفى لكن شبه تريحت بعد حكت امع مصطفى او كلام مصطفى ريحها  

مر الوقت ونضنا ضمينا حوستنا درنا الغذاء

إيلاف جوها متعكر من الصبح رجعت رقدت ???? 

روح ايهاب وحطينا الغذاء الشباب ابروحهم واحني ابروحنا   

اتصل جدي يطمن علينا وقال امروحين بكرا  

فات الوقت مافيش اي احداث كل واحد في حاله

في اليل كنا امكسدين امع بعضنا في الجنان  

انا: تعرفو خاطري في شويات ???? 

انس: اهوا راجلك قدامك

ريهام ضحك: ماتقولي انتي كنك كل مره خاطري خاطري تقول حامل

انا تحشمت وخفت ???? 

إيلاف: بكل صدقتي

انا رفعت عيني جت في ايهاب ايشوفلي كانه يبي يعرف ردة فعلي   انا توترت وخشيت في بعضي ???? 

عهود:ههه انا الي حامل لا تشرطت لاشي ???????? 

انا توترت: خلاص وانتن سكنتو في حاجه انا قصدي لينا زمان عليها وجت في خاطري مادم نحنا ملتمين بس طيرتو النيه بكل  وقفت

ايهاب ابتسم: غير قعمزي ماتقعدش في خاطرك توا انجيب لحم و واشوي ❤️

مصطفى ضحك: ياريتنا زي غرام غير اطلبي وتمني ????????????

انس:  بكل يفصع الرقبه خوك امولي ???????????? 

إيلاف ????: بلعكس ايهاب عسل ومافيش منه غير لقة الصبح ما عجبتني دارها خلاني نركب امع مجنون ومريض 

ايهاب ضحك: نجك ليا كان نحساب بيدير هكي الكلب ره راجيتك حتي كان تاخرت عادي ????????????

إيلاف:  صدقت فيها كلب

انس زقب علي إيلاف وإيلاف قعدت تجري هوا وراها ???????? 

أنس: صار كلب يافرخه توا اتشوفي

إيلاف: ياماما 

لفت تجري واتعيط ???????? هو يجري وراها وايهزب

نحنا متنا ضحك عليهم ????????

إيلاف مسكت في ايهاب داهشه وتضحك : ايهاب امانتك ماتخليش يقرب شوري ????

أنس: تعالي جاي عنشكلك دهشتيني

إيلاف من ورا ايهاب: تستاهل اشويا فيك????????

انس: تي اطلعي ليش متلبده وره ايهاب 

إيلاف:  لانه في واحد مجنون ومختل عقلي هنا انخاف

أنس: ننننن ????  

ايهاب يضحك:???????????? السانك يفرخه ايودرك????

مصطفى: ???????? حي???? عليك جريه جرت بيك

انس التفت عليه: ياريت اضم تاكم اسنونك ????

إيلاف ضحكت: مش قتلكم مريض

أنس قدم جيهة ايهاب 

إيلاف: وراسك ايهاب وقفه 

ايهاب ????:تي شن انوقفه مادم السانك مايبي يسكت

إيلاف: والله نسكت غير يخطاني

ايهاب: خلاص فوتها انس

انس:ماشفتهاش كيف تغلط

ايهاب: فوتها عشان راقيلها منك الصبح عندها حق ادير فيك اشويا

انس: انفوتها توا لكن مش ناسيك

إيلاف ضحكت: المهم ماتقدر اديرلي شي المهم طلعت الكلام الي خاطري هو صح مزال واجد انخاف انقوله نلقاك زاقب عليا بتقتلني حتي ايهام ما ايفكني

ايهاب: يافرخه شن هل السان الي عندك  

انس: ريتها مستفزه البنت

إيلاف: انت المستفز

انا ضحكت: توا لو قعدو هذوم هكي مستحيل ايصير من الشويات

مصطفى: صدقتي هذوم توم وجيري ماتم مشاكلهم ???????? 

ايهاب ضحك: هيا انس نطلعو انجيبو لحم وانت يامصطفى طلع الشويا ولع الفحم علي ما انجو نحنا  

مصطفى:تمام ماطولش

ايهاب: اول جزار اطمن ????????وكر انس من يده

ويمشي بيه

ايهاب: توا انفكم من دوشته عارف ما ايهني روحه ???????? 

إيلاف: احسن ارفعه اول مكب اكناسه حشاك اعزقه فيه ???????? 

أنس رقتله: تي اطلقوني عليها الفرخه

ايهاب شاده من يده ويجبد فيه امعا: تي تستفز فيك قصدا ياغبي اطلع قدامي

انس: تي مش محترمتني بكل سمعت كلامها

ايهاب: حتي انت مش داير ساهل بدل ما اتحكلها عميتها بدل ما اتخليها اتسامحك واترطب الجو تعترفلها ماشي زايد ع النار بنزينه وشعلتها انت وياها من قبل يالله اتليمو امع بعض وانت كل مره امخربها ????

انس بعصبيه: تي شن اندير انحق فيهم رجاله مش مفرخ تانوي ياراجل ايدخنو قدام المدرسه واحد اطول من التاني بي لحياهم انداد فهد واخرا ايعاكسو في البنت الي اتخش اينابشو فيها اكيد ديما اينابشو فيها حتي هي تي دمي فار ماتحملت انخليها تنزل والمفرخ هذوم ياكلوها بعيونهم إيلاف سمحه وجسمها حلو ودمها خفيف والسان ماتنجا من الاشكال هذي اكيد وراها ديما ازح اول مره نعرف تقرا في مدرسه مختلطه  

ايهاب: ماهو صح اتحب صحه لك علي اساس تعرف كل شي عن حبيبتك وانت حتي مدرستها ماتعرفها مفروض تعرف كل شي عنها وعن حياتها

انس: تي غير اتخلني نعرف حاجه عليها بس وهي كل ماتشوف وجهي تنقلب

ايهاب: انت تجاهلها لو قعدت اتنابش فوتها

أنس:شكلي بندير هكي

ايهاب درس علي الجزار خدا لحم  و خدا مشروب وحاجات تانيه

روحو  كان مصطفى امولع الشويا

غسلنا الحم وعطينا الشباب قعدو يشوو

ونحنا درنا نوعين اسلاطه جهزنا كل شي  وطلعنا جنب الشباب انهدرزو ونضحكو  

قعدنا نشو لين قريب الساعه واحد وضمينا حوسة الجنان ???????? كان شافته اجديده اتبره منا ???????? المهم نضفنا اثار الجريمه ???? 

كل مره ينسحب واحد  

انا وقفت بنخش  وقفني صوت ايهاب  

ايهاب: غرام

انا:نعم

ايهاب:…………..

.

.

.

.

.

.

.

.

.

مصطفى:………

…..:………..

.

.

.

.

.

.

كنت في الصاله ابروحي انهدرز امع شروق ونبكي بالعبره ????????

انا ????:كيف تبيني انقوله انا حامل هوا بكرا فاتحته ???????? 

سمعت صوت الباب اسكر التفت ورايا انشوفله بصدمه ????????

ايهاب :………..

يتبع ..