رواية الصفقة الفصل التاسع 9 بقلم مريم خالد

رواية الصفقة الفصل التاسع 9 بقلم مريم خالد

رواية الصفقة البارت التاسع

رواية الصفقة الجزء التاسع

رواية الصفقة الحلقة التاسعة

مراد:انا عندي الدليل يا يونس..
يونس:دليل ايه؟!
مراد:شادو اديتني اسم الدكتور وروحتله..
-من ساعتين فالمستشفى.. –
مراد:مساء الخير.. فين دكتور عصام لو سمحت؟!
عصام:انا دكتور عصام.. خير؟!
مراد:انا جايلك من طرف مدام فريال الشرقاوي.. ودي فلوسك نظير اللي اتفقتوا عليه فحكاية مرض سارة بنتها..
عصام:طب والله فيها الخير.. معقول لحقت تتجوز يونس وتاخد الفلوس بالسرعة دي؟!
مراد:اه تخيل!!
عصام:والله انا كان قلبي حاسس ان الست دي مش سهلة.. اديها ضحكت عالغلبان وخدت فلوسه عشان تسدد ديون بنتها
مراد:الا هي صحيح كانت مديونة ليه؟!
عصام:بسبب خطيبها الاولاني يا سيدي… نصب عليها ومضت على نفسها شيكات ب 10مليون جنيه.. يلا اديها سددت ديونها.. وكلها يومين وتخلع من اللي اسمه يونس دا
مراد:يااه هي مبتطيقهوش للدرجة دي؟!
عصام:يعني هي بتحب فلوسه… لو فضل يديها فلوس هتصبر عليه.. واول ما يبطل هتديله استمارة 6 وتسيبه
مراد:الف شكر يا دكترة والله… مش عارف من غيرك كنت هعمل ايه؟!!
عصام:طب استنى اما اعد الفلوس الاول
مراد:متقلقش… دا اكتر من اللي اتفقتوا عليه..

 

 

 

 

 

 

-دلوقتي فالڤيلا.. –
مراد:وانا سجلتلك كل الكلام دا يا يونس.. وصدقني… شادو من ساعة ما عرفت وهي مش عارفة تعمل ايه.. وضحت بكل حاجة عشان تلحقك من عمتك وبنتها
يونس:لا… التسجيلات دي مش حقيقية… انت مش بتشتغل مع شادو؟!!!…. يعني مصلحتك من مصلحتها….يعني انتوا اتفقتوا عشان تتاكدوا ان اتفاقنا هيتنفذ… انا دلوقتي عرفت يا شادو…. عرفت ايه هي خططتك انتي واصحابك عشان تضمني حقك… وانا اللي صدقت انك واثقة فيا… بس للاسف.. طلعتي بتكدبي عليا… بس انا اللي غلطان… غلطان عشان نسيت انك زمان خدعتيني لما اخدتي deal شركتي وبدأتي عليا حرب… انا نسيت انك شايفاني عدوك.. ولسه بتحاولي تهزميني حتى واحنا مش فالحرب دي
شادو:اول مرة اصدق مثل ان مراية الحب عامية… انت غبي يا يونس… وانا مش هبررلك حاجة… انت حر… عايز تصدق او حتى متصدقش براحتك.. بس انا كدا عملت اللي عليا…. بابا..ماما..بعد اذنكوا..انا هرجع القاهرة..
-بتخرج شادو وهي بتعيط انه فعلا مصدقهاش زي ما فريال قالتلها… وحست انها ملهاش اي قيمة عنده للدرجة دي… وحست انها محتاجة تراجع حساباتها فكل حاجة –
ديما:استني يا شادو… انا مش عايزاكي تمشي… استني لما فريال وبنتها يجوا ونواجههم..
شادو:مش قضيتي يا ديما… انا عملت اللي عليا.. واخوكي اللي اختار
مراد:عقليه يا ديما… دي واحدة مبتحبوش
داليا:انا عارفة ان الجرح صعب عليه… بس احسن ما يتعلق بيها اكتر من كدا وتخذله… وساعتها الله اعلم هيقوم تاني ولا لا
ديما : انتوا عندكوا حق
شادو:اشوفك فالقاهرة..
نيڤين:انا هرجع معاكي انا وباباكي… لينا كلام كتير في بيتنا
-في الڤيلا-
فؤاد:انت فعلا غبي… هي ايه مصلحتها انها تكدب… متبقاش زي العيل الصغير اللي شبطان في لعبة… اكبر بقا وافهم…
سلوى:براحة يا فؤاد… براحة شوية
يونس:لا يا بابا… سارة مستحيل تكون بتكدب
صالح:انا هعرف اتاكد اذا كان الكلام دا بجد. ولا لا .. وانا هقولك تعمل ايه..
-بتدخل فريال هي وسارة مدعية التعب.. –
يونس:سارة … انتي كويسة؟!
سارة:كويسة اني شوفتك..
يونس:سارة… انا قررت اني اتجوزك… انا خلاص سيبت شادو
فريال:بجد يا حبيبي…

 

 

 

 

 

يونس:ايوا…انا كلمت المأذون خلاص…بس انا للاسف بمر بازمة مالية دلوقتي.. ومش هقدر ادفع مهر يليق بيكي.. ولا حتى هقدر اجيب شبكة…
سارة:نعم… ليه ان شاء الله؟!!.. هو انا اقل من الست شادو اللي جبتلها شبكة يجي بمليون جنيه؟!
يونس:لا طبعا يا حبيبتي.. بس انا بمر بازمة و اول ما تعدي هجيبلك كل اللي تحتاجيه..
سارة:والازمة دي هتخلص امتى؟!!
يونس:في حدود سنتين… وممكن اجيبلك حاجة رمزية حاليا لحد ما ظروفي تتحسن
سارة:لا يا يونس.. انا مش هقدر اعيش فمستوى قليل كدا..
صالح:مش هتقدري تعيشي فمستوى قليل ولا قصدك مش هتعرفي تعيشي فالسجن؟!!
فريال:ايه اللي بتقوله دا يا بابا؟!
صالح:اخرسي…. اييه.. بقول الحقيقة… بنتك كتبت شيكات ب 10 مليون… ولو مدفعتش هتتسجن… صح ولا انا غلطان؟!
فريال:جبت الكلام دا منين؟!!
صالح:بقولك ايه… كفاية لوع… انا هعرض عليكي عرض… انا هدفعلك الفلوس.. مقابل ان بنتك تسيب يونس فحاله….
فريال:…. كل الفلوس؟!
صالح:ايوا… ايه رايك يا سارة؟!
سارة:موافقة
يونس:موافقة؟!!….. طب وانا… وحبك ليا… كل دا كان وهم؟!! .. شادو كان عندها حق… انا اللي استاهل..
سلوى:ارجع وراها يا يونس… وخليها تسامحك… لو مكانتش بتحبك مكانتش عملت كل دا عشانك
يونس:مش هقدر اوريها وشي… انا اهانتها اوي
فؤاد: عمرك ما هتتغير… هتفضل تهرب لحد امتى… لازم تواجه انك غلطان…
خديجة:اسمع كلامهم يا حبيبي
فؤاد:انتوا لسه بتدلعوه؟!!!!!…. دا كبر خلاص… هو عيل صغير… بسبب قراراته دي شوفوا وصلنا لايه
ديما:كفاية يا بابا.. هو مش مستحمل
فؤاد:دا واحد فمكانه مكنش استنى لحد ما نتحايل عليه وكان جري يصلح اللي هببه… بس نقول ايه… عيل متدلع وتافه
-بتصعب يونس عليه نفسه… فبيمشي ويسيبهم ويتحرك بالعربية-

 

 

 

 

 

-في بيت فاروق-
فاروق:ليه عملتي كدا؟!!… لو كنتي طلبتي مني الفلوس كنت اديتهالك… ليه تخلي شكلك كدا قدام الناس؟!!
شادو:حقك عليا يا بابا… انا عارفة اني غلطت.. بس والله انا معملتش كدا عشان الفلوس… منكرش اني فالاول كان عشانها… بس والله انا عملت كدا لانه صعب عليا… والله انا كنت ناوية ادفعله تمن المحصول اول ما نخلص الحكاية دي… بس مقولتلوش عشان ميحسش
فاروق:ميحسش بايه؟!!!
نيڤين:ميحسش انها بتحبه…
فاروق:حبيتيه؟!!
شادو:كنت…. و مكنش ينفع يعرف لانه كان بيحب سارة وانا كنت فاكراها بتحبه… بس بعد ما عرفت الحقيقة مفكرتش في اي حاجة غير اني الحقه من اللي كانت بتدبرهوله…
فاروق:ودلوقتى؟!
شادو:خلاص يا بابا… كل مشاعري ناحيته اتحولت لكره بعد ما سابني واختار يصدقها ومهموش اني ضحيت بشكلي وسمعتي قدام العيلة عشان هو ميتأذيش… شوفت حقيقته انه انسان طماع واناني
فاروق:مش عارف اسامحك يا شادو… مش عارف
شادو:انا بحبك اوي يا بابا… وعارفة اني غلطت… بس انت هتسامحني.. لانك ضهري… ومليش غيرك انت وماما…
نيڤين:انا مش عايزاكي تزعلي انتي اه تصرفك غلط.. بس نيتك كانت سليمة.. واكيد اتعلمتي من الدرس
شادو:اتعلمت… وصدقوني.. هقف على رجلي وهبقا اقوى من الاول..
فاروق:كام الشرط الجزائي؟!
شادو:لو سمحت يا بابا.. انا من ساعة ما فتحت شركتي وانا متحملة مسئوليتها لوحدي… سيبني اتحمل نتيجة اللي هيحصل لوحدي برضو… متقلقش… انا هعرف اتصرف
فاروق:ولو معرفتيش.. ؟!
شادو:ساعتها همدلك ايدي واقولك لله
-بيضحك الكل وتاخدهم شادو فحضنها –
شادو:ربنا يخليكوا ليا

 

 

 

 

 

-بعد اسبوعين في الشركة-
داليا:هاا… لسه ملقيتيش حد يديكي المحصول؟!
شادو:لا.. كلهم بايعينه… انا مخلتش تاجر واحد الا واتكلمت معاه وعرضت عليه ضعف المبلغ.. بس للاسف كلهم بايعين
داليا:طب وهتعملي ايه.. فاضل اسبوع على معاد التسليم
شادو:هعمل ايه يعني… هدفع الشرط الجزائي
داليا:هو يونس لسه مظهرش؟!
شادو باحباط:لا… من ساعة ما كنا في اسكندرية مشي ومحدش لاقاه… موبايلاته مقفولة… وحتى الشركة مبيروحهاش
مراد:ديما قالتلي ان هو و باباه حصل بينهم خناقة وبعدها مشي ومن ساعتها مالاقيتهوش
شادو:ديما قالتلك؟!!… هو انت شوفتها فين؟!
مراد:لا انا مشوفتهاش… انا كنت بكلمها يعني وقالتلى… يعني كنت بتطمن عليها
شادو:لا حنين… مقولتليش يعني
داليا:انتي كنتي ف ايه ولا ايه؟!
شادو:الله الله.. هو انتي كمان كنتي عارفة
داليا:اعمل ايه… ما هو كان داير يحب فالموبايل وسايبلي الشغل كله
مراد:والله… دا انا برضو.. اومال مين اللي كان امبارح مع عمر فالكافيه؟!
شادو:عمر مين؟!!… صاحب يونس؟!
مراد:ايوا… اتقابلوا فخطوبتكوا
شادو:يعني احنا كنا مشغلين مسلسل سلسال الدم ا وانتوا دايرين تظبطوا وتحبوا…. انتوا اكيد مجانين!!!
-بيرن تليفون مكتب شادو-
شادو:الو…. ايوا يا رجب…. مين دا اللي بيقولك تفتح المخازن؟!… محصول ايه؟!!… لا انا متفقتش مع حد… استنى انا هنزلك
مراد:في ايه؟!
شادو:في واحد بيقول لرجب انه معاه محصول وانه عايز يدخله المخازن.. انا هنزل اشوف في ايه
مراد:طيب انا هاجي معاكي

 

 

 

 

 

-في المخازن-
شادو:مين حضرتك؟!
السواق:حضرتك دا محصول الحاج رمضان وفي واحد اتفق معايا اني اسلمه لحضرتك هنا
شادو:واحد مين؟!
يونس:انا…. مش دا كان اتفاقنا
شادو للسواق:اتكل على الله يا اسطى… الحاجات دي متلزمنيش.
يونس:دخلها يا اسطى…. بطلي عناد يا شادو..
شادو:انت متوجهليش كلام خالص.. انت سامع ولا لا؟!.. انت ايه اللي جابك؟!
يونس:جيت عشان انفذ وعدي… عشان انا طالما قولت كلمة لازم اكون قدها..
شادو:وانا بعفيك من كلمتك.. وبقولك شكرا… انا خلاص اتصرفت
يونس:كدابة…. انتي لسه متصرفتيش.. وخلاص فاضل اسبوع عالمعاد… بتكابري ليه بقا
شادو:انت مين اللي قالك كدا؟!
يونس:عمر
شادو:ماشي يا داليا… يعني كنت عارفة ان يونس عند عمر… وبتساليني بمنتهى البرأة لو كنت اعرف حاجة عنه… ماااشي
يونس:ديشاا…. انا اسف… والله العظيم حقك عليا… انا غبي ومتخلف ومبفهمش وحمار…. وبحبك
شادو: وزود عليهم اناني وطماع وجبان.. عشان كل دا مكلمتنيش
يونس:بحبك…. والله بحبك
شادو:طبيعي انا اتحب… اسمع انا هاخد منك المحصول بس بشرط..
يونس:ايه؟!
شادو:هدفعلك تمنه
يونس: يبقا انتي لسه زعلانة
شادو:انا مش آلة يا يونس عشان لما تقول آسف اقولك خلاص… لا… انت اهانتني.. وانا محتاجة وقت عشان انسى
يونس:وانا هديكي وقتك
شادو:بس خلي بالك…. دا مش معناه اني سامحت… انا هجرب ويا اسامحك يا لا
يونس:لا … هتسامحيني… لاني بحبك… وهخليكي تحبيني تاني….
مراد: حيث كدا بقا اسمحلي اطلب منك ايد ديما… والا والله ما اخليها تسامحك
يونس:لا وعلى ايه… انا موافق.. شوفها هي بقا وشوف باقي العيلة.. بس اوعى بابا يعمل معاك زي عمو فاروق ما عمل معايا

 

 

 

 

فاروق:لا والله… وايه كمان؟!
يونس:ايه دا… هو حضرتك هنا؟!
فاروق:لا انا لسه جاي… بس جيت فالوقت المناسب عشان اسمعك وانت بتقل ادبك
شادو:حضرتك جيت ليه يا بابا؟!
فاروق:قصدك جيتوا ليه
-فجأة بيظهر فؤاد-
فؤاد:وحشتني يا يونس… انا اسف يبني.. كان المفروض لما تبقا ضعيف اطبطب عليك وبعدين نتعاتب… بس انت عارفني يبني… مليش فالطبطبة… متزعلش مني يا حبيبي
يون بابتسامة:وحشتني اوي
-وبيحضن الاتنين بعض وبيعيطوا فمشهد مؤثر-
شادو:خلاص بقا بلاش نكد…صحيح..انتوا عرفتوا منين ان يونس هنا؟!
فاروق:من عمر

 

 

 

 

شادو:انتي ايه يا داليا؟!… شغالة مع الجبهتين يعني؟!!…طب حددي انتي مع مين؟!
داليا:انا مع النهايات السعيدة… خلصينا بقا و صالحي الراجل
يونس:تتجوزيني؟!
شادو:مستحيل
-الكل… نعم؟!!! –
شادو:ايه… مش عايزة اتجوزه… انا حرة
يونس:لا انتي شكلك عايزة علقة من بتوع زمان… رجع يبني المحصول دا
شادو:والله؟!… لا.. انا مبتهددش يا يويو
يونس:بحبك
شادو:وانا كمان بحبك
-بيهلل الجميع وبيفرحوا بان الاتنين اخيرا رجعوا لبعض… بيتجوز يونس وشادو… ديما ومراد.. وداليا وعمر… وبيعيش يونس وشادو فبيت العيلة مع جدهم هما واهلهم… وسارة وامها بيخلصوا فلوسهم وبيرجعوا تاني مش لاقيين فلوس وحياتهم بتتقلب جحيم… اما عصام.. اترفد من شغله بعد ما يونس بلغ عنه المستشفى بتسجيلاته مع مراد… وعاش الكل في سعادة..-

تمت.

لقراءة جميع فصول الرواية اضغط على (رواية الصفقة)