رواية يطاردني عاشق مجنون الفصل الثالث 3 بقلم مرام محمد

رواية يطاردني عاشق مجنون الفصل الثالث 3 بقلم مرام محمد

رواية يطاردني عاشق مجنون البارت الثالث

رواية يطاردني عاشق مجنون الجزء الثالث

رواية يطاردني عاشق مجنون الحلقة الثالثة

قامت بفزعه من مكانها…..
مد لها كيس فيه اكل :- خدي افطري…
صرخت فيه وهي بتقول:- هو انت بارد كده ليه… ليه واخد الموضوع ببرود كده انت مفكرني اني هاخد منك اكل واقعد اكل وعادي كده وانت خاط-فني وحابسني هنا.
حط الاكل على الترابيزه الموجوده في الاوضه ببرود:- اخر مره هقول لك اقعدي افطري…
حبيبه:- مش عايزه من وشك حاجه.
صرخت بذعر لما اطلع مسد’سه وضر’ب ط’لقه في السقف واتكلم بغلا’ظة :- اترزعي يا بت افطري… كلامي ما بحبش اكرره .
قعدت بسرعه وهي خايفه وبتتنفض وبدأت تاكل وهي بتبص له برعب ااانا باكل اهو…
نفخ في مسد’سه وحطه في جيبه تاني .
حبيبه :- ممكن اتكلم ؟…
بص لها شويه وقال:- كوعي اللي جواكي.
استغربت كلامه وقالت :- هو انت هتعمل معايا ايه ؟…
حبيبه:- هروحك النهارده .
وكأن روحها ردت لها من الفرحه بس ما دامتش كتير لما اتكلم تاني و قال و هكتب عليك النهارده والفرح بعد اسبوع.
قامت من مكانها:- مستحيل ياعز..
عز:- مش باخد رأيك انا ببلغك وانا لسه عندي كلامي يا تقعدي هنا معايا في الحر’ام حياتك كلها محبوسه يا ترجعي واكتب عليكي و يتعملك فرح و تبقى معززه مكرمه ….ها ايه دنيتك ؟
قلبها بيوجعها جداً ومش متقبله فكره انها تبقى مراته وخصوصاً انها بتحب مازن زميلها في الكليه بس قالت :- هنمشي امتى؟…..
عز:- كملي فطارك الأول وهنمشي.
دموعها نزلت وهي بتتكلم:- لأ الحمد لله انا شبعت يلا روحني لو سمحت.
قام وقف وقرب منها وهي رجعت لورا بخوف بس شدها من ايديها بقوه فاتصدمت في صدره ومال عليها وبسها بلهفه حاولت تبعده بس معرفيتش….
عز:- اصل حرام تبقى قدامي الجرعه اللي انا محتاجها وما اخدهاش …وهي تصبيره على يوم الفرح.
بصيت له بغل وكره الدنيا كلها وقالت وهي في قمه عصبيتها :- انت ليه دايما بتبوح لنفسك حاجات مش من حقك تعملها ليه قذرتك دي واحد زباله وحقير.
ما حسيتش بحاجه غير بقلم منه على وشها وبعدين الدنيا اسودت في وشها ووقعت مغمى عليها ويمكن ده لصالحها في الوقت ده لأنه شافعلها عنده من اللي كان هيعملوا فيها بسبب كلامها اللي خرجوا عن شعوره وافقاده السيطره على نفسه
____________________
فاقت بتعب وبصت حواليها لقت نفسها في اوضتها وامها واقفه حاطه ايديها في وسطها وبتبص لها بش-ر وكأنها هتحر’قها :- يا بنت الكل’ب يا اللي ما شفت يوم واحد ربايه…
و شيدتها من شعرها “- بتهر’بي وعايزه تحطي راسنا في الوحل كنت بتهر’بي عشان تروحي له يا عديمه الربايه.
حبيبه بألم وخوف:- اروح لمين بس يا ماما.
هنيه :- اسمه صايص كده ابصر ايه مازن مين مازن ده يا بت .
حبيبه :- ماما اهدي شعري هيتخلع في ايدك …و بعدين انتي عرفتي ازاي؟..
هنيه:- تليفونك اللي انتي نسيتيه فضحك يا روح امك بالك لو عز عرف الله في سماه لا يو’لع فيكي وفينا وفي الحاره كلها انتي شكلك ناويه على مو’تك ومو’تنا كلنا .
حبيبه:- انتي فاهمه غلط والله يا ماما مازن زميلي وكل اللي بينا باحترام وادب انتي تكرهي اني يكون حد طيب ومحترم زيه من نصيب بنتك بدل اللي ما يسمي الصايع ده.
امها ثارت عليها اكتر:- اسمعي يا بت انتي تلمي نفسك ونصيبك هو عز وبس وان ما حطتيش عقلك في راسك وبعدت عن الواد ده انا هقول لعز وبلاش اقول لك على اللي هيحصل انتي عارفاه كويس واول حاجه هيعملها انك مش هتخرجي من البيت نهائي ولا تعليم ولا غيره.
حبيبه :- خلاص والله حاضر بس ما تقولوش حاجه.
هنيه :- طب قوليلي حصل بينك انتي وعز حاجه في الليله دي .
حبيبه بدموع:- الحيوان الزباله دا كان عايز يغت-صبني يا ماما.
هنيه:- هاا وبعدين ايه اللي حصل.؟
حبيبه:- عيطت واتنفضت وحلفت له بالله انه ما يقربش مني سابني ومشى.
قامت هنيه وخرجت بره الأوضه وقالت وهي ماشيه:- طب قومي يا اختي شدي حيلك علشان كتب كتابك بالليل بلا خيبه انا مش عارفه عجبه فيكي ايه…
وبعدين دخل عندها تامر:- حمد لله على سلامتك يا حبيبه ..
اترمت حبيبه فى حضنه لأنها محتاجه فى الوقت دا حد يحضنها ويحتويها لكنها للأسف مش لقيه وفضلت تعيط وقالت:- الله يسلمك يا قلب اختك
دموعه نزلت :- ما قلتليش ليه من الأول انك مش عايزاه يا حبيبه.
حبيبه:- ولو قلت ايه اللي هيحصل يعني يا تامر انت مش شايف امك بتعمل فيا ايه علشانه وابوك مسافر و ما فيش حد قادر يقفله.
تامر:- انا اللي هقفله يا حبيبه انا مش هرميكي ليه.
حبيبه:- وانا مش هحطك قدامه ابداً يا تامر ده شي_طان وانا ما ليش غيرك.
تامر:- طب خلينا نعمل اي حاجه نقدر عليها يمكن…
بصت له بفقدان امل.
تامر :- بصي اتصلي ببابا ينزل حالاً وقومي تعالي معايا نروح للحاج ناصر وإن دول مجاش منهم فايده انا ههر’بك هتصرف في مكان واخبيكي فيه.
حبيبه:- هرو’بي مش هيبقى حل لان كده هسيب الجامعه وكده كده في الاخر هيجيبني بس انا هكلم بابا ينزل وهروح للحاج ناصر ومع اني عارفه ان كل ده في الفاضي.
واتصلت على باباها وحكت ليه كل اللي حصل اتضايق جداً من تصرفات مراته ومن عز وقرر ينزل قبل كتب الكتاب وهو مقرر ان بنته مش هتتجوز عز وطمن حبيبه بكده.
تامر:- كده حلو اوي اهو بابا معانا في صفنا البسي بقى وتعالي معايا للحاج ناصر هو كمان عشان لو يعرف يعمل حاجه يعملها.
حبيبه بدموع:- تفتكر ان ممكن يكون في نتيجه.
تامر:- تعالي بس نجرب يا حبيبه وعلى فكره انا بحب عز اوي وبحب حبي لكي اللى دايما ً بشوفه فى عنيه.
حبيبه:- بتحبه!؟…وبتحب حبه ليا!!؟ انت بجد اللي بتقول كده يا تامر …بتحب في ايه ان شاء الله سهره لوش الصبح مع بنات و شربوا وقرفوا ولا ضر’بوا للناس من غير رحمه اخر مره كان بيتشاكل مع الجزار اللي تحت كسر له محله وجاب عليه وطيه راجل زي ده طيب يضربه الضرب الوحش ده ليه والاخر يدو’س عليه تحت جزمته كأنه مش بني ادم كانه حشره وبيدعسها.
تامر :- حبيبه انتي مش فاهمه حاجه هو ما ضر’بوش من الباب للطاق كده الراجل المهزق ده كان عايز يتجوز بنت 14 سنه غص’ب عن اهلها عايز ياخدها ليله واحده وبعدين يرميها ابو البنت راجل كبير في السن وتعبان مش هيقدر يقف قدام الراجل الجزار ده فاستنجد بعز ولولا عز كانت البنت دي ادمرت هي واهلها واللي عمله عز فيه خلي الراجل ما يقدرش يرفع عينه بس ناحيه بيت البنت دى او اي واحده تانيه.
حبييه:- والله مش فارقه كتير هو ما يختلفش عن اللي ضر’به حاجه.
____________________
وراحت حبيبه وتامر لبيت الحاج ناصر وكانت لسه هتخبط على الباب لكن واقفت لما سمعت صوت عز واقف قدام الشقه اللي فوقيهم وبيكلم بنت في الشقه دي.
عز:- يا وليه اتلمي على الصبح مش فايقلك انا دلوقتي .
نوال :- كده برده يا سيي عز يبقى انت ما اتبسطتش معايا الليله اياها .
عز :- لا وحياتك يا بت دي كانت ليله جباره ضرب نار …..بس ما كملش كلامه لما سمع صوت حبيبه بتقول له.
حبيبه:- كل مره بثبت لنفسي اني صح انت فعلاً ما تستاهلش فرصه اديهلك انت مش ليا… انت ما تستاهلنيش انا انضف منك بكتير اوى انت تستاهل الزباله اللي انت واقف معاها دي عشان انت زباله زيها.
قالت كلامها وطلعت تجري خرجت من العماره.
تامر بص له بضيق وقال بجمود:- كان نفسي حبيبه تغير وجهه نظرها فيك وتتجوزها وحالك يتصلح على ايديها بس انت فعلاً ما تستاهلهاش هي انضف منك بكتير اوي اوي واخر كلامي معاكي يا عز اختي خط احمر ممنوع تقرب منها يعني ما فيش جواز.
نزل عز على السلم ببرود وزق تامر بكتفه بطريقه مهينه وكأنه مش شايفه واتكلم ببرود وسخريه.
عز:- انت واختك في التمثيل تاخدوا الأوسكار والله …متفاجئين ليه يعني… ما انتو عارفين اني كده و كل ليله مع واحده .
تامر قام وراه وشده من كتفه بغضب:- قلت لك ما لكش دعوه باختي يا عز.
عز:- اطلع منها انت يا تامر وركز يا حبيبي في مدرستك.
تامر:- كلمني زي ما بكلمك مش كل شويه تستعيل بيا ولو السما اطبقت على الأرض مش هتتجوز اختي واياك اشوفك في بيتنا تاني انت فاهم.
مسح على دقنه الطويله شويه بنفاذ صبر وفجأه ضربه بالبوكس في وشه وقعه على الأرض.
عز:- اقسم بالله لو سبت نفسي عليك وضربتك بجد مش هتاخد في ايدي غلوه وهتكون راقد في تربيتك الليله فبلاش عند اهلك دا انت واختك يا ابن خالتي ما تخلوش الواحد يحط عليكو والاخر ترجعوا تعيطوا .
نوال بدلع :- ما تيجي لما اروق لك دمك اللي تعكر ده يا سي عز.
عز بص لتامر بجمود وتحدى:- هاجي لك النهارده بالليل يا بت يلا ادخلي جوه.
وبالليل في بيت حبيبه كانت واقفه في اوضتها وهي لابسه عبايه سودا وطرحه سودا ودموعها نازله وعينيها حمراء من كتر البكا .
هنيه:- يا مرارك اللي اتسقيتي فيه يا هنيه من بنتك لابسه اسود في اسود يوم كتب كتابك ومعيطه اللي يشوفك يقول مق_تول لك قت’يل.
حبيبه بعند :- هو ده اللي عندي عاجبه عاجبه مش عاجبه ان شاء الله عنه ما عجبه يغور في داهيه.
هنيه:- داهيه تاخدك لوحدك وتخلصني منك يا بعيده اتحر’قي اهو انتي اللي بتعصبيه وتجيبيه لنفسك.
وسبتها وخرجت وبعدها باب البيت خبط وسمعت صوته هو و الحاج ناصر ابوه والماذون.
وبعد شويه هنيه دخلت لحبيبه قومي يلا يا عروسه عريسك جالك وجايب الماذون معاه بره وشايل لك شيء وشويات يا سعدك يا هناكي يا بت يا حبيبه.
بصت لأمها بضيق وخرجت من اوضتها زي الإعصار راحت وقفت قدامهم وقالت….؟….
يا ترى هتقول ايه وايه اللى هيحصل ؟…

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية يطاردني عاشق مجنون)