رواية جريمة عشق 5 الفصل الثامن والثلاثون 38 بقلم مريم نصار
رواية جريمة عشق 5 الفصل الثامن والثلاثون 38 بقلم مريم نصار
رواية جريمة عشق 5 الجزء الثامن والثلاثون
رواية جريمة عشق 5 البارت الثامن والثلاثون
رواية جريمة عشق 5 الحلقة الثامنة والثلاثون
فيلا الديزل..
آرين : أخدت شاور وخارجه من الحمام..
آدم مراد : بيصلي المغرب..
آرين : بتنشف شعرها قدام المرايا..
آدم مراد : خلص صلاه..
آرين : تقبل الله يا آدم..
آدم مراد : وقف خلفها..وقال. منا ومنكِ ياروحي..
آرين :………!!!
آدم مراد : أبتسم..وقال مالك يا مجنونه.. وبينشف ليها شعرها..
آرين : بزعل طفولي.. أبدا وانا هزعل من إيه يعني؟ هو حصل حاجه؟
آدم مراد : ضحك.وقال بمكر..وهو حد قال إنك زعلانه؟
آرين : كشرت عينيها بغيظ..وسكتت.
آدم مراد : حضنها من الخلف..وقال. بجد بقى مالك؟
آرين : لعبت ف ضوافرها وقالت بحرج..يعني مش هتضايق لو قولتلك؟
آدم مراد : بإبتسامة..قولي الأول بس.وبعدها نشوف..
آرين : بتذمر.. أنا نجحت.. وبابي بس إللي جابلي هدية نجاحي..
آدم مراد : لفها ليه ومبتسم..وقال. هو ده إللي مزعلك أوي كدا؟
آرين : هزت راسها ببرءاه.. أمم أيوه..
آدم مراد : مسد ع خدها..وقال. وأنا مايهونش عليا أشوفك مضايقه وزعلانه..
أنا طبعاً هجبلك هديه..لكن قولت تنزلي تختاريها بنفسك..
آرين : بفرحه..بجد يا دودو؟
آدم مراد : غمض عينيه وصك ع أسنانه بعصبيه .
آرين : اتوترت..اء..سوري سوري..نسيت إنك معقد..قصدي نسيت إنك مبتحبش حد يدلعك بدودو ده.. أحم..
آدم مراد : بحزم..صلي والبسي علشان نخلص مشوارينا.. واخد هدومه..وسابها وخرج من الأوضه..
آرين : صكت ع أسنانها بغيظ واضح وقالت.. يخربيت بوزك ده.. إيه البني ادم ده..يخرابي بجد فظيع..فيها ايه يعني لما اقوله يادودو؟
لأ وايه سابني وخرج..يلا مع السلامه ريحت..
وبعدها ضحكت بمرح..وقالت..
عاااااا هنركب العربيه الجديدة واوووو أنا متحمسه أوي..وبتغني..
آدم مراد : بتحذير.. آرييييين…!!!
آرين : تنحت وقالت بخوف.
.ح.. حااااضر حااضر. بلبس أهو..وجريت ع الدولاب جابت الفستان وبتبرطم بالكلام..
بعد دقايق..
آرين لبست فستان أوف وايت رقيق وجميل جدا عليها..ولبست الحجاب واخدت الشنطه وخارجه من الأوضه..
آدم مراد : لبس بنطلون اسود وقميص أبيض. ومستنيها تحت..
آرين : نازله ع السلم. وع وشها ضحكة بريئه.
آدم مراد : رفع عينيه.. وشافها.وكأنها حورية بحر. مع ضحكتها.. وقلبه حن ليها في ثانيه وقال..
(وكأن لعنة عشقك يا صغيرتي تفرض عليا سيطرتها في كل مرة أراكي فيها..وكأنها المرة الأولى. الذي يبنض فيها القلب لأجلك..)
آرين : نزلت وقفت قدامه ورفعت عينيها ليه..وقالت بصدق..
– أسفه مقصدش ازعلك مني..
آدم مراد : أبتسم..ومسد ع خدها..وباس جبينها وقال.. يلا بينا..
وحط أيدها ف ايدو وخرجوا من الفيلا..
عند الإمبراطور..
آرين : عايز حاجه يابابا.. إحنا رايحين عند بابا طارق.
آدم : أبتسم..وقال.. عايز سلامتكم ياحبيبتي..
آرين : بتدور حواليها ع تيم وميرو..ونفسها تسأل عليه..
آدم : كشر عينيه وقال.. بتدوري ع إيه ي آرين؟
آرين : بصت ع آدم وشافته بيتكلم مع مراد وفريحه.. وهمست لجدها وقالت..
هو… أحم..قصدي هى ميرو مرجعتش لحد دلوقتي؟
آدم : ضحك بصمت ع خوفها..وقال.
لأ ومش هيرجعوا دلوقتي.
آرين : بقلة حيلة.. إيه؟ يخساره كان نفسي أشوفهم..
آدم : مسد ع حجابها وقال.. تيم كان مضغوط الفتره إللي فاتت.. لكن دلوقتي هو وميرو عند خالتك نور وراجعين..
آرين : بحماس واو طيب يبقى كدا هشوفهم.. بس فين جنى؟
آدم : آريان وتمارا خدوها معاهم وراحوا عند نور.. يعني هتشوفيهم كلهم هناك..
آرين : بمرح.. أوكي. وباست جدها من خدو..وقالت.. أشوفك ف السهره بقى يا أجمل بابا جدو في العالم..
آدم : هز راسه ليها بابتسامه وقال..ف حفظ الله..
بعد كدا سلموا على كل العيله وودعوهم.. ورايحيين عند العربيه..
آدم مراد : حط بوكية الورد في العربيه..وفتح الباب ل آرين. وقال أركبي..
آرين : مشت أيدها ع العربيه بإنبهار..وقالت. واو بجد شيك اوي وجميله وتخطف العقل..
آدم مراد : لف يركب..وفتح باب العربيه وبصلها وقال.
-اركبي يا آرين..
آرين : هزت راسها..وركبت جمبه..
آدم مراد : من غير ما يتكلم..قرب منها وربط ليها الحزام..
آرين : كانت مكسوفه..ومتكلمتش..
آدم مراد : ساق العربيه..واتحرك ع فيلا السيوفي..
——————بقلمي مريم نصار.
عند فهد..
فهد ورينو و آركان و آيان قاعدين في الليفنج..
آركان : قاعد بيتفرج ع الماتش ومركز..
رينو : قفلت الفون وقالت.. آدم و آرين رايحين يسلموا على بابا طارق..وبعد كده هيروحوا عند نور..
فهد : هز راسه تمام.. هيتعشوا معانا ولا عند عمي آدم؟
رينو : مطت شفايفها وقالت.. معرفش بس أكيد بابا طارق مش هيسبهم يمشوا من غير ما يتعشوا معاهم.
فهد : هز راسه تمام.. وبيلاعب آيان..
رينو : بصوت واطي لفهد.. بس بس..
فهد : بص ليها واستغرب.. في ايه ياحبيبتى..
رينو : شاورت ليه ع آركان..وقالت بهمس.. قوله بقى..
فهد : هز كتفه..وقال بهمس. لأ قوليله أنتي..
رينو : لأ قوله أنت.. أنت باباه وهتعرف تتكلم معاه..
فهد : مط شفايفه وقال.. لأ انتي مامته وكلامك هيجيب نتيجه..
آركان : من غير ما يبصلهم..ف إيه ياجدعان.. كمية همس لما وداني نملت. ف ايه يا ماما..!!
رينو : انتبهت.. وقالت.. أحم. لأ أبدا ده أنا كنت بسال أبوك على تالين..
آركان : بتركيز..مالها تالين؟ حصل معاها حاجه؟ أنا لسه شايفها تحت وكان كويسه وباركتلها ع الشهاده..
رينو : ضحكت لفهد واتفألت خير من اهتمامه.. وقالت..
لأ ياحبيبي هى كويسه الحمد لله.. بس بسأله لأن ف عريس من طرف شغل ريتال.. كان متقدم ليها..فكنت عايزة اعرف رأيهم إيه؟
آركان : كشر عينيه وقال عريس؟ بس تالين لسه رايحه تالته ثانوي..عريس إيه ده في السن ده..
رينو : بأمل..صح كدا وأنا رأيي من رأيك بالظبط.. وبعدين العريس ده عايز ياخدها ويسافر بيها ع فرنسا ويستقر هناك..
آركان : بدهشه.. إيه؟ إزاي ده؟ واحد لا نعرفه ولا يعرفنا ياخدها ويهاجر ويعالم بقى هيتعامل معاها ازاي؟ لأ لأ أكيد خالو مراد هيرفض..
فهد : بمكر..طيب أفرض وافق؟
آركان : هز راسه لأ معتقدش أنه يوافق..وكمان قولنا إن تالين لسه صغيره..
رينو : معاك حق يا آركان..وبعدين خساره تالين البسكوته دي تطلع بره العيله.. ولا ايه يافهد..
فهد : أبتسم..وقال. فعلاً ويابخته اللي هيكون من نصيبها.. دي تالين مفيش منها.. ولا ايه يا ريكو..
آركان : كشر عينيه وقال بِشك..شامم ريحة مؤامرة مش كدا؟
رينو : بقلة صبر..بص بقى ومن الآخر.. إيه رأيك في تالين لما تخلص كليتك نخطبهالك؟
آركان :……….!!!
فهد : إيه يا آركان سكت ليه؟
آركان : كشر عينيه وقال.. بتخيلها..لأ مش جايه معايه خالص..
رينو. : بتعجب..بتتخيلها؟ إزاي يعني ده أنا مش فاهمه حاجه..
آركان : ياست الكل.. تالين مش هتنفع معايا خالص..
فهد : بدهشه..نعم ياخويا مش هتنفع معاك إزاي؟ هو ف أصلا زيها ف الزمن ده..؟
رينو : بزعل..ليه يا آركان دي تالين جميله جدا وبريئه كمان..
آركان : ماهو علشان كدا.. تالين هتتظلم معايا.. وبما انكوا فتحتوا الموضوع ده.. فهكون صريح معاكم.. أنا فعلاً قبل كده فكرت ف تالين.. لكن مش جاي معايا خالص أنها تكون شريكة حياتي..
تالين هاديه جدا عكسي تماماً في كل حاجه هظلمها معايا..
يعني تخيلي كدا البراءه دي السعها ع قفاها وأنا بهزر معاها.. دي مش بعيد تموت مني فيها.. لأ لأ أنا عايز واحده ارنها العلقه تقوم وتقولي تسلم ايدك..
فهد : هز راسه بيأس..وقال.. قولتلك أنه متخلف مصدقتنيش.. أنت يالا مخك ده بيفكر إزاي.؟. الناس بتدور على البنت الهاديه.. وأنت بتدور على المجنونه..
آركان : الله..؟! طيب أعمل ايه يابابا..مفيش مشاعر من ناحيتها غير أنها أختي الصغيره وبس..اعمل إيه؟وعارف أنها جميله وزي الجنيه الالماظ مش الدهب بس.. لكن والله هتتعب معايا..
فهد : بغيظ.. أحسن دي حتى هي خساره فيك والله..
رينو : بتنهيدة زعل.. يخساره..
آركان : أبتسم وقال.. هى فعلاً خساره وكبيره كمان.. بس تالين إن شاء الله..ربنا هيرزقها بواحد يقدر قيمتها.. أما أنا.. ف ربنا يوفقني في اللي جاي..!!!
——————بقلمي مريم نصار.
فيلا السيوفي.
ف الليفنح العيله متجمعه عند طارق.. فارس ورودي ومصطفى وچود وليليان وكريم..
آرين : داخله بمرح..وقالت بصوت عالى أنا جييييت..
الكل أنتبه للصوت وضحكوا ليها وفرحوا لما شافوها..
لكن مصطفى قال جواه أستر يارب هنلاقي زعابيب امشير داخل علينا دلوقتي..
طارق : بفرحه..مييين..!! آرين ؟ تعالى ياحبيبت جدك..
رنا : بسعاده كبيره.. آرين ياحبيبتى تعالى..
آرين : بسعاده..بابا طاااارق حبيبي وحشتني اوي جدآ خالص والله وحضنته وباست على أيدو..
طارق : ربت ع ضهرها وقال بضحكه.اذيك يابت يا آرين.. إيه الحلاوه دي..
آرين : بسعاده..دي حلاوتك أنت يابابا ياقمر..
آدم مراد : دخل بإبتسامتة الهاديه وقال.. السلام عليكم.. ولمح مصطفى..
كلهم بفرحه وعليكم السلام..
آرين : بفرحه مامااا رانووش حبيبتي انا..وحضنتها وباست على أيدها..
رنا : بضحكه..حبيبت قلبي ونور عيني..حمدلله على سلامتكم ياحبيبتي.. ماشاءالله تبارك الرحمن عليكى..
آرين : بضحكه حبيبتي ياماما.. ثواني أسلم على عمو فارس..
آدم مراد : سلم عليه اذيك يا بابا عامل ايه؟ وباس ع أيدو..
طارق : أهلا أهلا بديزل العيله..اذيك ياض يا آدم.. ٤٥ يوم يامفتري؟ ده جدك معملهاش.. لا أنا ولا آدم..
آدم مراد : بثقه..بس الديزل عملها..
طارق : بغيظ..طيب اترزع ياخويا..عارف مش هاخد منك لا حق ولا باطل.. طالع لإبن العدوي..
آدم مراد : ضحك بصمت..وسلم ع رنا.. حبيبتي عامله ايه؟
رنا : مسدت ع كتفه بفرحه..وقالت.. أنا دلوقتي بخير يانور عيني..والله أنا مبسوطه اوى علشان شايفاك مبسوط..
آدم مراد : باس ع أيديها وقال.. حبيبتي ربنا يبارك لينا فيكي..
آرين : عموووو فاااارس وحشتني اوي..
فارس : أبتسم وضمها لقلبه وقال..بنت أخويا الجميله.. حمدلله على سلامتك ياحبيبتي.. وألف مبروك..
آرين : بهزار.. لأ مبروك ناشفه كدا ماينفعش..
فارس : بضحكه..يامكاره.. أنا جبتلك هدية فرحك.. عايزه ايه تاني؟
آرين : مثلت التذمر..ع فكره بقى أنا نجحت.. أنتوا مش واخدين بالكم ولا ايه؟ متقولي حاجه ياطنط رودي.. وراحت تسلم عليها..
رودي : بضحكه..والله عندك حق.. انا لو منك مش هتحرك غير لما يفضى جيوبه قدامي.. خليكي وراه ابت ارينو..
آرين : ههههه والله أحلا حاجه إنك ف العيله الحلوه دي.. حبيبتي..
آدم مراد : اذيك يا خالو..وسلموا على بعض..
فارس : ربت ع كتفه وقال بفخر.. ماشاءالله عليك يا آدم..ربنا يحميك يابني.. وحمد لله على السلامه..
آدم مراد : الله يسلمك.. وبص ل رودي وقال.. اذيك يا دكتوره..
رودي : ههههه اذيك ياض يا آدم. لو مش حرام كنت بوستك والله..بس الشرع بقى هههههههه.
كلهم ضحكوا..وفارس هز راسه بيأس منها..
رودي : لأ الله أكبر عليك..راجع وشك بيضحك لوحدو.. البت آرين فكت النحس.. خليكي كدا ع طول يابت.
فارس : خلاص يارودي استهدي بالله واقعدي سيبي العرسان ياخدوا نفسهم..
رودي : عوجت بوقها وقالت..هو هنا أنابيب الأكسجين.. يتنفس ف بيته..
هنا إحنا هنفضل نقر ونحسد ومش بعيد نحقد هههههه..
آدم مراد : أبتسم..وسلم ع كريم..وحضنوا بعض..
كريم : أبتسم ألف حمدلله على سلامتك يا آدم..
آرين : فتحت ايديها وحضنت ليليان بفرحه كبيره..
ليليان : بفرحه كبيره..وحشتيني وحشتيني اوي اوي يا آرين..
چود ؛ خلاص بقى هاتي أسلم عليها.. وضحكت اذيك يا باربي الغلابه هههههههههههه..
آرين : كشرت عينيها بغيظ..وحضنتها وهى متغاظه.. وقالت. أهلا بحيزبونة العيله الغشاشه الكدابه..
چود : هههههههههههه يابت أنتي قلبك بلاك ليه؟ وغمزت بس لأ شكلك كده عديتي يا رينو ياصغيره.. راجعه وماشاء الله عليكي لمبة ناصح افندي منوره.
آرين : بغيظ..الله أكبر ف عينيكي.. ليكي عين تتكلمي؟ لأ وبتضحكي كمان؟ قد ايه ماشوفتش ف بجاحتك..
چود : بغمزه..ولاد عم بقى هههههههه.
آدم مراد : وقف قدام مصطفى..وبص ف عينيه بغموض..وقال بتوعد.. اذيك يا مصطفى؟ ومد أيدو ليه..
مصطفى : مثل الضحكه.. ههههه أهلا أهلا بعريسنا اللي مشرفنا..وسلم عليه..
آدم مراد : ضغط ع ايد مصطفى..
مصطفى : فتح عينيه بصدمه..وحاسس إن ايدو دخلت في بعضها..
آدم مراد : من بين أسنانه.وضغط أكتر. وقال بهمس..بقى أنت يطلع منك كل ده؟
مصطفى : بألم متداري. خلاص يا آدم بالله عليك.. عضم صوابعي اتبطبط. مفيش صوباع في مكانه..
آدم مراد : فك قبضة أيدو..وقال. دي قرصة ودن بس.. علشان متتصرفش تاني من دماغك..
مصطفى : بينفخ في أيدو..وقال ببرود.. والله أنا أنقذت العيله من اغاني أيها الراقدون تحت التراب اللي انت حاططها دي.. كنت اعمل فرحك جمب القرافه..
آدم مراد : رفع حاجبه وقال..مابلاش..
مصطفى : خلاص ياعم المهم إنك اتجوزت وراجع والعا معاك..صحيح خير تعمل شرق الدلتا..
رنا : بفرحه.. تعالوا ياولاد اقعدوا جمبي انا وجدكوا..
آدم مراد : قعد جمب جدو..
آرين : جابت بوكية الورد وقالت.. اتفضلي يا ماما. بس أنا اللي عملاه بنفسي ومختاره الألوان اللي حضرتك بتحبيها انتي وبابا..
رنا : مسدت ع ضهرها وقالت بحنان.. تسلم ايدك يا آرين.. ده أجمل بوكيه ورد جالي..
طارق : بغيظ..وحياة أمك.. يعني بوكية عيد ميلادك كان ورد بلاستيك ولا ايه؟
الكل ضحك..
رنا : ضحكت.. ياراجل حرام عليك وأنا مش عارفه اقول كلمتين ع بعض..
رودي : ايوه كدا ياطاروق أوعى تسيب حقك..
فارس : يابنتي اهمدي بقى..
چود : الله..ف ايه يابابي؟ مامي بتتكلم صح.. ده بابا طارق أحسن واحد يجيب ورد..
رنا : بدهشه..يخربيت كدا.. وأنا هخلص منكم أنتوا التلاته؟
ليليان : طبعآ طبعآ جدو طارق أحسن واحد يجيب ورد.. بس ماما رنا بتداري ع شمعتها ياجدو..
طارق : لا إذا كان كدا يبقى خلاص براءه. أنا أصلا مبعرفش أجيب ورد غير البلاستيك..
الكل ضحك..
رنا : بتصميم أنتوا تتعشوا معانا بقى..
آدم مراد : لأ ياماما إحنا هنتعشى بره..
طارق : بغيظ..طب أعملها كدا يابن مراد..علشان تشوف اللي عمرك ما شوفته.. أنت هتترزع وهتتعشى وتاخد هديتك كمان.. أنت عايز بكره إبن العدوي يحط عليا..
آرين : ههههه والله بابا آدم باعتلك السلام يابابا.. ده بيحبك أوي..
طارق : بشرز.. إلا بيحبني.ده من حبه فيا عينيه بتطلع قلوب..
الكل ضحك.. وبعدها اتكلموا كتير وباركوا لمصطفى وچود ع التخرج..
بعد ساعه..
طارق : رودي يابنتي..قولي ل عايده تجهز العشا.
رودي : حاضر يابابتي..وقامت..
بعد شوية..الكل قام واتعشوا وكان وقت كله ضحك وهزار وسعادة بين جميع الأطراف..
——————بقلمي مريم نصار.
فيلا الجوهري..
سفيان : ألف مبروك يا باري ياحبيبتي..
باري : بفرحه..ميرسي جدا يا سفيان.. أنا بجد مش مصدقه.. انت نازل مخصوص من ايطالي علشان تباركلي..
سفيان : وأنا عندي كام باري يعني؟ أنا اجيلك مشي كمان..
باري : حضنته..وقالت.. أنا بموت فيك ياسفيان.. ربنا مايحرمنيش منك أبدا..
سفيان : مسد ع شعرها..وقال. ولا منك يا حبيبتي. المهم بقى انا هعزمك ع العشا انهردا ف المكان اللي تشاوري عليه..
باري : بفرحه..اوووكي.. طيب قبل كل ده.. قولي أنت هتقعد قد ايه؟
سفيان : بتنهيده.. للأسف مسافر بكره بليل..
باري : بزعل.. إيه؟ بكره..!! ليه بس ي سفيان انت لسه جاي انهردا..
سفيان : غصب عني والله ياحبيبتي.انتي عارفه نقل الملكيه.. وتصفيات و نصيب الورثه بتاخد وقت..
وكمان اتفقت مع بابا . إني هاخدك انتي وماما تقضوا باقي الاجازه معايا وترجعوا قبل الدراسه باسبوع..
وبعدين خلاص كلها سنه وراجع ونستقر كلنا مع بعض. وافتح الفرع اللي هنا وتشتغلي كمان معايه.. إيه رأيك..
باري : بتمني.. يارب السنه دي تعدي بسرعه..
——————بقلمي مريم نصار.
عند محمد عزيز..
تيم : بسؤال..مين يشرب قهوه انا فاصل..
ميرو : أبتسمت خليك أنا هعملها حالا..
تيم : بإبتسامة.. تسلم ايدك مقدما..
ميرو : ها تشرب معانا قهوه يابابا؟
محمد : شايل جنى ومحمد ع رجله.. وقال ليهم.. ها ياچينو.. إيه رأيك أشرب قهوة؟
چنى : بتلاغي بكلام مش مفهوم..
محمد : بضحكه..قال. عندك حق.. بس نسأل محمد الصغير.. ها يا محمد باشا إيه رأيك أشرب قهوة؟
محمد العدوي : قال ببراءة.. ديدو حمد ديدو حمد.(جدو محمد)
كلهم ضحكوا..
تمارا : ههههه يخلاثي أنا ياناس..
محمد : باسهم الأتنين وقال خلاص والله منا مزعلكم ونشرب بس شوية صغيرين..
ميرو : ضحكت وقالت من عينيا.. أنا هعمل للكل طقم قهوه محترم.. بعد اذنكم.. وراحت ع المطبخ..
تيم : عينيه عليها لحد ماراحت المطبخ..
نور : قاعده جمب محمد..وبتقدم طبق فاكهه وقالت..
أمسك يا آريان ياحبيبى.. انت ماكلتش كويس ع العشا..
آريان : بإبتسامة.. لأ شكرا ياعمتو مش قادر والله.. وبعدين ده أنا اتعشيت وشبعت جدآ..
محمد : بتصميم.. محدش يقول لنوري لأ.. واسمع الكلام علشان موصيش تمارا عليك..
آريان : لأ وع إيه.. صدق جوعت فاجأه..هاتي ياست الكل وتسلم ايدك..
الكل ضحك..
نور : أمسك ياتيم ياحبيبى..
تيم : أخد منها وحط الطبق ع التربيزه.. وقال. تسلم ايديكي يا حبيبتي.. ثواني وراجع.. وقام وراح ل ميرو..
نور : لمحمد.. هات جنى ومحمد ها أكلهم زبادي..
محمد : لأ هاتي أنا هأكل أحفادي.. مش كدا ياجنى؟ مش هتاكلي غير من جدو محمد حبيبك؟
جنى : بتشاور ع الزبادي وعايزه تاكل..
محمد : ضحك..واخد الزبادي وبدأ يأكلهم..
ونور وتمارا بيراقبوا فرحة محمد بأحفادوا..
ف المطبخ..
تيم : واقف خلف ميرو..وباس كتفها..
ميرو : اتخضت..كدا ياتيم خضتني..
تيم : أبتسم..وقال. أعمل إيه؟ انتي وحشاني وبتتقلي عليا..
ميرو : ضحكت وقالت..حرام عليك وأنا اتكلمت ولا عملت حاجه حتى؟
تيم : حاوطها من وسطها..وقال. والله؟ اومال مين اللي صممت إني اقعد نبطشيه أسبوع ف المستشفى بعيد عنك ها مين؟
ميرو : وشها بقى أحمر جدآ.. وخايفة حد يشوفهم.. وبتفك أيديه.. وقالت بكسوف وتوتر..
تيم ماينفعش كدا حد يشوفنا..وبعدين كان ف حالات طوارئ ومحتاجين دكاتره كل التخصصات..
تيم : بدقة قلب..وحشتيني أعمل إيه طيب؟
ميرو : ارتبكت..وقالت تيم بالله عليك.. لو حد شافني أنا هزعل منك بجد..
تيم : فك ايديه..وهمس ف ودنها وقال..علشان خاطرك بس..لكن لما نرجع بيتنا لينا كلام تاني..وخطف منها بوسه وخرج..
ميرو : بتظبط أنفاسها..ولحقت القهوة قبل ما تفور.. لكن رغم كل ده.. كانت مبسوطه إن جوزها حبيبها. كان مفتقد لوجودها..
الساعه ١٠ مساءاً..
آدم مراد نازل من العربيه..وقال عربية تيم و آريان هنا..!!! أكيد فوق عند عمتو..
آرين : بحماس أيوه بابا آدم قالي..وا…….. أحم أكيد فوق..
آدم مراد : شاف حماسها أنها هتشوف تيم..وشد آرين من دراعها ودخلوا مدخل العماره..
آرين : بقلق..ف إيه يا آدم ساحبني كدا ليه؟ الورد هيقع..!!!
آدم مراد : بتحذير.. اسمعيني كويس علشان مش هقرر كلامي..!!! لمي الدور واعقلي. وقسما بالله لو هيبرتي أو اتنططتي قدام تيم و آريان هتشوفي مني رد فعل هتندمي بجد عليه..
آرين : بقلق..ف إيه بقى..وبعدين تيم ده أخويا يا آدم..
آدم مراد : بغيره كبيره.. لأ يا آرين مش اخوكي.. هو تيم عزيز وانتي آرين السيوفي..
آرين : بتذمر..يسلام..طيب ما أنت ديما تقول ليليان أختك؟ ما هى كمان ليليان زين وأنت آدم مراد.. مقولتش حاجه أنا وقتها..
آدم مراد : قرب منها..
آرين : بخوف رجعت لورا وخبطت في الحيطه..
آدم مراد : بتوعد.. لما تشوفي ليليان بتتنطط أول ما تشوفني؟ تبقى قولي اللي أنتي عايزاه..
آرين : عيونها لمعت..وبصت لعينيه..
آدم مراد : غمض عينيه ونفخ بخنقه..ورجع لورا.. وراح عند الاسانسير لكن كان عطلان.. وقال بضيق حقيقي.. يلا هنطلع على السلم..
آرين :………..!!! واقفه مكانها ومردتش..
آدم مراد : رجع ليها.وقال ماسمعتيش أنا قولت إيه؟
آرين : دمعه نزلت منها..وقالت. أنا عايزه أرجع البيت..
آدم مراد : رفع دقنها وقال..انتي بتعيطي ليه؟
آرين : بحزن حقيقي وعتاب.. كنت فاكراك بتثق فيا..وا……..!!!
آدم مراد : قاطعها بحده وقال.. أنتي غبيه يا آرين؟ أنتي تفكيرك المرادي بعيد خالص..
ومسح وشه بايديه.. ومسك وشها بايديه وقال.. آرين. آرين ياحبيبتى. أنا بغير عليكي.. دي إسمها غيرة ملهاش علاقه بالثقه..
آرين : بزعل.. يعني أنت واثق فيا؟
آدم مراد : مسح دموعها وقال.. أكتر من نفسي..
آرين : طيب انا هقولك أنا بسأل ع تيم ليه..
آدم مراد : مسك أيدها وقال.. وأنا مش عايز اعرف.. ويلا تعالى نطلع..
آرين : طلعت جمبه..وقالت.. تيم كان محضر ليا هدية. وميرو قالت إنها هدية هتعجبني انا وأنت.. لأنها بتدمج مابيني وبينك يا آدم.. وأنا حماسي كله إني أشوف الدمج بيني وبينك.. صحيح اني نفسي أشوف تيم لكن مش بالطريقه دي..
آدم مراد : وقف مكانه وقال..
ـ أنا وانتي مش محتاجين حد يدمج مابينا يا آرين.. وأنا قولتلك قبل كدا.. أنا انتي..انتي أنا..!!! وباس جبينها وقال.. آرين حاولي متخلنيش أغير عليكي.. علشان وقتها بنسى كل حاجه.. غيرتي عاميه صدقيني..
ومسك كف أيدها وطلعوا..
بعد لحظات.. جرس الباب رن..
تمارا : بتعجب..مين هايجلينا دلوقتي.؟
تيم : يابنتي الساعه لسه ١٠ أنا هشوف مين..!! وقام يفتح.. واندهش وقال بفرحه..
ـ ميين آدم و آرين مش معقول..!!!
وسلم ع آدم..
ـ حمدلله على سلامتك ياصحبي..
آدم مراد : أبتسم وقال.
ـ الله يسلمك يادكتور..
آرين : أبتسمت بهدوء.. وقالت..
ـ اذيك يا تيم..
تيم : بضحكه..
ـ اذيك يا آرين..!! ألف مليون مبروك.
آدم و آرين دخلوا وبعد السلامات والمباركات.
آدم مراد ماسك أيد آرين و قعد وهى جمبه.
آرين طول القعده كانت حاسه أنها مخنوقه ومش عارفه ليه..
آدم مراد : لاحظ ده ع ملامحها..وكانت هاديه زيادة عن اللزوم..
رغم أنهم بيتكلموا على.فرح آسر وحياة اللي بعد أسبوعين.لكن بردو ساكته.
تيم : بص ل آدم وآرين. وقال..
ـ أنا مجهز ليكم هديه خاصه..أول ما نرجع البيت إن شاء الله. هبعتهالكم..
آدم مراد : أبتسم تعابينك معانا يادكتور..
تيم : لاحظ إن آرين ع غير العاده.. لكن قال..
ـ تعب إيه يا آدم.. أنت و آرين اخواتي الصغيرين. وربنا يعلم أنتوا الاتنين عندي أنا وميرو إيه؟ ولا ايه ياحبيبتى..؟
ميرو : أبتسمت وقالت.. فعلاً ياتيم.. آدم و آرين غاليين عند الكل..!!
——————بقلمي مريم نصار.
بعد فتره..
آدم مراد سايق العربيه.. و آرين قاعده ساكته..
آدم مراد : تحبي نروح المول تختاري هديه. ولا محل مجوهرات؟
آرين : هزت راسها وقالت..
ـ أحم..لأ ميرسي مش عايزه حاجه..
آدم مراد : ركن العربيه ع جمب.. وبص ليها وقال.
ـ طيب أنا وضحتلك أنا بعمل كدا ليه؟ وأي واحده مكانك كانت هتبقى مبسوطه إن جوزها حبيبها بيغير عليها.. ولا أنتي شايفه إيه؟
آرين : بتنهيده..
ـ أنا مقولتش حاجه ولا اتكلمت..
آدم مراد : مسك أيدها وقال..
ـ طيب ممكن اعرف مالك مكشره ليه؟
آرين : هزت راسها بحزن..وقالت.
ـ زعلانه منك. كل حاجه بأسلوب أمر.وانا شايفه إني مبعملش حاجه غلط..كل الحكايه إني بحب أتصرف ع طبيعتي..
لما بشوف حاجة تفرحني.بحب افرح وافرح كل اللي حواليا.
تيم بالذات كان اخ بجد عمل علشاني حجات كتير جدا. ف الوقت اللي كنت بحتاج فيه ل بابي وهو مسافر.
تيم متربي معايا عمره ماقال لمامي ياخالتو.. لأنه بيعتبرها مامته..
أخدت عليه أنه أخويا الكبير..لكن بحدود.. لا عمري حطيت أيدي ف أيدو ولا تجاوزت معاه اي حدود شريعتي وإسلامي..
تيم ده بفضله حماني من مدرس معدوم الضمير.كان بيضحك على البنات.. وخلاني مروحش السنتر تاني. وحجزلي في مكان تاني..
آركان لما بتقابله مشكله كان تيم بيبقى أول واحد موجود..
تيم هو اللي وقف جمب مامي وقت ولادة آيان محدش غيرو. وكان قد المسؤلية..
تيم بالنسبالنا كان مهون علينا إحساس فراقنا ل بابي وكله بردو بحدود..
يبقى ع الأقل نقدم ليه الإهتمام والتقدير ع وقفته جمبنا. مش نتجاهله بما أني اتجوزت..!!!
آدم مراد : بيسمعها.ومستمتع للحديث معاها وهى بتتكلم بعقلانيه..و أبتسم وقال..
ـ تعرفي لما بتتكلمي وانتي عاقله؟ بشوف فيكي عمتو لارين..
بس بحن لطفولتك بسرعه.. آرين..!! أنا عارف كل ده. ولاني بحبك كنت عارف كل تحركاتك.. وعارف تيم عمل ايه علشانكم.. وانا مقولتش حاجه..
كل اللي عايزه منك تكوني هاديه أكتر من كدا ف وجود أي شاب من شباب العيله..مش تيم وبس..
طيب أنا هقولك على حاجه..
لو ليليان أو چود كل ما يشوفوني يهيبرو ويتنططوا لما يشوفوني.. أنتي هتحسي بأيه وقتها؟
آرين : بتتخيل الموقف..واضايقت وحست بالغيره.. لكن ساكته..
آدم مراد : أبتسم ل ريأكشن وشها.. وقال..
ـ اهو هو ده إللي ببقى عايشه وحاسه.. آرين أنا بحبك.. والحب غيرة. والغيرة غريزه. والمفروض أنتي أكتر واحده تكوني عارفه حاجه زي كده.. لأن خالى فهد أكتر واحد بيغير ع أهل بيته..
أنتي حبيبتي ومايهونش عليا أشوفك مضايقه وزعلانه.
آرين : بمرح..اووووكي أنا بقيت كويسه..نطلع على المول بقى نعمل شوبنج..
آدم مراد : فتح عينيه بدهشه وقال جواه..هى اذاي في ثانيه كدا..!!؟
آرين : بمكر..بتقول حاجه ياديزل.. هههههههه
آدم مراد : بقول هتجنني الديزل قريب يا آرين..!!
——————بقلمي مريم نصار.
فيلا تيم عزيز..
ف جناح تيم..
ميرو : حست بالتقصير تجاه تيم..وحاولت أنها تنيم جنى. وفعلاً نيمتها..وقررت تلبس طقم. وتتشيك..
وبعد مالبست واقفه قدام المرايا بتعمل ميكب وتسرح شعرها..
تيم : طالع ع السلم وبيصفر.. ودخل الجناح.. وأبتسم من جمال حبيبتة اللي واحشاه جدآ.. وعاشوا وقت مميز مابين اعتراف بتجديد العشق..
بعد فتره
تيم : واخد ميرو ف حضنه.. وبيضحكوا مع بعض.. وجه إتصال ل تيم من المستشفى..
ميرو : سابته يتكلم..و قامت أخدت شاور..وخارجه من الحمام. وقعدت قدام التسريحه..
وبتنشف شعرها ومبتسمه من معاملة تيم..
تيم : دخل بعدها ياخد شاور..
ميرو : سرحت شعرها.. وصلت القيام.. وبعد الصلاه.لبست بيجامه.. وراحت قعدت ع السرير وجابت المصحف.. وانتبهت لحاجه وقعت ع الأرض.. وبصت تشوف ايه اللي وقع..وكان شريط منع الحمل..!!!
ميرو : فتحت عينيها بصدمه كبيره. وافتكرت إن دي تاني مرة ف نفس الشهر تنسى تاخد منه.وقالت بقلق..يا الله.. أنا نسيت خالص. ياترى ممكن يحصل حمل؟ لأ لأ إن شاء الله مش هيحصل دلوقتي.. دي جنى لسه متمتش سنه..!!!
——————بقلمي مريم نصار..
تاني يوم..الساعه أربعه مساءاً
فيلا الديزل..
آدم مراد : نايم..
آرين : بتصحي آدم..وقالت بتذمر..
ـ يا آدم قووووم بقى..
آدم مراد ؛ فتح عينيه.. وقال..
ـ إيه يا آرين ف ايه؟
آرين : بقلة صبر.. الساعه أربعه.. قوم بقى نشوف هدية تيم..ولسه بليل ورانا مشوار عند ناناه ملك.
آدم مراد : اتعدل..ومسح وشه بايديه..
آرين : قربت من وشه وقالت.. ببراءة فوقت ثح ثح..
آدم مراد : ضحك ولعب في شعرها..وقال.
ـ أيوه يامجنونه فوقت..
آرين : طيب خدني ع حجرك بقى نشوف الهديه ههههه..
آدم مراد : شدها لحضنه وقال.. مكانك ديما.. فين بقى الهديه اللي هتجننك دي..
آرين : قاعده ف حضنه..وقالت.. اول حاجة عايزه أقولك إن مامي عجبتها جدا الاسورة إللي أنت جبتهالي أمبارح..
آدم مراد : باسها وقال..
ـ وتاني حاجه؟
آرين : بسعاده..نشوف بقى الهديه..
وفتحت البوكس..وفتحت عينيها بدهشه.. وهمست بإنبهار وقالت..
ـ واو مش معقوول.. آدم شايف اللي أنا شايفاه..
آدم مراد : أبتسم وقال..
ـ منكرش فعلاً أنها هديه جميله ومميزه..
الهديه كانت عباره عن برواز كبير.. وفيه كروت معايده ل آدم و آرين لتيم عزيز..
وصور ل آدم و آرين وهما صغيرين.. ومعموله فوتوشوب آدم جمب آرين ف كل صوره.. ومكتوب ع البرواز من الجمب. (زكريات من زمن فات)
وع ضهر البرواز.كاتب تاريخ الصور وتاريخ جواز آدم و آرين..
آرين : عيونها لمعت..وبصت ل آدم وبتضحك بدموع.. وقالت عجبتني اوي يا آدم..!!
آدم مراد : رجع شعرها وقال..
ـ وعجبتني أنا كمان ياحبيبتى.
آرين : ف لحظة حنين.. بحبك اوى يا آدم..
آدم مراد : قرب منها وقال.. وأنا بعشقك ياضي آدم.
——————بقلمي مريم نصار.
بعد أسبوعين..
مجموعة العدوي..الساعه ١ ظهراً
آدم : ها يازين عملت ايه؟
زين : بحيرة.والله ياحج الاجهزه الاخيره فيها صعوبات كتيره.. ويوسف والمهندسين بيقولوا محتاجين ع الأقل ١٠ شهور كمان..
آدم : قال بهدوء.. ولو حتى سنه..مفيش أي مشكله..
زين : بقلق..ازاي بس يابابا..دي موافقة براءة الاختراع لوحدها عايزه حوالي ست شهور ع الأقل..
آدم : بتفهم..طيب يا زين يابني فين المشكله.؟ لعله خير إن شاء الله.. سيب كل حاجه تمشي زي ما ربك مدبرها والله التأخير ده كله خير..
زين : أبتسم ونعم بالله العظيم..
آدم : قام وقال.. طيب يلا بينا علشان منتأخرش ع جوز عمتك.. وزياد..
——————بقلمي مريم نصار..
فيلا الصاوي.. الزغاريد في كل مكان..
ساره : رفعت عينيها وضحكت بدموع..وقالت..
ـ مالك آسر ابننا يا مالك..
مالك : شاف آسر نازل ع السلم وحواليه شباب العيله ولابس بدلة الفرح.. وغصب عنه عيونه لمعت.. وفخور بهيبة ابنة..
آسر : قرب من جدو جاسر..
جاسر : حضنه..وقال. الف مبروك يا آسر ياحبيبى..
آسر : بفرحه.. الله يبارك فيك ياجدو..
وبص ل ملك وقال..ناناه.. إيه رأيك فيا؟
ملك : برجفه وفرحه كبيره.. ماشاء الله عليك يا آسر. الله أكبر ف عيون الناس..
آسر : باس ع أيديها وجبينها وقال.. ربنا يباركلنا فيكي ياحبيبتى..
مالك : خلاص بقى ياساره.كفايه عياط..هو رايح يحارب يعني.. ده إبنك هيعيش في البيت إللي ورانا..
ساره : بتعيط..برده يا مالك مش قادره اصدق أنه خلاص مش هيبقى موجود في اوضتة..
آسر : أبتسم وباس ع راسها وقال..
إيه بس ياست الكل مالك؟ ايش حال إني معاكي كمان في الشركه.. لو مبطلتيش عياط.. أنا ممكن أجل الفرح..
ساره : شهقت..فال الله ولا فالك يا آسر يابني.. ربنا مايجيب تأجيل..
أنا بعيط من فرحتي.. والله العظيم أنا ممصدقه. إني أم وبتجوز أبنها..
وضمته لحضنها وعيطت أكتر..
آسر : اتخنق بالدموع.وربت ع ضهرها.وقال..
ـ وبعدين ياماما..بجد انا مش هتحمل عياطك بالطريقه دي..
ساره : أخدت نفس عميق..وخرجت من حضنه وضحكت..وقالت..
ـ خلاص ياحبيب مامي.. أنا مش هعيط تاني. أهم حاجة فرحتك ياروح قلبي..
آسر : فرحتي انهارده إني أشوفك مبسوطه.. ومش عايز ضحكتك دي تختفي اتفقنا..!؟
ساره : ضحكت بسعاده وقالت..
ـ اتفقنا ياروح قلبي..
مالك : طيب ياجماعه يلا بينا الكل موجود عند السنتر..
آركان : يلا بينا يا عريس وانا اللي هسوق..
آسر : ركب عربية موديل السنه ومتزينه بطريقه جميله.. ومكتوب عليها.. حياة آسر في وسط قلب وبوكية ورد رقيق..
آركان : شغل أغاني..وساق وف طريقهم للسنتر..!! ———–
في السنتر..
حياة لابسه فستان زفاف ولا ف الخيال..
البنات بإنبهار..واووو حياة زي القمر..
حياة : أيديها متلجه من القلق والتوتر..
آرين : مالك ياحياة..
حياة : بقلق .مسكت ايد آرين..وقالت.. بصراحه يا آرين هموت من الخوف.. حاسه إني قلبي هيقف..
آرين : بدهشة..ليه يابنتي خايفه من إيه؟
حياة : بحرج وحيرة..مش عارفه أقولك إيه؟ بس من وقت ما ناناه ملك كلمتني وأنا مش ع بعضي وخايفه..
آرين : فهمت..وقالت اهاااا..علشان كده.. طيب بصي بقى والله أنا مبكدب عليكي..
صدقيني والله الموضوع سهل جدا..
حياة : بحرج..بجد يا آرين..يعني انتي مكنتيش خايفه.؟
آرين : ههههههههه أنا أكتر واحده اتاخدت غدر ههههه.
حياة : بعدم فهم..مش فاهمه تقصدي إيه؟
آرين : تعالي اقعدي هنا وسيبك مني خالص.. ركزي ف اللي هقولك عليه..
بصي يا حياة أنا سوري يعني معنديش الجراءه اني أتكلم ف حاجه زي دي.. بس كل اللي اقدر أقوله.. إن إحنا اللي بنوهم نفسنا بالخوف..
الموضوع عادي جدا وسهل..وكمان آسر بيحبك وهيخاف عليكي.. أنتي متقلقيش من أي حاجه.. وبكرة تقولي أنا خوفت ع الفاضي..
حياة : بترجي..بالله عليكي بتتكلمي بجد؟
آرين : طيب والله العظيم بتكلم جد.. اسمعي مني وافرحي..فرحك ده؟ ليله ف العمر سيبي قلبك يفرح كدا وفرفشي..
حياة : تنفست الصعداء وقالت. ربنا يطمنك زي ما طمنتيني يا آرين.. انا كنت هتكلم مع چود بس أحرجت..
آرين : شهقت وقالت.. أوعي تتكلمي معاها ف اي حاجه..
وصكت ع أسنانها بغيظ وقالت..دي الوحيده اللي غدرت بيا..الغشاااشه..
حياة : بتقولي إيه يا آرين.مش سامعه منك حاجه.
آرين : انتبهت..وقالت لا ياروحي مبقولش حاجه.. بصي آدم بيرن عليا.. انا هنزل ليه.. وهبعتلك ميرو. هى إللي هتنصحك بجد أوكي؟
حياة : هزت راسها أوكي..وبجد ميرسي جدا يا آرين.. انتي متعرفيش أنا كنت خايفه قد ايه..
آرين : أبتسمت..وقالت. ربنا يكمل فرحتك ع خير يقلبي..
و آرين راحت اتكلمت مع ميرو..ونزلت ل آدم.
وميرو راحت قعدت مع حياة وطمنتها..
وحياة اتبدل خوفها لفرحة كبيره..
آدم مراد : في العربية.. وشاف آرين نازله..ولابسه ع زوقه واختياره كالعاده.. ونزل ونزل وفتح ليها باب العربيه وركبت جمبه. وبيتكلموا مع بعض..
آسر وصل..والكل بيزغرد.. وطلع لعروسته..
حياة : واقفه واتوترت من آسر..
آسر : باس جبينها وبيضحك بفرحه من جمالها.. وقال. زي القمر ياحياة..وحضنها ولف بيها كتير.
حياة : حضنته بفرحه وبتضحك من قلبها..
آسر : نزلها وضمها.. وقدم ليها بوكيه الورد.. وحط أيدها ف دراعه وخرجوا من السنتر وسط فرحه كبيرة من كل العيله.. وخصوصاً الشباب..
زياد : قلبه اتخطف اول ما شاف بنته الصغيره اللي كبرت فاجأه وبقت أجمل عروسه في عيون أبوها..
حياة : اتشعلقت في رقبته وبتعيط..
زياد : ضمها لقلبه..وبيكابر مشاعرو ودموعه.. وضحك بتمثيل..وقال..
ـ بنتي كبرت وبقت أجمل عروسه.. وباس جبينها.
وكمل بحنان وقال..
ـ ألف مبروك ياحبيبتي..
حياة : بعياط..الله يبارك فيك يا بابي..
زياد : شفايفه رعشت من كتمان دموعه.. وقال.
وبعدين بقى..انتي عايزه بابي يعيط زي العيال الصغيره ولا إيه؟ وبعدين بتعيطي ليه؟ أوعي تكوني مفكره اني هسيبك في حالك.. لأ.. ده انتي بكره هتقولي هو بابي مش هيروح ولا ايه؟
حياة : هزت راسها بالنفي..وقالت..
ـ أبدا عمري ما أقولها ابدا يا بابي.. وبعيط علشان أبيه ياسين مش هيكون موجود في فرحي..!!!
ياسين : جه بسرعه وحضنها..وشالها ولف بيها..وقال مبروك مبروك ياقلب اخوكي..
الكل سقف والشباب صفرت..
حياة : ضحكت بدموع وقالت بفرحه.. أبيه ياسين.. ابيييه ياسين مش معقووول.. واتشعلقت في رقبته تاني..
ياسين : بضحكه..لسه مخلص المأموريه ياحبيبتي.. ألف مليون مبروك.. بس إيه القمر ده؟
حياة : بفرحه..ميرسي جدا.. أنا دلوقتي فرحانه اوي.
وبعد كده سلموا على كل العيله.. وزي طقوس اي فرح في العيله حصل بالظبط..
طلعوا ع السيشن وبعد كده القاعه وكان فرح جميل جدا..
وكان موجود فيه صحاب ساره من سيدات أعمال. وصحاب مالك و زياد.
ومثلت برمودا الامبراطور وطارق وبيتر..
وزين كان مع زياد ومالك ف كل خطوة.. وكل العيله عاشت أجواء وفرحة كبيره ل آسر وحياة..ورعد كان موجود لوحدو لأن هيلينا وباري في ايطاليا.
و آسر غنى ل حياة.. لكن حياة اتكسفت تغني.. واكتفت برقصه سلو مع آسر..
مصطفى و آركان كانوا الثنائي المتميز في إشعال أي فرحه للعيله.. وغنوا فقرة الشعبي ورقصوا وهيبروا. ومعاهم چواد وسعيد..
وياسين كان الأخ السند لأخته ورقص معاها وعيشها الفرحه إللي كانت بتحلم بيها..
همس كانت فرحانه اوي لأنها أول مرة تشوف سعادة ياسين بالشكل ده.. ورقصت معاه وكانت مبسوطه بياسين..
مليكة كانت الأم اللي بتسقف بفرحه مع دموع متتالية ومش قادره توقفها من فرحتها. وكمان إحساسها بفراق بنتها ليها..
لكن محمود وحمزه هونوا عليها.. ببرائتهم وحبها ليهم.
زين و يوسف عزيز جابوا التورته هدية للعرسان..
كارما كانت الأخت المبسوطة جدآ بفرح أخوها الكبير..
واتقابلت عينها ف عيون چوادها.. وابتدا اعتراف جديد من ميراث العشق بلغة العيون..
إن چواد عاشق.. وكارما تخطت الحب..وع أول سلمه ودرجة من درجات سلم العشق.
وعدا الفرح ع خير.مابين وداع مؤثر ووداع مبهج.. وكل واحد رجع ع بيته في اللي مبسوط وف إللي حزن الفراق مآثر عليه.
لكن احتواء ابطالنا لبعض يعدوا أي أزمة تقابلهم ووحده يعيشوها..
ف شقة آسر..
آسر : في اعتراف صريح.. حياة أنا طول عمري بحلم باللحظه اللي تكوني فيها ملكي..
حياة أنا بحبك أوي. بحبك لدرجة كبيرة مش عارف ممكن تتخيلها أو لأ..
أنتي حلم سنين طويلة أوي. ديما قلبي يومياً يعترف بعشقي ليكي..وانك حب كبير مهما تعدي بينا سنين.
أنا مش عارف اوصفلك مشاعري بالظبط..
لكن اللي اقدر اقولو ليكي.. إنك حياة آسر..
وقرب منها بحب كبير وعاش معاها لحظات اتحفرت في قلوبهم. وتعامل معاها بكل حب وخوف عليها..
وحياة عاشت معاه الحياه وخوفها كله مكنش ليه داعي.. واكتشفت فعلاً إن آسر حياتها..
وتم بحمد الله نقل ملكية حياة زياد ل حياة الصاوي..
حياة بصت ل آسر ف عينيه وقالت.. بحبك يا آسر..
——————بقلمي مريم نصار.
ونقول بعد أسبوعين كمان..
ف الطريق..
مصطفى ف العربية وقال. يابت هلعب في وشك البخت..
چود : الله..!!! ف ايه ياعم مصطفى؟ هى طالبه معاك خناق..
مصطفى : أنا طالبه معايا اضربك صدقي بقى..!! ماتجيبي بوسه. ههههه
چود : خبطت كف ع كف وقالت.. لا حول ولاقوة الا بالله..الله يخربيت الهرمونات..
يابني المفروض الهرمونات دي للحريم.. مش ناقصه جنان..
مصطفى : بصلها ورقص حواجبه.. وهى فين الحريم بكرشك ده.؟ هههههههه
چود : بص لنفسك وأنت تعرف..هههههه.
مصطفى : خبطها ع قفاها وقال.. ماتلمي لسانك اللي عايز تطهير ده..
چود : مصطفى قولي بحبك ياچودي..
مصطفى : باس كف أيدها وقال.. بعشق أمك ياتراب القمر.. بس ماكنش ليه لازمه نروح الهايبر انهردا..
چود : بتعب مكتوم..ياعم البنات هناك..وقالت إن في تخفيضات..
مصطفى : بتريقه وهما علشان هناك..لازم إحنا نكون في ديلهم؟ ومتشتري أون لاين ياستي..انتي ع اخرك..
چود : اوووف الجو حر أوي.. لأ متخفش مش هولد دلوقتي..
مصطفى : بسخريه..ليه حامل ف بغل هتحملي عشر شهور.. انتي ف التاسع ياچود..
چود : بغيظ..خبطته في كتفه وقالت..متقولش ع ابني بغل علشان مقلش منك..وبعدين محدش بيولد في شهر ٨
مصطفى : ههههههههه ليه رافعين الدعم ف شهر ٨ اااه يابطني يابا محدش بيولد ف ٨ ههههه. طيب يارب تولدي في شهر ٨ يابنت رودي..
چود : رفعت حاجبها وقالت..عارف لو دعوتك استجابت..هيبقى شهر بلاك عليك ياتيفا.. ودوس بنزين بقى خلينا نلحق البنات..
في مستشفى النور..
في مكتب ميرو..
الممرضه.. دكتوره مريم في حاله مستعجله بتصرخ من وجع عيينها وارسها.
ميرو : قامت بسرعه وقالت.تعالي هى فين..!!! وطلعوا بسرعه.. وميرو كشفت عليها ووصفت ليها اشعه وعلاج..
ميرو نازله من ع السلم.. وفاجأة داخت ومسكت في درابزين السلم قبل ما تقع.. وحاولت تتماسك..
الممرضه ساعدتها ووصلتها لحد المكتب..
ميرو : حست إن معدتها قالبه عليها وجريت ع الحمام..
وبعد شويه خرجت تعبانه ومجهده.. وبصت قدامها بقلق..وقالت بهمس.. ربنا يستر..!!!
ف الهايبر..
همس : ياسو ياسو.. شوفت قسم الشامبو ده.. يلهوي يخربيت الجمال..
ياسين : خلاص ياهمس.. كفايه انتي قولتي هتجيبي. لبس للولاد. واتفقنا ع كدا وبس..
همس : الله..!! جرا ايه ياسيادة النقيب.. أنت بتعمل معايا كدا ليه؟
ياسين : بص حواليه .وقال انتي بتكلميني أنا؟
همس : بتريقه..لأ بكلم رياض باشا.. وبعدين هو أنا ضحكت عليك؟ لسه موصلناش لقسم الملابس.. الله بص يا ياسو.. مناديل بريحة الفلاوله..
ياسين : كشر عينيه وقال..بريحة الايه ياهمس؟
همس : اوووف فرواله فرواله. أمسك بس.. وشالت خمس علب مناديل وحطتهم ف العربيه.. وعلب شامبو كتير..وكل خطوه تعجبها حاجه تجيبها..
ياسين : رافع عينيه للسما..ومتغاظ..
ف قسم الميكب..
ليليان : بانبهار..قالت واااو شوفت ياكيمو الاوبشن ده.؟ علبة ميكب وعليها اوبشن معطرات الشعر بجوز الهند والفراوله واللافندر..
كريم : من بين أسنانه.. لي لي ياحبيبتي..ده القسم اللي معرفش رقم كام وتنبهري نفس الانبهار وتحطي في العربيه وخلاص.. وبعدين انا جايبلك علبة ميكب وماركه كمان..!!
إحنا جايين هنا مع ياسين ومراته مش أكتر..
ليليان : حطت الميكب في العربيه.. فتحت عينيها بدهشه وقالت..كريم كريم. بص ياكيمو.. معطر الهدوم هناك وعليه اوبشن بردو.. تعالى ورايا. وراحت بسرعه تختار..
كريم : ماشي وراها بيأس..وهز راسه بنفاذ صبر..وقال.. لو الضرب مكنش حرام..!!! كنت ضربت نفسي..
مصطفى وجود وصلوا واتقابلوا.. وچود أي حاجه تعجبها تحطها في العربيه.
مصطفى : هرش في قفاه وقال. چود هانم. كفايه العربيه كلها اتملت حاجات ولا ليها ستين لازمه..
چود : حطت ايدها ف جمبها وقالت..تعرف إيه انت أنها ليها لازمه ولا لأ ها؟ قولي.
مصطفى : حط ايدو ف جيبه وقال.. في واحده تجيب فرش أسنان أطفال؟ لعيل لسه متولدش؟ وكمان هيستخدمها وهو عندو تلات ولا أربع سنين؟ والمعجون بتاعه؟
لأ وكمان جايبه شامبو وبلسم ل طارق اللي لسه متولدش..
چود : مسكت بطنها وكاتمه الألم..وقالت بغيظ.. لأ لأ لأ أنت بتكرهني أنا وابنك.. قول الحقيقة مستخسر في إبنك دستة فرش و ١٥ انبوبة معجون أسنان؟
أنت عارف الأسعار بتاعة دلوقتي..كمان شهر هتوصل لكام؟
أنا غلطانه يعني أني بوفر عليك..
مصطفى : أكره مين يامجنونة انتي؟ بت يلا بينا نرجع ع البيت.. أنا راجع من الشغل مفرهد.. وجعان وجاي معاكي ع لحم بطني..
چود : بنهم.. أممم صدق أنا جوعت.. والله أنا كمان مكلتش كنت مستنياك..
مصطفى : قرب منها بسرعه وقال..طيب ابوس ايدك يلا نمشي وهعزمك في أحلا مطعم بس نغور من هنا..
چود : ابتسمت بمكر وقالت.. واسيبك جعان كل ده؟ بينا ع قسم المواد الغذائية.. وسابته وماشيه.. وقالت.. العربيه يامصطفاااه..
مصطفى : خبط كف ع كف وقال .يابنت المجانين.. وايه ده كمان؟ عضاضه لطارق؟ وكمان سيريلاك لابني اللي مطلعش ع وش الدنيا؟
اطلع يبني تعالى شوف أبوك وأمك هيعملوا فيك إيه؟
بعد نص ساعه..
ف الهايبر/ قسم المواد الغذائية..
چود : اتألمت وصرخت بصوت واطي..
ليليان : مالك يا چود؟ عرقانه ليه كدا؟ حاسه بحاجه..
چود : صكت ع أسنانها وكاتمه الألم..وقالت مش عارفه ياليليان.وأنا ف الطريق..كل فتره تيجيلي خبطه ف ضهري وتروح..
ليليان : شهقت وقالت .ياخبر..دي بوادر ولاده ياچود..
مصطفى : جه وقال..هو ده ياستي نوع السمك اللي انتي عايزاه؟
چود : مسكت مصطفى من ياقة قميصه بقوه..
مصطفى : اتخض.. يخربيتك..!!! مالك ياچود أنتي اتحولتي كدا ليه؟
چود : صرخت ف وش مصطفى.. وقالت بألم.. الحقنااااااي يامصطفاااااه…!!! شكلي بووووولد وهيبقى يوووووم بلاااااااااك..
مصطفى : العلبه وقعت من أيدو وقال بصدمه.. إيه هتولدي؟
چود : بغيظ..لاااااااء بعمل بروووووفاااااا.. الحقوووونااااااااي…
ياسين وكريم ف القسم اللي جمبهم..وبصوا لبعض..
كريم : ده صوت چود ده مش كدا؟
ياسين : بتهيألي..تعالى نشوف في إيه؟
كريم : خارج بسرعه..وقال.. أستر يارب.. مش عايزين فضايح المجانين دول.. تلاقيهم بيضربوا بعض..
همس : جريت ف ايه ياجماعة..
ليليان : بتوتر.. الحقيني ياهمس..چود شكلها بتولد..
همس : فتحت عينيها بدهشه وقالت.. ياحالولي.. بتولد في الهايبر…!!
چود : صرخت ف وش همس وقالت.. معللللش يختاااااي نسيت أخد ميعاد.. تعالي ع بريستيجك شويه..والحقووونااااي يامعدومين الدم..
همس وليليان جريوا عليها.. سلامتك ياحبيبتي خدي شهيق وزفير..
چود : بغضب واضح ل مصطفى.. مشيهم من وشي.. بتوع شفيق وبهير دول..علشان مطلعش وجعي عليهم.. عااااااااااا ياباااباااااا.. عايزه اومااااااي…
الناس ف الهايبر اتلموا ع صوت چود..
مصطفى : بقلق واضح..تعالي ياچود..اسندي عليا ع مهلك..اء… أنا هاخدك ونروح المستشفى بسرعه..
چود : دموعها نزلت من الوجع وقالت.. بطني يامصطفى..بطني مش قادرة أتنفس..
مصطفى : سندها من ضهرها.. وقال بصوت عالى.. ليليان اتصلي على الدكتوره وقوليلها ع اللي بيحصل مع چود..
وواخد چود وطالع بيها من الهايبر..
ليليان : برجفه.اتصلت ع الدكتوره وهى ف انتظارهم في المستشفى
ياسين لمح ناس بتصور.. واضايق جدآ.. وزعق فيهم.. وبحكم شغله حذف كل الفيديوهات..
وخرجوا بسرعه وركبوا وماشيين ورا مصطفى..
ليليان وهمس بيتصلوا بكل العيله..
——————بقلمي مريم نصار.
فيلا السيوفي..
طارق : قام من ع السفره بسرعه..وقال بخوف حفيدتي بتولد..!!!
وبص ل رنا وقال.. البسي بسرعه..بسرعه..
رنا : طلعت تلبس وسط دعوات من قلبها بتسهيل الولاده.. واتصلت ع مريم..
فارس : نازل جري ع السلم وقال بقلق.. بابا چود بتولد.
طارق : بلهفه..عارف..بس روح انت بسرعه استنى بنتك هناك.. وزفته رودي فييين بتعمل إيه كل ده؟
فارس : أهدى يابابا..رودي نازله حالا..
طارق : ضم أيديه. وغمض وقال.. يارب يارب خليك مع حفيدتي وهون عليها..
وزعق يلا يا رنااا..وفين مراااتك انت كمان ..
رودي : نزلت جري..وقالت. أنا أهو.. يلا يا فارس.
فارس : أخد مراته وطلعوا على المستشفى..
رنا : نازله..وقالت. يلا يا طارق..
طارق : بتوتر وقلق..يلا.. و. كمل بجدية..وفين أخوها اللي عايش في الطراوه ده؟
رنا : ياراجل طراوة إيه؟ هو ف الجيم وهيعرف منين يعني؟ أنا هتصل عليه وهيجي جري..
طارق : ينرفزه..طيب طيب يلا..
وركبوا العربيه والسواق أتحرك..
بعد شويه..
ف مستشفى النور..
چود ع الترولي بتصوت..ومصطفى بيجري جمبها.
چود : قعدت ع الترولي..ومسكت ياقة قميص مصطفى.. وقالت بشر وألم..
دعيت عليا يابن يوسف؟ دانا هشلفط وشك.. اااااااه..
وسابته ونامت وبتصرخ..
مصطفى : بهمس..يابنت المجانين.. وقال بقلق حقيقي.. خلاص ياچود استهدي بالله هو انا يعني لو مكنتش دعيت مكنتيش هتولدي؟
چود : اتعدلت تاني..وقالت للممرضين.. استني أنت وهو..
ووقفوا..
ومسكت ياقة مصطفى تاني..وقالت.. وحيات أمك؟ أنا قولتلك مفيش حد بيولد في شهر ٨ تقوم أنت تدعي ساعة استجابه؟ دانا هشلوح حياتك.. اااااااااه.. وسابته ونامت..
مصطفى : للممرضين يلا ياعم أنت وهو اتحركوا..
وبص لچود.. وقال يابت اهمدي بقى أنا خايف عليكي..
چود : بألم.. عااااااااااا الله يخربيت الجواز على اللي عايزين يتجوزا.. ده مرااااااار طااااافح..
اااااااه وهولد إزاي وأنا ع لحم بطناااااي.. منك لله يامصطفااااااه..
مصطفى : بنفاذ صبر..مخلاص بقى علشان متغباش عليكي..
چود : عيطت وقالت..باباااا طاااارق الحقني..
مصطفى : تنح وبص وراه بسرعه..لكن كان بعيد شويه مسمعش..
طارق : جري عليها وبينهج بخوف.. وقال بلهفه.. چود ياحبيبتي..اطمني هتبقى بخير يابنتي..
چود : حضنته وعيطت وقالت.. الولاده صعبه أوي يا بابا..مش قادره خااالص..
طارق : طلعها من حضنه.. وطلع منديل ومسح وشها.. وقال.. والله هتبقى زي الفل..بس شدي حيلك كدا علشان نشوف طارق الصغير..
مصطفى : بقولها كدا والله ياجدو مش مصدقاني..
چود : بصريخ اووووسكت انتاااااا.. أنت السبب في اللي انا فيه دلوقتااااااي..
طارق : غمزلها..بس ياچود عيب الكلام ده..
چود : عااااااااااا حتى أنت كمان يابابا..اااااااه..
رودي : دخلت تجري.. چود ياحبيبتى.. حاسه بايه ياروحي…
چود : عااااااااااا خبط ف احشائي يامامي.. زي ما تقولي شبابيك البنكرياس في حرب مع الكلى وبطني هتفرقع..مع اني مكلتش حاجه والله.. ينفع اولد ع معده فاضيه؟ حرام عليكم.. ااااااااه.. منك لله يامصطفاااااه.. إبنك بيلعب تايكوووندووووه ياحالوللللللي..
مصطفى : مش انتي اتوحمتي على أخطبوط. أهو شغال بالعشرين أيد ورجل..
چود : انت بتقووول اييييه؟ متبرطمش وتسكت…!!
مصطفى : بقولك تولدي بالسلامه وهجيبلك اللي انتي عايزاه..
فارس : ساند رنا ووصلوا عند چود..
رودي : اهدي ياچود.. إن شاء الله هتولدي بدون ألم ياحبيبتى..
رنا : مسدت ع ضهرها..استهدي بالله كدا..وأدعي بالتيسير..
فارس : ضم راسها لقلبه..وباس ع راسها وقال.. إن شاء هتبقى أحسن ياحبيبتى..
چود : بعياط.. أنا خايفه اوي يابابي..
فارس : مسح دموعها وقال..والله هتبقى بخير..
مصطفى : شاف وشها شاحب وعرقانه..وقرب منها..
وقال بخوف حقيقي.. طيب حقك عليا مش عارف ع إيه بس حقك عليا وخلاص مش عايزك تزعلي ولا تضايقي..
ياچود أنا خايف عليكي.. بالله عليكي أهدي ياحبيبتى..
چود : مسكت ايدو وقالت بتعب شديد.. بتحبني يامصطفى؟
مصطفى : ضمها لقلبه وقال.. مصطفى بيموت فيكي ياچود..
چود : عيطت بوجع في حضنه..وقالت أنا تعبانه اوي يامصطفى..متسبنيش..
مصطفى : بتنهيدة تعب.. أنا معاكي ياچود..
الممرضه جت..وقالت لو سمحتوا.. واخدوا چود غرفة العمليات..
چود : تعالى معايا يامصطفى..
الدكتوره : مش هينفع يامدام چود..خلاص انتي قدامك عشر دقايق وإن شاء الله تقومي بالسلامه..
چود : بترجي بالله عليكي.. أنا بطمن وهو جمبي..
طارق : خلاص يادكتوره.. معلش خليه يدخل معاها..
محمد : جه من وراهم..وقال مصطفى يدخل مع مراته يادكتوره نسرين بعد إذنك..
الدكتوره : هزت راسها زي ما تحب يادكتور محمد..
محمد : مسد ع حجابها وقال.. اطمني ياحبيبتى..كل حاجه هتبقى تمام..ونور جيالك حالا..
چود : دخلت العمليات وعقموا مصطفى ودخل معاها..
والعيله بدأت تتجمع..
چواد : وصل بسرعه..ورايح جاي قدام العمليات..
طارق : قاعد وقلبه معاها..وقلقان..
آدم : ومريم وصلوا..وقعدوا معاهم..
فهد ورينو جم بسرعه.. وفريحه جت معاهم..
لكن زين ومراد ف الشركه..
مريم ويوسف جم بسرعه وبيدعوا من قلبهم..
ف العمليات..
چود : علقو ليها محلول مغذي. وعلاجات تانيه تظبط الضغط..
مصطفى : قرب منها وقال.. ها ياجود حاسه بحاجه؟
چود : هزت راسها وقالت.. ألم بسيط..
الدكتوره : برافو ياچود ادفعي أكتر ياحبيبتي..
چود : مسكت أيدو وضغطت عليها بقوتها.. ودفعت أكتر من مرة..
مصطفى : متابع ملامحها وبتتنفس بسرعه..وقلبه بيدق بخوف.. لكن فاجاة سمع صوت صريخ طفل..
چود : بتنهج..وشافته.مع الدكتوره..وضحكت بدموع. وهمست.. طارق أبني؟
مصطفى : بص للدكتوره..مع شعور اتولد مع ولادة إبنه..
الدكتوره : عملت اللازم لچود..
الممرضه : اتفضل حضرتك.. ولد زي القمر يتربى في عزك..وحطته بين أيديه..
مصطفى : ضحك بصمت وغصب عنه عيونه لمعت وبيراقب بتركيز كبير حركات البيبي..وهمس.. أبني؟ أنا بقيت أب..!
چود : بلعت ريقها بتعب..وقالت. عايزه أشوف أبني يامصطفى..
مصطفى : قعد جمبها بشويش.. وحطه بين ايديها. بحذر..
چود : ضحكت وبتعيط..ومشاعر متضاربه..
مصطفى : باس راسها..وحاوطها من كتفها..وقال مبروك ياچود.. الف مبروك يام طارق..!!!
بعد كده.. كشفوا ع البييي وجدو أشرف إذن ليه.. ونقلوا چود ع غرفتها.. والكل بارك وهنى..
طارق : شايل حفيدو..والضحكه مرسومه على وشه.. وقال. معقول أنا شايل إبن حفيدتي.. لأ وكمان إسمه طارق.. اوعى ياض تطلع لعمك كريم ولا حد من جدودك.. أنا عايزك تطلعلي انا وابوك..
الكل ضحك..
رنا : بضحكه.. يبقى الله يكون في عونهم هنا ومريم.. ع الجنان اللي هيشوفوا ع أيديهم..
طارق : بغيظ.. إيش فهمك أنتي.. أنتوا عالم معقده.. أعداء الفرحه.. صح ياض ياطارق..
آدم : أبتسم وربت ع رجل صاحبه..وقال.. يتربى في عزك ياصحبي..
طارق : بضحكه..ياعم قول نشوفه بيحبي ونتكل بعدها..
چود : بزعل..بعد الشر عليك يا بابا.. ياريت متقولش كدا تاني..
رنا : بخنقه..شوفت بقى مين عدو الفرحه..
طارق : بضحكه.. أنتوا اللي بهايم بتفهوا غلط.. أنا بقول ونتكل كان قصدي أروح المالديف أنا والحته بتاعتي.. ههههه
فهد : ضحك وقال.. أنوي بس أنت ياحج وسبلي نفسك خالص..
طارق : أيوه ياض يا فهد وكتر من المايوهات دانا هخربها في المالديف..
الكل ضحك..
فارس : شال حفيدو..وقال. نورت عيلة عزيز والسيوفي يا طارق ياحبيبي..
مصطفى : أسمعوا بقى..العقيقة آخر الأسبوع والاشتراك..مابين عزيز والسيوفي..اه أنا راجل لسه بشق طريقي..
الكل ضحك..
فهد : قال وعندي ليك خبر حلو يادرش..
مصطفى : بتركيز خير ياعمي..
فهد : طلع ورقه وقال أمسك دي هدية وصول إبنك بالسلامه..
مصطفى : إيه شيك بمليون ده ولا ايه؟ وفتح عينيه بدهشه وقال..مش معقول..؟ خدت اعفا من الجيش؟
طارق : شوفتوا الجنان.. أهو معترفوش بيه وطلعوه..
الكل ضحك وبارك لمصطفى لأنه مكنش حابب يدخل الجيش..
مصطفى : بفرحه..عليا النعمه الواد طارق عزيز وشه حلو ع أبوه..وهعمله أحلا عقيقه فيكي ياجمهوريه.. وبص لمريم وقال بتمثيل الغيظ.
وهعمل زي السُنه مابتقول بخروفين .مش خروف وارنب وتلات فرخات..!!
مريم ضحكت من قلبها..والكل ضحك.
مريم قالت : أنا مش عارفه مين ضحك عليك وقالك كدا؟
طيب ده جدك مصطفى الله يرحمه..كان عاملك عقيقة كأنه فرح.. مش كدا يابابا؟
أشرف : أبتسم وقال.. الله يرحمه..كان بيحب الخير.. وكمان افتكر ف عقيقة مصطفى كان دابح عجلين لله وكابشين..وجدك آدم شارك بعجلين كمان هديه
..بس إيه حكاية خروف وارنب وتلات فرخات مش فاهم؟
مريم : بضحكه.. أصل مصطفى مفكر أننا جايين عليه ياعيني هههه..
مصطفى : جرا إيه يامرمر هو محدش عارف يهزر معاكي..
مريم : لأ ياحبيبي هزر برحتك..ومبارك عليك. وربنا يجعله يانور عيني سند ليك في الدارين…!!!
وبعد كدا جه تيم وميرو و آدم و آرين وباقي العيله وباركوا ليهم..
و آسر وحياة اتصلوا عليهم وباركوا ليهم ع هدية ربنا ليهم..
تاني يوم ف مكتب ميرو..
دكتورة المعمل دخلت وقدمت ليها ظرف التحليل..
ميرو : فتحت الظرف بسرعه.. وقرأت التحليل.. وفتحت عينيها بصدمه كبيره.. وهمست بعدم تصديق.. حامل..!!!
——————بقلمي مريم نصار.
وبعد سنه كامله.. والدراسه بدأت.
طبعآ زي ما احنا عارفين إن آرين حاليا في رابعه
و آركان خلص واتعين ملازم أول.. وباري في تالته تجارة انجليزي.
و آسر ف رابعه حقوق و حياة ف تالته تربية وحامل.
وچواد تالته اكاديمي. وكارما تانيه جامعه آداب قسم انجليزي.
وسفيان في رابعه هندسه معماريي. و تالين في أولى هندسة
وسعيد اشتغل في شركة عزيز. ودعاء في تانيه جامعه تجاره. وأحمد في رابعه هندسه.
فيلا تيم عزيز.
محمد : يانور بالله عليكي شوفي الولاد بتعيط ليه؟
نور : قالت.. يزن معايا أهو.. ويامن مع ميرو بتغيرله..
محمد : فتح البسكوته ل جنى..وقال. طيب يامن ليه بيصرخ كدا؟
نور : أنت عارف إن يامن كان تعبان قوي ياحبيب قلبي..والسخونيه وجسمه مش متحمل..
محمد : بص ف الساعه.وقال نص ساعه وياخد حقنة المضاد الحيوي..
نور : قعدت وبتنيم يزن.. وقالت.. طيب أتصل ع تيم وشوفو أتأخر ليه؟ كل ده جاي ف الطريق..
تيم : داخل من الباب وقال.. السلام عليكم..
وردو عليه السلام
جنى : جريت عليه.بابي بابي..
تيم : شالها وفضل يبوس فيها..وحشتيني يابنت اللذين أنتي..
وسلم ع محمد ونور.. عاملين ايه ياجماعه..
نور : بخير ياحبيبى..
محمد : أطلع جهز الحقنه ل يامن..
تيم : باس يزن..وهز راسه حاضر..هى مريم فوق؟
نور : ايوه ياحبيبى بتغير ل يامن..
تيم : طالع وجنى طالعه جمبه وتيم شالها ع كتفه وبيضحك معاها..
ميرو : بتعب.. خلاص ي يامن بالله عليك.. بس بس ياروحي..خلاص مامي خلصت أهي. أنا وحشه خالص علشان مزعله يامن حبيب مامي..
يامن بيعيط..
تيم : خبط ودخل وقفل الباب..وقال بقلق.. ايه يامريم يامن بيعيط كدا ليه؟ هاتيه..وشاله.بين ايديه.
ميرو : بنوم..مش عارفه والله ياتيم. أكل واكلته.. وغيرت ليه هدومه مع أنها نضيفه. مش عارفه بقى أعمل أي؟
تيم : طيب ياحبيبتي. أهو بدأ يهدى أهو.. جهزي انتي الحقنه..وياخد المسكن وهيبقى زي الفل إن شاء الله..
ميرو : قامت بكسل..حاضر.. وجهزت الحقنه..
وتيم عطاها لابنه غصب عنه..وقال.. بصي شكلك ضايع خالص.. نامي شويه.. وأنا هاخد يامن وجنى وهنزل أقعد معاهم تحت..
ميرو : بتتاوب وقالت.. بس أنت لسه ماأكلتش.
تيم : متشغليش بالك بيا أنا هبعت ل عزه تجهزلنا الغدا..
وكمل بحيره..وقال..قبل ما انزل كنت عايز أقول إقتراح ومش عارف رايك إيه؟
ميرو : كشرت عينيها خير يا حبيبي.
تيم : يعني كنت بفكر اطلب من بابا وماما يعيشوا معانا هنا.. انتي عارفه إن ولادك عندهم أربع شهور وقد إيه بابا متعلق بيهم..وكل يوم والتاني ي……..!!!!
ميرو : قاطعته..وقالت أنت بتقول ايه ياتيم.. أنت بتاخد رأيي في حاجه هتفرحني.. طيب ياريت.. والله أنا كل يوم ببقى عايزه اطلب منك تقولهم.. لكن بخاف تفكر اني عايزاهم لمصلحتي الشخصيه.. بالعكس أنا ابقى مبسوطه جدا.. ده كفايه بس حب بابا محمد لأولادي.. ياريت بجد يوافقوا..
تيم : أبتسم وقال. تمام استريحي أنتي ونشوف الموضوع ده..!!!
——————بقلمي مريم نصار.
ف الجامعه..
آرين : خارجه من المحاضره ومكشره وزعلانه
زهره : إيه بقى يا آرين فوكيها شويه..
آرين : بتنهيدة اشتياق.. آدم وحشني أوي يا زهرة.. نفسي اسمع صوته.. تلات شهور ومعرفش عنه حاجه..لا هو ولا أخويا آركان..
زهره : ربنا يرجعهم ليكي بالسلامه.. بس فوكيها تكشيرتك دي مش هتجيبهم دلوقتي.. وعندي ليكي خبر حلو..
آرين : خير يا زهرة..
زهرة : بسعاده.. كتب كتابنا أنا ورائف الشهر الجاي..
آرين : افتكرت يوم كتب كتابها وأبتسمت بتنهيدة وقالت.. ألف مبروك ياحبيبتي..
وغمضت عينيها قالت.. امتى هترجع بقى يا آدم..
عند تجاره..
باري : خارجه من الجامعه.. وبصت ف الساعه وقالت.. اوووف السواق اتأخر ليه؟
واحد من الشباب جاي عندها.. الجميل واقف مستني حد..!!!
باري : بصتله من فوق لتحت.. وسابته ومشيت كام خطوه..
الشاب : اله اله اله.. الجميل تقلان عليا ولا ايه؟ طيب استنا ناخد وندي بشكل ودي.. أسمك ايه ياقمر..
باري : نفخت بخنقه وقالت جواها.. ياريتني روحت ل آرين..
الشاب : مترد عليا ياغزال..فرس . بالصلاه على النبي فرس واقف قدامي..
باري : بنفاذ صبر.. أنت إنسان همجي ومتخلف.. ومشيت بسرعه ورايحه تاني ع الجامعه..
الشاب : جري وقف قدامها..طيب انتي نرفوزه ليه؟ أنا عايز أتعرف والنعمه ماهتندمي.. رقمك إيه طيب.. 012 ولا زيرو عشره….!!!
باري : بتحذير.. ابعد عن وشي.. لأني ف ثانيه ممكن اطلبلك السكيورتي..
الشاب : ياجميل اسمعني ب……..!!!! ومكملش علشان ف أيد اتحطت ع كتفه..
باري : كانت خايفه لكن لما شافت حد هيتصرف اتنفست الصعداء أخيرا.. لكن قالت ياترى مين ده؟
وفتحت عينيها بصدمه وقالت .مستحيل..الهمجي؟
آركان : ضغط ع كتفه بقوة..وقال..هى مش قالتلك تبعد عن وشها ياشبح؟
الشاب : بسخريه.. والقمور واقف من بدري؟
آركان : بغمزه حصل..وبجهز نعشك.. تمشي بقى بما يرضى الله.. ولا تاخد ع قفا اللي خلفوك وبما يرضى الله بردو..!!!
الشاب : ياعم وسع كدا.. هى تخصك؟
آركان : بعند..اه تخصني..!!
باري : بصوت متغاظ. أنا معرفكش يا أستاذ همجي أنت..
الشاب : بضحكه.. أهي قالتلك متعرفكش..والموزه دي تخصني.. يلا ياحلو من هنا..
وهيمسك أيد باري علشان يمشي..
باري : فتحت عينيها بصدمه ولسه هتبعد..
آركان : بسرعه شد باري ورا ضهرو.. وقال بغضب مكبت..
أنا لو عايز اقلبها جنايه هعملها.. أنت دلوقتي تلف ضهرك وتغور من وشي علشان تروح لأمك سليم..
الشاب : بغيظ زق آركان من صدرو وقال . في ايه ياشبح.. أنت مستتخن عضلاتك ولا ايه؟..دانا افرمك هنا..والبت دي تلزمني..
باري : خافت..
آركان : صك ع أسنانه بغيره.. وضريه روسيه..
وبوكسات بسرعه ملحوظه..
باري : اتصدمت وحطت أيدها ع بوقها..وخافت..
آركان : بيضرب بغباء ومش شايف قدامه..
شباب قدام الجامعه..شالوا الشاب من آركان بالعافيه..
آركان : واقف بينهج.. وشاف باري واقفه بعيد وبتعيط..
وراح عندها بسرعه. انتي كويسه يا آنسه؟
باري : بغيظ.. أنت مالك أنت كويسه ولا لأ؟ أنت بتطلعلي منين يابني ادم أنت؟
آركان : قبض ع ايديه وقال. صدقي أنا غلطان إني ماسبتهوش يبلطج عليكي..
باري : بعند أكبر.. انا اقدر أحمي نفسي كويس جدا يامستفز..
آركان : قرب من وشها وقال ببرود.. تحمي نفسك بوشك المخطوف ده؟ دا انتي كان دقيقه وهيغمى عليكي يابنتي..
باري : صكت ع أسنانها وقالت..استغفر الله العظيم.. اتفضل امشي من هنا..!!!
آركان : رفع حاجبه وقال ببرود..مش همشي إلا لما تشكريني..
باري : ضحكت بسخريه..وقالت. أشكرك أنت؟ أجري بقى العب بعيد..
آركان : بغمزه أنا واقف في ملك الحكومه..
باري : كشرت عينيها بتعجب..وكانت هتضحك.. لكن رسمت الجديه وقالت.. اتفضل بقى لو سمحت من هنا
آركان : بعند..يامغروره يامتعجرفه أنا لسه عامل معاكي موقف جدعنه مني..يبقى على الأقل ومن باب الزوق تقولي شكراً..
باري : اتغاظت أكتر. وقالت . أنا متعجرفه..!؟ أنت إنسان….!!!
آركان : حط ايدو ع بقها وقال بتحذير.. أقسم بالله لو غلطتي تاني لاندمك ع اليوم اللي قابلتيني فيه.. ونزل أيدو وسابها ودخل الجامعه..
باري : واقفه مصدومه حرفياً من أيدو اللي حطها ع بوقها.. وهزت راسها بعدم استيعاب..
السواق وصل.. وقال.. اتفضلي يا هانم.. وآسف ع التأخير..
باري : ركبت ومسلوبة الإرادة..ورفعت عينيها ع بوابة الجامعه..وتايهه في أفكار كتير متلخبطه..!!
آرين : طيب يازهرة.. أنا يدوبك أمشي.
زهرة : هتروحي مع الدكتورة تمارا؟
آرين : لأ تمارا الحمل تاعبها.. وواخده أجازه.. آسر وحياة هيوصلوني..
آدم مراد : من وراها..
ـ طيب ممكن اوصلك أنا؟
آرين : لفت بسرعه مع دقة قلب..وصرخت بفرحه.. آداااام.. واتشعلقت في رقبته..ونسيت الزمان والمكان وقفلت عقلها على رؤية حبيبها اللي مفتقداه من شهور..
آدم مراد : أبتسم..وقلبه دق.. واستسلم لدقاته ورفعها من ع الأرض وفضل ضاممها لقلبه.. لحد ما بطلت عياط..
آرين : رفعت راسها وبصت عليه..وقالت. آدم أنت هنا صح؟ أنت رجعتلي مش كدا؟
آدم مراد : نزلها..وهز راسه ليها..ومسح دموعها..وقال.. أيوه ياضي آدم أنا رجعتلك..!!!
آرين : ضحكت بدموع وقالت.. زهرة مش قولتلك أنا حاسه إني هقابله قريب أوي. والله يا آدم لسه قايله ليها كدا دلوقتي.. أنا بجد كنت حاسة أوي إني هشوفك..
آدم مراد : أبتسم وقال..نمشي؟
آرين : بفرحة هزت راسها..وقالت نمشي..!!
آدم مراد : هز راسه وأبتسم ل زهرة واخد آرين ومشيوا..
آرين : ماشيه وماسكه ايد آدم كأنها ماسكه ايد باباها اللي كان مسافر ورجع بعد سنين..
آركان : قابلهم..وسلم ع آرين..وماشي معاهم ومتغاظ من اللي نفسه يضربها من تعجرفها معاه..
——————بقلمي مريم نصار.
عند زينب..
زينب : ضربت دعاء بالقلم..وقالت بتستعري مننا ياقليلة الربايه..
طيب يمين عظيم ما هتشوفي الشارع..
والجامعه دي آخر يوم تروحيها.. فاهمه يابنت الجنايني…!!!!
مجموعة العدوي..
زين : رد ع آريان بلهفه.. وقال..ها يا آريان جبت براءة الاختراع ولا لأ؟ ——
يتبع….
لقراءة الفصل التالي : اضغط هنا
لقراءة جميع حلقات الرواية اضغط على : (رواية جريمة عشق 5)