رواية حب عبر الانترنت الفصل الأول 1 بقلم رقية عبد الباسط
رواية حب عبر الانترنت الفصل الأول 1 بقلم رقية عبد الباسط
رواية حب عبر الانترنت البارت الأول
رواية حب عبر الانترنت الجزء الأول
رواية حب عبر الانترنت الحلقة الأولى
كنت قاعده عادى بقلب ف التلفون لما وصلى اول تعليق ع البوست اللى كنت منزلاه وانا بسأل اللى ف الجروب وكاتبه
_ماهو الحب من وجهه نظركم
واللى كان كاتب التعليق لقيته باعت اجابه ع السؤال واجابته كانت بتقول
_الحب هو أن تجعلها حلالك…
بصراحه عجبنى الرد اوى وخصوصا لأنى كنت متوقعه أن الرد يكون من الردود بتاعت اليومين دول اللى هى الحب يعنى الاهتمام … الحب يعنى الاحتواء … الحب معرفش اى وكل البتنجان ده…
دخلت ورديت ع صاحب التعليق وكتبت
_هو لسه فى ناس بتفكر كده ف الزمن ده
لاقيته بعد كده بعتلى تعليق تانى بعد دقيقه بالظبط وقال
_ كل زمن فيه الكويس وفيه الوحش بس احنا اللى مش بنشوف نص الكوبايه المليانه…
عجبنى الرد اكتر وقلت ف نفسى
_هو متدين وعاقل كمان…
رديت ع تعليقه وقولت
_فعلا والله … بس الناس بقيت وحشه اوى
الرد كان
_كل ابن أدم خطاء .. كلنا بنغلط لأننا بشر .. ولو الناس بقيت عكس كده فمش هيكونوا ناس ..
_اه بس الناس الكويسه بقيت قليله اوى
_كلنا فينا الخير وفينا الشر… والشاطر هو اللى مايخليش الشر يعلا عن الخير
فضلنا نرد ع بعض ف الكومنتات كده لحد الساعه ٢ بليل واحنا نبعت ونرد ع بعض
انا بصلى الحمد لله بس كنت شايفه أن دى مجرد تعليقات مش حاجه يعنى وانى مش هاخد عليها ذنوب ولا اى حاجه
لاقيته ف اللحظه اللى كنت بكلم فيها نفسى دى بعتلى تعليق وقال
_ قومى صلى قيام الليل فهو خيرٌ لك
ابتسمت تلقائيا من الجمله وروحت قفلت التليفون وقومت أتوضيت وصليت ركعتين قيام ليل واترميت ع السرير وانا فرحانه…..
كانت اول مره اقوم اصلى قيام ليل
مع انى محافظه ع الفروض بس كنت بكسل اقوم اصليه…..
نمت وانا مبتسمه…
نمت….
وحلمت….
كنت واقفه ف مكان زى المطار ولاقيت شخص بيقرب عليا ومد أيده ليا وادانى تذكره حج…
وده كان كل اللى كنت فاكره م الحلم
صحيت ع رنه المنبه والساعه كانت ١٠ قبل الظهر…
كالعاده مسكت تلفونى وفتحت الفيس …
لاقيت حد بعتلى ادد…
فتحت الادد لاقيته نفس الشخص اللى كنت برد عليه انبارح ف التعليقات…..
طب اقبل الادد ومش هنتكلم كده كده ولا لا واقفل اى باب للشيطان!!!
يتبع..
لقراءة الفصل التالي : اضغط هنا
لقراءة باقي حلقات الرواية اضغط على (رواية حب عبر الانترنت)